scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

ఈ కాలేజీ అబ్బాయిలు అందుకే చీర కట్టారు !

Three Boys form Ferguson College wear Saree on their traditional day

కళాశాల అంటేనే చదువుల్లో, ఆటపాటల్లో ఒక విద్యార్థితో మరో విద్యార్థికి పోటీ ఉంటుంది. ఈక్రమంలో ఒకరిలో ఏమాత్రం లోటుపాట్లు కనిపించినా చాలామంది విద్యార్థుల చేత సదరు విద్యార్థి హేళనకు గురి కావాల్సి ఉంటుంది. ఇలా బుల్లీయింగ్‌కి గురై ఆత్మహత్య చేసుకున్న విద్యార్థులు చాలామందే ఉన్నారు. అటువంటిది అబ్బాయిలు హీరోల్లా ముస్తాబై వచ్చే కళాశాల ట్రెడిషన్‌ డేలో భాగంగా కావాలని చీర కట్టుకొచ్చారు ముగ్గురు యువకులు. తమకు చీరకట్టుకోవడం రాకపోయినా కళాశాల విద్యార్థిని సహాయం తీసుకొని మరీ చీరకట్టులో వేడుకకు హాజరయ్యారు. అధ్యాపకుల నుంచి విద్యార్థుల వరకు కళాశాలలో వారినలా చూసిన వారందరూ ఆశ్చర్యపోయారు. అయితే ఎవరూ కూడా వారిని హేళన చేయలేదు. అసలు విషయం తెలుసుకొని వారిని మెచ్చుకున్నారు. ఎందుకంటే...

boyswaresaree650-2.jpg

చీర కట్టుకోవడం అంత ఈజీ కాదు !

అందాన్ని చూసే మన కళ్లలో ఏ కన్ను గొప్ప ? మధురమైన మాటలు పలికే మన పెదవుల్లో ఏ పెదవి బాగా పలుకుతుంది ? అసలు మన శరీరంలో కుడి, ఎడమల్లో ఏది గొప్ప ? అంటే.. వీటికి సమాధానం దొరకదు. సృష్టిలో స్త్రీ, పురుషుల గొప్పతనం కూడా అంతే ! ఈ విషయాన్ని చాటడానికే పుణెలోని ఫెర్గుసన్‌ కాలేజీకి చెందిన ఆకాశ్‌ పవార్‌, సుమిత్‌, రిషికేశ్‌ అనే ముగ్గురు యువకులు ‘టై అండ్‌ శారీ డే’ పేరుతో నిర్వహించిన తమ కళాశాల ‘ట్రెడిషనల్‌ డే’ కోసం ఇలా చీరకట్టుకొచ్చారు. ఆడవారు చీర కట్టాలి, మగవారు ప్యాంటు, షర్టు వేసుకోవాలి అని ఎక్కడా రాయలేదన్న ఆకాశ్‌ ఏ విషయంలోనూ లింగ భేదం ఉండకూడదని చాటడానికే ముగ్గురూ కలిసి ఈ నిర్ణయం తీసుకున్నట్లు తెలిపాడు.

అయితే ఈక్రమంలో వారికి చీరకట్టడం రాకపోగా స్నేహితురాలు శ్రద్ధా దేశ్‌పాండే సాయం తీసుకున్నారట. అప్పుడే తెలిసిందట వారికి... ఆడవారు చీరకట్టడంలో ఎందుకంత ఆలస్యం చేస్తారా అనే విషయం ! అందుకే చీరకట్టడం అంటే ప్యాంటు, షర్టు వేసుకున్నంత ఈజీ కాదంటున్నారు. ఇక అంతమంది విద్యార్థుల మధ్య ఇలా చీరకట్టుకుని రావాలనే వారి ధైర్యానికి తోటి విద్యార్థులే కాదు కళాశాల అధ్యాపక బృందం కూడా శెభాష్‌ అన్నారు. లింగ భేదం లేని సమాజం కావాలని మాటలకే పరిమితం చేయకుండా చేతల్లో కూడా ఉండాలని చూపినందుకు ఆ ముగ్గురినీ ముక్తకంఠంతో మెచ్చుకున్నారు.

boyswaresaree650-3.jpg

విద్యార్థి దశ నుంచే సమానత్వాన్ని నేర్పాలి !

మొక్కై వంగనిది మానై వంగుతుందా !’ అనే సామెతలా మంచైనా, చెడైనా ఒక వ్యక్తికి సరైన జ్ఞానం లభించేది విద్యార్థి దశలోనే. అందుకే ఈ కాలంలో చాలా విద్యాలయాలు విద్యార్థులకు పుస్తక పఠనంతో పాటే లింగభేదం లేని సమాజంపై కూడా అవగాహన కలిగిస్తున్నాయి. ఇటీవల పాకిస్థాన్‌కు చెందిన ఉపాధ్యాయురాలు షెహనాజ్‌ ఖాన్‌ తన స్కూల్లోని బాలురకు విద్యతో పాటు ఇంటి పనుల్లో సాయం చేయడం గురించి శిక్షణ ఇస్తూ అందరి దృష్టినీ ఆకర్షించింది. ఆమెలా ప్రపంచంలోని చాలా విద్యాసంస్థలు కూడా బాలబాలికలకు లింగ భేదం లేని సమాజం గురించి అవగాహన కల్పిస్తున్నాయి. ఈక్రమంలో కొన్ని స్కూళ్లు బాలురకు స్కర్టులను, బాలికలకు ప్యాంటు-షర్టులను యూనిఫాంగా చేస్తూ నిబంధనలు తీసుకొచ్చాయి కూడా ! అందుకే ఇప్పుడు చాలా చోట్ల అమ్మాయిలు క్రికెట్‌ను ఆశయంగా పెట్టుకుంటే... అబ్బాయిలు నాట్యం నేర్చుకుంటున్నారు. ఈ విషయంలో విద్యార్థుల తల్లిదండ్రులు కూడా సహకరించడం విశేషం.

boyswaresaree650-5.jpg

ఆటల్లోనూ అమ్మాయిలకు స్కర్టులెందుకు ?

అనాదిగా పాతుకుపోయిన లింగభేదం వల్ల ఏ స్కూల్‌ తీసుకున్నా చాలావరకు అమ్మాయిలకు స్కర్టులు, అబ్బాయిలకు ప్యాంట్లు యూనిఫాంగా ఉంటున్నాయి. ఈక్రమంలో పాఠశాలల్లో కనీస అవసరాలకు కూడా అమ్మాయిలు సిగ్గుపడాల్సి వస్తోంది. ముఖ్యంగా ఆటపాటల్లో తమ వస్త్రధారణ వల్ల అమ్మాయిలు పూర్తి స్వేచ్ఛతో రాణించలేకపోతున్నారు. అందుకే ఈ పాతకాలపు సిద్ధాంతాలకు ముగింపు పలకాలని దిల్లీలోని శ్రీరామ్‌ స్కూల్‌ యాజమాన్యం అమ్మాయిలకు సందర్భాను సారం పొడవు ప్యాంట్లు, పొట్టి ప్యాంట్లు, టీ షర్టులు ధరించే అవకాశాన్ని స్కూల్‌ యూనిఫాంలో భాగంగా కల్పిస్తోంది. ఇలా బాలబాలికల్లో సమానత్వం చాటడం కోసం గుర్‌గావ్‌లోని శివ్‌నాడార్‌ పాఠశాల మొదలుకొని చాలా పాఠశాలలు క్రీడలు, ఇతర శిక్షణా తరగతుల్లో భాగంగా దుస్తుల విషయంలో ఉన్న ఆంక్షల్ని సడలించాయి. ఈక్రమంలో ముంబైలోని ఓ పాఠశాల యూనిఫాం విషయంలో విద్యార్థినుల మనోభావాలు కూడా తెలుసుకునేందుకు ఒక ఓటింగ్‌ కార్యక్రమాన్ని చేపట్టింది. ఇందులో 58 శాతం మంది విద్యార్థినులు తమకు స్కర్టులు, సౌకర్యంగా ఉండే షార్ట్స్‌, చొక్కాలతో కూడిన ధరించే యూనిఫాంను ప్రవేశపెట్టాలని కోరారట. ఇక లండన్‌లోని కొన్ని స్కూళ్లలో అయితే బాలురే బాలికలకు మద్దతుగా స్కర్టులు ధరించి పాఠశాలలకు వెళుతుండడం విశేషం.

అయినా కొన్ని చోట్ల భేదం పోవడం లేదు !

ఇలా సమానత్వ సమాజం కోసం స్కూళ్లు, కాలేజీలు ఎంత ప్రయత్నిస్తున్నా కొందరు మటుకు పాతకాలపు ఆలోచనలతోనే విద్యాబోధన చేస్తు్న్నారు. ఈక్రమంలో ఇటీవల ఓ పాఠశాలలో అమ్మాయిలు లెగ్గింగ్స్‌ ధరించి స్కూలుకి వెళితే ఉపాధ్యాయిని చేతిలో అవమానానికి గురయ్యారు. అలానే హైదరాబాద్‌లోని ఓ ప్రముఖ కళాశాల తమ విద్యార్థినులు స్లీవ్‌లెస్‌, షార్ట్స్‌ వంటి దుస్తులు ధరించకుండా నిషేధించి వార్తల్లో నిలిచింది. అంతేకాదు, అమ్మాయిలు లాంగ్‌ కుర్తీ ధరిస్తే మంచి పెళ్లి సంబంధాలు వస్తాయని చెప్పి విమర్శలకు దారి తీసింది. దీంతో విద్యార్థినులు కాలేజీ యాజమాన్యంపై ఉద్యమించారు కూడా. ఇక తైవాన్‌లోని కొన్ని పాఠశాలలు లింగ సమానత్వంలో భాగంగా బాలురకు స్కర్టులను యూనిఫాంగా నిర్ణయిస్తే అక్కడి కొందరు తల్లిదండ్రులు అబ్బాయిలకు అమ్మాయిల డ్రస్‌కోడ్‌ ఏంటని వ్యతిరేకించారు. మీడియాలో కూడా ఈ విషయంపై పెద్ద రాద్ధాంతం జరగడంతో విద్యార్థులు తమ ఇష్ట ప్రకారం యూనిఫాంను ఎంచుకునే అవకాశాన్ని సదరు యాజమాన్యాలు కల్పించాయి.

Image Courtesy: https://twitter.com/Vishalverma111/status/1213384437993529345

Screengrab





women icon@teamvasundhara
today-horoscope-details-15-02-2020
women icon@teamvasundhara
different-types-of-celebrations-on-valentines-day-around-world

అక్కడ ప్రతినెలా ‘ప్రేమికుల దినోత్సవమే’..!

కులం, మతం, ప్రాంతం. ఇలాంటి భేదాలు లేకుండా జరుపుకునే వేడుక ఏదైనా ఉందంటే అది ఒక్క ‘వేలంటైన్స్‌ డే’నే అని చెప్పాలి. ప్రేమకు ఎలాంటి హద్దులు ఉండవు. ప్రేమ ధనిక, పేద తేడాను చూడదు. అందుకే ఈ పదానికి ఎంతో విశిష్టత ఉంది. ఇక ప్రేమలో ఉన్న వారికి ప్రతిరోజూ ఓ పండగే అయినా ఏటా ఫిబ్రవరి 14న మాత్రం ‘ప్రేమికుల దినోత్సవాన్ని’ ప్రత్యేకంగా జరుపుకుంటారు. తమ మనసులోని ప్రేమను చాక్లెట్లు, బొమ్మలు, ఖరీదైన బహుమతులు.. చివరికి ఒక రోజా పువ్వుతోనైనా తెలియజేస్తుంటారు. ఇలా వేలంటైన్స్‌ డే రోజున ప్రేమను చాటిచెప్పడం కామన్‌ అయినా.. వేడుకలను జరుపుకునే విధానం మాత్రం ఒక్కో దేశంలో ఒక్కోలా ఉంటుంది. ఇంతకీ ఈ వేలంటైన్స్‌ డేను ఎందుకు జరుపుకుంటారు.? ప్రపంచవ్యాప్తంగా కొన్ని దేశాల్లో విభిన్న పద్ధతుల్లో జరుపుకునే వేలంటైన్స్‌ డే వేడుకల గురించి తెలుసుకుందామా..?

Know More

women icon@teamvasundhara
today-horoscope-details-13-02-2020
women icon@teamvasundhara
gujarathi-couple-online-engagement-video-goes-viral

ఈ ఇ‘స్మార్ట్‌’ ఎంగేజ్‌మెంట్‌ చూశారా?

నిశ్చితార్థం అనేది పెళ్లి వేడుకల్లో మొట్టమొదటగా జరుపుకునే సంబరం. అమ్మాయి, అబ్బాయి తరఫు ఇరు కుటుంబాలు, బంధువులు, సన్నిహితులు, స్నేహితులు కలిసి ఎంతో సంతోషంగా చేసుకునే ఈ వేడుక కాబోయే భార్యాభర్తలకు ఓ మధురమైన జ్ఞాపకంగా మిగిలిపోతుంది. అందుకేనేమో, నిశ్చితార్థం జరిగితే సగం పెళ్లి అయిపోయినట్లే అని అంటుంటారు మన పెద్దలు. అయితే ఈ సంబరాన్ని ఒక్కొక్కరు ఒక్కో మాదిరిగా, తమ తాహతుకు తగ్గట్లుగా జరుపుకుంటారు. కొంతమంది భారీగా ఖర్చు పెట్టి గ్రాండ్‌గా చేసుకుంటే.. మరికొంతమంది సింపుల్‌గా తాంబూలాలు మార్చు్కొని జరుపుకోవడం మనం చూస్తూనే ఉంటాం. అయితే, ఈ రెండు రకాలుగా కాకుండా మీరెప్పుడైనా ఆన్‌లైన్‌ నిశ్చితార్థం గురించి విన్నారా?? అలా ఎంగేజ్‌మెంట్‌ చేసుకున్న జంటల్ని చూశారా?? బహుశా వినుండరు, చూసుండరు కదూ! అయినా ఆన్‌లైన్‌లో నిమిషాల్లో షాపింగ్‌ చేయడం, వీడియో కాల్స్‌ చేసుకొని మాట్లాడుకోవడం తెలుసు కానీ.. ఆన్‌లైన్‌లో ఎంగేజ్‌మెంట్‌ ఏంటి..? అని ఆశ్చర్యపోతున్నారా? అయితే ఈ ఇ‘స్మార్ట్‌’ ఎంగేజ్‌మెంట్‌ గురించి తెలుసుకోవాల్సిందే!

Know More

women icon@teamvasundhara
today-horoscope-details-13-02-2020
women icon@teamvasundhara
budget-friendly-ways-to-celebrate-valentines-day

women icon@teamvasundhara
buttabomma-song-tiktok-videos-goes-viral

ప్రపంచాన్ని చుట్టేస్తున్న ‘బుట్టబొమ్మ’ ..!

త్రివిక్రమ్‌ దర్శకత్వంలో అల్లుఅర్జున్‌, పూజాహెగ్డే జంటగా నటించిన ‘అల వైకుంఠపురములో’ చిత్రం ఎంతటి సంచలన విజయం సాధించిందో ప్రత్యేకంగా చెప్పాల్సిన అవసరం లేదు. ఇక ఈ సినిమాలో పాటల గురించి మరీ ముఖ్యంగా చెప్పుకోవాలి. సినిమా విడుదలకు ముందే ప్రేక్షకుల ముందుకు వచ్చిన ఒక్కోపాట ఒక్కో సంచలనం సృష్టించింది. అప్పటి వరకు ఉన్న సోషల్‌ మీడియా రికార్డులన్నింటినీ ఈచిత్రంలోని పాటలు తిరగరాశాయి. ఇక సినిమా విడుదలై నెల రోజులు గడుస్తున్నా ఇందులోని ‘బుట్టబొమ్మ’ పాట ఇప్పటికీ ప్రతి ఒక్కరి నోట్లో నానుతూనే ఉంది. టిక్‌టాక్‌ వీడియోల్లో ఇప్పుడీ పాట ట్రెండింగ్‌లో ఉంది. సామాన్యుల నుంచి సెలబ్రిటీల వరకు అందరూ ‘బుట్టబొమ్మ’కు ఫిదా అవుతున్నారు. చివరికి దేశాల మధ్య హద్దులను కూడా చెరిపేసిందీ పాట. మరి టిక్‌టాక్‌లో ‘బుట్టబొమ్మ’ సృష్టిస్తోన్న హంగామాపై మీరూ ఓ లుక్కేయండి...

Know More

women icon@teamvasundhara
how-to-celebrate-valentine-week-practically-without-wasting-money

ఈ వారం రోజులే కాదు... ఎప్పటికీ ప్రేమను ఇలా పంచేద్దాం !

ప్రేమ.. సృష్టిలో అత్యంత తియ్యనైనది.. మరపురానిది ఇదే.. ప్రతి బంధంలోనూ ప్రేమ ఉంటేనే అది పదిలంగా ఉంటుంది. అలాంటి అనిర్వచనీయమైన ప్రేమను సెలబ్రేట్ చేసుకోవడం కోసం ఏటా జరుపుకుంటున్నదే ఈ 'వేలంటైన్స్‌ డే'. ఈ రోజుకు ముందున్న ఏడు రోజులకూ ఏదో ఒక ప్రత్యేకత ఉంది.. అయితే 'వేలంటైన్ వీక్' అని పిలుచుకునే ఈ వారం రోజుల గురించి చెప్పుకోవాలంటే వివిధ రకాల సర్‌ప్రైజ్‌లు, రొమాంటిక్ డేట్స్.. వంటివే గుర్తుకురావడం సహజం. కమర్షియలైజేషన్ నేపథ్యంలో ప్రేమికుల రోజు కూడా ఓ రకంగా కృత్రిమంగా, వ్యాపార వస్తువుగా మారిపోవడమే ఇందుకు కారణమని చెప్పుకోవచ్చేమో. అయితే కేవలం ఇలా పైపై మెరుగులతో కాకుండా వేలంటైన్ వీక్‌ని హృదయపూర్వకంగా, మనసుకు హత్తుకునే రీతిలో ఎలా జరుపుకోవచ్చో తెలుసుకుందాం రండి..

Know More

women icon@teamvasundhara
intresting-thing-happening-related-to-corona

రేప్‌ చేయబోయాడు... కరోనా సోకిందని తప్పించుకుంది..!

ప్రస్తుతం ఏ వార్తా పత్రిక చూసినా, ఏ న్యూస్‌ ఛానల్‌ ట్యూన్‌ చేసినా ‘కరోనా’ వైరస్‌కు సంబంధించిన వార్తలే కనిపిస్తున్నాయి.. వినిపిస్తున్నాయి. చివరికి ఏ ఇద్దరు వ్యక్తులు కలిసినా ‘కరోనా’ ప్రస్తావన రావాల్సిందే. అంతలా ప్రపంచాన్ని భయపెడుతోందీ వ్యాధి. ఇప్పటికే వేల సంఖ్యలో ఈ వ్యాధి బారిన పడగా, వందల సంఖ్యలో మృత్యువాత పడ్డారు. చైనాలోని వూహాన్‌ నగరంలో పుట్టిన ఈ వైరస్‌ ఇప్పుడు ప్రపంచాన్ని భయపెడుతోంది. ఇప్పటికే ఈ వైరస్‌ ఇతర దేశాలకు వ్యాపించిన విషయం తెలిసిందే. ఇలా ఓ వైపు ఈ వ్యాధి సృష్టిస్తున్న నష్టం ఎంతకీ పూడ్చలేనిదైతే మరోవైపు కరోనా వ్యాధి వల్ల కొన్ని వింత సంఘటనలు కూడా చోటు చేసుకుంటున్నాయి. ఇక సోషల్‌ మీడియా పుణ్యమాని ఆ వార్తలు కాస్తా క్షణాల్లోనే ప్రపంచాన్ని చుట్టేస్తున్నాయి. మరి కరోనాకు సంబంధించి ఇలా అందరి దృష్టినీ ఆకర్షించిన ఓ రెండు సంఘటనలు మీకోసం...

Know More

women icon@teamvasundhara
dont-let-social-media-ruine-your-life

కాపురాలు కూల్చేంతగా దీనికి బానిసలు కాకండి!

ఎదుటివారి మెప్పు పొందాలనుకోవడం మనిషి సహజ గుణం. అయితే ఈక్రమంలో మన అనుకున్న వారిని నిర్లక్ష్యం చేయడం నిస్సందేహంగా తప్పే. ముఖ్యంగా భార్యాభర్తల మధ్య ఎవరు గొప్ప అనే భేదం తీసుకొచ్చి, ఒకరిపై ఒకరికి నిర్లక్ష్య భావం కలిగించేదేదైనా కూడా తప్పే అంటున్నారు మానసిక నిపుణులు. ప్రస్తుతం ఇలా భార్యాభర్తల మధ్య అగాథం సృష్టిస్తోంది మరెవరో కాదు.. సోషల్‌ మీడియా ! ఎందుకంటే ఒక్క అమెరికాలోనే దాదాపు 81 శాతం విడాకుల కేసుల్లో ఈ సోషల్‌ మీడియానే ప్రధాన కారణంగా ఉంటోందట. భార్యాభర్తల జీవితంలో చాపకింది నీరులా ఈ సోషల్‌ మీడియా ఎంతటి అగాథాన్ని సృష్టిస్తుందో లత, నజియా(పేర్లు మార్చాం) జీవితాలను ఓసారి పలకరిస్తే తెలుస్తుంది. ఇంతకీ ఎవరు వీళ్లు ? ఎంతోమందికి ఎన్నో విధాలుగా ఉపయోగపడే ఈ సోషల్‌ మీడియా వారిలా చాలామంది జీవితాల్లో ఎందుకు అగాథాన్ని సృష్టిస్తోంది ? తెలుసుకుందాం రండి !

Know More

women icon@teamvasundhara
chinese-nurses-treating-corona-effected-pics-goes-viral

థ్యాంక్యూ సో మచ్‌ సిస్టర్స్‌.. మీ రుణం తీర్చుకోలేం..!

కరోనా.. ప్రస్తుతం ప్రపంచాన్ని గడగడలాడిస్తోన్న వైరస్‌. చైనాలో మొదలైన ఈ వ్యాధి ప్రపంచవ్యాప్తంగా పలు దేశాలకు విస్తరించింది. ఈ మహమ్మారి ఇప్పటికే వందల మందిని బలిగొంది. ప్రపంచవ్యాప్తంగా 31,493 మందికి ఈ వైరస్‌ సోకగా.. వీరిలో 4,824 మంది పరిస్థితి విషమంగా ఉన్నట్లు అధికారికంగా వెల్లడైంది. చైనాలో కరోనా బారిన పడి గురువారం (ఫిబ్రవరి 6) ఒక్కరోజే 73 మంది మరణించినట్లు తాజాగా అధికారులు తెలిపారు. వైరస్‌ వ్యాప్తిని కట్టడి చేసేందుకు చైనా సహా ఇతర దేశాల ప్రభుత్వాలు సైతం చర్యలు చేపట్టాయి. ఈ వైరస్‌ విజృంభణను దృష్టిలో ఉంచుకొని కొద్దిరోజుల క్రితమే ప్రపంచ ఆరోగ్య సంస్థ ‘అంతర్జాతీయ ఆరోగ్య అత్యయిక స్థితి’ని ప్రకటించిన సంగతి విదితమే. ఈ క్రమంలో బాధితులకు మెరుగైన వైద్య సదుపాయాలు అందించేందుకు చైనా వైద్య బృందం నిరంతరంగా శ్రమిస్తోంది. ఇది అంటువ్యాధి అని తెలిసినప్పటికీ తమ ప్రాణాలను సైతం పణంగా పెట్టి వైద్య సేవలు అందిస్తున్నారు అక్కడి డాక్టర్లు, నర్సులు. ఈ క్రమంలో కొంతమంది వైద్యులకు వైరస్‌ సోకడం బాధాకరం. అయితే పగలు, రాత్రి అనే తేడా లేకుండా నిరంతరాయంగా వైద్య సేవలు అందించి అలసి సొలసిన కొందరు చైనా డాక్టర్లు, నర్సుల ఫొటోలు ప్రస్తుతం నెట్టింట్లో వైరల్‌గా మారాయి. ఈ ఫొటోల వెనకున్న కథేంటో మీరే చూడండి.

Know More

women icon@teamvasundhara
today-horoscope-details-06-02-2020
women icon@teamvasundhara
kerala-bride-surprises-with-a-dance-and-wins-internet

ఈ పెళ్లికూతురు డ్యాన్స్‌ చేస్తూ పెళ్లిపీటలెక్కింది!

పెళ్లంటే జీవితంలో ఒకేసారి వచ్చే పండగ. సరదాలు, సంతోషాల సమ్మేళనమైన ఈ వేడుకను వీలైనంత వినూత్నంగా, అందంగా, పది కాలాల పాటు గుర్తుండిపోయేలాగా జరుపుకోవాలని అందరూ కోరుకుంటారు. వెడ్డింగ్‌ కార్డ్స్‌ మొదలు వివాహ వేదికలు, భోజనాలు, సంగీత్‌లు, బారాత్‌లు..ఇలా అన్ని విషయాల్లోనూ కొత్తదనం ఉట్టిపడేలా జాగ్రత్తలు తీసుకుంటారు. అదేవిధంగా పెళ్లికి వచ్చిన అతిథులను బహుమతులతో, వివిధ కార్యక్రమాలతో సర్‌ప్రైజ్‌ చేస్తుంటారు కొందరు. ఈ క్రమంలో కేరళకు చెందిన ఓ వధువు డ్యాన్స్‌ చేస్తూ పెళ్లి మండపంలోకి ఎంట్రీ ఇచ్చింది. తోడు పెళ్లి కూతుళ్లతో కలిసి ఎంతో ఉత్సాహంగా, సంతోషంతో ఈ అమ్మడు చేసిన డ్యాన్స్‌కు వేదికపై కూర్చున్న వరుడు, అతిథులందరూ ఒక్కసారిగా ఆశ్చర్యానికి గురయ్యారు.

Know More

women icon@teamvasundhara
mughal-gardens-opens-for-public-for-free-entry

women icon@teamvasundhara
today-horoscope-details-05-02-2020
women icon@teamvasundhara
medaram-jathara-special-significance-of-samakka-saralammma

అమ్మల జాతరకు మనమూ వెళ్లొద్దామా..!

శివసత్తుల పూనకాలు, పొర్లు దండాలు, బెల్లం ఘుమఘుమలు, బంగారం(బెల్లం) మొక్కులు.. వెరసి గిరిజన సంస్కృతీ సంప్రదాయాలకు అద్దం పట్టే వనదేవతల పండగే మేడారం సమ్మక్క-సారలమ్మ జాతర. కోరుకున్న కోర్కెలు తీర్చి భక్తుల కొంగు బంగారంగా విలసిల్లే ఈ జాతరకు రంగం సిద్ధమైంది. ప్రపంచంలోనే అతి పెద్ద గిరిజన జాతరగా ఖ్యాతి గాంచిన ఈ జాతరకు తెలంగాణవ్యాప్తంగానే కాదు.. దేశవిదేశాల నుంచీ కోట్ల సంఖ్యలో భక్తులు తరలివస్తారు.. అమ్మల ఆశీర్వాదాలు అందుకుంటారు.. భక్తి పారవశ్యంలో మునిగితేలుతారు. రెండేళ్లకోసారి జరిగే ఈ పండగకు ఎప్పటిలాగే ఈసారి కూడా పెద్ద సంఖ్యలో భక్తులు తరలివస్తుండడంతో అమ్మల వనమంతా జనసంద్రంగా మారిపోయింది. తెలంగాణ రాష్ట్ర పండగగా గుర్తింపు పొందిన ఈ జాతర ఈ ఏడాది ఫిబ్రవరి 5 నుంచి 8 వరకు జరగనుంది. ఈ నేపథ్యంలో మేడారం జాతరకు సంబంధించిన కొన్ని విశేషాలు మీకోసం..

Know More

women icon@teamvasundhara
woman-shares-video-from-chemo-session-becomes-twitter-star-overnight

ఒక్క వీడియోతో ఓవర్‌నైట్‌ స్టార్‌ అయింది!

క్యాన్సర్‌.. ఎన్నో ఏళ్లుగా మనిషిని పీడిస్తోన్న వ్యాధుల్లో ఒకటి. వూపిరితిత్తులు, మెదడు, గొంతు, ఎముకలు, కాలేయం, రక్తం, చర్మం.. మొదలైన శరీర భాగాల కణజాలాలు దెబ్బతిని వివిధ రకాల క్యాన్సర్లు పుట్టుకొస్తున్నాయి. ఈ రోగానికి సంబంధించి వైద్య సేవల్లో ఆధునికత కనిపిస్తున్నప్పటికీ సరైన మందు కనుగొనకపోవడంతో చాలామంది దీని బారిన పడి ప్రాణాలు కోల్పోతున్నారు. అయితే ఈ మహమ్మారి బారిన పడినప్పటికీ.. తమ మనోధైర్యంతో దాన్ని జయించిన సెలబ్రిటీలు చాలామందే ఉన్నారు. కీమోథెరపీ వంటి చికిత్సా పద్ధతుల ద్వారా, ఆహారపుటలవాట్లలో మార్పులు చేసుకొని చాలామంది ఆ వ్యాధిని తరిమికొడుతున్నారు. ఈ నేపథ్యంలో వారి అనుభవాలను అందరితో షేర్‌ చేసుకుంటూ తమలాంటి బాధితులకు జీవితంపై భరోసా ఇస్తున్నారు. ఈ క్రమంలో బ్రిటన్‌కు చెందిన క్యాతీ హెలెంద్‌ అనే ఓ క్యాన్సర్ బాధితురాలు తన కీమోథెరపీ చికిత్సకు సంబంధించిన అనుభవాలను సోషల్‌ మీడియా వేదికగా పంచుకొని రాత్రికి రాత్రే ఇంటర్నెట్‌ సెన్సేషన్‌గా మారిపోయింది.

Know More

women icon@teamvasundhara
ratha-saptami-significance

సూర్య నారాయణా... నమో నమః

మాఘమాసం.. శుక్లపక్షం ప్రారంభమైన 7వ రోజు.. ఏడు అశ్వాలు కలిగి ఉన్న రథాన్ని అధిరోహించిన సూర్యనారాయణుడు తన పయనమార్గాన్ని దక్షిణం నుంచి ఉత్తరం దిశగా మార్చుకుంటాడని ప్రతీతి. అందుకే భక్తులంతా పుణ్యస్నానాలు ఆచరించి ఆ సూర్య భగవానునికి అత్యంత భక్తి, శ్రద్ధలతో పూజలు నిర్వహిస్తారు. ఈ రోజునే 'రథసప్తమి' అని చెప్పుకుంటారు. అలాగే సూర్య భగవానుడి పుట్టినరోజుగా కూడా ఈ రోజుని అభివర్ణిస్తారు. మరి, ఈ రోజుకి సంబంధించిన ప్రత్యేకత ఏంటో తెలుసుకుందామా.. రథసప్తమి అనేది కాలానుగుణంగా జరిగే మార్పుని కూడా సూచిస్తుంది. ఎముకలు కొరికే చలికాలం నుంచి వెచ్చవెచ్చని వేసవికి ఆహ్వానం పలుకుతుంది. అంటే వసంత రుతువుకి స్వాగతం పలకడమే కాకుండా పంట కోతలను కూడా ప్రారంభించడానికి ఇది చాలా అనువైన సమయం.

Know More

women icon@teamvasundhara
groom-walks-4-kms-to-reach-brides-home-in-uttarakhand

‘ఉత్తమ వరుడు’ అవార్డు ఇతనికివ్వాల్సిందే..!

‘ప్రేమ కోసమై వలలో పడెనే పాపం పసివాడు.. అయ్యో పాపం పసివాడు’.. ‘పాతాళభైరవి’ సినిమాలోని ఈ ఆల్‌టైం హిట్‌ సాంగ్‌ అందరి ఫేవరెట్‌ అని చెప్పడంలో సందేహం లేదు. ఈ సినిమాలో తన ప్రేయసిని రాక్షసుడి నుంచి కాపాడుకోవడానికి తోట రాముడు చెట్లు, పుట్టలు అని తేడా లేకుండా అడవుల్లో సాహస యాత్ర చేస్తాడు. అసలు ఇప్పుడిదంతా ఎందుకని ఆలోచిస్తున్నారా? తోటరాముడి అంత కాకపోయినా ఉత్తరాఖండ్‌కు చెందిన ఓ యువకుడు తనకు కాబోయే భార్య కోసం ఓ చిన్న సాహసం చేశాడు. ప్రస్తుతం ఈ సంఘటనకు సంబంధించిన వార్త సోషల్‌ మీడియాలో హల్‌చల్‌ చేస్తోంది. వివరాల్లోకి వెళ్తే..

Know More

women icon@teamvasundhara
barbie-adds-new-dolls-with-vitiligo-disability-and-bald-head

‘ఎలా ఉన్నా అందమే...’ అని చాటుతున్న బార్బీ డాల్స్‌!

‘బార్బీ బొమ్మ’ ఎలా ఉంటుందని ఎవరైనా అడిగితే.. సన్నజాజి నడుము, అందమైన చిరునవ్వు, ఆకర్షణీయమైన కళ్లు, మెరిసే జుట్టుతో ఉన్న ఫ్యాషనబుల్‌ అమ్మాయిలా అని సమాధానమిస్తాం. అయితే ఇది ఒకప్పటి మాట..! ఇప్పుడు బార్బీ డాల్‌ అంటే కేవలం అందం మాత్రమే కాదు.. ధైర్యం, జ్ఞానం, పోరాట స్ఫూర్తి, సేవా దృక్పథం.. మొదలైన లక్షణాలున్న వనితలంతా బార్బీ బొమ్మలే. అంతేకాదు మనం తెలుపా నలుపా, లావా సన్నమా అన్నది పట్టించుకోకుండా; తమలోని లోపాల గురించి ఆందోళన చెందకుండా.. లక్ష్యసాధనకై ధైర్యంగా ముందుకు సాగుతూ నలుగురికీ ఆదర్శంగా నిలిచే ప్రతి యువతీ అపురూప సౌందర్యవతే.. అని బార్బీ సంస్థ తమ బొమ్మల ద్వారా ప్రపంచానికి చాటే ప్రయత్నం చేస్తోంది. ఈ క్రమంలో కొత్త దశాబ్దం ప్రారంభమైన సందర్భంగా బార్బీ ఫ్యామిలీ నుంచి మరికొన్ని వినూత్న బొమ్మలను విడుదల చేయనున్నట్లు ఈ సంస్థ తాజాగా వెల్లడించింది.

Know More

women icon@teamvasundhara
ala-vaikuntapuram-lo-all-songs-placed-in-indias-most-played-50-list

సామజవరగమన... నిను ఆపలేరుగా!

మనసుకు హాయి గొలిపే మధురమైన మెలోడీ సాంగ్స్‌ కావచ్చు... కుర్రకారుకు మరింత ఉత్సాహానిచ్చే ఫోక్‌, ఫాస్ట్‌బీట్‌ పాటలు కావచ్చు...బాణీ ఏదైనా మన మూడ్‌ను మార్చి, మనసుకు సేద తీర్చే శక్తి ఒక్క సంగీతానికే సొంతం. ఇక సినిమాలకు సంగీతమే ప్రాణం. ‘పాటలు హిట్టయితే సినిమా కూడా హిట్‌’ అన్నట్లు సినిమాలోని పాటలను చూసి ఆ మూవీ ఎలా ఉంటుందో ముందే ఓ అంచనాకు వచ్చేయొచ్చు. సినిమా జయాపజయాలను ప్రభావితం చేసే సంగీతంపై దర్శక-నిర్మాతలు కూడా ప్రత్యేక దృష్టి పెడుతుంటారు. అందుకే అన్ని పాటలు ఆకట్టుకోకపోయినా కనీసం రెండు మూడు పాటలకైనా ప్రేక్షకుల చేత విజిల్స్‌ వేయించేలా మ్యూజిక్‌ డైరెక్టర్లు తగు జాగ్రత్తలు తీసుకొంటారు. ఈ క్రమంలో సంక్రాంతి కానుకగా విడుదలై.. సూపర్‌ డూపర్‌ హిట్‌గా నిలిచిన ‘అల..వైకుంఠపురములో’ సినిమాలోని పాటలు ఓ కొత్త ట్రెండ్‌ను సృష్టిస్తున్నాయి.

Know More

women icon@teamvasundhara
world-economic-forum-says-its-hard-for-the-world-to-get-gender-equality-even-after-100-years

ఈ టాప్‌ 10 దేశాలు మహిళల కోసం ఏం చేస్తున్నాయో తెలుసా?

సమానత్వం అంటే స్వేచ్ఛ. అందరికీ అన్ని విషయాల్లో అనుకున్నది సానుకూలంగా చేయగలిగిన స్వేచ్ఛ. అయితే చాలామంది లింగ భేదం లేని సమాజం అంటే స్త్రీల హక్కుగా భావిస్తుంటారు. అనాదిగా పురుషాధిక్యం నీడలో స్త్రీల హక్కులు అణచివేయడం వల్ల స్త్రీలు పురుషులతో సమానంగా నడవాలనేది సమసమాజ ఉద్దేశంగా మారిపోయింది. అందుకే ఇప్పుడు ఈ సమసమాజ పోరాటం ‘హ్యూమన్‌ ఫైట్‌గా కాకుండా... ఫీమేల్‌ ఫైట్‌’ అయిపోయింది. వాస్తవానికి ఇది అందరి బాధ్యత. అందరూ కలిసి ఉద్యమిస్తేనే సమసమాజ స్థాపన సాధ్యపడుతుంది. లేదంటే ఇంకా వందేళ్లైనా ఈ లింగభేదం లేని సమాజం కష్టం. ఇలా అంటోంది ఎవరో కాదు ప్రపంచ ఆర్థిక వేదిక (వరల్డ్‌ ఎకనమిక్‌ ఫోరమ్‌) చేసిన సర్వేనే ! ప్రపంచవ్యాప్తంగా 99.5 సంవత్సరాలైతే కానీ లింగ సమానత్వం రాదట. అంతేకాదు, మన భారతదేశం లింగ సమానత్వంలో ఏడాదికేడాది దిగజారుతోందట. మన తరం, మన పిల్లల తరం, ఆ తర్వాతి తరానికి కూడా లింగ భేదం లేని సమాజం సాధ్యం కాకపోవచ్చు అంటోంది ! మరి అందుకు కారణం ఏంటో చూద్దాం పదండి !

Know More

women icon@teamvasundhara
in-a-relationship-for-6-years-german-woman-plans-to-marry-boeing-737-800

విమానంతో వింత ప్రేమకథ.. చదివేయండి మరి!

‘ప్రేమ ఎప్పుడు, ఎవరిపై, ఎందుకు పుడుతుందో ఎవరూ చెప్పలేం’... వెంకటేశ్‌ హీరోగా నటించిన ‘నువ్వు నాకు నచ్చావ్‌’ సినిమా క్లైమాక్స్‌లో వచ్చే డైలాగ్‌ ఇది. అమ్మాయి-అబ్బాయిల మధ్య పుట్టే ప్రేమకు నిర్వచనమిస్తూ ఈ డైలాగ్‌ చెబుతుంది సుహాసిని. ఇప్పుడిదెందుకు అంటారా? సేమ్‌ టు సేమ్‌ కాకపోయినా మనం మాట్లాడుకునే ఓ ప్రేమకథకు కూడా ఈ డైలాగ్‌ సరిగ్గా సూటవుతుంది. సాధారణంగా అమ్మాయిలు- అబ్బాయిల మధ్య ప్రేమ పుడుతుంది. మరికొందరు స్వలింగ సంపర్కుల మధ్య ప్రేమ చిగురించవచ్చు. అయితే జర్మనీకి చెందిన మిషెల్‌ కోబ్కే అనే యువతి ఏకంగా విమానంపైనే మనసు పారేసుకుంది. అయితే చాలామంది అనుకునేలా ఆ యువతిది సాధారణ ప్రేమ కాదండోయ్‌...ఏకంగా ఆ విమానంతో కలిసి ఏడడుగులు నడిచేంతగా గాఢమైన ప్రేమ. వినేందుకు కాస్త ఆశ్చర్యమనిపించేలా ఉన్న ఈ వెరైటీ లవ్‌స్టోరీ గురించి తెలుసుకుందాం రండి!

Know More

women icon@teamvasundhara
women-self-defence-tools

నిర్భయంగా ఉండాలంటే.. ఆయుధం పట్టాల్సిందే !

ఆడవారి కోసం ఎన్ని ‘నిర్భయ’ చట్టాలు తీసుకొచ్చినా... ఎన్ని విధాలుగానో సమాజానికి ‘దిశా’ నిర్దేశం చేసినా... స్త్రీలపై అఘాయిత్యాలు మటుకు ఆగడం లేదు. ఈక్రమంలో స్త్రీలకు రక్షణ ఎవరిస్తారు ? అంటే... తండ్రినో, సోదరుడినో వెంటబెట్టుకెళ్లమంటున్నారు. లేదంటే ఆపదలో ఉన్నప్పుడు వందకు ఫోన్‌ చేయమంటున్నారు. నిర్భయ ఉదంతంలో పక్కనే కావాల్సిన వారు ఉన్నా కాపాడలేకపోయారు. అటువంటిది ఏ సమయం ఎలాంటిదో ఎవరు చెప్పగలరు. కాబట్టి ఒక స్త్రీ తన రక్షణ తానే చూసుకోవాలి. స్త్రీల మాన ప్రాణాలను హరిస్తున్న మృగాలను ఆయుధంతోనే ఎదుర్కోవాలి. ఇది హింసను ప్రోత్సహించడం ఎంతమాత్రమూ కాదు. ఆత్మ రక్షణ నేర్పడం మాత్రమే ! మీ రక్షణ మీ చేతుల్లోనే ఉంచుకునేందుకే ఇవి వస్తువులు కాదు.. ఆత్మరక్షణ ఆయుధాలు... ! వీటిని వెంటబెట్టుకెళ్లండి !

Know More

women icon@teamvasundhara
son-makes-mothers-with-sign-insta-account-to-show-her-advices

అమ్మ చెప్పే జాగ్రత్తలను ఆన్‌లైన్‌లో పెట్టాడు..!

‘దిల్లీకి రాజైనా తల్లికి మాత్రం కొడుకే’ అంటారు. కొడుకు ఎంత గొప్పవాడైనా, ఎన్ని అద్భుతాలు సాధించినా సరే.. తల్లికి మాత్రం ఎప్పుడూ ఓ చిన్నపిల్లాడిలానే కనిపిస్తాడు. అందుకే బయటకు వెళుతుంటే చాలు వంద జాగ్రత్తలు చెబుతుంది తల్లి. ‘అబ్బా.. నాకు తెలుసమ్మా.. నువ్వు అంతగా చెప్పాలా?’ అని అన్నా సరే తల్లి మనసు బిడ్డల క్షేమం కోసం పరితపిస్తూనే ఉంటుంది. ఇలాగే ప్రణవ్‌ సప్రా అనే ఓ కుర్రాడికి కూడా తన తల్లి నిత్యం జాగ్రత్తలు, సలహాలు చెబుతుంటుంది. అయితే అందరూ ఆ సలహాల్ని ఈ చెవితో విని ఆ చెవితో వదిలేస్తే.. ప్రణవ్‌ మాత్రం కాస్త భిన్నంగా ఆలోచించాడు. ఈ క్రమంలోనే తన తల్లి చెప్పే జాగ్రత్తలను ప్రపంచానికి పరిచయం చేయాలనుకున్నాడు. ఇందుకోసం సోషల్‌ మీడియానే వేదికగా ఎంచుకున్నాడు. ఇంతకీ ప్రణవ్‌ ఏం చేశాడనేగా మీ డౌట్‌.? అయితే స్టోరీలోకి వెళ్లాల్సిందే...

Know More

women icon@teamvasundhara
sharukh-khan-and-anand-mahindra-admires-this-maths-teacher

ఇలాంటి టీచర్స్‌ ఉంటే ఎంత బాగుంటుందో !

ఈ రోజుల్లో చాలామంది ఉపాధ్యాయులు చదువు చెప్పడమంటే పుస్తకాలను కంఠస్తం చేయించడమే అన్నట్లు పనిచేస్తుంటారు. కానీ కొంతమంది ఉపాధ్యాయులు ఇందుకు భిన్నంగా ఉంటారు. విద్యార్థులకు విద్య నేర్పడమంటే తాము సంపాదించిన జ్ఞానాన్ని అందరికీ పంచడంగా భావిస్తారు. విద్యను కష్టంగా కాక ఇష్టంగా నేర్చుకునేలా చేస్తారు. అందుకు విద్యకు ఆటను జోడించి విద్యార్థుల్లో ఉత్సాహాన్ని నింపుతారు. ఈక్రమంలో విద్యార్థులు నేర్చుకునే ఏ విషయమైనా నిద్రలో లేపి అడిగినా గుర్తుండేలా బోధిస్తారు. అందుకే అటువంటి ఉపాధ్యాయులకు మన హృదయాల్లో ఉత్తమ ఉపాధ్యాయులుగా శాశ్వత స్థానాన్ని ఇస్తాం. అటువంటి ఉపాధ్యాయుల గురించే మీరిప్పుడు తెలుసుకోబోతున్నారు. ఆనంద్‌ మహీంద్రా, షారుఖ్‌ ఖాన్‌ వంటి వారి చేత సైతం తమకు ఇటువంటి టీచర్‌ ఎందుకు లేదో అని ఒక టీచర్‌ అనిపిస్తే, ఇక మరికొందరు విద్యార్థులకు జ్ఞనాన్నే కాదు ప్రేమను కూడా పంచి శెభాష్‌ అనిపించుకుంటున్నారు. మరి ఈ ఆదర్శవంతమైన ఉపాధ్యాయుల గురించి మనమూ తెలుసుకుందాం రండి !

Know More

women icon@teamvasundhara
interesting-facts-about-first-miniature-cooking-channel-in-india

ఈ చిన్ని వంటింట్లో ఎన్నెన్నో రుచులు..!

చిన్నపిల్లలు ఎక్కువగా ఆడుకునే బొమ్మల్లో చిన్న కిచెన్‌ సెట్‌ను మనం చూసే ఉంటాం. ఈ సెట్‌లో స్టౌవ్‌, గిన్నెలు, గరిటెలు, ప్లేట్లు.. మొదలైన వంట సామగ్రి అంతా పిల్లలు ఆడుకునేందుకు వీలుగా చాలా చిన్నగా ఉంటాయి. వాటిని ఉపయోగిస్తూ పిల్లలు నిజంగానే వంట చేసినట్లుగా ఊహించుకొని సరదా పడుతుంటారు. ఒకవేళ అలాంటి చిట్టి చిట్టి వంట సామాన్లను ఉపయోగిస్తూ నిజంగానే వంట చేస్తే ఎలా ఉంటుంది..? వినడానికి బాగున్నా.. అలా చేయడం అసాధ్యం అనుకుంటున్నారు కదూ..! కానీ, ఆ అసాధ్యాన్ని సుసాధ్యం చేసింది తమిళనాడుకు చెందిన ఓ జంట. ఇందుకోసం వీళ్లు ఓ చిట్టి కిచెన్‌ సెటప్‌ని రూపొందించి అందులో రకరకాల వంటలు తయారు చేస్తున్నారు. అంతేకాదు, యూట్యూబ్‌లో ‘ది టైనీ ఫుడ్స్‌’ పేరుతో ఓ ఛానల్‌ను ప్రారంభించి తమ కుకింగ్‌ వీడియోలను అందులో అప్‌లోడ్‌ చేస్తుండడం విశేషం. ఈ క్రమంలో మన దేశంలో తొలి మినియేచర్‌ కుకింగ్‌ ఛానల్‌గా గుర్తింపు సంపాదించుకుంది ‘ది టైనీ ఫుడ్స్‌’. మరి వీళ్లకు ఈ ఆలోచన ఎందుకొచ్చింది..? వీళ్లు ఇప్పటివరకు తయారు చేసిన రెసిపీలేంటి..?.. మొదలైన విషయాలను తెలుసుకోవాలంటే ఈ స్టోరీ చదవాల్సిందే.

Know More

women icon@teamvasundhara
a-canadian-woman-called-off-her-marriage-as-her-fiance-argued-with-the-wedding-dress

పెళ్లి బట్టలేమో గానీ.. పెళ్లే పెటాకులైంది !

చాలామంది తల్లిదండ్రులు త్వరలో పెళ్లి కాబోయే వధూవరులకు కామన్‌గా చెప్పే మాట ఒకటుంది. అదేంటంటే.. ‘జీవితంలో కష్టసుఖాలనేవి వస్తుంటాయి, పోతుంటాయి.. అవసరమైనప్పుడు సర్దుకుపోవాలి, ఎవరో ఒకరు రాజీపడాలి’ అని. అయినా కూడా ఈరోజుల్లో చాలామంది భార్యాభర్తలు, ఎప్పుడూ నేనే రాజీపడాలా ? అన్నిటికీ నేనే సర్దుకోవాలా ? అనే మంకుపట్టుతో జీవితాలను ఛిద్రం చేసుకుంటున్న సందర్భాలు అనేకం చూస్తూనే ఉన్నాం. మరి ఇలా ఎప్పుడో పెళ్లైన వారు గొడవ పడితే మామూలే అనుకోవచ్చు. కానీ రేపో మాపో పెళ్లిచేసుకోబోయేవారు కూడా గొడవ పడితే ? అదీ ఆన్‌లైన్‌లో అందరి సమక్షంలో అయితే? ఇదెక్కడి విడ్డూరం... అనాల్సిందే ! మరి ఈ వింత కథేంటో మనమూ తెలుసుకుందాం రండి...

Know More

women icon@teamvasundhara
kerala-mosjid-hosts-hindu-wedding-amidst-caa-protests

మసీదులో హిందూ పెళ్లి... విశేషాలివీ !

అందరూ కలిసికట్టుగా ఉన్న చోట దు:ఖం దరిచేరదు, బాధ బెదిరిపోతుంది, ఆనందం తాండవిస్తుంది, విజయం వర్ధిల్లుతుంది. ఐకమత్యం గురించి ఇలా బాల్యంలో ఎన్నో పాఠాలు నేర్చుకున్నాం. కానీ ఆచరణలోకి వచ్చేసరికి అది సాధ్యపడక శాంతికి విఘాతం కలిగించే ఎన్నో సందర్భాలను మనమిప్పటికీ చూస్తూనే ఉన్నాం. అయితే అందరిలో చైతన్యం కలిగించి ‘మనమంతా ఒక్కటే.. !’ అని చాటడానికి అప్పుడప్పుడూ కొన్ని సంఘటనలు జరుగుతూనే ఉంటాయి. ఇలాంటి ఓ సత్కార్యానికి వేదికగా నిలిచింది కేరళలోని కాయంకులం పట్టణానికి చెందిన చేరువల్లి జమాత్‌ మసీదు. మానవత్వమే ఏకైక మతం అని చాటిచెప్పడానికి తన వందేళ్ల సంప్రదాయాన్ని కూడా చెరిపేసి ఒక ఆడబిడ్డకు మసీదులో ప్రవేశం కల్పించింది. అంతేనా.. హిందూ సంప్రదాయం ప్రకారం పెళ్లి కూడా జరిపించింది. మరి దేశవ్యాప్తంగా అందరి చేత ప్రశంసలు అందుకుంటున్న ఈ పెళ్లి వేడుక గురించి మనమూ తెలుసుకుందాం రండి !

Know More

women icon@teamvasundhara
indian-bakers-create-guinness-world-records-with-53-kilometer

ఈ ‘మినీ ఎవరెస్ట్‌’ కేక్‌ని చూశారా?

కేక్‌.. ఈ మాట వింటేనే ఎప్పుడెప్పుడు తింటామా అనిపిస్తుంది. మరి ప్రపంచంలోనే అత్యంత పొడవైన కేక్‌ని చూస్తే.. నోరూరడం అటుంచి.. నోరెళ్లబెట్టి చూస్తూ ఉండిపోవడం ఖాయం. మరి అంత పే..ద్ద కేక్‌ను తయారుచేసి గిన్నిస్‌ రికార్డ్‌ సృష్టించారు కేరళ చెఫ్స్‌. కేరళకు చెందిన 1500 మంది చెఫ్స్‌ సుమారు 4 గంటలకుపైగా శ్రమించి 5,300 మీటర్ల పొడవైన వెనీలా కేక్‌ని తయారుచేసి ఆ కేక్‌ను గిన్నిసుకెక్కించారు. ఈ విషయాన్ని స్వయంగా గిన్నిస్‌ వరల్డ్‌ రికార్డ్స్‌ తన ట్విట్టర్‌ ఖాతా ద్వారా ధృవీకరించింది. ‘కేరళ బేకర్స్‌ అసోసియేషన్’ నిర్వహించిన ఓ కార్యక్రమంలో భాగంగా వారు ఈ టేస్టీ కేక్‌ రికార్డ్‌ని నెలకొల్పారు. ప్రపంచంలో అత్యంత పొడవైన కేక్‌గా పేరొందిన ఈ యమ్మీ కేక్‌కు సంబంధించిన మరిన్ని వివరాలు తెలుసుకుందాం రండి..

Know More

women icon@teamvasundhara
wife-seeks-divorce-as-hubby-avoids-regular-shave-and-bath

నా భర్త రోజూ స్నానం చేయడం లేదు, విడాకులు ఇప్పించండి...!

వందేళ్ల జీవితంలో పెళ్లి ఒక మజిలీ లాంటిదని చెబుతారు. వేద మంత్రాలు, అగ్ని సాక్షిగా ఒక్కటైన జంట ఎప్పటికీ కలిసి ఉంటామని ప్రమాణం చేస్తారు. కానీ కొన్ని బంధాలు మాత్రం మధ్యలోనే విడిపోతున్నాయి. దీనికి కారణాలు అనేకం.. అయితే ఇటీవలి కాలంలో కొంతమంది జంటలు చిన్న చిన్న కారణాలకే విడాకుల వరకు వెళుతున్నారు. నిజానికి ఆ కారణాలు వినే వారికి చాలా సిల్లీగానే అనిపించినా అనుభవించే వారికి మాత్రం అందులో ఉన్న బాధేంటో తెలుస్తుంది. ఇలాంటి ఓ వింత కారణంతో తన భర్త నుంచి విడాకులు కావాలని కోరింది బిహార్‌కు చెందిన ఓ మహిళ. ఇంతకీ విడాకుల కోసం తాను చెప్పిన వింత కారణాలేంటో తెలుసుకోవాలంటే ఈ స్టోరీలోకి వెళ్లాల్సిందే...

Know More

women icon@teamvasundhara
team-india-super-fan-charulatha-patel-passes-away

ఈ ‘టీమిండియా సూపర్‌ ఫ్యాన్‌’ హడావుడి ఇక కనిపించదు!

భారతదేశంలో క్రికెట్‌కున్న క్రేజ్‌ ప్రత్యేకంగా చెప్పక్కర్లేదు. మ్యాచ్‌ ఉంటే చాలు..పనులన్నీ కట్టేసి మరీ టీవీకి అతుక్కుపోతుంటారు. చాలామంది టీవీల ముందు కూర్చుని మ్యాచ్‌లను వీక్షిస్తే.. మరికొందరు ఏకంగా స్టేడియాలకు వెళ్లి చప్పట్లు కొడుతూ తమ అభిమాన ఆటగాళ్లను ఉత్సాహపరుస్తుంటారు. ఈ ఆటను అభిమానించే వాళ్లలో చిన్నపిల్లల నుంచి పండు ముసలివాళ్ల దాకా అందరూ ఉంటారు. వారిలో ఒకరే చారులతా పటేల్‌. ‘టీమిండియా సూపర్‌ఫ్యాన్‌’ అని పిలుచుకునే ఈ 87 ఏళ్ల బామ్మ గతేడాది ఇంగ్లండ్‌లో జరిగిన వరల్డ్‌కప్‌లో చేసిన సందడి అంతా ఇంతా కాదు. చక్రాల కుర్చీలో కూర్చొని చిన్నపిల్లలా చేతిలో బూర పట్టుకుని వూదుతూ ఆటగాళ్లను ఛీర్స్‌ చేస్తూ కనిపించిన సందర్భాన్ని ఎవరూ మరిచిపోరు. ఎనిమిది పదుల వయసులో కూడా ఆమె చూపిస్తున్న ఉత్సాహానికి టీమిండియా క్రికెటర్లు విరాట్‌ కోహ్లీ, రోహిత్‌ కూడా ఫిదా అయిపోయారు. ఈ క్రమంలో వీరితో పాటు క్రికెట్‌ అభిమానుల్లో విషాదం నింపుతూ ఆమె తుదిశ్వాస విడిచారు.ఆమె సహజ మరణం పొందినట్లు వారి కుటుంబ సభ్యలు తెలిపారు.

Know More

women icon@teamvasundhara
sonam-kapoor-faces-scariest-experience-with-cab-driver-in-london

ఆ క్యాబ్‌ డ్రైవర్‌ ప్రవర్తన చూసి నాకు వణుకు పుట్టింది..!

ప్రస్తుతం ప్రపంచాన్ని పీడిస్తోన్న సామాజిక సమస్యల్లో మహిళల భద్రత కూడా ఒకటి. చిన్నపిల్లల నుంచి వృద్ధుల వరకు మగువలపై జరుగుతోన్న అఘాయిత్యాల సంఖ్య రోజురోజుకూ పెరుగుతోంది. సాంకేతికంగా మనం ఎంత ముందున్నా.. మహిళల భద్రత విషయంలో మాత్రం ఇంకా ఎంతో వెనుకబడే ఉన్నామని ఆడవాళ్లపై కొనసాగుతోన్న దుర్ఘటనలు మనకు గుర్తు చేస్తున్నాయి. స్కూల్‌లో, బస్సులో, కాలేజీలో, హాస్టల్‌లో, ఆఫీస్‌లో, పబ్లిక్‌ ప్రదేశాల్లో.. ఇలా ఆడవాళ్లకు ఎక్కడా భద్రతా లేకుండా పోతోంది. ఇంట్లో నుంచి ఒంటరిగా బయటకు వెళ్లిన ఆడపిల్ల తిరిగి క్షేమంగా ఇంటికి వస్తే చాలని కుటుంబ సభ్యులు దేవుడిని ప్రార్థించే స్థితికి మనం చేరుకోవడం దురదృష్టకరం. వీటివల్ల ఆడవాళ్లు మానసికంగా బాగా కుంగిపోతున్నారు. కొన్ని సందర్భాల్లో పురుషులు ఆడవాళ్లపై దాడికి పాల్పడకపోయినా వాళ్లు చేసే వింత చేష్టలు, కల్పించే ఇబ్బందికర పరిస్థితులు మహిళలను భయభ్రాంతులకు గురి చేస్తున్నాయి. ఇలాంటి అనుభవాలు సామాన్యులకే కాదు.. సెలబ్రిటీలకూ ఎదురవుతుండడం గమనార్హం. ఈక్రమంలో బాలీవుడ్‌ బ్యూటీ సోనమ్‌ కపూర్‌కి కూడా ఇటీవల ఇలాంటి ఓ చేదు అనుభవమే ఎదురైంది. తను ఇటీవలే లండన్‌లో క్యాబ్‌లో ప్రయాణిస్తుండగా.. క్యాబ్‌ డ్రైవర్‌ ప్రవర్తన తనను చాలా ఇబ్బంది పెట్టిందని సోనమ్‌ తాజాగా ట్విట్టర్‌లో పోస్ట్‌ చేసింది.

Know More

women icon@teamvasundhara
significance-of-kanuma-in-telugu

కనుమ రోజు ఎందుకు ప్రయాణాలు చేయకూడదు?

తెలుగు రాష్ట్రాల ప్రజలు సంక్రాంతిని పెద్ద పండగగా పిలుచుకుంటారు. మూడు రోజుల పాటు ఎంతో సందడిగా జరిగే ఈ పండగ సమయంలో తెలుగు లోగిళ్లు కొత్త అల్లుళ్లు, బంధు మిత్రులతో కళకళలాడుతుంటాయి. పచ్చని తోరణాలతో సంక్రాంతి లక్ష్మిని ఆహ్వానించే ఈ పర్వదినంలో తొలి రోజు భోగ భాగ్యాలను ప్రసాదించే భోగి, రెండో రోజు పితృదేవతలను పూజించే సంక్రాంతి కాగా.. మూడో రోజు కనుమ. పాడి పశువుల పండగ కనుమ. వ్యవసాయ క్షేత్రాల్లో పంటల సాగుకు ఎంతో సహాయపడిన పశువులకు రైతులు కృతజ్ఞత తెలుపుకొనే రోజు. రైతులు తమకు పండిన పంటను తామే కాకుండా పశుపక్ష్యాదులతో పంచుకోవాలని పిట్టల కోసం ధాన్యపు కంకులను ఇంటి గుమ్మాలకు కడతారు. అయితే, ‘కనుమ రోజున కాకులు కూడా కదలవు’ అనే సామెతను గుర్తు చేస్తూ ఆ రోజు ప్రయాణాలు చేయొద్దని మన పూర్వీకులు చెబుతుంటారు. తరతరాలుగా అనుసరిస్తున్న ఈ సంప్రదాయ నియమాల వ్యాప్తి వెనుక ఉద్దేశాలను పరిశీలిస్తే..

Know More

women icon@teamvasundhara
sankranthi-celebrations-in-various-palces

దేశమంతటా సందడిగా సాగే సంకురాత్రి..!

ఏటా జనవరి 14 లేదా 15న వచ్చే సంక్రాంతి పండగను తెలుగు ప్రజలు ఎంత సంబరంగా జరుపుకొంటారో ప్రత్యేకంగా చెప్పక్కర్లేదు. మొదటిరోజు భోగిమంటలు వేసి, వాటి దగ్గర చలి కాచుకుంటారు. బుజ్జి పాపాయిలకు భోగిపండ్లు పోస్తారు. రెండో రోజు రంగురంగుల ముగ్గులతో వాకిలంతా నింపేసి, కొత్త బట్టలు, చక్కెర పొంగలి, పిండివంటలు, పతంగులతో సందడి చేస్తారు. ఇక మూడోరోజు కూడా పండగ హడావిడి ఏమాత్రం తగ్గకుండా కోడిపందేల జోరును కొనసాగిస్తారు. అయితే ఇదంతా తెలుగు రాష్ట్రాల్లో కనిపించే సంక్రాంతి సందడి. ఈ పండగను కేవలం ఇక్కడే కాకుండా దేశవ్యాప్తంగా ఆయా రాష్ట్రాల సంప్రదాయం ప్రకారం ఘనంగా నిర్వహిస్తారు. ఈక్రమంలో దేశవ్యాప్తంగా సంక్రాంతిని ఎలా జరుపుకొంటారో మనమూ తెలుసుకుందామా..

Know More

women icon@teamvasundhara
harvest-festivals-in-the-world

ప్రకృతికి ప్రణమిల్లే పండగలెన్నో!

రంగురంగుల ముగ్గులు, ముచ్చటగొలిపే గొబ్బెమ్మలు.. హరిదాసుల కీర్తనలు.. ఇల్లంతా నిండిపోయే వంటకాల ఘుమఘుమలు.. సంక్రాంతి అంటేనే సందడే సందడి! నిజానికి మనిషి తనకు ఎంతో సాయం చేసిన ప్రకృతికి తనవంతుగా కృతజ్ఞత చెప్పుకోవడమే సంక్రాంతి పరమార్థం. ఇందులో భాగంగా పంచభూతాలతో పాటు, సూర్యభగవానుడిని, పశుపక్ష్యాదులను పూజించడం ఎప్పటినుంచో ఆనవాయితీగా వస్తోంది. అయితే ఇలా ప్రకృతికి కృతజ్ఞత తెలుపుతూ పండగలు జరుపుకొనే సంప్రదాయం మన దేశంలోని కొన్ని రాష్ట్రాల్లోనే కాదు.. ప్రపంచ దేశాల్లోనూ కనిపిస్తుంది. వివిధ పేర్లతో, రకరకాల సంప్రదాయాలతో కొనసాగే అలాంటి కొన్ని పండగల గురించి తెలుసుకుందామా?

Know More

women icon@teamvasundhara
are-you-going-to-your-native-for-this-festival
women icon@teamvasundhara
pakistani-artist-designed-divorce-card

ఈ విడాకుల మహోత్సవ ఆహ్వాన పత్రికను చూశారా?

శ్రీకాంత్‌, రమ్యకృష్ణ జంటగా 1997లో వచ్చిన ‘ఆహ్వానం’ సినిమా ఎంతంటి సంచలనాన్ని సృష్టించిందో ప్రత్యేకంగా చెప్పాల్సిన అవసరం లేదు. డబ్బు కోసం భర్త మరో అమ్మాయిని వివాహం చేసుకోవాలని ప్రయత్నిస్తే.. భార్య అతనికి బుద్ధి చెప్పే కథను దర్శకుడు ఎస్వీ కృష్ణారెడ్డి అద్భుతంగా తెరకెక్కించాడు. విడాకులు కోరిన భర్తను ‘నువ్వు ఎలాగైతే మూడు మూళ్ల బంధంతో నన్ను వివాహం చేసుకున్నావో.. అదే విధంగా విడాకులను కూడా ఓ మహోత్సవంలా నిర్వహించాల’ని డిమాండ్‌ చేస్తుంది. దానికి ‘విడాకుల మహోత్సవం’ అనే పేరు కూడా పెడుతుంది హీరోయిన్‌. అంతేకాదు ఇందుకోసం ఏకంగా ఆహ్వాన పత్రికలను కూడా ముద్రిస్తుంది. 23 ఏళ్ల క్రితం విడుదలైన ఈ సినిమా అప్పట్లో ఓ సంచలనం అని చెప్పుకోవాలి. అయితే ఇప్పుడు ఇదంతా ఎందుకు అనుకుంటున్నారా? పాకిస్థాన్‌కు చెందిన ఓ ఆర్టిస్టు కూడా పెళ్లిలాగే విడాకులను ఓ వేడుకలా జరుపుకోవాలని పిలుపునిస్తుంది. అది కూడా ఏదో మాటవరసకు కాదు.. అందుకోసం ఏకంగా ‘విడాకుల ఆహ్వాన కార్డు’ను కూడా రూపొందించింది. ప్రస్తుతం ఆ కార్డు సోషల్‌ మీడియాలో వైరల్‌గా మారింది. ఇంతకీ ఆమె ‘విడాకుల ఆహ్వాన కార్డు’ను ఎందుకు రూపొందించింది? దీనితో ఆమె ఇవ్వాలనుకున్న సందేశమేంటి? తెలుసుకోవాలనుకుంటే ఈ స్టోరీ చదివేయండి..

Know More