scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

ఈ ఏడాది సోషల్‌ మీడియాలో ‘సెన్సేషనల్‌ టాపిక్స్‌’ ఇవే..!

Stories those went viral in 2019

2019కి వీడ్కోలు చెప్పడానికి ఇంకెంతో సమయం లేదు. ప్రతి ఏడాది లాగే ఈ ఏడాదిలో కూడా మన జ్ఞాపకాల్లో నిలిచిపోయిన సంఘటనలు ఎన్నో ఉన్నాయి. ముఖ్యంగా సోషల్‌ మీడియా వాడకం పెరిగాక ప్రపంచంలో ఏ మూల, ఏ విషయం జరిగినా సరే క్షణాల్లో అది మనకు తెలిసిపోతుంది. ఇలా ఈ 2019 ఆరంభం నుంచి చివరి వరకు ఎన్నో విషయాలు సోషల్‌ మీడియా ద్వారా మనల్ని పలకరించాయి. వీటిలో కొన్ని మనల్ని ఆశ్చర్యపరిస్తే.. మరికొన్ని భావోద్వేగానికి గురి చేశాయి. కొన్ని ఆనందపర్చితే.. మరికొన్ని మనలో స్ఫూర్తి నింపాయి. ఈ క్రమంలో 2019లో సోషల్‌ మీడియాలో హల్‌చల్‌ చేసిన పది వైరల్‌ స్టోరీస్‌ మీకోసం..!

వరల్డ్‌ రికార్డ్‌ సాధించిన గుడ్డు ఫొటో..!

ఈ ఏడాది ప్రారంభంలోనే ఓ స్టోరీ ప్రపంచవ్యాప్తంగా వైరలైంది. ఇన్‌స్టాగ్రామ్‌లో ‘world_record_egg’ పేరుతో మొదలైన ఓ పేజీలో మొదటి పోస్ట్‌గా ఒక గుడ్డు ఫొటోను షేర్‌ చేశారు. ఇలా పోస్ట్‌ చేసిన కొద్ది రోజుల్లోనే ఈ ఫొటోకు వేలు కాదు, లక్షలు కాదు.. కోట్లలో లైకులు రావడం విశేషం. అప్పటివరకు ఇన్‌స్టాలో అత్యధిక లైకులు సంపాదించిన ఫొటోగా పేరొందిన కైలీ జెన్నర్స్‌ (అమెరికాకు చెందిన ప్రముఖ మోడల్‌, వ్యాపారవేత్త) ఫొటోను ఈ గుడ్డు ఫొటో అధిగమించి వరల్డ్‌ రికార్డ్‌ సృష్టించడం విశేషం. ఈ వార్త సోషల్‌ మీడియాలో తెగ హల్‌చల్‌ చేసింది. ఈ గుడ్డు ఫొటోకు ఇప్పటివరకు 54 మిలియన్ల లైకులు, 3.2 మిలియన్ల కామెంట్లు రావడం విశేషం. అంతేకాదు, ఈ ‘world_record_egg’ ఇన్‌స్టా పేజ్‌ను 7.4 మిలియన్ల మంది ఫాలో అవుతున్నారు.

View this post on Instagram

A post shared by EGG GANG 🌍 (@world_record_egg) on

సచిన్‌కు షేవింగ్‌ చేసిన బార్బర్‌ గర్ల్‌..!

కుటుంబ పోషణ కోసం క్షవర వృత్తిలో రాణిస్తోన్న అక్కాచెల్లెళ్లు జ్యోతి, నేహలను ప్రఖ్యాత క్రికెటర్‌ సచిన్‌ తెందూల్కర్‌ స్వయంగా వెళ్లి కలిసిన వార్త ఇంటర్నెట్‌లో బాగా వైరలైంది. ఉత్తరప్రదేశ్‌కు చెందిన జ్యోతి, నేహలు.. తండ్రికి పక్షవాతం రావడంతో మగ పిల్లలుగా వేషం మార్చుకొని మరీ క్షవర వృత్తిలోకి దిగడం చాలామందిని కదిలించింది. వీరి ప్రతిభ గురించి ఆ నోట ఈ నోట పాకి.. ప్రముఖ షేవింగ్‌ బ్రాండ్‌ జిల్లెట్‌ని చేరింది. దీంతో ఆ సంస్థ వీరిపై ఓ టీవీ ప్రకటనను రూపొందించింది. ‘ది బార్బర్‌ షాప్‌ గర్ల్స్‌ ఆఫ్‌ ఇండియా’ పేరుతో యూట్యూబ్‌లో విడుదలైన ఈ ప్రకటన అనతికాలంలోనే 16 మిలియన్లకు పైగా వ్యూస్‌ని సంపాదించడం విశేషం. ఈ ప్రకటన సచిన్‌ని కూడా చేరడంతో వాళ్లను స్వయంగా కలవాలనుకున్నాడు మాస్టర్‌ బ్లాస్టర్‌. ఈ క్రమంలో తను వాళ్ల షాప్‌కి వెళ్లి గడ్డం కూడా గీయించుకున్నాడు. ఈ సందర్భంగా తీసిన ఫొటోను సచిన్‌ ట్విట్టర్‌లో షేర్‌ చేస్తూ ‘నాకిది మొదటిసారి..! మీకు ఈ విషయం తెలియకపోవచ్చు. నేను గతంలో ఎవరి వద్దా షేవింగ్‌ చేయించుకోలేదు. ఆ రికార్డు ఈరోజు బద్దలైంది. #Barbershopgirlsని కలిసి ‘జిల్లెట్‌ ఇండియా స్కాలర్‌షిప్‌’ వారికి అందజేయడం నాకెంతో గర్వంగా ఉంది’ అంటూ తన భావాలను పంచుకున్నారు సచిన్‌.

నేషనల్‌ క్రష్‌గా మారిన ఆర్‌సీబీ గర్ల్‌..!

సోషల్‌ మీడియా వచ్చాక.. ఎవరు, ఎప్పుడు, ఎందుకు, ఎలా స్టార్స్‌గా మారతారో చెప్పడం కష్టమైంది. ఈ క్రమంలో ఈ సంవత్సరం మే 4న రాయల్‌ ఛాలెంజర్స్‌ బెంగళూరు (RCB) - సన్‌రైజర్స్‌ హైదరాబాద్‌ (SRH) జట్ల మధ్య జరిగిన ఐపీఎల్‌ మ్యాచ్‌లో తన ఓరనవ్వుతో కుర్రకారు హృదయాలను కొల్లగొట్టింది దీపికా ఘోష్‌. ఆర్‌సీబీ ఫ్యాన్‌ అయిన ఈ ముద్దుగుమ్మ మ్యాచ్‌ జరుగుతుండగా మిగతా ఫ్యాన్స్‌లాగే జెండా పట్టుకొని ఆ జట్టుని ఉత్సాహపరుస్తోంది. ఎర్రటి ఆఫ్‌ షోల్డర్‌ క్రాప్‌ టాప్‌లో సందడి చేస్తోన్న ఈ బ్యూటీ వైపు ఐపీఎల్‌ కెమెరా ఇలా తిరిగిందో లేదో.. అమ్మాయి చిరునవ్వుకి కుర్రాళ్లకి నిజంగానే మతిపోయింది. అంతే ఈ ‘ఆర్‌సీబీ గర్ల్‌’ ఎవరంటూ.. ఆమె గురించి గూగుల్‌లో వెతకడం మొదలుపెట్టారు. అంతేకాదు, మ్యాచ్‌ జరిగిన కొన్ని గంటల్లోనే తన సోషల్‌ మీడియా ఖాతాలకు విపరీతమైన ఫాలోయింగ్‌ పెరిగింది. దీంతో చూస్తుండగానే దీపిక నేషనల్‌ క్రష్‌గా మారడం విశేషం.

87 ఏళ్ల అభిమాని..!

మన దేశంలో చిన్నా, పెద్దా అనే వయోభేదం లేకుండా ఎక్కువశాతం మంది ఇష్టపడే ఆట క్రికెట్‌. మ్యాచ్‌ జరుగుతున్నప్పుడు టీవీల ముందు కూర్చొని అభిమానులు చేసే హడావిడి అంతా ఇంతా కాదు. ఇక అదే మ్యాచ్‌ను లైవ్‌గా స్టేడియంలో చూసే వాళ్ల గురించి ప్రత్యేకంగా చెప్పనక్కర్లేదు. తమ చప్పట్లు, ఈలలు, అరుపులతో ఆటగాళ్లను ఉత్సాహపరుస్తుంటారు. ఈ క్రమంలో ఈ సంవత్సరం జరిగిన క్రికెట్‌ వరల్డ్‌ కప్‌లో భాగంగా ఇండియా-బంగ్లాదేశ్‌ మధ్య జరిగిన మ్యాచ్‌ను ప్రత్యక్షంగా వీక్షించేందుకు చారులత అనే ఓ 87 ఏళ్ల బామ్మ కూడా వచ్చింది. మ్యాచ్‌ జరుగుతుండగా మన వాళ్లు కొట్టే సిక్సులు, ఫోర్లకు.. బామ్మ కూడా చిన్నపిల్లలా మారిపోయి బూరలూదుతూ, కేరింతలు కొడుతూ ఎంజాయ్‌ చేసింది. అలా ఈ బామ్మ ఆనందాన్ని పదే పదే కెమెరా హైలైట్‌ చేయడంతో ఆమె ఉత్సాహాన్ని చూసిన మన క్రికెటర్లు మ్యాచ్‌ ఆడుతూనే ఎంతగానో మురిసిపోయారు. అంతేకాదు, మ్యాచ్‌ ముగిశాక కోహ్లీ, రోహిత్‌ శర్మ.. ఆమె దగ్గరకు వెళ్లి బామ్మకు ప్రత్యేకంగా కృతజ్ఞతలు చెప్పారు. ఈ సందర్భంగా తీసిన ఫొటోలు విపరీతంగా వైరలయ్యాయి.

రనూ మోండల్‌.. సింగింగ్‌ సెన్సేషన్‌..!

సోషల్‌ మీడియా పుణ్యమాని ఓవర్‌నైట్‌ స్టార్‌గా మారిన వారిలో రనూ మోండల్‌ ఒకరు. రైల్వే స్టేషన్‌లో యాచకురాలిగా జీవనం సాగించే ఆమె సింగింగ్‌ ట్యాలెంట్‌కు అదృష్టం తోడై అనతికాలంలోనే బాలీవుడ్‌ సింగర్‌గా మారింది. ఒకనాడు రైల్వేస్టేషన్‌లో రనూ మోండల్‌ ‘ఏక్‌ ప్యార్‌ కా నగ్‌మా హై’ అనే లతా మంగేష్కర్‌ ఆలపించిన పాటను పాడుతుండగా.. అతీంద్ర చక్రబొర్తి అనే ఓ సాఫ్ట్‌వేర్‌ ఇంజినీర్‌ వీడియో తీసి ఫేస్‌బుక్‌లో పోస్ట్‌ చేశాడు. అంతే.. ఈ వీడియో నిమిషాల్లో వైరల్‌గా మారింది. ఇంతటి గాన ప్రతిభ ఉన్నా ఆమె రైల్వేస్టేషన్‌లో ఏం చేస్తోందంటూ.. నెటిజన్లు కామెంట్లు పెట్టడం మెదలుపెట్టారు. ఈ వీడియో ప్రముఖ సంగీత దర్శకుడు హిమేష్‌ రేషమ్మియాని చేరుకుంది. రను ప్రతిభను చూసి ముగ్ధుడైన హిమేష్‌ తన తదుపరి చిత్రం ‘హ్యపీ హార్డీ అండ్‌ హీర్‌’ చిత్రంలో ‘తేరీ మేరీ కహానీ’ అనే పాటను రనుతో పాడించారు. ఈ సందర్భంగా తీసిన వీడియోను హిమేష్‌ సోషల్‌ మీడియాలో పోస్ట్‌ చేయగా.. అది ఇంటర్నెట్‌లో సెన్సేషన్‌గా మారింది. సామాన్యుల నుంచి సెలబ్రిటీల వరకు రనుపై ప్రశంసల వర్షం కురిపించారు. దీంతో ఆమె చూస్తుండగానే సెలబ్రిటీగా మారింది.

ఒక్క ట్వీట్‌తో గూగుల్‌ సీఈవోనే మెప్పించింది..!

ఒక సాధారణ అమ్మాయి చేసిన ట్వీట్‌ గూగుల్‌ సీఈవోను ఆకర్షించిన సంఘటన ఈ ఏడాది వైరలైన స్టోరీస్‌లో ఒకటి. క్యాలిఫోర్నియాలోని బెర్కలీ నగరానికి చెందిన సారాఫిన్‌ నాన్స్‌ అనే 26 ఏళ్ల అమ్మాయికి చిన్నతనం నుంచి ‘ఫిజిక్స్‌’ సబ్జెక్ట్‌ అంటే చాలా భయం. ఆ భయమే నాలుగేళ్ల క్రితం క్వాంటమ్‌ ఫిజిక్స్‌లో ఆమెకు 0 మార్కులొచ్చేలా చేసింది. కానీ, ఆమె ఆ సబ్జెక్ట్‌ను వదలకుండా పట్టు సాధించి అందులో పీహెచ్‌డీ కూడా చేసింది. ఈ విషయాన్ని తను ట్విట్టర్‌లో వివరంగా పోస్ట్‌ చేసింది.

sarafinanancephysics650-4.jpg

నాలుగేళ్ల క్రితం క్వాంటమ్‌ ఫిజిక్స్‌ ఎగ్జామ్‌లో నాకు 0 మార్కులొచ్చాయి. దీంతో నేను నా ప్రొఫెసర్‌ని కలిసి ..‘నాకెందుకో క్వాంటమ్‌ ఫిజిక్స్‌ అంటే భయమేస్తోంది. నేను నా సబ్జెక్ట్‌ని మార్చుకుంటా’ అని చెప్పా. ఇది విని ఆయన ‘నువ్వు ఆ పని చేయడమే కరెక్టేమో’ అన్నట్లు చూశాడు. ఆ చూపులు నా ఆలోచనను పూర్తిగా మార్చేశాయి. ప్రస్తుతం నేను శాస్త్ర సాంకేతిక రంగాల్లో ఒకటైన ఆస్ట్రో ఫిజిక్స్‌లో పీహెచ్‌డీ చదువుతున్నా..! ఇప్పటికే ఇందులో రెండు థీసిస్‌లు కూడా ప్రచురితమయ్యాయి. స్టెమ్‌ (సైన్స్‌, టెక్నాలజీ, ఇంజినీరింగ్‌, మ్యాథ్స్‌) అంటే చాలామంది ఎంతో కఠినమైన సబ్జెక్ట్‌గా భావిస్తుంటారు. అలాగని దీనిలో ప్రవేశించడానికి వారు అనర్హులు అని కాదు..’ అంటూ ట్వీట్‌ చేసింది. ఈ ట్వీట్‌ ఎంతోమంది యువతకు స్ఫూర్తినిచ్చింది. ఈ క్రమంలో గూగుల్‌ సీఈవో సుందర్‌ పిచాయ్‌ కూడా దీనిపై స్పందించడం విశేషం. ‘చాలా బాగా చెప్పారు..! మీ అనుభవం ఎంతో స్ఫూర్తిదాయకంగా ఉంది’ అంటూ ఆయన ట్వీట్‌ చేయడంతో ఈ వార్త మరింత వైరలైంది.

ఆకట్టుకున్న గ్రెటా ఉద్వేగభరిత ప్రసంగం..!

ప్రస్తుతం తమ సౌకర్యాలు, విలాసాల కోసం పర్యావరణానికి హాని చేస్తోన్న వారిని ఐక్యరాజ్య సమితి వేదికపై ఓ 16 ఏళ్ల అమ్మాయి నిలదీసింది. ఆమె ఉద్విగ్నభరిత ప్రసంగం, భావోద్వేగాలతో నిండిన మాటలు.. ప్రపంచవ్యాప్తంగా ఆమె గురించి మాట్లాడుకునేలా చేశాయి. ఈ సంవత్సరం ఐరాస సెక్రటరీ జనరల్‌ ఆంటోనియో గుటెరస్‌ ఆధ్వర్యంలో ‘ప్రపంచ వాతావరణ శిఖరాగ్ర సదస్సు’ జరిగింది. ఇందులో ఆయా దేశాధినేతలు పాల్గొని పర్యావరణ కాలుష్యాన్ని అరికట్టేందుకు తీసుకునే చర్యల గురించి తమ ప్రణాళికల్ని వివరించారు. ఈ క్రమంలో పర్యావరణ పరిరక్షణ కోసం తన చదువునే త్యాగం చేసి మార్పు కోసం పోరాడుతోన్న స్వీడిష్‌ టీనేజర్‌ గ్రెటా థున్‌బర్గ్‌ కూడా ఈ సదస్సులో ప్రసంగించింది.

GretaThunbergspeech650.jpg

ప్రస్తుతం వాతావారణమంతా కలుషితమవుతోంది. అలా కాకుండా ఉంటే ఇప్పుడు నేను ఇక్కడ ఉండేదాన్నే కాదు..! అందరు పిల్లల్లాగే హాయిగా బడిలో పాఠాలు నేర్చుకునేదాన్ని. మీ నిస్సారమైన మాటలు, చేతలతో ఓవైపు పర్యావరణాన్ని నాశనం చేస్తూనే, మా ఆశల్ని ఆవిరి చేస్తున్నారు. మీ చేతకాని మాటల వల్ల మా బాల్యాన్ని, భవిష్యత్తు గురించి మేము కన్న కలల్ని ఆవిరి చేశారు. నానాటికీ కలుషితమైపోతోన్న ఈ పర్యావరణం ఎందరో సామాన్య ప్రజలకు శాపంగా పరిణమిస్తోంది. మా తరం తీవ్ర విపత్తుకు ఆరంభంలో ఉంది. అయినా మీరేమో డబ్బు, విలువలు, ఆర్థిక వృద్ధి.. అంటూ కల్లబొల్లి మాటలు చెబుతున్నారు. అలా మమ్మల్ని పట్టించుకోకుండా, మా మాటల్ని పెడచెవిన పెట్టడానికి మీకెంత ధైర్యం..?భవిష్యత్‌ తరానికి ఆరోగ్యకర వాతావరణాన్ని అందించకుండా ఉండేందుకు మీకెంత ధైర్యం..?’ అంటూ అందరినీ కడిగేసింది. ప్రపంచ వ్యాపంగా ఈ వీడియోను చూసిన వారంతా గ్రెటా ప్రసంగానికి నిర్ఘాంతపోయారు. పర్యావరణంపై తను చూపించే బాధ్యత ప్రతి ఒక్కరిలో ఉండాలని సామాన్యుల నుంచి సెలబ్రిటీల వరకు ఆమెను ప్రశంసలతో ముంచెత్తారు.

చెల్లి కోసం చెఫ్‌గా మారిన అన్న..!

తన చిన్నారి చెల్లి ఆకలి తీర్చేందుకు తానే స్వయంగా వంట చేశాడు ఓ బుడతడు. ఈ సందర్భంగా తీసిన ఓ వీడియో సోషల్‌ మీడియాలో తెగ హల్‌చల్‌ చేసింది. అచ్చం ఆరితేరిన వంటవాడిలా ముందు ఓ గుడ్డు కొట్టి మూకుట్లో వేసిన అన్నకి.. చెల్లి గరిట అందించి సహాయం చేయడం నెటిజన్లను ఆకట్టుకుంది. ఇక ఈ బుడ్డోడు వంట చేస్తున్నప్పుడు కూరగాయ ముక్కలను తీసుకొచ్చి ఓ ముక్క చెల్లికిచ్చి.. ఓ ముక్కను తన నోట్లో వేసుకోవడం ముచ్చటగా అనిపించింది. ఇలా కాసేపట్లోనే పసందైన ఫ్రైడ్‌రైస్‌ని ఎడమ చేత్తో కలిపేసి వేడి వేడిగా చెల్లికి వడ్డించి.. ఆ తర్వాత తను తిన్నాడీ బుల్లి బ్రదర్‌. ఇండోనేషియాకు చెందిన ఈ అన్నాచెల్లెళ్ల వీడియోను ‘ఫెస్‌’ అనే ఆహార సంస్థ సోషల్‌ మీడియాలో పోస్ట్‌ చేసింది. ఈ వీడియోను చూసినవారంతా ‘నాకూ అలాంటి అన్న ఉంటే ఎంత బాగుండేది..!’ అంటూ చెల్లిపై అతనికున్న ప్రేమను తెగ పొగుడుతూ కామెంట్లు పెట్టారు.

పనిమనిషికి బిజినెస్‌ కార్డ్‌ డిజైన్‌ చేసింది..!

ఉపాధి కోల్పోయిన తన పని మనిషికి సహాయం చేసేందుకు యజమానురాలు చేసిన ఓ వినూత్న ప్రయత్నం ఈ ఏడాది నెటిజన్లను విపరీతంగా ఆకట్టుకుంది. పుణేలో బిజినెస్‌ ఎగ్జిక్యూటివ్‌గా పని చేస్తోన్న ధనశ్రీ ఇంట్లో గీతా కాలే పనిమనిషిగా చేస్తోంది. అయితే గీత పని చేసే ఇళ్లలో ఒక ఇంట్లో తన ఉద్యోగం పోయిందని విషయం తెలుసుకున్న ధనశ్రీకి ఓ ఆలోచన వచ్చింది. వెంటనే గీతకు ఎలాంటి పనుల్లో ప్రావీణ్యం ఉందో.. అందుకు తను ఎంత వేతనం కోరుకుంటోందో.. తదితర వివరాలు ఆమెను అడిగి తెలుసుకుంది. వీటితో తన పని మనిషి పేరిట ఓ విజిటింగ్‌ కార్డ్‌ను తయారు చేసింది ధనశ్రీ. ‘అంట్లు తోమడానికి రూ. 800, ఇల్లు శుభ్రం చేయడానికి రూ. 800, బట్టలు ఉతకడానికి రూ. 800, రొట్టెలు చేయడానికి రూ.1000.. వీటితో పాటు కూరగాయలు తరగడం వంటి సేవలు కూడా పొందవచ్చు’ అంటూ తన ఫోన్‌ సహాయంతోనే గీత పేరుతో తను ఓ బిజినెస్‌ కార్డ్‌ను డిజైన్‌ చేసింది. ఈ డిజైన్‌తో 100 కార్డులు ప్రింట్‌ చేయించి దగ్గర్లో ఉన్న అపార్ట్‌మెంట్లు, సొసైటీ వాచ్‌మన్‌లకు పంచమని గీతకు ఇచ్చింది. అంతేకాదు, ఈ విషయాన్ని ధనశ్రీ సోషల్‌ మీడియాలో కూడా పోస్ట్‌ చేసింది. దీంతో గీత సేవలు వినియోగించుకుంటామంటూ వేల సంఖ్యలో కాల్స్‌ వచ్చాయి. అంతేకాదు, సమయస్ఫూర్తితో సాటి ఆడదాని సమస్యను పరిష్కరించిన ధనశ్రీపై ప్రశంసల వర్షం కురిపించారు నెటిజన్లు.

ఆట మధ్యలో బిడ్డకు పాలిచ్చిన తల్లి..!

మిజోరంలో ఓ వాలీబాల్‌ క్రీడాకారిణి ఆట మధ్యలో తన బిడ్డ ఆకలి తీర్చిన తీరు నెటిజన్ల హృదయాలను హత్తుకుంది. మిజోరం రాష్ట్రానికి చెందిన లాల్‌వెంట్లుయాంగీ అనే వాలీబాల్‌ క్రీడాకారిణి టుయ్‌కమ్‌ నియోజక వర్గానికి చెందిన వాలీబాల్‌ జట్టుకు ప్రాతినిథ్యం వహిస్తోంది. ఈ క్రమంలోనే ఓ మ్యాచ్‌లో పాల్గొన్న ఆమె.. గ్రౌండ్‌కు తన ఏడు నెలల కూతురును కూడా తీసుకొచ్చింది. ఆట మొదలైన కాసేపటికే చిన్నారి ఆకలితో గుక్క పెట్టి ఏడుస్తోంది. ఇది చూసిన తల్లి వెంటనే బ్రేక్‌ సమయంలో బిడ్డను గుండెలకు హత్తుకొని పాలిచ్చింది. ఈ సందర్భంగా తీసిన ఫొటోను నిగ్లూన్‌ హంఘల్‌ అనే మహిళ ఫేస్‌బుక్‌లో పోస్ట్‌ చేసింది. దీంతో ఈ ఫొటో సోషల్‌ మీడియాలో ట్రెండింగ్‌గా మారింది. ఈ ఫొటోను చూసిన నెటిజన్లు ఆ క్రీడాకారిణిని ప్రశంసలతో ముంచెత్తారు. ఈ ఫొటోను చూసిన మిజోరం క్రీడా శాఖ మంత్రి రాబర్ట్‌ రొమావియా లాల్‌వెంట్లుయాంగీని అభినందిస్తూ రూ.10,000 నగదును బహుమతిగా ప్రకటించారు.





women icon@teamvasundhara
online-food-delivery-precautions-during-corona-crisis

ఆన్‌లైన్‌లో ఫుడ్‌ ఆర్డర్‌ చేస్తున్నారా? అయితే ఈ జాగ్రత్తలు మీకోసమే..!

కరోనా సృష్టిస్తోన్న కల్లోలం ఇప్పట్లో ఆగేలా లేదు. దీని ధాటికి ప్రపంచంలోని దాదాపు చాలా దేశాలు లాక్‌డౌన్‌లోనే ఉన్నాయి. ప్రజలంతా ఇళ్లకే పరిమితమైన పరిస్థితులు నెలకొన్నాయి. ఇదిలా ఉంటే సాధారణ సమయాల్లోనే ఆన్‌లైన్‌లో ఫుడ్‌ ఆర్డర్‌ చేసుకోవడానికి అలవాటు పడిన నగర వాసులు ఇప్పుడు కరోనా విజృంభణ నేపథ్యంలో ఆన్‌లైన్‌లో ఆర్డర్‌ చేసుకోవాలంటే ఒకటికి రెండు సార్లు ఆలోచిస్తున్నారు. పోనీ ఇంట్లో/బ్యాచిలర్‌ రూమ్‌ల్లో వంట చేసుకొని తిందామంటే కొన్ని ప్రాంతాల్లో నిత్యావసర వస్తువులు కూడా దొరకని పరిస్థితులున్నాయి. దాంతో ఇక తప్పని పరిస్థితుల్లోనైనా ఆన్‌లైన్‌లోనే ఆహార పదార్థాలను ఆర్డర్‌ చేసుకుంటున్నారు. అయితే శరవేగంగా వ్యాపిస్తోన్న ఈ వైరస్‌ డెలివరీ బాయ్స్‌ ద్వారా కానీ, పార్శిళ్ల ద్వారా కానీ మనదాకా రాకుండా ఉండాలంటే ఎలాంటి జాగ్రత్తలు తీసుకోవాలో ఇప్పుడు తెలుసుకుందాం..

Know More

women icon@teamvasundhara
american-student-makes-different-masks-for-deaf-people

వారి కోసమే.. నోరు కనిపించే ఈ ప్రత్యేక మాస్కులు!

కరోనా మహమ్మారి సృష్టిస్తోన్న అల్లకల్లోలం గురించి ప్రత్యేకంగా పరిచయం చేయాల్సిన అవసరం లేదు. గత కొన్ని రోజులుగా ఎక్కడ చూసినా.. ఎక్కడ విన్నా కరోనాకు సంబంధించిన వార్తలే కనిపిస్తున్నాయి, వినిపిస్తున్నాయి. ఈ వైరస్‌ విజృంభణ నేపథ్యంలో వ్యక్తిగత పరిశుభ్రతతో పాటు పరిసరాల పరిశుభ్రతపై ప్రజల్లోనూ అవగాహన పెరిగింది. ఇక ఎన్నడూ లేని విధంగా మాస్కుల వినియోగం బాగా పెరిగిపోయింది. ప్రస్తుతం ఈ మాస్కుల్లోనూ ఎన్నో రకాలు మార్కెట్లో హల్‌చల్‌ చేస్తున్నాయి. అయితే అవసరం నుంచే ఓ ఆలోచన పుడుతుందన్నట్లు సరికొత్త మాస్కుకు రూపకల్పన చేసింది అమెరికాకు చెందిన ఓ యూనివర్సిటీ స్టూడెంట్‌. ఇంతకీ ఆమె రూపొందించిన ఈ మాస్కుల్లో ఉన్న ప్రత్యేకత ఏంటనేగా మీ సందేహం? అయితే ఈ స్టోరీలోకి వెళ్లాల్సిందే...!

Know More

women icon@teamvasundhara
what-is-the-reason-behind-14-days-quarantine-why-in-some-cases-14-days-quarantine-is-not-enough

14 రోజుల స్వీయ నిర్బంధం ఎందుకంటే..?

కరోనా.. కంటికి కనిపించదు.. కానీ ప్రపంచామంతా అది చేసే మరణ మృదంగమే వినిపిస్తోంది. ఎవరికి ఏ మాత్రం కాస్త జలుబు, దగ్గు లక్షణాలున్నా అందరూ వారిని చూసి భయపడిపోతున్నారు. ఒకవేళ ఇలాంటి లక్షణాలున్నా లేకపోయినా.. లాక్‌డౌన్‌కు ముందు వరకు దూర ప్రయాణాలు చేసిన వారిని 14 రోజుల పాటు స్వీయ నిర్బంధం పాటించాలంటూ నిపుణులు సూచించిన సంగతి తెలిసిందే. ఇంతకీ ఏమిటీ 14 రోజుల లెక్క? రెండు వారాల స్వీయ నిర్బంధం వల్ల కలిగే ప్రయోజనాలు ఏమిటి? నిజానికి కొవిడ్‌ లక్షణాలు ఈ రెండు వారాల్లోనే బయటపడతాయా? ఇలా ఎన్నో ప్రశ్నలు చాలామందిలో మెదులుతున్నాయి. వీటిన్నింటికి సమాధానాలు ఈ కథనంలో తెలుసుకుందాం రండి..

Know More

women icon@teamvasundhara
these-corona-warriors-are-putting-their-sincere-efforts-to-serve-society

అందుకే వీళ్లు నిజమైన ‘కరోనా యోధులు’ !

కరోనా విజృంభణను అదుపు చేసేందుకు కేంద్ర, రాష్ట్ర ప్రభుత్వాలు అన్ని రకాల ప్రయత్నాలూ చేస్తున్నాయి. కానీ, ఎక్కువ జనాభా, జనసాంద్రత కలిగిన మన దేశంలో ప్రజలను కరోనా నుంచి కాపాడగలిగే సూత్రం ‘లాక్‌డౌన్‌’ ఒక్కటే..! అయితే ఇలాంటి విపత్కర పరిస్థితుల్లో అత్యవసర విభాగాలకు చెందిన ఎంతోమంది ఉద్యోగులు పగలు, రాత్రి అనే తేడాల్లేకుండా పని చేస్తుంటే.. వారితో పాటు ప్రజలకు సేవలందించేందుకు స్వచ్ఛందంగా ముందుకొస్తున్నారు మరికొందరు. ఈ క్రమంలో ఇలాంటి వాళ్ల గురించి, సమాజానికి వారు చేస్తోన్న సేవా కార్యక్రమాల గురించి సోషల్‌ మీడియా వేదికగా ప్రజలకు తెలియజెప్పే ప్రయత్నం చేస్తోంది NITI (National Institution for Transforming India) Aayog సంస్థ. మరి, ఆ విశేషాలేంటో మనమూ తెలుసుకుందామా..!

Know More

women icon@teamvasundhara
today-horoscope-details-06-04-2020
women icon@teamvasundhara
government-launches-dedicated-online-portal-to-fight-against-fake-news

కరోనాపై వచ్చే పుకార్లను కనిపెట్టేందుకే ఈ వేదికలు!

ప్రస్తుతం మనకున్న టెక్నాలజీ పుణ్యమాని ప్రపంచంలో ఏ మూల.. ఏం జరిగినా క్షణాల్లో మనం తెలుసుకోగలుగుతున్నాం. ముఖ్యంగా వాట్సాప్‌, యూట్యూబ్‌, ఫేస్‌బుక్‌, ఇన్‌స్టా్గ్రామ్‌, ట్వి్ట్టర్‌, టిక్‌టాక్‌.. వంటి సోషల్‌ మీడియా వేదికలు వచ్చాక.. ఒక వార్త గురించి టీవీ ఛానళ్లలో ప్రసారం కావడానికి ముందే ప్రజలకు చేరువవుతోంది. ఇది ఒక విధంగా మంచిదే అయినప్పటికీ.. దీని వల్ల పలు నష్టాలు కూడా ఉన్నాయి. అవేంటంటే.. కొంతమంది తమ దగ్గరకు వచ్చిన వార్తను వెంటనే ఇతరులతో పంచుకోవాలనే తొందరలో అందులో ఎంతవరకు నిజముందో గ్రహించకుండా ఆ వార్తను ఇతరులకు షేర్‌ చేస్తుంటారు. కొన్ని సందర్భాల్లో ఇలాంటి వార్తలు ప్రజలను భయాందోళనలకు గురి చేస్తుంటాయి.

Know More

women icon@teamvasundhara
italians-hang-baskets-with-food-for-poor-in-corona-crisis

సామాజిక దూరం పాటిస్తూనే సాయం చేస్తున్నారు..!

కరోనా వైరస్‌ కేవలం ప్రజల ఆరోగ్యాలపైనే కాకుండా ఆర్థిక వ్యవస్థపై కూడా తీవ్ర ప్రభావం చూపిస్తోంది. వేల మంది ఉద్యోగుల భవితవ్యం ప్రమాదంలో పడే అవకాశాలు కనిపిస్తున్నాయి. ఇక కూలీ పనులు చేసుకొని బతికే వారి గురించి ప్రత్యేకంగా చెప్పాల్సిన అవసరం లేదు. ఉపాధి లేకపోవడంతో ఆకలితో అలమటిస్తోన్న వారి సంఖ్య రోజురోజుకీ పెరిగిపోతోంది. ఈ సమస్య కేవలం ఒక్క భారతదేశానికే పరిమితం కాదు.. అభివృద్ధి చెందిన దేశాల్లోనూ ఇదే పరిస్థితి కనిపిస్తోంది. ఈ క్రమంలోనే ఆకలితో అలమటిస్తోన్న వారికి కొందరు తమ వంతుగా వీలైనంత సాయం చేస్తున్నారు. కరోనా కోరల్లో చిక్కుకొని విలవిల్లాడుతోన్న ఇటలీలోనూ కొంతమంది అటు లాక్‌డౌన్‌ పాటిస్తూనే.. ఇటు అన్నార్థుల ఆకలి తీరుస్తున్నారు. ఈ క్రమంలో వారేం చేశారంటే..

Know More

women icon@teamvasundhara
couple-replaces-relatives-with-cardboard-in-lockdown-marriage

వీరి వివాహానికి అట్టబొమ్మలే అతిథులయ్యారు!

కరోనా వైరస్‌ (కొవిడ్‌-19) విజృంభిస్తోన్న నేపథ్యంలో ప్రపంచంలోని దాదాపు అన్ని దేశాలు కఠిన చర్యలు చేపడుతున్నాయి. లాక్‌డౌన్‌ పేరుతో జనసమూహం గుమిగూడే ఎలాంటి కార్యక్రమాలు జరగకుండా చూస్తున్నాయి. ఇక వివాహం లాంటి శుభకార్యాలైతే వాయిదా వేసుకోవడానికే ప్రయత్నిస్తున్నారు చాలామంది. మరీ కాదనుకుంటే తక్కువ మంది సమక్షంలోనే ఏదో మొక్కుబడిగా కార్యం కానిచ్చేస్తున్నారు. అమెరికాకు చెందిన ఓ జంటకు కూడా అచ్చంగా ఇలాంటి సమస్యే ఎదురైంది. అయితే ఆ జంట మాత్రం అతిథుల్ని ఆహ్వానించడంలో ఏమాత్రం వెనకడుగు వేయలేదు. ఈ క్రమంలోనే ఆ జంట కాస్త భిన్నంగా ఆలోచించి బోలెడంత మంది అతిథుల సమక్షంలో ఒక్కటైంది. ఈ కరోనా నేపథ్యంలో అదెలా సాధ్యమైంది.. అనేగా మీ సందేహం..? వారి కథేంటో తెలుసుకోవాలంటే ఈ స్టోరీలోకి వెళ్లాల్సిందే..

Know More

women icon@teamvasundhara
kerala-elderly-couple-age-93-and-88-recover-from-corona-virus

వృద్ధాప్యంలో కూడా ‘కరోనా’ను అలా జయించారు!

ప్రపంచమంతా ప్రకంపనలు సృష్టిస్తోన్న కరోనా వైరస్‌ క్రమక్రమంగా భారతదేశంలోనూ విస్తరిస్తోంది. ముఖ్యంగా మహారాష్ర్ట, కేరళ రాష్ట్రాల్లో ఈ మహమ్మారి కరాళ నృత్యం చేస్తోంది. ఈ రెండు రాష్ట్రాల్లో ఇప్పటికే వందలాది మంది ఈ వైరస్‌ బారిన పడ్డారు. ఇక కరోనాకు సంబంధించి ఎక్కువ మంది బాధితులు వృద్ధులేనని, వ్యాధినిరోధక శక్తి తక్కువగా ఉండడంతో కోలుకోలేక ప్రాణాలొదులుతున్నారని వార్తలు వస్తున్న సంగతి తెలిసిందే. ఇక ఈ వైరస్‌ కారణంగా ఇటలీలో మరణించిన వారిలో ముసలివారే అధికమని గణాంకాలు చెబుతున్నాయి. అయితే ఆరోగ్యకరమైన జీవనశైలితో పాటు సరైన చికిత్స తీసుకుంటే వయో వృద్ధులు సైతం ఈ మహమ్మారిని సులభంగా ఎదుర్కోవచ్చని ఇప్పటికే చాలామంది నిరూపించారు. దీనికి మరింత ఊతమిస్తూ కేరళకు చెందిన వృద్ధ దంపతులు కూడా ఈ ప్రమాదకర వైరస్‌ నుంచి కోలుకున్నారు. మరి వీరితో పాటు కరోనా నుంచి సంపూర్ణంగా కోలుకున్న కొందరు శతాధిక వృద్ధుల గురించి తెలుసుకుందాం రండి.

Know More

women icon@teamvasundhara
today-horoscope-details-03-04-2020
women icon@teamvasundhara
how-to-use-this-lockdown-time-properly

లాక్‌డౌన్‌ సమయాన్ని ఇలా సద్వినియోగం చేసుకోండి..!

కరోనా.. కరోనా.. ఇప్పుడు ఎక్కడ చూసినా.. ఎవరి నోటి వెంట విన్నా ఈ వైరస్‌కు సంబంధించిన వార్తలే. లాక్‌డౌన్‌ నేపథ్యంలో అంతా ఇళ్లకే పరిమితమయ్యారు. మొన్నటిదాకా ఇంట్లో నిమిషం కూడా గడపడానికి సమయం లేకుండా బిజీ బిజీగా గడిపిన వారెంతో మంది ప్రస్తుతం అడుగు బయట పెట్టలేని పరిస్థితుల్లోకి వెళ్లారు. ఒకవేళ ధైర్యం చేసి బయటికొద్దామని ప్రయత్నించినా.. పోలీసులు తమ లాఠీలకు పని చెబుతున్నారు. ఇక ఇంట్లో ఉన్న వాళ్ల పరిస్థితి గురించి ప్రత్యేకంగా చెప్పాల్సిన అవసరం లేదు. సమయాన్ని ఎలా గడపాలో తెలియక తెగ సతమతమవుతున్నారు. మరి ప్రస్తుతం లాక్‌డౌన్‌లో భాగంగా ఇంట్లో ఖాళీగా గడుపుతోన్న ఈ సమయాన్ని మనకు, మన భవిష్యత్తుకు ఉపయోగపడేలా సద్వినియోగం చేసుకోవడానికి బోలెడన్ని మార్గాలున్నాయి. మరి, అవేంటో తెలుసుకుందాం రండి..

Know More

women icon@teamvasundhara
today-horoscope-details-02-04-2020
women icon@teamvasundhara
pm-modi-shares-fitness-routine-he-follows-during-lock-down

నా ఉత్సాహం వెనకున్న సీక్రెట్‌ అదే!

ప్రపంచాన్ని పట్టిపీడిస్తోన్న కరోనా వైరస్‌ భారతదేశంలోనూ పంజా విసురుతోంది. చాపకింద నీరులా అన్ని రాష్ట్రాల్లో విస్తరిస్తూ అందరినీ ఆందోళనకు గురిచేస్తోంది. ఇక ఈ మహమ్మారిని కట్టడి చేసే చర్యల్లో భాగంగా ప్రధానమంత్రి నరేంద్ర మోదీ 21రోజుల పాటు దేశంలో లాక్‌డౌన్‌ విధించిన సంగతి తెలిసిందే. ఈక్రమంలో లాక్‌డౌన్‌ ఉన్నప్పటికీ ఈ ఆదివారం (మార్చి 29) మోదీ ‘మన్‌ కీ బాత్‌’ కార్యక్రమానికి హాజరై జాతినుద్దేశించి ప్రసంగించారు. ఈ మేరకు కరోనాకు సంబంధించి దేశంలో నెలకొన్న పరిస్థితులపై ప్రధాని మాట్లాడారు. అదేవిధంగా ఒక వ్యక్తి అడిగిన ప్రశ్నకు సమాధానమిస్తూ తన రోజువారీ ఫిట్‌నెస్‌ సీక్రెట్స్‌ను అందరితో పంచుకున్నారు. అనంతరం సోషల్‌ మీడియా వేదికగా యోగాపై అవగాహన కల్పిస్తూ పలు యానిమేటెడ్‌ వీడియోలు షేర్‌ చేశారు.

Know More

women icon@teamvasundhara
punjab-cop-request-women-to-put-men-to-work-at-home-during-lockdown

మగాళ్లూ.. విశ్రాంతి తీసుకుంటారా.. ఇంటి పనులు చేస్తారా?

కరోనాను కట్టడి చేయడానికి సామాజిక దూరం పాటించడమే సరైన మార్గంగా భావించిన కేంద్ర ప్రభుత్వం దేశమంతా లాక్‌డౌన్‌ ప్రకటించింది. అందులో భాగంగా ప్రజలు ఇంటి నుండి ఒక్క అడుగు కూడా బయటపెట్టకుండా ఉండడానికి రాష్ట్ర ప్రభుత్వాలు కఠినమైన నిబంధనలను అమలు చేస్తున్నాయి. అంతేకాదు.. ప్రజలకు ఈ వ్యాధి గురించిన అవగాహన కల్పించడానికి పలు రకాల ప్రచార కార్యక్రమాలు కూడా నిర్వహిస్తున్నాయి. అయినా వీటిని లెక్కచేయని కొందరు ఇప్పటికీ యదేచ్ఛగా రోడ్లపైకి వస్తున్నారు. ఈ క్రమంలో అలాంటి వారిని కట్టడిచేయడానికి రంగంలోకి దిగిన పోలీసులు తమ లాఠీలను ఝుళిపించడంతో పాటు.. వినూత్న ప్రచారాలు కూడా నిర్వహిస్తున్నారు. ఈ క్రమంలో పంజాబ్‌కి చెందిన ఓ పోలీస్‌ చేసిన వినూత్న ప్రచారం సోషల్‌ మీడియాలో వైరల్‌ కావడంతో ప్రజలు ఫన్నీ కామెంట్లు పెడుతున్నారు. ఇంతకీ ఈ పోలీస్‌ వినూత్న ప్రయత్నమేంటో మనమూ చూద్దాం రండి..

Know More

women icon@teamvasundhara
dd-national-to-bring-back-old-classics-in-this-lock-down

‘రామాయణ్’, ‘మహాభారత్’... మళ్ళీ మన కోసం!

ఈ తరం వాళ్లకి బోర్ కొడితే కాలక్షేపం కోసం టీవీ ఆన్ చేస్తే చాలు.. 24/7 వార్తలు, సినిమాలు, డైలీ సీరియళ్లు, కామెడీ షోలు, రియాల్టీ షోలు ఇలా వందలాది టీవీ ఛానళ్లలో రకరకాల కార్యక్రమాలు చూడొచ్చు. ఇవీ సరిపోకపోతే యూట్యూబ్, Hotstar, Amazon Prime, Netflix, ETV Win.. మొదలైన OTT వేదికలు సైతం మనకు అందుబాటులో ఉన్నాయి. కానీ, నిన్నటి తరం వారికి అప్పట్లో ఇన్ని ఆప్షన్లు ఉండేవి కావు. అప్పట్లో దూరదర్శన్ తప్ప మరే ఛానల్ ప్రసారం అయ్యేది కాదు. అందులో కూడా వినోదానికి సంబంధించిన కార్యక్రమాలు చాలా తక్కువగా వచ్చేవి. అయితే అలనాటి కార్యక్రమాల్లో తాము ఇష్టంగా చూసే కార్యక్రమం ఏంటని.. మీ తల్లిదండ్రులను లేదా తాతయ్య, నానమ్మలను ఒకసారి అడిగి చూడండి. ఈ ప్రశ్నకు ఎక్కువశాతం మంది ఇచ్చే సమాధానాలు రెండే.. ‘రామాయణ్’, ‘మహాభారత్’. అప్పట్లో వీటికున్న పాపులారిటీ, ఫాలోయింగ్ అంతా ఇంతా కాదు. అయితే ఈ సీరియళ్లను ఇప్పుడు పునఃప్రసారం చేస్తోంది డీడీ నేషనల్. లాక్డౌన్ సమయంలో ప్రజలను అలరించేందుకు ఈ నిర్ణయం తీసుకున్నట్లు ఆ సంస్థ తెలిపింది.

Know More

women icon@teamvasundhara
husband-express-his-gratitude-for-nurses-who-saved-his-wife-from-corona

నా భార్యను కాపాడిన వారందరికీ కృతజ్ఞతలు..!

కరోనా మహమ్మారి నుంచి ప్రజలను రక్షించడంలో వైద్య సిబ్బంది కృషి ఎనలేనిదని చెప్పడంలో ఎలాంటి సందేహం లేదు. అమెరికా నుంచి హైదరాబాద్ వరకూ ప్రతీ చోట వైద్యులు, నర్సులు, ఫార్మసిస్టులు, పారిశుద్ధ్య కార్మికులు ఇలా చాలామంది ఈ వైరస్ను తరిమికొట్టడానికి ఎంతో కృషి చేస్తున్నారు. ఈ క్రమంలోనే వైద్య సిబ్బందితో పాటు ఇతర విభాగాలకు చెందిన వారి కృషికి ధన్యవాదాలు తెలుపుతూ జనతా కర్ఫ్యూ (గత ఆదివారం) రోజున ప్రజలంతా బాల్కనీల్లోకి, రోడ్లపైకి వచ్చి చప్పట్లు కొట్టిన విషయం తెలిసిందే. ఈ క్రమంలోనే తాజాగా అమెరికాకు చెందిన ఓ వ్యక్తి కరోనా మహమ్మారి నుంచి తన భార్యను రక్షించిన వైద్య సిబ్బందికి కృతజ్ఞత తెలిపిన విధానం అందరినీ ఆకట్టుకుంటోంది. వివరాల్లోకి వెళితే…

Know More

women icon@teamvasundhara
filipino-covid-19-survivor-shared-his-recovering-story-from-corona-virus

వాళ్ళ ఏడుపులు వింటే భయం వేసింది... కానీ కరోనాని జయించా!

కరోనా.. ప్రస్తుతం ప్రపంచ దేశాలు ఈ పేరు విన్నా కూడా వణికిపోతున్నాయి. అంతకంతకూ కరోనా పాజిటివ్‌ కేసులు పెరిగిపోతున్న ఈ నేపథ్యంలో ప్రతి ఒక్కరిలో భయం నెలకొనడం సహజం. ఇలాంటి క్లిష్ట పరిస్థితులను ఎదుర్కొని కరోనాను జయించి మృత్యుంజయులుగా నిలిచిన వారు కూడా ఉన్నారని మనం మరచిపోకూడదు. కరోనా సోకిన తర్వాత కూడా బాధితులు దాన్నెలా నిలువరించి విజేతలుగా నిలిచారో తెలుసుకోవడానికి చాలామంది ఆసక్తి చూపుతున్నారు. కరోనా వైరస్‌ సోకిన తర్వాత కూడా మనోధైర్యంగా ఉంటూ.. తగిన జాగ్రత్తలు పాటిస్తే దీనిని జయించడం అసాధ్యమైన పని కాదని చెబుతున్నాడు ఈ కరోనా విజేత. కొవిడ్‌-19 బారిన పడిన తర్వాత ఆ మహమ్మారి నుండి తను కోలుకున్న విధానాన్ని ప్రజలకు వివరించి వారిని అప్రమత్తం చేస్తున్నాడు. మరి ఆ వ్యక్తి కోలుకున్న విధానం గురించి తన మాటల్లోనే విందాం రండి..

Know More

women icon@teamvasundhara
police-wear-corona-helmet-video-goes-viral

ఈ ‘కరోనా హెల్మెట్‌’ని చూశారా..?

కరోనా (కొవిడ్‌-19) విజృంభిస్తోన్న నేపథ్యంలో అంతా ఇళ్లకే పరిమితమవుతున్నారు. లాక్‌డౌన్‌ను కేంద్ర, రాష్ట్ర ప్రభుత్వాలు ఎంతో ప్రతిష్టాత్మకంగా తీసుకున్నాయి. ప్రజలను ఇంటి నుంచి అడుగు బయట పెట్టనివ్వకుండా కఠినమైన చర్యలు చేపడుతోన్న విషయం తెలిసిందే. అయితే పోలీసులు, అధికారులు ఎన్ని రకాల చర్యలు చేపడుతోన్నా కొందరు మాత్రం నిర్లక్ష్యంగా వ్యవహరిస్తున్నారు. ప్రభుత్వాలు ఎన్ని రకాల ప్రచారాలు చేపడుతోన్నా యథేచ్ఛగా రోడ్లపై తిరుగుతున్నారు. దీంతో పోలీసులు తమ లాఠీలకు కూడా పని చెప్పాల్సి వస్తోంది. అయితే చెన్నైకి చెందిన ఓ పోలీసు అధికారి మాత్రం భిన్నంగా ఆలోచించాడు. లాక్‌డౌన్‌ ఉన్నా బయట తిరుగుతోన్న జనాలకు తనదైన రీతిలో అవగాహన కల్పించే ప్రయత్నం చేస్తున్నాడు. వివరాల్లోకి వెళితే...

Know More

women icon@teamvasundhara
corona-effects-more-on-those-who-smoke

పొగ తాగుతారా..? అయితే కరోనా వచ్చే అవకాశాలు ఎక్కువ.!

కరోనా (కొవిడ్-19) వైరస్ ప్రస్తుతం ప్రపంచాన్ని భయపెడుతోంది. ప్రజలంతా ఇళ్లకే పరిమితమై ప్రాణాలతో ఉంటే చాలనుకునే పరిస్థితులు వచ్చాయి. లాక్డౌన్ పేరుతో ప్రభుత్వాలు, అధికారులు కఠిన చర్యలు చేపడుతున్న విషయం తెలిసిందే. ఈ క్రమంలోనే కరోనాపై ప్రజల్లో అవగాహన కల్పించేందుకు ప్రపంచ ఆరోగ్య సంస్థ (డబ్ల్యూహెచ్వో) ఎప్పటికప్పుడు సమాచారం అందిస్తూనే ఉంది. తాజాగా మరో కొత్త విషయాన్ని చెప్పుకొచ్చింది డబ్ల్యూహెచ్వో. పొగతాగే అలవాటు ఉన్న వారికి కరోనా వ్యాపించే అవకాశాలు ఎక్కువ ఉన్నట్లు తెలిపింది. ఇంతకీ స్మోకింగ్కు కరోనాకు సంబంధం ఏంటనేగా మీ డౌట్.? అయితే ఈ స్టోరీలోకి వెళ్లాల్సిందే…

Know More

women icon@teamvasundhara
today-horoscope-details-27-03-2020
women icon@teamvasundhara
celebrities-who-give-donations-to-fight-corona-virus

కరోనా పోరులో సెలబ్రిటీల దాతృత్వం!

కరోనా వైరస్‌ విలయ తాండవం నేపథ్యంలో ప్రస్తుతం ప్రపంచమంతా లాక్‌డౌన్‌ ప్రకటించింది. ఈ క్రమంలోనే చాలా కంపెనీలు తమ ఉద్యోగులకు వర్క్‌ ఫ్రమ్‌ హోమ్‌ ఆప్షన్‌ ఇచ్చాయి. ఇక ఇంటి నుంచి పని చేయించుకునే సదుపాయం లేని వారికి సెలవులిచ్చి.. పూర్తి వేతనం అందించేందుకు నిర్ణయించాయి. అయితే మన సంగతి సరే.. కానీ రెక్కాడితే గానీ డొక్కాడని నిరుపేదలు, రోజువారీ కూలీల మాటేమిటి? ఈ కష్ట కాలంలో వారిని ఎవరు ఆదుకుంటారు? ఇదిగో తీసుకోండి అంటూ వారికి ఎవరు డబ్బులిస్తారు? ఇదిగో సరిగ్గా ఇదే ఆలోచన చేసింది భారత టెన్నిస్‌ స్టార్‌ సానియా మీర్జా. రోజువారీ కూలీలు ఆకలితో అలమటించకూడదనే సదుద్దేశంతో నిధుల సమీకరణ కోసం సఫా ఆర్గనైజేషన్‌ అనే స్వచ్ఛంద సంస్థతో చేతులు కలిపింది. రోజువారీ కూలీలకు ఆహారం, నిత్యావసరాలు అందించే క్రమంలో ప్రతి ఒక్కరూ పాలుపంచుకోవాలంటూ ట్విట్టర్‌ వేదికగా కోరుతోందీ టెన్నిస్‌ బ్యూటీ. ఇదిలా ఉంటే మరోవైపు ప్రపంచవ్యాప్తంగా ఎందరో ప్రముఖులు, తారలు కరోనా బాధితులకు ఆర్థిక సహాయం అందిస్తూ తమ దాతృత్వాన్ని చాటుకుంటున్నారు. అలాంటి మనసున్న మారాజులు, మారాణుల గురించి తెలుసుకుందాం రండి..

Know More

women icon@teamvasundhara
chiranjeevi-mahesh-babu-shares-tips-to-follow-in-this-lock-down-time

చిరు, మహేష్ ల జాగ్రత్తలు విన్నారా?

కరోనా మహమ్మారిని మన దేశం నుంచి తరిమికొట్టేందుకు కేంద్ర, రాష్ట్ర ప్రభుత్వాలు నిరంతరంగా కృషి చేస్తున్నాయి. ఈ క్రమంలో ప్రజల్లో ఈ వైరస్‌పై మరింత అవగాహన పెంచేందుకు ప్రభుత్వాధికారులతో పాటు వివిధ రంగాలకు చెందిన సెలబ్రిటీలు సైతం స్వచ్ఛందంగా ముందుకొస్తున్నారు. ముఖ్యంగా సినీ తారలు.. ఈ సమయంలో మనం తీసుకోవాల్సిన జాగ్రత్తలు, పాటించాల్సిన నియమాల గురించి వివిధ సోషల్‌ మీడియా వేదికల ద్వారా అభిమానులతో పంచుకుంటున్నారు. ఈ క్రమంలో కరోనాకు సంబంధించి మెగాస్టార్‌ చిరంజీవి, సూపర్‌ స్టార్‌ మహేష్‌ బాబు చెబుతోన్న జాగ్రత్తలేంటో మీరే చూడండి.

Know More

women icon@teamvasundhara
due-to-corona-effect-online-marriage-in-bihar

ఈ ‘లాక్ డౌన్’ పెళ్లి చూశారా?

ప్రాణ భయంతో ఇంటి బయట అడుగుపెట్టని వారు కొందరైతే.. పోలీసులకు భయపడి ఇంటికే పరిమితమవుతోన్న వారు మరికొందరు. ప్రస్తుతం దిల్లీ నుంచి గల్లీ వరకూ ఎక్కడ చూసినా ఇవే పరిస్థితులు కనిపిస్తున్నాయి. ఇదంతా కరోనా మహమ్మారి సృష్టిస్తోన్న అలజడిలో భాగమే. కరోనా వ్యాప్తిని అడ్డుకునే క్రమంలో దాదాపు అన్ని రాష్ట్రాలు లాక్డౌన్ను ప్రకటించాయి. చిన్న చిన్న వేడుకల నుంచి వివాహాల వరకూ అన్ని శుభకార్యాలు వాయిదా పడ్డాయి. అయితే బిహార్లోని పట్నాకు చెందిన ఓ జంట మాత్రం ముందుగా నిశ్చయించుకున్న సమయానికే వివాహం చేసుకుంది. దేశమంతా దిగ్బంధంలో ఉంటే.. వీరి పెళ్లి ఎలా జరిగిందనేగా మీ సందేహం... అయితే ఈ స్టోరీ చదివేయండి...

Know More

women icon@teamvasundhara
things-happening-around-corona

‘కరోనా’ అచ్చట్లు.. ముచ్చట్లు..!

ఉదయం లేచింది మొదలు రాత్రి పడుకునే వరకు కరోనా (కొవిడ్‌-19) వైరస్‌కు సంబంధించిన వార్తలే వినిపిస్తున్నాయి.. కనిపిస్తున్నాయి. ఏ సోషల్‌ మీడియా అకౌంట్‌ తెరిచినా సరే.. ఈ దేశంలో ఇలా జరిగింది.. అక్కడ ఇన్ని కొత్త కేసులు నమోదయ్యాయి.. అంటూ సర్వం ‘కరోనా’ మయం. ఇక కరోనా వ్యాపిస్తోన్న తీరు కూడా భయాందోళనలను రేకెత్తిస్తోంది. ఈ క్రమంలోనే భారత ప్రధాని నరేంద్ర మోదీ ఈ ఆదివారాన్ని (మార్చి22) ‘జనతా కర్ఫ్యూ’గా పాటించాలని పిలుపునిచ్చారు. ఇందులో భాగంగా ఉదయం ఏడు గంటల నుంచి రాత్రి 9 వరకు ప్రతి ఒక్కరూ ఇళ్లకే పరిమితమై స్వీయ నిర్బంధాన్ని పాటించాలని సూచించారు. ఇక కరోనాను కట్టడి చేయడానికి ప్రభుత్వాలు, స్వచ్ఛంద సంస్థలు పలు కార్యక్రమాలు చేపడుతోన్న విషయం తెలిసిందే. అందులో కొన్ని విభిన్నమైన క్యాంపెయిన్స్‌ నెట్టింట్లో హల్‌చల్‌ చేస్తున్నాయి.. నెట్‌ ప్రియులను మరింతగా ఆకట్టుకుంటున్నాయి.. కరోనాపై అందరిలో అవగాహన పెంచుతున్నాయి.

Know More

women icon@teamvasundhara
today-horoscope-details-20-03-2020
women icon@teamvasundhara
how-to-clean-mobile-phone-to-avoid-coronavirus

కరోనా నేపథ్యంలో మీ స్మార్ట్‌ ఫోన్‌ను శుభ్రం చేస్తున్నారా.?

కరోనా (కొవిడ్‌-19).. ఇప్పుడీ పేరు ప్రపంచ దేశాలన్నింటినీ గడగడలాడిస్తోంది. అగ్రరాజ్యమైన అమెరికానే ఈ వైరస్‌ దాడికి బెంబేలెత్తిపోతోంది. రోజురోజుకీ కరోనా బారిన పడుతోన్న వారి సంఖ్య పెరుగుతూనే ఉంది. ప్రభుత్వాలు ఎన్ని చర్యలు చేపడుతోన్నా కరోనా వైరస్‌కు పూర్తిగా అడ్డుకట్టవేయలేకపోతున్నారు. తెలుగు రాష్ట్రాల్లోనూ హై అలర్ట్‌ ప్రకటించిన విషయం తెలిసిందే. ఈ నెలఖారు వరకు స్కూళ్లు, కాలేజీలు, యూనివర్సిటీలు, సినిమా థియేటర్లు మూసివేయాలని ప్రభుత్వాలు ప్రకటించిన విషయం తెలిసిందే. ఇక వ్యక్తిగత శుభ్రత పాటించడం ద్వారా కరోనాకు చెక్‌ పెట్టవచ్చని చాలామంది నిపుణులు సూచిస్తూనే ఉన్నారు. ఈ క్రమంలోనే జనాలు చేతులు కడగడం, ముక్కుకు అడ్డుగా మాస్కులు ధరించడం అలవాటు చేసుకుంటున్నారు. మరి మీరు ఉపయోగిస్తున్న స్మార్ట్‌ ఫోన్‌ల పరిస్థితి ఏంటి? ఫోన్‌ను ఎప్పటికప్పుడు శుభ్రం చేస్తున్నారా? ఫోన్‌ను శుభ్రం చేయడమేంటనేగా మీ సందేహం.. అయితే ఈ స్టోరీ చదివేయండి..

Know More

</