శ్రీ శార్వరి నామ సం।।రం।। దక్షిణాయనం శరదృతువు; నిజ ఆశ్వయుజ మాసం; బహుళ పక్షం సప్తమి: రా.2-11 తదుపరి అష్టమి పుష్యమి: తె.4-43 తదుపరి ఆశ్లేష వర్జ్యం: మ.12-35 నుంచి 2-11 వరకు అమృత ఘడియలు: రా.10-16 నుంచి 11-52 వరకు దుర్ముహూర్తం: ఉ.6-04 నుంచి 7-34 వరకు రాహుకాలం: ఉ.9-00 నుంచి 10-30 వరకు సూర్యోదయం: ఉ.6-04 సూర్యాస్తమయం: సా.5-24
మేషం
చేపట్టే పనుల్లో శ్రమ పెరుగుతుంది. భవిష్యత్ ప్రణాళికలు కొన్నిఅమలు చేస్తారు. ముఖ్య విషయాల్లో బంధుమిత్రుల సలహాలు అవసరమవుతాయి. మొహమాటంతో ఖర్చులు పెరుగుతాయి. శ్రీ లక్ష్మీగణపతి ధ్యానం శుభప్రదం.
వృషభం
శుభ ఫలితాలున్నాయి. ఒక ముఖ్యమైన పనిని విజయవంతంగా పూర్తి చేస్తారు. ఒక ముఖ్యమైన విషయమై అధికారులను కలుస్తారు. బంధుమిత్రులతో ఆనందంగా గడుపుతారు. ఈశ్వర సందర్శనం చేస్తే మంచి జరుగుతుంది.
మిథునం
తోటివారి సహకారంతో మేలు జరుగుతుంది. ధనలాభం కలదు. శత్రువులు తగ్గుతారు. అభివృద్ధికి తోడ్పడే నిర్ణయాలు తీసుకునేటప్పుడు స్థిర చిత్తంతో వ్యవహరిస్తే శుభం చేకూరుతుంది. ప్రయాణ అనుకూలత ఉంది. కుల దైవారాధన శుభప్రదం.
కర్కాటకం
శుభ సమయం. కీలక వ్యవహారాల్లో సమయస్పూర్తితో వ్యవహరించి అందరి ప్రశంసలను అందుకుంటారు. మీ మీ రంగాల్లో స్పష్టమైన ఆలోచనలతో ముందుకు సాగి మంచి ఫలితాలు సాధిస్తారు. ఇష్టదైవ ధ్యానం శుభప్రదం.
సింహం
తలపెట్టిన కార్యాల్లో ఉత్సాహంతో పనిచేసి విజయం సాధిస్తారు. ఆర్థికంగా శుభఫలితాలున్నాయి. విందు, వినోద కార్యక్రమాల్లో పాల్గొంటారు. ఆత్మీయులతో ఆనందంగా గడుపుతారు. ఇష్టదైవారాధన శుభప్రదం.
కన్య
శారీరక శ్రమ పెరుగుతుంది. ముఖ్య వ్యవహారాల్లో స్థితప్రజ్ఞతతో వ్యవహరించాలి. అనవసర విషయాలలో సమయాన్ని వృథా చేయకండి. శివ నామస్మరణ ఉత్తమ ఫలితాలను ఇస్తుంది.
తుల
శ్రమఫలిస్తుంది. కార్యసిద్ధి ఉంది. ఆర్థిక వ్యవహారాలలో అప్రమత్తంగా ఉండాలి. మాతృసౌఖ్యం ఉంది. నవగ్రహ ధ్యానం శుభప్రదం.
వృశ్చికం
మీ మీ రంగాల్లో సత్ఫలితాలు సాధిస్తారు. విజయావకాశాలు మెరుగవుతాయి. కుటుంబ వాతావరణం అనుకూలంగా ఉంటుంది. పెద్దల ఆశీర్వచనాలుంటాయి. ప్రయాణాలు ఫలిస్తాయి. ఇష్టదైవారాధన శుభప్రదం.
ధనుస్సు
శుభ కార్యక్రమాలలో పాల్గొంటారు. ఆత్మవిశ్వాసంతో చేసే పనులు మంచినిస్తాయి. మీ పనితీరుకు ప్రశంసలు లభిస్తాయి. అవసరానికి సహాయం చేసేవారున్నారు. విష్ణుసహస్ర నామ పారాయణం చేయాలి.
మకరం
స్థిరమైన ఫలితాలను అందుకుంటారు. కుటుంబసభ్యులతో ఆనందంగా గడుపుతారు. భోజనసౌఖ్యం కలదు. మనస్సౌఖ్యం ఉంది. ఆర్థికంగా శుభకాలం. గాయత్రీ మంత్రాన్ని జపించాలి.
కుంభం
బంధుమిత్రులతో ఉల్లాసంగా ఉత్సాహంగా గడుపుతారు. కొన్ని సందర్భాల్లో లౌక్యంగా వ్యవహరించి సమస్యలను అధికమిస్తారు. నలుగురుకి ఉపయోగపడే పనులను చేసి తోటి వారి ప్రశంసలను అందుకుంటారు. గణపతి మంత్రాన్ని చదివితే మంచిది.
మీనం
బాగా ఆలోచించి పనులను చేయాలి. మిత్రులతో కలసి ఆనందంగా గడుపుతారు. మీ సేవలకు నలుగురిలో మంచి గుర్తింపు లభిస్తుంది. భాగస్వామ్య వ్యాపారాలు లాభాల దిశగా సాగుతాయి. విష్ణు సహస్రనామ పారాయణం చేయడం మంచి ఫలితాలనిస్తుంది.