scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నేను ఏ తప్పూ చేయలేదు.. అయినా నాకెందుకీ శిక్ష!'

'ఎయిడ్స్.. నిరోధక మార్గాలు తప్ప పూర్తిస్థాయి చికిత్స లేని వ్యాధి. సాధారణంగా ఈ వ్యాధి సోకిందని తెలిస్తే చాలు.. వారు తప్పు చేశారు కాబట్టే ఆ వ్యాధి వచ్చిందని చుట్టుపక్కల ఉన్న వారు బలంగా నమ్ముతారు. ఈ క్రమంలో బాధితులను వారి మాటలతో మానసికంగానూ హింసిస్తారు. ఓ మహిళ తాను ఎలాంటి తప్పు చేయకపోయినా ఈ మహమ్మారి బారిన పడి ఒకానొక దశలో జీవితాన్ని ముగించేసుకోవాలనుకుంది.. కానీ ఆమెకు వచ్చిన ఓ ఆలోచన ఆ నిర్ణయాన్ని మార్చేసింది. అంతేకాదు.. ఈ సమాజంలో ఆమె ఎదుర్కొన్న మాటల ఈటెలు, బాధాకరమైన సంఘటనలు.. తనని మానసికంగా మరింత బలంగా తీర్చిదిద్దాయి.. దాంతో ఆమె ఎయిడ్స్‌పై పోరాడడమే కాదు.. చుట్టుపక్కల వారికీ అవగాహన కల్పిస్తూ తోటి వ్యాధిగ్రస్తులకు అండగానూ నిలుస్తోంది. అసలేం జరిగిందో ఆమె మాటల్లోనే విందాం రండి.. నమస్కారం.'

Know More

Movie Masala

 
category logo

ఇక్కడ క్రిస్మస్ వేడుకలు అదుర్స్!

Best places to celebrate Christmas

ఎటుచూసినా రంగురంగుల విద్యుద్దీపాలతో అందంగా అలంకరించిన చర్చిలు.. లైట్లతో మిరుమిట్లు గొలిపే క్రిస్మస్ చెట్లు.. శాంతాక్లాజ్ కోసం వేచిచూసే చిన్నారులు.. వెరసి క్రైస్తవులు అత్యంత పవిత్రంగా భావించే పండగే క్రిస్మస్. ఒకరికొకరు శుభాకాంక్షలు చెప్పుకోవడం దగ్గర్నుంచి, బహుమతులిచ్చుకోవడం, కేక్స్ పంచుకోవడం.. ఇలా ప్రతి ఇంటా బంధువులు, స్నేహితులతో ఈ పండగ రోజున సందడి వాతావారణం నెలకొంటుంది. దీనికోసం ఒకటి, రెండు కాదు.. కనీసం పదిహేను రోజుల ముందు నుంచే ఏర్పాట్లు మొదలవుతాయి. మరి మన ఇళ్లలోనే క్రిస్మస్‌కి ఇంత హడావిడి, ఆనందం నెలకొంటే.. ఈ పండగను పెద్ద ఎత్తున జరుపుకొనే దేశాల సంగతేంటి? సాధారణ వేడుకలతో పాటు ప్రత్యేకంగా ఏర్పాటు చేసే క్రిస్మస్ మార్కెట్లు, క్రైస్తవుల సంస్కృతీ సంప్రదాయాలను ప్రతిబింబించేలా నిర్వహించే పలు కార్యక్రమాలతో ఆయా దేశాల్లో ఈ పండగ సంబరాలు అంబరాన్నంటుతాయి. ఈ క్రమంలో క్రిస్మస్ సందర్భంగా చూడదగిన కొన్ని ప్రదేశాలు, అక్కడ జరిగే క్రిస్మస్ వేడుకల గురించి మనం కూడా ఓ లుక్కేద్దామా...

xmastours650.jpg
బెత్లెహాం (ఇజ్రాయెల్)
ఏసుక్రీస్తు పుట్టిన రోజును పురస్కరించుకొని క్రైస్తవులందరూ ఎంతో భక్తి శ్రద్ధలతో జరుపుకొనే పండగే క్రిస్మస్ అని మనందరికీ తెలిసిందే. మరి ఏసుప్రభువు పుట్టిన ప్రదేశం, అక్కడి క్రిస్మస్ వేడుకలు చూడాలంటే ఇజ్రాయెల్ వెళ్లాల్సిందే! ఆ దేశంలోని బెత్లెహాంలోనే ఏసుక్రీస్తు జన్మించారు. ఏటా ఇక్కడ క్రిస్మస్ వేడుకలు వైభవంగా జరుగుతాయి. పండగకు కొన్ని రోజుల ముందు నుంచే అక్కడి వీధులన్నీ రంగురంగుల విద్యుద్దీపాలు, క్రిస్మస్ చెట్లతో ముస్తాబవుతాయి. అలాగే వేడుకల్లో భాగంగా క్రైస్తవుల సంస్కృతీ సంప్రదాయాలను ప్రతిబింబించేలా పలు రకాల కార్యక్రమాలు నిర్వహిస్తారు. వీటిలో చిన్నపిల్లల దగ్గర్నుంచి పెద్దవాళ్ల దాకా వయోబేధం లేకుండా పాల్గొని ఎంతగానో ఎంజాయ్ చేస్తారు. బెత్లెహాంలో జరిగే క్రిస్మస్ వేడుకల్లో క్యాథలిక్, ప్రొటెస్టెంట్, గ్రీక్ ఆర్థోడాక్స్, ఇథియోపియన్, అర్మీనియన్.. వంటి క్రైస్తవ తెగలకు చెందిన ప్రజలు పాల్గొంటుంటారు. బెత్లెహాంలోని క్రీస్తు పుట్టిన ప్రదేశం మాంగర్ స్క్వేర్ మీదుగా క్రిస్మస్ వూరేగింపు ప్రారంభమవుతుంది. కాబట్టి క్రిస్మస్ నాటికి బెత్లెహాం చేరుకుంటే ఈ వూరేగింపులో పాల్గొనడంతో పాటు అక్కడ జరిగే పలు సాంస్కృతిక కార్యక్రమాలను కూడా తిలకించవచ్చు. అలాగే క్రిస్మస్ పండగను ప్రతిబింబించే వివిధ రకాల వస్తువులతో ఏర్పాటుచేసిన క్రిస్మస్ మార్కెట్లో షాపింగ్ చేయడం ఓ గొప్ప అనుభూతినిస్తుంది. ఏసుక్రీస్తు పుట్టుక, ఆయన జీవితానికి సంబంధించిన మరిన్ని మధురఘట్టాలతో ఏర్పాటు చేసిన ఎగ్జిబిషన్లు అక్కడి హోలీ ల్యాండ్‌లో దర్శనమిస్తుంటాయి. వీటిన్నింటినీ చూస్తూ, క్రిస్మస్ పాటలు వింటూ, షాపింగ్ చేస్తూ.. సరదాగా గడిపేయచ్చు. అలాగే 'చర్చ్ ఆఫ్ ది నేటివిటీ', 'సెయింట్ క్యాథరిన్ చర్చ్', 'ఓల్డ్ బెత్లెహాం మ్యూజియం', 'సాల్మన్స్ పూల్స్'.. వంటి ప్రదేశాలు పర్యటకులకు కనువిందు చేస్తాయి.

xmastours650-1.jpg
శాంతాక్లాజ్ విలేజ్ (ఫిన్‌ల్యాండ్)
చలికాలంలో మరింత చలిగా ఉండే ప్రదేశాలకు వెళ్లాలనుకుంటారు కొంతమంది. అలాంటివారు క్రిస్మస్ సెలవులకు ఫిన్‌ల్యాండ్ దేశంలోని శాంతాక్లాజ్ విలేజ్‌కి వెళ్లాల్సిందే. అయ్యో! అసలు విషయం చెప్పడం మర్చిపోయాం. అక్కడ శాంతాక్లాజ్ తాతయ్య కూడా ఉంటాడండోయ్! అక్కడికి మన కుటుంబ సభ్యులతో పాటు స్నేహితులు, బంధువులు.. ఇలా అందరూ కలిసి వెళితే ఎంచక్కా ఆయన్ను కలుసుకోవచ్చు. ఫిన్‌ల్యాండ్ దేశంలోని లాప్లాండ్‌లో గల రోవనీమీలో ఉండే ఎమ్యూజ్‌మెంట్ పార్క్‌నే శాంతాక్లాజ్ విలేజ్‌గా పరిగణిస్తారు. అక్కడికి వెళ్లాలంటే ముందుగా రోవనీమీ విమానాశ్రయానికి చేరుకోవాలి. లేదంటే రోవనీమీ రైల్వే స్టేషన్ వరకు చేరుకుంటే అక్కడి నుంచి రెండు కిలోమీటర్ల దూరంలో ఉండే ఈ విలేజ్‌కి వెళ్లడానికి బస్సు సౌకర్యం ఉంటుంది. బస్సు ట్రిప్ ద్వారా అరగంటకు పైగా ఈ విలేజ్‌ని సందర్శించవచ్చు. ఇందులో భాగంగా ఆర్కిటిక్ సర్కిల్, శాంతాక్లాజ్ మెయిన్ పోస్టాఫీస్, శాంతాక్లాజ్ ఆఫీస్.. వంటివి చూడచ్చు. ఆర్కిటిక్ సర్కిల్‌లోని వైట్‌లైన్ అనే ప్రదేశం సందర్శకులు ఫొటోలు దిగడానికి అనువుగా ఉంటుంది. అలాగే పోస్టాఫీసులో క్రిస్మస్ సంబంధిత వస్తువులు, గ్రీటింగ్ కార్డులు, సీడీలు.. వంటివి కొనుగోలు చేయచ్చు. ఇక శాంతాక్లాజ్ ఆఫీస్‌లో శాంతాక్లాజ్ తాతయ్యతో మాట్లాడడం, ఆయనతో కలిసి ఫొటోలు దిగడం.. ఇలా సరదాగా గడిపేయచ్చు. వీటితో పాటు అక్కడ అందమైన శాంతాక్లాజ్ బొమ్మలు, ఇతర వస్తువులతో కూడిన షాపులు, అక్కడి ఆహార పదార్థాల్ని రుచిచూడడానికి వీలుగా రెస్టారెంట్లు.. వంటివి ఉంటాయి. వీటన్నింటినీ చూడడం వల్ల అక్కడి సంస్కృతీ సంప్రదాయాల గురించి తెలుసుకోవడానికి వీలుంటుంది. పిల్లలకు శాంతాను కలిసిన ఆనందం కూడా లభిస్తుంది.

xmastours650-2.jpg
ఆస్ట్రియా
క్రిస్మస్ సందర్భంగా సందర్శించాల్సిన ప్రదేశాల్లో ఆస్ట్రియా కూడా ఒకటి. ఈ పండగ సందర్భంగా అక్కడి ప్రజలు 'అడ్వెంట్' వేడుకను ఆనందోత్సాహాల నడుమ జరుపుకుంటారు. క్రిస్మస్‌కి నాలుగు వారాల ముందు వచ్చే ఆదివారం రోజును 'అడ్వెంట్'గా భావిస్తారు. వీరు ఆ రోజు నుంచే క్రిస్మస్ వేడుకలు ప్రారంభిస్తారు. ఇందులో భాగంగా.. అక్కడ ప్రతి ఇంటి లివింగ్ రూమ్‌ని అడ్వెంట్ రెత్‌తో అలంకరిస్తారు. చిన్నచిన్న ఆకులు, కొమ్మలను ఒక దగ్గర పేర్చి వాటిలో శాటిన్ రిబ్బన్స్, క్యాండిల్స్‌ని క్రమపద్ధతిలో అమర్చి ఇంటి గుమ్మాలకు వేలాడదీయడం లేదంటే హాల్లో టేబుల్‌మీద అలంకరించడం వంటివి చేస్తారు. అలాగే పండక్కి ముందు వచ్చే ఈ నాలుగు ఆదివారాల్లో కుటుంబ సభ్యులందరూ కలిసి సాయంత్రం ప్రార్థనలు చేయడం, క్రిస్మస్ స్టోరీస్ చదవడం, పాటలు పాడడం.. వంటివన్నీ చేస్తుంటారు. ఇవి అక్కడికి వెళ్లే పర్యటకులకు కొత్త అనుభూతిని అందిస్తాయి. అలాగే ఆస్ట్రియా సంస్కృతిని ప్రతిబింబించే పలు వస్తువులు అక్కడి క్రిస్మస్ మార్కెట్లో లభ్యమవుతాయి. ఆ దేశంలోని ప్రతి ప్రధాన నగరంలోనూ అందంగా ముస్తాబు చేసిన పెద్ద పెద్ద క్రిస్మస్ చెట్లను అమర్చుతారు. వీటితో పాటు రంగురంగుల విద్యుద్దీపాలు, స్టార్స్.. వంటి అలంకరణలతో దేశంలో క్రిస్మస్ సంబరాలు అంబరాన్నంటుతాయి.

xmastours650-3.jpg
లండన్ (ఇంగ్లండ్)
క్రిస్మస్ పండగను అత్యంత వైభవంగా జరుపుకొనే దేశాల్లో ఇంగ్లండ్ కూడా ఒకటి. ఈ విషయాన్నే చార్లెస్ డికెన్స్.. 'లండన్ ఉత్సవ సంప్రదాయాలు ప్రపంచంలోని ఏ చోటికీ తీసిపోవు..' అని తన నవలలో వ్యక్తపరిచాడు. మామూలు రోజుల్లో కంటే ఈ దేశానికి క్రిస్మస్ సందర్భంగా వెళ్లే పర్యటకుల సంఖ్య ఎక్కువగా ఉంటుంది. ఇక్కడ పర్యటకులకు కనువిందు చేసే ప్రదేశాలు చాలానే ఉన్నాయి. వాటిలో థేమ్స్ నది, హైడ్ పార్క్‌ల్లో ఏర్పాటు చేసిన క్రిస్మస్ మార్కెట్స్, మ్యాజికల్ శాంతా గ్రోటోస్, పెద్ద పెద్ద భవనాల్లో ఐస్ స్కేటింగ్ చేయడానికి వీలుగా ఏర్పాటు చేసిన ఐస్ రింక్స్.. వంటివి సందర్శకులను పెద్ద ఎత్తున ఆకర్షిస్తాయి. అలాగే సిటీ అంతా వెలుగులు నిండిపోయేలా అమర్చిన లైటింగ్, క్రిస్మస్ చెట్లు.. వంటివి రాత్రుళ్లు కూడా పగటిని తలపిస్తాయి. వీటన్నింటినీ చూడడమే కాదు.. ఆరోగ్యానికి ఆరోగ్యం.. రుచికి రుచి అందించే క్రిస్మస్ పుడ్డింగ్‌ని తినడం మాత్రం అస్సలు మిస్సవ్వకూడదు. అలాగే అక్కడ దొరికే ఖర్జూరాలు, వాటితో తయారు చేసిన ప్రత్యేక వంటకాలు, కేక్స్, ఇతర తీపిపదార్థాలు.. వంటివి కూడా తప్పక రుచి చూడాల్సినవే. ఇలా అక్కడ చూసే ప్రదేశాలు, తినే ఆహార పదార్థాలు.. వంటివన్నీ అక్కడికి వెళ్లిన పర్యటకులకు సరికొత్త అనుభూతుల్ని అందిస్తాయి.

xmastours650-4.jpg
వాటికన్ సిటీ (రోమ్)
విద్యుద్దీపాల అలంకరణతో మిలమిల మెరిసే వీధులు.. వీధుల్లో, పార్కుల్లో అమర్చిన అందమైన క్రిస్మస్ చెట్లు.. అక్కడక్కడా క్రిస్మస్ వస్తువులతో కొలువుదీరిన షాపులు.. మొదలైన వాటితో రోమ్‌లోని అన్ని ప్రధాన నగరాల్లో క్రీస్తు జన్మదిన వేడుకలు అంబరాన్నంటుతాయి. వాటితోపాటు వాటికన్ సిటీలో పోప్ ఇచ్చే సందేశం వినడం, కొలొనాడెడ్ స్క్వేర్, ప్రపంచవింతల్లో ఒకటైన కొలోజియం.. వంటివి సందర్శించడం ఓ మర్చిపోలేని అనుభూతిగా మిగిలిపోతుంది. అలాగే అందమైన క్రిస్మస్ చెట్లతో అలంకరించిన సెయింట్ పీటర్స్ స్క్వేర్స్, రోమన్ చరిత్రకు అద్దం పట్టే పలు చారిత్రక ప్రదేశాలు, శాంతా మారియా మాగియోర్ క్రిస్మస్ క్రిబ్.. వంటివన్నీ అక్కడ చూడదగిన ప్రదేశాలే.

xmastours650-5.jpg
బుడాపెస్ట్ (హంగరీ)
బుడాపెస్ట్ నగరానికి మణిహారంగా నిలిచే డాన్యూబ్ నది క్రిస్మస్ సందర్భంగా విద్యుద్దీప కాంతులతో ఎంతో శోభాయమానంగా ముస్తాబవుతుంది. శీతాకాలంలో ఆ నదిలో బోటు షికారు కూడా అందుబాటులో ఉంటుంది. చల్లటి గాలిలో విహరిస్తూ సిటీ అందాలను తనివితీరా ఆస్వాదించవచ్చు. 'అబ్బ.. చలితో ఎముకలన్నీ బిగుసుకుపోయాయి.. కాస్త వెచ్చగా ఏదైనా ఉంటే బాగుండు'ననిపిస్తుందా? అయితే అక్కడి థర్మల్ పూల్స్‌ని సందర్శించాల్సిందే! ఇవి కూడా ప్రత్యేకంగా క్రిస్మస్ సందర్భంగానే ఓపెన్ చేస్తారట! అలాగే కపుల్ మసాజ్, అరోమా మసాజ్.. వంటివి కూడా పర్యటకులు సేదదీరడానికి ఉపయోగపడతాయి. వీటితో పాటు ఎంజాయ్‌మెంట్ కోసం లేజర్ షోలు, ఐస్ రింక్స్, బుడాపెస్ట్ నట్‌క్రాకర్ బ్యాలె, బుడా క్యాజిల్, హంగేరియన్ ఫోక్ డ్యాన్స్ షోలు.. వంటివి పర్యటకులకు ఎంతో ఆనందాన్ని అందిస్తాయి. అలాగే ఏటా డిసెంబర్‌లో ప్రారంభమయ్యే క్రిస్మస్ స్ట్రీట్‌కార్ రైడ్ చేయడం మరిన్ని మధుర జ్ఞాపకాలను మిగుల్చుతుంది. అలాగే అక్కడి ప్రత్యేక వంటకం, ఎంతో రుచికరమైన చిమ్నీ కేక్ తినడం మాత్రం మర్చిపోవద్దు.

xmastours650-6.jpg
కోపెన్‌హాగెన్ (డెన్మార్క్)
ఓవైపు దట్టంగా కురుస్తున్న మంచు.. చెట్లన్నీ తెల్లటి మంచుతో చూడముచ్చటగా అలంకరించుకొని ఉంటాయి. మరోవైపు క్రిస్మస్ కార్నివాల్, ఎగ్జిబిషన్లు కొలువుదీరతాయి, ఇంకోవైపు స్కేటింగ్ చేయడానికి అనువుగా ఉండే ఐస్ రింక్స్, చూపరులను మంత్రముగ్ధుల్ని చేసే విధంగా కొలువుదీరిన ఐస్ ప్యాలస్, లైట్ షో.. ఇవన్నీ ఒకే ప్రదేశంలో ఉంటే ఇక ఆ ప్రదేశం భూలోక స్వర్గమే అవుతుంది కదూ! క్రిస్మస్ సందర్భంగా అలాంటి వండర్ ల్యాండ్‌ను తలపించే చోటే డెన్మార్క్ దేశంలోని కోపెన్‌హాగెన్ పట్టణంలో కొలువుదీరిన టివోలీ గార్డెన్ కూడా! క్రిస్మస్ కోసం ఏటా ప్రత్యేకంగా ఈ గార్డెన్‌లో ఏర్పాటుచేసే ఇలాంటి అద్భుతాలన్నీ వీక్షకుల మనసును కట్టిపడేస్తాయంటే అతిశయోక్తి కాదు. వీటితో పాటు పలు వస్తువులతో వీధుల్లో కొలువుదీరిన షాపులు, గుర్రపు బండ్లలో సవారీ చేస్తూ క్రాన్‌బార్గ్ క్యాజిల్ అందాలు తిలకించడం, నైహాన్ కెనాల్‌లో బోటు షికారు చేస్తూ అక్కడి రంగురంగుల ఇళ్లను చూడడం.. వంటివన్నీ మర్చిపోలేని అనుభూతుల్ని అందిస్తాయి. అలాగే ఎండుద్రాక్ష, బాదం, దాల్చినచెక్క.. వంటి పదార్థాలతో తయారుచేసిన 'గ్లాగ్' అనే వైన్‌తో పాటు, అక్కడి ప్రత్యేక వంటకం ఎబుల్ స్కైవర్‌ని రుచి చూడడం మరపురాని అనుభూతులే..

xmastours650-7.jpg
సిడ్నీ (ఆస్ట్రేలియా)
వాతావరణం చల్లగా ఉన్నప్పుడు లేలేత సూర్యకిరణాల్లో కాసేపలా సేదదీరితే మనసుకు ఎంతో ఆహ్లాదంగా ఉంటుంది కదండీ.. మరి ఇలాంటి వాతావరణాన్ని అందమైన బీచ్‌లో ఆస్వాదించాలంటే.. అది కూడా క్రిస్మస్ సందర్భంగా అంటే.. ఆస్ట్రేలియాలోని సిడ్నీ వెళ్లాల్సిందే. అక్కడి బాండీ బీచ్‌లో క్రిస్మస్ ఈవ్, క్రిస్మస్ వేడుకలు చాలా పెద్ద ఎత్తున నిర్వహిస్తుంటారు. ముఖ్యంగా ఆస్ట్రేలియాకు తలమానికంగా నిలిచే సిడ్నీ హార్బర్ బ్రిడ్జి, ఒపేరా హౌస్, టౌన్ హాల్.. వంటి ముఖ్యమైన ప్రదేశాల్లో ఏర్పాటు చేసే లైట్ షోలు, క్రిస్మస్ మార్కెట్లలో కొనుగోళ్లు, చర్చిల్లో ఆలపించే పాటలు.. ఇలా వివిధ కార్యక్రమాలతో సిడ్నీ పట్టణం శోభాయమానంగా తయారవుతుంది. అలాగే పండగ సందర్భంగా పేల్చే టపాకాయలతో పండగ వాతావరణం నెలకొంటుంది. క్రిస్మస్ సందర్భంగా అక్కడికి వెళ్లే పర్యటకులు వీటన్నింటినీ చూసి ఎంతగానో ఆనందించచ్చు.

xmastours650-8.jpg
రియో డీ జెనీరో (బ్రెజిల్)
బ్రెజిల్‌లోని ముఖ్య నగరాల్లో జరుపుకొనే క్రిస్మస్ వేడుకల్లో భాగంగా రియో డీ జెనీరో గురించి మరింత ప్రత్యేకంగా చెప్పుకోవాల్సిందే! ఎందుకంటే ఇక్కడ క్రిస్మస్ అంటే ముందుగా గుర్తొచ్చేది క్రిస్మస్ చెట్టు. విద్యుద్దీపకాంతులతో అందంగా ముస్తాబు చేసిన సుమారు 300 అడుగుల ఎత్తున్న తేలియాడే క్రిస్మస్ చెట్టును 2013లో రియోలో నిర్మించారు. ఇది ప్రపంచంలోనే అతిపెద్ద తేలియాడే క్రిస్మస్ చెట్టుగా గిన్నిస్ బుక్‌లో చోటు దక్కించుకుంది. దీన్ని చూడాలంటే రియో వెళ్లాల్సిందే. అలాగే క్రిస్మస్ థీమ్స్‌తో ఏర్పాటు చేసిన ప్రదేశాలు, పలు వస్తువులతో కొలువుదీరిన షాపులు, విద్యుద్దీపాలతో అలంకరించిన వీధులు, చర్చిలు.. మొదలైనవి సందర్శకుల మనసు దోచుకుంటాయనడంలో ఎలాంటి సందేహం లేదు. వీటితో పాటు బ్రెజిల్‌లో పాపులర్ క్రిస్మస్ పాటైన 'నోయిట్ ఫెలిజ్ (సైలెంట్ నైట్)'ను వింటూ మరెంతగానో ఎంజాయ్‌చేయచ్చు.

xmastours650-9.jpg
కేరళ (ఇండియా)
క్రిస్మస్ సందర్భంగా ప్రపంచవ్యాప్తంగానే కాకుండా మనదేశంలోని పలు రాష్ట్రాల్లోనూ క్రిస్మస్ వేడుకల్ని పెద్ద ఎత్తున నిర్వహిస్తుంటారు. విదేశాల్లో కాకుండా.. మన దేశంలోనే క్రిస్మస్ వేడుకల్ని జరుపుకోవాలంటే.. కేరళ రాష్ట్రానికి వెళ్లాల్సిందే. విద్యుద్దీపాలు, క్రిస్మస్ స్టార్స్‌తో అందంగా అలంకరించిన చర్చిలు, బీచ్‌లు, బ్యాక్‌వాటర్.. వంటివన్నీ మనసుకు ఆహ్లాదాన్ని పంచుతాయి. కేరళతో పాటు గోవా, ముంబై, పుదుచ్చేరి, డామన్ డయ్యూ, దాద్రానగర్ హవేలీ, షిల్లాంగ్.. వంటి క్రైస్తవులు అధికంగా నివసించే ప్రదేశాల్లో కూడా క్రిస్మస్ వేడుకలు అంబరాన్నంటుతాయి. అక్కడికి వెళ్తే ఆయా ప్రదేశాల్లోని సంస్కృతీసంప్రదాయాలు, ఆచార వ్యవహారాలు.. వంటివన్నీ తెలుసుకోవడంతో పాటు అక్కడి ప్రత్యేకమైన రుచుల్నీ టేస్ట్ చేయచ్చు.. మరెంతో ఆనందాన్ని కూడా మూటగట్టుకోవచ్చు.
ఇవేకాకుండా.. అమెరికాలోని పలు ప్రాంతాలతో పాటు, ఫిలిప్పీన్స్, చెక్ రిపబ్లిక్, స్పెయిన్, బెల్జియం.. వంటి దేశాల్లోనూ క్రిస్మస్ వేడుకలు ఎంతో వైభవంగా జరుగుతాయి.





women icon@teamvasundhara
tollywood-hero-nithin-all-set-to-tie-the-knot-on-july-26
women icon@teamvasundhara
covid-19-alert---precautions-while-receiving-and-opening-of-online-orders

కరోనా అలర్ట్‌ : ఆన్‌లైన్‌ ఆర్డర్ల విషయంలో తస్మాత్‌ జాగ్రత్త!

ప్రస్తుతం కరోనా మహమ్మారి మన చుట్టూ వై-ఫైలా తిరుగుతున్నప్పటికీ కొన్ని జాగ్రత్తలు పాటిస్తూనే సాధారణ జీవితానికి అలవాటు పడడానికి ప్రయత్నిస్తున్నాం. అయితే దేశంలోని వివిధ ప్రాంతాల్లో కరోనా మళ్లీ విజృంభిస్తోంది. కొన్ని రాష్ట్రాలు మళ్లీ లాక్‌డౌన్‌ ప్రకటిస్తున్నాయి. ఈ పరిస్థితుల్లో మరింత జాగ్రత్తగా ఉండాల్సిన అవసరం ఉంది. ఈ క్రమంలో ఆన్‌లైన్‌ ఆర్డర్ల విషయంలో మరింత జాగ్రత్తగా ఉండాలని నిపుణులు హెచ్చరిస్తున్నారు. ఆన్‌లైన్‌ ఆర్డర్స్‌ ద్వారా కూడా కరోనా ముప్పు పొంచి ఉండడమే ఇందుకు కారణం. కొందరు ఫుడ్‌ డెలివరీ బాయ్స్‌ ద్వారా కరోనా సోకిన పలు సంఘటనల గురించి మనం ఇదివరకే విన్నాం. కాబట్టి ఆన్‌లైన్‌ ఆర్డర్‌ చేసినప్పుడు బయటి నుంచి వచ్చే ఎలాంటి వస్తువులైనా, ఆహారమైనా సరే.. అవి ఇంటికొచ్చాక వాటిని ఓపెన్‌ చేసే విషయంలో కొన్ని జాగ్రత్తలు పాటించాలంటున్నారు నిపుణులు. తద్వారా కరోనా ముప్పును మన ఇంట్లోకి రానివ్వకుండా అడ్డుకోవచ్చంటున్నారు. మరి, ఏంటా జాగ్రత్తలు? రండి తెలుసుకుందాం..

Know More

women icon@teamvasundhara
today-horoscope-details-01-07-2020
women icon@teamvasundhara
a-tiktoker’s-chapati-face-mask-has-got-the-internet-in-a-frenzy

women icon@teamvasundhara
today-horoscope-details-29-06-2020
women icon@teamvasundhara
nari-kavach-a-specially-designed-ppe-kit-for-women-health-workers

‘కొవిడ్ నారీ కవచ్‌’.. మహిళల కోసం ప్రత్యేకమైన పీపీఈ!

కరోనా.. ప్రస్తుతం ప్రపంచాన్ని పట్టి పీడిస్తోన్న భూతం. ఈ కంటికి కనిపించని శత్రువుతో ముందుండి పోరాటం చేస్తోంది ఎవరంటే నిస్సందేహంగా వైద్యులు, నర్సులు, ఇతర వైద్య సిబ్బందే! అయితే కరోనా రోగులకు సేవలందించే క్రమంలో తాము వైరస్‌ బారిన పడకుండా ఉండేందుకు పీపీఈ కిట్లు, మాస్కులు, గ్లౌజులు.. వంటివన్నీ వారికి రక్షణ కవచాలుగా నిలుస్తున్నాయి. సాధారణంగా పీపీఈ కిట్లంటే నఖశిఖపర్యంతం శరీరం మొత్తాన్ని కప్పి ఉంచే డ్రస్‌. ప్యాంట్‌, షర్ట్‌.. వంటి దుస్తులు ధరించే వారికి ఇది వేసుకోవడం అంత కష్టమనిపించదు. కానీ భారతీయ మహిళలు ట్రెడిషనల్‌గా ధరించే చీరలపై దీన్ని వేసుకోవడం వీలు కాదు. ఇలాంటి మహిళల అసౌకర్యాన్ని అర్థం చేసుకున్న ఓ ఇండియన్‌ ఫ్యాషన్‌ డిజైనర్‌ మహిళల కోసం ప్రత్యేకంగా ఓ పీపీఈ కిట్‌ని రూపొందించారు. ఎన్నో ప్రత్యేకతలు కలిగిన ఈ స్పెషల్‌ ప్రొటెక్షన్‌ సూట్‌ గురించి కొన్ని విశేషాలు తెలుసుకుందాం రండి..

Know More

women icon@teamvasundhara
today-horoscope-details-26-06-2020
women icon@teamvasundhara
china-woman-gives-birth-to-twin-sons-10-years-apart

ఈ కవలలిద్దరూ పదేళ్ల గ్యాప్‌తో పుట్టారు!

సాధారణంగా కవలలంటే ఒకే తల్లి కడుపున ఒకేసారి పుట్టే పిల్లలు. అది వారు అమ్మాయిలు కావచ్చు.. అబ్బాయిలు కావచ్చు.. లేదంటే ఒక ఆడ-ఒక మగ శిశువు కూడా జన్మించచ్చు. కానీ పదేళ్ల తేడాతో కవల పిల్లలు జన్మించడం మీరెప్పుడైనా విన్నారా? అదెలా సాధ్యం.. అని ఆశ్చర్యపోతున్నారా? అవును.. మీరు విన్నది నిజమే. అలాంటి అరుదైన సంఘటనకు చైనా వేదికైంది. పదేళ్ల క్రితం మగ బిడ్డకు జన్మనిచ్చిన ఆ మహిళే.. ఇప్పుడు మరో మగబిడ్డకు తల్లైంది. అలా అయితే వారు కవలలెలా అవుతారు? అసలు పదేళ్ల గ్యాప్‌తో కవలలు పుట్టడమేంటి? మీ సందేహానికి సమాధానం కావాలంటే ఈ స్టోరీ చదవాల్సిందే!

Know More

women icon@teamvasundhara
today-horoscope-details-24-06-2020
women icon@teamvasundhara
parenting-lessons-from-fathers-in-telugu

అమ్మే కాదు.. నాన్న కూడా మార్గదర్శే!

కష్టసుఖాలలో, కుటుంబ బాధ్యతలలో దంపతులు ఎలాగైతే సమానంగా పాలుపంచుకుంటారో.. పిల్లల పెంపకంలోనూ ఇద్దరికీ సమాన భాగస్వామ్యం ఉంటుంది. అయితే పిల్లలు పుట్టినప్పట్నుంచీ.. పెంచి పెద్ద చేసి స్కూలుకు పంపే వరకు తల్లి పాత్రే ఎక్కువగా ఉంటుందనేది చాలామంది అభిప్రాయం. కానీ ఈ దశలో తల్లిదండ్రుల పాత్ర సమానంగా ఉంటే ఆ పిల్లలు మరింత క్రమశిక్షణతో, సంతోషకరమైన వాతావరణంలో పెరుగుతారని పలు అధ్యయనాలు వెల్లడిస్తున్నాయి. అలాగే వివిధ అంశాలలో తెలివితేటలతో వ్యవహరించడం, భావోద్వేగాల నియంత్రణ, విలువలు ఒంట పట్టించుకోవడం.. మొదలైన విషయాల్లో చిన్నతనం నుంచే పిల్లలు మరింత నేర్పరులుగా తయారయ్యే అవకాశం ఉంటుంది. ఈ క్రమంలో పిల్లల పెంపకంలో తండ్రి పాత్ర గురించి చర్చిద్దామా..

Know More

women icon@teamvasundhara
corona-virus-twitter-adds-new-search-prompt-to-help-survivors-domestic-violence-in-india

ఈ కొత్త ఫీచర్‌తో గృహహింసపై పోరాటం చేయండి!

కరోనాను తరిమికొట్టేందుకు భారత ప్రభుత్వం లాక్‌డౌన్‌ విధించింది. కరోనా కట్టడి సంగతేమో కానీ..ఈ లాక్‌డౌన్‌ మొదలయ్యాక ఇండియాతో పాటు పలు దేశాల్లో గృహహింస బారిన పడుతున్న మహిళల సంఖ్య అమాంతం పెరిగిపోయింది. ఇండియాలో అయితే లాక్‌డౌన్‌ కాలంలో గృహహింసకు సంబంధించిన ఫిర్యాదులు రెండు రెట్లు అధికమయ్యాయని జాతీయ మహిళా కమిషన్‌ ఆందోళన వ్యక్తం చేసింది. దీంతో మేల్కొన్న కేంద్ర ప్రభుత్వం అఘాయిత్యాలకు గురవుతున్న మహిళల కోసం ప్రత్యేకంగా ఓ ఆన్‌లైన్‌ వేదికను కూడా ఏర్పాటుచేసింది. ఈ పరిస్థితుల్లో గృహహింస బాధితులను ఆదుకునేందుకు ప్రముఖ మైగ్రో బ్లాగింగ్‌ సైట్‌ ‘ట్విట్టర్‌ ఇండియా’ కూడా తాజాగా ముందుకొచ్చింది. ఇందులో భాగంగా గృహహింసకు సంబంధించి అవసరమైన సమాచారం, కొత్త అప్‌డేట్‌లను ఎప్పటికప్పుడు అందించేందుకు ప్రత్యేకంగా ‘సెర్చ్‌ ప్రాంప్ట్‌’ ఫీచర్‌ను అందుబాటులోకి తీసుకొచ్చింది.

Know More

women icon@teamvasundhara
monica-dogra-shares-her-mothers-covid-survivol-story

మీరెవరూ నాలాగా ప్రాణాల మీదకు తెచ్చుకోకూడదనే ఈ విషయం చెబుతున్నా!

కరోనా... పేరు వింటేనే వెన్నులో వణుకు తెప్పిస్తోన్న ఈ వైరస్‌ ఏ మాత్రం శాంతించడం లేదు. రోజురోజుకీ తన ఉద్ధృతిని పెంచుకుంటూ చిన్నా, పెద్దా, పేద, ధనిక అనే తేడాల్లేకుండా అందరినీ కబళిస్తోంది. ఈక్రమంలో బాలీవుడ్‌ నటి, సింగర్‌ మోనికా డోగ్రా తల్లి కూడా కొద్ది రోజుల క్రితం కొవిడ్‌ బారిన పడింది. ఆస్తమా, బీపీ, మధుమేహం తదితర దీర్ఘకాలిక ఆరోగ్య సమస్యలున్న ఆమె ఈ మహమ్మారితో మొండిగా పోరాడి గెలిచింది. ప్రస్తుతం అమెరికాలో ఉంటున్న ఈ తల్లీకూతుళ్లిద్దరూ కరోనాకు సంబంధించి తమ అనుభవాలను సోషల్‌ మీడియా వేదికగా అందరితో షేర్‌ చేసుకున్నారు. వైరస్‌ను ఏమాత్రం తేలిగ్గా తీసుకోవద్దని హెచ్చరిస్తూనే, తగు జాగ్రత్తలు పాటిస్తూ ఈ మహమ్మారిని జయించవచ్చంటూ బాధితుల్లో సాంత్వన నింపారు.

Know More

women icon@teamvasundhara
today-horoscope-details-17-06-2020
women icon@teamvasundhara
today-horoscope-details-13-06-2020
women icon@teamvasundhara
pune-teacher’s-innovative-live-stream-classes-win-praise-online

మేడమ్‌... మీ ఐడియా అదిరింది !

అటు ఆరోగ్యపరంగా, ఇటు మానసికంగా అందరినీ వేధిస్తోన్న కరోనా మహమ్మారి వల్ల మన జీవన విధానంలో కొన్ని మంచి మార్పులు కూడా చోటుచేసుకున్నాయనడంలో సందేహం లేదు. ఈ క్రమంలో ప్రస్తుతం ఉన్న టెక్నాలజీని అందరూ వినియోగించుకోవడం కూడా మంచి పరిణామమే. కరోనా లాక్‌డౌన్‌ కారణంగా ఉద్యోగులు ఇంటి నుంచి పనిచేయడమే కాదు.. విద్యార్థులూ ఇంటి నుంచే పాఠాలు నేర్చుకుంటున్నారు. ఆయా పాఠశాలలు తమ టీచర్లను స్కూళ్లకు రప్పించి ఆన్‌లైన్‌లో విద్యార్థులకు పాఠాలు చెప్పిస్తుంటే.. మరికొందరు టీచర్లు ఇంటి నుంచే ఆన్‌లైన్‌ క్లాసులు నిర్వహిస్తున్నారు. అయితే ఇలా స్టూడెంట్స్‌ ఇంట్లో ఉన్నా కూడా వారికి తరగతి గది వాతావరణాన్ని కల్పిస్తున్నారు కొందరు ఉపాధ్యాయులు. అందుకు తాజా ఉదాహరణే పుణేకు చెందిన టీచర్‌ మౌమిత. పిల్లలకు పాఠాలు బోధించడానికి తాను అనుసరించిన ఓ క్రియేటివ్‌ ఐడియా ప్రస్తుతం నెటిజన్ల చేత చప్పట్లు కొట్టిస్తోంది.

Know More

women icon@teamvasundhara
today-horoscope-details-11-06-2020
women icon@teamvasundhara
kerala-girl-and-tamil-boy-married-at-state-borders

నడి రోడ్డు పైనే పెళ్లి పీటలెక్కారు !

వందేళ్ల జీవిత ప్రయాణంలో వివాహమనేది ఓ పెద్ద మలుపు. రెండు జీవితాలు ఒక్కటయ్యే ఈ వేడుకను ఎంతో ఆనందంగా, అట్టహాసంగా, అందరికీ గుర్తుండిపోయేలా జరుపుకోవాలనుకుంటారు ప్రతి ఒక్కరూ. ఇరు కుటుంబ సభ్యులు, బంధుమిత్రులు, స్నేహితుల సమక్షంలో ఏడడుగులు నడవాలనుకుంటారు. అయితే కరోనా కారణంగా ప్రస్తుతం వివాహం చేసుకునే జంటలకు ఆ అదృష్టం దక్కడం లేదు. సామాజిక దూరం నేపథ్యంలో ఎలాంటి సందడి లేకుండానే చాలా పెళ్లిళ్లు తూతూమంత్రంగా జరిగిపోతున్నాయి. కొద్ది రోజుల క్రితం వధువు ఒకచోట, వరుడు మరో చోట ఉంటూ ఫోన్‌కే తాళికట్టగా, మరి కొన్ని జంటలు వీడియో కాలింగ్‌ ద్వారా అందరినీ ఆహ్వానించి ‘వర్చువల్‌ వెడ్డింగ్‌’ ద్వారా ఏకమవుతున్నాయి. ఈక్రమంలో తాజాగా మరో జంట ఇలాగే ఏడడుగులు నడిచింది.

Know More

women icon@teamvasundhara
today-horoscope-details-09-06-2020
women icon@teamvasundhara
new-zealand-to-provide-free-sanitary-products-in-schools-to-fight-period-poverty

ఇకపై అక్కడి అమ్మాయిలకు ఆ సమస్య లేదు !

నెలసరి.. ఒక్కమాటలో చెప్పాలంటే ఇది మనందరికీ దేవుడు ప్రసాదించిన వరం. దీని కారణంగానే మనకు సంతానోత్పత్తి ప్రాప్తిస్తుంది.. మరో జీవిని ఈ లోకంలోకి తీసుకురాగలుగుతున్నాం. అలాంటిది నెలసరి అంటేనే బెంబేలెత్తిపోయే వారు మన చుట్టూ చాలామందే ఉన్నారు. ‘నెలనెలా ఈ బాధ ఆడవారికే ఎందుకిచ్చావ్‌ దేవుడా..’ అనుకునే వారూ లేకపోలేదు. ఇందుకు నెలసరి గురించి వారిలో సరైన అవగాహన లేకపోవడం ఓ కారణమైతే.. ఆ సమయంలో శ్యానిటరీ న్యాప్‌కిన్లు అందుబాటులో లేకపోవడం మరో కారణం. అంతేకాదు.. ఒకవేళ అందుబాటులో ఉన్నా.. వాటిని కొనలేని పేదరికం కూడా చాలా దేశాల్లో అలుముకొని ఉంది. అలాంటి నెలసరి పేదరికాన్ని దూరం చేయడానికి తాజాగా నడుం బిగించింది న్యూజిలాండ్‌ ప్రభుత్వం. ఈ సత్కార్యానికి అక్కడి విద్యార్థినులతోనే శ్రీకారం చుట్టనున్నట్లు ఆ దేశ ప్రధాని జెసిండా ఆర్డ్‌ర్న్‌ తాజాగా ప్రకటించారు.. తన నిర్ణయంతో ప్రపంచ దేశాధినేతలకు ఆదర్శంగా నిలిచారు.

Know More

women icon@teamvasundhara
celebrities-mourn-kerala-elephant-death-and-demands-stricter-laws-against-animal-cruelty

నిన్ను నమ్మించి గొంతు కోశారు... మమ్మల్ని క్షమించు!

ఆకలి తీర్చుకోవడానికి అడవి నుంచి జనావాసంలోకి వచ్చిన ఆ ఏనుగు ఇక్కడ కూడా కొన్ని మానవ మృగాలుంటాయని కనిపెట్టలేకపోయింది. అందుకే అనాస పండు(పైనాపిల్‌)లో ప్రాణం తీసే పేలుడు పదార్థాలు పెట్టిచ్చినా ఆబగా నోటికందుకుంది. ఆ అనాస తన ఆయుష్షు తీస్తుందని తెలియక అమాయకంగా నోరు, నాలుక, దవడను పూర్తిగా ఛిద్రం చేసుకుంది. ఎంతటి బాధనైనా తట్టుకోగలిగే ఆ భారీకాయం ఆ పేలుడు నొప్పి, మంటకు మాత్రం పసిపాపలా విలవిల్లాడిపోయింది. ఉపశమనం కోసం చల్లటి నీరు దొరికితే బాగుండునని ఊరూరా తిరిగింది. చివరకు ఓ నదిలోకి దిగి వూపిరి పీల్చుకుంది. కానీ అప్పటికే నోరంతా ఛిద్రం అవ్వడం, ఏమీ తినకపోవడంతో ఆకలితోనే ప్రాణమొదిలింది. భూతల స్వర్గంగా పేరొందిన కేరళలో జరిగిన ఈ ఘోరం ‘మనుషుల్లో మానవత్వం మాయమవుతోంది’ అన్న మాటకు సజీవ సాక్ష్యంలా నిలుస్తోంది. ఇక్కడ చింతించాల్సిన మరో విషయం ఏమిటంటే మానవ మృగాల చేతిలో మృత్యువాత పడిన ఆ మూగజీవం గర్భంతో ఉండడం..!

Know More

women icon@teamvasundhara
today-horoscope-details-04-06-2020
women icon@teamvasundhara
dutee-chand-shares-about-her-relationship-and-sister-behavior

నా వరకు అది ప్రేమే.. ఆ అమ్మాయితోనే ఉంటా!

స్వలింగ వివాహాలు.. ఇప్పటికే కొన్ని దేశాల్లో ఆయా ప్రభుత్వాలు ఈ వివాహ వ్యవస్థను చట్టబద్ధం చేసిన సంగతి తెలిసిందే. ఈ క్రమంలోనే ఆయా దేశాల్లోని కొందరు సెలబ్రిటీలు సేమ్ సెక్స్ మ్యారేజెస్ చేసుకోవడం కూడా మనం వార్తల్లో చదివాం. అయితే మన దేశంలో మాత్రం స్వలింగ వివాహాలు ఇంకా చట్టబద్ధం కానప్పటికీ.. స్వలింగ సంపర్కం నేరం కాదని 2018లో సుప్రీంకోర్టు సంచలన తీర్పు వెల్లడించిన విషయం విదితమే. ఈ నేపథ్యంలో గతేడాది భారత స్ప్రింటర్ ద్యుతీ చంద్ తాను ఓ అమ్మాయితో ఐదేళ్లుగా సహజీవనం చేస్తున్నానని, తననే పెళ్లి చేసుకోబోతున్నానని సంచలన ప్రకటన చేసిన సంగతి తెలిసిందే. ద్యుతి తన బంధం గురించి ధైర్యంగా వెల్లడించడంతో ఆమె తల్లిదండ్రులతో పాటు పలువురు ఆమెపై ప్రశంసల జల్లు కురిపించారు. అయితే ఈ విషయంలో తన సోదరి నుంచి తీవ్ర వ్యతిరేకత ఎదురైందని ఓ సందర్భంలో చెప్పుకొచ్చిన ఆమె తాజాగా ‘ఈటీవీ భారత్‌’కి ఇచ్చిన ఇంటర్వ్యూలో మరికొన్ని విషయాలను షేర్‌ చేసుకుంది.

Know More

women icon@teamvasundhara
we-should-follow-the-latest-lifestyle-trends-in-this-coronavirus-period
women icon@teamvasundhara
anchor-anasuya-dares-to-share-her-period-story

నా తొలి నెలసరి సమయంలో ఏం జరిగిందంటే!

నెలసరి... మహిళలకు సంబంధించిన ఈ సహజ ప్రక్రియ సమయంలో ఒక్కొక్కరికీ ఒక్కో అనుభవం ఎదురవుతుంది. అయితే వీటి గురించి మాట్లాడుకోవాలంటే చాలామంది ఇప్పటికీ రహస్యంగా సైగలు చేసుకుంటారు తప్ప నోరు విప్పరు. ఇలా బహిరంగంగా చెప్పడం వల్ల ఎదుటి వారు ఏమనుకుంటారోనన్న సందేహానికి తోడు సమాజం దీన్ని ఏ రకంగా తీసుకుంటుందోనన్న భయం నెలసరి గురించి నలుగురిలో మాట్లాడడానికి వెనకంజ వేసేలా చేస్తుంది. అయితే మహిళల్లో ఇది కామన్‌గా జరిగే ప్రక్రియ. అలాంటప్పుడు దీని గురించి రహస్యంగా మాట్లాడుకోవడమెందుకు అని ప్రశ్నిస్తోంది టాలీవుడ్‌ యాంకర్‌ అనసూయ. తాజాగా ‘మెన్‌స్ర్టువల్‌ ఎడ్యుకేషన్‌’పై ఓ స్వచ్ఛంద సంస్థ నిర్వహించిన క్యాంపెయిన్‌లో పాల్గొన్న ఆమె తన తొలి నెలసరి అనుభవం గురించి ధైర్యంగా షేర్‌ చేసుకుంది.

Know More

women icon@teamvasundhara
indian-company-paree-announces-period-leave-on-world-menstrual-hygiene-day

అందుకే ‘పిరియడ్‌ లీవ్‌’ కూడా ఇస్తున్నాయి !

కడుపునొప్పి, నడుం నొప్పి, నీరసం, చిరాకు, మూడ్‌ స్వింగ్స్‌, అధిక రక్తస్రావం.. నెలసరి రోజుల్లో మహిళల పరిస్థితి ఇది. సాధారణంగా ఇలాంటి సమస్యలున్నప్పుడు ఏ పనీ చేయాలనిపించదు. హాయిగా విశ్రాంతి తీసుకుంటే బాగుండనిపిస్తుంది. కానీ వృత్తి ఉద్యోగాల్లో కొనసాగే మహిళలకు ఈ రోజుల్లో కూడా విధులకు హాజరవక తప్పదు. దాంతో తప్పని పరిస్థితుల్లో నొప్పుల్ని భరిస్తూ మరీ ఉద్యోగానికి వెళ్తుంటారు మహిళలు. అయితే తమ సంస్థలో పనిచేసే మహిళా ఉద్యోగులకు మాత్రం ఇకపై ఇలాంటి అసౌకర్యం కలిగించొద్దని నిర్ణయించుకుంది ఓ ఇండియన్‌ కంపెనీ. ఈ క్రమంలోనే నెలసరి ప్రారంభమైన మొదటిరోజున వేతనంతో కూడిన సెలవు తీసుకునే వెసులుబాటు కల్పిస్తున్నట్లు వెల్లడించింది. మే 28న ‘అంతర్జాతీయ నెలసరి పరిశుభ్రతా దినోత్సవం’ సందర్భంగా ఆ కంపెనీ ఈ నిర్ణయం తీసుకోవడం విశేషం. మరి, ఆ విశేషాలేంటో తెలుసుకుందాం రండి..

Know More

women icon@teamvasundhara
psychiatrist-advice-on-how-to-identify-and-avoid-fraud-people

మాటల మాయలో.. వలపు వలలో.. చిక్కుకోకుండా !

‘పెళ్లి చేసుకుంటాను... నీ కూతుర్ని నా కూతురిలా చూసుకుంటా’నంటే అమాయకంగా నమ్మింది. కానీ ఆ మోసకారి తన కూతురుపైనే కన్నేసాడని తెలిసినా ఏం చేయలేక ప్రాణాలు కోల్పోయింది. - గొర్రెకుంటబావి సంఘటన ఆమె సాఫ్ట్‌వేర్‌ ఉద్యోగిని. అతనో ఎన్నారై అని నమ్మింది. ఇండియా వచ్చి పెళ్లి చేసుకుంటానంటే అతని ఖాతాలో లక్షలు కుమ్మరించింది.. - ఓ బాధితురాలు ఇలాంటి వాళ్లు వీధి చివరన ఒకడుంటాడు.. ఆఫీస్‌లో ఇంకొకడు కన్నేస్తాడు. ఆన్‌లైన్‌లో మరొకడు తగులుతాడు. ఈ మాయగాళ్లను కనిపెట్టడం తేలికే! వారి నుంచి తప్పించుకోవడం ఇంకా తేలిక! అంతా మీ చేతుల్లోనే, చేతల్లోనే ఉంది.. అదెలాగంటే...

Know More

women icon@teamvasundhara
today-horoscope-details-29-05-2020
women icon@teamvasundhara
first-period-traditions-in-different-states-on-this-menstrual-hygiene-day

అక్కడ అమ్మాయి పెద్దమనిషైతే అరటిచెట్టుతో పెళ్లి చేస్తారట!

ఓవైపు బిడియం, మరోవైపు సిగ్గు, ఇంకోవైపు ఆనందం.. ఇలా ఆడపిల్లలు బాల్యాన్ని వదిలి యవ్వనంలోకి అడుగుపెట్టే ఆ క్షణంలో వారి మనసులో కలిగే భావాలెన్నో! మరి ఈ దశలో వారి మనసులో కలిగే భయాల్ని, అపోహల్ని పోగొట్టి, వారికి ఎన్నో మధురానుభూతుల్ని అందించడానికి తొలి నెలసరి వేడుకను పెద్ద పండగలా జరుపుకోవడం మన దగ్గర ఆనవాయితీగా వస్తోంది. అంతేకాదు.. వివిధ పిండి పదార్థాలు, పండ్లు-ఫలహారాలతో వారి ఒడి నింపి వారిలో ఆరోగ్య స్పృహ పెంచుతారు కూడా! కేవలం తెలుగు రాష్ట్రాల్లోనే కాదు.. దేశంలోని వివిధ ప్రాంతాల్లోనూ అమ్మాయిలకు నెలసరి ప్రారంభమైన ఆ ఘట్టాన్ని విభిన్న సంప్రదాయాలు-ఆచారాలతో పెద్ద వేడుకలా నిర్వహిస్తుంటారు. అయితే ఈ విషయంలో చాలా ప్రాంతాల్లో ఇప్పటికీ వివిధ మూఢనమ్మకాలు సంప్రదాయాలు రాజ్యమేలుతుండడం విచారకరం. 'అంతర్జాతీయ నెలసరి పరిశుభ్రతా దినం' సందర్భంగా దేశంలోని కొన్ని రాష్ట్రాల్లో 'ఫస్ట్ పిరియడ్ ట్రెడిషన్స్' ఎలా ఉంటాయో తెలుసుకుందాం రండి..

Know More

women icon@teamvasundhara
about-menstrual-hygiene-day-facts

నెలసరి సమయంలో పరిశుభ్రతే ధ్యేయంగా..!

ప్రతినెలా వచ్చి పలకరించే రుతుక్రమం కారణంగా ఇండియాలో 20 శాతం మంది అమ్మాయిలు స్కూలుకు గైర్హాజరవుతున్నారట! అంతేకాదు.. బాలికలు స్కూలు మానేయడానికి ఇది రెండో అతిపెద్ద కారణమట. అలాగే ఈ సమయంలో పలు రకాల ఇబ్బందులు ఎదుర్కొనే అమ్మాయిలు కూడా చాలామందే ఉంటారు. అయితే ఈ పరిస్థితుల్లో మార్పు రావాలని, ఆడపిల్లలు నెలసరి సమయంలో పరిశుభ్రతకు ప్రాముఖ్యం ఇవ్వాలని.. తెలియజేసే ఉద్దేశంతోనే ‘నెలసరి పరిశుభ్రతా దినోత్సవం' (మెన్‌స్ట్రువల్ హైజీన్ డే) ప్రారంభమైంది. ఏటా మే 28న జరుపుకొనే ఈ రోజు గురించి మరిన్ని విషయాలు తెలుసుకోవాలనుకొంటున్నారా? అయితే రండి..

Know More

women icon@teamvasundhara
corona-virus-a-child-tries-to-wake-up-dead-mother-at-railway-station

చనిపోయిందని తెలియక ‘అమ్మా.. లే అమ్మా’ అంటూ..!

రెక్కాడితే కానీ డొక్కాడని వలస కార్మికుల జీవితాలను మరింత దుర్భరంగా మార్చింది కరోనా. లాక్‌డౌన్‌ కారణంగా పొట్ట కూటి కోసం పట్నం వచ్చిన ఈ బడుగు జీవుల బతుకు ప్రశ్నార్థకమైంది. చేతిలో చిల్లిగవ్వ లేక, ఉన్న చోట ఉపాధి దొరక్క, ఆదరించే దిక్కులేక ఎన్నో అవస్థలు పడుతున్నారు. చివరకు కనీసం సొంతూరులోనైనా కడుపు నింపుకొందామన్న కొండంత ఆశతో వేలాది కిలోమీటర్ల మేర కాలినడకన, సైకిళ్ల పైన బయల్దేరి వెళ్తున్నారు. ఇంకొందరైతే మార్గమధ్యంలో దొరికిన ట్రక్కు, లారీ, ఆటోలనో పట్టుకొని సొంతగూటి బాట పడుతున్నారు. అయితే దురదృష్టవశాత్తూ చాలామంది ఇంటికి చేరేలోపే వివిధ కారణాలతో ప్రాణాలు కోల్పోతున్నారు. ఈక్రమంలో వలస కార్మికుల దీన పరిస్థితికి అద్దం పట్టే మరో విషాదకర ఘటన బిహార్‌లోని ముజఫర్‌పూర్‌ రైల్వే స్టేషన్‌లో చోటుచేసుకుంది.

Know More

women icon@teamvasundhara
today-horoscope-details-27-05-2020
women icon@teamvasundhara
assamese-bride-adorns-silk-handloom-mask-for-her-wedding-is-viral-on-social-media

మ్యాచింగ్‌ మాస్కుతో ఈ పెళ్లికూతురు అదుర్స్‌ !

పెళ్లంటే జీవితంలో ఒకేసారి అంగరంగ వైభవంగా చేసుకునే వేడుక. నిశ్చితార్థం మొదలు రిసెప్షన్‌ పూర్తయ్యే వరకూ ఫొటోషూట్స్‌, వీడియోలు అంటూ వధూవరులు చేసే సందడి అంతా ఇంతా కాదు. ఇలా మనువాడబోయే ప్రతి జంటా తమ పెళ్లిని పది కాలాల పాటు నిలిచిపోయే జ్ఞాపకంగా మార్చుకోవాలని కలలు కంటుంది. అయితే ప్రస్తుతం కరోనా ఎందరో జంటల పెళ్లి కలలను ఛిద్రం చేస్తోంది. అంగరంగ వైభవంగా జరగాల్సిన పెళ్లి కాస్తా ఏదో తూతూ మంత్రంగా జరిపించేస్తున్నారు పెద్దలు. దీనికి తోడు పెళ్లి ముస్తాబులో నూతన వధూవరులు ఒకరినొకరు కళ్లారా చూసుకోకుండా మాస్కులు అడ్డుపడుతున్నాయి. అయితే మాస్కులు ధరించామన్న భావనే కలగకుండా దాన్నీ ఓ పెళ్లి కాస్ట్యూమ్‌గా చేసుకుంటే బాగుంటుందనుకున్నట్లుంది ఈ అస్సామీ నవ వధువు. పెళ్లి దుస్తులకు మ్యాచయ్యే విధంగా మాస్క్‌ను డిజైన్‌ చేయించుకొని కుందనపు బొమ్మలా మెరిసిపోయింది. ఇక సోషల్‌ మీడియాలో వైరలవుతోన్న ఈ వధువు ఫొటోలు చూసి నెటిజన్లు సైతం వావ్‌ అంటూ ఈ కొత్త పెళ్లి కూతురి ఐడియాకు ఫిదా అయిపోతున్నారు.

Know More

women icon@teamvasundhara
today-horoscope-details-25-05-2020
women icon@teamvasundhara
up-girl-walks-80km-to-reach-groom-house-ties-nuptial-knot

పెళ్లి కోసం ఏకంగా 80 కిలోమీటర్లు నడిచింది!

పెళ్లంటే జీవితంలో ఒకేసారి వచ్చే పండగ. రెండు జీవితాలు ఒక్కటయ్యే ఈ వేడుకను ఎంతో ఆనందంగా, అట్టహాసంగా, అందరికీ గుర్తుండిపోయేలా జరుపుకోవాలని ప్రతిఒక్కరూ కోరుకుంటారు. బంధుమిత్రులు, స్నేహితులు, సన్నిహితుల సమక్షంలో ఆనందంగా ఏడడుగులు నడవాలనుకుంటారు. కానీ కరోనా పుణ్యమా అని ప్రస్తుతం పెళ్లిళ్లకు సంబంధించిన ప్రణాళికలన్నీ మారిపోయాయి. కొందరేమో తమ శుభకార్యాలను వాయిదా వేసుకుంటుండగా, మరికొందరు మాత్రం ఇలాంటి ముహూర్తం మళ్లీ రాదని ఎలాగోలా లాక్‌డౌన్‌ కష్టాలను అధిగమించి పెళ్లిపీటలెక్కుతున్నారు. ఈక్రమంలో మరోసారి తమ పెళ్లి వాయిదా పడకూడదని ఓ వధువు పెద్ద సాహసమే చేసింది. సుమారు 80 కిలోమీటర్ల దూరంలోనున్న వరుడి ఇంటికి నడిచి వెళ్లి మరీ మూడుముళ్లు వేయించుకుంది.

Know More

women icon@teamvasundhara
manchu-lakshmi-live-with-rana

అంతా ఆరు నిమిషాల్లో అయిపోయిందమ్మా..!

రానా-మిహీకా బజాజ్‌ ...త్వరలో పెళ్లిపీటలెక్కనున్న ఈ ప్రేమ జంట గురించే ప్రస్తుతం అందరూ మాట్లాడుకుంటున్నారు. ఈక్రమంలో కొద్ది రోజుల క్రితమే తమ ప్రేమ విషయాన్ని వెల్లడించి అందరినీ ఆశ్చర్యపరిచారీ లవ్‌ బర్డ్స్‌. తాజాగా పెళ్లికి ముందు సంప్రదాయంగా నిర్వహించే రోకా ఫంక్షన్‌ను కూడా ఘనంగా జరుపుకొన్న ఈ ప్రేమ పక్షులకు ఇక పెళ్లే తరువాయి అని చెప్పవచ్చు. ఈనేపథ్యంలో మంచు లక్ష్మి నిర్వహిస్తోన్న ‘లాక్డ్‌ అప్‌ విత్‌ లక్ష్మి’ లైవ్‌ ప్రోగ్రామ్‌లో పాల్గొన్నాడు రానా. వర్చువల్‌గా సాగే ఈ కార్యక్రమంలో తన ప్రేమకు సంబంధించిన కొన్ని ఆసక్తికర విషయాలను షేర్‌ చేసుకున్నాడీ భళ్లాల దేవుడు. అంతేకాదు మంచు లక్ష్మి అడిగిన పలు ప్రశ్నలకు సరదాగా సమాధానమిచ్చాడు. మరి ఎంతో ఆసక్తికరంగా సాగిన వీరి సంభాషణపై మీరూ ఓ లుక్కేయండి!

Know More

women icon@teamvasundhara
corona-virus-woman-dresses-up-in-hippopotamus-costume-to-hug-elderly-mother-in-us-old-age-home

అమ్మను ఆప్యాయంగా హత్తుకునేందుకు ఈ మహిళ ఏం చేసిందంటే!

కరోనా... అటు శారీరకంగా, ఇటు మానసికంగా ప్రతి ఒక్కరినీ ఇబ్బంది పెడుతోన్న వైరస్‌. మనుషుల మధ్య సామాజిక దూరాన్ని తీసుకొచ్చిన ఈ మహమ్మారి కారణంగా కనీసం కుటుంబ సభ్యులతో కూడా దగ్గరగా ఉండలేని దీన పరిస్థితి. ఎప్పుడు, ఎక్కడ, ఎలా దాడి చేస్తుందో తెలియని ఈ వైరస్‌ భయంతో సన్నిహితులు, స్నేహితులు, శ్రేయోభిలాషులకు దూరంగా ఉంటున్నాం. ఈ విపత్కర పరిస్థితుల్లో దూరంగా ఉన్న తన తల్లిని కలుసుకునేందుకు ఓ వినూత్న ప్రయత్నం చేసింది అమెరికాకు చెందిన ఓ మహిళ. ఇందులో భాగంగా హిప్పోపొటామస్‌ (నీటి గుర్రం) కాస్ట్యూమ్‌ ధరించిన ఆమె సామాజిక దూరం నిబంధనలు పాటిస్తూ తన తల్లిని ఆప్యాయంగా హత్తుకుంది.

Know More

women icon@teamvasundhara
karthik-dial-seytha-yenn-brings-back-ye-maya-chesave-memories

‘ఏ మాయ చేసావే’ మళ్లీ వచ్చింది!

‘ప్రపంచంలో ఇంతమంది అమ్మాయిలుండగా...నేను జెస్సీనే ఎందుకు ప్రేమించాను?’...ఈ డైలాగ్‌ వినగానే మనకు వెంటనే గుర్తొచ్చే సినిమా ‘ఏమాయ చేసావే’. సమంత, నాగచైతన్య హీరో హీరోయిన్లుగా పదేళ్ల క్రితం వచ్చిన ఈ సినిమా ప్రేక్షకులను నిజంగానే ‘మాయ’ చేసింది. ప్రముఖ దర్శకుడు గౌతమ్‌ మీనన్‌ తెరకెక్కించిన ఈ చిత్రంలోని కార్తీక్, జెస్సీల క్యారక్టర్లు ఎంత మ్యాజిక్‌ చేశాయో ప్రత్యేకంగా చెప్పక్కర్లేదు. తమిళంలో ‘విన్నైతండి వరువాయ’ పేరుతో విడుదలైన ఈ చిత్రంలో సమంత, నాగచైతన్య నటించిన పాత్రలను త్రిష, శింబు పోషించిన సంగతి తెలిసిందే. సినీ ప్రేక్షకులను, ప్రత్యేకించి యువతను ఎంతగానో ఆకట్టుకున్న ఈ అపురూప దృశ్య కావ్యం షార్ట్‌ ఫిల్మ్‌ రూపంలో మళ్లీ మన ముందుకు వచ్చింది. అప్పటి ‘ఏ మాయ చేసావే’ సినిమాతో పూర్తిస్థాయి ప్రేమకథను అందించిన బృందమే ఈ మధురమైన చిన్న ప్రేమకథను రూపొందించడం విశేషం.

Know More

women icon@teamvasundhara
heartbroken-woman-sends-cheating-ex-boyfriend-a-tonne-of-onions

ఉల్లిపాయలతో మాజీ ప్రేమికుడికి అలా బుద్ధి చెప్పింది!

‘ఏం చేస్తాం? అమ్మాయిలం! జెన్యూన్‌గా లవ్‌ చేయడం తప్ప మాకేం తెలుసు’ ...‘నేను శైలజ’ సినిమాలో లవర్‌ బ్రేకప్‌ చెప్పాడని ధన్యా బాలక్రిష్ణన్‌ అమాయకంగా కన్నీరుమున్నీరవుతూ చెప్పే ఈ డైలాగ్‌ చాలా ఫేమస్‌ అయింది. రియల్‌ లైఫ్‌లో కూడా ప్రియుడు ఉన్నట్లుండి బ్రేకప్‌ చెబితే ఏ అమ్మాయి అయినా ఇలాగే కన్నీరుమున్నీరవుతుంది. తనలో తాను మధనపడుతూ కుమిలిపోతుంది. ఇంకొందరు ధైర్యం చేసి న్యాయం కోసం పోలీసులను ఆశ్రయించడమో, కోర్టు మెట్లెక్కడమో చేస్తుంటారు. అయితే చైనాకు చెందిన ఓ యువతి మాత్రం తనకు బ్రేకప్‌ చెప్పిన ప్రియుడికి విభిన్నంగా బుద్ధి చెప్పింది. ఇందులో భాగంగా అతడికి 1000కిలోల ఉల్లిపాయలు హోం డెలివరీ చేసింది. వినడానికే ఎంతో ఆసక్తికరంగా ఉన్న ఈ ఉల్లిపాయల బ్రేకప్‌ స్టోరీ వెనకున్న అసలు కథేంటో తెలుసుకుందాం రండి.!

Know More

women icon@teamvasundhara
today-horoscope-details-20-05-2020
women icon@teamvasundhara
today-horoscope-details-16-05-2020