scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నిబంధనలు పాటిస్తూనే అలా సింపుల్‌గా పెళ్లి చేసుకున్నాం !'

'పెళ్లంటే.. వధూవరులు, ఇరు కుటుంబ సభ్యులు, అతిథులు, అక్షతలు.. ఇలా జీవితంలో ఒకేసారి చేసుకునే ఈ వేడుకను ఎంతో అంగరంగ వైభవంగా జరుపుకోవాలనుకుంటారు ప్రతి ఒక్కరూ. అయితే ఈ కరోనా కాలంలో పెళ్లి చేసుకునే వారికి అంత అదృష్టం కరువైందని చెప్పుకోవాలి. లాక్‌డౌన్‌, సామాజిక దూరం పేరుతో చాలా పెళ్లిళ్లు తూతూ మంత్రంగానే జరిగిపోతున్నాయి. వధువు ఒక చోట, వరుడు మరో చోట ఉంటే ఫోన్‌కే తాళికట్టి పెళ్లైందనిపించే రోజులొచ్చాయి. అంతేనా.. వధూవరులిద్దరూ ఒకే చోట ఉండి, కుటుంబ సభ్యులు వేరే ప్రాంతాల్లో ఉంటే వీడియో కాలింగ్‌ యాప్స్‌ ద్వారా అందరినీ ఒక్కచోట చేర్చి మరీ అక్షతలు వేయించుకుంటున్నాయి కొత్త జంటలు. ఇదిగో.. తమ పెళ్లీ ఇలాగే జరిగిందంటోంది ఓ నవ వధువు. ఉద్యోగ రీత్యా వేరే ప్రాంతంలో ఉన్న తమకు ముందుగానే పెళ్లి ముహూర్తం నిశ్చయమైనప్పటికీ.. కరోనా కారణంగా స్వస్థలాలకు వెళ్లలేక ఉన్నచోటే పెళ్లి చేసుకున్నామంటూ తమ పెళ్లి ముచ్చట్లను మనతో పంచుకోవడానికి ఇలా మన ముందుకొచ్చేసింది.'

Know More

Movie Masala

 
category logo

దేశమంతటా సందడిగా సాగే సంకురాత్రి..!

Sankranthi celebrations in Various palces

ఏటా జనవరి 14 లేదా 15న వచ్చే సంక్రాంతి పండగను తెలుగు ప్రజలు ఎంత సంబరంగా జరుపుకొంటారో ప్రత్యేకంగా చెప్పక్కర్లేదు. మొదటిరోజు భోగిమంటలు వేసి, వాటి దగ్గర చలి కాచుకుంటారు. బుజ్జి పాపాయిలకు భోగిపండ్లు పోస్తారు. రెండో రోజు రంగురంగుల ముగ్గులతో వాకిలంతా నింపేసి, కొత్త బట్టలు, చక్కెర పొంగలి, పిండివంటలు, పతంగులతో సందడి చేస్తారు. ఇక మూడోరోజు కూడా పండగ హడావిడి ఏమాత్రం తగ్గకుండా కోడిపందేల జోరును కొనసాగిస్తారు. అయితే ఇదంతా తెలుగు రాష్ట్రాల్లో కనిపించే సంక్రాంతి సందడి. ఈ పండగను కేవలం ఇక్కడే కాకుండా దేశవ్యాప్తంగా ఆయా రాష్ట్రాల సంప్రదాయం ప్రకారం ఘనంగా నిర్వహిస్తారు. ఈక్రమంలో దేశవ్యాప్తంగా సంక్రాంతిని ఎలా జరుపుకొంటారో మనమూ తెలుసుకుందామా..

countrywisesan650.jpg
'జల్లికట్టు' సంబరాల్లో తమిళనాడు..
తెలుగు రాష్ట్రాల్లో మాదిరిగానే తమిళనాడులో కూడా సంక్రాంతి పండగను మూడు రోజుల పాటు ఘనంగా నిర్వహిస్తారు. ముఖ్యంగా ఆ రాష్ట్రంలోని పల్లెటూళ్లలో సంక్రాంతి వేడుకలు అంబరాన్నంటుతాయి. కొత్త పంట చేతికి వచ్చాక, రైతుల ఆనందోత్సాహాలకు ప్రతీకగా నిర్వహించే పొంగల్ రోజు సూర్యుణ్ని పూజిస్తారు. భూమిపై సమస్త జీవరాశి మనుగడకు సూర్యుడి నుంచి వెలువడే కిరణాలే కారణమని తమిళులు బలంగా నమ్ముతారు. ఇలా జరుపుకొనే మూడురోజుల పండగలో మొదటిరోజును 'భోగి పొంగల్' అంటారు. ఆ రోజు రుచికరమైన వంటలు తయారుచేసుకొని, కుటుంబ సభ్యులతో కలిసి సంతోషంగా గడుపుతారు. అవసరం లేని వస్తువులను దానం చేస్తారు. రెండో రోజు 'సూర్య పొంగల్'. ఆ రోజు సూర్యుడికి ప్రత్యేక పూజలు నిర్వహిస్తారు. మూడో రోజును 'మట్టు పొంగల్' అని పిలుస్తారు. ఈ రోజున పాడిపశువులను అలంకరించి, పూజిస్తారు. పండగ సందర్భంగా చెన్నైలోని కందస్వామి ఆలయం నుంచి మొదలయ్యే రథయాత్ర వేడుక కన్నులపండువలా ఉంటుంది. తంజావూరు, తిరుచిరాపల్లి, మధురైలోని గ్రామాల్లో పొంగల్ రోజున 'జల్లికట్టు' అనే క్రీడను నిర్వహిస్తారు. అందులో భాగంగా ఆ రోజు ఎద్దుల కొమ్ములకు డబ్బు కట్టలను కట్టి, వాటిని పరిగెత్తిస్తూ, గ్రామస్తులంతా ఆ డబ్బులను అందుకునే ప్రయత్నం చేస్తారు. ఇలా చేస్తే కొత్త సంవత్సరంలో మంచి జరుగుతుందని స్థానిక ప్రజల నమ్మకం.

alloverindiafestivals-sankranthi650-2.jpg
నోరూరించే కర్ణాటక 'ఎల్లు'..
చేతికందిన కొత్తపంటతో సంక్రాంతి రోజు సంబరాలు చేసుకునే ఆచారం కర్ణాటకలో కూడా కనిపిస్తుంది. అక్కడ ఈ పండగను 'సుగ్గి' అని పిలుస్తారు. మొదటి రోజు భగభగ మండే భోగిమంటల్లో చలి కాచుకుంటారు. ఇల్లంతా శుభ్రం చేసి, గోడలకు సున్నం వేస్తారు. సూర్యోదయం కాకముందే తలస్నానాలు ముగించి, ఇంటి ముందు ముగ్గులు వేసి, వాటి మధ్య పేడతో తయారుచేసిన 'గుగ్గిళ్లు' (తెలుగులో గొబ్బెమ్మలు) పెడతారు. అలాగే సంక్రాంతి రోజు బియ్యప్పిండితో ఇంటి ముందు ముగ్గులు వేస్తారు. మట్టికుండను కొని అందులో బియ్యం, బెల్లం, పప్పు, పాలు వేసి పొంగలి వండుతారు. ఈ వంటకాన్ని ముందు దేవుడికి నైవేద్యంగా పెట్టి, ఆ తర్వాత పాడిపశువులకు పెడతారు. కొన్ని ప్రాంతాల్లో ఆవు, గేదెల కొమ్ములను రంగులతో అలంకరిస్తారు. పండగ రోజు బెల్లం, తెల్లనువ్వులు, ఎండుకొబ్బరి, వేరుశెనగ, వేయించిన శెనగపప్పు కలిపి తయారుచేసిన 'సంక్రాంతి ఎల్లు' అనే ప్రత్యేక వంటకాన్ని కుటుంబ సభ్యులంతా కలిసి ఆరగిస్తారు. దీంతో పాటు గుమ్మడికాయ, చిలగడదుంపతో తయారుచేసిన చిత్రాన్నం, పాయసం, వడలు వంటి విభిన్న రకాల వంటకాలను కూడా సిద్ధం చేస్తారు. సాయంత్రం పూట ఎల్లుతో పాటు, ఎవరి పొలంలో పండిన చెరకు గడలను వారు ఇంటికి తెచ్చి, ఇరుగుపొరుగు వారితో పంచుకుంటారు. ఈ సంప్రదాయాన్ని కన్నడంలో 'ఎల్లు బిరోదు' అంటారు.

alloverindiafestivals-sankranthi650-3.jpg
పతంగుల కోలాహలంలో మహారాష్ట్ర..
సంక్రాంతి దగ్గర పడుతుందంటే చాలు.. మహారాష్ట్రలో పతంగుల కోలాహలం మొదలైపోతుంది. పండగ రోజు ఈ రాష్ట్రంలో ఎక్కడ చూసినా ఆకాశమంతా రంగురంగుల పతంగులతో సందడిగా ఉంటుంది. బెల్లం, నువ్వులు కలిపి చేసిన 'తిల్ గుల్' (నువ్వుల లడ్డూలు) ఇక్కడ పండగ ప్రత్యేక వంటకం. పెళ్త్లెన మహిళలు పండగ రోజు పత్తి, నూనె, నువ్వులను దానం చేస్తారు. ఇలా చేస్తే వారితో పాటు, వారి కుటుంబ సభ్యులు కూడా కలకాలం సుఖసంతోషాలు, భోగభాగ్యాలతో వర్ధిల్లుతారని నమ్మకం. ఇంట్లో కొత్త కోడలుంటే, ఆమె ఆజన్మాంతం సుమంగళిగా ఉండేందుకు, ఇరుగుపొరుగు మహిళలను ఇంటికి ఆహ్వానించి, వారికి పసుపు, కుంకుమను పంచుతారు.

alloverindiafestivals-sankranthi650-6.jpg
యూపీలో కమ్మని 'కిచిడీ'
బియ్యం, వివిధ రకాల పప్పులు కలిపి తయారు చేసే వంటకం 'కిచిడీ'. సంక్రాంతి రోజున ఉత్తరప్రదేశ్, బిహార్, ఝార్ఖండ్ రాష్ట్ర ప్రజలు తప్పకుండా వండుకునే ఈ వంటకం పేరు మీదనే ఇక్కడ సంక్రాంతిని 'కిచిడీ పర్వ్' అని కూడా అంటారు. నువ్వులు, బెల్లంతో చేసిన లడ్డూలు కూడా ఆ రోజు ప్రత్యేకమే. అందుకే దీన్ని 'తిల్ సంక్రాంతి' అని కూడా పిలుస్తారు. తిల్ అంటే హిందీలో నువ్వులు అనే అర్థం వస్తుంది. సంక్రాంతి రోజున నువ్వులు, బెల్లం, కిచిడీని పేదలకు పంచుతారు. ఉన్ని వస్త్రాలు, దుప్పట్లను దానమిస్తారు. పెళ్లయిన అమ్మాయిలు అత్తగారింట్లో అందరికీ బట్టలు పెడతారు. పండగ రోజు అహ్మదాబాద్‌లోని ప్రయాగ (గంగ, యమున, సరస్వతి కలిసే చోటు), హరిద్వార్ వంటి పవిత్ర స్థలాల్లో నదీస్నానాలు(మాఘ్ స్నాన్) ఆచరిస్తారు. సంక్రాంతి రోజున చేసే నదీస్నానాల వల్ల మోక్షం కలుగుతుందని అక్కడి ప్రజల నమ్మకం. చాలామంది కుటుంబ సమేతంగా గాయత్రీ మంత్రాన్ని పఠిస్తారు. అలాగే పండగ రోజు ఆవుకు దానమిస్తే మంచిదని నమ్మి చాలామంది ఇంట్లో వండిన రుచికరమైన వంటకాలను వాటికి భోజనంగా పెడతారు. ఉత్తరాయన్‌గా పిలిచే ఈ పండగ రోజు పతంగుల హడావిడి ఉత్తరప్రదేశ్‌లో కూడా కనిపిస్తుంది.

alloverindiafestivals-sankranthi650-4.jpg
పంజాబ్ 'లోరీ'
మకర సంక్రాంతిని పంజాబ్‌లోనూ అత్యంత వైభవంగా నిర్వహిస్తారు. పండగకు ఒక రోజు ముందుగా వచ్చే 'లోరీ'ని ఇక్కడి ప్రజలు అత్యంత పవిత్రమైన రోజుగా భావిస్తారు. లోరీ రోజు 'మక్కీ కీ రోటీ', 'సర్సో కా సాగ్' పంజాబీలు తప్పకుండా చేసే ప్రత్యేకమైన వంటలు. ఆ రోజు ఇళ్ల ముందు చలిమంటలు పెట్టి, వాటిలో మిఠాయిలు, బియ్యం, పాప్‌కార్న్ విసిరే సంప్రదాయం ఇక్కడ కనిపిస్తుంది. మహిళలంతా ఈ మంటల చుట్టూ తిరుగుతూ పంజాబ్ చరిత్ర, మనిషి జీవితంలో సూర్యుని పాత్ర, భగవద్గీతలో శ్రీకృష్ణుని లీలలు వంటి అంశాలపై ప్రసిద్ధి చెందిన పంజాబీ పాటలను ఆలపిస్తారు. చిన్న పిల్లలకు, కొత్తగా పెళ్త్లెన యువతులకు, వారి జీవితాల్లో మొదటి లోరీ చాలా ప్రత్యేకమైనదిగా పంజాబీలు భావిస్తారు. లోరీనే ఉత్తర భారతంలోని కొన్ని ప్రాంతాల్లో సంక్రాంతిగా వ్యవహరిస్తారు. పంజాబ్‌లో మకరసంక్రాంతిని మాఘి అని కూడా పిలుస్తారు.

దేశమంతా అదేజోరు..

alloverindiafestivals-sankranthi650-1.jpg

* కేరళలో కూడా మకరసంక్రాంతిని ఘనంగా జరుపుకొంటారు. అయితే ఇక్కడ పండగ రోజు అయ్యప్ప స్వామిని భక్తిశ్రద్ధలతో పూజిస్తారు. ఆ రోజు అయ్యప్ప పూజ చేస్తే సంవత్సరమంతా సుఖసంతోషాలతో ఉంటారని కేరళ ప్రజల నమ్మకం. దీనికి నిదర్శనంగా ఏటా శబరిమలైలో కేవలం స్థానికులే కాకుండా దక్షిణ భారతదేశ ప్రజలంతా మకరజ్యోతి దర్శనం కోసం ఇక్కడికి లక్షల్లో తరలివస్తారు.

* గుజరాత్‌లో ఈ పండగ కళే వేరు. సంక్రాంతిని ఇక్కడ ఉత్తరాయన్ అని పిలుస్తారు. పతంగులను ఎగరేయడంలో గుజరాతీలు మహారాష్ట్ర ప్రజలను మించిపోతారు. తెలుగు రాష్ట్రాల్లో కోడిపందేల జోరు ఎలా కొనసాగుతుందో, గుజరాత్‌లో పతంగులను ఎగరేయడంలో కూడా అలాంటి ఉత్సాహాన్నే కనబరుస్తారు. ఉందియు, చిక్కీ అనే ప్రత్యేక వంటకాలు ఇక్కడ పండగ ప్రత్యేకం.
* అసోంలో ఈ పండగను 'భోగాలీ బిహు' లేదా 'మాఘ్ బిహు' అంటారు. జనవరి నెల మధ్యలో పంట మొత్తం చేతికి వచ్చాక ఇక్కడి రైతులంతా కలిసి జరుపుకొనే అతి పెద్ద పండగ ఇది. స్థానిక సంస్కృతితో ముడిపడ్డ పాటలు పాడడం, సంప్రదాయ నృత్యాలు చేయడం, ప్రత్యేకమైన వంటలు చేయడం.. తదితర కార్యక్రమాలతో అసోం ప్రజలు పండగ రోజంతా ఉల్లాసంగా గడుపుతారు.
* దిల్లీ, హరియాణాలో ఈ పండగను సక్రాత్ లేదా సంక్రాంతి అంటారు. ఆ రోజు ప్రత్యేక వంటకం 'చుర్మా'ను తయారుచేసి కుటుంబ సభ్యులతో కలిసి తీసుకుంటారు. ఇరుగుపొరుగు వారికి ఆ వంటకాన్ని పంచుతారు. పండగ రోజు చలిమంటల్లో నువ్వులను విసిరే సంప్రదాయం ఇక్కడ కనిపిస్తుంది.
* పుష్యమాసంలో వచ్చే పండగ కాబట్టి దీన్ని పశ్చిమబంగలో 'పౌష్ సంక్రాంతి' అని పిలుస్తారు. కొత్త సంవత్సరంలో భోగభాగ్యాలను కలిగిస్తుందనే విశ్వాసంతో నమ్మి, బహార్‌లక్ష్మీ అనే దేవతను పూజిస్తారు. పటిషప్త, కేజు తిల్‌గుల్ వంటి వంటకాలను తయారుచేస్తారు.
* ఉత్తరాఖాండ్‌లో 'గుగుటి' పేరుతో ఈ పండగను చేస్తారు. పిండివంటలు చేసి పక్షులకు ఆహారంగా పెడతారు.
* హిమాచల్‌ప్రదేశ్‌లో 'మాఘసజ్జి' పేరుతో జరుపుకుంటారు. చిక్కీలు, కిచిడీ చేసుకుంటారు. గుళ్లకు వెళ్లి దానాలు చేస్తారు. పుణ్యస్నానాలు చేయడానికి ఆసక్తి చూపిస్తారు.

ప్రపంచవ్యాప్తంగా..

alloverindiafestivals-sankranthi650-7.jpg

* 'ఉలావర్ తిరునాళ్' పేరుతో శ్రీలంక ప్రజలు సైతం సంక్రాంతి పండగను ఎంతో ఉత్సాహంగా నిర్వహిస్తారు. ఇక్కడి రైతులకు ఇది చాలా పెద్ద పండగ. వరి పంట చేతికి రావడానికి సూర్యుడే ముఖ్య కారకుడని భావించి, ఆరోజు మట్టి కుండల్లో బియ్యం ఉడికించి, సూర్యుడికి ప్రత్యేక పూజలు నిర్వహిస్తారు.

* నేపాల్‌లో 'మాఘె సంక్రాంతి' పేరుతో ఈ పండగని జరుపుకొంటారు. ఉదయాన్నే నదీ స్నానాలు ఆచరించి, ఇంట్లో తల్లి ఆశీర్వాదం తీసుకోవడం ఇక్కడి సంప్రదాయం. లడ్డూలు, నెయ్యి, నువ్వులు, చిలగడదుంపను బంధువులు, ఇరుగుపొరుగు వారికి పంచుతారు.

* ఇండోనేషియా, మలేషియా, సింగపూర్, మయన్మార్ దేశాల్లో ఉన్న తమిళులు, తెలుగు ప్రజలు స్థానికంగా ఉండే హిందూ ఆలయాల్లో సామూహికంగా సంక్రాంతి పండగని వేడుకలా నిర్వహిస్తారు. వీటితో పాటు గల్ఫ్, ఆస్ట్రేలియా, అమెరికాలో ఉన్న తమిళ, తెలుగు ప్రజలు సైతం సంఘాలుగా ఏర్పడి పండగ ఉత్సాహాన్ని ఆస్వాదిస్తారు.





women icon@teamvasundhara
dutee-chand-shares-about-her-relationship-and-sister-behavior

నా వరకు అది ప్రేమే.. ఆ అమ్మాయితోనే ఉంటా!

స్వలింగ వివాహాలు.. ఇప్పటికే కొన్ని దేశాల్లో ఆయా ప్రభుత్వాలు ఈ వివాహ వ్యవస్థను చట్టబద్ధం చేసిన సంగతి తెలిసిందే. ఈ క్రమంలోనే ఆయా దేశాల్లోని కొందరు సెలబ్రిటీలు సేమ్ సెక్స్ మ్యారేజెస్ చేసుకోవడం కూడా మనం వార్తల్లో చదివాం. అయితే మన దేశంలో మాత్రం స్వలింగ వివాహాలు ఇంకా చట్టబద్ధం కానప్పటికీ.. స్వలింగ సంపర్కం నేరం కాదని 2018లో సుప్రీంకోర్టు సంచలన తీర్పు వెల్లడించిన విషయం విదితమే. ఈ నేపథ్యంలో గతేడాది భారత స్ప్రింటర్ ద్యుతీ చంద్ తాను ఓ అమ్మాయితో ఐదేళ్లుగా సహజీవనం చేస్తున్నానని, తననే పెళ్లి చేసుకోబోతున్నానని సంచలన ప్రకటన చేసిన సంగతి తెలిసిందే. ద్యుతి తన బంధం గురించి ధైర్యంగా వెల్లడించడంతో ఆమె తల్లిదండ్రులతో పాటు పలువురు ఆమెపై ప్రశంసల జల్లు కురిపించారు. అయితే ఈ విషయంలో తన సోదరి నుంచి తీవ్ర వ్యతిరేకత ఎదురైందని ఓ సందర్భంలో చెప్పుకొచ్చిన ఆమె తాజాగా ‘ఈటీవీ భారత్‌’కి ఇచ్చిన ఇంటర్వ్యూలో మరికొన్ని విషయాలను షేర్‌ చేసుకుంది.

Know More

women icon@teamvasundhara
today-horoscope-details-01-06-2020
women icon@teamvasundhara
anchor-anasuya-dares-to-share-her-period-story

నా తొలి నెలసరి సమయంలో ఏం జరిగిందంటే!

నెలసరి... మహిళలకు సంబంధించిన ఈ సహజ ప్రక్రియ సమయంలో ఒక్కొక్కరికీ ఒక్కో అనుభవం ఎదురవుతుంది. అయితే వీటి గురించి మాట్లాడుకోవాలంటే చాలామంది ఇప్పటికీ రహస్యంగా సైగలు చేసుకుంటారు తప్ప నోరు విప్పరు. ఇలా బహిరంగంగా చెప్పడం వల్ల ఎదుటి వారు ఏమనుకుంటారోనన్న సందేహానికి తోడు సమాజం దీన్ని ఏ రకంగా తీసుకుంటుందోనన్న భయం నెలసరి గురించి నలుగురిలో మాట్లాడడానికి వెనకంజ వేసేలా చేస్తుంది. అయితే మహిళల్లో ఇది కామన్‌గా జరిగే ప్రక్రియ. అలాంటప్పుడు దీని గురించి రహస్యంగా మాట్లాడుకోవడమెందుకు అని ప్రశ్నిస్తోంది టాలీవుడ్‌ యాంకర్‌ అనసూయ. తాజాగా ‘మెన్‌స్ర్టువల్‌ ఎడ్యుకేషన్‌’పై ఓ స్వచ్ఛంద సంస్థ నిర్వహించిన క్యాంపెయిన్‌లో పాల్గొన్న ఆమె తన తొలి నెలసరి అనుభవం గురించి ధైర్యంగా షేర్‌ చేసుకుంది.

Know More

women icon@teamvasundhara
indian-company-paree-announces-period-leave-on-world-menstrual-hygiene-day

అందుకే ‘పిరియడ్‌ లీవ్‌’ కూడా ఇస్తున్నాయి !

కడుపునొప్పి, నడుం నొప్పి, నీరసం, చిరాకు, మూడ్‌ స్వింగ్స్‌, అధిక రక్తస్రావం.. నెలసరి రోజుల్లో మహిళల పరిస్థితి ఇది. సాధారణంగా ఇలాంటి సమస్యలున్నప్పుడు ఏ పనీ చేయాలనిపించదు. హాయిగా విశ్రాంతి తీసుకుంటే బాగుండనిపిస్తుంది. కానీ వృత్తి ఉద్యోగాల్లో కొనసాగే మహిళలకు ఈ రోజుల్లో కూడా విధులకు హాజరవక తప్పదు. దాంతో తప్పని పరిస్థితుల్లో నొప్పుల్ని భరిస్తూ మరీ ఉద్యోగానికి వెళ్తుంటారు మహిళలు. అయితే తమ సంస్థలో పనిచేసే మహిళా ఉద్యోగులకు మాత్రం ఇకపై ఇలాంటి అసౌకర్యం కలిగించొద్దని నిర్ణయించుకుంది ఓ ఇండియన్‌ కంపెనీ. ఈ క్రమంలోనే నెలసరి ప్రారంభమైన మొదటిరోజున వేతనంతో కూడిన సెలవు తీసుకునే వెసులుబాటు కల్పిస్తున్నట్లు వెల్లడించింది. మే 28న ‘అంతర్జాతీయ నెలసరి పరిశుభ్రతా దినోత్సవం’ సందర్భంగా ఆ కంపెనీ ఈ నిర్ణయం తీసుకోవడం విశేషం. మరి, ఆ విశేషాలేంటో తెలుసుకుందాం రండి..

Know More

women icon@teamvasundhara
psychiatrist-advice-on-how-to-identify-and-avoid-fraud-people

మాటల మాయలో.. వలపు వలలో.. చిక్కుకోకుండా !

‘పెళ్లి చేసుకుంటాను... నీ కూతుర్ని నా కూతురిలా చూసుకుంటా’నంటే అమాయకంగా నమ్మింది. కానీ ఆ మోసకారి తన కూతురుపైనే కన్నేసాడని తెలిసినా ఏం చేయలేక ప్రాణాలు కోల్పోయింది. - గొర్రెకుంటబావి సంఘటన ఆమె సాఫ్ట్‌వేర్‌ ఉద్యోగిని. అతనో ఎన్నారై అని నమ్మింది. ఇండియా వచ్చి పెళ్లి చేసుకుంటానంటే అతని ఖాతాలో లక్షలు కుమ్మరించింది.. - ఓ బాధితురాలు ఇలాంటి వాళ్లు వీధి చివరన ఒకడుంటాడు.. ఆఫీస్‌లో ఇంకొకడు కన్నేస్తాడు. ఆన్‌లైన్‌లో మరొకడు తగులుతాడు. ఈ మాయగాళ్లను కనిపెట్టడం తేలికే! వారి నుంచి తప్పించుకోవడం ఇంకా తేలిక! అంతా మీ చేతుల్లోనే, చేతల్లోనే ఉంది.. అదెలాగంటే...

Know More

women icon@teamvasundhara
first-period-traditions-in-different-states-on-this-menstrual-hygiene-day

అక్కడ అమ్మాయి పెద్దమనిషైతే అరటిచెట్టుతో పెళ్లి చేస్తారట!

ఓవైపు బిడియం, మరోవైపు సిగ్గు, ఇంకోవైపు ఆనందం.. ఇలా ఆడపిల్లలు బాల్యాన్ని వదిలి యవ్వనంలోకి అడుగుపెట్టే ఆ క్షణంలో వారి మనసులో కలిగే భావాలెన్నో! మరి ఈ దశలో వారి మనసులో కలిగే భయాల్ని, అపోహల్ని పోగొట్టి, వారికి ఎన్నో మధురానుభూతుల్ని అందించడానికి తొలి నెలసరి వేడుకను పెద్ద పండగలా జరుపుకోవడం మన దగ్గర ఆనవాయితీగా వస్తోంది. అంతేకాదు.. వివిధ పిండి పదార్థాలు, పండ్లు-ఫలహారాలతో వారి ఒడి నింపి వారిలో ఆరోగ్య స్పృహ పెంచుతారు కూడా! కేవలం తెలుగు రాష్ట్రాల్లోనే కాదు.. దేశంలోని వివిధ ప్రాంతాల్లోనూ అమ్మాయిలకు నెలసరి ప్రారంభమైన ఆ ఘట్టాన్ని విభిన్న సంప్రదాయాలు-ఆచారాలతో పెద్ద వేడుకలా నిర్వహిస్తుంటారు. అయితే ఈ విషయంలో చాలా ప్రాంతాల్లో ఇప్పటికీ వివిధ మూఢనమ్మకాలు సంప్రదాయాలు రాజ్యమేలుతుండడం విచారకరం. 'అంతర్జాతీయ నెలసరి పరిశుభ్రతా దినం' సందర్భంగా దేశంలోని కొన్ని రాష్ట్రాల్లో 'ఫస్ట్ పిరియడ్ ట్రెడిషన్స్' ఎలా ఉంటాయో తెలుసుకుందాం రండి..

Know More

women icon@teamvasundhara
about-menstrual-hygiene-day-facts

నెలసరి సమయంలో పరిశుభ్రతే ధ్యేయంగా..!

ప్రతినెలా వచ్చి పలకరించే రుతుక్రమం కారణంగా ఇండియాలో 20 శాతం మంది అమ్మాయిలు స్కూలుకు గైర్హాజరవుతున్నారట! అంతేకాదు.. బాలికలు స్కూలు మానేయడానికి ఇది రెండో అతిపెద్ద కారణమట. అలాగే ఈ సమయంలో పలు రకాల ఇబ్బందులు ఎదుర్కొనే అమ్మాయిలు కూడా చాలామందే ఉంటారు. అయితే ఈ పరిస్థితుల్లో మార్పు రావాలని, ఆడపిల్లలు నెలసరి సమయంలో పరిశుభ్రతకు ప్రాముఖ్యం ఇవ్వాలని.. తెలియజేసే ఉద్దేశంతోనే ‘నెలసరి పరిశుభ్రతా దినోత్సవం' (మెన్‌స్ట్రువల్ హైజీన్ డే) ప్రారంభమైంది. ఏటా మే 28న జరుపుకొనే ఈ రోజు గురించి మరిన్ని విషయాలు తెలుసుకోవాలనుకొంటున్నారా? అయితే రండి..

Know More

women icon@teamvasundhara
corona-virus-a-child-tries-to-wake-up-dead-mother-at-railway-station

చనిపోయిందని తెలియక ‘అమ్మా.. లే అమ్మా’ అంటూ..!

రెక్కాడితే కానీ డొక్కాడని వలస కార్మికుల జీవితాలను మరింత దుర్భరంగా మార్చింది కరోనా. లాక్‌డౌన్‌ కారణంగా పొట్ట కూటి కోసం పట్నం వచ్చిన ఈ బడుగు జీవుల బతుకు ప్రశ్నార్థకమైంది. చేతిలో చిల్లిగవ్వ లేక, ఉన్న చోట ఉపాధి దొరక్క, ఆదరించే దిక్కులేక ఎన్నో అవస్థలు పడుతున్నారు. చివరకు కనీసం సొంతూరులోనైనా కడుపు నింపుకొందామన్న కొండంత ఆశతో వేలాది కిలోమీటర్ల మేర కాలినడకన, సైకిళ్ల పైన బయల్దేరి వెళ్తున్నారు. ఇంకొందరైతే మార్గమధ్యంలో దొరికిన ట్రక్కు, లారీ, ఆటోలనో పట్టుకొని సొంతగూటి బాట పడుతున్నారు. అయితే దురదృష్టవశాత్తూ చాలామంది ఇంటికి చేరేలోపే వివిధ కారణాలతో ప్రాణాలు కోల్పోతున్నారు. ఈక్రమంలో వలస కార్మికుల దీన పరిస్థితికి అద్దం పట్టే మరో విషాదకర ఘటన బిహార్‌లోని ముజఫర్‌పూర్‌ రైల్వే స్టేషన్‌లో చోటుచేసుకుంది.

Know More

women icon@teamvasundhara
assamese-bride-adorns-silk-handloom-mask-for-her-wedding-is-viral-on-social-media

మ్యాచింగ్‌ మాస్కుతో ఈ పెళ్లికూతురు అదుర్స్‌ !

పెళ్లంటే జీవితంలో ఒకేసారి అంగరంగ వైభవంగా చేసుకునే వేడుక. నిశ్చితార్థం మొదలు రిసెప్షన్‌ పూర్తయ్యే వరకూ ఫొటోషూట్స్‌, వీడియోలు అంటూ వధూవరులు చేసే సందడి అంతా ఇంతా కాదు. ఇలా మనువాడబోయే ప్రతి జంటా తమ పెళ్లిని పది కాలాల పాటు నిలిచిపోయే జ్ఞాపకంగా మార్చుకోవాలని కలలు కంటుంది. అయితే ప్రస్తుతం కరోనా ఎందరో జంటల పెళ్లి కలలను ఛిద్రం చేస్తోంది. అంగరంగ వైభవంగా జరగాల్సిన పెళ్లి కాస్తా ఏదో తూతూ మంత్రంగా జరిపించేస్తున్నారు పెద్దలు. దీనికి తోడు పెళ్లి ముస్తాబులో నూతన వధూవరులు ఒకరినొకరు కళ్లారా చూసుకోకుండా మాస్కులు అడ్డుపడుతున్నాయి. అయితే మాస్కులు ధరించామన్న భావనే కలగకుండా దాన్నీ ఓ పెళ్లి కాస్ట్యూమ్‌గా చేసుకుంటే బాగుంటుందనుకున్నట్లుంది ఈ అస్సామీ నవ వధువు. పెళ్లి దుస్తులకు మ్యాచయ్యే విధంగా మాస్క్‌ను డిజైన్‌ చేయించుకొని కుందనపు బొమ్మలా మెరిసిపోయింది. ఇక సోషల్‌ మీడియాలో వైరలవుతోన్న ఈ వధువు ఫొటోలు చూసి నెటిజన్లు సైతం వావ్‌ అంటూ ఈ కొత్త పెళ్లి కూతురి ఐడియాకు ఫిదా అయిపోతున్నారు.

Know More

women icon@teamvasundhara
up-girl-walks-80km-to-reach-groom-house-ties-nuptial-knot

పెళ్లి కోసం ఏకంగా 80 కిలోమీటర్లు నడిచింది!

పెళ్లంటే జీవితంలో ఒకేసారి వచ్చే పండగ. రెండు జీవితాలు ఒక్కటయ్యే ఈ వేడుకను ఎంతో ఆనందంగా, అట్టహాసంగా, అందరికీ గుర్తుండిపోయేలా జరుపుకోవాలని ప్రతిఒక్కరూ కోరుకుంటారు. బంధుమిత్రులు, స్నేహితులు, సన్నిహితుల సమక్షంలో ఆనందంగా ఏడడుగులు నడవాలనుకుంటారు. కానీ కరోనా పుణ్యమా అని ప్రస్తుతం పెళ్లిళ్లకు సంబంధించిన ప్రణాళికలన్నీ మారిపోయాయి. కొందరేమో తమ శుభకార్యాలను వాయిదా వేసుకుంటుండగా, మరికొందరు మాత్రం ఇలాంటి ముహూర్తం మళ్లీ రాదని ఎలాగోలా లాక్‌డౌన్‌ కష్టాలను అధిగమించి పెళ్లిపీటలెక్కుతున్నారు. ఈక్రమంలో మరోసారి తమ పెళ్లి వాయిదా పడకూడదని ఓ వధువు పెద్ద సాహసమే చేసింది. సుమారు 80 కిలోమీటర్ల దూరంలోనున్న వరుడి ఇంటికి నడిచి వెళ్లి మరీ మూడుముళ్లు వేయించుకుంది.

Know More

women icon@teamvasundhara
manchu-lakshmi-live-with-rana

అంతా ఆరు నిమిషాల్లో అయిపోయిందమ్మా..!

రానా-మిహీకా బజాజ్‌ ...త్వరలో పెళ్లిపీటలెక్కనున్న ఈ ప్రేమ జంట గురించే ప్రస్తుతం అందరూ మాట్లాడుకుంటున్నారు. ఈక్రమంలో కొద్ది రోజుల క్రితమే తమ ప్రేమ విషయాన్ని వెల్లడించి అందరినీ ఆశ్చర్యపరిచారీ లవ్‌ బర్డ్స్‌. తాజాగా పెళ్లికి ముందు సంప్రదాయంగా నిర్వహించే రోకా ఫంక్షన్‌ను కూడా ఘనంగా జరుపుకొన్న ఈ ప్రేమ పక్షులకు ఇక పెళ్లే తరువాయి అని చెప్పవచ్చు. ఈనేపథ్యంలో మంచు లక్ష్మి నిర్వహిస్తోన్న ‘లాక్డ్‌ అప్‌ విత్‌ లక్ష్మి’ లైవ్‌ ప్రోగ్రామ్‌లో పాల్గొన్నాడు రానా. వర్చువల్‌గా సాగే ఈ కార్యక్రమంలో తన ప్రేమకు సంబంధించిన కొన్ని ఆసక్తికర విషయాలను షేర్‌ చేసుకున్నాడీ భళ్లాల దేవుడు. అంతేకాదు మంచు లక్ష్మి అడిగిన పలు ప్రశ్నలకు సరదాగా సమాధానమిచ్చాడు. మరి ఎంతో ఆసక్తికరంగా సాగిన వీరి సంభాషణపై మీరూ ఓ లుక్కేయండి!

Know More

women icon@teamvasundhara
corona-virus-woman-dresses-up-in-hippopotamus-costume-to-hug-elderly-mother-in-us-old-age-home

అమ్మను ఆప్యాయంగా హత్తుకునేందుకు ఈ మహిళ ఏం చేసిందంటే!

కరోనా... అటు శారీరకంగా, ఇటు మానసికంగా ప్రతి ఒక్కరినీ ఇబ్బంది పెడుతోన్న వైరస్‌. మనుషుల మధ్య సామాజిక దూరాన్ని తీసుకొచ్చిన ఈ మహమ్మారి కారణంగా కనీసం కుటుంబ సభ్యులతో కూడా దగ్గరగా ఉండలేని దీన పరిస్థితి. ఎప్పుడు, ఎక్కడ, ఎలా దాడి చేస్తుందో తెలియని ఈ వైరస్‌ భయంతో సన్నిహితులు, స్నేహితులు, శ్రేయోభిలాషులకు దూరంగా ఉంటున్నాం. ఈ విపత్కర పరిస్థితుల్లో దూరంగా ఉన్న తన తల్లిని కలుసుకునేందుకు ఓ వినూత్న ప్రయత్నం చేసింది అమెరికాకు చెందిన ఓ మహిళ. ఇందులో భాగంగా హిప్పోపొటామస్‌ (నీటి గుర్రం) కాస్ట్యూమ్‌ ధరించిన ఆమె సామాజిక దూరం నిబంధనలు పాటిస్తూ తన తల్లిని ఆప్యాయంగా హత్తుకుంది.

Know More

women icon@teamvasundhara
karthik-dial-seytha-yenn-brings-back-ye-maya-chesave-memories

‘ఏ మాయ చేసావే’ మళ్లీ వచ్చింది!

‘ప్రపంచంలో ఇంతమంది అమ్మాయిలుండగా...నేను జెస్సీనే ఎందుకు ప్రేమించాను?’...ఈ డైలాగ్‌ వినగానే మనకు వెంటనే గుర్తొచ్చే సినిమా ‘ఏమాయ చేసావే’. సమంత, నాగచైతన్య హీరో హీరోయిన్లుగా పదేళ్ల క్రితం వచ్చిన ఈ సినిమా ప్రేక్షకులను నిజంగానే ‘మాయ’ చేసింది. ప్రముఖ దర్శకుడు గౌతమ్‌ మీనన్‌ తెరకెక్కించిన ఈ చిత్రంలోని కార్తీక్, జెస్సీల క్యారక్టర్లు ఎంత మ్యాజిక్‌ చేశాయో ప్రత్యేకంగా చెప్పక్కర్లేదు. తమిళంలో ‘విన్నైతండి వరువాయ’ పేరుతో విడుదలైన ఈ చిత్రంలో సమంత, నాగచైతన్య నటించిన పాత్రలను త్రిష, శింబు పోషించిన సంగతి తెలిసిందే. సినీ ప్రేక్షకులను, ప్రత్యేకించి యువతను ఎంతగానో ఆకట్టుకున్న ఈ అపురూప దృశ్య కావ్యం షార్ట్‌ ఫిల్మ్‌ రూపంలో మళ్లీ మన ముందుకు వచ్చింది. అప్పటి ‘ఏ మాయ చేసావే’ సినిమాతో పూర్తిస్థాయి ప్రేమకథను అందించిన బృందమే ఈ మధురమైన చిన్న ప్రేమకథను రూపొందించడం విశేషం.

Know More

women icon@teamvasundhara
today-horoscope-details-21-05-2020
women icon@teamvasundhara
heartbroken-woman-sends-cheating-ex-boyfriend-a-tonne-of-onions

ఉల్లిపాయలతో మాజీ ప్రేమికుడికి అలా బుద్ధి చెప్పింది!

‘ఏం చేస్తాం? అమ్మాయిలం! జెన్యూన్‌గా లవ్‌ చేయడం తప్ప మాకేం తెలుసు’ ...‘నేను శైలజ’ సినిమాలో లవర్‌ బ్రేకప్‌ చెప్పాడని ధన్యా బాలక్రిష్ణన్‌ అమాయకంగా కన్నీరుమున్నీరవుతూ చెప్పే ఈ డైలాగ్‌ చాలా ఫేమస్‌ అయింది. రియల్‌ లైఫ్‌లో కూడా ప్రియుడు ఉన్నట్లుండి బ్రేకప్‌ చెబితే ఏ అమ్మాయి అయినా ఇలాగే కన్నీరుమున్నీరవుతుంది. తనలో తాను మధనపడుతూ కుమిలిపోతుంది. ఇంకొందరు ధైర్యం చేసి న్యాయం కోసం పోలీసులను ఆశ్రయించడమో, కోర్టు మెట్లెక్కడమో చేస్తుంటారు. అయితే చైనాకు చెందిన ఓ యువతి మాత్రం తనకు బ్రేకప్‌ చెప్పిన ప్రియుడికి విభిన్నంగా బుద్ధి చెప్పింది. ఇందులో భాగంగా అతడికి 1000కిలోల ఉల్లిపాయలు హోం డెలివరీ చేసింది. వినడానికే ఎంతో ఆసక్తికరంగా ఉన్న ఈ ఉల్లిపాయల బ్రేకప్‌ స్టోరీ వెనకున్న అసలు కథేంటో తెలుసుకుందాం రండి.!

Know More

women icon@teamvasundhara
today-horoscope-details-19-05-2020
women icon@teamvasundhara
today-horoscope-details-15-05-2020
women icon@teamvasundhara
corona-virus-elderly-couple-from-newyork-re-unites-for-35-minutes-after-56-days-of-separation

women icon@teamvasundhara
corona-virus-sweden-couple-to-open-world-of-restaurant

women icon@teamvasundhara
celebrate-this-mothers-day-by-giving-these-home-made-surprises
women icon@teamvasundhara
how-to-report-content-in-social-media-platforms

అభ్యంతరకర మెసేజ్‌లా..? అయితే ‘రిపోర్ట్‌’ చేయండిలా..!

ఈ రోజుల్లో బ్యాంకు ఖాతా లేని వ్యక్తిని వెతికి పట్టుకోవడం సులభమేమో కానీ.. సోషల్‌ మీడియాలో ఖాతా లేని వారిని కనిపెట్టడం కాస్త కష్టమే అని చెప్పాలి. చిన్న పిల్లల దగ్గర నుంచి ముసలివాళ్ల వరకు దాదాపు ప్రతి ఒక్కరికీ సోషల్‌ మీడియాలో ప్రత్యేక ఖాతాలుండడం గమనార్హం. తమ వ్యక్తిగత విషయాలు, ఫొటోలు, వీడియోలు, అభిప్రాయాలు, సందేహాలు, సలహాలు, సూచనలు.. ఇలా ఒక్కటేమిటి ఇతరులకు ఇబ్బంది కలిగించని ఏ విషయమైనా ఇందులో షేర్‌ చేసుకోవచ్చు. అయితే ఏ సోషల్‌ మీడియా వేదికలోనైనా ఒక కంటెంట్‌ (మెసేజ్‌, ఇమేజ్‌, వీడియో) మీకు అభ్యంతరకరంగా అనిపిస్తే వెంటనే ఆ పోస్ట్‌ని లేదా ఆ ప్రొఫైల్‌పై ఆ సంస్థకు ఫిర్యాదు చేయచ్చు. దీనినే ‘Report' అంటారు. ఇలా ఏదైనా పోస్ట్‌/ప్రొఫైల్‌పై రిపోర్ట్‌ వస్తే ఆయా యాజమాన్యాలు దానిపై వెంటనే చర్యలు తీసుకుంటాయి.

Know More

women icon@teamvasundhara
corona-virus-kalki-koechlin-richa-chadda-and-amala-campaign-against-rising-domestic-violence-cases-during-lock-down

ఇంకా కొన్ని రోజులే.. పంచుకోండి.. ఒత్తిడి తగ్గించుకోండి!

కరోనా కల్లోలం నుంచి ప్రజలను కాపాడేందుకు కేంద్రం లాక్‌డౌన్‌ అమలుచేస్తోంది. ఫలితంగా కరోనా కట్టడి మాటేమో కానీ... చాలామంది ప్రజలు ఆర్థిక ఇబ్బందులతో సతమతమవుతున్నారు. అయితే దురదృష్టవశాత్తూ లాక్‌డౌన్‌ కాలంలో కరోనా కేసులు పెరుగుతున్నట్లే ‘గృహహింస’ బారిన పడుతున్న మహిళల సంఖ్య కూడా పెరుగుతోంది. అదేవిధంగా చాలామంది మానసిక వేదనకు గురవుతున్నారు. వృద్ధులూ ఇబ్బంది పడుతున్నారు. ఇలాంటి వారందరికీ కొందరు సెలబ్రిటీలు భరోసానిస్తున్నారు. ఈ సామాజిక సమస్యలపై సోషల్ మీడియా వేదికగా అవగాహన కల్పిస్తూ, ప్రచార కార్యక్రమాలు నిర్వహిస్తూ వారిలో ధైర్యం నూరిపోస్తున్నారు.

Know More

women icon@teamvasundhara
masaba-gupta-gifted-designed-masks-to-police-officers

ఈ అనుభూతిని జీవితంలో ఎప్పటికీ మర్చిపోలేను..!

ప్రపంచ దేశాలకు.. కంటికి కనిపించని సూక్ష్మక్రిమికి మధ్య యుద్ధం ఇంకా కొనసాగుతూనే ఉంది. ఈ క్రమంలో గత కొన్ని రోజులుగా కరోనా భయంతో ప్రజలు ఇళ్లకే పరిమితమవుతుంటే.. అత్యవసర విభాగాలకు చెందిన వైద్యులు, పోలీసు అధికారులు, పారిశుద్ధ్య కార్మికులు మాత్రం నిర్విరామంగా తమ విధుల్లో కొనసాగుతున్నారు. ప్రజలను కరోనా నుంచి రక్షించేందుకు వాళ్లు తమ ప్రాణాలను సైతం పణంగా పెట్టి శ్రమిస్తున్నారు. ఈ నేపథ్యంలో ప్రజల శ్రేయస్సు కోసం వాళ్లు పడుతోన్న శ్రమను గుర్తించి ఎంతోమంది వివిధ వేదికల ద్వారా వారికి కృతజ్ఞతలు చెబుతున్నారు. ఈ క్రమంలో ప్రముఖ ఫ్యాషన్‌ డిజైనర్‌ మసాబా గుప్తా కూడా పోలీసు అధికారులకు తనదైన స్టైల్‌లో కృతజ్ఞతలు తెలిపింది.

Know More

women icon@teamvasundhara
funny-and-interesting-things-around-marriages-in-lock-down-time

కరోనా కాలం.. ఈ వింత పెళ్లిళ్ల గురించి విన్నారా?

ఒకప్పుడు ఏదైనా ఊహకందని విషయం జరిగితే అంతా వింతగా భావించేవారు.. కలి కాలమనే వారు.. కానీ ఇప్పుడు ‘కరోనా కాలమని’ అంటున్నారు. సమాజంలో జరుగుతోన్న వివిధ సంఘటనలే దీనికి ప్రత్యక్ష ఉదాహరణలుగా చెప్పవచ్చు. కరోనా కరాళ నృత్యం చేస్తోన్న వేళ ప్రభుత్వాలు లాక్‌డౌన్‌ను విధించిన విషయం తెలిసిందే. ఈ నేపథ్యంలోనే అన్ని రకాల కార్యక్రమాలు రద్దయ్యాయి.. పెళ్ళిళ్ళు, ఇతర శుభకార్యాలను సైతం వాయిదా వేసుకుంటున్నారు. అయితే నిశ్చయించిన ముహూర్తానికే ఒక్కటవ్వాలనుకున్న జంటలు మాత్రం ఎలాగోలా పెళ్లితంతును ముగించేస్తున్నారు. ఈ క్రమంలోనే టెక్నాలజీని వాడుకుంటూ ఆన్‌లైన్‌లో పెళ్లి చేసుకున్న జంటల్ని కూడా మనం చూశాం. అలాంటి విభిన్న పెళ్లిళ్లే ఇవి కూడా!

Know More

women icon@teamvasundhara
corona-virus-tollywood-singer-usha-dances-with-her-daughter-for-bareilly-wale-song

పాటల పూదోట.. కాలు కదిపితే ఇలా ఉంటుంది!

సంగీతానికి రాళ్లు కరుగుతాయేమో తెలియదు కానీ.. ఆమె మైక్‌ అందుకుంటే ఎలాంటి హృదయమైనా పరవశించి పోవాల్సిందే. ఇక తన మధురమైన గొంతు నుంచి మెలోడీ పాట వస్తే మరింత మైమరచిపోవాల్సిందే. తన పాటల ప్రవాహంతో అభిమానులను ఓలలాడించడంలో ఆమెది అందెవేసిన చెయ్యి. ‘పాడుతా తీయగా’ ప్రోగ్రాంతో తనను తాను పరిచయం చేసుకున్న ఆమె.. ఆ తర్వాత సంగీత ప్రపంచంలో తనకంటూ ఓ ప్రత్యేక స్థానం సొంతం చేసుకుంది. ఆమే నేపథ్య గాయని ఉష. తెలుగులో బ్లాక్‌ బస్టర్‌ హిట్‌ చిత్రాలకు తన గొంతును అరువిచ్చిన ఈ బ్యూటిఫుల్‌ సింగర్‌ సోషల్‌ మీడియాలో చాలా అరుదుగా కనిపిస్తుంటుంది. అయితే లాక్‌డౌన్‌ పుణ్యమా అని ఆమె మరోసారి తన అభిమానులను పలకరించింది. ఈక్రమంలో ఎప్పుడూ తన తీయటి గొంతుతో అలరించే ఉష.. తాజాగా తన కూతురితో కలిసి ఎంతో ఉత్సాహంగా స్టెప్పులేస్తూ అందరినీ ఆకట్టుకుంది.

Know More

women icon@teamvasundhara
kanika-kapoor-breaks-her-silence-and-responds-to-the-allegations

మౌనంగా ఉంటే తప్పు చేసినట్లు కాదు..!

‘నిజం చెప్పులు తొడుక్కునేలోగా.. అబద్ధం ఆరుసార్లు ప్రపంచాన్ని చుట్టి వస్తుందంటారు’.. ఈ సామెత సింగర్‌ కనికా కపూర్‌ విషయంలో అతికినట్లు సరిపోతుంది. మార్చి నెలలో విదేశాల నుండి వచ్చిన ఈ బాలీవుడ్‌ సింగర్‌కు కొవిడ్‌-19 పాజిటివ్‌గా తేలిన విషయం అందరికీ తెలిసిందే. అయితే ఇదంతా తన నిర్లక్ష్యం వల్లే జరిగిందంటూ ఆ సమయంలో ఎన్నో విమర్శలను సైతం ఎదుర్కొంది కనిక. ఇటీవలే ఈ మహమ్మారిని జయించి సంపూర్ణ ఆరోగ్యంతో ఇంటికి చేరిన కనిక ఇక మౌనంగా ఉండి లాభం లేదంటోంది. తనపై వస్తున్న విమర్శలకు మౌనం వహించానంటే దానర్థం తప్పు చేసినట్టు కాదని.. అసలేం జరిగిందో అందరికీ తెలియాలంటూ సోషల్‌మీడియా వేదికగా ఓ పోస్ట్‌ పెట్టింది. మరి తన ఆవేదనేంటో మనమూ తెలుసుకుందాం రండి..

Know More

women icon@teamvasundhara
harmanpreet-stuns-fans-with-mirror-magic

ఈ మిర్రర్‌ మ్యాజిక్‌ గుట్టు విప్పండి చూద్దాం!

కరోనా ప్రభావంతో ప్రపంచం వణికిపోతోంది. ఇప్పటికే లక్షలాది మంది ప్రాణాలను బలిగొన్న ఈ వైరస్‌ ధాటికి ఒలింపిక్స్‌ లాంటి అంతర్జాతీయ క్రీడా టోర్నీలు సైతం వాయిదా పడ్డాయి. ఇక భారత మహిళల క్రికెట్‌కు సంబంధించి అన్ని షెడ్యూల్స్‌ రద్దు కావడంతో క్రికెటర్లందరూ ఇంట్లోనే ‘ఆట’విడుపును ఆస్వాదిస్తున్నారు. కొందరు సోషల్‌ మీడియా వేదికగా తమ అభిమానులతో ముచ్చటిస్తుండగా, మరికొందరు తమ ట్యాలెంట్‌కు పదును పెడుతూ రకరకాల ఛాలెంజ్‌లను విసురుతున్నారు. ఈక్రమంలో భారత మహిళల క్రికెట్‌ టీ20 జట్టు కెప్టెన్‌ హర్మన్‌ ప్రీత్‌ కౌర్‌ కూడా ఓ మ్యాజిక్‌ పజిల్‌ను విసిరి అందరి బుర్రలకు పని పెట్టింది.

Know More

women icon@teamvasundhara
meet-modern-sita-deepika-chikhalia

ఈ చిన్నారి సీతమ్మను చూశారా?

ఈ లాక్‌డౌన్‌ ఖాళీ సమయంలో చాలామంది టైంపాస్‌ కోసం టీవీలకు అతుక్కుపోతున్నారు. ఇంకొందరేమో నెట్టింట్లో విహరిస్తూ అరచేతిలో ప్రపంచాన్ని చుట్టేస్తున్నారు. అయితే కాలక్షేపం కోసం టీవీని ఆశ్రయించే ప్రేక్షకులను రంజింపజేయడానికి పలు టీవీ ఛానళ్లు గతంలో ఎంతో ప్రేక్షకాదరణ పొందిన కొన్ని సీరియళ్లను తిరిగి ప్రసారం చేస్తున్నాయి. అలాంటి వాటిలో ప్రస్తుతం దూరదర్శన్‌లో ప్రసారమవుతోన్న నాటి అభిమాన సీరియల్‌ ‘రామాయణ్‌’ కూడా ఒకటి. ఈ సీరియల్‌లోని పాత్రలు ప్రేక్షకుల మనసుల్లో చెరగని ముద్రవేశాయని చెప్పడం అతిశయోక్తి కాదు. మరీ ముఖ్యంగా మనకు కనిపించే సీతారాములెవరంటే ఈ సీరియల్‌లో నటించిన అరుణ్‌ గోవిల్‌ - దీపికా చిఖాలియా అనే అంటారు చాలామంది. అంతలా ఆ పాత్రలకు ప్రాణం పోశారీ ఇద్దరు నటీనటులు. ఇక ఆన్‌స్క్రీన్‌ సీత దీపిక అయితే.. త్రేతాయుగంలో సీత పడిన కష్టాలను కళ్లకు కట్టినట్లు చూపించిందని చెప్పచ్చు. ఇలా తన నటనతో సీతమ్మను బుల్లితెరపై ఆవిష్కరించిన దీపిక ప్రస్తుతం ఈ లాక్‌డౌన్‌ సమయంలో తన కుటుంబంతో గడుపుతూనే.. మరోవైపు సోషల్‌మీడియా ద్వారా తన అభిమానులను పలకరిస్తున్నారు. ఈ క్రమంలోనే తాజాగా తన చిన్ననాటి ఫొటోను ఇన్‌స్టాలో పోస్ట్‌ చేస్తూ.. నాటి జ్ఞాపకాలను మరోసారి నెమరువేసుకున్నారు.

Know More

women icon@teamvasundhara
san-francisco-woman-reunited-with-her-stolen-dog-after-4-months

తన పెంపుడు కుక్కను వెతకడానికి విమానం అద్దెకు తీసుకుంది!

శునకాలు విశ్వాసానికి మారుపేరు. అందుకే చాలామంది తమ పెట్స్‌గా కుక్కల్ని పెంచుకోవడానికే ఆసక్తి చూపుతుంటారు. ఇక వాటికి స్నానం చేయించడం దగ్గర్నుంచి ఆహారం పెట్టడం, పడుకోబెట్టడం.. ఇలా ప్రతి విషయంలోనూ వాటిని ఇంట్లో మనుషుల్లాగానే జాగ్రత్తగా చూసుకుంటుంటారు. అంతేనా.. వాటికి ఏదైనా చిన్న దెబ్బ తగిలినా తట్టుకోలేరు పెట్‌ లవర్స్‌. ఇలా తమ పెంపుడు శునకాల కోసం ఎంత ఖర్చు పెట్టడానికైనా వెనకాడని వారూ ఉంటారు. శాన్‌ఫ్రాన్సిస్కోకు చెందిన ఈ 31 ఏళ్ల మహిళ కూడా అంతే..! తన పెంపుడు కుక్క కోసం ఏకంగా 1200 డాలర్లు ఖర్చు చేసి ఓ విమానమే అద్దెకు తీసుకుందంటే ఆమెకు తన పెట్‌ అంటే ఎంత ప్రేమో అర్థం చేసుకోవచ్చు. మరి, ఈ మహిళ తన పెట్ కోసం ఎందుకంత ఖర్చు చేసింది? పెట్‌ కోసం విమానాన్ని అద్దెకు తీసుకోవాల్సిన అవసరం ఏముంది? అసలేం జరిగింది..? వివరాలు తెలుసుకోవాలంటే అసలు స్టోరీలోకి వెళ్లాల్సిందే!

Know More

women icon@teamvasundhara
betherealman-challenge-telugu-star-heroes-directors-are-participating-in-household-chores-inspires-many

‘నిజమైన మగాళ్లు’ అనిపించుకుంటున్నారు!

కరోనా లాక్‌డౌన్‌ కారణంగా అందరికీ అనుకోని సెలవులొచ్చాయి. దీంతో గత నెల రోజులుగా ఇంటి పట్టునే ఉంటూ హాయిగా విశ్రాంతి తీసుకుంటున్నారంతా. కానీ, ఇంట్లో ఉండే ఆడవాళ్లకు మాత్రం ఎలాంటి విశ్రాంతీ దొరకట్లేదు. ఇక ఇంటి నుంచి పనిచేసే మహిళల పరిస్థితి మరీ దారుణం అని చెప్పచ్చు. దీనికి తోడు లాక్‌డౌన్‌ నేపథ్యంలో పనిమనుషులు, వంట మనుషులు కూడా స్వీయ నిర్బంధం, సామాజిక దూరం పాటిస్తుండడంతో.. మహిళలకు పని భారం రెట్టింపైంది. ఇల్లు శుభ్రం చేయడం, వంట చేయడం, అంట్లు తోమడం, బట్టలుతకడం, తోట పని.. ఇలా ఒక్కటేమిటి ఇంట్లో పనులన్నీ చేసే సరికి గృహిణులకు తల ప్రాణం తోకకొచ్చేస్తుంది. అయితే ఇంటి పనులు చేసే బాధ్యత ఆడవాళ్లతో పాటు మగవాళ్లపై కూడా ఉందని చెబుతున్నారు మన సినీ హీరోలు, దర్శకులు. ఈ క్రమంలో వీళ్లు ఇల్లు శుభ్రం చేయడం దగ్గర్నుంచి వంట చేయడం, అంట్లు తోమడం.. వరకు ప్రతి పనిలోనూ పాల్గొనడంతో పాటు దీనిపై సోషల్‌ మీడియాలో ఒక ఛాలెంజ్‌ను కూడా ప్రారంభించడం విశేషం.

Know More

women icon@teamvasundhara
corona-virus-you-clap-for-me-now-immigrant-essential-service-workers-solidarity-during-the-pandemic

అలా అనకుండా మీరిప్పుడు చప్పట్లు కొట్టాలి!

ప్రస్తుతం ప్రపంచమంతా ‘కరోనా’ జపం చేస్తోంది. లక్షలాది మందిని బలిగొన్న ఈ మహమ్మారి ఎప్పుడెప్పుడు అంతమైపోతుందా అని కోట్లాది మంది కళ్లు కాయలు కాచేలా ఎదురుచూస్తున్నారు. పలు దేశాల్లో ఈ వైరస్‌ ఓవైపు మృత్యు తాండవం చేస్తూనే.. మరోవైపు మనకు తెలియని ఓ కొత్త ప్రపంచాన్ని పరిచయం చేసింది. నిత్యం యుద్ధాలు, జాత్యహంకార మాటలతో కత్తులు దూసుకునే కొన్ని దేశాలు నేడు ఈ మహమ్మారి కారణంగా ఏకమయ్యాయి. కరోనాపై కలిసి పోరాటం చేద్దామని ముందుకు వస్తున్నాయి. ఇక ఉపాధి కోసం వివిధ దేశాలకు వలస వెళ్లి అక్కడే స్థిరపడిన వైద్యులు, నర్సులు, ఇతర వైద్య సిబ్బంది కూడా.. కుల, మత, జాతి, వర్గ విభేదాలు చూపించకుండా కరోనాపై పోరులో భాగస్వాములవుతున్నారు. ప్రాణాలను పణంగా పెడుతూ అహర్నిశలూ సేవలందిస్తూ అందరి మన్ననలు అందుకుంటున్నారు. ఈక్రమంలో వారి సేవలను ప్రశంసిస్తూ ‘సచిని’ అనే ఓ మహిళా నెటిజన్‌ షేర్‌ చేసిన వీడియో ప్రస్తుతం సోషల్‌ మీడియాలో వైరల్‌గా మారింది.

Know More

women icon@teamvasundhara
staying-indoors-people-participating-in-follow-me-to-series

ఇంట్లో ఉంటూనే ‘ఫాలో ఫాలో మీ’ అంటున్నారు!

ఈమధ్య కాలంలో ఫొటోషూట్‌ ట్రెండ్‌ను ఫాలో అవుతోన్న వారి సంఖ్య క్రమంగా పెరుగుతోంది. అందులోనూ భార్యభర్తలు, ప్రేమికులకు సంబంధించిన ఫొటోషూట్స్‌లో ఎన్నో రకాల క్రియేటివ్‌ ఫొటోగ్రఫీ స్టిల్స్‌ పుట్టుకొస్తున్నాయి. ఈ క్రమంలో తమకు నచ్చిన అందమైన ప్రదేశాలు, చారిత్రక కట్టడాలు, ప్రకృతి అందాల ఎదుట.. తన జీవిత భాగస్వామి చేయి పట్టుకొని ‘నాతో రా’ అంటూ వారిని వాటివైపు తీసుకెళ్తున్నట్లుగా ఉండే ఫొటో స్టిల్‌ మనలో చాలామంది తీయించుకునే ఉంటారు. పెళ్లిళ్లు, హనీమూన్‌కు సంబంధించిన ఫొటోషూట్లలో మనకు ఇలాంటి స్టిల్స్‌ ఎక్కువగా కనిపిస్తుంటాయి. ఈ ఫొటోల్లో అమ్మాయి వెనక నుంచి కనిపిస్తే, కేవలం అబ్బాయి చేయి మాత్రమే కనిపించడం మనకు తెలిసిందే. ఈ రకం ఫొటోషూట్స్‌ని ‘Follow Me To’ సిరీస్‌ అంటారు. 2013లో రష్యాకు చెందిన ఓ జంట మొట్టమొదటగా ఈ సిరీస్‌ని ప్రారంభించింది. అయితే కరోనా లాక్‌డౌన్‌ సందర్భంగా ‘Follow Me To Home’ పేరుతో వీళ్లు ఇటీవల ఓ ఆన్‌లైన్‌ కంటెస్ట్‌ పెట్టగా.. ప్రపంచవ్యాప్తంగా ఎన్నో జంటలు అందులో పాల్గొనడం విశేషం.

Know More

women icon@teamvasundhara
corona-virus-wife-beaters-in-pune-to-be-sent-to-institutional-quarantine

అక్కడ మహిళలను వేధిస్తే క్వారంటైన్‌కే!

ప్రపంచమంతా ముప్పతిప్పలు పెడుతోన్న కరోనాను కట్టడి చేసేందుకు కేంద్రం లాక్‌డౌన్‌ అమలుచేస్తోంది. దీంతో చాలామంది ప్రజలు ఆర్థిక ఇబ్బందులతో సతమతమవుతున్నారు. అయితే దేశంలో కరోనా పాజిటివ్‌ కేసులు పెరుగుతున్నట్లే లాక్‌డౌన్‌ కారణంగా ‘గృహహింస’ బారిన పడుతున్న మహిళల సంఖ్య కూడా రోజురోజుకీ పెరుగుతోంది. ఈక్రమంలో లాక్‌డౌన్‌ విధించిన తర్వాత దేశం నలుమూలల నుంచి గృహహింసకు సంబంధించిన ఫిర్యాదులు అధికమయ్యాయని జాతీయ మహిళా కమిషన్‌ సైతం ఆందోళన వ్యక్తం చేసింది. ఇలాంటి పరిస్థితుల్లో పురుషుల చేతిలో గృహహింసకు లేదా ఇతర వేధింపులకు గురవుతున్న మహిళల కోసం మహారాష్ట్రలోని పుణే జిల్లా పరిషత్తు అధికారులు ఓ సరికొత్త నిర్ణయం తీసుకున్నారు.

Know More

women icon@teamvasundhara
reasons-to-get-negative-emotions-during-lock-down

లాక్‌డౌన్‌ ఒత్తిళ్లు - పరిష్కార మార్గాలు.. మీకోసం!

మనదేశమే కాదు.. ప్రపంచవ్యాప్తంగా ఎవరికి వారే స్వయంగా ‘లాక్‌డౌన్‌’ విధించుకుని బంధించుకోవాల్సిన పరిస్థితి తీసుకొచ్చింది కరోనా. ఈ నేపథ్యంలో కొందరు ఈ సమయాన్ని తమ కోసం, తమ ప్రియమైన వారి కోసం కేటాయించడానికి దొరికిన అవకాశంగా భావిస్తుంటే.. మరికొందరి పరిస్థితి ఇందుకు భిన్నంగా ఉంది. ఈ లాక్‌డౌన్‌ వేళ ఇంట్లో ఉన్నా కూడా కొందరు ఒత్తిడికి గురవుతున్నట్లు మానసిక నిపుణులు వెల్లడిస్తున్నారు. అందుకు బోలెడన్ని కారణాలున్నాయంటున్నారు వారు. ఇంతకీ, ఏంటా కారణాలు? వాటిని పరిష్కరించుకునే మార్గాల గురించి తెలుసుకుందాం రండి..

Know More

women icon@teamvasundhara
these-families-enjoying-with-their-innovative-thoughts-in-lock-down-period

వీళ్ళ ఇంట్లోనే బీచ్‌...ఎలాగో తెలుసా?

కరోనా వైరస్‌ విజృంభణతో లాక్‌డౌన్‌ను పొడిగిస్తున్న కొద్దీ ప్రజల్లో అసహనం పెరిగిపోతోంది. రోజుల తరబడి ఇళ్లకే పరిమితమవుతుండడంతో అందరూ బోర్‌గా ఫీలవుతున్నారు. సాధారణ రోజుల్లో ఎంతో జాలీగా గడిపిన వారంతా ఇప్పుడు ఎప్పుడెప్పుడు ఈ కల్లోలం నుంచి బయటపడతామా? అని వేయి కళ్లతో ఎదురు చూస్తున్నారు. ఈ నేపథ్యంలో బిక్కుబిక్కుమంటూ ఇళ్లకు పరిమితమవుతున్న వారు కొందరైతే.. ఇంటినే తమకు నచ్చినట్లుగా మార్చుకొని ఎంజాయ్ చేస్తున్న వారు మరికొందరు. అలా తమ ఇంటినే తమకు ఇష్టమైన ప్రదేశంగా మార్చుకొని లాక్‌డౌన్‌ను ఆస్వాదిస్తోన్న వారి గురించి ఇప్పుడు తెలుసుకుందాం..

Know More

women icon@teamvasundhara
tic-tac-toe-is-new-trend-in-social-media

ఈ బామ్మ, మనవరాళ్ల ‘టిక్‌ టాక్‌ టో’ గేమ్‌ చూశారా?

కరోనా మనుషుల మధ్య భౌతికంగా దూరాన్ని పెంచగలిగిందేమో.. కానీ, వారిని మానసికంగా దూరం చేయడంలో మాత్రం విఫలమైందనే చెప్పాలి. వివిధ దేశాల ప్రభుత్వాలు విధిస్తోన్న లాక్‌డౌన్‌ వల్ల ప్రజలు ఎన్నో రకాల ఇబ్బందులు ఎదుర్కొంటున్నప్పటికీ.. తమ మధ్య ఉండే ప్రేమానురాగాలు, ఆప్యాయతల విషయంలో మాత్రం ఎలాంటి మార్పు రాలేదు. ఇంకా చెప్పాలంటే కుటుంబ సభ్యులందరూ ఇంట్లోనే కలిసి గడపడం వల్ల వారి మధ్య అనుబంధం మరింత రెట్టింపయ్యిందని చెప్పచ్చు. ఈ మధ్యకాలంలో ప్రపంచ వ్యాప్తంగా జరుగుతోన్న ఎన్నో సంఘటనలు ఇందుకు ఉదాహరణగా నిలిచాయి/ నిలుస్తున్నాయి. ఈ నేపథ్యంలో ఆస్ట్రేలియాలో ఒక బామ్మ, తన మనవరాలికి సంబంధించిన ఓ వీడియో ప్రస్తుతం నెట్టింట్లో వైరల్‌గా మారింది.

Know More