‘ఆడవారికి ఆర్థిక విషయాల్లో అవగాహన అంతంత మాత్రమే!’ నిజానికి సమాజం అనే ఇలాంటి నిరుత్సాహకరమైన మాటలే మహిళల్ని మరింత వెనక్కి లాగుతున్నాయేమో అని ఒక్కోసారి అనిపించకమానదు. దీనికి తోడు పొదుపు-మదుపు.. వంటి విషయాల్లో మహిళలు చాలా వెనకబడి ఉన్నారని పలు అధ్యయనాలు, గణాంకాలు కూడా స్పష్టం చేస్తున్నాయి. అయితే ఇలాంటి ఆర్థిక విషయాల్లో కొవిడ్‌కు ముందు వరకు కొంతమంది మహిళలు ఆసక్తి చూపినా.. కరోనా వచ్చాక మాత్రం అంతా తారుమారైపోయింది. ఈ క్రమంలో మహిళల ఉద్యోగాల పైన కూడా వేటు పడింది. దీంతో జీతాల్లేక, వ్యాపారాలు నష్టపోయి ఆర్థికంగా పెట్టుబడులు పెట్టే ఆ తక్కువ శాతం మంది కూడా వెనక్కి తగ్గారు. మరికొంతమంది మహిళలేమో నష్ట భయంతో పెట్టుబడి పెట్టడానికి ముందుకు రావట్లేదు. అయితే ఇలా లాభమా? నష్టమా? అన్నది పక్కన పెట్టి మహిళలంతా ముందు పెట్టుబడి పెట్టడమే పరమావధిగా ముందుకు సాగాలంటున్నారు ఆర్థిక రంగ నిపుణులు. తద్వారా ఈ క్రమంలో వారికి ఎదురయ్యే సవాళ్లతో ఎన్నో విషయాలు నేర్చుకోగలుగుతారని, ఇది వారిలో ఆర్థిక అవగాహనను మరింత పెంచుతుందని అభిప్రాయపడుతున్నారు. మరి, పెట్టుబడుల విషయంలో ప్రస్తుతం మహిళల పాత్ర ఎంత వరకు ఉంది? వారు ఆర్థికంగా అక్షరాస్యత సాధించాలంటే ఏం చేయాలి? తెలుసుకుందాం రండి..

ఎలాంటి ఆర్థిక సమస్యలు లేకుండా ఇల్లు గడవాలంటే మనకొచ్చిన ఆదాయ వ్యయాలతో ప్రణాళిక ప్రకారం బడ్జెట్‌ను రూపొందించడం ఎంత ముఖ్యమో.. దేశం సుభిక్షంగా ముందుకెళ్లాలంటే అందుకు తగిన చక్కటి ఆర్థిక ప్రణాళిక రచించడం కూడా అంతే ముఖ్యం. ఈ క్రమంలోనే అందరి చూపూ ఏటా ఫిబ్రవరి 1న ప్రవేశపెట్టే కేంద్ర బడ్జెట్‌పైనే ఉంటుంది. అయితే కరోనా ప్రభావంతో వివిధ రంగాలు తీవ్ర ఆర్థిక సంక్షోభాన్ని చవిచూశాయి. ఇలా అదుపు తప్పిన ఆర్థిక వ్యవస్థను తిరిగి గాడిలో పెట్టేందుకు రాబోయే ఆర్థిక సంవత్సరానికి గానూ బడ్జెట్‌ను ప్రవేశపెట్టారు కేంద్ర ఆర్థిక మంత్రి నిర్మలా సీతారామన్‌. ఏటా బాహీ-ఖాతా (సంచి)లో బడ్జెట్‌ ప్రతులను తీసుకొచ్చే నిర్మలమ్మ.. ఈసారి మొదటిసారిగా డిజిటల్‌ బడ్జెట్‌ను ప్రవేశపెట్టడం విశేషం. కరోనాతో అలుముకున్న చీకట్ల నుంచి బయటపడేసి ప్రతి రంగాన్నీ బలోపేతం చేయడమే ముఖ్యోద్దేశంగా సాగిన ఈ ఏటి బడ్జెట్‌లో యువతకు, మహిళలకు ఎలాంటి వెసులుబాటు కల్పించారు? కుటుంబ ఆర్థిక వ్యవస్థను బలోపేతం చేసేందుకు బడ్జెట్‌లో ఎలాంటి ప్రణాళికలు వేశారు? ముఖ్యంగా మహిళా లోకానికి ఈ ఏడాది బడ్జెట్‌ ఎంత వరకు ఉపయోగపడుతుంది? తదితర బడ్జెట్‌ విశేషాల సమాహారం మీకోసం..

ఈ రోజుల్లో పెళ్త్లె ఎన్నో ఏళ్లు గడిచిన చాలామంది దంపతులు ఉన్నట్టుండి విడిపోవడం చూస్తూనే ఉన్నాం. ఇక పెళ్లికాని ప్రేమికుల సంగతి చెప్పక్కర్లేదు ! చాలామంది ప్రేమికులకి బ్రేకప్ అనేది సాధారణమైపోయింది. అయితే వీరంతా విడిపోవడానికి కారణం ఏంటో తెలుసా ? ఆ.. ఏముంది ! పెళ్త్లెన దంపతులైతే భర్త వేధింపులో, అత్తమామల సాధింపులో అయ్యుంటాయి ! ప్రేమికులైతే అభిప్రాయభేదాలు వచ్చుంటాయిలే.. అనుకుంటున్నారా ? మీ ఆలోచన కొంతవరకు కరక్టే అయినా వీటన్నిటికీ మించి ఓ బలమైన కారణమే ఉందట.. అదేంటో మీరే చదవండి !

సజావుగా సాగుతున్న నావ ఒక చిన్న కుదుపుతో పూర్తిగా బోల్తాపడే అవకాశాలుంటాయి.. అలాగే ప్రశాంతంగా సాగుతున్న జీవితంలో చిన్న ఆర్థిక సంక్షోభం చాలా ఇబ్బంది పెడుతుంది. ఆర్థిక ఇబ్బందులు పెద్ద పెద్ద కంపెనీలనే గడగడలాడిస్తాయి. అలాంటిది సంక్షోభ సమయంలో సామాన్యులు ఎంత ఇబ్బంది పడతారో ఆలోచించండి.. ప్రస్తుతం కరోనా నేపథ్యంలో కొంతమంది పరిస్థితి ఇలాగే ఉంది. ఇలాంటప్పుడు ఎలాంటివారికైనా కంగారు సహజం.. కానీ దాన్ని దూరంగా పెట్టి ధైర్యంగా ముందడుగు వేస్తేనే సమస్యలు తొందరగా దూరమవుతాయి. ఈ క్రమంలో సంక్షోభ పరిస్థితుల్లో ఆర్థిక సమస్యలను దూరం చేసుకోవడమెలాగో చూద్దాం రండి..

ఏ ఛానెల్ తిప్పినా.. 'సహజవనరులను పొదుపు చేయండి. భవిష్యత్తును కాపాడండి.' అంటూ రకరకాల ప్రకటనలు కనిపిస్తాయి. 'సర్లే.. ఇంతగా చెబుతున్నారు పాపం పొదుపు చేసేద్దాం..' అనుకున్నా ఎలా చేయాలో తెలీక తికమకపడిపోతూ ఉంటారు కొందరు. అలాంటి వాళ్లలో మీరూ ఒకరా? డోంట్ వర్రీ.. మనం నిత్యం వాడే నీరు, గ్యాస్, విద్యుత్తు- వీటి విషయంలో జాగ్రత్తగా మసులుకుని, ఉన్నంతలో పొదుపు చేయగలిగితే మనం కూడా సహజ వనరులను కాపాడుతున్నట్లే.. పర్యావరణానికి మన వంతు సాయం చేస్తున్నట్లే.. మరి అదెలాగో ప్రపంచ పర్యావరణ దినోత్సవం సందర్భంగా తెలుసుకుందాం రండి..

కరోనా వ్యాప్తిని అదుపు చేసేందుకు కేంద్ర ప్రభుత్వం 21 రోజుల పాటు లాక్‌డౌన్‌ ప్రకటించిన సంగతి విదితమే. అంతేకాదు.. ప్రస్తుతం దేశంలో వైరస్‌ విజృంభణ నేపథ్యంలో మరికొన్ని రోజుల పాటు లాక్‌డౌన్‌ను పొడిగించే ఆలోచనలో ఉంది కేంద్రం. దీంతో అత్యవసర విభాగాలకు చెందిన ఉద్యోగులు తప్ప మిగతా ప్రజలంతా ఇళ్లకే పరిమితమవుతున్నారు. ఈ లాక్‌డౌన్‌ వల్ల ఎక్కువశాతం మధ్య, దిగువ మధ్య తరగతులకు చెందిన కుటుంబాలు ఆర్ధిక ఇబ్బందులు ఎదుర్కొంటున్నారు. ఇంటి అద్దె, పాలు, కిరాణా, కూరగాయలు, కరెంట్‌ బిల్లు.. ఇలా ప్రతి నెలా ఉండే ఖర్చుల నుంచి వీళ్లు తప్పించుకోలేరు. ఈ విషయాన్ని దృష్టిలో పెట్టుకొని కేంద్ర ప్రభుత్వం ప్రజలకు ఇప్పటివరకు ఉన్న కొన్ని పాలసీల్లో వెసులుబాట్లు కల్పిస్తోంది. అవేంటో తెలుసుకుందామా..!

అలియా భట్‌... టీనేజ్‌లోనే సినిమాల్లో అడుగుపెట్టి అనతి కాలంలోనే అగ్ర కథానాయికగా పేరు తెచ్చుకున్న బాలీవుడ్‌ బ్యూటీ. మహేశ్‌ భట్‌ వారసురాలిగా బాలీవుడ్‌లో ఎంట్రీ ఇచ్చినా.. ‘స్టూడెంట్‌ ఆఫ్‌ ది ఇయర్‌’, ‘హైవే’, ‘రాజీ’, ‘ఉడ్తా పంజాబ్‌’, ‘గల్లీబాయ్‌’.. లాంటి వైవిధ్యమైన సినిమాల్లో నటిస్తూ తనకంటూ ఓ ప్రత్యేక గుర్తింపు తెచ్చుకుందీ ముద్దుగుమ్మ. ఇటీవల ‘గంగూబాయి’ మూవీ పోస్టర్‌లో పవర్‌ఫుల్‌ లుక్స్‌తో అందరి దృష్టినీ ఆకర్షించిన ఈ అందాల తార...‘ఆర్‌ ఆర్‌ ఆర్‌’ (వర్కింగ్‌ టైటిల్‌) సినిమాతో త్వరలోనే తెలుగు ప్రేక్షకులను కూడా పలకరించనుంది. సినిమాలు, తన ఫ్యాషన్‌ సెన్స్‌తో ఎంతోమంది అభిమానులను సొంతం చేసుకున్న ఈ క్రేజీ హీరోయిన్‌ తన సింపుల్‌ లైఫ్‌స్టైల్‌తోనూ చాలామందికి స్ఫూర్తినిస్తోంది. తనకు అనవసర ఖర్చులు చేయడం అస్సలు ఇష్టముండదని చెప్పే అల్లూ బేబీ.. తనకు లండన్‌లో ఇల్లు కొనడం ఎప్పటినుంచో కల అని, అది రెండేళ్ల క్రితం నెరవేరిందని ఇటీవలే ఓ ఇంటర్వ్యూలో భాగంగా వెల్లడించింది. దీంతో పాటు తన ఆర్థిక ప్రణాళికల గురించి పలు ఆసక్తికర విషయాలను సైతం పంచుకుందీ బ్యూటిఫుల్‌ బేబ్‌.

నిత్యావసరాల ధరలు పెరుగుతూ ఉన్నాయి. ఉల్లి అయితే ఇల్లాలి కంట కన్నీరు పెట్టిస్తోంది. మిగతా కూరగాయలు కూడా ఆకాశం వైపే చూస్తున్నాయి. దీంతో మహిళలు తమ ఖజానాగా భావించే, అత్యవసరానికి పనికివచ్చే పోపుల పెట్టెకు తూట్లు పడుతున్నాయి. అందులోని పొదుపు చేసిన మొత్తం కరిగిపోయేలా ఉంది.