శ్రీ శార్వరి నామ సం।।రం।। దక్షిణాయనం శరదృతువు; నిజ ఆశ్వయుజ మాసం;శుక్లపక్షం పాడ్యమి : రా.11-29 తదుపరి విదియ చిత్త: మ.2-21 తదుపరి స్వాతి వర్జ్యం: రా.7-33 నుంచి 9-02 వరకు అమృత ఘడియలు: ఉ.8-23 నుంచి 9-53 వరకు తిరిగి తె.4-29 నుంచి 5-59 వరకు దుర్ముహూర్తం: ఉ.5-56 నుంచి 7-29 వరకు రాహుకాలం: ఉ.9-00 నుంచి 10-30 వరకు సూర్యోదయం: ఉ.5-56 సూర్యాస్తమయం: సా.5-35 దేవీ శరన్నవరాత్రుల ఆరంభం తులా సంక్రమణం రా.8-35
మేషం
మీ ఆత్మవిశ్వాసమే మిమ్మల్ని ముందుకు నడిపిస్తుంది. శ్రమ పెరగకుండా చూసుకోవాలి. ఒక విషయంలో మానసిక ఆనందాన్ని పొందుతారు. గిట్టనివారితో జాగ్రత్త. వేంకటేశ్వర స్వామి ఆరాధన శుభప్రదం.
వృషభం
మీ బుద్ధిబలంతో కీలక సమస్యలకు పరిష్కార మార్గాలను కనుగొంటారు. ప్రశాంతమైన వాతావరణం నెలకొంటుంది. అనవసర ఖర్చులు పెరగకుండా చూసుకోవాలి. సూర్యారాధన చేస్తే మంచిది.
మిథునం
మనోబలంతో పనులను పూర్తి చేస్తారు. ముఖ్య విషయాల్లో జాగ్రత్త అవసరం. వృథా ప్రయాణాలు చేయకండి. సమయానికి నిద్రాహారాలు తప్పనిసరి. శ్రీ వేంకటేశ్వర స్వామి దర్శనం శుభప్రదం.
కర్కాటకం
చిత్తశుద్ధితో చేసే పనులు సత్ఫలితాన్నిస్తాయి. మీ పరిధిని దృష్టిలో ఉంచుకుని ముందుకు సాగాలి. తరచూ నిర్ణయాలు మార్చుకోవడం ద్వారా ఇబ్బందులు ఎదురవుతాయి. అవసరానికి సహాయం చేసే వారుంటారు. ఆంజనేయ ఆరాధన శుభప్రదం.
సింహం
దైవబలం అనుకూలిస్తోంది. నలుగురిలో మంచి పేరు సంపాదిస్తారు. అధికారుల సహకారం ఉంటుంది. మనోధైర్యంతో చేసే పనులు విశేషమైన లాభాన్నిస్తాయి. ఈశ్వర సందర్శనం ఉత్తమ ఫలితాలను ఇస్తుంది.
కన్య
చేపట్టే పనులలో కొన్ని ఇబ్బందులు తప్పవు. అధికారులు మీ పనితీరుతో సంతృప్తిపడక పోవచ్చు. బంధుమిత్రులతో మాట్లాడేటప్పుడు ఆచితూచి వ్యవహరించాలి. ఒక సంఘటన మనస్తాపాన్ని కలిగిస్తుంది. ఎలాంటి పరిస్థితులలోనూ దైవారాధన మానద్దు.
తుల
ప్రారంభించిన పనులను తోటివారి సహకారంతో పూర్తి చేస్తారు. బంధుమిత్రులతో ఆచితూచి వ్యవహరించాలి. నిర్ణయాల్లో స్థిరత్వం లేకపోతే ఇబ్బందుల పాలవుతారు. రుణ సమస్యలు లేకుండా చూసుకోవాలి. ఇష్టదైవ ప్రార్థన శుభాన్నిస్తుంది.
వృశ్చికం
మధ్యమ ఫలితాలున్నాయి. మీ మీ రంగంలో శ్రమ పెరగకుండా ముందుచూపుతో వ్యవహరించాలి. మీ బంధువుల ప్రవర్తన కాస్త మనస్తాపాన్ని కలిగిస్తుంది. శారీరక శ్రమ పెరుగుతుంది. కొందరు అధికారులు లేదా పెద్దలు మిమ్మల్ని నిరుత్సాహపరుస్తారు. స్థానచలన సూచనలున్నాయి. ధనవ్యయం పెరిగే అవకాశాలు ఉన్నాయి. శ్రీహరిని ఆరాధిస్తే మంచిది.
ధనుస్సు
శుభకాలం. మీ ప్రతిభ, పనితీరుకు ప్రశంసలు లభిస్తాయి. ఒక శుభవార్త మీ ఇంట్లో ఆనందాన్ని నింపుతుంది. విందు, వినోద కార్యక్రమాలలో పాల్గొంటారు. మీ బుద్ధిబలంతో కీలక వ్యవహారాలలో సమయస్ఫూర్తితో వ్యవహరించి అందరి ప్రశంసలు అందుకుంటారు. ఇష్ట దైవారాధన మంచిది.
మకరం
బాధ్యతలు పెరుగుతాయి. మీ ఆలోచనా ధోరణికి, ముందుచూపుకు ప్రశంసలు లభిస్తాయి. సంతానాభివృద్ధికి సంబంధించిన శుభవార్త వింటారు. ఒక శుభవార్త మీ ఆత్మవిశ్వాసాన్ని పెంచుతుంది. స్థానచలన సూచనలున్నాయి. ఆరోగ్యంపై శ్రద్ధ అవసరం. లలితా సహస్రనామ పారాయణ చేయాలి.
కుంభం
మీ మీ రంగాల్లో మనోబలం తగ్గకుండా చూసుకోవాలి. కుటుంబ సభ్యుల సహకారం అవసరం. ఖర్చులను అదుపులో ఉంచుకోవాలి. గణపతి స్తోత్రం చదవండి. మంచి జరుగుతుంది.
మీనం
శ్రమతో కూడిన ఫలితాలు వస్తాయి. ఒక ముఖ్యమైన సమస్య పరిష్కారం అవుతుంది. బంధుమిత్రులను కలుస్తారు. ఆర్థికాంశాలు అనుకూలిస్తాయి. ఇష్ట దైవారాధన శుభప్రదం.