scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నేను ఏ తప్పూ చేయలేదు.. అయినా నాకెందుకీ శిక్ష!'

'ఎయిడ్స్.. నిరోధక మార్గాలు తప్ప పూర్తిస్థాయి చికిత్స లేని వ్యాధి. సాధారణంగా ఈ వ్యాధి సోకిందని తెలిస్తే చాలు.. వారు తప్పు చేశారు కాబట్టే ఆ వ్యాధి వచ్చిందని చుట్టుపక్కల ఉన్న వారు బలంగా నమ్ముతారు. ఈ క్రమంలో బాధితులను వారి మాటలతో మానసికంగానూ హింసిస్తారు. ఓ మహిళ తాను ఎలాంటి తప్పు చేయకపోయినా ఈ మహమ్మారి బారిన పడి ఒకానొక దశలో జీవితాన్ని ముగించేసుకోవాలనుకుంది.. కానీ ఆమెకు వచ్చిన ఓ ఆలోచన ఆ నిర్ణయాన్ని మార్చేసింది. అంతేకాదు.. ఈ సమాజంలో ఆమె ఎదుర్కొన్న మాటల ఈటెలు, బాధాకరమైన సంఘటనలు.. తనని మానసికంగా మరింత బలంగా తీర్చిదిద్దాయి.. దాంతో ఆమె ఎయిడ్స్‌పై పోరాడడమే కాదు.. చుట్టుపక్కల వారికీ అవగాహన కల్పిస్తూ తోటి వ్యాధిగ్రస్తులకు అండగానూ నిలుస్తోంది. అసలేం జరిగిందో ఆమె మాటల్లోనే విందాం రండి.. నమస్కారం.'

Know More

Movie Masala

 
category logo

పన్నెండేళ్లకే ప్రపంచ రికార్డు సృష్టించింది!

Mumbai Girl Kaamya Karthikeyan youngest in the world to climb south Americas highest peak

ఊహ తెలియని వయసులోనే తల్లిదండ్రులతో కలిసి ట్రెక్కింగ్ చేయడం ప్రారంభించిందా చిన్నారి. నడక నేర్చిన తర్వాత సహ్యాద్రి పర్వతాలపై సరదాగా అడుగులు వేసింది. అప్పటికి ఆమె వయసు రెండేళ్ల లోపే! ఆ తర్వాత కేరళలోనే ఎత్త్తెన శిఖరంగా పేరుగాంచిన చెంబ్రాపై ట్రెక్కింగ్ చేసింది. అనంతరం ఆమె అధిరోహించిన పర్వతాల జాబితాలో హిమాలయాల్లోని చంద్రశిల, కేదార్‌కాంత్, హర్ కి డున్, రూప్‌కుండ్ లేక్.. మొదలైనవి చేరాయి. ఇక తొమ్మిదేళ్ల వయసులో ఎవరెస్ట్ బేస్‌క్యాంప్ వద్దకు చేరుకుని ఆంధ్రప్రదేశ్ రాష్ట్రం తరఫున ఆ ఘనత సాధించిన అతిపిన్న వయస్కురాలిగా రికార్డు సృష్టించిందా అమ్మాయి. తాజాగా దక్షిణ అమెరికాలోని 6,962 మీటర్ల ఎత్తైన మౌంట్ అకొంకాగువా శిఖరాన్ని అధిరోహించి ఈ ఘనత సాధించిన అతి పిన్న వయస్కురాలిగా చరిత్ర తిరగరాసింది. ఆమే 12 ఏళ్ల కామ్యా కార్తికేయన్. ఇలా పేరెంట్స్ సహకారంతో పర్వతారోహణలో రికార్డు సృష్టిస్తున్న ఈ బాలిక విజయ ప్రస్థానం గురించి ఆమె మాటల్లోనే తెలుసుకుందాం.

హాయ్.. నా పేరు కామ్యా కార్తికేయన్. ప్రస్తుతం ముంబైలోని నేవీ చిల్డ్రన్ స్కూల్లో ఏడో తరగతి చదువుతున్నాను. నాన్న ఎస్. కార్తికేయన్.. నేవీలో కమాండర్‌గా పని చేస్తున్నారు. అమ్మ లావణ్య.. నేవీ నర్సరీ స్కూల్‌కి ప్రధానోపాధ్యాయురాలు. అమ్మానాన్నలిద్దరికీ సాహసయాత్రలంటే చాలా ఇష్టం. నేను పుట్టక ముందు పర్వతాలు అధిరోహించడం, ట్రెక్కింగ్, స్కీయింగ్.. వంటివి చేసేవారు. నేను పుట్టాక నాకు 18నెలల వయసున్నప్పుడే నన్ను కూడా వారి వెంట సాహసయాత్రలకు తీసుకెళ్లడం ప్రారంభించారు. ఆ వాతావరణం నాకు అలవడేలా చేశారు. అలా వూహ తెలిసేటప్పటికే ట్రెక్కింగ్, పర్వతారోహణ.. అనేవి నా అభిరుచులుగా మారిపోయాయి.

kamyakarthikeyanghg650-4.jpg
వాళ్లే ప్రేరణ..
మా నాన్నకు పర్వతాలు అధిరోహించడమన్నా, ట్రెక్కింగ్, స్కీయింగ్.. వంటివి చేయడమన్నా చాలా ఇష్టం. ఆయన నుంచే నేను కూడా ప్రేరణ పొందా. ముఖ్యంగా ట్రెక్కింగ్ చేయడం, పర్వతాలు అధిరోహించడం నాకు ఇష్టం. ఇప్పటివరకు హిమాలయ పర్వత శ్రేణుల్లో ఎత్త్తెన పర్వతాలుగా పేరుగాంచిన చంద్రశిల, కేదార్ కాంత్, హర్ కి డున్.. శిఖరాలు అధిరోహించా. ట్రెక్కింగ్, పర్వతారోహణకు నా తోడు మా అమ్మే. ఎందుకంటే వాటిలో ఆమే నాకు తొలిగురువు. నా వెంటే ఉంటూ, అడుగడుగునా ఆత్మవిశ్వాసం నింపుతూ లక్ష్యం చేరుకునేలా ప్రోత్సహిస్తుంది. అందుకే ఇంతకుముందు ఎవరెస్ట్ బేస్‌క్యాంప్‌నకు కూడా అమ్మతోనే కలిసి వెళ్లా. అప్పుడు నేపాల్‌లోని లుక్లా ప్రాంతం నుంచి బయలుదేరి అత్యంత సంక్లిష్టంగా ఉన్న రహదారుల్లో నడుస్తూ లక్ష్యాన్ని అధిగమించా. తెలుసా.. అక్కడ రాత్రి సమయంలో -15 నుంచి -20 డిగ్రీల మధ్యలో అత్యల్ప ఉష్ణోగ్రత నమోదవుతుంది. ఆ చలిని తట్టుకోవడానికి మూడు, నాలుగు లేయర్లుగా బట్టలు వేసుకుని, జర్కిన్స్ వంటివి ధరించేవాళ్లం. అలాంటి వాతావరణ పరిస్థితిని తట్టుకుంటూనే 18,000 అడుగుల ఎత్తున ఉన్న ఎవరెస్ట్ బేస్‌క్యాంప్ వద్దకు చేరుకున్నాం.

అధిరోహించిన పర్వతాలు..

kamyakarthikeyanghg650-1.jpg

* పుణెలోని రాజ్‌గడ్ పర్వతాలపై ట్రెక్కింగ్‌తో ప్రారంభమైన నా ప్రయాణంలో భాగంగా ఉత్తరాఖండ్‌లోని 12 వేల అడుగుల ఎత్తున ఉన్న చంద్రశిల పర్వతాన్ని నాలుగు రోజుల వ్యవధిలో అధిరోహించా.
* అలాగే 2016లో ఉత్తరాఖండ్‌లోని డెహ్రాడూన్ వద్ద ఉన్న 13వేల అడుగుల ఎత్త్తెన 'హర్ కి డున్' అధిరోహించా. ఆపై 'కేదార్ కాంత్' శిఖరం పైకి కూడా ఆరు రోజుల్లోనే ఎక్కేశా.
* 2016 అక్టోబర్‌లో ఉత్తరాఖండ్‌లోనే కుమావ్ ప్రాంతంలోని 16,400 అడుగుల ఎత్తులో ఉన్న 'రూప్‌కుండ్ లేక్' పర్వతాన్ని కూడా అధిరోహించా.
* ఏడాదిన్నర అనంతరం సుమారు 18000అడుగుల ఎత్తున ఉన్న ఎవరెస్ట్‌ బేస్‌ వద్దకు చేరుకున్నా. 
* ఆ తర్వాత ఆఫ్రికా ఖండంలోని అత్యంత ఎత్తైన శిఖరం మౌంట్‌ కిలిమంజారో (19,340అడుగులు), యూరప్‌ ఖండంలోని మౌంట్‌ ఎల్‌బ్రస్‌(18,510 అడుగులు), ఆస్ట్రేలియా ఖండంలోని మౌంట్‌ కొసిసుజ్కో(7,300అడుగులు) శిఖరాలను కూడా ఎక్కేశాను.
*గతేడాది ఆగస్టులో లడఖ్‌లోని 20,544 అడుగుల ఎత్తయిన మౌంట్‌ స్టోక్‌ కంగ్రీని కూడా అధిరోహించా. తద్వారా ఈ శిఖరాన్ని అధిరోహించిన అతిపిన్న వయస్కురాలిగా రికార్డు కూడా సృష్టించా. 
*తాజాగా దక్షిణ అమెరికాలోని అత్యంత ఎత్తైన శిఖరం మౌంట్‌ అకొంకాగువా(సుమారు 22,842 అడుగులు) శిఖరాన్ని కూడా చేరుకోని మన మువ్వన్నెల జెండాను ఎగరవేశాను. 
*పర్వతారోహకులందరూ కలగనే లక్ష్యం‘ సెమన్‌ సమ్మిట్స్‌’ (ఏడు ఖండాల్లోని ఎత్తైన పర్వతాలతో పాటు ఉత్తర, దక్షిణ ధృవాలను చేరుకోవడం)ను 2021లోపు పూర్తిచేయడమే నా ముందున్న లక్ష్యం.

ఫిట్‌నెస్ కోసం..

kamyakarthikeyanghg650-2.jpg

పర్వతారోహణ, ట్రెక్కింగ్‌కు ఫిజికల్ ఫిట్‌నెస్ చాలా అవసరం. అందుకే బహుదూరపు నడక (లాంగ్ వాక్స్), సైక్లింగ్.. నేను చేసే వ్యాయామాల్లో తప్పనిసరిగా ఉంటాయి. అలాగే పర్వతాలను అధిరోహించేందుకు, అక్కడి వాతావరణ పరిస్థితులను తట్టుకోవడానికి అనుగుణంగా డైట్‌లో కూడా మార్పులు చేర్పులు చేసుకోవాలి. నా విషయంలో ఈ జాగ్రత్తలన్నీ అమ్మే స్వయంగా చూసుకుంటుంది. ఎక్కువ నీళ్లు తాగడం, కండరాలకు తగిన వ్యాయామం అందేలా ఎక్సర్‌సైజులు చేయడం.. ఇవన్నీ ఉంటేనే శరీరం దృఢంగా ఉంటుంది. అప్పుడే పర్వతారోహణకు మార్గం సుగమమవుతుంది.

ఆసక్తులు ఎన్నో..

kamyakarthikeyanghg650-3.jpg

ఏంటీ.. మొత్తం పర్వతాలు, ట్రెక్కింగ్, స్కీయింగ్.. అంటూ వీటి గురించే మాట్లాడుతుంటే మిగతా అంశాల్లో నేను వెనుకబడ్డానేమో అనుకుంటున్నారా? అదేం లేదు.. ఎందుకంటే చదువులోనూ నేనెప్పుడూ ముందే ఉంటా. మౌంటెనీరింగ్, ట్రెక్కింగ్ కారణంగా మిస్ అయిన క్లాసులు కూడా తిరిగి వచ్చిన తర్వాత స్నేహితులు, ఉపాధ్యాయుల సహాయంతో నేర్చుకుంటా. అంతేకాదు.. నాకు పియానో వాయించడం, పాటలు పాడడం అన్నా చాలా ఇష్టం. నేను భరతనాట్యం కూడా నేర్చుకుంటున్నా. ఇప్పటికే విశాఖపట్నంలోని కళాభారతిలో రెండుసార్లు నృత్య ప్రదర్శన కూడా ఇచ్చా.
అదే నా లక్ష్యం..
నేను బాగా చదువుకుని భవిష్యత్తులో ఐఎఫ్ఎస్ ఆఫీసర్ కావాలనుకుంటున్నా. నాకు జంతువులన్నా, వాటి సంరక్షణ అన్నా చాలా ఇష్టం. అలాగని ఈ సాహసయాత్రల అభిరుచిని వదిలిపెడతానని అనుకోకండి. ఎందుకంటే మంచి ఐఎఫ్ఎస్ అధికారిని కావడంతోపాటు ప్రపంచంలోని అత్యున్నత శిఖరాలను అధిరోహించాలన్నది కూడా నా భవిష్యత్తు లక్ష్యమే! అలాగే పాటల పోటీల్లో పాల్గొనడానికి కూడా ప్రయత్నిస్తా. మీకు చెప్పనేలేదు కదూ.. మా నాన్న జూడోలో జాతీయ స్థాయి క్రీడాకారుడు. నాకు కూడా జూడోలో కొన్ని ప్రాథమిక అంశాలు నేర్పించారు. అయితే మరింత లోతుగా జూడో నేర్చుకోవాలన్నది నా ఆశ. ఇది కూడా వీలైనంత త్వరగా ప్రారంభిస్తా. ఇక, ప్రస్తుతం నా ముందు ఉన్న లక్ష్యం అయితే ఒక్కటే- ‘2021లోపు సెవెన్‌ సమ్మిట్‌ను పూర్తిచేయడం’...!

తనవెంటే ఉంటా!

kamyakarthikeyanghg650-5.jpg

సాధారణంగా చాలామంది పెళ్లయ్యాక సరదాగా విహారయాత్రలు, సాహసయాత్రలు.. వంటివి చేసినా పిల్లలు పుట్టిన తర్వాత వారి ప్రాధాన్యాలు మార్చుకుంటారు. కానీ నేను, నా భర్త మాత్రం పిల్లలు పుట్టిన తర్వాత కూడా మా సాహసయాత్రలు అలానే కొనసాగించాలని ముందే నిర్ణయించుకున్నాం. అందుకే కామ్య స్లింగ్ బ్యాగ్‌లో ఉన్నప్పుడే తగిన జాగ్రత్తలు తీసుకుంటూ ట్రెక్కింగ్‌కు వెళ్లేవాళ్లం. అలా తనకి కూడా చిన్నప్పట్నుంచి ఆ వాతావరణం పరిచయమై, క్రమంగా ఆసక్తి ఏర్పడింది. బీబీఏ (బ్యాచిలర్ ఆఫ్ బిజినెస్ అడ్మినిస్ట్రేషన్) పూర్తి చేసిన నేను జెట్ ఎయిర్‌వేస్‌లో పని చేసేదాన్ని. కానీ కామ్య పుట్టిన తర్వాత ఆమెను చూసుకోవడం కోసం ఉద్యోగానికి స్వస్తి చెప్పా. కొన్ని సంవత్సరాల తర్వాత నేవీలో పని చేసే వారి పిల్లల కోసం ఒక నర్సరీ స్కూల్ ప్రారంభించా. ప్రస్తుతం నా ముందున్న లక్ష్యం ఒక్కటే- లక్ష్యాలను చేరుకునేలా కామ్యను ప్రోత్సహిస్తూ, అందుకు తగిన శిక్షణ, సలహాలు అందించడమే. అలాగే వీలైనంత వరకు ఆమె చేరుకునే ప్రతి లక్ష్యంలోనూ నేనూ ఆమె వెంట ఉండాలన్నది నా కోరిక. 
పట్టుదల ఎక్కువ..!
కామ్య చాలా మృదుస్వభావి.. నెమ్మదస్తురాలు. అయితే అంతే ఎనర్జిటిక్ కూడా..! ఆసక్తి ఉన్న అంశాల్లో రాణించాలనే పట్టుదల ఎక్కువ. అందుకే పర్వతారోహణ, ట్రెక్కింగ్, స్కీయింగ్.. వంటి సాహసోపేతమైన అంశాలతోపాటు పాటలు పాడడం, నృత్యం చేయడం.. వంటి అభిరుచులను కూడా అలవరుచుకొని వాటిలో రాణించడానికి ప్రయత్నిస్తోంది. ఒక గమ్యం చేరుకున్న తర్వాత తదుపరి లక్ష్యాన్ని నిర్ణయించుకొని దాన్ని చేరడానికి ప్రయత్నం చేస్తుంది. అందుకే పర్వతారోహణ చేసిన ప్రతిసారీ తర్వాతి పర్వతం అంతకంటే ఎత్తయినది ఎంచుకుంటుంది. పర్వతారోహణకు కేవలం శారీరకంగానే కాదు.. మానసికంగా కూడా చాలా ఫిట్‌గా ఉండాలి. అందుకే తరగతి పుస్తకాలతో పాటు మనోవికాసం పెంపొందించే రచనలు కూడా చదువుతుంది. రస్కిన్ బాండ్ రాసిన పుస్తకాలైతే ఇప్పటికి ఏడెనిమిదిసార్లు చదివింది. అంతేకాదు.. అప్పగించిన పని తక్కువ సమయంలోనే పూర్తి చేసి తర్వాతి పని ఏంటని అడుగుతుంది. అందుకే తన ఎనర్జీ, ఫిట్‌నెస్, ఎడ్యుకేషన్.. ఇవన్నీ దృష్టిలో పెట్టుకొని ఇంట్లోని కుటుంబ సభ్యులతో గడపడం దగ్గర్నుంచి ఏమీ మిస్ అవ్వకుండా తన ప్రణాళికను రూపొందిస్తా. సెలవు రోజుల్లో అయితే ప్రత్యేకమైన ట్రిప్స్‌తో సరదాగా గడిపేందుకే తను ఆసక్తి చూపిస్తుంది.

Photos: facebook.com/KaamyaKarthikeyan





women icon@teamvasundhara
meera-mehta-receives-uks-the-diana-award-for-her-humanitarian-work

అందుకే కాబోయే ఈ డాక్టరమ్మకు ఆ అవార్డు!

కరోనా.. ఎందరినో శారీరకంగా, మానసికంగా క్షోభ పెడుతోంది.. మరెందరినో కూడుకు, గూడుకు దూరం చేస్తోంది.. ఉపాధి కోల్పోయిన ఇంకెందరి బతుకులనో ఛిన్నాభిన్నం చేస్తోంది. ఇలా అందరికీ ఓ పీడకలలా మారిందీ మహమ్మారి. అయితే ఇలాంటి ప్రతికూల పరిస్థితుల్లో చాలామంది ఎవరి కూటి కోసం వారు అవస్థలు పడుతుంటే.. కొందరు మాత్రం ఆర్థికంగా చితికిపోయిన బతుకుల్ని ఆదుకోవడానికి నిస్వార్థంగా ముందుకొస్తున్నారు. తమకు చేతనైన సహాయం చేస్తూ ఆపద్బాంధవులుగా మారుతున్నారు. మరికొందరు తాము చూపిన మానవత్వానికి ప్రతిగా ప్రతిష్ఠాత్మక అవార్డులు అందుకుంటున్నారు. తాజాగా ఇలాంటి ఓ అరుదైన పురస్కారం అందుకుంది ముంబయికి చెందిన 21 ఏళ్ల మీరా మెహతా. గత పదిహేనేళ్లుగా సమాజ సేవకు పాటు పడుతోన్న ఆమె.. కరోనా కల్లోల సమయంలోనూ తన నిస్వార్థమైన సేవను కొనసాగిస్తోంది. ఇందుకు గుర్తింపుగా బ్రిటన్‌ ప్రభుత్వం నుంచి ప్రతిష్ఠాత్మక ‘ది డయానా అవార్డు’ను అందుకొని ఒక్కసారిగా వార్తల్లో వ్యక్తిగా మారిపోయింది.

Know More

women icon@teamvasundhara
mp-girl-roshni-bhadauria-cycles-24-km-to-school-daily-scores-985-pc-in-10th-boards

రోజూ సైకిల్‌పై సవారీతో...టెన్త్ లో టాపర్‌గా !

అజ్‌నౌల్‌.. మధ్యప్రదేశ్‌ భీండ్‌ జిల్లాలోని ఓ కుగ్రామం. అక్కడికి బస్సు సౌకర్యమే కాదు.. ఇతర రవాణా సదుపాయాలు సైతం లేవు. ఇక ఆ ఊరి పిల్లలు పదో తరగతి పూర్తిచేయాలంటే అక్కడికి 12 కిలోమీటర్ల దూరంలో ఉన్న మెహ్‌గావ్‌ గ్రామంలోని పాఠశాలకు వెళ్లాల్సిందే. పోనీ.. ఆ బడికి స్కూల్‌ వ్యాన్‌ సౌకర్యం ఉందా అంటే అదీ లేదు. ఎవరికి వారు సొంత వాహనాలపై వెళ్లాల్సిందే! ఒకవేళ వరదలు ముంచెత్తి ఆ రోడ్డు మార్గం కూడా మూసుకుపోతే స్కూల్‌కెళ్లే ఆ ఒక్క అవకాశం కూడా ఉండదు. ఇలాంటి ప్రతికూల పరిస్థితుల్లోనూ చదువు కొనసాగించి పదో తరగతి ఫలితాల్లో ఉత్తమ ర్యాంక్‌ సాధించింది పదిహేనేళ్ల రోష్నీ బదౌరియా. మరి, ఇంతకీ అంత దూరం తను బడికి ఎలా వెళ్లిందనేగా మీ సందేహం? పోను 12 కి.మీ. రాను 12 కి.మీ. ఇలా మొత్తంగా 24 కి.మీ. సైకిల్‌పై సవారీ చేసి పాఠాలు నేర్చుకున్న రోష్నీ.. ఇప్పుడు తన ప్రతిభతో ఆ ఊరికే గర్వకారణంగా నిలిచింది. చదువంటే మక్కువ, భవిష్యత్తులో కలెక్టరై దేశానికి సేవ చేయాలన్న తపనే తనను నడిపిస్తోందంటోన్న ఈ చదువుల తల్లి గురించి మరిన్ని విషయాలు తెలుసుకుందాం..

Know More

women icon@teamvasundhara
jharkhand-young-writer-wins-commonwealth-short-story-prize-for-her-fictional-love-story-the-great-indian-tee-and-snakes

ఆ ప్రేమకథే ఈ అవార్డు తెచ్చిపెట్టింది!

కొన్ని చోట్ల బాల్య వివాహాలు, మరికొన్ని చోట్ల నెలసరి సమయంలో ఇంట్లోకి రావద్దంటూ ఆంక్షలు, ఇంకొన్ని చోట్ల కులాంతర, మతాంతర ప్రేమ వివాహాలను నేరంగా పరిగణించడం.. ఇలా మన దేశంలో ఎన్నో ఏళ్లుగా వేళ్లూనుకుపోయిన పాతకాలపు సంప్రదాయాలు, కట్టుబాట్లు, మూఢనమ్మకాలు నేటికీ కొనసాగుతూనే ఉన్నాయి. ఇలాంటి సామాజిక సమస్యలను వెండితెరపై ఆవిష్కరించే వారు కొందరైతే, మరికొందరు తమ కలంతోనే ఈ సామాజిక అంశాలను నలుగురిలోకీ తీసుకెళ్తారు.. అందరి మెప్పూ పొందుతారు. అలాంటి ఓ సున్నితమైన సామాజిక అంశాన్నే అందమైన ప్రేమకథగా మలచిందో భారతీయ యువ రచయిత్రి. దానికి ప్రతిగా ప్రతిష్ఠాత్మక ‘కామన్వెల్త్‌ షార్ట్‌ స్టోరీ ప్రైజ్‌’ అందుకుంది. మరి, ఇంతకీ ఎవరామె? ఆమె రాసిన కథేంటి? తెలుసుకోవాలంటే ఇది చదవాల్సిందే!

Know More

women icon@teamvasundhara
tea-sellers-daughter-anchal-gangwal-becomes-indian-air-force-pilot

ఛాయ్‌వాలా కూతురు పైలటైంది!

కలలు కనడం ఎవరైనా చేస్తారు.. వాటిని సాకారం చేసుకునే దిశగా ఎన్ని సవాళ్లు ఎదురైనా అధిగమించి అంతిమ లక్ష్యం చేరుకున్న వారే అసలైన విజేత అవుతారు. తమ కృషి, పట్టుదలతో అందరికీ ఆదర్శంగా నిలుస్తారు. అందుకు తాజా ఉదాహరణే మధ్యప్రదేశ్‌కు చెందిన 24 ఏళ్ల ఆంచల్‌ గంగ్వాల్‌. పేదరికం వెక్కిరించినా, ఆర్థికంగా అడుగడుగునా ఆటంకాలు ఎదురైనా తన ఆశయాన్ని వీడలేదామె. సవాళ్లను సానుకూలంగా స్వీకరిస్తూనే తన కలను సాకారం చేసుకుంది. నలుగురికీ ఆదర్శంగా నిలిచింది. అందుకే తన విజయంతో ప్రస్తుతం దేశ ప్రజల మన్ననలందుకుంటోంది.. ప్రముఖుల ప్రశంసల్లో తడిసి ముద్దవుతోంది. మరి, ఇంతకీ ఎవరీ ఆంచల్‌? ఏంటి ఆమె ఆశయం? తెలుసుకోవాలంటే ఇది చదవాల్సిందే!

Know More

women icon@teamvasundhara
girls-outperform-in-ts-inter-results-2020

పట్టుదలతో చదివారు... ‘టాపర్లు’గా నిలిచారు !

తమ పిల్లలు బాగా చదువుకోవాలని, చక్కటి ఉద్యోగాలు సాధించాలని, ఉన్నత స్థాయికి చేరుకోవాలని తల్లిదండ్రులు కలలు కంటారు. పిల్లల బాగుకోసం పరితపిస్తూ ఎలాంటి కష్టాలనైనా ఎదుర్కొంటారు. ఇదే సమయంలో పిల్లలు కూడా తమ తల్లిదండ్రుల రెక్కల కష్టాన్ని అర్థం చేసుకుని, వారి ఆకాంక్షలకు అనుగుణంగా చదువుతూ మంచి ర్యాంకులతో ప్రతిభ చాటుతుంటారు. ఈ నేపథ్యంలో తాజాగా విడుదలైన ఇంటర్‌ ఫలితాల్లో కూడా పలువురు విద్యా్ర్థినులు సత్తా చాటారు. పట్టుదలతో చదివి రాష్ట్రస్థాయి ర్యాంకులు సాధించారు. తద్వారా తమ భవిష్యత్‌ కోసం ఎంతో కష్టపడుతున్న తల్లిదండ్రుల కళ్లల్లో సంతోషాన్ని నింపారు.

Know More

women icon@teamvasundhara
madurai-girl-honoured-with-un-good-will-ambassador-for-the-poor

అందుకోసం దాచుకున్న 5 లక్షలతో 600 కుటుంబాల ఆకలి తీర్చింది!

‘కష్టాల్లో ఉన్న ఉన్నవారికి సాయం చేయాలంటే శ్రీమంతులు, స్థితిమంతులే కానక్కర్లేదు... కాసింత మంచి మనసుంటే చాలు’ అన్న మాటలను నిరూపిస్తూ లాక్‌డౌన్ బాధితులను ఆదుకునేందుకు చాలామంది స్వచ్ఛందంగా ముందుకొస్తున్నారు. ధనికులు కాకపోయినా దయాగుణంతో తమకు తోచినంత సహాయం చేసి పెద్ద మనసు చాటుకుంటున్నారు. ఈ క్రమంలో కరోనా ప్రభావంతో అల్లాడుతున్న పేదలను ఆదుకునేందుకు ‘నేను సైతం’ అంటూ ముందుకొచ్చింది మదురైకు చెందిన 13 ఏళ్ల నేత్ర. ఓ చిన్న సెలూన్‌ ఓనర్‌ కూతురైన ఆమె తన సివిల్స్‌ చదువుల కోసం పోగుచేసిన రూ.5లక్షలతో లాక్‌డౌన్‌ బాధితులకు నిత్యావసరాలను పంపిణీ చేసింది. తన సాయంతో ప్రధాని నరేంద్రమోదీ ప్రశంసలు సైతం అందుకున్న ఈ విద్యార్థినిని తాజాగా ఐక్యరాజ్య సమితి కూడా అరుదైన గుర్తింపు ఇచ్చి గౌరవించింది.

Know More

women icon@teamvasundhara
jharkhands-budding-archer-soni-khatoon-forced-to-sell-vegetables

విల్లు పట్టిన చేతులతో కూరగాయలమ్ముతోంది!

చిన్నతనం నుంచి ఆటలంటే ఆమెకు పంచప్రాణాలు. అందులోనూ విలువిద్యలో ఏకలవ్య శిష్యురాలిగా ఆరితేరాలనుకుందామె. అయితే ఆమె ఆర్థిక స్థితిగతులు అందుకు సహకరించలేదు. అయినా పాఠశాలలో చదువుకునే రోజుల నుంచే ఆర్చరీలో పట్టు సాధించింది. ఫలితంగా పలు జాతీయ స్థాయి పోటీల్లో పతకాలందుకుంది. ఇదే కృషి, పట్టుదలతో అంతర్జాతీయ స్థాయిలో రాణించాలనుకుంది. కానీ ఈసారి తన ఆర్థిక పరిస్థితులకు తోడు లాక్‌డౌన్‌ కష్టాలు కూడా తోడయ్యాయి. కూటి కోసం కూరగాయలమ్మడానికీ సిద్ధపడిందామె. అలా విల్లు పట్టి పతకాల వేట కొనసాగించిన చేతులే ఇప్పుడు కూరగాయలమ్ముతుంటే చూడలేకపోయిన అక్కడి ప్రభుత్వం తనకు సహకరించడానికి, క్రీడలో తనను ప్రోత్సహించడానికి ముందుకొచ్చి తనను ఆదుకుంది. అలా తాజాగా సోషల్‌ మీడియాలో వైరల్‌గా మారిందీ యువకెరటం. ఇంతకీ ఎవరామె? ఏంటా కథ? తెలుసుకోవాలంటే ఇది చదవాల్సిందే!

Know More

women icon@teamvasundhara
world-environment-day-2020-these-activists-are-making-the-world-a-better-place

రండి... వీళ్లను చూసైనా నేర్చుకుందాం !

మనం పర్యావరణాన్ని కాపాడితే.. అది మనల్ని కాపాడుతుంది.. అప్పుడు ఎలాంటి అనారోగ్యాలు లేకుండా హాయిగా జీవించచ్చు.. అలాకాకుండా మన చెడు అలవాట్లతో, పొరపాట్లతో పర్యావరణాన్ని నాశనం చేయాలని చూస్తే అదీ మన అంతు చూస్తుంది. ప్రస్తుతం కరోనాతో మనం ఎదుర్కొంటున్న గడ్డు పరిస్థితులు అలాంటివే! ఏదైనా మన దాకా వస్తే గానీ తెలియదన్నట్లు.. కరోనా వచ్చాకే అందరిలో వ్యక్తిగత శుభ్రత పెరిగింది.. లాక్‌డౌన్‌ పేరుతో ఇంటికే పరిమితమవడం వల్ల పర్యావరణానికీ తనను తాను రిపేర్‌ చేసుకోవడానికి సమయం దొరికింది. ఫలితంగా ఏళ్ల తరబడి కాలుష్య కాసారంలో మునిగిపోయిన యమునానది సైతం శుభ్రపడింది. అలాగే అనేక నగరాల్లో కాలుష్యం తగ్గింది.. అందుకే కరోనా అంతమైపోయినా మన ఆరోగ్యకరమైన అలవాట్లను, జీవనశైలిని ఇలాగే కొనసాగించాలి.. ఈ క్రమంలో చిన్న వయసులోనే ప్రపంచవ్యాప్తంగా కొందరు బాలికలు పర్యావరణ పరిరక్షణ కోసం నడుం బిగించారు. ప్రతి ఒక్కరూ మంచి అలవాట్లను అలవర్చుకొని ఈ పుడమి తల్లిని కాపాడుకోవాలంటూ ఉద్యమ స్ఫూర్తిని అందరిలో రగిలిస్తున్నారు. అలాంటి బాలికల గురించి, వారు చేస్తోన్న పోరాటం గురించి ‘ప్రపంచ పర్యావరణ దినోత్సవం’ సందర్భంగా తెలుసుకుందాం రండి..

Know More

women icon@teamvasundhara
story-of-a-first-asian-woman-who-got-a-driving-license-without-hands

మారియట్‌... నిన్ను చూశాకే ధైర్యం అంటే ఏంటో తెలిసింది !

పుట్టుకతోనే అమ్మాయికి రెండు చేతులు లేవు.. అది ఆమె తప్పు కాకపోయినా లోకం ఆమెను చిన్న చూపు చూసింది. ‘నీ శారీరక లోపంతో నువ్వేమీ సాధించలేవు..’ అంటూ వేలెత్తి చూపించింది. అది ఆమెకు నచ్చలేదు. ఏ లోపాన్ని చూపించి తనను అందరూ నిరుత్సాహ పరిచేవారో ఆ లోపాన్నే అధిగమించింది. తనలోని ప్రత్యేకతను ప్రపంచానికి పరిచయం చేసింది. చేతులు లేకపోయినా గ్రాఫిక్‌ డిజైనర్‌గా ఉద్యోగం సంపాదించింది.. చేతులు లేకపోయినా కాళ్లతోనే కారు నడపడం నేర్చుకొని డ్రైవింగ్‌ లైసెన్స్‌ పొందింది. ఈ ఘనత సాధించిన తొలి ఆసియా మహిళగా కీర్తి గడించింది. ఆమే కేరళకు చెందిన జిలుమోల్‌ మారియట్‌ థామస్‌. 28 ఏళ్ల జిలుమోల్‌ కాళ్లతోనే స్టీరింగ్‌ తిప్పుతూ అలవోకగా కారు నడిపే వీడియో తాజాగా ప్రముఖ వ్యాపారవేత్త ఆనంద్‌ మహీంద్రా కంట పడింది. తన జీవితంలో ఎదురైన చీకట్లను చీల్చుకుంటూ వెలుతురు వైపు పయనించిన ఆమెను మనమంతా ఈ కొవిడ్‌ సమయంలో ఆదర్శంగా తీసుకొని ధైర్యంగా ముందుకు సాగాలంటూ ఆమెపై ప్రశంసలు కురిపించారీ టెక్‌ దిగ్గజం.

Know More

women icon@teamvasundhara
corona-virus-12-year-old-noida-girl-books-flight-for-3-migrant-workers-with-her-savings

దాచుకున్న డబ్బుతో వాళ్లకు ఫ్లైట్‌ టిక్కెట్లు కొంది !

కరోనా సంక్షోభంతో వలస కార్మికుల బతుకులు చిన్నాభిన్నమయ్యాయి. లాక్‌డౌన్‌ కారణంగా వారి ఉపాధి అవకాశాలు అడుగంటిపోవడంతో సొంతగూటికి చేరుకునేందుకు శతవిధాలా ప్రయత్నిస్తున్నారు. కొందరు వేలాది కిలోమీటర్ల మేర కాలినడకన ప్రయాణం సాగిస్తుంటే మరికొందరు ట్రక్కు, లారీ, ఆటోలను ఆశ్రయిస్తున్నారు. ప్రభుత్వం దశల వారీగా లాక్‌డౌన్‌ సడలింపులిచ్చినప్పటికీ వీరి ప్రయాణం మాత్రం ఆగడం లేదు. అయితే దురదృష్టవశాత్తూ చాలామంది సొంతూరుకు చేరుకునేలోపే మృత్యువు బారిన పడుతున్నారు. ఈ నేపథ్యంలో రోజూ దినపత్రికలు, టీవీల్లో చూపిస్తోన్న వలస కార్మికుల వెతలను చూసి చలించిపోయింది ఓ ఎనిమిదో తరగతి విద్యార్థిని. వారి కోసం తన వంతు ఏదైనా సహాయం తలంచింది. అందుకోసం తన పిగ్గీ బ్యాంకులో పోగు చేసుకున్న సొమ్ముతో ఓ ముగ్గురు బడుగు జీవులను వారి స్వస్థలాలకు పంపించింది.

Know More

women icon@teamvasundhara
paralympian-swimmer-and-nurse-winning-the-internet-with-her-violin-skills

ఆమె సంకల్ప స్ఫూర్తికి ‘హ్యాట్సాఫ్‌’!

జీవితమంటేనే సుఖ దుఃఖాల సమ్మేళనం. అన్ని వేళలా మనం ఆశించినట్లు జరగదు. అందుకు తగ్గట్లే అప్పుడప్పుడు కొన్ని ఆటుపోట్లు మన ఓర్పుకు, సహనానికి పరీక్ష పెడుతుంటాయి. అయితే ఎలాంటి అడ్డంకులు వచ్చినా ధైర్యంగా ఎదురొడ్డి పోరాడడమే జీవితం. అదేవిధంగా సంకల్పబలంతో ప్రయత్నిస్తే ఏదైనా సాధించవచ్చని ఇప్పటికే చాలామంది చాలా సందర్భాల్లో నిరూపించారు. ఈ కోవకే చెందుతుంది జపాన్‌కు చెందిన మనామీ ఇటో. ఓ యాక్సిడెంట్‌లో కుడిచేతిని కోల్పోయిన ఆ అమ్మాయి తన వయొలిన్‌ స్కిల్స్‌తో అందరినీ అబ్బురపరుస్తోంది. సింగిల్‌ హ్యాండ్‌తో సంగీతాభిమానులను అలరిస్తున్న ఆ యువతి పారాలింపియన్‌ స్విమ్మర్‌గానూ సత్తా చాటింది. అంతేకాదు ఓ నర్సుగా రోగులకు సేవ కూడా చేస్తోంది. ఈక్రమంలో అంగవైకల్యం అనేది శరీరానికేనని, మనసుకు కాదని నిరూపిస్తున్న ఆ జపనీస్‌ యువతికి సంబంధించిన ఓ వీడియోను ఐఏఎస్‌ ఆఫీసర్‌ సుప్రియా సాహు తన ట్విట్టర్‌లో షేర్ చేసింది.

Know More

women icon@teamvasundhara
india-womens-football-team-midfielder-indumathi-katiresan-busy-enforcing-lockdown-in-police-uniform

ఇందుమతీ... హ్యాట్సాఫ్‌ !

వృత్తి రీత్యా ఎప్పుడూ బిజీగా ఉండే మనకు కాస్త సమయం దొరికితే చాలు.. కుటుంబ సభ్యులతో, స్నేహితులతో గడపాలనుకుంటాం.. లేదంటే మనకు నచ్చిన పనులు చేసుకోవడంపై దృష్టి పెడతాం. అలా కరోనా పుణ్యమాని దాదాపు రెండు నెలల పాటు మనకు సుదీర్ఘ సమయం దొరికింది. అయితే తాను మాత్రం ఈ సమయాన్ని తన వ్యక్తిగత పనుల కోసం కాకుండా దేశ సేవ కోసం కేటాయిస్తున్నానని అంటోంది భారత మహిళల ఫుట్‌బాల్‌ జట్టు మిడ్‌ ఫీల్డర్‌ ఇందుమతీ ఖతిరేసన్‌. క్రీడాకారిణిగానే కాకుండా.. తమిళనాడు పోలీస్‌ శాఖలో సబ్‌ ఇన్‌స్పెక్టర్‌గా విధులు నిర్వర్తిస్తోన్న ఆమె ఈ లాక్‌డౌన్‌ సమయంలో ఖాకీ ధరించి కరోనాకు వ్యతిరేకంగా తనవంతు పోరాటం చేస్తోంది. ఇలా ఇందుమతి సేవల్ని కొనియాడుతూ భారత ఫుట్‌బాల్‌ జట్టు తన అధికారిక ట్విట్టర్‌ పేజీలో ఓ పోస్ట్‌ పెట్టింది.

Know More

women icon@teamvasundhara
ivanka-praised-jyothi-who-cycled-with-injured-father-for-1200-kms

తన సాహసంతో ఇవాంక మనసు గెలుచుకుంది !

నడక నేర్పించిన నాన్నను సొంతూరికి చేర్చేందుకు ఎవరూ చేయని సాహసం చేసింది బిహార్‌కు చెందిన జ్యోతి కుమారి. లాక్‌డౌన్‌ కాలంలో ఒకటి కాదు...రెండు కాదు ఏకంగా 1,200 కిలోమీటర్ల పాటు తండ్రిని వెంటపెట్టుకుని సైకిల్‌ తొక్కిన ఆ బాలిక అసామాన్య ధైర్యంపై దేశ ప్రజలంతా ప్రశంసల వర్షం కురిపిస్తున్నారు. ప్రొఫెషనల్‌ అథ్లెట్లకు కూడా సాధ్యం కాని విధంగా ఏడు రోజుల సుదీర్ఘ ప్రయాణం చేసిన జ్యోతిపై భారత సైక్లింగ్‌ ఫెడరేషన్‌ కూడా ప్రశంసలు కురిపించింది. అంతేకాదు తనకు సైక్లింగ్‌లో ఉచితంగా శిక్షణ కూడా అందించేందుకు ముందుకొచ్చింది. గాయపడిన తండ్రిని కాపాడుకోవాలనే తాపత్రయంలో జ్యోతి చేసిన సాహసానికి అమెరికా అధ్యక్షుడు డొనాల్డ్‌ ట్రంప్‌ కూతురు ఇవాంకా ట్రంప్‌ కూడా ముగ్ధురాలయింది. ఈ మేరకు ట్విటర్‌ వేదికగా ఆ బాలికపై ప్రశంసల వర్షం కురిపించింది.

Know More

women icon@teamvasundhara
indian-origin-telugu-girl-donthineni-devisri-selected-as-naval-pilot-in-usa-navy
women icon@teamvasundhara
15-years-girl-brings-injured-father-on-bicycle-from-delhi-to-bihar

సొంతగూటికి చేరుకునేందుకు ఎంత సాహసం చేసిందో!

కరోనా ప్రభావంతో బడుగు జీవుల బతుకు ప్రశ్నార్థకమైంది. పొట్ట నింపుకోవడానికి వివిధ పట్టణాలకు వలస వెళ్లిన కార్మికులు పనులు దొరక్క పస్తులుంటున్నారు. దాతలు అందించే అన్నపానీయాలతోనే రోజూ కడుపు నింపుకొంటున్న ఆ కూలీలు గత్యంతరం లేక సొంతూళ్లకు పయనమవుతున్నారు. చేతిలో చిల్లిగవ్వ లేకపోవడంతో వేలాది కిలోమీటర్ల దూరంలో నున్న స్వస్థలాలకు కాలినడకన వెళుతున్నారు. ప్రభుత్వం శ్రామిక్‌ రైళ్లను నడుపుతున్నా కాలినడకన వెళ్లే వారి సంఖ్య ఏ మాత్రం తగ్గడం లేదు. అలా ఓ 15 ఏళ్ల ఆడకూతురు గాయపడిన తన తండ్రిని సైకిల్‌పై కూర్చోబెట్టుకుని దిల్లీ నుంచి బిహార్‌ వరకు ప్రయాణించింది. ఒకటి కాదు...రెండు కాదు ఏకంగా 1200కిలోమీటర్లు సైకిల్ తొక్కుకుంటూ ప్రయాణం సాగించిన ఆ తండ్రీకూతుళ్లు ఎట్టకేలకు సొంతగూటికి చేరుకున్నారు.

Know More

women icon@teamvasundhara
corona-virus-3-year-old-boy-bakes-cupcakes-to-raise-rs-50000-for-charity

పోలీస్‌ అంకుల్‌! కరోనా కనిపిస్తే మీ గన్‌తో కాల్చేయండి!

సాధారణంగా మూడేళ్ల వయసున్న పిల్లలు ఎలా ఉంటారు? ఇంట్లో అమ్మ చేసి పెట్టినవి తింటూ అల్లరికి కేరాఫ్ అడ్రస్‌గా ఉంటారు. లేకపోతే స్మార్ట్‌ ఫోన్‌, ట్యాబ్‌, టీవీనో పట్టుకుని వేలాడుతుంటారు. అయితే ముంబైకి చెందిన మూడేళ్ల కబీర్‌ మాత్రం అలా చేయలేదు. ఇంట్లో అమ్మ సహాయంతో స్వయంగా రుచికరమైన కప్‌ కేక్‌లు తయారుచేసి విక్రయించాడు. వాటి ద్వారా సంపాదించిన రూ.50వేల ఆదాయాన్ని ముంబై పోలీసులకు విరాళమిచ్చాడు. మరి కరోనాపై పోరులో భాగంగా చిన్న వయసులోనే పెద్ద మనసు చాటుకున్న ఈ బుడతడి గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-virus-falguni-pathak-sings-from-her-balcony-for-neighbors

ఇప్పటికీ ఆమె పాటలో అదే మాధుర్యం!

కరోనాతో ప్రపంచ దేశాలన్నీ వణికిపోతున్నాయి. చిన్నా, పెద్దా, ధనిక, పేద అన్న తేడాల్లేకుండా అందరినీ కబళిస్తోన్న ఈ వైరస్‌తో కోట్లాదిమంది ప్రజలు ఇంటికే పరిమితమయ్యారు. లాక్‌డౌన్‌లో భాగంగా సామాజిక దూరం పాటిస్తూ కనీసం ఒకరినొకరు కూడా పలకరించుకోలేని పరిస్థితి. ఇప్పటికే లక్షలాదిమందిని బలి తీసుకున్న కరోనా గురించి ఆలోచిస్తూ చాలామంది ఆందోళనకు గురవుతున్నారు. ఇంట్లో ఉన్నప్పటికీ నిరాశా నిస్పృహలతో మానసిక అనారోగ్య సమస్యల బారిన పడుతున్నారు. ఇలా లాక్‌డౌన్‌లో ఆందోళన చెందుతున్న వారందరిలో తన పాటలతో జోష్‌ తీసుకొచ్చింది ఫాల్గుణి పాథక్‌. రెండు దశాబ్దాలుగా తన హుషారైన పాటలతో ఉర్రూతలూగిస్తున్న ఈ స్టార్‌ సింగర్‌ మరోసారి తన గొంతు సవరించుకుంది. సామాజిక దూరం పాటిస్తూ తన ఇంటి బాల్కనీలోనే పాటలు పాడుతూ చుట్టుపక్కలున్న వారందరిలో కరోనా భయాన్ని పోగొట్టేందుకు ప్రయత్నించింది.

Know More

women icon@teamvasundhara
corona-virus-on-rabindra-jayanti-two-sisters-pay-a-balcony-concert-tribute-to-tagore

శ్రావ్యమైన సంగీతంతో సానుకూల దృక్పథం నింపారు!

రవీంద్రనాథ్‌ ఠాగూర్‌... ‘విశ్వకవి’గా ప్రపంచవ్యాప్తంగా గుర్తింపు పొందిన ఈ బహుముఖ ప్రజ్ఞాశాలి గురించి ఎంత చెప్పుకున్నా తక్కువే. కోల్‌కతాలో జన్మించిన ఆయన పదునైన కలంతో ప్రతిష్ఠాత్మక నోబెల్‌ అవార్డు కూడా అందుకున్నారు. మనదేశంతో పాటు బంగ్లాదేశ్‌కు సైతం జాతీయ గీతాన్ని అందించిన రవీంద్రుడిని బెంగాల్‌ ప్రజలు అమితంగా ఆరాధిస్తారు. మామూలుగా అయితే ఏటా ఆయన జయంతి రోజు రాష్ర్టమంతటా అట్టహాసంగా సాంస్కృతిక కార్యక్రమాలు నిర్వహిస్తారు. కానీ లాక్‌డౌన్‌ కారణంగా ప్రస్తుతం ఎలాంటి బహిరంగ కార్యక్రమాలకు అనుమతి లేదు. ఈ క్రమంలో పుణేకు చెందిన సోదరీమణులు తమ అద్భుతమైన సంగీత కచేరీతో ఆ కొరతను తీర్చారు. తమ అపార్ట్‌మెంట్‌ బాల్కనీలోనే శ్రావ్యమైన గొంతుతో రవీంద్రుడి పాటలను పాడి విశ్వకవికి ఘనంగా నివాళులు అర్పించారు.

Know More

women icon@teamvasundhara
corona-virus-woman-techie-in-kerala-creates-news-paper-saree

పేపర్లతో శారీ.. ఈ అమ్మాయి క్రియేటివిటీ చూశారా?

ప్రతి మనిషిలోనూ ప్రపంచానికి తెలియని ఓ కళ దాగుంటుంది. సందర్భం, సమయాన్ని బట్టి అది బయటపడుతుంది. ఈ నేపథ్యంలో లాక్‌డౌన్‌ పుణ్యమా అని ప్రస్తుతం చాలామంది తమలో దాగున్న ట్యాలెంట్‌కు ‘లాక్‌’ తీస్తున్నారు. ఇందులో భాగంగా కొంతమంది కిచెన్‌లో గరిటె తిప్పుతూ సరికొత్త రుచులను పరిచయం చేస్తే.. మరికొందరు తమ క్రియేటివిటీని బయటపెడుతున్నారు. ఈక్రమంలోనే కేరళకు చెందిన ఓ ఐటీ ఉద్యోగిని న్యూస్‌ పేపర్‌తో చీరను తయారుచేసింది. మోడలింగ్‌, ఫ్యాషన్‌ డిజైనింగ్‌ రంగాల్లోనూ ప్రావీణ్యమున్న ఆమె.. తాను డిజైన్‌ చేసిన ‘పేపర్‌ శారీ’ని తానే ధరించి కెమెరాలో బంధించుకుంది. సంబంధించిన వివరాలను తన ఫేస్ బుక్ అకౌంట్లో పోస్ట్ చేసింది. ప్రస్తుతం ఈ ఫొటోలు సోషల్‌మీడియాలో వైరల్‌ గా మారాయి.

Know More

women icon@teamvasundhara
corona-virus-manipal-university-student-makes-donates-hand-sanitisers

వాళ్ళ కోసమే ఈ శానిటైజర్‌ బాటిల్స్‌ తయారుచేస్తున్నా!

కరోనా ధాటికి ప్రపంచమంతా వణికిపోతోంది. ఈ పరిస్థితుల్లో వైరస్‌ నుంచి మనల్ని మనం కాపాడుకోవాలంటే వ్యక్తిగత పరిశుభ్రత పాటించడం, మాస్కులు ధరించడం ఎంత ముఖ్యమో ప్రత్యేకించి చెప్పాల్సిన అవసరం లేదు. ముఖ్యంగా చేతుల్ని తరచూ శుభ్రం చేసుకోవాలని ప్రపంచ ఆరోగ్య సంస్థతో పాటు పలువురు వైద్య నిపుణులు కూడా సూచిస్తున్నారు. ఇండియాలో కూడా వైరస్‌ వేగంగా వ్యాప్తి చెందుతోన్న నేపథ్యంలో హ్యాండ్‌ శానిటైజర్లకు బాగా డిమాండ్‌ ఏర్పడింది. ఈ క్రమంలోనే వీటి అమ్మకం చాలామందికి వ్యాపార సూత్రంగా మారిపోయింది. దీంతో మార్కెట్లలో వీటి ధరలు ఆకాశాన్నంటుతున్నాయి. ఈ క్రమంలో కోల్‌కతాకు చెందిన బయోటెక్నాలజీ ఇంజినీరింగ్‌ విద్యార్థిని సిమర్‌ శర్మ సొంతంగా హ్యాండ్‌ శానిటైజర్లను తయారుచేస్తోంది. అనంతరం స్థానిక పోలీసుల సహాయంతో వాటిని అవసరమైన వారందరికీ ఉచితంగా సరఫరా చేస్తూ అందరి మన్ననలు అందుకుంటోంది.

Know More

women icon@teamvasundhara
corona-virus-priyanka-chopra-joins-greta-to-save-vulnerable-children-from-covid-19

ఆ మంచి పని కోసం వీరిద్దరూ చేతులు కలిపారు!

కరోనా ఉత్పాతంతో ప్రపంచమంతా విలవిల్లాడుతోంది. చిన్న పిల్లల నుంచి వయో వృద్ధుల వరకు అందరూ ఈ మహమ్మారికి బలవుతున్నారు. దీంతో ఈ వైరస్‌ను నిలువరించేందుకు ఆయా దేశాలన్నీ శాయశక్తులా ప్రయత్నిస్తున్నాయి. ఇదే సమయంలో వివిధ రంగాలకు చెందిన సెలబ్రిటీలు కూడా కరోనాపై పోరులో భాగస్వాములవుతున్నారు. కొందరు విరాళాలు అందజేస్తుండగా, మరికొందరు లాక్‌డౌన్‌ కారణంగా నష్టపోతున్న వలస కార్మికుల కోసం తమ వంతు సహాయ కార్యక్రమాలు చేపడుతున్నారు. ఈక్రమంలో సామాజిక సేవా కార్యక్రమాల్లో ఎప్పుడూ ముందుండే ప్రియాంక చోప్రా.. కరోనా బారిన పడుతున్న చిన్నారులను ఆదుకోవడానికి ముందుకొచ్చింది. స్వీడిష్‌ సోషల్‌ యాక్టివిస్ట్‌ గ్రెటా థున్‌బర్గ్‌తో కలిసి చిన్నారుల సంక్షేమం కోసం ఓ క్యాంపెయిన్‌ను ప్రారంభించిందీ గ్లోబల్‌ బ్యూటీ.

Know More

women icon@teamvasundhara
here-are-the-tiktok-videos-of-telugu-serial-actresses

టీవీలోనే కాదు.. టిక్‌టాక్‌లోనూ అలరిస్తాం..!

కేంద్రం లాక్‌డౌన్‌ ప్రకటించడంతో విద్యాసంస్థలు, వ్యాపార పరిశ్రమలతో పాటు వినోద రంగం కూడా తాత్కాలికంగా తమ కార్యకలాపాలను నిలిపివేసిన సంగతి విదితమే. దీంతో సినిమాలు, సీరియళ్లు, రియాల్టీ షోలు.. తదితర కార్యక్రమాలకు సంబంధించిన చిత్రీకరణ పనులు కూడా ఆగిపోయాయి. ఈ క్రమంలో నిత్యం షూటింగ్స్‌తో బిజీగా ఉండే మన బుల్లితెర తారలకు కాస్త విరామం దొరికినట్లయ్యింది. దీంతో వీళ్లు ఇంటి పట్టునే ఉంటూ ఈ క్వారంటైన్‌ సమయాన్ని కుటుంబ సభ్యులతో ఎంజాయ్‌ చేస్తున్నారు. ఇందులో భాగంగా కొంతమంది బుల్లితెర నటీమణులు టిక్‌టాక్‌ వేదిక ద్వారా ప్రేక్షకులను అలరిస్తుండడం విశేషం. ఈ క్రమంలో డ్యాన్స్‌, కామెడీ, సినిమా డైలాగుల అనుకరణతో పాటు.. సోషల్‌ మీడియా ఛాలెంజ్‌లలో పాల్గొనడం, తాము రూపొందించిన వంటలను పరిచయం చేయడం.. తదితర వీడియోలను కూడా టిక్‌టాక్‌లో పోస్ట్‌ చేస్తు్న్నారు. అలాంటి కొన్ని వీడియోలపై ఓ లుక్కేద్దాం రండి..

Know More

women icon@teamvasundhara
corona-virus-former-miss-world-manushi-chillar-starts-feminine-hygiene-program

నిత్యావసరాలు సరే... శానిటరీ న్యాప్‌కిన్ల సంగతేంటి?

కరోనా ఉపద్రవాన్ని అధిగమించేందుకు ప్రపంచ దేశాలు శాయశక్తులా ప్రయత్నిస్తున్నాయి. రోజురోజుకీ పెరిగిపోతున్న ఈ వైరస్‌ వ్యాప్తిని అదుపు చేసేందుకు ఆయా ప్రభుత్వాలు తగు ముందు జాగ్రత్త చర్యలు తీసుకుంటున్నాయి. ఈక్రమంలో మన దేశంలో కూడా కట్టుదిట్టంగా లాక్‌డౌన్ అమలవుతోంది. దురదృష్టవశాత్తూ లాక్‌డౌన్‌ కారణంగా చాలామంది పేదలు, వలస కార్మికులకు సరిగా తిండి కూడా దొరకడం లేదు. కానీ ఆయా రాష్ట్ర ప్రభుత్వాలు, స్వచ్ఛంద సంస్థలు, దాతలు వీరికి కావలసిన నిత్యావసర సరుకులను అందిస్తూ సాధ్యమైనంతవరకు వారిని ఆదుకుంటున్నాయి. అయితే ఇదే సమయంలో మహిళల గురించి కూడా ప్రభుత్వాలు ఆలోచించాలని సూచిస్తోంది మాజీ మిస్‌ వరల్డ్‌ మానుషీ చిల్లర్‌. ఇందులో భాగంగా ఆడవారి నెలసరి పరిశుభ్రతకు సంబంధించి ఓ అవగాహన కార్యక్రమాన్ని ప్రారంభించింది.

Know More

women icon@teamvasundhara
corona-virus-sircilla-girls-invented-gadgets-to-avoid-corona-virus

కరోనా అలర్ట్‌: అబ్బురపరుస్తున్న అక్కాచెల్లెళ్ల ఆవిష్కరణలు..!

‘నమస్తే.. శానిటైజర్‌తో చేతులు కడుక్కుని లోపలికి రండి’ అంటూ గేటు బయటే హెచ్చరిక! డబ్బా వద్ద చేతులు పెట్టగానే దానంతటదే శానిటైజర్‌ చేతుల్లో పడుతుంది.. ఆ ఆశ్చర్యం నుంచి తేరుకొని.. ఇంట్లో వాళ్లతో కరచాలనం చేద్దామనుకుంటే చేతికున్న వాచీ తాకొద్దని హెచ్చరిస్తుంది... పలకరిద్దామని కాస్త దగ్గరికెళ్తే చాలు వారి మెడలో ఉన్న ఐడెంటిటీ కార్డు దూరంగా జరగమంటూ చప్పుడు చేస్తుంది.. మీకు ఈపాటికే అర్థమై ఉంటుంది కదా! ఈ పరికరాలన్నీ కరోనాని తరమడానికే ప్రత్యేకంగా తయారైనవనీ. వీటి ఆవిష్కర్తలు సిరిసిల్ల పట్టణానికి చెందిన అక్కాచెల్లెళ్లు బుధవారపు శ్వేత, స్నేహలు...

Know More

women icon@teamvasundhara
pv-sindhu-shares-her-thoughts-and-experiences-in-drouble-trouble-web-show

women icon@teamvasundhara
corona-virus-doctor-collects-650-tables-for-corona-patients

ఫోన్‌ ఇవ్వండి... కరోనా రోగుల బాధను పంచుకోండి!

ప్రపంచానికి పెద్దన్న అని చెప్పుకునే అమెరికాపై కరోనా పగబట్టినట్టుంది. ఏ మాత్రం కనికరం లేకుండా రోజుకు వేలాది మంది అమెరికన్లను పొట్టన పెట్టుకుంటోందీ మహమ్మారి. ఇప్పటివరకు సుమారు 50వేలమంది ఈ వైరస్‌ బారిన పడి ప్రాణాలు కోల్పోగా.. లక్షలాది మంది అమెరికన్‌ ప్రజలు ఆస్పత్రుల్లో చికిత్స పొందుతున్నారు. ఈ నేపథ్యంలో కొన వూపిరితో కొట్టుమిట్టాడుతోన్న కొంతమంది కరోనా రోగులు తమ కుటుంబ సభ్యుల కడసారి చూపుకి కూడా నోచుకోవడం లేదు. అనాథల్లా మరణిస్తూ కాటికి చేరుకుంటున్నారు. వారి అధ్వాన్న పరిస్థితులను దగ్గరుండి గమనించిన ఈ టే అనే ఓ వైద్యురాలు వారి కోసం ఓ వినూత్న ఆలోచన చేసింది.

Know More

women icon@teamvasundhara
bwf-names-pv-sindhu-as-an-ambassador-for-i-am-badminton-awareness-campaign

ఆటలో నిజాయతీనే అసలైన ఆనందం!

‘ఏ ఆటలోనైనా గెలుపోటములు సహజం. అందరిలాగే గెలుపనేది నాకు కూడా ఎంతో సంతోషాన్నిస్తుంది . కానీ ఆటలో నిజాయతీ అనేది నాకు ఇంకా ఆనందాన్నిస్తుంది. అదే నాకు ముఖ్యం’ అని చెబుతోంది బ్యా్డ్మింటన్‌ స్టార్‌ పీవీ సింధు. వరల్డ్‌ ఛాంపియన్‌షిప్‌ టైటిల్‌, ఒలింపిక్‌ మెడల్‌ లాంటి ఎన్నో ప్రతిష్ఠాత్మక టైటిల్స్‌, పతకాలు సాధించిన ఈ హైదరాబాదీ ప్లేయర్‌ తాజాగా మరో అరుదైన ఘనతను సొంతం చేసుకుంది. ప్రపంచ బ్యాడ్మింటన్ సమాఖ్య (బీడబ్ల్యూఎఫ్‌) నిర్వహిస్తోన్న ‘ఐయాయ్‌ బ్యాడ్మింటన్‌’ అనే ప్రచార కార్యక్రమానికి బ్రాండ్‌ అంబాసిడర్‌గా ఎంపికైందీ యంగ్‌ సెన్సేషన్‌. ఆమెతో పాటు మరో ఏడుగురు అంతర్జాతీయ బ్యాడ్మింటన్‌ క్రీడాకారులు ఈ క్యాంపెయిన్‌లో పాల్గొననున్నారు.

Know More

women icon@teamvasundhara
corona-virus-indian-women-hockey-team-launch-fun-fitness-challenge-to-raise-funds-

మా ఛాలెంజ్ కి మీరు సిద్ధమేనా?

లాక్‌డౌన్‌ కారణంగా నిరుపేదలు, రోజువారీ కూలీలు, వలస కార్మికులు ఎన్నో ఇబ్బందులు పడుతున్నారు. పనుల్లేక రోడ్లపైనే పస్తులుంటూ కడుపు మాడ్చుకుంటున్నారు. ఎవరైనా దాతలు వచ్చి అన్న పానీయాలు అందిస్తే తప్ప వారి ఆకలి తీరడం లేదు. ఇలా ఆపత్కాలంలో అవస్థలు పడుతోన్న పేద కార్మికులు, వలస కార్మికులకు ఆపన్న హస్తం అందించేందుకు భారత మహిళల హాకీ జట్టు వినూత్న ఆలోచనతో ముందుకొచ్చింది. ఇందులో భాగంగా ‘ఫన్‌ ఫిట్‌నెస్‌ ఛాలెంజ్‌’ పేరుతో విరివిగా విరాళాలు సేకరించి వలస కార్మికుల కడుపు నింపాలని నిర్ణయించుకుంది. ఓవైపు తమ ఫిట్‌నెస్‌ను మెరుగుపరుచుకుంటూనే.. మరోవైపు పేద కార్మికుల కళ్లల్లో సంతోషం నింపే ఈ సరికొత్త ఛాలెంజ్‌ గురించి మనమూ తెలుసుకుందాం రండి.

Know More

women icon@teamvasundhara
corona-virus-meet-these-kerala-women-cops-performing-lock-down-duties-on-royal-enfields

సాయమందించేందుకు ‘రయ్‌...రయ్‌’మంటూ వచ్చేస్తున్నారు!

కేరళ... భూతల స్వర్గంగా పేరు పొందిన ఈ రాష్ర్టంలోనే మొదటి కరోనా కేసు నమోదైంది. కానీ గతంలో సార్స్‌, నిఫా లాంటి ఎన్నో మహమ్మారులను సైతం ఎదుర్కొన్న అనుభవమున్న ఆ రాష్ట్రం.. నేడు కరోనాను కూడా సమర్థంగా తిప్పికొడుతోంది. కరోనా కట్టడిలో ప్రస్తుతం కేరళ మిగతా రాష్ట్రాలకు ఆదర్శంగా నిలుస్తోంది. ఓవైపు లాక్‌డౌన్‌ను పటిష్ఠంగా అమలుచేస్తూనే మరోవైపు ఈ ఆపత్కాలంలో సామాన్య ప్రజలెవరూ అవస్థలు పడకుండా తగు చర్యలు తీసుకుంటోంది. ఇందులో భాగంగా ఆ రాష్ట్రంలోని త్రిస్సూర్‌ పట్టణ పోలీసులు ఏర్పాటుచేసిన ప్రత్యేక మహిళా పెట్రోలింగ్‌ బృందాలు తమ సేవలతో పలువురి ప్రశంసలు అందుకుంటున్నాయి. రాయల్‌ ఎన్‌ఫీల్డ్‌ బైక్‌లపై పట్టణమంతా తిరుగుతూ ఆపత్కాలంలో అవస్థలు పడుతున్న వృద్ధులు, పిల్లలు, మహిళలకు అండగా నిలుస్తున్నాయి. వారికి కావలసిన సహాయ సహకారాలు అందజేస్తున్నాయి. ఇదిలా ఉంటే బెంగళూరుకు చెందిన దశమీ మోహన్‌ అనే మహిళ ఎంత దూరమైనా సోలోగా బైక్‌ డ్రైవ్‌ చేస్తూ అవసరార్థులకు కావలసిన మందులు అందజేస్తూ అందరి మన్ననలు అందుకుంటోంది.

Know More

women icon@teamvasundhara
meet-the-youtuber-twins-who-are-helping-people-stay-engaged-during-lock-down

యూట్యూబ్‌ ఛానల్‌ తో స్ఫూర్తి కలిగిస్తున్న కవలలు!

కరోనాను కట్టడి చేసేందుకు కేంద్రం విధించిన లాక్‌డౌన్‌తో దాదాపు అందరూ ఇంటికే పరిమితమయ్యారు. పాఠశాలలు, కళాశాలలు కూడా మూతపడ్డాయి. వార్షిక పరీక్షలు కూడా వాయిదా పడ్డాయి. దీంతో విద్యార్థులు కూడా ఇంటి దగ్గరే కాలక్షేపం చేస్తున్నారు. ఈ నేపథ్యంలో చాలామందికి లాక్‌డౌన్‌ బోరింగ్‌గా అనిపించడం సహజం. ఇక స్కూళ్లు మూతపడడం, పరీక్షలు వాయిదా పడడంతో విద్యార్థులు, వారి తల్లిదండ్రులు మానసిక ఒత్తిడికి గురవుతున్నారు. ముఖ్యంగా విద్యార్థుల పరీక్షలు, పిల్లల కెరీర్‌ గురించి ఆలోచిస్తూ ఆందోళన చెందుతున్నారు. అయితే ఈ లాక్‌డౌన్‌ను ఓ సమస్యగా భావించవద్దని చెబుతున్నారు భవ్యా సింగ్‌, నవ్యా సింగ్. భోపాల్‌కు చెందిన ఈ ట్విన్‌ సిస్టర్స్‌ తమ యూట్యూబ్‌ ఛానల్‌ ద్వారా లాక్‌డౌన్‌ సమయాన్ని ఎలా సద్వినియోగం చేసుకోవాలో విద్యార్థులకు, వారి తల్లిదండ్రులకు అవగాహన కల్పిస్తున్నారు. మరి ‘మనసుంటే మార్గముంటుంది, ప్రతి సమస్యకు ఓ పరిష్కారముంటుంది’ అని అంటున్న ఈ అమ్మాయిల గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-covid-19-alert-staying-home-is-necessary-for-all-of-us-says-manushi-chillar

దూరంగా ఉంటే వారి మంచి కోరుకున్నట్లే!

కరోనా మహమ్మారిపై ప్రపంచ దేశాలు విస్తృతంగా పోరాటం చేస్తున్నాయి. రోజురోజుకూ పెరుగుతోన్న ఈ వైరస్ వ్యాప్తిని అదుపు చేసేందుకు వివిధ దేశాల ప్రభుత్వాలు తమ శక్తికి మించి కృషి చేస్తున్నాయి. ఈ క్రమంలో కరోనాపై ప్రజల్లో అవగాహన కల్పించేందుకు ప్రభుత్వాలతో పాటు పలు ఆరోగ్య సంస్థలు, స్వచ్ఛంద సంస్థలు సైతం ముందుకొస్తుండడం విశేషం. ఈ నేపథ్యంలో ప్రముఖ స్వచ్ఛంద సంస్థ యునిసెఫ్ (UNICEF) కూడా వివిధ వేదికల ద్వారా అవగాహన కార్యక్రమాలను చేపడుతోంది. అంతేకాదు, వివిధ రంగాలకు చెందిన ప్రముఖులను సైతం వీటిలో భాగం చేస్తోంది. ఈ క్రమంలో మాజీ ప్రపంచ సుందరి మానుషీ చిల్లర్‌ కూడా ఇటీవల యునిసెఫ్‌ ద్వారా ప్రజలకు తన సందేశాన్ని తెలియజేయడం విశేషం.

Know More

women icon@teamvasundhara
here-is-the-list-of-few-fake-corona-apps

ఈ ఫేక్ ‘కరోనా మొబైల్ యాప్స్’తో జాగ్రత్త..!

కరోనా ధాటికి ప్రపంచ దేశాలన్నీ వణికిపోతోన్న ఈ తరుణంలో.. ప్రజలకు తాము చేయగలిగిన సాయాన్ని చేస్తోన్న వారు కొందరైతే.. ఈ విపత్కర పరిస్థితిని అసరాగా చేసుకొని వాళ్లను మోసం చేస్తోన్న వాళ్లు మరికొందరు. ముఖ్యంగా సైబర్ నేరగాళ్లు ఆన్లైన్ వేదికల ద్వారా అమాయక ప్రజలను మోసం చేస్తున్నారు. ఇందులో భాగంగా కరోనా పేరుతో రకరకాల మొబైల్ యాప్స్ను సృష్టించి ఫోన్లలో ఉన్న బ్యాంక్ ఎకౌంట్ వివరాలు, సోషల్ మీడియా లాగిన్ ఐడీ, పాస్వర్డ్లు.. తదితర ముఖ్యమైన సమాచారాన్ని దొంగిలిస్తున్నారు. ఈ క్రమంలో ప్రస్తుతం మార్కెట్లో కరోనా పేరుతో ఉన్న కొన్ని ఫేక్ మొబైల్ యాప్స్ గురించి తెలుసుకుందాం..!

Know More

women icon@teamvasundhara
group-calling-is-easier-in-whatsapp-with-this-latest-update

ఈ కొత్త అప్‌డేట్‌తో వాట్సాప్ గ్రూప్ కాలింగ్ మరింత ఈజీ!

కరోనా కారణంగా ప్రపంచ వ్యాప్తంగా ప్రజలు స్వీయ నిర్బంధం పాటిస్తున్నారు. దీంతో ఇంట్లో కాలక్షేపం కోసం రకరకాల మార్గాలను వెతుక్కొంటున్నారు. ఈ క్రమంలో ఎక్కువశాతం మంది ఆధారపడుతోన్న వేదిక సోషల్ మీడియా. యూట్యూబ్, ఫేస్బుక్, ఇన్స్టా, ట్విట్టర్, టిక్టాక్, వాట్సాప్.. ఇలా ఉదయం నిద్ర లేచిన దగ్గర నుంచి రాత్రి పడుకునే వరకు వీటిని చూస్తూ కాలక్షేపం చేసే వాళ్లు చాలామందే ఉన్నారు. అయితే లాక్డౌన్ ప్రారంభమైన తర్వాత ఈ వేదికలకు ఆదరణ పెరిగిందని.. జనాలు ఇదివరకు కంటే ఎక్కువ సమయాన్ని వీటి కోసం కేటాయిస్తున్నారని ఆయా వేదికల గణాంకాలు చెబుతున్నాయి. ఈ క్రమంలో తమ వినియోగదారులను ఆకట్టుకునేందుకు కొత్త కొత్త అప్డేట్లతో ఈ సంస్థలు ముందుకొస్తున్నాయి. ఈ నేపథ్యంలో వాట్సాప్ అందిస్తోన్న కొత్త అప్డేట్ గురించి తెలుసుకుందాం రండి.

Know More

women icon@teamvasundhara
shilpa-chakra-preparing-3d-face-masks-and-shields-for-doctors

ఫేస్‌మాస్క్‌లకు సాంకేతికతను జోడించి ఔరా అనిపిస్తోంది !

కరోనా రక్కసిపై త్రీడీ పోరుకు సిద్ధమమయ్యారామె. వైద్యులకు అండగా త్రీడీ మాస్కులు, ఫేస్‌షీల్డ్‌లు తయారు చేశారు. భవన నిర్మాణంతో పాటు వివిధ రంగాల్లో విస్తృతంగా అందుబాటులోకి వచ్చిన త్రీడీ ప్రింటింగ్‌ సాంకేతికతను ఉపయోగించి వీటిని ఆవిష్కరించారు జేఎన్‌టీయూ నానోసైన్స్‌ విభాగం సహాయ ఆచార్యులు సీహెచ్‌ శిల్పాచక్ర. మాస్కులకు డిమాండ్‌ పెరిగిన వేళ.. పునర్వినియోగించుకునేలా వీటిని రూపొందించారు. కరోనా బాధితులకు చికిత్స అందించే డాక్టర్లు వీటిని ధరిస్తే వైరస్‌ సోకకుండా మరింత భద్రత లభిస్తుందని చెబుతున్నారామె. ఫేస్‌షీల్డ్‌ ముఖమంతటికీ రక్షణ కల్పిస్తుంది. రోగిని పరీక్షిస్తున్న సమయంలో నోటి తుంపర్లు ముఖంపై పడకుండా అడ్డుకుంటుంది. ఇప్పటికే త్రీడీ ప్రింటర్‌ సాయంతో 30 ఫేస్‌షీల్డ్‌లు తయారు చేశారామె. వైద్యుల అభ్యర్థన మేరకు మరో 200 తయారు చేస్తున్నామన్నారు. ఒక ప్రింటర్‌ సాయంతో ఒక్కరోజులో 60 ఫేస్‌షీల్డ్‌లు తయారు చేయొచ్చని వివరిస్తున్నారామె.

Know More

women icon@teamvasundhara
kids-donate-their-piggy-bank-savings-for-covid-19-relief

అంకుల్.. ఇదిగో మా కిడ్డీ బ్యాంక్‌ డబ్బులు... వాళ్ళను ఆదుకోండి!

కరోనా కారణంగా ప్రపంచమంతా చిగురుటాకులా వణికిపోతోంది. అగ్రదేశాల ఆర్థిక వ్యవస్థలు సైతం కుప్పకూలే పరిస్థితులు దాపురించాయి. ఇక ఇండియాలోనూ ఈ మహమ్మారి జూలు విదుల్చుతోంది. ఇప్పటికే సుమారు 4 వేలమందికి పైగా ఈ వైరస్‌ బారిన పడ్డారు. ఈ నేపథ్యంలో కరోనాను నియంత్రించేందుకు కేంద్ర ప్రభుత్వం లాక్‌డౌన్‌ కూడా విధించిన సంగతి తెలిసిందే. ఈ మహమ్మారిని మరింత సమర్థంగా ఎదుర్కోవడానికి ప్రధాన మంత్రి నరేంద్రమోదీ ‘పీఎం-కేర్స్‌’ పేరుతో ఓ ప్రత్యేక సహాయ నిధిని కూడా ఏర్పాటుచేశారు. ఇందుకోసం సెలబ్రిటీలు, సామాన్యులు, చిన్నా, పెద్దా అనే తేడాల్లేకుండా ప్రతి ఒక్కరూ తమ వంతు విరాళాలు అందజేస్తున్నారు. ఈ క్రమంలో యూపీకి చెందిన ఇద్దరు చిన్నారులు తమ కిడ్డీ బ్యాంకులో పొదుపు చేసుకున్న నగదును విరాళంగా అందజేసేందుకు ముందుకొచ్చారు.

Know More