scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

గాయాన్ని ఓడించి.. పసిడి సాధించింది..!

Assam teen wins road cycling gold after accident

లక్ష్య సాధనలో ఎన్నో అడ్డంకులు వస్తుంటాయి. కొన్నిసార్లు పరిస్థితులు అనుకూలించకపోతే, మరికొన్నిసార్లు ప్రమాదాలు వెంటాడుతుంటాయి. కానీ సంకల్పంతో ప్రయత్నిస్తే ఏదైనా సాధించవచ్చని ఇప్పటికే చాలామంది చాలా సందర్భాల్లో నిరూపించారు. ఆ జాబితాలో తాజాగా చేరిపోయింది అసోంకు చెందిన గొంగూత్రీ బోర్డోలోయి. ఓ ప్రమాదంలో తీవ్ర గాయాలపాలైనా మొక్కవోని దీక్షతో తాను అనుకున్నది సాధించింది. ఇంతకీ ఎవరీ గొంగూత్రి, తను సాధించిన ఘనత ఏంటో తెలుసుకోవాలని ఉందా? అయితే ఈ స్టోరీలోకి వెళ్లాల్సిందే...

అసోంలోని నౌగావ్‌ జిల్లాకు చెందిన గొంగూత్రీ బోర్డోలోయికి చిన్ననాటి నుంచి క్రీడల మీద ఎంతో ఆసక్తి. తన తండ్రి సహకారంతో సైక్లింగ్‌పై ఆసక్తి పెంచుకుంది గొంగూత్రి. ఇందుకోసం చిన్నతనం నుంచే కఠోర పరిశ్రమ చేసింది. ఆ ఫలితానికి ప్రతిఫలంగా తాజాగా గువహటి వేదికగా జరుగుతోన్న ‘ఖేలో ఇండియా యూత్‌ గేమ్స్‌’లో పసిడి పతకాన్ని దక్కించుకుందీ యువకెరటం.

View this post on Instagram

A post shared by kiyg2020Guwahati (@kiyg2020guwahati) on


అనుకోని సంఘటన..
అంతా బాగా ఉందనుకున్న సమయంలో గొంగూత్రి జీవితంలో అనుకోని సంఘటన చోటుచేసుకుంది. ఐదేళ్ల క్రితం అంటే.. తన 12వ ఏట సైక్లింగ్‌ ప్రాక్టీస్‌ చేస్తున్న సమయంలో ప్రమాదం బారిన పడింది. ఈ ప్రమాదంలో గొంగూత్రి కాలర్‌ ఎముక (ఛాతీ పైభాగంలో మెడ వద్ద ఉండే ఎముక) విరగడంతో పాటు శరీరంలో పలు చోట్ల తీవ్రగాయాలయ్యాయి. దీంతో ఆమె ఏకంగా ఏడాది పాటు సైక్లింగ్‌కు దూరంగా ఉండాల్సి వచ్చింది.
ఇక సైకిల్‌ ముట్టుకోవద్దని వారించినా..!
‘తీవ్ర గాయాల బారిన పడడంతో నా పరిస్థితిని చూసిన అమ్మ ఇకపై సైక్లింగ్‌కు దూరంగా ఉండమని కాస్త కఠినంగానే చెప్పింది. కానీ మా నాన్న నావైపు నిలబడి నాకు ధైర్యాన్నిచ్చాడు. నా కలను నిజం చేయడానికి నాకు అండగా నిలిచాడు. ఆయన ఒక పోలీసు.. ఫైటర్‌..! ఆయనే నాకు స్ఫూర్తి. ఇతరత్రా వ్యక్తిగత కారణాలతో ఆటకు దూరమైతే ఫర్వాలేదు కానీ, కేవలం గాయమైందన్న కారణంగా గేమ్‌ను వదలకూడదు అంటూ నాన్న నాలో ధైర్యాన్ని నింపాడు’ అని చెప్పుకొచ్చింది గొంగూత్రి.

kheloindiagonguthri650-2.jpg
పసిడి పతకం ముద్దాడింది...!
తండ్రి ఇచ్చిన ధైర్యంతో ఏడాది విరామం తర్వాత మళ్లీ ప్రాక్టీస్‌ మొదలు పెట్టిన గొంగూత్రి అనతి కాలంలోనే తిరిగి ఫామ్‌లోకి వచ్చింది. ఈ క్రమంలో 2019లో నిర్వహించిన ‘ఇండియన్‌ నేషనల్‌ రోడ్‌ సైక్లింగ్‌ ఛాంపియన్‌షిప్‌’లో రెండో స్థానంలో నిలిచి వెండి పతకాన్ని సాధించింది. తాజాగా గువహటిలో జరుగుతోన్న ‘ఖేలో ఇండియా యూత్‌ గేమ్స్‌-2020’లో పాల్గొన్న ఆమె ‘అండర్‌-21 గర్ల్స్‌ రోడ్‌ రేస్‌ సైక్లింగ్‌’ విభాగంలో బంగారు పతకాన్ని సొంతం చేసుకుంది. 60కి.మీ.ల లక్ష్యాన్ని కేవలం 2 గంటల 11 నిమిషాల 52 సెకన్లలో చేరుకుని పసిడిని ఒడిసిపట్టిందీ సైక్లింగ్‌ స్టార్‌.
నా లక్ష్యం అదే..
‘లక్ష్యాన్ని చేరుకోవాలనుకున్న నా సంకల్పాన్ని గాయాలు ఆపలేకపోయాయి. ప్రమాదం జరిగిన తర్వాత కొన్ని రోజులపాటు విశ్రాంతి తీసుకొని మళ్లీ సాధన మొదలుపెట్టాను. ఇక అంతర్జాతీయ స్థాయిలో పతకాలు సాధించి దేశానికి మంచి పేరు తీసుకురావాలన్నదే నా ముందున్న లక్ష్యం’ అని తన భవిష్యత్‌ లక్ష్యాల గురించి చెప్పుకొచ్చిందీ యంగ్‌ ప్లేయర్‌. ఇక ఇదే పోటీలో అసోంకు చెందిన మరో క్రీడాకారిణి చయనిక గొగోయ్‌ కాంస్య పతకాన్ని సొంతం చేసుకుంది. ఈ ఇద్దరు యువ సైక్లిస్ట్‌లు దిల్లీలోని ‘స్పోర్ట్స్‌ అథారిటీ ఆఫ్‌ ఇండియా’ సెంటర్‌లో శిక్షణ తీసుకుంటున్నారు. నేషనల్‌ క్యాంప్‌ 2018కి ఎంపికైన వీరిద్దరికీ అన్ని వసతులతో కూడిన శిక్షణను ఉచితంగా అందిస్తున్నారు.

kheloindiagonguthri650-1.jpg
‘ఖేలో ఇండియా’ ఉద్దేశం..
మారుమూల గ్రామాల్లో ఉన్న ఎంతోమంది ప్రతిభ కలిగిన క్రీడాకారులకు చేయూతనివ్వడంతో పాటు, దేశాన్ని క్రీడారంగంలో ప్రథమ స్థానంలో నిలపడమే ఈ ‘ఖేలో ఇండియా యూత్ గేమ్స్‌’ ముఖ్య ఉద్దేశం. 2018లో దిల్లీలోని ఇందిరాగాంధీ స్టేడియం వేదికగా తొలి గేమ్స్‌ను ప్రారంభించారు. ఏటా నిర్వహించే ఈ పోటీలు ఈ ఏడాది జనవరి 10న ప్రారంభమయ్యాయి. ఈ నెల 22 వరకు కొనసాగనున్న ఈ పోటీల్లో మంచి ప్రతిభ కనబరిచిన యువ క్రీడాకారులను ఎంపిక చేసి వారికి ఆయా క్రీడాంశాల్లో మంచి ప్రమాణాలతో కూడిన శిక్షణ, విద్య, ఆహార సదుపాయాలు కల్పిస్తోంది ప్రభుత్వం.

Photos: Instagram.com/kiyg2020guwahati





women icon@teamvasundhara
things-to-do-when-using-social-media

ఆ విషయాలు సోషల్‌ మీడియాలో పంచుకుంటున్నారా..? అయితే జాగ్రత్త!

హేమ చాలారోజులు ఒంటరితనంతో ఇబ్బంది పడింది. దాన్నుంచి బయటపడటానికి కవిత్వం రాసేది. వాటిని ఫేస్‌బుక్‌లో చూసిన చాలామంది ఆమెకు ఫ్రెండ్‌ రిక్వెస్ట్‌ పంపించారు. వారిలో ఒక వ్యక్తి ప్రేమిస్తున్నానని ఆమెకు రోజూ సందేశాలు పంపేవాడు. చివరికి కవిత్వంతోనే హేమను ఆకట్టుకున్నాడు. కుటుంబ సభ్యులకు తెలియకుండా ఇద్దరూ ప్రేమ వ్యవహారం కొనసాగించారు. కొన్నాళ్ల తరువాత హేమపై అనుమానం పెంచుకున్నాడు ఆ వ్యక్తి. క్రమంగా ఆమెపై ఆంక్షలు మొదలయ్యాయి.ఫేస్‌బుక్‌లో ఆమె ఫొటోలను ఫలానా వ్యక్తి ఎందుకు ఎక్కువ సార్లు లైక్‌ చేశాడని వేధించేవాడు. చివరికి ఆత్మహత్యకు ప్రయత్నించిందామె..

Know More

women icon@teamvasundhara
singer-dhvani-bhanusali-wins-mirchi-music-award

ఈ సింగింగ్‌ సెన్సేషన్‌ పాటలకు ‘సాహో’!

గతేడాది విడుదలైన ‘సాహో’ సినిమాలోని ‘ఆగడిక సైకో సయ్యా’ పాట ఎంత పెద్ద హిట్టో ప్రత్యేకంగా చెప్పక్కర్లేదు. సోషల్‌ మీడియాలో ఎంతో క్రేజ్‌ సొంతం చేసుకున్న ఈ సాంగ్‌ను 4 భాషల్లో నలుగురు మేల్‌ సింగర్స్‌ పాడారు. కానీ ఫిమేల్‌ వెర్షన్‌ మాత్రం 4 భాషల్లో ఒకే అమ్మాయి పాడింది. ఆమే ధ్వని భానుశాలి. ఇప్పటికే నేపథ్య గాయనిగా ఎన్నో బాలీవుడ్‌ సినిమాల్లో పాటలు పాడిన ఆమె పాప్‌ సింగర్‌గానూ సత్తా చాటుతోంది. మ్యూజిక్‌ ఆల్బమ్‌లు రూపొందిస్తూ యూట్యూబ్‌ రికార్డులన్నింటినీ కొల్లగొడుతోంది. ఈ క్రమంలో కేవలం 22 ఏళ్లకే సంగీత ప్రపంచంలో ఎన్నో సంచలనాలు సృష్టించిన ఈ యంగ్‌ సెన్సేషన్‌ కీర్తి కిరీటంలో మరో పురస్కారం చేరింది. ఇందులో భాగంగా ఇటీవల మిర్చి మ్యూజిక్‌ ‘లిజనర్స్‌ ఛాయిస్‌ ఇండిపెండెంట్‌’ పురస్కారాన్ని సొంతం చేసుకుందీ బ్యూటిఫుల్‌ సింగర్‌.

Know More

women icon@teamvasundhara
sports-womans-who-wins-espn-india-sports-awards

ఈ అవార్డుల్లోనూ అమ్మాయిలదే హవా!

ఒకటా...రెండా ప్రస్తుతం అన్ని క్రీడల్లోనూ మహిళలు కూడా పురుషులతో సమానంగా పోటీపడుతూ పతకాలు సాధిస్తున్నారు. బ్యాడ్మింటన్‌, టెన్నిస్‌ లాంటి గేమ్స్‌లో అయితే అబ్బాయిల కంటే అమ్మాయిలే అరుదైన విజయాలు సాధిస్తున్నారు. సరిహద్దులు దాటి దేశ, విదేశాల్లో పతకాల పంట పండిస్తున్నారు. ఇక క్రీడాకారుల ప్రతిభకు మరింత ప్రోత్సాహమందిస్తూ ప్రముఖ స్పోర్ట్స్‌ ఛానల్‌ ఈఎస్‌పీఎన్‌ ఏటా వివిధ విభాగాల్లో పురస్కారాలు ప్రదానం చేస్తోంది. ఈ క్రమంలో 2019 సంవత్సారానికి గానూ పది విభాగాల్లో అవార్డులు ప్రకటించింది. బ్యాడ్మింటన్‌ స్టార్‌ పీవీ సింధు, చెస్‌ గ్రాండ్‌మాస్టర్‌ కోనేరు హంపి, పారా అథ్లెట్‌ మానసీ జోషీ, ప్రొఫెషనల్‌ స్ర్పింటర్‌ ద్యుతీ చంద్‌ ఈ అవార్డులకు ఎంపికైన వారిలో ఉన్నారు.

Know More

women icon@teamvasundhara
tips-to-reduce-mobile-phone-usage

మీరు ‘ఫోన్‌ హాలిడే’ తీసుకుంటున్నారా?

‘ఫోన్‌’.. ప్రస్తుతం మనిషి జీవితంలో అత్యంత కీలకంగా మారిన వస్తువు. ఇప్పుడున్న పరిస్థితుల్లో మనిషి వూపిరి తీసుకోకుండానైనా బ్రతకగలడేమో కానీ.. చేతిలో మొబైల్‌ ఫోన్‌ లేనిదే ఒక్క క్షణం కూడా గడపలేడంటే అతిశయోక్తి కాదు. మనకు ఏది కావాలన్నా మన చేయి ముందు ఫోన్‌ వైపే వెళ్తుంటుంది. ఎక్కడికి వెళ్లినా.. ఎవరితో ఉన్నా ఫోన్‌ పక్కన లేకపోతే ఏదో కోల్పోయిన భావన కలుగుతోంది. ఒక విధంగా చెప్పాలంటే ఈ తరం మనిషి చేతికి ఉండే ఆరో వేలే ఈ సెల్‌ ఫోన్‌..! కాల్స్‌, మెసేజెస్‌, ఈమెయిల్స్‌, కెమెరా, అలారం, క్యాలెండర్‌.. మొదలైన నిత్యవసర యాప్స్‌తో పాటు.. వాట్సాప్‌ ఛాటింగ్‌, వీడియో కాల్స్‌, సోషల్‌ మీడియా(ఫేస్‌బుక్‌, ఇన్‌స్టాగ్రామ్‌, యూట్యూబ్‌), OTT ప్లాట్‌ఫామ్‌లు (Amazon, Netflix, Hotstar).. మొదలైన మరెన్నో వినోదాన్ని పంచే యాప్‌లతో సెల్‌ ఫోన్‌ మనిషిని కట్టిపడేస్తోంది. ఇవన్నీ కొంతవరకు సౌకర్యం, కాలక్షేపమే.. కానీ, మితిమీరిన వాడకం వల్ల అనేక రకాల మానసిక, శారీరక సమస్యలు రావడం తధ్యమని నిపుణులు కొన్ని సంవత్సరాలుగా హెచ్చరిస్తునే ఉన్నారు. కానీ, జనం మాత్రం ఫోన్ వాడకాన్ని ఏమాత్రం తగ్గించకపోగా.. దానిని ఉపయోగించే సమయాన్ని రోజురోజుకూ పెంచుకుంటూ వెళ్తున్నారు. ఈ క్రమంలో CMR (Cyber Media Research) అనే సంస్థ చేసిన అధ్యయనంలో.. ఫోన్‌ను అధికంగా వాడడం వల్ల మానవ సంబంధాలపై చెడు ప్రభావాలుంటాయని తేలడం గమనార్హం. మరి ఆ ప్రభావాలేంటో.. వాటి నుంచి బయటపడే మార్గాలేంటో మీరే చూడండి..!

Know More

women icon@teamvasundhara
interesting-facts-about-valentines-day

ఎర్ర గులాబీలనే ఎందుకిస్తారో తెలుసా?

ప్రేమకు ప్రతిరూపంగా ప్రపంచవ్యాప్తంగా జరుపుకునే ప్రేమ పండగే వేలంటైన్స్ డే. ఇష్టంతో ముడిపడిన రెండు హృదయాల్లో ఒకరిపై మరొకరికి ఉన్న ప్రేమను వ్యక్తీకరించడానికి ఇదో ప్రత్యేకమైన సందర్భం. ఈ క్రమంలో ప్రేమను తెలుపుకోవడంతో పాటు ఒకరికొకరు కానుకలిచ్చిపుచ్చుకోవడం కూడా మనకు తెలిసిందే. ఇదంతా బాగానే ఉంది కానీ అసలు ఈ వేలంటైన్స్ డే రోజున ఎర్ర గులాబీలనే ఎందుకు కానుకగా అందిస్తారు? ప్రేమకు ప్రతిరూపంగా చెప్పుకునే రోమియో-జూలియట్ ఎవరు? ఇలాంటి విషయాల గురించి మీరెప్పుడైనా ఆలోచించారా? అయితే వేలంటైన్స్ డేకు సంబంధించిన ఇలాంటి కొన్ని ఆసక్తికర అంశాల సమాహారం మీకోసం..

Know More

women icon@teamvasundhara
covid-virus-no-worry-for-ritu-phogat

అక్కడ ఫైట్‌ కన్నా ముందు ఓ ప్రెషర్‌ కుక్కర్‌ కొనుక్కోవాలి!

కుస్తీ పోటీలంటే భారతదేశంలో అందరికీ గుర్తుకు వచ్చే పేరు ‘ఫోగట్‌ కుటుంబమే’. బబితా ఫోగట్‌, వినేశ్‌ ఫోగట్‌, ప్రియాంక ఫోగట్‌, గీతా ఫోగట్‌...ఇలా ఐదుగురి సిస్టర్స్‌లో ఒకరైన రీతూఫోగట్‌ 2016 కామన్వెల్త్‌ గేమ్స్‌ రెజ్లింగ్‌ పోటీల్లో స్వర్ణంతో సత్తా చాటింది. దీంతో పాటు రెజ్లింగ్‌కు సంబంధించి పలు పతకాలు, టైటిళ్లు గెలిచిన రీతూ గతేడాది ఫిబ్రవరిలో మిక్స్‌డ్‌ మార్షల్‌ ఆర్ట్స్‌(ఎంఎంఏ)ఫైటర్‌గా మారిన సంగతి తెలిసిందే. తొలి ప్రొఫెషనల్‌ ఫైట్‌లోనే విజయం సాధించిన ఈ స్టార్‌ ఫైటర్‌ తాజాగా రెండో పోరు బౌట్‌ కోసం సిద్ధమవుతోంది. కానీ కోవిడ్‌-19(కరోనా) కల్లోలం నేపథ్యంలో సింగపూర్‌లో జరిగే ఈ ఫైట్‌లో ఆమె పాల్గొంటుందా?లేదా? అన్న అనుమానాలు వ్యక్తమయ్యాయి. అయితే ఈ వైరస్‌కు తాను భయపడనని ధైర్యంగా ఈ పోరుకు హాజరవుతానని స్పష్టం చేసింది మణిపూర్‌ మణిపూస.

Know More

women icon@teamvasundhara
mumbai-girl-kaamya-karthikeyan-youngest-in-the-world-to-climb-south-americas-highest-peak

పన్నెండేళ్లకే ప్రపంచ రికార్డు సృష్టించింది!

ఊహ తెలియని వయసులోనే తల్లిదండ్రులతో కలిసి ట్రెక్కింగ్ చేయడం ప్రారంభించిందా చిన్నారి. నడక నేర్చిన తర్వాత సహ్యాద్రి పర్వతాలపై సరదాగా అడుగులు వేసింది. అప్పటికి ఆమె వయసు రెండేళ్ల లోపే! ఆ తర్వాత కేరళలోనే ఎత్త్తెన శిఖరంగా పేరుగాంచిన చెంబ్రాపై ట్రెక్కింగ్ చేసింది. అనంతరం ఆమె అధిరోహించిన పర్వతాల జాబితాలో హిమాలయాల్లోని చంద్రశిల, కేదార్‌కాంత్, హర్ కి డున్, రూప్‌కుండ్ లేక్.. మొదలైనవి చేరాయి. ఇక తొమ్మిదేళ్ల వయసులో ఎవరెస్ట్ బేస్‌క్యాంప్ వద్దకు చేరుకుని ఆంధ్రప్రదేశ్ రాష్ట్రం తరఫున ఆ ఘనత సాధించిన అతిపిన్న వయస్కురాలిగా రికార్డు సృష్టించిందా అమ్మాయి. తాజాగా దక్షిణ అమెరికాలోని 6,962 మీటర్ల ఎత్తైన మౌంట్ అకొంకాగువా శిఖరాన్ని అధిరోహించి ఈ ఘనత సాధించిన అతి పిన్న వయస్కురాలిగా చరిత్ర తిరగరాసింది. ఆమే 12 ఏళ్ల కామ్యా కార్తికేయన్. ఇలా పేరెంట్స్ సహకారంతో పర్వతారోహణలో రికార్డు సృష్టిస్తున్న ఈ బాలిక విజయ ప్రస్థానం గురించి ఆమె మాటల్లోనే తెలుసుకుందాం.

Know More

women icon@teamvasundhara
meet-the-5-women-featured-in-the-forbes-india-30-under-30-list

‘ఫోర్బ్స్‌’ యువ కెరటాలు వీరే!

‘ఎప్పుడొచ్చామన్నది కాదన్నయ్యా.. బుల్లెట్‌ దిగిందా లేదా’... ‘పోకిరి’ సినిమాలో ప్రిన్స్‌ మహేశ్‌ చెప్పిన ఈ డైలాగ్‌ చాలా ఫేమస్‌. ఈ సినిమా డైలాగ్‌ను రియల్‌ లైఫ్‌లో కూడా ఫాలో అవుతున్నారు చాలామంది. వయసుతో ప్రమేయం లేకుండా వివిధ రంగాల్లో తమ సృజనాత్మకతతో, శక్తి సామర్థ్యాలతో సత్తా చాటుతున్నారు. ప్రతిభా పాటవాలతో ప్రత్యేక గుర్తింపు తెచ్చుకుంటూ ప్రశంసలు అందుకుంటున్నారు. ఈ క్రమంలో ముచ్చటగా 30 ఏళ్లు కూడా నిండకుండానే నలుగురికీ ఆదర్శంగా నిలుస్తున్న యువకెరటాలను గుర్తించి వారికి ఏటా తమ జాబితాలో చోటు కల్పిస్తోంది ‘ఫోర్బ్స్‌’. ఎప్పటిలాగే ఈ ఏడాది కూడా ‘ఫోర్బ్స్‌ ఇండియా 30 అండర్‌ 30’ ఓ జాబితాను విడుదల చేసింది. మరి, ఈ లిస్టులో చోటు సంపాదించి నేటి యువతకు స్ఫూర్తినిస్తోన్న ఈ యువకెరటాల గురించి తెలుసుకుందాం రండి.

Know More

women icon@teamvasundhara
start-shuttler-pv-sindhu-special-interview
women icon@teamvasundhara
to-avoid-misuses-greta-thunberg-has-applied-to-trademark-her-name-and-fridays-for-future

ఇకపై నా పేరును వాడుకుంటే శిక్ష తప్పదు !

సమాజంలో ఎవరైనా ఓ వ్యక్తికి కాస్త గుర్తింపు లభిస్తే చాలు వాళ్ల పేరును ఉపయోగించుకొని లబ్ధి పొందేందుకు చాలామంది ప్రయత్నిస్తుంటారు. ఆ వ్యక్తితో తమకు ఎలాంటి పరిచయం లేకపోయినా.. ఫలానా వ్యక్తి మాకు బాగా తెలుసంటూ తమ సొంత పనుల కోసం ఆ పేరును వాడుకుంటుంటారు. అంతేకాదు, సమాజంలో పేరున్న వ్యక్తులు, సంస్థల పేర్లు చెప్పుకొని అమాయక ప్రజల దగ్గర డబ్బులు లాగే వాళ్ల గురించి మనం తరచూ వార్తల్లో చూస్తూనే ఉంటాం. ఇలాంటి వాళ్లు చేసే పనుల వల్ల ప్రముఖులు సమాజంలో తమకున్న మంచి పేరును కోల్పోతుంటారు. అయితే పర్యావరణ పరిరక్షణకై పోరాటం చేస్తోన్న ప్రముఖ సామాజికవేత్త గ్రెటా థన్‌బర్గ్‌కి కూడా ప్రస్తుతం ఇలాంటి సమస్యే ఎదురైంది. దీనికి తానో చక్కటి పరిష్కార మార్గం ఆలోచించింది. తన పేరుతో, తను చేస్తోన్న ఉద్యమం పేరుతో ఎలాంటి మోసాలు జరగకుండా వాటిపై పేటెంట్‌ హక్కులు తీసుకోవాలని నిర్ణయించుకుందీ 17 ఏళ్ల ఉద్యమకారిణి.

Know More

women icon@teamvasundhara
yusaku-maezawa-has-20000-applications-for-his-girlfriend-wanted-add

నా చంద్రమండల యాత్రకు ప్రేయసి కావలెను !

ఏ సంస్థ అయినా ఉద్యోగస్థుల కోసమో, వ్యాపారంలో భాగస్వామ్యం కోసమో అభ్యర్థుల నుంచి దరఖాస్తులను ఆహ్వానించడం చూశాం. ఆఖరికి మంచి వరుడికి ఫలానా అర్హతలున్న మంచి వధువు కావలెననో లేదా చక్కనైన వధువుకు ఈ అర్హతలున్న వరుడు కావలెననో... ఇలాంటి ప్రకటనలను కూడా చూశాం. కానీ తనకో ప్రేయసి కావాలని దరఖాస్తులను ఆహ్వానించిన వ్యక్తిని మీరెప్పుడైనా చూశారా ? అసలు ఇటువంటి వార్తలను విన్నారా ? అది కూడా చంద్రమండలంపై అతడు చేయబోయే యాత్ర కోసం అంటే నమ్ముతారా ? నిస్సందేహంగా నమ్మమనే అంటారు ఎవరైనా కూడా ! అయితే నమ్మితీరాలి... ఎందుకంటే ఇది అల్లాటప్పా వ్యక్తి చేసిన పని కాదు. ఓ జపాన్‌ బిలియనీరు చేసిన పని. అందుకు జపాన్‌ మీడియా కూడా అతడికి సహకరిస్తోంది. ఇప్పటికే 28,000 మంది యువతులు అతగాడి లవర్‌గా ఉండేందుకు సిద్ధమని తమ దరఖాస్తులను కూడా పంపారట. వినడానికే ఆశ్చర్యంగా ఉంది కదూ ! అయితే విషయంలోకి వెళ్లాల్సిందే మరి !

Know More

women icon@teamvasundhara
bala-devi-is-the-first-indian-woman-footballer-to-sign-professional-contract-overseas

‘ఈ క్రీడలో అమ్మాయిలెందుకు లేరు?’ అనుకునేదాన్ని !

జీవితంలో ఒక ఆశయం పెట్టుకొని విజయం సాధించిన చాలామంది చెప్పే మాట ఒకటే... ‘ఆశయసాధనలో విజయం సాధించడం ముఖ్యం కాదు.. ఆ విజయం కోసం పడే తపనే ముఖ్యం.’ అని. ఎందుకంటే ఆ తపనే పదుగురికి స్ఫూర్తిగా నిలిచి మనల్ని విజయానికి చేరువ చేస్తుంది. ఇలా ఫుట్‌బాల్‌ క్రీడలో విజయం సాధించాలని అనుక్షణం తపన పడింది ఓ మహిళ. ఈక్రమంలో తాజాగా ఓ అరుదైన గౌరవాన్ని అందుకుంది. ఓ విదేశీ ఫుట్‌బాల్‌ క్లబ్‌ తరఫున కాంట్రాక్ట్‌ అందుకున్న తొలి భారత మహిళా ఫుట్‌బాలర్‌గా చరిత్ర సృష్టించింది. ఫుట్‌బాల్‌ క్రీడ అంటే కేవలం పురుషుల క్రీడే కాదని కనువిప్పు కలిగిస్తూ.. ఫుట్‌బాల్‌ అంటే ఎంతో ఇష్టం ఉన్నప్పటికీ సరైన ప్రోత్సాహం లేని స్త్రీలకు తన నిరంతర తపనతో స్ఫూర్తిని రిగిలిస్తోంది. ఆమె మరెవరో కాదు... మణిపూర్‌ మణిపూస నంగొమ్‌ బాలాదేవి !

Know More

women icon@teamvasundhara
chennai-girl-nethra-kumanan-becomes-the-first-indian-woman-sailor-to-win-world-cup-medal

అలల్ని ఓడించింది... అరుదైన ఘనత సాధించింది !

సముద్రపు అలల్లో గొప్ప జీవిత సత్యం దాగుంది. తీరం దాటేందుకు నిరంతరంగా అవి సాగించే ప్రయాణం... ఆశయసాధనలో మనమెప్పుడూ ప్రయత్నం మానకూడదని తెలుపుతుంది. ఇలా అలల నుంచి స్ఫూర్తి పొందింది కాబట్టే పరాజయాలు ఎదురైనా నిరంతరం విజయం వైపు అడుగులు వేస్తూనే ఉంది ఓ యువతి. ఈక్రమంలోనే ఓ అద్భుతమైన ఘనతను సాధించింది. భారత సెయిలింగ్‌ క్రీడ (పడవ నడపడం)లో మహిళా సాధికారతకు మణిహారంగా నిలుస్తూ భావితరాలకు స్ఫూర్తిగా మారింది. ఆమె మరెవరో కాదు తాజాగా సెయిలింగ్‌ వరల్డ్‌ కప్‌లో పతకం సాధించిన మొట్టమొదటి భారత మహిళ నేత్రా కుమనన్‌. సెయిలింగ్‌ అంటేనే పురుషుల క్రీడ అన్న భావనను చెరిపేస్తూ.. పరాజయాలు ఎదురైనా తీరంతో పోరాడుతున్న అలలా ఆమె ఈ రంగంలో తనకంటూ ఓ గుర్తింపును సాధిస్తోంది. మరి మొన్నటి వరకూ ఎవరికీ పెద్దగా పరిచయం లేని నేత్ర ఈరోజు అందరికీ సుపరిచితురాలు అవడం వెనుక ఉన్న కథేంటో చూద్దాం రండి !

Know More

women icon@teamvasundhara
billie-eilish-becomes-the-first-woman-to-sweep-the-big-four-grammys

పీసీ, జెన్నీలను కాదని... ఆమే ‘టాప్‌’ లేపింది !

నటి, గాయని జెన్నిఫర్‌ లోపెజ్‌ గురించి మన తెలుగు వారికి పరిచయమే. ఎందుకంటే.. ‘జెన్నిఫర్‌ లోపెజ్‌ స్కెచ్‌ గీసినట్టుగా ఉందిరో ఈ సుందరి..’ అని ‘జల్సా’గా తెలుగు ప్రేక్షకులు కూడా పాడుకునే అందం ఆమెది. ఇక ప్రియాంక చోప్రా గురించి చెప్పాలంటే పిల్లాడిని అడిగినా బయోడేటా మొత్తం పూస గుచ్చినట్లు చెప్పేస్తుంటాడు. అంతటి నట ప్రతిభ, బహుముఖ ప్రజ్ఞ ఆమె సొంతం. మరి అటువంటి జెన్నిఫర్‌ ఒకవైపు, ప్రియాంక మరోవైపు ఒకే వేడుకలో ఉండగా మరొకరి మీదకి మన దృష్టి వెళ్తుందా చెప్పండి ! కానీ వెళ్లింది.. ఓ 18 ఏళ్ల యువ సంగీత కెరటం ఆ తారల్ని మరిపించి అందర్నీ ఆకర్షించింది. ఆమే.. సంగీతంతో శ్రోతల్ని హిప్నటైజ్‌ చేసే బిల్లీ ఐలిష్‌. ఇటీవల జరిగిన 62వ గ్రామీ అవార్డుల ప్రదానోత్సవ వేడుకలో ఒకటి కాదు.. రెండు కాదు.. ఏకంగా అయిదు అవార్డులు గెలుచుకుని ప్రపంచ సంగీత ప్రియులతో ఔరా అనిపించింది. మరింతకీ ఈమె ఎవరు ? అంతలా ఆమె సంగీతంలో ఏముంది ? తెలుసుకుందాం రండి !

Know More

women icon@teamvasundhara
telugu-students-lakshmi-rajitha-climbs-mount-kilimanjaro
women icon@teamvasundhara
deshkibasha-is-new-hashtag-introduced-on-the-occasion-of-republic-day

భారతీయులమైనందుకు గర్విస్తున్నాం..!

దేశంలో 71వ గణతంత్ర దినోత్సవ సంబరాలు అంబరాన్ని తాకాయి. ఈ సందర్భంగా మన దేశ శ్రేయస్సు కోసం తమ జీవితాలనే త్యాగం చేసిన స్వాతంత్ర్య సమరయోధులను మనమంతా గుర్తు చేసుకున్నాం. మతాలు, ప్రాంతాలు, భాషలు, సంప్రదాయాలు.. ఇలా ప్రజల మధ్య ఎన్ని అంతరాలున్నా మనమంతా ఎప్పటికీ ఒక్కటే అంటూ మరోసారి చాటి చెప్పాం. చిన్నపిల్లల నుంచి వయోవృద్ధుల వరకు.. సామాన్యుల నుంచి సెలబ్రిటీల వరకు.. త్రివర్ణ పతాకానికి సెల్యూట్‌ చేస్తూ గణతంత్ర వేడుకల్లో పాల్గొన్నారు. అంతేకాదు, వివిధ సామాజిక మాధ్యమాల ద్వారా తోటి భారతీయులకు గణతంత్ర దినోత్సవ శుభాకాంక్షలను తెలియజేశారు. ఈ క్రమంలో గణతంత్ర దినోత్సవానికి సంబంధించి టిక్‌టాక్‌లో ఓ హ్యాష్‌ట్యాగ్‌ వైరల్‌గా మారింది. సామాన్యులతో పాటు సెలబ్రిటీలు సైతం ఈ హ్యాష్‌ట్యాగ్‌ను ఉపయోగిస్తూ వీడియోలు రూపొందించి అప్‌లోడ్‌ చేశారు. మరి ఆ విశేషాలేంటో తెలుసుకోవాలంటే ఇది చదవాల్సిందే..!

Know More

women icon@teamvasundhara
dollyparton-challenge-goes-viral

మరో కొత్త ఛాలెంజ్‌ వచ్చేసింది!

గతేడాది ‘10 ఇయర్‌ ఛాలెంజ్‌’ సోషల్‌ మీడియాను ఓ ఊపు ఊపేసిన విషయం తెలిసిందే. సెలబ్రిటీల దగ్గర్నుంచి సామాన్యుల వరకు ప్రతి ఒక్కరూ ఈ ఛాలెంజ్‌లో ఎంతో ఉత్సాహంగా పాల్గొనడం మనం చూశాం. ఇలాగే ఏటేటా సోషల్‌ మీడియాలో కొన్ని ఛాలెంజ్‌లు సెన్సేషన్‌ సృష్టించడం పరిపాటే. అలా ఈ ఏడాది ఆరంభంలోనే ఓ ఛాలెంజ్‌ నెట్టింట్లో పాపులర్‌గా మారింది. అదే.. ‘డాలీ పార్టన్‌’ పేరుతో ప్రస్తుతం ట్రెండ్‌ అవుతోన్న ఛాలెంజ్‌. ఇటీవలే ప్రారంభమైన ఈ ఛాలెంజ్‌ అటు సెలబ్రిటీల నుంచి ఇటు సామాన్యుల దాకా ఒకింత ఆసక్తిని రేకెత్తిస్తోంది. మరి, ఈ న్యూ ఛాలెంజ్‌ విశేషాలేంటో తెలుసుకోవాలంటే ఇది చదవాల్సిందే!

Know More

women icon@teamvasundhara
esl-sprite-sports-league-women-winners

‘ఈఎస్‌ఎల్‌’ విజేతలు వీరే !

తెలుగు రాష్ట్రాల్లో ఉత్కంఠభరితంగా సాగిన ఈఎస్‌ఎల్‌ క్రికెట్‌ పోటీలు శనివారంతో ముగిశాయి. గ్రామీణ క్రీడాకారుల్ని ప్రోత్సహించి, వారిలో ప్రతిభను వెలికితీయడమే లక్ష్యంగా ఈనాడు- స్ప్రైట్‌ ఆధ్వర్యంలో జిల్లా/ప్రాంతీయ/ రాష్ట్రస్థాయిలో నిర్వహించిన ఈ పోటీలు ఆద్యంతం రసవత్తరంగా సాగాయి. రాష్ట్ర స్థాయి ఫైనల్స్‌ పోటీల్లో సత్తా చాటి విజేతలుగా నిలిచినవారికి శనివారం హైదరాబాద్‌లోని మల్లారెడ్డి ఇంజినీరింగ్‌ కళాశాలలో బహుమతుల ప్రదానోత్సవం ఘనంగా జరిగింది. క్రికెట్‌ జూనియర్స్‌, సీనియర్స్‌ విభాగాలతో పాటు కబడ్డీ, ఖోఖో, వాలీబాల్‌, చెస్‌, బ్యాడ్మింటన్‌ వంటి క్రీడా పోటీల్లో నువ్వా నేనా అన్నట్టు తలపడి విజేతలుగా నిలిచిన క్రీడాకారులకు జాతీయ బ్యాడ్మింటన్‌ చీఫ్‌ కోచ్‌, ఈఎస్‌ఎల్‌ బ్రాండ్‌ అంబాసిడర్‌ పుల్లెల గోపీచంద్‌, ఈనాడు ఎండీ సీహెచ్‌.కిరణ్‌ తదితరులు బహుమతులు ప్రదానం చేశారు. ఈ పోటీల్లో పలువురు అమ్మాయిలు కూడా అబ్బాయిలతో సమానంగా వివిధ క్రీడాంశాల్లో తమ ప్రతిభను చాటారు. ఈ క్రమంలో వివిధ క్రీడల్లో సత్తా చాటి బహుమతులు గెలుచుకున్న మహిళా విజేతల వివరాలివే...

Know More

women icon@teamvasundhara
bal-shakti-puraskar-2020-and-national-bravery-award-2019

శభాష్‌... పిల్లలూ !

రేపటి పౌరులైన నేటి బాలల చేతిలోనే దేశ భవిష్యత్తు ఆధారపడి ఉంటుందంటారు. ఆపద సమయంలో ధైర్యంగా ఉండడం, కష్టాల్లో ఉన్నవారిని కనికరించడం, ఏ రంగంలోనైనా ప్రత్యేక నైపుణ్యం కలిగి ఉండడం, దేశ సంస్కృతిని ఇనుమడింపజేయడం వంటి సద్గుణాలు పిల్లలందరిలో ఉండవు. కొందరిలోనే ఉంటాయి. ఆ కొందరే మరికొందరికి స్ఫూర్తిగా నిలిచి దేశ ఉన్నతికి బాట వేస్తారు. అలాంటి బాలలను గుర్తించి ఏటా గణతంత్ర దినోత్సవం సందర్భంగా ‘బాల్‌శక్తి’ పురస్కారాలను అందిస్తుంటుంది భారత ప్రభుత్వం. ఈ ఏడాది 49 మందికి ఈ పురస్కారాలు దక్కగా వారిలో తెలుగు రాష్ట్రాలకు చెందిన బాలబాలికలు నలుగురు ఉండడం విశేషం. అంతేకాదు మరో 22 మంది బాలబాలికలు ఆపద సమయాల్లో తమ ధైర్య సాహసాలను ప్రదర్శించి ఇండియన్‌ కౌన్సిల్‌ ఫర్‌ ఛైల్డ్‌ వెల్ఫేర్‌ (ఐసీసీడబ్ల్యూ) అందించే ‘జాతీయ సాహస బాలల పురస్కారాలు’ అందుకోబోతున్నారు. మరి పెద్దల నుంచి పాఠాలు నేర్చుకునే ఈ పిడుగులు దేశవ్యాప్తంగా అందరికీ స్ఫూర్తిగా నిలిచే స్థాయికి ఎలా చేరుకున్నారో చూద్దాం రండి !

Know More

women icon@teamvasundhara
kodeeswari-winner-kousalya-kharthika-story
women icon@teamvasundhara
tania-shergill-will-lead-republic-day-parade

ఆర్మీ దుస్తులు ధరిస్తే అమ్మాయినని మరిచిపోతా!

తనియా షేర్గిల్‌.. ప్రస్తుతం సోషల్‌ మీడియాతో పాటు ప్రముఖుల నోట మార్మోగుతున్న ఓ సైనికురాలి పేరు. పేరు చూస్తేనే చెప్పొచ్చు ఆమెది పంజాబ్‌ రాష్ర్టమని.. మరి ఆ రాష్ర్టంలో ఆర్మీవాళ్లు బోలెడు మంది ఉన్నారు.. కాబట్టి ఆమె సైన్యంలో చేరడమనేది చర్చించుకోవాల్సిన వింతేమీ కాదు. పైగా ఆమె పూర్వీకులందరూ సైనికాధికారులుగా సేవలందించినవారే.. వారి వారసత్వాన్ని తను కూడా పుణికి పుచ్చుకుంది. సో.. అందులో ఆశ్చర్యపడాల్సిన అద్భుతమేమీ లేదు. మరి ‘తనియా.. తాలియా’ అంటూ ఎందుకు దేశమంతా ఆమె గురించి మాట్లాడుకుంటోంది? ఆనంద్‌ మహీంద్రా, అమితాబ్‌ లాంటి సెలబ్రిటీ దిగ్గజాలు మాట్లాడుకోవాల్సిన స్పెషాలిటీ ఏముందామెలో? అది తెలియాలంటే ఇటీవల దిల్లీలో జరిగిన ఆర్మీడే పరేడ్‌ను ఓసారి చూడండి.

Know More

women icon@teamvasundhara
newpassword-is-the-first-twitter-trend-in-2020

మీ పాస్‌వర్డ్‌ స్ట్రాంగ్‌గానే ఉందా..?

ప్రస్తుతం మనం డిజిటల్‌ యుగంలో జీవిస్తున్నాం. మన వ్యక్తిగత, వృత్తిగత జీవితాలకు సంబంధించిన దాదాపు అన్ని విషయాలూ డిజిటల్‌ ప్లాట్‌ఫామ్‌తో అనుసంధానమై ఉన్నాయనడంలో ఎలాంటి సందేహం లేదు. బ్యాంక్‌ లావాదేవీలు, పర్సనల్‌ ఈ-మెయిల్‌ల దగ్గర నుంచి సోషల్ మీడియా ఖాతాలు, మొబైల్‌ వ్యాలెట్ల వరకు రోజూ మనం ఇంటర్నెట్‌ని ఎన్నో రకాలుగా వాడుతుంటాం. ఈ ఆన్‌లైన్‌ ఖాతాలను సైబర్‌ నేరగాళ్ల బారి నుంచి కాపాడుకునేందుకు వాటికి ‘పర్సనల్‌ ఐడీ’, ‘పాస్‌వర్డ్‌’లు పెట్టుకోవడం ఆనవాయితీ. అయితే మనం పెట్టే పాస్‌వర్డ్‌లు ఎంత క్లిష్టంగా ఉంటే మన ఖాతాలు అంత సురక్షితమని సైబర్‌ నిపుణులు నిత్యం చెబుతుంటారు. అంతేకాదు, ఆన్‌లైన్‌ ఖాతాలకు ఎక్కువకాలం ఒకే పాస్‌వర్డ్‌ ఉంచకూడదని.. వాటిని తరచూ మార్చుకోవాలని వాళ్లు సూచిస్తుంటారు. ఈ క్రమంలో నూతన సంవత్సరం సందర్భంగా #NewPassword అనే ఓ కొత్త హ్యాష్‌ట్యాగ్‌ ట్విట్టర్‌లో వైరల్‌గా మారింది. మన ఆన్‌లైన్‌ ఖాతాల పాస్‌వర్డ్‌లను సంవత్సరానికి ఒకసారైనా మార్చుకోవడం సురక్షితమని తెలియజేయడమే ఈ హ్యాష్‌ట్యాగ్‌ ముఖ్యోద్దేశం. అయితే దీనిపై పలు రకాల ఫన్నీ మీమ్స్‌ రూపొందిస్తున్నారు నెటిజన్లు. వీరిలో సామాన్యులే కాదు.. ప్రభుత్వ రంగ సంస్థలు, ప్రముఖ వ్యాపార సంస్థలు సైతం ఉండడం విశేషం. ఈ హ్యాష్‌ట్యాగ్‌ ద్వారా సురక్షితమైన పాస్‌వర్డ్‌ యొక్క ప్రాముఖ్యాన్ని తెలియజేయడంతో పాటు తమ బాధ్యతలు, కార్యాచరణల గురించి అందరికీ సులభంగా అర్థమయ్యేలా వీటిని రూపొందిస్తున్నారు. మరి ఆ విశేషాలేంటో మీరూ చూసేయండి.

Know More

women icon@teamvasundhara
nilanshi-patel-palced-in-guinness-world-of-records-for-her-longest-hair

ఆరడుగుల జుట్టుతో ప్రపంచ రికార్డు సృష్టించింది!

విరుల్లాంటి కురులు ఆడవారికి ఎంత అందాన్నిస్తాయో ప్రత్యేకంగా చెప్పక్కర్లేదు. సహజ కిరీటం లాగా తలమీద నిగనిగలాడుతూ ఒత్తయిన, పొడవైన కేశాలు అమ్మాయిల ఆత్మవిశ్వాసానికి ప్రతీక. మహిళల ముఖ సౌందర్యాన్ని మరింత ఇనుమడింపజేసే ఈ వెంట్రుకలు రాలిపోతుంటే వారి మనసులో రేగే కలవరం అంతా ఇంతా కాదు. అందుకే చాలామంది కురులు రాలిపోకుండా మార్కెట్లో దొరికే వివిధ రకాల హెయిర్‌ ఆయిల్స్‌, కండిషనర్లు, మందులు ఇంకా చాలా చిట్కాలు వినియోగిస్తుంటారు. కానీ ఇవేవీ అవసరం లేకుండానే పొడవాటి జుట్టుతో ప్రపంచ రికార్డు సృష్టించింది గుజరాత్‌కు చెందిన నీలాన్షి పటేల్‌. 17 ఏళ్ల వయసులోనే 190 సెంటీమీటర్ల (6 అడుగల 2.8 అంగుళాలు) పొడవైన కురులతో..ప్రపంచంలోనే అత్యంత పొడవైన జుట్టు ఉన్న యువతిగా గిన్నిస్‌ బుక్‌ ఆఫ్‌ వరల్డ్‌ రికార్డుల కెక్కిందీ టీనేజ్‌ సెన్సేషన్‌.

Know More

women icon@teamvasundhara
deepika-padukone-social-experiment-on-acid-sales

ఒక్క రోజులోనే 24 యాసిడ్‌ బాటిళ్లు కొన్నాం..!

యాసిడ్‌ బాధితురాలు లక్ష్మీ అగర్వాల్‌ జీవిత కథ ఆధారంగా ‘ఛపాక్‌’ అనే సినిమా వచ్చిన విషయం తెలిసిందే. దీపికా పదుకొణె లీడ్‌ రోల్‌లో నటించిన ఈ సినిమా ఈనెల 10న విడుదలై మంచి టాక్‌తో నడుస్తోంది. ఈ సినిమాకు దీపిక స్వయంగా నిర్మాతగా వ్యవహరించడం విశేషం. ఇక చిత్ర ప్రమోషన్‌ను దీపిక వినూత్న పద్ధతిలో ముందుకు తీసుకెళుతోంది. చిత్ర ప్రమోషన్‌తో పాటు ఏదో ఒక సందేశాన్ని ఇస్తోంది దీపిక టీం. యాసిడ్‌ బాధితుల పట్ల సమాజం ఏ విధంగా వ్యవహరిస్తుందో తెలుసుకునే క్రమంలో ఇటీవల చిత్ర యూనిట్‌ ‘ఛపాక్‌ ఎక్స్‌పరిమెంట్‌’ పేరుతో ఓ వినూత్న కార్యక్రమాన్ని నిర్వహించిన విషయం తెలిసిందే. ఇదిలా ఉంటే తాజాగా యాసిడ్ అమ్మకాలపై ప్రజల్లో అవగాహన కల్పించేందుకు మరో ప్రయోగాన్ని చేపట్టింది ‘ఛపాక్‌’ టీం. మరి ఈసారి వీరు చేసిన సోషల్‌ ఎక్స్‌పరిమెంట్‌ ఏంటో చూద్దాం రండి..

Know More

women icon@teamvasundhara
life-lessons-from-sankranti

సంబరాల సంక్రాంతి నేర్పే పాఠాలెన్నో..!

సాధారణంగా పండగొచ్చిందంటే ఆ ఆనందాలు నట్టింట వెల్లివిరుస్తాయి. మరి, ఆ వచ్చింది.. పెద్ద పండగ సంక్రాంతి అయితే ఆ సరదాలు మరింతగా రెట్టింపవుతాయనడంలో అతిశయోక్తి లేదు. పంటలు ఇంటికి రావడం.. చేతి నిండా పుష్కలంగా డబ్బులుండడం.. ఎవరికైనా ఆనందమే కదా..! అందుకే సంక్రాంతిని సంబరాల పండగ అంటారు.. అయితే సంబరాల సంగతి కాసేపు పక్కన పెడితే సంక్రాంతి పండగ సందర్భంగా పాటించే కొన్ని పద్ధతులకు, ఆచారాలకు నిగూఢ అర్థాలుంటాయి. వాటిని సరిగ్గా అర్థం చేసుకోగలిగితే మనకు ఎన్నో జీవన రహస్యాలు అవగతమవుతాయి. మరి, సంక్రాంతి మనకు నేర్పే ఆ విషయాలేంటో తెలుసుకుందామా..

Know More

women icon@teamvasundhara
team-for-womens-t20-cricket-world-cup-2020-is-announced

టీ20 ప్రపంచకప్‌ జట్టులో యువరత్నాలు!

‘బ్యాటు-బంతి రెండు చూడ చక్కగుండు... చూడ చూడ జోష్‌ పెరుగుతుండు, క్రీడలందు క్రికెట్‌ క్రీడ వేరయా... విశ్వదాభిరామ... వరల్డ్‌ కప్‌ మనదే రామ !’ అని ఆనందంగా పాడుకుంటున్నారు క్రికెట్‌ అభిమానులు. వారు అలా జోష్‌ఫుల్‌గా ఉండడానికి కారణం లేకపోలేదు. ఆస్ట్రేలియాలో వచ్చే నెలలో ప్రారంభమయ్యే మహిళా టీ20 వరల్డ్‌ కప్‌ పోటీలకు ఇటీవలే భారత మహిళల జట్టును ప్రకటించింది బీసీసీఐ. ఇందులో అందరూ భావించినట్లు చిచ్చర పిడుగు షెఫాలీ వర్మ చోటు సంపాదించగా, ఈ ప్రపంచకప్‌తో రిచా ఘోష్‌ తొలిసారి అంతర్జాతీయ టోర్నీలో అడుగుపెడుతోంది. ఇక తెలంగాణ క్రికెటర్‌ అరుంధతీ రెడ్డి కూడా ఈ మెగా టోర్నీలో చోటుదక్కించుకుంది. ఇటీవలి కాలంలో నిలకడగా రాణిస్తున్న ఈ 22 ఏళ్ల హైదరాబాదీ పేసర్‌కిది రెండో ప్రపంచకప్‌. మిథాలీ రాజ్‌ తర్వాత ఐసీసీ టోర్నీలో ఆడనున్న తెలుగు క్రికెటర్‌ అరుంధతినే కావడం విశేషం. మరి ఆడ, మగ అన్న తేడా లేకుండా అందరినీ అలరించేందుకు రడీ అవుతోన్న ఈ మెగా క్రికెట్‌ ఈవెంట్‌కు మన మహిళల టీమ్‌ స్క్వాడ్‌ ఎలా ఉందో ఓసారి చూద్దాం రండి !

Know More

women icon@teamvasundhara
surat-woman-with-cancer-plants-30000-trees-to-fight-air-pollution

నేను చనిపోతానని తెలుసు.. కానీ నాలా మరొకరు బలవ్వకూడదు!

27 ఏళ్ల వయసంటే.. భవిష్యత్తు గురించి ఎన్నో కలలు కని వాటిని నిజం చేసుకోవాలని తాపత్రయపడే దశ. అలాంటిది ఉన్నట్టుండి తాను త్వరలోనే చనిపోతానని తెలిస్తే మిగిలిన కొద్దిపాటి జీవితం నరకప్రాయంగా మారుతుంది. ఓ యువతి కూడా ఇలాంటి బాధనే అనుభవించింది. అయితే తన చావుకి కారణం మనిషి తెలియక చేస్తోన్న తప్పే అని గ్రహించిన ఆ యువతి, తన మిగిలిన జీవితమంతా ఆ తప్పును సరిదిద్దుతూ మనుషుల్లో చైతన్యం తీసుకురావడానికి అంకితమిచ్చింది. ఎంతోమందిలో స్ఫూర్తి నింపుతూ భావితరాల ఉన్నతికి బాసటగా నిలుస్తోంది. ఇంతకీ ఆమెందుకు చావుకు దగ్గరైంది? మనిషి తెలియక చేస్తోన్న ఆ తప్పేంటి? ఏ విధంగా ఆమె ఆ తప్పును సరిదిద్దుతోంది? తెలుసుకుందాం రండి!

Know More

women icon@teamvasundhara
meet-the-makeup-artist-clover-wootton-who-behind-in-malati-in-chhapaak

అలా దీపికను ‘మాలతి’గా మార్చేసింది!

బాలీవుడ్‌ స్టార్‌ హీరోయిన్‌ దీపికా పదుకొణె నటించిన తాజా చిత్రం ‘ఛపాక్‌’. యాసిడ్ దాడి బాధితురాలు లక్ష్మీ అగర్వాల్‌ జీవిత కథ ఆధారంగా మేఘనా గుల్జార్‌ ఈ సినిమాను తెరకెక్కించారు. ఈ సినిమాలో ‘మాలతి’ గా లీడ్‌ రోల్‌లో నటించడంతో పాటు నిర్మాతగానూ వ్యవహరిస్తోంది దీపిక. ఈనెల 10న ప్రేక్షకుల ముందుకు రానున్న ఈ చిత్రం కోసం వినూత్నంగా సినిమా ప్రమోషన్‌ కార్యక్రమాలు చేపట్టింది ‘ఛపాక్‌’ టీం. ఇందులో భాగంగా సినిమాలో మాదిరిగా ‘మాలతి’ గెటప్‌లో తయారై ముంబై వీధుల్లో చక్కర్లు కొట్టింది దీపిక. అయితే ఎవరూ ఆమెను గుర్తు పట్టలేదు సరి కదా..కొందరు ఆమె వైపు వికారంగా చూడడం గమనార్హం. మరి బోలెడు ఇమేజ్‌, స్టార్‌ పాపులారిటీ ఉన్న దీపిక జనం గుర్తుపట్టలేనంతగా ఎలా మారింది? ‘మాలతి’ మేకప్‌ వెనకనున్న రహస్యమేంటో తెలుసుకోవాలంటే ఈ స్టోరీ చదవాల్సిందే..

Know More

women icon@teamvasundhara
shopping-tips
women icon@teamvasundhara
sucheta-satish-trying-to-sing-songs-in-120-languages-for-guinness

120 భాషల్లో పాటలు పాడేస్తోన్న అపర బాల మేధావి!

జ్ఞానమనేది అనంతమైనది.. ఎన్ని విద్యలు నేర్చినా, ఎన్ని విషయాలు తెలుసుకున్నా ఇంకా నేర్చుకోవాల్సింది, తెలుసుకోవాల్సింది ఎంతో ఉంటుంది. అందుకే కొందరు ఎన్ని విషయాలు తెలిసినా, ఇంకా ఇంకా కొత్త విద్యలు నేర్చుకోవాలని తపన పడుతుంటారు. అద్భుతాలు సృష్టించాలని, అందరిలోనూ ప్రత్యేకంగా నిలవాలని ఆశపడుతుంటారు. ఇదిగో ఈ రెండో కోవకే చెందుతుంది భారత సంతతికి చెందిన పదమూడేళ్ల సుచేతా సతీష్. దాదాపు భారతీయ భాషలన్నింటిలో ప్రావీణ్యం సంపాదించి తన గాత్రంతో సంగీత ప్రేమికుల్ని ఓలలాడిస్తోన్న ఈ యంగ్‌స్టర్‌కు నేర్చుకోవాలన్న తపన రోజురోజుకీ రెట్టింపవుతోంది. అందుకు నిదర్శనమే తాజాగా తాను అందుకున్న ‘గ్లోబల్‌ ఛైల్డ్‌ ప్రొడిజీ (ప్రపంచ బాల మేధావి)’ అవార్డు. భారతీయ భాషలతో పాటు విదేశీ భాషలపై కూడా పట్టు సాధించి.. ఇలా మొత్తంగా 120 భాషలు ఔపోసన పట్టడంతో పాటు అన్ని భాషల్లోనూ పాటలు పాడగల నైపుణ్యం సొంతం చేసుకున్నందుకే ఈ అవార్డు ఆమెను వరించింది. ఈ నేపథ్యంలో ఈ బాల మేధావి గురించి కొన్ని విశేషాలు మీకోసం..

Know More

women icon@teamvasundhara
greta-thunberg-turns-17-marks-birthday-with-7-hour-climate-protest

కేక్‌ దొరక్కపోవచ్చు..కానీ అందరం డిన్నర్‌ చేద్దాం!

పర్యావరణ పరిరక్షణ కోసం పాఠశాల పుస్తకాలను పక్కన పెట్టి మరీ పోరాడుతోంది గ్రెటా థున్‌బర్గ్‌. ‘స్కూల్‌ స్ట్రైక్‌ ఫర్‌ ది క్లైమేట్’, ‘యూత్‌ ఫర్‌ క్లైమేట్‌’ పేరుతో ఉద్యమాలను మొదలు పెట్టి అంతర్జాతీయ మేధావుల ప్రశంసలు సైతం అందుకుందీ స్వీడిష్‌ టీనేజర్‌. పర్యావరణంపై ప్రేమతో గ్లోబల్‌ వార్మింగ్‌ నుంచి భూమిని పరిరక్షించే బాధ్యతలను చిన్న వయసులోనే భుజాన వేసుకున్న గ్రెటా.. తన భావోద్వేగ ప్రసంగాలతో అందరిలో స్ఫూర్తి రగిలిస్తోంది. ఉద్యమంలో భాగంగా తనను విమర్శించిన అమెరికా అధ్యక్షుడు ట్రంప్‌ లాంటి వారికి కూడా తనదైన శైలిలో సమాధానాలిస్తోందీ యువకెరటం. ఈ క్రమంలో గ్రెటా తాజాగా 17 వ ఏటలోకి అడుగుపెట్టింది. అయితే పర్యావరణ పరిరక్షణ కోసం ఎంతో చిత్తశుద్ధితో ఉద్యమిస్తున్న ఈ యువతేజం అందరిలా పుట్టినరోజు సంబరాలు చేసుకోలేదు. మరేం చేసిందో మీరే చదవండి.

Know More

women icon@teamvasundhara
malayisan-couple-arrives-in-ambulance-to-their-wedding-faces-criticism

పెళ్లి పల్లకీలో కాదు.. అంబులెన్స్‌లో వచ్చారు..!

పెళ్లంటేనే సరదాలు, సంతోషాల సమ్మేళనం. జీవితంలో వచ్చే అతి పెద్ద వేడుక కాబట్టి.. దీనిని వీలైనంత వినూత్నంగా, అందంగా, పది కాలాల పాటు గుర్తుండిపోయే లాగా జరుపుకోవాలని కోరుకోవడం సహజం. పందిరి దగ్గర నుంచి భోజనాల మెనూ వరకు.. శుభలేఖల మోడల్‌ దగ్గర నుంచి ప్రీ వెడ్డింగ్‌ షూట్స్‌ వరకు.. ఇలా ప్రతి విషయంలోనూ కొత్తదనం ఉట్టిపడేలా జాగ్రత్తలు తీసుకుంటుంటారు. పెళ్లికి వచ్చిన అతిథులను ఆశ్చర్యానికి గురి చేయడానికి ఒక్కోసారి వింత ప్రయత్నాలు చేసిన వాళ్లు కూడా లేకపోలేదు. ఈ క్రమంలో ఆ ప్రయత్నం విజయవంతమై అందరి ప్రశంసలందుకుంటే ఫర్వాలేదు.. కానీ, అవి వికటిస్తే మాత్రం నలుగురి ముందు నవ్వుల పాలవ్వడంతో పాటు పలు రకాల ఇబ్బందులను కూడా ఎదుర్కోవాల్సి వస్తుంది. ఇలాంటి ఓ సంఘటన ఇటీవలే మలేషియాలో జరిగింది. మరి అదేంటో తెలియాలంటే.. ఈ స్టోరీ చదవాల్సిందే..!

Know More

women icon@teamvasundhara
telangana-girl-malavath-poorna-one-step-away-from-goal

పరి ‘పూర్ణ’ లక్ష్యానికి ఒక్క అడుగు దూరంలో..!

మలావత్‌ పూర్ణ.. పర్వతారోహణకు సంబంధించి తెలంగాణ పేరును ప్రపంచానికి వినపడేలా చేసిన ఓ గిరిజన అమ్మాయి. బాల్యంలో స్థానికంగా ఉండే కొండలు, గుట్టలను ఎక్కిన ఆ బాలిక..13 ఏళ్ల వయసుకే ప్రపంచంలోనే అత్యంత ఎత్తయిన ఎవరెస్టు శిఖరాన్ని అధిరోహించింది. తద్వారా అతి పిన్న వయసులోనే ఈ శిఖరాన్ని ఎక్కిన బాలికగా రికార్డు సృష్టించిందీ డేరింగ్‌ గర్ల్‌. ప్రపంచంలోని ఏడు ఖండాల్లోని ఎత్తైన శిఖరాలను అధిరోహించాలనుకున్న పూర్ణ ప్రయాణం ఎవరెస్టు అధిరోహణతో ప్రారంభమైంది. తాజాగా అంటార్కిటికా ఖండంలోనే ఎత్తయిన విన్సన్‌ మాసిఫ్‌ శిఖరాన్ని కూడా అందుకుంది. దీంతో ఇప్పటివరకు ఆరు ఖండాల్లోని ఆరు ఎత్తైన శిఖరాలను పాదాక్రాంతం చేసుకున్న ఈ తెలుగమ్మాయి.. పర్వతారోహణకు సంబంధించి పరి ‘పూర్ణ’ లక్ష్యానికి ఒక్క అడుగు దూరంలో నిలిచింది.

Know More

women icon@teamvasundhara
things-that-every-woman-should-try-to-learn-in-new-year

ఈ తీర్మానాలు మనకే ప్రత్యేకం..!

కాలం గడిచిపోతూ మరో ఏడాది వెనక్కి వెళ్లిపోయింది. కొత్త ఏడాది ప్రారంభమైంది. కొత్త సంవత్సరం ఆరంభం వేళ కొత్త తీర్మానాలు తీసుకునే అలవాటు చాలామందికి ఉంటుంది. ఇందులో భాగంగా జిమ్‌కి వెళ్లడం, వ్యాయామం ప్రారంభించడం, ఖర్చులు తగ్గించడం, చెడు అలవాట్లు మానేయడం వంటివే ఎక్కువగా కనిపిస్తుంటాయి. అయితే ఇలాంటి వ్యక్తిగత తీర్మానాలతో పాటు విభిన్నంగా ఆలోచించి కొత్త సంవత్సరం వేళ మహిళలుగా సాధికారత సాధించే దిశగా సరికొత్త తీర్మానాలను కూడా తీసుకోవచ్చు. దీనివల్ల మనం జీవితమంతా ఆనందంగా ఉండడమే కాదు.. వ్యక్తిగా కూడా మనం ఎదిగేందుకు వీలుంటుంది. మరి, అలా మనం తీసుకోవడానికి వీలుండే కొన్ని తీర్మానాల గురించి తెలుసుకుందాం రండి..

Know More

women icon@teamvasundhara
social-meida-challenges-those-went-viral-in-2019

2019లో వైరలైన సోషల్‌ మీడియా ఛాలెంజ్‌లివే..!

2019 చివరి దశకు చేరుకున్నాం. ఈ ఏడాదికి గుడ్‌బై చెప్పి.. 2020ని ఆహ్వానించడానికి ఇంకా కొన్ని రోజులు మాత్రమే మిగిలున్నాయి. ప్రతి సంవత్సరం లాగే 2019లో కూడా మనం ఆనందపడిన, బాధ పడిన, కన్నీళ్లు పెట్టుకున్న, ఆవేశానికి గురైన, కళ్లు చెమర్చేలా నవ్విన, ఆశ్చర్యానికి లోనైన, ఆలోచించిన సందర్భాలెన్నో ఉన్నాయి. మనల్ని బాధకు గురి చేసిన విషయాల నుంచి పాఠాలు నేర్చుకొని.. ఆనందపర్చిన, అలరించిన జ్ఞాపకాలను నెమరేసుకుంటూ ముందుకు సాగడమే జీవితం. ఇదిలా ఉంటే ప్రతిసారీ లాగే ఈసారి కూడా సోషల్‌ మీడియాలో వివిధ నేపథ్యాలతో మొదలైన ఎన్నో ఛాలెంజ్‌లు నెటిజన్ల ఆదరణను పొందాయి. వీటిలో సమాజానికి మేలు చేసేవి కొన్నైతే.. ఆనందాన్ని పంచేవి మరికొన్ని. వీటితో పాటు కొన్ని ప్రమాదకరమైన ఛాలెంజ్‌లు కూడా ఉన్నాయండోయ్‌..! మరి, 2019లో నెటిజన్లను విశేషంగా ఆకట్టుకొని సోషల్‌ మీడియాలో వైరలైన ఛాలెంజ్‌లేంటో చూసేద్దామా..!

Know More

women icon@teamvasundhara
malala-yousaf-zai-most-famous-teenager-decade-un-declare

ధీరవనితకు దక్కిన మరో అరుదైన గౌరవం!

కట్టుబాట్లను కాదని చదువుకుంటోందన్న కారణంతో 13 ఏళ్ల ప్రాయంలోనే తాలిబన్ల తూటాలకు గురైంది మలాలా యూసఫ్‌ జాయ్‌. తనలాంటి పరిస్థితి మరే అమ్మాయికీ రాకూడదని బాలికా విద్య, పిల్లల హక్కులపై నిరంతర పోరాటం చేస్తోందీ ధీరవనిత. ఇందులో భాగంగానే ఉగ్రవాద దేశాల్లో ఉన్న శరణార్థుల పిల్లలకు విద్యనందించేందుకు కృషి చేస్తోంది. సందర్భం వచ్చినప్పుడల్లా ప్రపంచ వేదికలపై తన గళాన్ని వినిపించే ఈ యూత్‌ ఐకాన్‌..అతి పిన్న వయసులో నోబెల్‌ శాంతి బహుమతి అందుకుని చరిత్ర సృష్టించింది. ఈ క్రమంలో తాజాగా మరో అరుదైన గుర్తింపు దక్కించుకుందీ డేరింగ్‌ టీనేజర్‌. ఈ ‘దశాబ్దపు ప్రపంచ ప్రఖ్యాత టీనేజర్‌’గా గుర్తింపు పొందిందీ యువకెరటం.

Know More

women icon@teamvasundhara
upcoming-women-in-sports-2019

నవ వత్సరానికి యువ క్రీడా శక్తి !

నూతన సంవత్సరం 2020 సంఖ్యాపరంగా కూడా సమానత్వాన్ని చాటుతోంది. ఏ రంగాన్ని తీసుకున్నా పురుషులకేమీ తీసిపోని విధంగా క్రమక్రమంగా మహిళా శక్తి ఎదిగింది. గతంలో సిగ్గుతో తల వంచుకుని నెమ్మదిగా నడిచిన స్త్రీలు.. ఇప్పుడు పరుగు పందెంలో పతకాలు కొల్లగొడుతూ తల్లిదండ్రులు గర్వపడేలా చేస్తున్నారు. గృహహింసకు గురై పురుషాధిక్య నీడలో చిత్రహింసలకు గురైన మగువ, ఇప్పుడు పిడికిలి బిగించి బాక్సింగ్‌లో రికార్డులు బద్దలు కొడుతోంది. బిందెనెత్తిన చేతులతో బరువులెత్తి పతకాలు సాధిస్తోంది. గరిట పట్టిన చేత్తో బ్యాట్‌ పట్టి క్రికెట్‌ బంతిని బౌండరీకి తరలిస్తోంది. ఈ క్రమంలో అనాదిగా పేరుకుపోయిన అసమానతలను సమూలంగా చెరిపేసే ప్రయత్నం చేస్తున్నారు నేటి తరం మహిళా మణులు. అందుకు నిదర్శనమే ఈ యువ మహిళా రైజింగ్‌ స్టార్స్‌.

Know More

women icon@teamvasundhara
top-10-tiktok-stars-in-india

‘టిక్‌టాక్‌’తో ఈ సామాన్యులు కాస్తా సెలబ్రిటీలయ్యారు..!

టిక్‌టాక్‌.. ప్రస్తుతం ప్రపంచ వ్యాప్తంగా నెటిజన్లను విపరీతంగా ఆకట్టుకొంటోన్న మొబైల్‌ యాప్‌. టిక్‌టాక్‌ను కేవలం యువతే వాడుతారనుకుంటే పొరపాటే..! ఒక సంవత్సరం వయసున్న చిన్నారుల దగ్గర నుంచి పండు ముసలి వాళ్ల వరకు టిక్‌టాక్‌లో ఖాతాలుండడం గమనార్హం. డ్యాన్స్‌, కామెడీ, జిమ్నాస్టిక్స్‌, మ్యాజిక్‌, ఫొటోగ్రఫీ, విద్య, అనుకరణ (డబ్‌స్మాష్‌), సందేశాత్మకం.. మొదలైన కంటెంట్‌లతో వీడియోలు రూపొందించి వీక్షకుల దృష్టిని ఆకట్టుకోవడమే టిక్‌టాకర్ల ప్రధాన లక్ష్యం. ఇందుకోసం వాళ్లు ఎంతో సృజనాత్మకతతో వీడియోలను రూపొందిస్తారు. చైనాలో రూపొందిన ఈ యాప్‌ ప్రస్తుతం మన దేశంలో విపరీతమైన ఆదరణను పొందుతోంది. కేవలం టిక్‌టాక్‌ వీడియోల ద్వారా సెలబ్రిటీలుగా మారిన వాళ్లు మన దేశంలో చాలామందే ఉన్నారు. వీళ్లకు లక్షల నుంచి కోట్లలో అభిమానులుండడం విశేషం. వీరి ఖాతాలను ‘వెరీఫైడ్‌ అకౌంట్స్‌’ (తమ పేర్లతో పుట్టుకొచ్చే నకిలీ అకౌంట్లను అరికట్టడానికి బ్లూ-టిక్‌ ఇవ్వడం)గా టిక్‌టాక్‌ గుర్తించడం విశేషం. అంతేకాదు.. వీళ్లు పోస్ట్‌ చేసే ప్రతి వీడియోకు లక్షల్లో లైకులు.. వేలల్లో కామెంట్లు వస్తుంటాయి. అలా 2019లో కేవలం తమ టిక్‌టాక్‌ వీడియోలతో సామాన్యుల నుంచి సెలబ్రిటీలుగా మారిన టాప్‌ 10 (టిక్‌టాక్‌లో ఫాలోవర్ల సంఖ్యను పరిగణనలోకి తీసుకొని నిర్ణయించిన ర్యాంకులు) టిక్‌టాకర్లెవరో చూసేద్దామా..!

Know More

women icon@teamvasundhara
smriti-mandhana-finds-place-in-icc-odi-and-t20i-teams-of-the-year

ఫార్మాట్‌ ఏదైనా ఆమె ఉండాల్సిందే !

టెస్ట్‌, వన్డే, టీ20 అనే మూడు ఫార్మాట్లలో క్రికెట్‌ జరుగుతుందన్న విషయం అందరికీ తెలిసిందే. అయితే ప్రతి ఫార్మాట్‌కూ ప్లేయర్లు అవలంబించే పద్ధతులు వేరుగా ఉంటాయి. టెస్టుల్లో సహనం అవసరం, వన్డేలు సమయస్ఫూర్తితో ఆడాలి, అదే టీ20ల్లో వేగంగా పరుగులు రాబట్టగలగాలి. అందుకే.. ఒక ప్లేయర్‌ అన్ని ఫార్మాట్లలో రాణించడం చాలా కష్టం. ప్రస్తుతం పురుషుల్లోనైనా.. మహిళల్లోనైనా ఇలా అన్ని ఫార్మాట్లలో అద్భుతంగా రాణించే క్రీడాకారులను వేళ్ల మీద లెక్కపెట్టవచ్చు. వీరిలో ముందు వరుసలో ఉంటారు స్మృతీ మంధాన. అందుకు తాజా ఉదాహరణగా నిలిచింది ఐసీసీ ప్రకటించిన ‘ఉమెన్స్‌ వన్డే, టీ20 టీమ్స్‌ ఆఫ్‌ ది ఇయర్‌’ జాబితా !

Know More

women icon@teamvasundhara
international-shooter-varthika-singh-wants-hang-nirbhaya-rapists

వాళ్లను ఉరితీసే అవకాశం నాకివ్వండి!

ఆరుగురు మానవ మృగాల చేతిలో చిక్కుకున్న ఓ అబల ఆక్రందన అరణ్య రోదనగానే మారింది ఆరోజు....! -సాటి మనిషి అన్న స్పృహ, కనికరం లేకుండా కర్కశంగా ప్రవర్తించిన ముష్కరుల తీరుతో మానవత్వం మంటగలిసింది ఆరోజు.. - సమాజంలో మనుషులతో పాటు మనిషి ముసుగు ధరించిన కొన్ని మృగాలు కూడా తిరుగుతుంటాయని మొదటిసారి తెలిసొచ్చింది ఆరోజు..! -‘ఆడపిల్ల ఆర్ధరాత్రి ఒంటరిగా తిరిగినప్పుడే నిజమైన స్వాతంత్ర్యం’ అని మహాత్మా గాంధీ ఆశించిన మెరుగైన సమాజం ఇక కలేనేమో అని అనుమానం వచ్చింది ఆరోజు.. ‘ భవిష్యత్‌లో ఇలాంటి రోజు మరెప్పుడూ రాకూడదు’ అని అందరూ కోరుకున్న నిర్భయ ఘటన జరిగి నేటికి సరిగ్గా ఏడేళ్లు పూర్తయ్యాయి. కానీ బాధితురాలి కుటుంబానికి ఇంకా న్యాయం జరగలేదు. కదులుతున్న బస్సులోనే ఆ ఆడపిల్ల జీవితాన్ని కడతేర్చిన ఆ మానవ మృగాలకు సమాజంలో బతికే హక్కు లేదని సర్వోన్నత న్యాయస్థానం కూడా తీర్పిచ్చింది. కానీ కాలం చెల్లిన చట్టాలు దోషులకు కాపలాగా ఉంటున్నాయి. అందుకే తీర్పును సమీక్షించాలని కోరుతూ ఇంకా రివ్యూ పిటిషన్లు, క్షమాభిక్ష పిటిషన్లు దాఖలవుతున్నాయి.

Know More

women icon@teamvasundhara
ashleigh-barty-wins-wta-player-of-the-year-award
women icon@teamvasundhara
most-searched-persons-in-google

women icon@teamvasundhara
greta-thunberg-placed-in-forbes-most-powerful-women-list

పెద్దన్న గారికి అలా జవాబిచ్చింది!

‘ఎవడికి సొంతమిదంతా ఇది ఎవ్వడు నాటిన పంట.. ఎవడికి వాడు నాదే హక్కని చెయ్యేస్తే ఎట్టా..’ అంటూ ప్రకృతిని, పర్యావరణాన్ని నాశనం చేస్తోన్న వారిని సూటిగా ప్రశ్నిస్తోంది స్వీడన్‌కు చెందిన పదహారేళ్ల గ్రెటా థున్‌బర్గ్‌. చిన్నతనం నుంచే ప్రకృతి, పచ్చదనాన్ని తనలో నింపుకున్న ఈ ప్రకృతి ప్రేమికురాలు.. అన్ని దేశాలు తిరుగుతూ భవిష్యత్‌ తరాల కోసం పర్యావరణాన్ని పరిరక్షించాలంటూ ఉద్యమం చేస్తోంది. ఈ క్రమంలో అంతర్జాతీయ వేదికలపై తన గళాన్ని వినిపిస్తూ పిల్లలు, సామాన్యుల దగ్గర్నుంచి.. దేశ నాయకుల దాకా ప్రతి ఒక్కరూ తమ చుట్టూ ఉన్న వాతావరణాన్ని కలుషితం కాకుండా కాపాడాలని.. అప్పుడే వచ్చే తరాల వారికి ఈ భూమి సురక్షితమైన ప్రదేశంగా మారుతుందని అందరిలో స్ఫూర్తి రగిలిస్తోందీ యువ తేజం. అందుకే నిన్నటికి నిన్న ప్రముఖ పత్రిక టైమ్స్‌ ‘పర్సన్‌ ఆఫ్‌ ది ఇయర్‌’గా గ్రెటాను కొనియాడగా.. తాజాగా ఫోర్బ్స్‌ పత్రిక విడుదల చేసిన ‘వంద మంది అత్యంత శక్తిమంతమైన మహిళల’ జాబితాలో చోటుదక్కించుకుందీ యంగ్‌ యాక్టివిస్ట్‌. ఈ నేపథ్యంలో ఈ యువ ప్రకృతి ప్రేమికురాలి గురించి కొన్ని ఆసక్తికర విశేషాలు మీకోసం..

Know More

women icon@teamvasundhara
the-rapist-is-you-song-goes-viral

‘నువ్వొక రేపిస్టువి ’ అంటూ గళమెత్తారు !

అప్పుడు ఆ అమ్మాయి వయసు పదేళ్లు. ఒక వృద్ధుడు తరచూ ఆమె ఇంటికి వస్తుండేవాడు. ఆమె తల్లిదండ్రులు కూడా అతడిని అభిమానించేవారు. దాన్ని అలుసుగా తీసుకున్న ఆ వ్యక్తి అమాయకురాలైన ఆ అమ్మాయిపై అనేకసార్లు అత్యాచారానికి పాల్పడ్డాడు. ప్రస్తుతం ఇరవై ఏళ్లున్న ఆ అమ్మాయి మానసికంగా ఎంతో కుంగిపోయింది. అందుకే దీనంతటికీ కారణమైన అతడిపై ‘ది రేపిస్ట్‌ ఈజ్‌ యూ’ అంటూ రోడ్డుపైకి వచ్చి నినదిస్తోంది. ‘అతడు నా జీవితాన్ని నాశనం చేశాడు. ఎన్నోసార్లు నన్ను నిందల పాలు చేశాడు. కానీ తప్పు చేసింది నేను కాదు. ఇప్పుడది గట్టిగా చెప్పాల్సిన సమయం వచ్చింది’ అంటూ ఉక్రోషంగా పాట పాడుతోంది. ఈ పాడటం ఏంటి... అనుకుంటున్నారా ? ఆమే కాదు ఆమెలా పురుషుల చేతిలో అత్యాచారానికి గురైన చాలామంది మహిళలు ‘ది రేపిస్ట్‌ ఈజ్‌ యూ’ అంటూ రోడ్లపైకి వచ్చి పాట పాడుతున్నారు. ఎందుకో తెలుసుకుందాం రండి !

Know More

women icon@teamvasundhara
here-is-the-list-of-most-tweeted-about-conversations-hashtags-and-people-in-india-in-2019

ఈ ఏడాది ట్విట్టర్‌లో ట్రెండింగ్‌లో నిలిచింది వీరే..!

ప్రస్తుతం మనమున్న డిజిటల్‌ యుగంలో ‘సోషల్‌ మీడియా’ ప్రభావం ప్రజలపై ఏ స్థాయిలో ఉందో తెలిసిందే. తమ వ్యక్తిగత విషయాలు, సందేహాలు, సలహాలు, సూచనలు, అభిప్రాయాలు, జ్ఞాపకాలు.. మొదలైనవి ఇతరులతో పంచుకోవడానికి నెటిజన్లకు సోషల్‌ మీడియా చాలా కీలకమైన వేదికగా మారింది. ఈ నేపథ్యంలో వివిధ రంగాలకు చెందిన ప్రముఖులకు కూడా తమ విషయాలను తమను అనుసరించే వారితో పంచుకునేందుకు ఈ వేదికలు ఎంతగానో ఉపయోగపడుతున్నాయి. ఈ క్రమంలో సోషల్‌ మీడియా వేదికల్లో అగ్రగామిగా కొనసాగుతోన్న ‘ట్విట్టర్‌’.. 2019 సంవత్సరంలో మన దేశంలో క్రీడా, రాజకీయ, వినోద రంగాలకు సంబంధించి ఎక్కువమంది ప్రస్తావించిన టాప్‌ 10 సెలబ్రిటీల పేర్లు , హ్యాష్‌ట్యాగ్‌లు, ఎమోజీలను తాజాగా విడుదల చేసింది. మరి ఆ వివరాలేంటో చూసేద్దామా..!

Know More

women icon@teamvasundhara
pv-sindhu-as-appointed-lake-views-guest-house-osd

women icon@teamvasundhara
mithali-raj-first-woman-cricketer-to-complete-20-years-in-odi-cricket-in-telugu

హ్యాపీ బర్త్‌డే క్రికెట్‌ క్వీన్‌!

క్రికెట్ ఆడడానికే పుట్టిందేమో అన్నట్లుగా క్రికెట్‌నే తన జీవిత పరమావధిగా మార్చుకుందామె. తన సుదీర్ఘ కెరీర్‌లో ఎన్నో మైలురాళ్లను అందుకొని దేశానికే గర్వకారణంగా నిలిచింది. కెప్టెన్‌గా జట్టును ముందుండి నడిపించడం, నాయకురాలిగా సహచరులకు నైపుణ్యాల్ని నేర్పించడం, ప్రతికూల పరిస్థితుల్లో జట్టును విజయతీరాలకు చేర్చడం.. ఆమెకు వెన్నతో పెట్టిన విద్య. అందుకే ఎన్నో రికార్డులు, అవార్డులు-రివార్డులు ఆమె సిగలో చేరి మురిశాయి. అలా భారత్‌లో మహిళల క్రికెట్‌కు వన్నెలద్దిన ఘనత 'ది వన్ అండ్ ఓన్లీ' మిథాలీ రాజ్‌కే దక్కుతుందనడం అతిశయోక్తి కాదు.

Know More

women icon@teamvasundhara
buy-clothes-from-alia-bhatts-ward-robe-including-an-alexender-mcqueen-gown

ఈ అందాల తార మనసూ అందమైనదే..!

బాలీవుడ్‌లో పరిచయం అక్కర్లేని హీరోయిన్‌ అలియా భట్‌. ‘స్టూడెంట్‌ ఆఫ్ ది ఇయర్‌’ సినిమాతో పరిచయమై..‘హైవే’ ‘రాజీ’, ‘ టూ స్టేట్స్‌’, ‘ ఉడ్తా పంజాబ్‌’, ‘ గల్లీబాయ్‌’ ..లాంటి వైవిధ్యమైన చిత్రాల్లో నటించి అలరించిందీ ముద్దుగుమ్మ. బాలీవుడ్‌లో టాప్‌ హీరోయిన్‌గా పేరు పొందిన ఈ బ్యూటీ.. రాజమౌళి తెరకెక్కిస్తున్న ‘ఆర్‌ ఆర్‌ ఆర్‌’ (వర్కింగ్‌ టైటిల్‌) సినిమాతో త్వరలోనే తెలుగు ప్రేక్షకులను పలకరించడానికి సిద్ధమవుతోంది. ఈక్రమంలో తన చలాకీ నటనతో ఎందరో అభిమానులను సొంతం చేసుకున్న అలియా తాజాగా తీసుకున్న ఓ నిర్ణయంతో తనకు అందమే కాదు..అంతకు మించిన వెన్నలాంటి మనసూ ఉందని నిరూపించుకుంది.

Know More

women icon@teamvasundhara
an-apps-and-help-line-numbers-to-keep-women-safe-in-hyderabad

అలాంటి పరిస్థితి ఎదురైతే..ఈ సేఫ్టీ యాప్స్‌ వాడండి!

ఎక్కడైతే స్త్రీలు పూజలందుకుంటారో అక్కడ దేవతలు కొలువైనట్లు పురాణాలు చెబుతున్నాయి. అయితే పూజించడం పక్కన పెడితే సాటి మనిషిగా వారిపై కొంచెం కూడా మానవత్వం చూపడం లేదు కొన్ని మానవ మృగాలు. మనిషి అన్న ముసుగు వేసుకుని ఉన్మాదంతో అమాయక ఆడపిల్లలపై అఘాయిత్యాలకు పాల్పడుతున్నారు. ‘ఆడపిల్ల అర్ధరాత్రి ఒంటరిగా తిరిగినప్పుడే నిజమైన స్వాతంత్ర్యం’ అని మహాత్ముడు ఆశించిన మెరుగైన సమాజం ఇలాంటి దారుణాలతో కలగానే మిగిలిపోతుందేమో అన్న భావన కలుగుతోంది. విచ్చలవిడి స్వేచ్ఛ కారణంగా కొందరు మగవారిలో పెరుగుతున్న నేర ప్రవృత్తే ఇందుకు ప్రధాన కారణంగా చెప్పుకోవచ్చు. అయితే ఆపద సమయంలో అందుబాటులో ఉన్న సౌకర్యాలతో ఎలా బయటపడాలన్న ఆలోచన చాలామంది మహిళలకు రాకపోవడం కూడా ఇలాంటి దురాగతాలకు కారణమవుతోంది. ఈ క్రమంలో హైదరాబాద్‌లో, వరంగల్‌లో జరిగిన హత్యోదంతాలు ఇందుకు తాజా ఉదాహరణలుగా చెప్పుకోవచ్చు.

Know More

women icon@teamvasundhara
self-defence-strategies-for-women

కరాటే.. కుంగ్ ఫూ.. ఇలాంటివన్నీ నేర్చుకుంటేనే మనకు రక్షణ!

ఆడపిల్ల అర్ధరాత్రి ఒంటరిగా తిరిగినప్పుడే స్వాతంత్య్రం అన్నాడు మహాత్ముడు. అర్ధరాత్రి కాదు కదా... పట్టపగలు కూడా తిరగలేని పరిస్థితి నెలకొందిప్పుడు. ఇందుకు మగరాయుళ్లలో పెరుగుతున్న నేరప్రవృత్తి కొంత కారణమైతే ఆత్మరక్షణలో అమ్మాయిలకు సరైన శిక్షణ లేకపోవడం మరో కారణం. నేడు మహిళ అంటే ఇంటికే పరిమితమనే కాలం చెల్లింది. మగాడికి పోటీగా అన్ని రంగాల్లో దూసుకుపోతోంది అతివ. ఈ క్రమంలో మహిళలపై దాడులు, వేధింపులు కూడా పెరుగుతున్నాయి. ఇంటి నుంచి అడుగు బయట పెట్టాక.. మళ్లీ ఇంటికి చేరేలోపు ఇంట్లో ఏదో తెలియని అలజడి. పోలీసు యంత్రాంగం ఉన్నప్పటికీ సమయానికి స్పందిస్తారనే గ్యారంటీ లేదు. అందుకే ఎవరో వస్తారు.. ఏదో చేస్తారని.. ఎదురు చూడటం కంటే తమను తాము రక్షించుకొనే మార్గాలను అన్వేషించడం నేటి మహిళలకు చాలా అవసరం. ఈ నేపథ్యంలో పిల్లలకు చిన్నప్పటి నుంచే వివిధ ఆత్మరక్షణ కళల్లో శిక్షణ ఇప్పించాలి. పిల్లలకే కాదు.. ఉద్యోగాలు చేసే మహిళలు, కళాశాలకు వెళ్లే యువతులు సైతం ఆత్మరక్షణ విద్యలో మెలకువలు నేర్చుకోవడం అవసరం. ప్రమాదం ముంచుకొచ్చే సందర్భంలో ఈ ఆత్మరక్షణ విద్యల సహాయంతో ఆపద నుంచి బయట పడవచ్చు. మరి, అవి ఏమిటో ఒక్కసారి పరిశీలిద్దాం !

Know More