scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'మేమొకటి తలిస్తే.. కరోనా మరొకటి తలచింది!'

'కరోనా మనుషుల జీవితాలనే కాదు.. ప్రత్యేక సందర్భాల రూపురేఖల్ని కూడా మార్చేసింది..! అంతకుముందు వరకూ ఏ వేడుకైనా అందరితో కలిసి ఎంతో సంబరంగా జరుపుకొనే మనం ఇప్పుడు ఇంటికే పరిమితమై సింపుల్‌గా చేసుకోవాల్సి వస్తోంది. హైదరాబాద్‌కి చెందిన నవ్య కూడా తన కొడుకు పుట్టినరోజు వేడుకల విషయంలో ఇలాగే ఆలోచించింది. వాడి మొదటి పుట్టినరోజులాగే ఐదో పుట్టినరోజునూ ఘనంగా జరపాలనుకుంది.. అయినా కరోనా వల్ల అది సాధ్యం కాలేదు..! సరికదా.. సింపుల్‌గానైనా చేసుకుందామంటే అందుకూ కరోనా అడ్డుపడి.. మరోసారి తనను, తన కొడుకును నిరాశపరిచిందంటోంది. మరి, ఇంతకీ ఏమైంది? వాళ్ల బాబు పుట్టినరోజు వేడుకలు ఆగడానికి, కరోనాకు సంబంధమేంటి? రండి.. తన మాటల్లోనే తెలుసుకుందాం..!'

Know More

Movie Masala

 
category logo

వారి కథలకు ప్రాణం పోస్తూ కాసులు సంపాదిస్తోంది!

Young Crafter Yamini shares her success story, is very inspiring to us

మనమేదైనా కొత్తగా, కాస్త ప్రత్యేకంగా చేద్దామంటే ఎందుకో ఈ సమాజం అస్సలు ఒప్పుకోదు. ‘పైసాకి కొరగాని ఆ పని చేస్తే ఎంత, చేయకపోతే ఎంత..’ అంటూ పైగా కసుర్లు, విసుర్లు! అలాంటి మాటలు పట్టించుకొని ఎక్కడ వేసిన గొంగళి అక్కడే అన్నట్లు ఉంటే మన ప్రత్యేకత ఏముంటుంది? మనలో ఉన్న కళ ఏమైపోతుంది? అచ్చం ఇలాగే ఆలోచించిందా అమ్మాయి. ఎవరైతే తన కళను కొరగానిదన్నారో అదే కళ కాసులు కురిపిస్తుందని నిరూపించాలనుకుంది.. సూటిపోటి మాటలతో తన ఆసక్తిని అవమానించిన వారే ‘తనని చూసి నేర్చుకో’ అని ఉదహరించేంత స్థాయికి ఎదిగింది. ఆమే.. మినియేచర్‌ క్రాఫ్టింగ్‌లో తనకంటూ ప్రత్యేక గుర్తింపు సంపాదించుకున్న యామిని. కస్టమర్ల కలలకు తన క్రాఫ్టింగ్‌ కళతో ప్రాణం పోస్తూ, ‘మీకు మీరే సాటి’ అని వారితో ప్రశంసలందుకుంటోన్న ఈ యువ కళాకారిణి తన క్రాఫ్టింగ్‌ స్టోరీని ‘వసుంధర.నెట్’ తో ఇలా పంచుకుంది.

yaminicraftingstories650-5.jpg
‘నాన్నా.. ఆర్ట్స్‌ అండ్‌ క్రాఫ్ట్స్‌ అంటే నాకు చాలా ఇష్టం.. కాస్త ప్రోత్సహిస్తే ఇందులో కాసులు పండిస్తా..’ అన్నాను. ‘ముందు చదువు మీద దృష్టి పెట్టు. అదే మనకు తిండి పెడుతుంది.. ఆర్ట్స్‌, క్రాఫ్ట్స్‌కి బోలెడంత పెట్టుబడి పెట్టాలి.. అంత డబ్బు నా దగ్గర లేదు’ అన్నారు నాన్న. దీనికి తోడు ‘పైసాకి కొరగాని ఆర్ట్స్‌, క్రాఫ్ట్స్‌ వెంట పడతావేంటి.. అయినా పేపర్లతో బొమ్మలు తయారుచేసి అమ్మితే ఎంత పరువు తక్కువ’ అంటూ బంధువుల సూటిపోటి మాటలు! ఇలా చిన్నతనం నుంచి క్రాఫ్టర్‌ కావాలనుకున్న నా కల కలగానే ఉండిపోయింది.

ఈ మాటల్లో పడిపోయి నా గురించి పరిచయం చేసుకోలేదు కదూ.. నా పేరు యామిని. హైదరాబాద్‌లోనే పుట్టి పెరిగా. చదువంతా ఇక్కడే సాగింది. నాన్న ఓ ప్రైవేట్‌ కంపెనీలో ఉద్యోగం చేస్తుంటారు. అమ్మ గృహిణి. నాకో తమ్ముడున్నాడు. మధ్య తరగతి కుటుంబాల్లో చదువు, ఉద్యోగం అంటారే తప్ప పిల్లల్లో ఉన్న ఆసక్తిని అస్సలు గుర్తించరు. నా పరిస్థితీ అదే!

yaminicraftingstories650-9.jpg
అది నా ఆశకు ఆయువుపట్టు!
అందుకే ఇక లాభం లేదనుకొని కనీసం ఫ్యాషన్‌ డిజైనింగ్ వైపైనా వెళ్దామనుకున్నా. కానీ ఆర్థిక పరిస్థితులు అందుకు అడ్డుపడ్డాయి. ఇక చేసేది లేక ఇంజినీరింగ్‌లో జాయినయ్యా. అసలు నేను అనుకున్నదేంటి.. చేసేదేంటి.. ఇంజినీరింగ్‌లో చేరా కదా.. ఇక నా కల కనుమరుగైనట్లే! అని బాధపడ్డా. కానీ ఆ కాలేజ్‌లోని ‘నేషనల్‌ ఎంట్రప్రెన్యూర్‌ నెట్‌వర్క్‌’ నా ఆశకు ఆయువు పోసింది. అదో స్టూడెంట్స్‌ కమ్యూనిటీ. విద్యార్థుల్లో ఉన్న సరికొత్త ఆలోచనల్ని ప్రోత్సహించడం ఆ కమ్యూనిటీ ముఖ్యోద్దేశం. అందులో నేను సభ్యురాలిగా చేరా. ఆ క్లబ్‌ వేదికగా ఓసారి నిర్వహించిన ఆర్ట్‌ ప్లాట్‌ఫామ్‌లో నా కళను నలుగురికీ పరిచయం చేశా. అందులో భాగంగా క్విల్లింగ్‌ ఇయర్‌ రింగ్స్‌ తయారుచేసి అమ్మాను. అప్పుడు నా క్రాఫ్ట్స్‌కి వచ్చిన ఆదరణ చూసి నాకే ఆశ్చర్యం వేసింది. నా కళను పరోక్షంగా ప్రోత్సహించేవారు ఇంతమంది ఉన్నారా అనిపించింది. నిజానికి చెప్పాలంటే ఆ ఇయర్‌ రింగ్స్‌ తయారుచేయడానికి నేను చేసిన ఖర్చు కేవలం రూ.300. కానీ వాటిని అమ్మగా నాకొచ్చిన మొత్తం రూ. 5000. ‘నీలో ఉన్న కళ వృథా’ అని అందరూ అంటుంటే.. నిజమేనేమో అనుకునేదాన్ని..! కానీ కాదని నిరూపించేసరికి నాలో ఆత్మవిశ్వాసం రెట్టించింది. కాస్త సాన పెడితే నాలో దాగున్న కళతోనే కాసులు పండించచ్చని నిర్ణయించుకున్నా.

yaminicraftingstories650-3.jpg
ఆ సలహా వర్కవుట్‌ అయింది!
ఈ క్రమంలోనే పెయింటింగ్స్‌పై దృష్టి పెట్టాను. నా ఫ్రెండ్స్‌ సలహా మేరకు Creart@Studios అనే ఇన్‌స్టా పేజీ క్రియేట్‌ చేసి నేను వేసిన చిత్రాలను అందులో అమ్మకానికి ఉంచాను. కానీ అనుకున్నంత స్పందన రాకపోవడంతో దాన్ని అలాగే వదిలేశా. ఈలోగా ఇంజినీరింగ్‌ పూర్తయింది. ఆ తర్వాత ఎంబీఏ అయినా చేద్దామనుకున్నా. కానీ కుటుంబ ఆర్థిక పరిస్థితులు మరోసారి నన్ను వెనక్కి లాగాయి. దాంతో క్యాంపస్‌ ప్లేస్‌మెంట్స్‌లో వచ్చిన ఐటీ ఉద్యోగంలోనే చేరాల్సి వచ్చింది. ఉద్యోగం కోసం బెంగళూరు వెళ్లాను. ఉదయం నుంచి రాత్రి వరకు పనిలోనే సమయం గడిచిపోయేది. అయినా ఆర్ట్స్‌-క్రాఫ్ట్స్ పైన ఉన్న మమకారం అప్పుడప్పుడూ నన్ను పలకరిస్తూ ఉండేది. అలా ఓవైపు జాబ్‌ చేస్తూనే.. మరోవైపు వారాంతాల్లో పెయింటింగ్స్‌ వేసేదాన్ని. అయితే ఓసారి నా కొలీగ్‌ ఒకరు వాళ్ల ఫ్రెండ్‌కి గిఫ్ట్‌ ఇవ్వడానికి నా సలహా అడిగారు. క్రాఫ్ట్‌ బుక్‌ తయారుచేసి ఇవ్వచ్చుగా అని చెప్పా. ‘అదేదో నువ్వే చేసివ్వు’ అనడంతో సరేనన్నా. అది అందుకున్న వాళ్ల దగ్గర్నుంచి వచ్చిన ఫీడ్‌బ్యాక్‌ నాకు మరింత ప్రోత్సాహకరంగా అనిపించింది. ఆ తర్వాత ఇతర కొలీగ్స్‌కి కూడా కొన్ని క్రాఫ్ట్స్‌ చేసిచ్చాను. అయితే నాకు తెలిసిన వాళ్లకే కాదు.. తెలియని వాళ్లకూ నాలోని కళను పరియం చేయాలనే ఆలోచన అప్పుడొచ్చింది. అదే WE_CRAFT16 కి ప్రాణం పోసింది.

yaminicraftingstories650-8.jpg
బాలేదంటూ వంకలు పెట్టేవారు!
ఇన్‌స్టాగ్రామ్‌లో పేజైతే స్టార్ట్‌ చేశా.. కానీ ఒక ఉత్పత్తిని ఎలా మార్కెటింగ్‌ చేయాలో కూడా నాకు అప్పటికి సరైన అవగాహన లేదు. అయినా నేను చేసే క్రాఫ్ట్స్‌ ఫొటోలన్నీ ఆ పేజీలో పెట్టేదాన్ని. ప్రైవేట్‌ అకౌంట్‌గా ఉన్న పేజీని బిజినెస్‌ అకౌంట్‌గా మార్చితే మరింతమంది కస్టమర్లను ఆకర్షించచ్చనుకొని ముందడుగేశా. అలా నెమ్మదిగా నా క్రాఫ్ట్స్‌కి స్పందన రావడం మొదలైంది. అయితే ప్రారంభంలో నెలకు రెండు మూడు ఆర్డర్లు మాత్రమే వచ్చేవి. అందులోనూ నేను చెప్పే ధర వారికి నచ్చేది కాదు.. నా కష్టం వారికి అర్థమయ్యేది కాదు.. ‘ఇంత చిన్నదానికే అంత డబ్బు పెట్టి కొనాలా?’ అనేవారు. చేసిన క్రాఫ్ట్స్‌కి ఏవేవో వంకలు పెట్టేవారు. అయినా మారు మాట్లాడకుండా ఒక్కోసారి నేను పెట్టిన మొత్తం కంటే తక్కువ ధరకే అమ్మేదాన్ని. కానీ ఆ తర్వాత మార్కెటింగ్‌ నైపుణ్యాల్ని ఒక్కొక్కటిగా నేర్చుకోవడం మొదలుపెట్టా. కస్టమర్లతో ఎలా మాట్లాడాలి? ఒక ఉత్పత్తి గురించి వారికి ఎలా వివరించాలి? ఉత్పత్తి విలువ ఎలా పెంచుకోవాలి? అన్న అంశాలపై చాలా విశ్లేషణ చేశాను. ఇందుకోసం ఆన్‌లైన్‌లో బ్లాగ్స్‌ చదివేదాన్ని. యూట్యూబ్‌లో మెలకువలు తెలుసుకునేదాన్ని. అలా ఓవైపు నా క్రాఫ్ట్స్‌ నైపుణ్యాల్ని మెరుగుపరచుకుంటూనే.. మరోవైపు నా కష్టం కస్టమర్లకు అర్థం చేయించడానికి దాదాపు ఆరు నెలలు పట్టింది.

yaminicraftingstories650-7.jpg
నా క్రాఫ్ట్స్‌ ప్రత్యేకత అదే!
క్రాఫ్ట్స్‌ తయారుచేయడానికి మొదట్లో పేపర్స్‌, కార్డ్‌బోర్డ్స్‌ వాడేదాన్ని. ఇప్పుడు ఫోమ్‌ బోర్డ్‌ని వాడుతున్నా. అయితే ఇప్పటికీ వీటి తయారీ కోసం నా వద్ద ప్రత్యేకమైన మెషినరీ అంటూ ఏమీ లేదు. కస్టమర్ల ఆలోచనల మేరకు పెళ్లిరోజు, పుట్టినరోజు, పర్సనల్‌ మీట్స్‌, ప్రపోజల్‌, ఇతర ప్రత్యేక సందర్భాలు.. ఇలా వారు చెప్పిన థీమ్‌ని బట్టి క్రాఫ్ట్స్‌ తయారుచేస్తుంటా. ఈ క్రమంలోనే కస్టమర్ల దగ్గర్నుంచి థీమ్‌ స్టోరీ కలెక్ట్‌ చేసుకొని.. ఆ కథలోని పాత్రలను మట్టితో చిన్న చిన్న మినియేచర్స్‌లా తయారుచేసి ఒక బాక్స్‌లో పొందుపరుస్తా. ఆ బాక్స్‌కి హంగులద్దడానికి నేనే ప్రత్యేకంగా ప్రింట్స్‌ తయారుచేసుకుంటా. అయితే నా చేతిలో రూపుదిద్దుకునే ప్రతి క్రాఫ్ట్‌కి నా మార్క్‌ ఉండాలనేది నా తాపత్రయం. అందుకే స్క్రాప్‌ బుక్‌ అయినా, మినియేచర్‌ క్రాఫ్ట్‌ అయినా దానికి ఒక ఆకట్టుకునే పేరు పెడతాను. దాని కింద ఒక చిన్న స్టోరీ రాస్తా. ఇలా నా క్రాఫ్ట్స్‌ ప్రత్యేకత చూసి చాలామంది కస్టమర్లు నన్ను ప్రశంసిస్తుంటే నాలో కలిగే ఆనందం, ఉత్సాహం వర్ణనాతీతం. అయితే వారిచ్చే ఫీడ్‌బ్యాక్‌ విషయంలో మాత్రం నేను అస్సలు రాజీ పడను. ఎందుకంటే అదే కదా నన్ను నేను ఇంకా ఏయే అంశాల్లో మెరుగుపరచుకోవాలో తెలిపేది!

yaminicraftingstories650-1.jpg
లాక్‌డౌన్‌ నాకు ప్లస్!
నా క్రాఫ్టింగ్‌ పేజీ ప్రారంభమై దాదాపు ఏడాదిన్నర దాటింది. ఈ క్రమంలో పనిలో నా వేగాన్ని, ఉత్పత్తి నాణ్యతను పెంచుకున్నా. దాంతో ఒకప్పుడు నెలకు రెండు మూడు ఆర్డర్లు రావడమే గొప్ప అనుకున్న నాకు.. ఇప్పుడు నెలకు నలభైకి మించి ఆర్డర్లొస్తున్నాయి. అందులో విదేశీయులూ ఉన్నారు. ప్రస్తుతం నాకు ఒక్కో క్రాఫ్ట్‌ తయారుచేయడానికి రెండు రోజుల సమయం పడుతుంది. అయితే అది కూడా ఒకేసారి రెండు మూడు క్రాఫ్ట్స్‌పై దృష్టి పెట్టి వాటిని పూర్తి చేస్తున్నా. ఈ క్రమంలో నాన్న, తమ్ముడు నాకు చాలా సహాయం చేస్తున్నారు. ముఖ్యంగా మొదట్లో ‘నువ్వు ఇది చేయడానికి వీల్లేదు’ అన్న నాన్నే ఇప్పుడిలా నన్ను ప్రోత్సహిస్తుంటే చాలా ఆనందంగా ఉంది. ఇక ప్రస్తుతం ఇంటి నుంచే ఉద్యోగం చేస్తోన్న నాకు లాక్‌డౌన్‌ మరింత ప్లస్‌ అయింది. ఈ సమయంలో చాలామంది బోరింగ్‌గా ఫీలయ్యారు. కానీ నాకు మాత్రం ఆర్డర్ల మీద ఆర్డర్లొస్తున్నాయి. నా ఫాలోవర్ల సంఖ్య కూడా అమాంతం రెట్టింపైంది.

yaminicraftingstories650-4.jpg
ఇది నాతోనే ఆగిపోకూడదు!
ఇలా ఓవైపు ఉద్యోగం, మరోవైపు క్రాఫ్ట్స్‌ తయారుచేస్తూనే ‘డ్రస్‌ మై క్రాఫ్ట్‌’ (క్రాఫ్ట్స్‌ మెటీరియల్స్‌ అమ్మే సంస్థ) అనే ఇంటర్నేషనల్‌ బ్రాండ్‌కి ఇన్ఫ్లుయెన్సర్‌గా కూడా వ్యవహరిస్తున్నా. ప్రస్తుతానికైతే ఇలా నా బిజినెస్‌ మూడు పువ్వులు, ఆరు కాయలుగా సక్సెస్‌ఫుల్‌గా సాగుతోంది. ఇలా ఇన్ని పనులు ఒక్కరే ఎలా బ్యాలన్స్‌ చేస్తున్నారని మీరు అనుకోవచ్చు. ఏదైనా ఇష్టంగా చేస్తే అందులో కష్టమేముంది చెప్పండి! ఇన్‌స్టా పేజీకే నా క్రాఫ్ట్స్‌ని పరిమితం చేయాలని నేను అనుకోవట్లేదు. త్వరలోనే నాకంటూ సొంత వెబ్‌సైట్‌ ప్రారంభించే పనిలో ఉన్నా. క్రాఫ్టింగ్‌ ద్వారా మరింతమందికి ఉపాధి కల్పించాలనుకుంటున్నా. క్రాఫ్ట్స్‌ తయారుచేయడమే కాదు.. అందుకు ఉపయోగపడే వస్తువుల్నీ అమ్మాలనే ఆలోచన ఉంది. క్రాఫ్ట్స్‌ తయారీ గురించి ఆన్‌లైన్‌ ట్యుటోరియల్స్‌ చెప్పమని చాలామంది నన్ను అడుగుతున్నారు. త్వరలోనే వారి కలను కూడా నెరవేర్చబోతున్నా. ఇలా భవిష్యత్తులో పూర్తిగా క్రాఫ్టింగ్ పైనే దృష్టి పెట్టేందుకు సమాయత్తమవుతున్నా.
భవిష్యత్తు మనదే!
ఆర్ట్స్‌, క్రాఫ్ట్స్‌ అంటే చాలామందిలో చులకన భావం ఉంది. దాని వల్ల సమయం వృథా, పెట్టిన పెట్టుబడి వ్యర్థం తప్ప మరే ప్రయోజనం ఉండదనుకుంటారు. కానీ ఈ కళతో కాసుల వర్షం కురిపించచ్చు. అందుకు నేనే ఉదాహరణ. కరోనా ప్రభావంతో చాలామంది ఉద్యోగం పోయింది. ఇందులో ఎక్కువగా మహిళలే ఉన్నారు. అలాంటి వారు ‘నాకు ఉన్న ఉపాధి కూడా పోయిందే’ అని బాధపడకుండా.. మీలో ఉన్న కళను నిద్రలేపండి.. దానికి మీ ప్రత్యేకతల్ని అద్దండి.. చక్కటి ఉపాధి మార్గంగా మలచుకోండి. నలుగురికీ స్ఫూర్తిగా నిలవండి. మన దేశంలో కళలకు ఇప్పుడిప్పుడే ఆదరణ పెరుగుతోన్న ఈ తరుణంలో ధైర్యంగా అడుగు ముందుకేయండి. ముందున్న భవిష్యత్తంతా మనదే! ఇష్టపడితే ఏదీ కష్టమనిపించదు! దేన్నైనా విశ్లేషించి నేర్చుకుంటే విజయం తప్పక వరిస్తుంది. నా సక్సెస్‌ సీక్రెట్‌ కూడా అదే!

- కె. గౌతమి





women icon@teamvasundhara
tanya-gupta-shares-her-baking-story-which-is-her-childhood-dream

కరోనా ఈ అమ్మాయి కలను ఆపలేకపోయింది!

పెద్దయ్యాక నేను డాక్టరవ్వాలి, ఆర్కిటెక్ట్‌ అవ్వాలి అని ఒక్కొక్కరికీ ఒక్కో కల ఉంటుంది. అయితే పెరిగి పెద్దయ్యే కొద్దీ కొంతమంది తమ కలల్ని మార్చుకుంటే.. మరికొందరు చిన్ననాటి కలను నెరవేర్చుకునేదాకా నిద్రపోరు. జమ్మూ-కశ్మీర్‌కు చెందిన తన్యా గుప్తా కూడా అంతే! చిన్నతనం నుంచే బేకింగ్‌పై మక్కువ పెంచుకున్న ఆమె.. దానికోసం మంచి జీతమొచ్చే ఉద్యోగం కూడా వదులుకుంది. అంతలోనే కరోనా మహమ్మారి విజృంభించడంతో అప్పుడప్పుడే అభివృద్ధి చెందుతోన్న తన వ్యాపారం ఒక్కసారిగా కుదేలైనా వెనక్కి తగ్గలేదామె. కొత్తగా ఆలోచించి, తన ఉత్పత్తుల్ని సరికొత్తగా ప్రమోట్‌ చేయడం ప్రారంభించి.. ఈ కరోనా సమయంలోనూ వినియోగదారుల్ని ఆకట్టుకుంటోంది. నిర్దేశించుకున్న లక్ష్యాన్ని చేరుకోవాలనే గట్టి పట్టుదల ఉంటే ఎన్ని అడ్డంకులెదురైనా మన పయనాన్ని ఆపలేవంటోన్న తన్యా అంతరంగమిది!

Know More

women icon@teamvasundhara
aishwarya-sridhar-first-indian-to-win-wild-life-photographer-of-the-year-award

ప్రకృతితో పాలపుంతను సృష్టించింది.. అవార్డు పట్టేసింది!

ఫొటోగ్రఫీ.. అమ్మాయిలు చాలా అరుదుగా కనిపించే రంగం. సరదాగానో లేదంటే హాబీ అనో కొందరు కెమెరాలు క్లిక్‌మనిపించినా.. వైల్డ్‌ లైఫ్‌ ఫొటోగ్రఫీనే పూర్తిస్థాయి కెరీర్‌గా మలచుకున్న అమ్మాయిలు మాత్రం చాలా తక్కువనే చెప్పుకోవచ్చు. అలాంటి అరుదైన అమ్మాయిల జాబితాలోకి వస్తుంది 23 ఏళ్ల ఐశ్వర్యా శ్రీధర్‌. చిన్నప్పుడు తండ్రితో కలిసి అడవికి వెళ్లి సరదాగా ఫొటోలు తీసిన ఆమె.. తన ఆసక్తికి కాస్త సృజనాత్మకతను జోడించింది. వైల్డ్‌ లైఫ్‌ ఫొటోగ్రఫీనే కెరీర్‌గా మలచుకుని 12 ఏళ్ల నుంచే ప్రకృతి అందాలను ఫొటో ఫ్రేముల్లో బంధించడం మొదలుపెట్టింది. తన ఫొటోగ్రఫీ ప్రతిభకు తార్కాణంగా ఎన్నో అవార్డులు, పురస్కారాలు అందుకున్న ఈ టీనేజ్‌ సెన్సేషన్‌ తాజాగా ప్రతిష్ఠాత్మక ‘వైల్డ్‌ లైఫ్‌ ఫొటోగ్రాఫర్‌ ఆఫ్‌ ద ఇయర్‌’ పురస్కారాన్ని సొంతం చేసుకుంది. తద్వారా ఈ పురస్కారాన్ని గెలుచుకున్న తొలి భారతీయ మహిళగా చరిత్ర సృష్టించింది.

Know More

women icon@teamvasundhara
bangladeshi-woman-cricketer-wedding-photoshoot-goes-viral

క్రికెటర్ల వెడ్డింగ్‌ ఫొటోషూట్స్‌ ఇలాగే ఉంటాయి!

పెళ్లిలో ఫొటోలకున్న ప్రాధాన్యత గురించి ప్రత్యేకంగా చెప్పక్కర్లేదు. ఇక కొత్తగా వివాహ బంధంలోకి అడుగిడబోతున్న దంపతులు తమ పెళ్లి జ్ఞాపకాలు పదికాలాల పాటు పదిలంగా ఉండాలని ప్రి వెడ్డింగ్‌ ఫొటోషూట్‌ తీయించుకోవడం పరిపాటిగా మారిపోయింది. సెలబ్రిటీలు, సామాన్యులు అనే తేడాల్లేకుండా అందరూ ఈ నయా ట్రెండ్‌ను అనుసరిస్తున్నారు. కొన్ని పెళ్లి జంటలు వినూత్న ఫోటోషూట్‌లతో వార్తల్లో నిలిస్తే, మరికొందరు సాహసోపేతంగా ఫొటోలు తీయించుకుని సోషల్‌ మీడియాలో వైరల్‌ అవుతున్నారు. ఈక్రమంలో ఎలాంటి హంగు ఆర్భాటాలకు పోకుండా తనకు ఇష్టమైన క్రికెట్‌ బ్యాట్‌ పట్టుకుని వెడ్డింగ్‌ ఫొటోషూట్‌లో పాల్గొంది బంగ్లాదేశ్‌ అంతర్జాతీయ మహిళా క్రికెటర్‌ సంజిదా ఇస్లామ్‌. పెళ్లి దుస్తులు, ఒంటి నిండా ఆభరణాలు ధరించి క్రికెట్‌ గ్రౌండ్‌లోనే బ్యాటింగ్‌ చేసింది. ఆటమీద ఆమెకున్న అభిమానానికి అంతర్జాతీయ క్రికెట్‌ కౌన్సిల్‌ (ఐసీసీ) కూడా ఫిదా అయ్యింది. అందుకే తమ అధికారిక ట్విట్టర్‌లో సంజిదా ఫొటోలను షేర్ చేస్తూ అభినందనలు తెలిపింది.

Know More

women icon@teamvasundhara
indian-american-girl-anika-chebrolu-wins-25000-usd-for-work-on-potential-covid-19-cure

కరోనాకు చెక్ పెట్టే ప్రాజెక్ట్‌తో ఆ పోటీలో గెలిచింది!

ప్రస్తుతం ప్రపంచమంతా కరోనా మహమ్మారిని అంతమొందించే టీకా కోసం కళ్లు కాయలు కాచేలా ఎదురుచూస్తోంది. ఈ క్రమంలోనే ఓవైపు కరోనా బాధితులకు ఉపశమనం కలిగించే మందుల్ని పలు ఫార్మసీ కంపెనీలు విడుదల చేస్తుండగా.. మరోవైపు ప్రయోగ దశలో ఉన్న కొన్ని టీకాలు ఒక్కో దశనూ విజయవంతంగా దాటుకుంటూ అందరిలో ఆసక్తిని రేకెత్తిస్తున్నాయి. అయితే తాను రూపొందించిన ఓ ప్రాజెక్ట్‌ కరోనా వైరస్‌కు రక్షణగా ఉండే ప్రొటీన్‌ పొరకు ముకుతాడు వేస్తుందని చెబుతోంది ఇండో-అమెరికన్‌ టీన్‌ అనికా చేబ్రోలు. అంతేకాదు.. ఈ ఆవిష్కరణ తనను ఈ ఏడాదికి గాను ‘3M యంగ్‌ సైంటిస్ట్‌ ఛాలెంజ్‌’లో గెలిచేలా చేసింది. ఇందుకు గాను సుమారు రూ. 18 లక్షలకు పైగానే నగదు బహుమతి అందుకున్న అనికా తన గురించి, తన ప్రయోగం గురించి ఇలా చెప్పుకొచ్చింది.

Know More

women icon@teamvasundhara
neet-2020-akansha-singh-tops-the-medical-entrance-exam

అలా ‘నీట్‌’గా ర్యాంకులు సాధించారు!

మన దేశంలో మెడిసిన్‌ కోర్సులకు ఉన్న డిమాండ్‌ గురించి ప్రత్యేకంగా చెప్పక్కర్లేదు. మంచి మెడికల్‌ కళాశాలలో సీటు సంపాదిస్తే..విద్యార్థుల బంగారు భవిష్యత్‌కు మార్గం సుగమమైనట్లే. అందుకే మెడిసిన్‌ ఎంట్రన్స్‌ పరీక్షల్లో మంచి ర్యాంకు కోసం ఎంతోమంది విద్యార్థులు కష్టపడుతుంటారు. ఈ క్రమంలో దేశ వ్యాప్తంగా ఎంబీబీఎస్‌, బీడీఎస్‌ కోర్సుల్లో (2020-21) ప్రవేశాల కోసం నిర్వహించిన జాతీయ అర్హత ప్రవేశ పరీక్ష (నీట్‌) ఫలితాలు తాజాగా విడుదలయ్యాయి. ఈ ఫలితాల్లో 720 మార్కులతో ఒడిషాకు చెందిన షోయబ్ అఫ్తాబ్‌ టాపర్‌గా నిలిచాడు. బాలికల విషయానికొస్తే దిల్లీకి చెందిన ఆకాంక్షా సింగ్‌ కూడా 720 మార్కులు సాధించినప్పటికీ రెండు ర్యాంకులో నిలిచింది. వయసులో ఆమె షోయబ్‌ కన్నా చిన్నది కావడంతో రెండో ర్యాంకుతోనే సరిపెట్టుకుంది. మరి ఆమెతో పాటు టాప్‌-10 ర్యాంకుల్లో నిలిచి సత్తా చాటిన కొందరి విద్యార్థినుల గురించి తెలుసుకుందాం రండి...

Know More

women icon@teamvasundhara
10-year-old-girl-makes-record-by-cooking-33-dishes-in-an-hour

గంటలో 33 వంటకాలు.. ఈ చిన్నారికే సాధ్యం..!

సాధారణంగా పదేళ్ల వయసంటే చదువు, ఆటపాటలతో ఆనందంగా గడుపుతుంటారు పిల్లలు. ఇప్పుడంటే స్కూళ్లు లేవు కాబట్టి చిన్నారులు అమ్మ వండిపెట్టింది తింటూ.. ఫోన్‌, టీవీ చూస్తూ కాలక్షేపం చేస్తున్నారు. మరికొంతమందేమో ఆన్‌లైన్‌ క్లాసుల బిజీలో ఉన్నారు. అయితే కేరళకు చెందిన ఓ పదేళ్ల చిన్నారి మాత్రం చకచకా వంటకాలు వండేస్తూ రికార్డులు సృష్టిస్తోంది. ఒకసారి తింటే మళ్లీ మళ్లీ తినాలనిపించేంత రుచిగా, మెరుపు వేగంతో రుచికరమైన వంటకాలు చేస్తూ అందరినీ ఆశ్చర్యపరుస్తోంది. మరి పదేళ్ల వయసులో గరిటె తిప్పుతూ ప్రపంచ రికార్డులు సృష్టిస్తోన్న ఈ కుకింగ్‌ గర్ల్‌ గురించి మరిన్ని విషయాలు తెలుసుకుందాం రండి...

Know More

women icon@teamvasundhara
kerala-girl-singhs-himachali-folk-song-wins-pm-modi-praise
women icon@teamvasundhara
onen-nenty-this-nagaland’s-woman-biker-giving-riding-classes-to-women-as-path-to-jobs

బైక్‌ ఎందుకు.. వంట నేర్చుకో అన్నారు!

పెద్ద పెద్ద బరువైన బైక్స్‌ నడపడం అబ్బాయిలకే సాధ్యమనుకుంటారు.. ఒకవేళ అమ్మాయిలు ధైర్యం చేసి నడిపినా వారిని ‘ఇదంతా నీకు అవసరమా?’ అన్నట్లుగా ఎగాదిగా చూస్తారు. ఇలాంటి వాళ్ల మాటలు పట్టించుకోకుండా బైక్‌ రైడింగ్‌ని ఎంజాయ్‌ చేయడంతో పాటు ‘ఎలాంటి బైక్‌ అయినా నడిపే సత్తా అమ్మాయిలకూ ఉంద’న్న బలమైన సందేశాన్ని చాటుతుంటారు కొంతమంది అతివలు. నాగాలాండ్‌కు చెందిన ఓనెన్‌ ఎంటీ కూడా ఇదే కోవకు చెందుతుంది. బైక్స్‌ అబ్బాయిలే నడపాలన్న నియమం ఎక్కడా లేదని, అలా అనుకునే వాళ్ల ఆలోచనల్ని పూర్తిగా మార్చేయాలన్న ఉద్దేశంతోనే తాను బైక్‌ రైడింగ్‌ నేర్చుకున్నానంటోందీ 28 ఏళ్ల బైకింగ్‌ సంచలనం. కేవలం తాను నడపడమే కాదు.. బైక్‌ రైడింగ్‌ వైపు అమ్మాయిల్ని, మహిళల్ని చైతన్యవంతుల్ని చేయడం కోసం గతేడాది బైక్‌పై ఒంటరిగానే రాష్ట్రమంతా చుట్టేసింది ఓనెన్‌. ఇక ప్రస్తుత ప్రతికూల పరిస్థితుల్లో ఈ బైక్‌ రైడింగే అతివలకు ఉపాధి మార్గంగా ఉపయోగపడుతుందంటూ ఔత్సాహిక మహిళలకు బైక్‌ రైడింగ్‌ పాఠాలు నేర్పుతోంది. మహిళలు తాము కన్న కలల్ని నిజం చేసుకున్నప్పుడే సంపూర్ణ సాధికారత సాధ్యమవుతుందంటోన్న ఈ నాగాలాండ్‌ బైకర్‌ కథేంటో మనమూ తెలుసుకుందాం రండి..

Know More

women icon@teamvasundhara
texas-teen-breaks-guinness-world-record-for-longest-legs-in-telugu

గిన్నిసుకెక్కిన ఈ పొడుగు కాళ్ళ సుందరిని చూశారా?

'సామజ వరగమనా...' అంటూ అల వైకుంఠపురములో పూజా హెగ్డే వెంట పడ్డ ఒక్క అల్లు అర్జునే కాదు.. కాస్త పొడవుగా ఉన్న అమ్మాయి రోడ్డు మీద కనిపిస్తే చాలు... అందరి కళ్ళూ సాధారణంగా అటు వైపే తిరుగుతాయి. ఎందుకంటే పొడవైన కాళ్లు అమ్మాయిలకు అదనపు అందాన్నిస్తాయి. అందుకే మోడలింగ్‌, ఫ్యాషన్‌, సినిమా రంగాల్లో కూడా సాధారణంగా పొడుగు కాళ్ల అమ్మాయిలకే ఎక్కువ అవకాశాలు లభిస్తుంటాయి. ఈ నేపథ్యంలో అమెరికాలోని టెక్సాస్‌కు చెందిన ఓ యువతి తన పొడవైన కాళ్లతో ప్రపంచం దృష్టిని ఆకర్షించింది. ఏకంగా గిన్నిస్‌ వరల్డ్‌ రికార్డుల్లో స్థానం సంపాదించుకుంది. మరి ప్రస్తుతం సోషల్‌ మీడియా సెన్సేషన్‌గా మారిపోయిన ఈ పొడుగు కాళ్ల సుందరి గురించి మరికొన్ని ఆసక్తికర విషయాలు తెలుసుకుందాం రండి...

Know More

women icon@teamvasundhara
psychologist-advice-on-a-jobless-girl-who-is-in-depression

ఆ బాధను తట్టుకోలేకపోతున్నా.. చనిపోవాలనిపిస్తోంది...

హాయ్‌ మేడమ్‌.. నేను 2019లో పీజీ పూర్తి చేశాను. ప్రస్తుతం ఇంట్లోనే ఉంటున్నాను. ఉద్యోగం చేద్దామనుకునే సమయానికి మా అక్కకి డెలివరీ టైం వచ్చింది. అమ్మకి ఆరోగ్యం బాలేకపోవడంతో అక్కకు సహాయం చేయడం కోసం ఇంట్లోనే ఉండిపోయా. ఇప్పుడు ఉద్యోగం కోసం ప్రయత్నిస్తుంటే వర్కౌట్‌ కావడం లేదు. మా ఇంట్లో వాళ్లు, అక్కలు నాకు జాబ్‌ లేదని జాలి పడుతున్నారు. నాకు కావాల్సినవి కొనిస్తున్నారు. కానీ, అది నాకు నచ్చడం లేదు. ఇలా ఖాళీగా ఉండడం వల్ల డిప్రెషన్‌కి లోనవుతున్నా.. ఏమాత్రం సంతోషంగా ఉండలేకపోతున్నాను. దీనికి తోడు మీ అక్కలిద్దరూ గవర్నమెంట్‌ జాబ్‌ చేస్తున్నారు.. నువ్వు ఏమీ చేయడం లేదని బంధువులు హేళన చేస్తున్నారు. ఆ బాధను అసలు తట్టుకోలేకపోతున్నా. ఒక్కోసారి చనిపోవాలనిపిస్తోంది. ఏం చేయాలో అర్థం కావడం లేదు. దయచేసి నా సమస్యకు పరిష్కారం చెప్పగలరు. - ఓ సోదరి

Know More

women icon@teamvasundhara
the-loss-of-her-brother-made-this-woman-a-campaigner-for-a-national-suicide-prevention-helpline

నా తమ్ముడిలా మరెవ్వరూ బలవ్వకూడదనే అలా చేశా..!

మనసుకు బాధ కలిగితే మన అనుకున్న వాళ్లతో పంచుకుంటాం.. వాళ్లు దగ్గర లేకపోతే స్నేహితులతో, సన్నిహితులతో మనం ఎదుర్కొంటోన్న మానసిక సంఘర్షణ గురించి చెప్పుకుంటాం. కానీ అలా చెప్పుకోకుండా కొంతమంది తమ బాధను తమలోనే దాచుకొని కుంగి కుమిలిపోతున్నారు.. ఒత్తిడి, ఆందోళనల్లో కూరుకుపోతున్నారు. జీవితం మీద ఆశ సన్నగిల్లి అర్ధాంతరంగా తనువు చాలిస్తున్నారు. ఇలా ఆత్మహత్యలకు ప్రేరేపిస్తోన్న మానసిక సంఘర్షణే ప్రాణంగా ప్రేమించే తన తమ్ముడిని తనకు దూరం చేసిందంటోంది ఓ సోదరి.. ఇలా తన తోబుట్టువు మరణంతో కొన్నాళ్లు నాలుగ్గోడల మధ్యే కుమిలిపోయిన ఆమె.. అలాగే చీకట్లోనే కూర్చోవాలనుకోలేదు. ఆత్మహత్యలను పూర్తిగా నిర్మూలించాలని కంకణం కట్టుకుంది. ఈ క్రమంలోనే దాదాపు ఏడాది పాటు పోరాడి దేశంలోనే తొలిసారి ‘24×7 జాతీయ మానసిక ఆరోగ్య హెల్ప్‌లైన్‌’ ప్రారంభమయ్యేందుకు కారకురాలైంది. ఆమే బెంగళూరుకు చెందిన రాశీ థక్రాన్‌. ‘దయచేసి మనసులోని బాధను మీలోనే దాచుకొని మిమ్మల్ని ఇష్టపడే వారికి దూరం కాకండి.. ఆ బాధ ఎలా ఉంటుందో తెలిసిన దాన్ని..!’ అంటూ తన కథను ఇలా పంచుకుంది.

Know More

women icon@teamvasundhara
jee-advanced-result-2020-meet-kanishka-mittal-topper-among-girl-candidates
women icon@teamvasundhara
canada-horse-girl-can-run-jump-on-all-fours-in-telugu

అచ్చం గుర్రంలా ఎలా జంప్‌ చేస్తోందో చూడండి!

సాధారణంగా మనం వెళ్లే దారిలో అడ్డుగా ఓ తాడు కట్టారనుకోండి.. అది మరీ ఎత్తుగా ఉంటే కింది నుంచి వంగి వెళ్లడమో లేదంటే దాన్నే పైకి లేపి వెళ్లడమో చేస్తాం. కానీ కెనడాలోని అల్బర్టాకు చెందిన 17 ఏళ్ల ఓ అమ్మాయి మాత్రం అలాంటి బారికేడ్స్‌ కానీ, కంచెలు కానీ కనిపిస్తే వాటిపై నుంచి గుర్రంలా దూకేస్తూ, చెంగుచెంగున గెంతుతూ వెళ్లిపోతుంది. ఎందుకంటారా? తనకు అది వెన్నతో పెట్టిన విద్య. గుర్రాల్లా దూకడం, ఎంత ఎత్తు నుంచైనా వాటిలా జంప్‌ చేయడం నేర్చుకున్న ఆమె.. కాళ్లతో పాటు చేతుల్నీ నేలకు ఆనిస్తూ గెంతుతూ వచ్చి ఆ బారికేడ్లపై నుంచి జంప్‌ చేస్తుంటుంది. ఇలా ఆమెకు మాత్రమే సొంతమైన ఈ కళను అందరికీ పరిచయం చేయడానికి ఏకంగా ఓ సోషల్‌ మీడియా పేజీనే క్రియేట్‌ చేసుకుందీ టీనేజర్‌. అంతేనా.. తన నైపుణ్యంతో ఎంతోమంది మనసులు దోచుకుంటోందీ యువతి. మరి, ఇంతకీ ఎవరా అమ్మాయి? ఎంత ఎత్తు నుంచైనా గుర్రంలా అలా ఎలా దూకగలుగుతోంది? తెలుసుకోవాలంటే ఇది చదవాల్సిందే!

Know More

women icon@teamvasundhara
malala-yousafzai-recalls-her-journey-in-tweek-india-summit-in-telugu

రెస్టరంట్‌కు వెడతాను.. సినిమాలు చూస్తాను.. క్రికెట్ అంటే ఇష్టం!

మలాలా యూసఫ్‌జాయ్... బాలికల విద్య, హక్కుల కోసం తనదైన శైలిలో పోరాడుతున్న ఈ ధీరవనిత గురించి ప్రత్యేక పరిచయం అవసరం లేదు. 13 ఏళ్ల ప్రాయంలోనే తాలిబన్ల తూటాలకు గురై, మృత్యువు అంచుల వరకు వెళ్లొచ్చిన ఆమె...తన పరిస్థితి మరే అమ్మాయికి తతెత్తకూడదని అప్పుడే గట్టిగా నిర్ణయించుకుంది. అందుకే ఉగ్రవాద దేశాల్లో ఉన్న శరణార్థుల పిల్లలకు విద్యనందించేందుకు తీవ్రంగా కృషి చేస్తోంది. సందర్భం వచ్చినప్పుడల్లా ప్రపంచ వేదికలపై తన గళాన్ని వినిపించే ఈ టీనేజ్‌ సెన్సేషన్‌... ఇటీవల లండన్‌ ఆక్స్‌ఫర్డ్‌ యూనివర్సిటీ నుంచి బ్యాచిలర్‌ డిగ్రీ పట్టా అందుకుంది. ఈ నేపథ్యంలో వర్చువల్‌గా ఏర్పాటుచేసిన ‘ట్వీక్‌ ఇండియా సమిట్’లో ట్వింకిల్‌ ఖన్నాతో కలిసి పాల్గొన్న ఆమె... తన వ్యక్తిగత జీవితం గురించి పలు ఆసక్తికర విషయాలను షేర్‌ చేసుకుంది.

Know More

women icon@teamvasundhara
woman-completes-350-courses-in-3-months-makes-world-record-in-telugu

అలా ఆన్‌లైన్‌లో 350 కోర్సులు పూర్తి చేసింది!

కరోనా సంక్షోభం కారణంగా కొన్ని నెలల పాటు అందరూ ఇళ్లకే పరిమితమయ్యారు. లాక్‌డౌన్‌లో విద్యాసంస్థలు, వ్యాపార సముదాయాలు, పరిశ్రమలు, కార్యాలయాలన్నీ మూతపడడంతో అందరూ ఇంట్లోనే ఉండిపోవాల్సి వచ్చింది. ఈ క్రమంలో కొందరు తమకు అభిరుచి ఉన్న రంగాలపై దృష్టి పెడితే.. మరికొందరు తమకు తెలిసిన నైపుణ్యాలను మరింత మెరుగుపరుచుకునే పనిలో పడ్డారు. అయితే కేరళకు చెందిన ఓ యువతి మాత్రం ఆన్‌లైన్‌ కోర్సులపై దృష్టి సారించింది. తన సృజనాత్మకత, అభిరుచులకు మరింత పదును పెడుతూ మూడు నెలల్లో ఏకంగా 350 ఆన్‌లైన్ కోర్సులు పూర్తి చేసింది. తద్వారా యూనివర్సల్‌ రికార్డ్స్‌ ఫోరంలో స్థానం సంపాదించి ప్రపంచ రికార్డు సృష్టించింది.

Know More

women icon@teamvasundhara
amritsar-teen-tops-international-space-olympiad-earns-nasa-invite-in-telugu

అందుకే నాసా నుంచి పిలుపు అందుకుంది!

ఎన్నో నిగూఢ రహస్యాలను తనలో నింపుకున్న విశ్వం గురించి తెలుసుకోవాలని ఎవరికి ఉండదు చెప్పండి. ఈ క్రమంలోనే కొంతమంది చిన్నతనం నుంచే అంతరిక్ష రంగంలోకి అడుగుపెట్టాలని కలలు కంటారు. వాటిని సాకారం చేసుకునే దిశగా కృషి చేస్తుంటారు. అందుకు తాజా ఉదాహరణే పంజాబ్‌లోని అమృత్‌సర్‌కు చెందిన 16 ఏళ్ల హిస్సా. అంతరిక్ష శాస్త్రం, టెక్నాలజీ రంగాల్లో విద్యార్థుల్ని ప్రోత్సహించడమే లక్ష్యంగా ఏటా నిర్వహించే ఇంటర్నేషనల్‌ స్పేస్‌ ఒలింపియాడ్‌ (ఐఎస్‌ఓ) క్విజ్‌ పోటీల్లో భాగంగా ఈ ఏడాదిగానూ సీనియర్‌ కేటగిరీలో టాపర్‌గా నిలిచిందీ అమ్మాయి. దీంతో అమెరికాలోని జాన్‌ ఎఫ్‌ కెన్నెడీ స్పేస్‌ సెంటర్‌ను ఉచితంగా సందర్శించే అద్భుత అవకాశాన్ని సైతం చేజిక్కించుకుందీ బ్రిలియంట్‌ గర్ల్‌. నాసా పిలుపు మేరకు త్వరలోనే అమెరికా పయనమవనున్న హిస్సా.. ఈ పిలుపు కోసమే ఎన్నాళ్ల నుంచో వేచిచూస్తున్నానని.. మొత్తానికి తన కల నిజమవబోతోందని సంబరపడిపోతోంది.

Know More

women icon@teamvasundhara
artist-hula-hoops-to-genda-phool-to-smash-stereotypes-around-saree-clad-women

చీరకట్టులో ‘హూలా’లా.. నెటిజన్లు ఫిదా!

‘చీరకట్టులో మహిళలు చాలా సున్నితంగా వ్యవహరిస్తారు.. సున్నితమైన పనులే చేస్తారు.. కొంతమందైతే నడవడానికి సైతం ఇబ్బంది పడిపోతుంటారు. అందుకు కారణం.. ఆ అవుట్‌ఫిట్‌ అసౌకర్యంగా ఉండడమే!’ ఇలా చీరకట్టు గురించి ఒక్కొక్కరి అభిప్రాయం ఒక్కోలా ఉంటుంది. కానీ చీరకట్టుకున్నప్పటికీ మహిళలు బలహీనులు కారని, ఎంతటి కఠినమైన పనైనా అలవోకగా చేయగల సమర్థులని ఇప్పటికే చాలామంది అమ్మాయిలు నిరూపించారు. తాజాగా ఆ జాబితాలో చేరిపోయింది హూలా హూప్‌ డ్యాన్సర్‌ ఈష్నా కుట్టి. కేరళకు చెందిన ఆమె.. ఎలాంటి డ్రస్‌లోనైనా హూప్‌తో తన శరీరాన్ని గింగిరాలు తిప్పిస్తూ డ్యాన్స్‌ చేయడంలో దిట్ట. అలాంటిది చీరకట్టులోనూ అలవోకగా హూప్‌ డ్యాన్స్‌ చేస్తూ ‘వావ్‌.. వాట్‌ ఎ డ్యాన్స్‌’ అంటూ నెటిజన్లతో చప్పట్లు కొట్టించుకుంటోంది. మరి, ఇదంతా ఎందుకని అడిగితే చీరకట్టులోనూ ఏదైనా సాధ్యమే అని నిరూపించడానికే అంటోంది ఈష్నా.

Know More

women icon@teamvasundhara
two-years-after-escaping-blast-at-her-tuition-center-afghan-girl-tops-national-exam

ఉగ్రదాడి నుంచి బయటపడింది.. పోటీ పరీక్షల్లో టాపరైంది!

మగ తోడు లేకుండా ఆడవాళ్లు గడప దాటడానికి వీల్లేదు.. వారు విదేశాలకు వెళ్లాలన్నా ఇంటి పెద్ద అనుమతి కావాల్సిందే.. ఇక వారు చదువుకోవడం, ఉద్యోగం చేయడం మాట దేవుడెరుగు.. ఇలా ముస్లిం దేశాల్లో మహిళలపై ఆంక్షలు ఎంత కఠినంగా ఉంటాయో మనకు తెలిసిందే. ఇంకొన్ని చోట్లైతే బాలికలు ప్రశాంతంగా స్కూలుకెళ్లి చదువుకోవడానికి కూడా నోచుకోవట్లేదు. అలాంటి దేశాల్లో అఫ్గానిస్తాన్‌ కూడా ఒకటి. అక్కడి ప్రతికూల పరిస్థితులను ఎదిరించి చదువు కొనసాగించాలంటే అటు అమ్మాయిలకు, ఇటు వారి తల్లిదండ్రులకు ఇద్దరికీ గుండె దడే! మరి, అలాంటి చీకట్లోంచి వెలుగు రేఖలా బయటికొచ్చింది 18 ఏళ్ల అఫ్గాన్‌ బాలిక షంసియా అలిజాదా. ఒకానొక సమయంలో ఉగ్రవాదుల దాడి నుంచి అదృష్టవశాత్తూ బతికి బయటపడ్డ ఆమె.. చదువునే తన ఆయుధంగా మార్చుకోవాలనుకుంది. ఈ తపనే ఆమెను తాజాగా విడుదల చేసిన ‘నేషనల్‌ యూనివర్సిటీ’ పోటీ పరీక్షల్లో టాపర్‌గా నిలిపింది. అందుకే యావత్‌ ప్రపంచమంతా ఇప్పుడు ఆమె గురించే మాట్లాడుకుంటోంది.

Know More

women icon@teamvasundhara
10-year-old-surat-girl-happily-donated-her-32-inch-long-hair-to-cancer-victims

వారి బాధ నన్ను కదిలించింది.. అందుకే ఇలా చేశా!

జుట్టు పొడవుగా ఉండాలని ఎవరు కోరుకోరు చెప్పండి.. పొడవాటి జుట్టుంటే ఎంచక్కా రోజుకో హెయిర్‌ స్టైల్‌ ట్రై చేయచ్చనేది వారి ఆరాటం. ఇక ఈ విషయంలో పిల్లలు పడే ఆరాటం గురించి ప్రత్యేకంగా చెప్పక్కర్లేదు. తమ తల్లులతో రోజుకో కొప్పు వేయించుకొని మురిసిపోతుంటారు. కానీ సూరత్‌కు చెందిన ఈ పదేళ్ల అమ్మాయి మాత్రం అలా ఆలోచించలేదు. తనకు అందం కన్నా ఇతరులకు సహాయం చేయడమే ముఖ్యమనుకుంది. అందుకే క్యాన్సర్‌ రోగుల వెతలు తెలిసిన మరుక్షణమే తన పొడవాటి జుట్టును ఆ బాధితులకు దానం చేసింది. పిట్ట కొంచె కూత ఘనం అన్నట్లుగా ఇంత చిన్న వయసులోనే అంత పెద్ద మనసు చాటుకొని అందరి ప్రశంసలూ అందుకొంటోంది. మరి, ఇంతకీ ఎవరా లిటిల్‌ వారియర్‌? రండి.. తెలుసుకుందాం..!

Know More

women icon@teamvasundhara
hygiene-tips-every-woman-should-know-in-telugu
women icon@teamvasundhara
pcos-activist-nutana-singh-shares-her-pcos-journey-to-help-women-live-comfortably-in-their-skin

women icon@teamvasundhara
parents-scolding-me-what-to-do?-in-telugu

‘నీకు ఏమీ చేతకాదు’ అంటున్నారు.. ఏం చేయాలి?

హాయ్‌ మేడమ్‌.. నా వయసు 19 సంవత్సరాలు. చాలామంది ‘నీకు ఏమీ చేత కాదు.. ఒట్టి మొద్దువి..’ అని అంటుంటారు. మా పేరెంట్స్ కూడా నేను ఒక్కసారి కూడా ప్రయత్నించకముందే ‘నీకు ఏమీ చేత కాదు’ అని అంటుంటారు. దాంతో నా మీద నాకే నమ్మకం పోయింది. భయం, నిరాశానిస్పృహలు నన్ను ఆవరించాయి. నాకు స్నేహితులు కూడా తక్కువే. నా బాల్యం, కౌమార దశ అంతా పుస్తకాలతోనే గడిచిపోయింది. ఏదైనా సోషల్ ఈవెంట్లకు వెళ్లాలన్నా, బంధువులతో మాట్లాడాలన్నా నాకు చాలా కష్టంగా ఉంటుంది. నా తోబుట్టువులు కూడా ‘నువ్వు చాలా నెమ్మది’ అని విమర్శిస్తుంటారు. మా తల్లిదండ్రులు నన్ను ఒంటరిగా ఎక్కడికీ పంపించరు. నన్ను కేవలం ఇంటికి, స్కూల్‌కి, కాలేజ్‌కి మాత్రమే పరిమితం చేశారు. దానివల్ల ఇతర వ్యాపకాలు కూడా అలవడలేదు. నేను ‘దేనికీ పనికి రాను’ అన్న భావన కలుగుతోంది. దీన్నుంచి ఎలా బయటపడాలో సలహా ఇవ్వగలరు?

Know More

women icon@teamvasundhara
gymnast-parul-aroras-stunning-front-flip-in-sarees-leaves-netizens-amazed-videos-goes-viral

చీరకట్టులో జిమ్నాస్టిక్స్.. ఎలా అదరగొట్టేస్తోందో చూశారా?

మన దేశ సంప్రదాయానికి పెద్ద పీట వేసే చీరకట్టు.. అతివల అందానికి నిలువెత్తు నిదర్శనం అని చెప్పడం అతిశయోక్తి కాదు! అయితే రోజూ చీర కట్టుకోవడం అలవాటు లేకపోవడంతో చాలామంది దీన్ని ప్రత్యేక సందర్భాల్లో మాత్రమే ధరిస్తుంటారు. అప్పుడు కూడా ఎక్కడ జారిపోతుందోనని పదే పదే సర్దుకుంటుంటారు. ఇలా చీరలో నడవడానికే ఇబ్బంది పడే వారు పారుల్‌ అరోరా విన్యాసాలను చూస్తే విస్తుపోవాల్సిందే! 14 ఏళ్లుగా జిమ్నాస్టిక్స్‌లో ఆరితేరిన ఈ చిన్నది.. ఆ డ్రస్‌, ఈ డ్రస్‌ అని కాదు.. ఏ దుస్తులు ధరించినా అలవోకగా జిమ్నాస్టిక్స్‌ చేసేస్తోంది. శరీరాన్ని విల్లులా వంచుతూ అందరినీ ఒకింత ఆశ్చర్యానికి గురిచేస్తోంది. అలా తాజాగా తాను చీరకట్టులో చేసిన జిమ్నాస్టిక్స్‌ వీడియోలు సోషల్‌ మీడియాలో తెగ వైరలవుతున్నాయి.

Know More

women icon@teamvasundhara
how-to-make-best-friends-in-telugu

నాకు 'బెస్ట్ ఫ్రెండ్స్' అంటూ ఎవరూ లేరు.. లోపం నాలోనే ఉందా?

నమస్తే మేడమ్‌.. నా వయసు 24 సంవత్సరాలు. నేను ఎప్పుడూ చురుగ్గా ఉంటాను. ఆటలు ఆడతాను. ఏదైనా కాంపిటీషన్ ఉందంటే చాలు.. దానిలో పాల్గొనాలనే మనస్తత్వం నాది. ఏదైనా మనకు ఉపయోగపడుతుందనేది నా నమ్మకం. కానీ నా స్నేహితులు ఇవన్నీ మనకెందుకని అంటుంటారు. అయినా నేను ఒక్కదాన్నే పోటీల్లో పాల్గొంటాను. అన్నిట్లోనూ ముందుండాలి.. అన్ని విషయాలు తెలుసుకోవాలని అనుకుంటాను. అలాగే ఫ్రెండ్స్ కి కూడా నేను చేయగలిగిన సహాయం చేస్తుంటాను. అయితే నాకు పేరుకి స్నేహితులు ఉన్నారంటే ఉన్నారు కానీ బెస్ట్ ఫ్రెండ్స్ అంటూ ఎవరూ లేరు. ఉన్న ఫ్రెండ్స్ కూడా నన్ను వాళ్ళ అవసరాలకు మాత్రమే వాడుకుంటారు. నాకు బెస్ట్ ఫ్రెండ్స్ లేకపోవడానికి నాలోనే ఏదైనా లోపం ఉందా? లేక నేనే వాళ్ళతో కలవలేకపోతున్నానా? అర్థం కావడం లేదు. వాళ్లతో ఎలా ఉండాలో దయచేసి సలహా ఇవ్వగలరు.

Know More

women icon@teamvasundhara
isha-ambani-feature-on-fortune-40-under-40-list

అంబానీ వారి ఆడపడుచుకు అరుదైన గౌరవం!

ఈషా అంబానీ... ప్రపంచ కుబేరుడు ముఖేష్‌ అంబానీ ముద్దుల కుమార్తె. వ్యాపార రంగంలో తండ్రి అడుగుజాడల్లో నడుస్తూనే తనకంటూ ఓ ప్రత్యేక గుర్తింపు తెచ్చుకుందామె. తండ్రి ఆలోచనలకు అనుగుణంగా సంస్థకు సంబంధించిన వ్యవహారాల్లో చురుగ్గా పాలుపంచుకుంటోన్న ఈషా.. ప్రస్తుతం రిలయెన్స్‌ రిటైల్స్‌, జియో బోర్డుల్లో కీలక పాత్ర పోషిస్తోంది. తన వ్యాపార దక్షతతో సంస్థ అభివృద్ధికి పాటుపడుతూ అందరికీ స్ఫూర్తినిస్తున్న ఆమె తాజాగా ఓ అరుదైన ఘనతను సొంతం చేసుకుంది. ఈ ఏడాది ఫార్చ్యూన్‌ సంస్థ ‘40 అండర్ 40’ పేరిట విడుదల చేసిన అత్యంత ప్రభావశీలురైన ప్రముఖుల జాబితాలో చోటు సంపాదించుకుందీ అంబానీ వారి ఆడపడుచు. ఆమెతో పాటు ఆకాశ్‌ అంబానీ ఈ జాబితాలో స్థానం దక్కించుకోవడం విశేషం.

Know More

women icon@teamvasundhara
15-year-old-injured-teen-pulls-mobile-snatcher-off-bike-in-punjab

ఆ ఫోన్ లాక్కెడుతుంటే ప్రాణాలకు తెగించి మరీ పట్టుకుంది!

అబ్బాయిలతో పోల్చుకుంటే అమ్మాయిలు మానసిక దృఢత్వంలో ఎంతో ముందుంటారు. అయితే శారీరకంగా పోల్చుకుంటే మాత్రం చాలా బలహీనులని చాలామంది అంటుంటారు. కానీ ఇందులో ఏమాత్రం నిజం లేదంటూ మరోసారి నిరూపించింది పంజాబ్‌కు చెందిన ఓ బాలిక. తన మొబైల్‌ ఫోన్‌ను లాక్కెళ్లుతున్న దొంగను సమర్థంగా అడ్డుకుని కటకటాల్లోకి పంపించిన ఆ సాహస బాలిక ప్రస్తుతం సోషల్‌ మీడియా సెన్సేషన్‌గా మారిపోయింది. ప్రముఖ పోలీసు అధికారులతో పాటు నెటిజన్ల ప్రశంసలు అందుకొంటున్న ఆ అమ్మాయి ఎవరు? ఆమె చేసిన సాహసమేంటి? తెలుసుకోవాలంటే ఈ స్టోరీ చదివేయండి.

Know More

women icon@teamvasundhara
there-were-days-when-i-consumed-one-meal-a-day-for-a-decade-arjuna-awardee-sarika

పదేళ్ల పాటు ఒక పూటే భోజనం చేశా..!

క్రీడల్లో రాణించాలంటే మానసిక బలంతో పాటు శారీరక బలమూ ముఖ్యమే. అందుకు చిన్నప్పటి నుంచే ఆరోగ్యకరమైన, బలవర్ధకమైన పౌష్టికాహారం తప్పనిసరి. అలాంటిది దశాబ్ద కాలం పాటు ఒక్కపూట మాత్రమే తిండి తిన్నానంటోంది మహిళల ఖోఖో జట్టు మాజీ కెప్టెన్‌ సారికా కాలె. కటిక పేదరికం, కుటుంబ సమస్యలను కసితో అధిగమించి ఖోఖో జాతీయ జట్టులోకి అడుగుపెట్టిన ఆమె 2016 దక్షిణాసియా క్రీడల్లో భారత జట్టును బంగారు పతకం దిశగా నడిపించింది. తన అసమాన ఆటతీరుతో పలువురి మన్ననలు అందుకున్న ఈ మాజీ క్రీడాకారిణి తాజాగా కేంద్ర ప్రభుత్వం ప్రకటించిన అర్జున అవార్డుకు ఎంపికైంది. ఈ సందర్భంగా సారిక తన గురించి పలు ఆసక్తికర విషయాలను షేర్‌ చేసుకుంది.

Know More

women icon@teamvasundhara
daughter-of-migrant-worker-from-bihar-bags-first-rank-in-kerala-university-exam

బిహార్ టు కేరళ.. ఈ చదువుల తల్లి సక్సెస్‌ స్టోరీ విన్నారా?

ఈ రోజుల్లో అన్ని సౌకర్యాలున్న పిల్లలే శ్రద్ధగా చదువుకోమంటే అది లేదు, ఇది లేదంటూ వంకలు పెడుతున్నారు. అలాంటిది చిన్నతనం నుంచి రెక్కాడితే గానీ డొక్కాడని కడు పేదరికం మధ్య పెరిగినా చదువుపై మక్కువ పెంచుకుందా అమ్మాయి. ఎన్ని సమస్యలెదురైనా సరే కష్టపడి చదివి... తన తల్లిదండ్రుల కష్టాన్ని తీర్చాలనుకుంది. తానెంత బలంగా కోరుకుందో కానీ... సాక్షాత్తూ సరస్వతీ దేవే ఆమె మొరను ఆలకించింది! పదో తరగతి ర్యాంక్‌తో మొదలు తన ప్రతిభతో ఒక్కో మెట్టూ ఎక్కుతూ తల్లిదండ్రుల ముఖాల్లో వెలకట్టలేని ఆనందం నింపుతోంది. మరి, ఇంతకీ ఎవరా బాలిక? ఏంటామె కథ? తెలుసుకోవాలంటే ఇది చదివేయండి.

Know More

women icon@teamvasundhara
health-tips-for-young-girls-in-20s-in-telugu
women icon@teamvasundhara
lessons-we-learn-from-the-kargil-girl-gunjan-saxena-in-telugu

ఆ 'డేరింగ్ గర్ల్' నుంచి జాన్వి ఏం నేర్చుకుందో తెలుసా?

‘అమ్మాయిలు’.. ఎందుకో ఈ పదం వింటేనే చాలామంది చులకన భావంతో చూస్తుంటారు. ‘ఆమె’ను బలహీనురాలిగా పరిగణిస్తుంటారు. అన్ని రంగాల్లో పురుషులతో సమానంగా దూసుకుపోతున్నా, ఆకాశానికి నిచ్చెన వేసినా.. నేటికీ అమ్మాయిలంటే కొన్ని చోట్ల వివక్షే నెలకొంది. ఇలాంటి అసమానతల్ని రూపుమాపి అమ్మాయి అంటే అబల కాదు.. సబల అని నిరూపించారు ఎందరో అతివలు. తమ విజయంతో నలుగురిలో ‘ఒక్క’రిగా చరిత్రలో తమ స్థానాన్ని సుస్థిరం చేసుకున్నారు. అలాంటి గ్రేట్‌ ఉమన్‌ గుంజన్‌ సక్సేనా. యుద్ధభూమిలో హెలికాప్టర్‌ నడిపిన తొలి మహిళగా కీర్తి గడించిన ఈ ధీర జీవితం ఆధారంగా రూపుదిద్దుకున్న ‘గుంజన్‌ సక్సేనా : ది కార్గిల్‌ గర్ల్‌’ చిత్రం తాజాగా మన ముందుకొచ్చింది. ప్రతికూల పరిస్థితుల్ని ఎదురొడ్డి ఆమె ప్రదర్శించిన ధీరత్వమే కాదు.. ఆమె జీవితంలోని అణువణువూ మనందరికీ ఆదర్శప్రాయమే. ఆమె వేసిన ప్రతి అడుగూ ఓ పాఠమే!

Know More

women icon@teamvasundhara
late-policeman’s-daughter-cracks-ias-fulfills-his-dream

నాన్న కలను నిజం చేసినందుకు సంతోషంగా ఉంది!

ప్రతి ఒక్కరికీ ఒక డ్రీమ్‌ జాబ్‌ అనేది ఉంటుంది. ఎలాగైనా దాన్ని సాకారం చేసుకుని ఉన్నత స్థానానికి చేరుకోవాలనుకుంటారు. కానీ జీవితంలో ఏవైనా సమస్యలు ఎదురైతే చాలు... ఆ కలల జాబ్‌ను కాస్త పక్కకు పెడతారు. అందుబాటులో ఉన్న ఏదో ఒక ఉద్యోగంలో చేరిపోతుంటారు. చేసే పని, వచ్చే జీతం రెండూ సంతృప్తికరంగా లేకపోయినా సర్దుకుపోతుంటారు. అయితే దిల్లీకి చెందిన స్వీటీ సెహ్రావత్‌ మాత్రం అలాంటి పనిచేయలేదు. కుటుంబానికి ఏకైక జీవనాధారమైన తండ్రిని కోల్పోయిన ఆమె పట్టుదలతో శ్రమించింది. సమస్యలెదురైనా సానుకూల దృక్పథంతో ఎదుర్కొంది. ఆ శ్రమకు తగ్గ ఫలితమే... తాజా సివిల్‌ సర్వీసెస్‌ ఫలితాల్లో 187 వ ర్యాంక్‌. తనను ఓ ఐఏఎస్‌ ఆఫీసర్‌గా చూడాలనుకున్న తన తండ్రి కలను నిజం చేశానంటున్న ఆమె మనోగతమేంటో ఆమె మాటల్లోనే తెలుసుకుందాం రండి...

Know More

women icon@teamvasundhara
visually-impaired-woman-from-madurai-crack-civil-service-exam

దృష్టి లోపం ఉన్నా గట్టిగా అనుకుంది... సాధించింది!

ఐఏఎస్‌, ఐపీఎస్‌, ఐఎఫ్ఎస్‌, ఐఆర్‌ఎస్‌... దేశంలో అత్యున్నతంగా భావించే ఈ సివిల్‌ సర్వీసెస్‌ ఉద్యోగాలు సంపాదించాలని యువత ఉవ్విళ్లూరుతుంటారు. పుస్తకాలతో కుస్తీ పడుతూ ఏళ్లకు ఏళ్లు కోచింగ్‌ సెంటర్లలో శిక్షణ తీసుకుంటుంటారు. ఎంతో కష్టసాధ్యమైన ఈ పరీక్షలను ఎదుర్కోలేక కొంతమంది మధ్యలోనే వెనకడుగు వేస్తే..మరికొందరు పట్టువదలని విక్రమార్కులలాగా ప్రయత్నిస్తూనే ఉంటారు. తెలివితేటలు, పట్టుదల, కరోఠ శ్రమను ఆయుధాలుగా చేసుకుని ప్రతిష్ఠాత్మక పరీక్షల్లో మెరుగైన ర్యాంకుని సాధించడానికి కృషి చేస్తుంటారు. ఈ క్రమంలో ఏటా యూపీఎస్సీ ఆధ్వర్యలో నిర్వహించే సివిల్‌ సర్వీసెస్‌ పరీక్షా ఫలితాలు తాజాగా విడుదలయ్యాయి. ఎప్పటిలాగే ఈసారి కూడా పలువురు అమ్మాయిలు ప్రతిభ చాటారు. అవరోధాలు ఎదురైనా మెరుగైన ర్యాంకులు సొంతం చేసుకున్నారు. ఈ క్రమంలో- కంటి చూపు సరిగా లేకపోయినా తల్లిదండ్రులు, స్నేహితుల సహకారంతో సివిల్స్ ఫలితాల్లో 286 వ ర్యాంక్ సాధించింది మదురైకి చెందిన పురాణా సుంతారీ.

Know More

women icon@teamvasundhara
meet-aishwarya-sheoran-miss-india-finalist-and-upsc-rank-93

సివిల్స్ లోనూ అదరగొట్టింది ఈ 'మిస్ ఇండియా' ఫైనలిస్ట్!

ఐశ్వర్య శోరాన్‌... పేరుకు తగ్గట్టే ‘ఐశ్వర్యారాయ్‌’ లాంటి అందం ఆమె సొంతం. అందుకే ఆ మాజీ ప్రపంచ సుందరిలా తనను చూడాలనుకున్న అమ్మ కలను నిజం చేస్తూ గ్లామర్‌ ప్రపంచంలోకి అడుగుపెట్టింది. అతిపిన్న వయసులోనే ఎన్నో అందాల పోటీల్లో పాల్గొంది. మోడలింగ్‌ ర్యాంప్‌పై మెరుపులు మెరిపించి ఎన్నో బహుమతులు సొంతం చేసుకుంది. ఈక్రమంలో తన అందంతో అమ్మ ఆశయాన్ని నెరవేర్చిన ఆమె తన పట్టుదలతో ప్రజాసేవ చేయాలన్న తన చిరకాల స్వప్నాన్ని కూడా సాకారం చేసుకుంది. తాజాగా విడుదలైన సివిల్ సర్వీసెస్‌-2019 ఫలితాల్లో ఆలిండియా 93వ ర్యాంకును సొంతం చేసుకుందీ అందాల తార. మరి ఫ్యాషన్‌ మెరుపుల నుంచి ప్రజాసేవ వైపు మళ్లిన ఈ బ్యూటీ విత్‌ బ్రెయిన్‌ గురించి మరికొన్ని ఆసక్తికర విషయాలు తెలుసుకుందాం రండి...

Know More

women icon@teamvasundhara
pv-sindhu-opens-up-on-silver-sindhu-and-final-phobia-comments

women icon@teamvasundhara
kolkata-virologist-ritika-thakur-works-for-free-in-dhanbad-pmch

వెకేషన్‌కని వెళ్లి ఉచితంగా సేవ చేస్తోంది!

రోజూ కరోనాకు సంబంధించిన వార్తలు చదివినా, విన్నా.. ‘వామ్మో! ఈ మహమ్మారితో డాక్టర్లు, నర్సులు ఎలా పోరాటం చేస్తున్నారో, ఏమో! నిజంగా వాళ్లు గ్రేట్‌’ అనుకుంటుంటాం. అయితే కొందరు మాత్రం అలా సేవ చేసే భాగ్యం తమకూ వస్తే బాగుండేది అనుకుంటుంటారు. అలాంటి వారిలో జార్ఖండ్‌లోని ధన్‌బాద్‌కు చెందిన రితికా ఠాకూర్‌ ఒకరు. కోల్‌కతాలో ఓ రీసెర్చి ఇనిస్టిట్యూట్‌లో వైరాలజిస్ట్‌గా పనిచేస్తోన్న ఆమె.. వెకేషన్‌ కోసమని తన సొంతూరికి వెళ్లింది. గత మూడు నెలలుగా అక్కడే ఓ ఆస్పత్రిలో కరోనా బాధితులకు సేవలందిస్తోంది. ఇందులో ప్రత్యేకతేముంది అని మీరు అనుకోవచ్చు.. రితిక నయా పైసా ఆశించకుండా ఉచితంగా ఈ సేవలందించడం ఇక్కడ విశేషం. అందుకే ఈ కరోనా వారియర్‌పై సర్వత్రా ప్రశంసల వర్షం కురుస్తోంది.

Know More