scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'ఈ ఇద్దరిలో ఎవరిని చేసుకోవాలి?'

'ఆ అమ్మాయి తన తల్లిదండ్రులకు ఒక్కగానొక్క కూతురు. అల్లారుముద్దుగా పెంచుకున్నారు. అడగకముందే అన్నీ సమకూర్చేవారు. ఉన్నత విద్యను అందించి.. తన కాళ్లపై తాను నిలబడేలా చేశారు. ఇలా తన కూతురు పాతికేళ్ల జీవితాన్ని మరొకరు వేలెత్తి చూపించకుండా తీర్చిదిద్దారా పేరెంట్స్‌. ఈ క్రమంలోనే పెళ్లీడుకొచ్చిన తమ కూతురికి తగిన వరుడ్ని కూడా చూశారు. అందుకు ఆమె కూడా ఓకే చెప్పేసింది. అంతా సవ్యంగా జరుగుతుందిలే అనుకునే సరికే ఆ అమ్మాయి జీవితంలోకి మరో వ్యక్తి ప్రవేశించాడు. ఇప్పటిదాకా తన తల్లిదండ్రుల నుంచి తాను పొందిన ప్రేమ తను రాజీపడడం వల్లే తనకు దక్కిందని తెలియజేశాడు. ఇప్పుడా అమ్మాయి ముందున్నవి రెండే దారులు. ఒకటి.. తన స్వార్థం తాను చూసుకోవడం! రెండు.. ఎప్పటిలాగే తన తల్లిదండ్రుల కోసం తన ఇష్టాలను వదులుకోవడం! మరి, తనకు ఏ దారి ఎంచుకోవాలో అర్థం కాక మనల్నే్ సలహా అడుగుతోంది. ఈ క్రమంలోనే ఆమె హృదయరాగాన్ని ఇలా మన ముందుంచింది.'

Know More

Movie Masala

 
category logo

మా అమ్మాయి ఆత్మకు శాంతి..మాకు మనశ్శాంతి !

Disha 4 accused were killed in police encounter

పది రోజుల క్రితం జరిగిన ‘దిశ’ దారుణ హత్యోదంతంతో తీవ్ర ఆవేదన, ఆందోళనకు గురైన సమస్త భారతావని పండగ వాతావరణంలో మునిగిపోయింది. భవిష్యత్‌పై బంగారు ఆశలు పెట్టుకున్న ఆ వైద్యురాలి జీవితాన్ని చిదిమేసిన నాలుగు మానవ మృగాలు పోలీసుల ఎన్‌కౌంటర్‌లో హతమవ్వడమే ఆ సంతోషానికి కారణం. పుట్టెడు శోకంతో ఉన్న బాధితురాలి కుటుంబీకులకు ఈ వార్త కొంచెం సాంత్వన కలిగిస్తే.. ‘దిశ’ను తమ ఆడ కూతురిగా భావించిన భారతావని కళ్లల్లో చెప్పలేనంత ఆనందాన్ని నింపింది. ఈ క్రమంలో దుష్ట శిక్షణ, శిష్ట రక్షణ కోసం ఏం చేసినా తప్పులేదంటూ దేశంలోని వివిధ రంగాల సెలబ్రిటీల నుంచి సామాన్యుల దాకా హర్షాతిరేకాలు వ్యక్తం చేస్తున్నారు. సమాజంలో తిరుగుతున్న మరికొన్ని మానవ మృగాలకు భయం కలిగేలా చేసిన ఈ సంఘటనపై మహిళలు, విద్యార్థినులు టపాసులు కాలుస్తూ, డ్యాన్స్‌లు చేస్తూ తమ సంతోషాన్ని పంచుకుంటున్నారు.

dishrounuparticle650-5.jpg

సరైన న్యాయమే జరిగింది..!

మనుషులకు హక్కులుంటాయి..కానీ మృగాలకు కాదు’.. ‘దిశ’ నిందితుల ఎన్‌కౌంటర్‌ను వ్యతిరేకిస్తున్న కొందరికి ఓ సెలబ్రిటీ ఇచ్చిన ఈ సమాధానం సరిగ్గా సరిపోతుంది. మూగజీవాలకు వైద్యం చేసి ప్రాణాలు పోసే అభం శుభం తెలియని ఓ ఆడపిల్ల.. మనిషి ముసుగులో కొన్ని మృగాలు కూడా ఈ సమాజంలో తిరుగుతున్నాయని తెలుసుకోలేకపోయింది. మానవత్వాన్ని మరిచిన నలుగురు కీచకులు విసిరిన వలలో చిక్కుకుని ప్రాణాలు కోల్పోయింది. ఆ ముష్కరుల మధ్య ఆమె ఎంత నరక యాతన అనుభవించిందో..తలచుకుంటేనే ప్రతి ఒక్కరి కళ్లల్లో నీళ్లు తిరుగుతాయి...అదే సమయంలో ఆక్రోశం, ఆవేశం కూడా ఉప్పొంగుతాయి. వీటన్నింటి నుంచి ఊరట కలిగించేలా ఆ మానవ మృగాలు పోలీసుల చేతుల్లో హతమయ్యారు. విచారణలో భాగంగా ‘దిశ’ కు సంబంధించిన వస్తువులను చూపెడతామంటే నిందితులను హత్యాస్థలానికి తీసుకొచ్చారు. ఈ సమయంలో పోలీసుల వద్ద తుపాకులు లాక్కుని తప్పించుకుందామని ప్రయత్నించారు. అయితే పోలీసులు కూడా నిందితులపై కాల్పులు జరపడంతో అక్కడికక్కడే హతమయ్యారు. రాక్షసులు ఎక్కడైతే ‘దిశ’ను పాశవికంగా బలిగొన్నారో.. సరిగ్గా అదే ప్రదేశంలో ఆనలుగురు పోలీసుల తుపాకీ తుటాలకు ప్రాణాలొదలడం గమనార్హం.

dishrounuparticle650-1.jpg

ఆరోజు ఏం జరిగిందంటే..!

గత నెల 27న సాయంత్రం శంషాబాద్‌లోని తన ఇంటి నుంచి స్కూటీపై బయల్దేరింది ‘దిశ’. సమీపంలోని ఓ టోల్‌ ప్లాజా వద్ద వాహనం ఉంచేసి గచ్చిబౌలికి వెళ్లింది. అప్పటికే ఆమెపై కన్నేసిన దుండగులు ఆమె స్కూటీకి పంక్చర్‌ వేశారు. రాత్రి టోల్‌ప్లాజా దగ్గరకు చేరుకున్న ఆమె ఈవిషయంపై తీవ్ర ఆందోళన చెందుతూ సోదరికి ఫోన్‌ చేసింది. అయితే స్కూటీ రిపేర్‌ పేరుతో ఆమెను అక్కడే నిర్బంధించారు ఆ నలుగురు రాక్షసులు. అనంతరం అత్యంత పాశవికంగా హత్యాచారం చేశారు. పోలీసులకు ఎలాంటి సాక్ష్యాధారాలు లభించకూడదన్న ఉద్దేశంతో అపస్మారక స్థితిలో ఉన్న ఆమెను పెట్రోల్‌ పోసి తగులబెట్టారు. హత్యోదంతానికి ముందే బాధితురాలి తల్లిదండ్రులు తమ కూతురు అదృశ్యంపై ఫిర్యాదు చేయడానికి వస్తే ఆ మాటనుపెడచెవిన పెట్టారు స్థానిక పోలీసులు. మరుసటి రోజు పూర్తిగా కాలిపోయిన ఆమె మృతదేహం దొరికింది. అది తమ కూతురిదేనని తెలుసుకున్న ఆ తల్లిదండ్రుల ఆక్రందనలను ఆపడం ఎవరితరం కాలేదు.

24 గంటల్లోపే..!

ఏడేళ్ల క్రితం దేశ రాజధాని దిల్లీలో జరిగిన ‘నిర్భయ’ ఘటనతో దేశమంతా ఉలిక్కిపడింది. కదులుతున్న బస్సులో ఓ యువతిపై ఆరుగురు కీచకులు సాగించిన ఆ దారుణాన్ని ఎవరూ అంత సులభంగా మర్చిపోలేదు. ఈ క్రమంలో హైదరాబాద్‌లో జరిగిన ‘దిశ’ హత్యోదంతం మరో ‘నిర్భయ’ ఘటనను తలపించింది. మహిళల భద్రతపై పలు సందేహాలు రేకేత్తించిన ఈ ఘటనపై దేశంలోని వివిధ రంగాలకు చెందిన సెలబ్రిటీలు, సామాన్యులు ఆవేదన వ్యక్తం చేశారు. ఇలా దేశవ్యాప్తంగా సంచలనం సృష్టించిన ఈ ఘటనపై సీరియస్‌గా దృష్టి సారించింది తెలంగాణ ప్రభుత్వం ..ఇందులో భాగంగా లభించిన కొన్ని ఆధారాలతో 24 గంటల్లోపే నిందితులను పట్టుకున్నారు తెలంగాణ పోలీసులు

ఈ పది రోజుల్లో..!

dishrounuparticle650-4.jpg

 - గత నెల 27న దిశను నిందితులు దారుణంగా అత్యాచారం చేసి హత్య చేశారు.

 - 28న ఈ దారుణానికి ఒడిగట్టిన నలుగురు నిందితులను అరెస్ట్‌ చేశారు తెలంగాణ పోలీసులు.

 - 29న వారిని షాద్‌నగర్‌ పోలీస్‌ స్టేషన్‌కు తరలించి విచారించారు.

 - 30న మెజిస్ర్టేట్‌ వద్ద హాజరుపరిచారు. 10 రోజుల జ్యుడీషియల్‌ కస్టడీ విధించారు. అనంతరం చర్లపల్లి జైలుకు నిందితులను తరలించారు.

 - ఈనెల 1న నిందితుల సత్వర విచారణ కోసం ఫాస్ట్‌ ట్రాక్‌ కోర్టు ఏర్పాటుచేయాలని సీఎం కేసీఆర్‌ నిర్ణయించారు.

 - 2న ‘దిశ’ హత్యోదంతంపై పార్లమెంట్ ఉభయ సభలు స్పందించాయి. నిందితులకు కఠిన శిక్ష పడేలా చట్టాలు చేస్తామని కేంద్రమంత్రుల హామీ ఇచ్చారు.

 - 3న ‘దిశ’ను బతికుండగానే పెట్రోల్‌ పోసి తగలబెట్టామని ప్రధాన నిందితుడు అసలు నిజాన్ని బయటపెట్టాడు.

 - 4న నిందితులను పోలీసుల కస్టడీకి అనుమతిస్తూ షాద్‌నగర్‌ కోర్టు తీర్పునిచ్చింది.

 - 5న నిందితులను సిట్‌ బృందం విచారించింది.

 - 6న పోలీసుల నుంచి తప్పించుకుపోవడానికి ప్రయత్నిస్తూ పోలీసుల ఎదురుకాల్పు్ల్లో మృత్యువాతపడ్డారు నలుగురు కామాంధులు.

దిశ’ దశ దిన కర్మ రోజే..!

ఎట్టకేలకు ఒక్క ఆడ కూతురికి అయినా న్యాయం జరిగింది. ఏడేళ్ల క్రితం నాకు తగిలిన గాయాలకు ఈ ఎన్‌కౌంటర్‌ ఆయింట్‌మెంట్‌ రాసినట్లుంది’ ‘దిశ’ నిందితుల ఎన్‌కౌంటర్‌ అనంతరం ‘నిర్భయ’ తల్లి మనసులో నుంచి వచ్చిన ఉపశమనపు మాటలివి. ‘దిశ’ లాగే కీచకుల చేతిలో తన కన్న కూతురిని పోగొట్టుకుని, నేటికీ న్యాయం కోసం పోరాడుతోన్న ఆమె ఆవేదనకు కొంచెమైనా సాంత్వన దొరికిందని ఆమె మాటల్లో అర్థమవుతోంది. మరోవైపు కీచకుల చేతిలో కన్నుమూసిన కూతురి అత్మకు శాంతి కలగాలని దశ దిన కర్మ నిర్వహించేందుకు సిద్ధమయ్యారు ‘దిశ’ తల్లిదండ్రులు. ఇంతలోనే పోలీసుల చేతిలో నలుగురు నిందితులు హతమయ్యారనే వార్త వారికి తెలిసింది. దీంతో వారితో పాటు బంధువులు, చుట్టుపక్కల ప్రజలు హర్షం వ్యక్తం చేస్తున్నారు. ఒప్పో..తప్పో పక్కన పెడితే ‘దిశ’కు సరైన న్యాయం జరిగిందని కొందరంటే, ‘తెలంగాణలో నిజమైన దీపావళి ఈరోజే ’ అంటూ మరికొందరు టపాసులు కాలుస్తున్నారు. తెలుగు రాష్ట్రాలతో పాటు దేశ వ్యాప్తంగా పోలీసుల చర్యను సమర్థిస్తూ సంబరాలు చేసుకుంటున్నారు.

ఆ నిజాన్ని నమ్మలేకపోతున్నా !

ఏడేళ్లైనా నిర్భయకు న్యాయం జరగలేదు. దీంతో మాకు కూడా న్యాయం జరుగుతుందో? లేదో? అన్న అనుమానం ఉండేది. ఈ ఎన్‌కౌంటర్‌తో మా అమ్మాయి ఆత్మకు శాంతి, మాకు మనశ్శాంతి కలిగింది. నిందితుల శవాలను చూడాలని ఉంది. అందరి గురించి మంచిగా ఆలోచించే నా కూతురు లేదన్న నిజాన్ని నేను తట్టుకోలేకపోతున్నా’

 - దిశ తల్లి

మళ్లీ ఇలాంటి ఘటనలు జరగకూడదు..!

పోలీసులు చాలా వేగంగా న్యాయం చేశారు. మళ్లీ ఇలాంటి దారుణాలు జరగకుండా చర్యలు తీసుకోవాలి. ఎన్‌కౌంటర్‌ విషయానికి సంబంధించి మాకెలాంటి ముందస్తు సమాచారం లేదు. మీడియాలో వచ్చిన వార్తల ద్వారానే మాకు తెలిసింది.’

-దిశ సోదరి

సేమ్‌ టు సేమ్‌ అలాగే..!

dishrounuparticle650-2.jpg

సరిగ్గా 11 ఏళ్ల క్రితం వరంగల్‌లో స్వప్నిక అనే అమ్మాయి తన స్నేహితురాలు ప్రణీతతో కలిసి ద్వి చక్రవాహనంపై వెళుతుండగా శ్రీనివాస్‌ అనే యువకుడు యాసిడ్‌తో దాడి చేశాడు. ఈ ఘటనలో స్వప్నిక చనిపోగా, ఆమె స్నేహితురాలు ప్రణీత ప్రాణాలతో బయటపడింది. ఆ సమయంలో ఈ ఘటనపై తీవ్ర నిరసనలు వ్యక్తమయ్యాయి. సరిగ్గా అప్పుడు కూడా 48 గంటల్లోనే నిందితుడు శ్రీనివాస్‌తో పాటు అతనికి సహకరించిన మరో ఇద్దరిని పోలీసులు అదుపులోకి తీసుకున్నారు. నిందితులను ఉరితీయాలని ఉద్యమాలు కూడా జరిగాయి. దీంతో నిందితులు వాడిన బైకు, యాసిడ్‌ సీసాలను స్వాధీనం చేసుకోవడానికి వరంగల్‌ నగర శివార్లలోని ఓ విమానాశ్రయం వద్దకు వారిని తీసుకొచ్చారు. ఈక్రమంలో నిందితులు పోలీసులపై దాడి చేసి ఆయుధాలను లాక్కోవాలని ప్రయత్నించారు. ఈ నేపథ్యంలో జరిగిన ఎదురుకాల్పుల్లో ముగ్గురు నిందితులు మృతిచెందారు.ఈ ఘటనకు సంబంధించి అప్పట్లో పోలీసులకు ప్రజల నుంచి పెద్ద ఎత్తున మద్దతు లభించింది

కోర్టు హాలులోనే పొడిచి చంపేశారు..!

ధర్మం గెలవని చోట తప్పదు కత్తుల వేట’ ..రామజోగయ్య శాస్ర్తి చెప్పిన ఈ మాట..2004లో నాగ్‌పూర్‌లో జరిగిన ఓ యదార్థ ఘటనకు సరిగ్గా సరిపోతుంది. కాళీ చరణ్‌ అనే ఓ రేపిస్టును 200 మంది ఆడవాళ్లు కత్తులతో కోర్టు హాలులోనే చంపేశారు. రాజకీయ పలుకుబడి..పోలీసుల సహకారంతో ఆ కీచకుడు సాగించిన దురాగతాలకు లెక్కేలేదు. కంటికి కనిపించిన మహిళలందరిపై అత్యాచారం చేసే అతనికి రాజకీయ నాయకుల మద్దతు కూడా బాగా ఉండేది. దీంతో తనను ఎవరూ ఏం చేయలేరన్న అహంకారంతో మరో ఓ రేప్‌ చేశాడు. బాధితులు ఫిర్యాదు చేసినా పోలీసులు స్పందించలేదు. దీంతో ఉషా నారాయణే అనే ఓ ధైర్యమున్న అమ్మాయి నేరుగా పోలీస్‌ కమిషనర్‌ దగ్గరకు వెళ్లింది. ఫుల్‌ సెక్యూరిటీ ఉన్న ఇంట్లో బాధితురాలిని ఉంచి, కాళీపై కేసు బుక్‌ చేసి అరెస్ట్‌ చేయించింది. షరా మామూలుగానే బెయిల్‌ కోసం రంగంలోకి దిగారు అతడి తరఫున లాయర్లు. బెయిల్‌ విచారణ ప్రారంభమైంది. కోర్టు హాలులో ఒకామెను చూసిన కాళీ చరణ్‌ నవ్వుతూ ‘నిన్ను కూడా రేప్‌ చేస్తా’ అని అన్నాడు. ఆమె ధైర్యంతో అతడి చెంపలను వాయించడం ప్రారంభించింది. ఈలోపు కొందరు బాధిత మహిళలు చుట్టుముట్టారు. మొత్తం 70 కత్తిపోట్లతో ఆ కామపిశాచిపై తమ పగను తీర్చుకున్నారు. హత్య చేసిన తర్వాత కోర్టు హాలంతా సైలెంట్‌. తాపీగా నడుచుకుంటూ బయటికి వెళ్లిపోయారు ఆ మహిళలు. కొందరి మీద కేసులు కూడా నమోదయ్యాయి..2012 దాకా కేసు నడిచింది. చివరకు సాక్ష్యం చెప్పడానికి ఎవరూ ముందుకు రాకపోవడంతో కేసు కొట్టేశారు.

అత్యాచార ఘటనలకు సంబంధించి చాలా కేసుల్లో న్యాయం జరగకపోవడంతో..న్యాయదేవత నిజంగానే కళ్లు మూసుకుందా? అన్న అనుమానం బాధిత కుటుంబాల్లో కలుగుతోంది. కాలం చెల్లిన చట్టాలతో ‘నిర్భయ’ కు ఇంతవరకు న్యాయమే జరగలేదని బాధితురాలి తల్లి వాపోవడమే దీనికి నిదర్శనం. గతంలో ప్రత్యూష, ఆయేషా లాంటి ఘటనల్లోనూ ఇలాగే జరిగింది. ఈ పరిస్థితుల్లో ‘ఇన్‌స్టంట్‌ జస్టిస్‌’ పేరుతో తెలంగాణ పోలీసులు తీసుకున్న నిర్ణయం సరైనదేనని చాలామంది అభిప్రాయపడతున్నారు. మరి మీరేమంటారు? మీఆలోచనలను ‘వసుంధర.నెట్‌’ వేదికగా అందరితో పంచుకోండి.





women icon@teamvasundhara
dd-national-to-bring-back-old-classics-in-this-lock-down

‘రామాయణ్’, ‘మహాభారత్’... మళ్ళీ మన కోసం!

ఈ తరం వాళ్లకి బోర్ కొడితే కాలక్షేపం కోసం టీవీ ఆన్ చేస్తే చాలు.. 24/7 వార్తలు, సినిమాలు, డైలీ సీరియళ్లు, కామెడీ షోలు, రియాల్టీ షోలు ఇలా వందలాది టీవీ ఛానళ్లలో రకరకాల కార్యక్రమాలు చూడొచ్చు. ఇవీ సరిపోకపోతే యూట్యూబ్, Hotstar, Amazon Prime, Netflix, ETV Win.. మొదలైన OTT వేదికలు సైతం మనకు అందుబాటులో ఉన్నాయి. కానీ, నిన్నటి తరం వారికి అప్పట్లో ఇన్ని ఆప్షన్లు ఉండేవి కావు. అప్పట్లో దూరదర్శన్ తప్ప మరే ఛానల్ ప్రసారం అయ్యేది కాదు. అందులో కూడా వినోదానికి సంబంధించిన కార్యక్రమాలు చాలా తక్కువగా వచ్చేవి. అయితే అలనాటి కార్యక్రమాల్లో తాము ఇష్టంగా చూసే కార్యక్రమం ఏంటని.. మీ తల్లిదండ్రులను లేదా తాతయ్య, నానమ్మలను ఒకసారి అడిగి చూడండి. ఈ ప్రశ్నకు ఎక్కువశాతం మంది ఇచ్చే సమాధానాలు రెండే.. ‘రామాయణ్’, ‘మహాభారత్’. అప్పట్లో వీటికున్న పాపులారిటీ, ఫాలోయింగ్ అంతా ఇంతా కాదు. అయితే ఈ సీరియళ్లను ఇప్పుడు పునఃప్రసారం చేస్తోంది డీడీ నేషనల్. లాక్డౌన్ సమయంలో ప్రజలను అలరించేందుకు ఈ నిర్ణయం తీసుకున్నట్లు ఆ సంస్థ తెలిపింది.

Know More

women icon@teamvasundhara
husband-express-his-gratitude-for-nurses-who-saved-his-wife-from-corona

నా భార్యను కాపాడిన వారందరికీ కృతజ్ఞతలు..!

కరోనా మహమ్మారి నుంచి ప్రజలను రక్షించడంలో వైద్య సిబ్బంది కృషి ఎనలేనిదని చెప్పడంలో ఎలాంటి సందేహం లేదు. అమెరికా నుంచి హైదరాబాద్ వరకూ ప్రతీ చోట వైద్యులు, నర్సులు, ఫార్మసిస్టులు, పారిశుద్ధ్య కార్మికులు ఇలా చాలామంది ఈ వైరస్ను తరిమికొట్టడానికి ఎంతో కృషి చేస్తున్నారు. ఈ క్రమంలోనే వైద్య సిబ్బందితో పాటు ఇతర విభాగాలకు చెందిన వారి కృషికి ధన్యవాదాలు తెలుపుతూ జనతా కర్ఫ్యూ (గత ఆదివారం) రోజున ప్రజలంతా బాల్కనీల్లోకి, రోడ్లపైకి వచ్చి చప్పట్లు కొట్టిన విషయం తెలిసిందే. ఈ క్రమంలోనే తాజాగా అమెరికాకు చెందిన ఓ వ్యక్తి కరోనా మహమ్మారి నుంచి తన భార్యను రక్షించిన వైద్య సిబ్బందికి కృతజ్ఞత తెలిపిన విధానం అందరినీ ఆకట్టుకుంటోంది. వివరాల్లోకి వెళితే…

Know More

women icon@teamvasundhara
filipino-covid-19-survivor-shared-his-recovering-story-from-corona-virus

వాళ్ళ ఏడుపులు వింటే భయం వేసింది... కానీ కరోనాని జయించా!

కరోనా.. ప్రస్తుతం ప్రపంచ దేశాలు ఈ పేరు విన్నా కూడా వణికిపోతున్నాయి. అంతకంతకూ కరోనా పాజిటివ్‌ కేసులు పెరిగిపోతున్న ఈ నేపథ్యంలో ప్రతి ఒక్కరిలో భయం నెలకొనడం సహజం. ఇలాంటి క్లిష్ట పరిస్థితులను ఎదుర్కొని కరోనాను జయించి మృత్యుంజయులుగా నిలిచిన వారు కూడా ఉన్నారని మనం మరచిపోకూడదు. కరోనా సోకిన తర్వాత కూడా బాధితులు దాన్నెలా నిలువరించి విజేతలుగా నిలిచారో తెలుసుకోవడానికి చాలామంది ఆసక్తి చూపుతున్నారు. కరోనా వైరస్‌ సోకిన తర్వాత కూడా మనోధైర్యంగా ఉంటూ.. తగిన జాగ్రత్తలు పాటిస్తే దీనిని జయించడం అసాధ్యమైన పని కాదని చెబుతున్నాడు ఈ కరోనా విజేత. కొవిడ్‌-19 బారిన పడిన తర్వాత ఆ మహమ్మారి నుండి తను కోలుకున్న విధానాన్ని ప్రజలకు వివరించి వారిని అప్రమత్తం చేస్తున్నాడు. మరి ఆ వ్యక్తి కోలుకున్న విధానం గురించి తన మాటల్లోనే విందాం రండి..

Know More

women icon@teamvasundhara
police-wear-corona-helmet-video-goes-viral

ఈ ‘కరోనా హెల్మెట్‌’ని చూశారా..?

కరోనా (కొవిడ్‌-19) విజృంభిస్తోన్న నేపథ్యంలో అంతా ఇళ్లకే పరిమితమవుతున్నారు. లాక్‌డౌన్‌ను కేంద్ర, రాష్ట్ర ప్రభుత్వాలు ఎంతో ప్రతిష్టాత్మకంగా తీసుకున్నాయి. ప్రజలను ఇంటి నుంచి అడుగు బయట పెట్టనివ్వకుండా కఠినమైన చర్యలు చేపడుతోన్న విషయం తెలిసిందే. అయితే పోలీసులు, అధికారులు ఎన్ని రకాల చర్యలు చేపడుతోన్నా కొందరు మాత్రం నిర్లక్ష్యంగా వ్యవహరిస్తున్నారు. ప్రభుత్వాలు ఎన్ని రకాల ప్రచారాలు చేపడుతోన్నా యథేచ్ఛగా రోడ్లపై తిరుగుతున్నారు. దీంతో పోలీసులు తమ లాఠీలకు కూడా పని చెప్పాల్సి వస్తోంది. అయితే చెన్నైకి చెందిన ఓ పోలీసు అధికారి మాత్రం భిన్నంగా ఆలోచించాడు. లాక్‌డౌన్‌ ఉన్నా బయట తిరుగుతోన్న జనాలకు తనదైన రీతిలో అవగాహన కల్పించే ప్రయత్నం చేస్తున్నాడు. వివరాల్లోకి వెళితే...

Know More

women icon@teamvasundhara
corona-effects-more-on-those-who-smoke

పొగ తాగుతారా..? అయితే కరోనా వచ్చే అవకాశాలు ఎక్కువ.!

కరోనా (కొవిడ్-19) వైరస్ ప్రస్తుతం ప్రపంచాన్ని భయపెడుతోంది. ప్రజలంతా ఇళ్లకే పరిమితమై ప్రాణాలతో ఉంటే చాలనుకునే పరిస్థితులు వచ్చాయి. లాక్డౌన్ పేరుతో ప్రభుత్వాలు, అధికారులు కఠిన చర్యలు చేపడుతున్న విషయం తెలిసిందే. ఈ క్రమంలోనే కరోనాపై ప్రజల్లో అవగాహన కల్పించేందుకు ప్రపంచ ఆరోగ్య సంస్థ (డబ్ల్యూహెచ్వో) ఎప్పటికప్పుడు సమాచారం అందిస్తూనే ఉంది. తాజాగా మరో కొత్త విషయాన్ని చెప్పుకొచ్చింది డబ్ల్యూహెచ్వో. పొగతాగే అలవాటు ఉన్న వారికి కరోనా వ్యాపించే అవకాశాలు ఎక్కువ ఉన్నట్లు తెలిపింది. ఇంతకీ స్మోకింగ్కు కరోనాకు సంబంధం ఏంటనేగా మీ డౌట్.? అయితే ఈ స్టోరీలోకి వెళ్లాల్సిందే…

Know More

women icon@teamvasundhara
celebrities-who-give-donations-to-fight-corona-virus

కరోనా పోరులో సెలబ్రిటీల దాతృత్వం!

కరోనా వైరస్‌ విలయ తాండవం నేపథ్యంలో ప్రస్తుతం ప్రపంచమంతా లాక్‌డౌన్‌ ప్రకటించింది. ఈ క్రమంలోనే చాలా కంపెనీలు తమ ఉద్యోగులకు వర్క్‌ ఫ్రమ్‌ హోమ్‌ ఆప్షన్‌ ఇచ్చాయి. ఇక ఇంటి నుంచి పని చేయించుకునే సదుపాయం లేని వారికి సెలవులిచ్చి.. పూర్తి వేతనం అందించేందుకు నిర్ణయించాయి. అయితే మన సంగతి సరే.. కానీ రెక్కాడితే గానీ డొక్కాడని నిరుపేదలు, రోజువారీ కూలీల మాటేమిటి? ఈ కష్ట కాలంలో వారిని ఎవరు ఆదుకుంటారు? ఇదిగో తీసుకోండి అంటూ వారికి ఎవరు డబ్బులిస్తారు? ఇదిగో సరిగ్గా ఇదే ఆలోచన చేసింది భారత టెన్నిస్‌ స్టార్‌ సానియా మీర్జా. రోజువారీ కూలీలు ఆకలితో అలమటించకూడదనే సదుద్దేశంతో నిధుల సమీకరణ కోసం సఫా ఆర్గనైజేషన్‌ అనే స్వచ్ఛంద సంస్థతో చేతులు కలిపింది. రోజువారీ కూలీలకు ఆహారం, నిత్యావసరాలు అందించే క్రమంలో ప్రతి ఒక్కరూ పాలుపంచుకోవాలంటూ ట్విట్టర్‌ వేదికగా కోరుతోందీ టెన్నిస్‌ బ్యూటీ. ఇదిలా ఉంటే మరోవైపు ప్రపంచవ్యాప్తంగా ఎందరో ప్రముఖులు, తారలు కరోనా బాధితులకు ఆర్థిక సహాయం అందిస్తూ తమ దాతృత్వాన్ని చాటుకుంటున్నారు. అలాంటి మనసున్న మారాజులు, మారాణుల గురించి తెలుసుకుందాం రండి..

Know More

women icon@teamvasundhara
chiranjeevi-mahesh-babu-shares-tips-to-follow-in-this-lock-down-time

చిరు, మహేష్ ల జాగ్రత్తలు విన్నారా?

కరోనా మహమ్మారిని మన దేశం నుంచి తరిమికొట్టేందుకు కేంద్ర, రాష్ట్ర ప్రభుత్వాలు నిరంతరంగా కృషి చేస్తున్నాయి. ఈ క్రమంలో ప్రజల్లో ఈ వైరస్‌పై మరింత అవగాహన పెంచేందుకు ప్రభుత్వాధికారులతో పాటు వివిధ రంగాలకు చెందిన సెలబ్రిటీలు సైతం స్వచ్ఛందంగా ముందుకొస్తున్నారు. ముఖ్యంగా సినీ తారలు.. ఈ సమయంలో మనం తీసుకోవాల్సిన జాగ్రత్తలు, పాటించాల్సిన నియమాల గురించి వివిధ సోషల్‌ మీడియా వేదికల ద్వారా అభిమానులతో పంచుకుంటున్నారు. ఈ క్రమంలో కరోనాకు సంబంధించి మెగాస్టార్‌ చిరంజీవి, సూపర్‌ స్టార్‌ మహేష్‌ బాబు చెబుతోన్న జాగ్రత్తలేంటో మీరే చూడండి.

Know More

women icon@teamvasundhara
due-to-corona-effect-online-marriage-in-bihar

ఈ ‘లాక్ డౌన్’ పెళ్లి చూశారా?

ప్రాణ భయంతో ఇంటి బయట అడుగుపెట్టని వారు కొందరైతే.. పోలీసులకు భయపడి ఇంటికే పరిమితమవుతోన్న వారు మరికొందరు. ప్రస్తుతం దిల్లీ నుంచి గల్లీ వరకూ ఎక్కడ చూసినా ఇవే పరిస్థితులు కనిపిస్తున్నాయి. ఇదంతా కరోనా మహమ్మారి సృష్టిస్తోన్న అలజడిలో భాగమే. కరోనా వ్యాప్తిని అడ్డుకునే క్రమంలో దాదాపు అన్ని రాష్ట్రాలు లాక్డౌన్ను ప్రకటించాయి. చిన్న చిన్న వేడుకల నుంచి వివాహాల వరకూ అన్ని శుభకార్యాలు వాయిదా పడ్డాయి. అయితే బిహార్లోని పట్నాకు చెందిన ఓ జంట మాత్రం ముందుగా నిశ్చయించుకున్న సమయానికే వివాహం చేసుకుంది. దేశమంతా దిగ్బంధంలో ఉంటే.. వీరి పెళ్లి ఎలా జరిగిందనేగా మీ సందేహం... అయితే ఈ స్టోరీ చదివేయండి...

Know More

women icon@teamvasundhara
ugadi-celebrations-in-different-states-in-our-country
women icon@teamvasundhara
things-happening-around-corona

‘కరోనా’ అచ్చట్లు.. ముచ్చట్లు..!

ఉదయం లేచింది మొదలు రాత్రి పడుకునే వరకు కరోనా (కొవిడ్‌-19) వైరస్‌కు సంబంధించిన వార్తలే వినిపిస్తున్నాయి.. కనిపిస్తున్నాయి. ఏ సోషల్‌ మీడియా అకౌంట్‌ తెరిచినా సరే.. ఈ దేశంలో ఇలా జరిగింది.. అక్కడ ఇన్ని కొత్త కేసులు నమోదయ్యాయి.. అంటూ సర్వం ‘కరోనా’ మయం. ఇక కరోనా వ్యాపిస్తోన్న తీరు కూడా భయాందోళనలను రేకెత్తిస్తోంది. ఈ క్రమంలోనే భారత ప్రధాని నరేంద్ర మోదీ ఈ ఆదివారాన్ని (మార్చి22) ‘జనతా కర్ఫ్యూ’గా పాటించాలని పిలుపునిచ్చారు. ఇందులో భాగంగా ఉదయం ఏడు గంటల నుంచి రాత్రి 9 వరకు ప్రతి ఒక్కరూ ఇళ్లకే పరిమితమై స్వీయ నిర్బంధాన్ని పాటించాలని సూచించారు. ఇక కరోనాను కట్టడి చేయడానికి ప్రభుత్వాలు, స్వచ్ఛంద సంస్థలు పలు కార్యక్రమాలు చేపడుతోన్న విషయం తెలిసిందే. అందులో కొన్ని విభిన్నమైన క్యాంపెయిన్స్‌ నెట్టింట్లో హల్‌చల్‌ చేస్తున్నాయి.. నెట్‌ ప్రియులను మరింతగా ఆకట్టుకుంటున్నాయి.. కరోనాపై అందరిలో అవగాహన పెంచుతున్నాయి.

Know More

women icon@teamvasundhara
7-years-later-nirbhayas-killers-hanged
women icon@teamvasundhara
how-to-clean-mobile-phone-to-avoid-coronavirus

కరోనా నేపథ్యంలో మీ స్మార్ట్‌ ఫోన్‌ను శుభ్రం చేస్తున్నారా.?

కరోనా (కొవిడ్‌-19).. ఇప్పుడీ పేరు ప్రపంచ దేశాలన్నింటినీ గడగడలాడిస్తోంది. అగ్రరాజ్యమైన అమెరికానే ఈ వైరస్‌ దాడికి బెంబేలెత్తిపోతోంది. రోజురోజుకీ కరోనా బారిన పడుతోన్న వారి సంఖ్య పెరుగుతూనే ఉంది. ప్రభుత్వాలు ఎన్ని చర్యలు చేపడుతోన్నా కరోనా వైరస్‌కు పూర్తిగా అడ్డుకట్టవేయలేకపోతున్నారు. తెలుగు రాష్ట్రాల్లోనూ హై అలర్ట్‌ ప్రకటించిన విషయం తెలిసిందే. ఈ నెలఖారు వరకు స్కూళ్లు, కాలేజీలు, యూనివర్సిటీలు, సినిమా థియేటర్లు మూసివేయాలని ప్రభుత్వాలు ప్రకటించిన విషయం తెలిసిందే. ఇక వ్యక్తిగత శుభ్రత పాటించడం ద్వారా కరోనాకు చెక్‌ పెట్టవచ్చని చాలామంది నిపుణులు సూచిస్తూనే ఉన్నారు. ఈ క్రమంలోనే జనాలు చేతులు కడగడం, ముక్కుకు అడ్డుగా మాస్కులు ధరించడం అలవాటు చేసుకుంటున్నారు. మరి మీరు ఉపయోగిస్తున్న స్మార్ట్‌ ఫోన్‌ల పరిస్థితి ఏంటి? ఫోన్‌ను ఎప్పటికప్పుడు శుభ్రం చేస్తున్నారా? ఫోన్‌ను శుభ్రం చేయడమేంటనేగా మీ సందేహం.. అయితే ఈ స్టోరీ చదివేయండి..

Know More

women icon@teamvasundhara
central-health-ministry-suggest-precautions-on-corona

ఈ జాగ్రత్తలతో కరోనాను కట్టడి చేద్దాం!

కరోనా వైరస్‌ ప్రభావంతో ప్రస్తుతం ప్రపంచమంతా స్తంభించిపోయింది. ఈ మహమ్మారి ధాటికి ప్రపంచ దేశాల ఆర్థిక వ్యవస్థలు సైతం కుప్పకూలే పరిస్థితులు నెలకొన్నాయి. ఇప్పటికే వేలాది మందిని బలితీసుకున్న ఈ వైరస్‌ భారత్‌లోనూ చాపకింద నీరులా విస్తరిస్తోంది. రోజు రోజుకూ కరోనా పాజిటివ్‌ కేసులు పెరుగుతుండటంతో కేంద్ర, రాష్ట్ర ప్రభుత్వాలు మరింత అప్రమత్తమవుతున్నాయి. దీని వ్యాప్తిని కట్టడి చేసేందుకు వివిధ చర్యలు చేపడుతున్నాయి. ఈ నేపథ్యంలో కేంద్ర వైద్య ఆరోగ్యశాఖ కరోనా వ్యాప్తికి సంబంధించి ఎప్పటికప్పుడు దేశ ప్రజలను అప్రమత్తం చేస్తోంది. ఇందులో భాగంగా రాష్ట్రాల వారీగా హెల్ప్‌లైన్‌ నంబర్లు ఏర్పాటు చేయడంతో పాటు ఈ వైరస్‌ నియంత్రణకు తీసుకోవాల్సిన జాగ్రత్తలను ప్రజలకు సూచిస్తోంది. ఈ క్రమంలో ఆ మార్గదర్శకాలను ప్రతి ఒక్కరూ పాటించడం ఎంతో అవసరం.

Know More

women icon@teamvasundhara
celebrities-who-stay-at-home-due-to-corona

‘తారలు’ ఖాళీగా ఉన్న వేళ..!

ప్రస్తుతం ప్రపంచం ‘కరోనా’ (కొవిడ్‌-19) కోరల్లో చిక్కుకుపోతోంది. వైరస్‌ బారినపడుతోన్న వారి సంఖ్య రోజురోజుకీ పెరిగిపోతోంది. షేర్‌ మార్కెట్లు మునుపెన్నడూ లేని విధంగా పతనమవుతున్నాయి. సినిమా థియేటర్లు మూతపడ్డాయి, స్కూళ్లు, కాలేజీలకు సెలవులు ప్రకటించారు. రోడ్లన్నీ జనాలు లేక నిర్మానుష్యంగా మారుతున్నాయి. ప్రజలంతా ఇళ్లకే పరిమితమవుతున్నారు. అత్యవసరమైతే తప్ప ఇంట్లో నుంచి బయటకు రావొద్దని ప్రభుత్వాలు కూడా సూచిస్తున్నాయి. సెలబ్రిటీలు కూడా ఇంటికే పరిమితమవుతున్నారు. అయితే ఎప్పుడూ షూటింగ్‌లతో, వివిధ ప్రోగ్రామ్స్‌తో బిజీగా గడిపే సెలబ్రిటీలు ఇప్పుడు ఇంట్లోనే ఉండడంతో ఖాళీ సమయంలో ఏం చేస్తున్నారనే ప్రశ్న సహజంగానే ఉత్పన్నమవుతుంది. స్వీయ నిర్బంధంలో ఉన్న కొంతమంది సినీ తారలు సోషల్‌ మీడియా వేదికగా తాము ఇంట్లో ఏం చేస్తున్నామో.. అభిమానులతో పంచుకుంటున్నారు. అనుకోకుండా దొరికిన ఈ ఖాళీ సమయాన్ని మన సెలబ్రిటీలు ఎలా ఉపయోగిస్తున్నారో మనమూ తెలుసుకుందామా.?

Know More

women icon@teamvasundhara
celebrities-politicians-accepting-the-safehandchallenge-in-social-media

కరోనా నివారణ మన ‘చేతుల్లోనే’ ఉంది..!(#SafeHandChallenge)

కరోనా కల్లోలం ప్రపంచ దేశాల వెన్నులో వణుకు పుట్టిస్తోంది.. ఈ వైరస్‌ వ్యాప్తిని అడ్డుకోవడానికి ప్రపంచ ఆరోగ్య సంస్థ (డబ్ల్యూహెచ్‌వో) విశ్వ ప్రయత్నాలు చేస్తోంది. ఈ మహమ్మారిపై అందరిలో అవగాహన పెంచేందుకు విభిన్న కార్యక్రమాలు నిర్వహిస్తోంది. ఈ క్రమంలో తెరపైకి వచ్చిందే #SafeHandChallenge. ఈ ఛాలెంజ్‌లో పాల్గొని ప్రజల్లో చేతులు శుభ్రం చేసుకోవడంపై అవగాహన తీసుకురమ్మని ప్రపంచవ్యాప్తంగా పలువురు సెలబ్రిటీలను సైతం ఆహ్వానించింది డబ్ల్యూహెచ్‌వో. ఈ క్రమంలో బాలీవుడ్‌ ముద్దుగుమ్మలు దీపికా పదుకొణె, ప్రియాంక చోప్రాలు ఈ ఛాలెంజ్‌లో పాల్గొని హ్యాండ్‌ వాష్‌పై అందరిలో అవగాహన కల్పించడంతో పాటు వారు ఆ వీడియోలను సోషల్‌ మీడియాలో షేర్‌ చేస్తూ.. ఇతర సెలబ్రిటీలను ట్యాగ్‌ చేశారు. దాంతో మన దేశంలోని చాలామంది సెలబ్రిటీలు ఈ ఛాలెంజ్‌లో పోటాపోటీగా పాల్గొంటున్నారు. ఇలా కొన్ని గంటల్లోనే వైరల్‌గా మారిందీ ఛాలెంజ్‌.

Know More

women icon@teamvasundhara
facebook-coo-sheryl-sandberg-applauds-gujarat-schools

ఆ టీచర్లే నిజమైన హీరోలు!

చైనాలో పురుడు పోసుకుని ప్రస్తుతం ప్రపంచాన్నంతా పట్టి పీడిస్తోంది కరోనా వైరస్‌. ఇప్పటికే వేలాది మందిని బలి తీసుకున్న ఈ మహమ్మారి భారతదేశంలోనూ చాపకింద నీరులా వ్యాపిస్తోంది. దీంతో ఈ వైరస్‌ను నియంత్రించేందుకు పాఠశాలలు, కళాశాలలు, సినిమా థియేటర్లు, షాపింగ్‌ మాల్స్‌ మూసివేయాలని ఇప్పటికే కేంద్ర, రాష్ర్ట ప్రభుత్వాలు ఆదేశాలు జారీ చేశాయి. వివిధ రంగాలకు చెందిన సెలబ్రిటీలు కూడా ఈ మహమ్మారి సోకకుండా ఎలాంటి జాగ్రత్తలు తీసుకోవాలో సూచిస్తూ సోషల్‌ మీడియా వేదికగా పోస్టులు పెడుతున్నారు. ఈ నేపథ్యంలో కరోనా కట్టడికి సంబంధించి గుజరాత్‌లోని పాఠశాల ఉపాధ్యాయులు చేపడుతున్న చర్యలు ప్రశంసనీయమంటున్నారు ఫేస్‌బుక్‌ చీఫ్‌ ఆపరేటింగ్‌ ఆఫీసర్‌ షెరిల్‌ శాండ్‌బర్గ్‌. ఇందులో భాగంగా అక్కడి టీచర్లు, ఎడ్యుకేటర్లు, విద్యాశాఖ అధికారుల పనితీరును ప్రశంసిస్తూ సోషల్‌ మీడియా వేదికగా ఓ పోస్ట్‌ పెట్టారామె.

Know More

women icon@teamvasundhara
these-corona-virus-songs-are-spreading-the-needed-awareness-about-corona

ఈ ‘కరోనా’ పాటలు విన్నారా??

కరోనా.. కరోనా.. ప్రస్తుతం ఎవ్వరి నోట విన్నా ఇదే మాట. చిరుజల్లుగా మొదలై పెను ఉప్పెనగా మారిన ఈ మహమ్మారి.. ప్రపంచ దేశాలను గడగడలాడిస్తుంది. ప్రస్తుతం మన దేశంలో రెండో దశలో ఉన్న ఈ వైరస్‌ బారిన పడకుండా జాగ్రత్తపడేందుకు ప్రజలు ఇళ్లకే పరిమితమవుతున్నారు. అటు కేంద్ర, రాష్ట్ర ప్రభుత్వాలతో పాటు వైద్య నిపుణులు, సెలబ్రిటీలు సోషల్‌ మీడియాను వేదికగా చేసుకొని ఈ వైరస్‌పై అందరిలో అవగాహన పెంచుతున్నారు. ఈ క్రమంలో కొందరు మాటల రూపంలో చెబితే.. మరికొందరు తాము జాగ్రత్తలు పాటిస్తూ అందరినీ అలర్ట్‌ చేస్తున్నారు.. ఇంకొందరు పాటల రూపంలో కరోనాపై అవగాహన కల్పించే పనిలో ఉన్నారు. ఈ నేపథ్యంలోనే ఇటీవలే కొందరు మహిళలు కలిసి ‘కరోనా వెళ్లిపో.. నీకు ఇండియాలో ఏం పని.. వెళ్లిపో..!’ అంటూ పాడిన ఓ పాట నెట్టింట వైరల్‌గా మారిన సంగతి తెలిసిందే. తాజాగా అలాంటి ఓ రెండు కొత్త కరోనా పాటలు ఆన్‌లైన్‌లో హల్‌చల్‌ చేస్తున్నాయి.

Know More

women icon@teamvasundhara
today-horoscope-details-17-03-2020
women icon@teamvasundhara
celebrites-who-are-affected-with-corona-so-far

మేం కరోనా బారిన పడ్డాం...అయినా కోలుకుంటున్నాం !

‘కరోనా.. కరోనా.. కరోనా..’ ఇప్పుడు ఎక్కడ చూసినా.. ఎవరి నోట విన్నా.. ఈ పదమే..! చైనాలో మొదలైన ఈ వైరస్‌ ఇప్పుడు దాదాపు 145కి పైగా దేశాలకు పాకింది. ఈ మహమ్మారి ఇప్పటివరకు 4,984 మంది ప్రజల ప్రాణాలను బలిగొంది. ప్రపంచవ్యాప్తంగా పాజిటివ్‌గా నమోదైన కరోనా కేసుల సంఖ్య 1,34,804 అని తాజా నివేదికలో వెల్లడైంది. వీరిలో సామాన్యులతో పాటు వివిధ రంగాలకు చెందిన పలువురు ప్రముఖులు కూడా ఉండడం గమనార్హం. వీరు ప్రస్తుతం ఐసోలేషన్‌లో ఉంటూ చికిత్స పొందుతున్నారు. ఈ క్రమంలో వీరిలో కొంతమంది తమకు కరోనా లక్షణాలున్నాయని స్వయంగా సోషల్‌ మీడియా వేదికగా ప్రకటించారు.

Know More

women icon@teamvasundhara
who-declares-corona-as-pandemic-disease

కరోనా ‘మహమ్మారి’ ఎందుకైందంటే..!

కరోనా.. ప్రస్తుతం ప్రపంచ దేశాలను వణికిస్తోన్న పేరిది. చైనాలో పుట్టిన ఈ వైరస్‌ ప్రపంచవ్యాప్తంగా వివిధ దేశాలకు వ్యాపిస్తోంది. ఈ వ్యాధి నుంచి ప్రజలను రక్షించేందుకు ప్రపంచ దేశాల ప్రభుత్వాలు, ఆరోగ్య సంస్థలు విస్తృతంగా కృషి చేస్తున్నాయి. ఈ వైరస్‌పై ప్రజల్లో అవగాహన పెంచుతూ దీని వ్యాప్తిని కట్టడి చేసేందుకు నిరంతర ప్రయత్నాలు జరుగుతున్నాయి. అయినప్పటికీ కొన్ని దేశాల్లో కరోనా విజృంభణ రోజురోజుకూ పెరుగుతోంది. కొన్ని దేశాల ప్రభుత్వాలు తమ ప్రజలను ఇళ్లలో నుంచి బయటకు రావొద్దని హెచ్చరిస్తున్నాయి. ఈక్రమంలో ప్రపంచ ఆరోగ్య సంస్థ (WHO) కరోనా(కొవిడ్‌ 19)ను ‘మహమ్మారి’ (Pandemic)గా ప్రకటించడం తెలిసిందే. ఈ వైరస్‌ వ్యాప్తి, తీవ్రతను పరిగణనలోకి తీసుకొని ఈ ప్రకటన చేసినట్లు ఆ సంస్థ తెలిపింది.

Know More

women icon@teamvasundhara
namaste-is-the-new-hello-to-the-world

నమస్కారమే... కరోనాకు పరిష్కారం !

రెండు చేతులు జోడించి ‘నమస్కారం’ పెడుతూ ఎదుటివారిని పలకరించడమే భారతీయ సంప్రదాయం. అంతేకాదు.. అది మన సంస్కారానికి చిహ్నం కూడా! కానీ ఇదే సంప్రదాయాన్ని ప్రస్తుతం అన్ని దేశాల వారూ పాటిస్తున్నారు.. ఇందుకు ప్రధాన కారణం ‘కరోనా’నే! కొన్ని వేల సంవత్సరాల చరిత్ర కలిగిన ఈ భారతీయ సంప్రదాయం.. నేడు ప్రపంచ దేశాలను వణికిస్తోన్న ‘కరోనా’ వ్యాప్తికి పరిష్కార మార్గంగా పరిణమించింది. అందుకే ప్రపంచ దేశాధినేతలతో పాటు ఇతర సెలబ్రిటీలు, సామాన్య ప్రజలు సైతం నమస్కారంతో పలకరించుకుంటున్నారు. ‘చేతులు జోడిద్దాం.. కరోనా వ్యాప్తిని అరికడదాం!’ అంటూ ముందుకు సాగుతున్నారు. ఇప్పటికే కొందరు భారతీయ సెలబ్రిటీలు నమస్కారమే ఇప్పుడు శ్రేయస్కరం అంటూ సోషల్‌ మీడియాలో ఫొటోలు, వీడియోలు షేర్‌ చేస్తూ ఈ వైరస్‌ గురించిన జాగ్రత్తలు చెబుతున్నారు. వీరి బాటలోనే నడుస్తున్నారు విదేశీ సెలబ్రిటీలు, నేతలు కూడా! ఇలా మన భారతీయ సంప్రదాయాన్ని పాటిస్తూ వారు నమస్కారం చేస్తూ.. ప్రతి నమస్కారాన్ని స్వీకరిస్తున్న ఫొటోలు నెట్టింట్లో వైరల్‌గా మారాయి. ఇక భారతీయులు వాటిని విపరీతంగా షేర్‌ చేస్తూ.. ‘భారతీయ సంప్రదాయం.. నేడు ప్రపంచవ్యాప్తం అవుతోందం’టూ కామెంట్ల వర్షం కురిపిస్తున్నారు. మరి, అలాంటి కొందరు సెలబ్రిటీల నమస్తే ఫొటోలు, వీడియోలపై ఓ లుక్కేద్దాం రండి..

Know More

women icon@teamvasundhara
sudha-murthy-offers-help-for-corona-fight

కలిసి పనిచేద్దాం... కరోనాను కట్టడి చేద్దాం !

సుధామూర్తి...ఇన్ఫోసిస్‌ ఫౌండేషన్‌ ఛైర్‌పర్సన్‌గా, సామాజిక కార్యకర్తగా ప్రత్యేక పరిచయం అవసరం లేని పేరు ఆమెది. తన సేవా కార్యక్రమాలతో ఆకాశమంత ఎత్తుకు ఎదిగినా సాదాసీదాగా ఉండడానికి ఇష్టపడే ఆమె వ్యక్తిత్వం ఎందరికో ఆదర్శమని చెప్పవచ్చు. అయితే ప్రస్తుతం ప్రపంచంతో పాటు భారత్‌లోనూ కరోనా కోరలు చాస్తోంది. మనదేశంలోనూ రోజురోజుకూ ఈ కేసులు పెరుగుతున్న నేపథ్యంలో ఇన్ఫోసిస్‌ ఫౌండేషన్‌ తరఫున సహాయ సహకారాలు అందించడానికి ముందుకొచ్చారు సుధామూర్తి. ఈ మేరకు కరోనా వైరస్‌ను కట్టడి చేసేందుకు కర్ణాటక ప్రభుత్వంతో కలిసి పనిచేసేందుకు తమ సంస్థ సిద్ధంగా ఉందని ఆమె ప్రకటించారు. అదేవిధంగా ఈ మహమ్మారి మరింత తీవ్ర రూపం దాల్చకుండా ముందు జాగ్రత్త చర్యలు తీసుకోవాలని కోరుతూ ఆ రాష్ర్ట ముఖ్యమంత్రికి ఓ లేఖ రాశారు మిసెస్‌ మూర్తి.

Know More

women icon@teamvasundhara
today-horoscope-details-14-03-2020
women icon@teamvasundhara
sania-mirza-viral-post-with-her-son-izhaan-mirza-malik

నా జీవితమంతా ఈ ఫొటోలోనే దాగుంది!

‘మాతృత్వం మహిళల ఆశయ సాధనకు ఏమాత్రం అడ్డు కాదు.. మెటర్నిటీ బ్రేక్‌ ప్రతి మహిళా తన కెరీర్‌లో మరింత పుంజుకోవడానికి అందివచ్చిన అవకాశంగా భావించాలి..’ అంటూ ఎందరో సెలబ్రిటీలు తమ సక్సెస్‌తో చాటిచెప్పారు. వీరి బాటలోనే భారత టెన్నిస్‌ స్టార్‌ సానియా మీర్జా కూడా నడుస్తోంది. ప్రస్తుతం ఓవైపు అమ్మగా తన బుజ్జాయిని లాలిస్తూనే.. మరోవైపు టెన్నిస్‌ కోర్టులోకి అడుగుపెట్టి విజయాలతో తన రెండో ఇన్నింగ్స్‌ని ఘనంగా ఆరంభించిందీ అందాల అమ్మ. ఎప్పటికప్పుడు ఇన్‌స్టా ద్వారా తన బుజ్జాయితో గడిపిన మధురమైన క్షణాలను పంచుకుంటోన్న ఈ టెన్నిస్‌ బ్యూటీ.. తాజాగా తన కొడుకు ఇజాన్‌తో దిగిన ఓ ఫొటోను పోస్ట్‌ చేస్తూ.. దానికి చక్కటి క్యాప్షన్‌ను రాసుకొచ్చింది. ప్రస్తుతం ఈ ఫొటో, క్యాప్షన్‌ నెట్టింట్లో వైరలయ్యాయి.

Know More

women icon@teamvasundhara
coronavirus-viral-news

ఈ ‘కరోనా’ కథలు విన్నారా..?

అమెరికా నుంచి హైదరాబాద్‌ వరకు ఇప్పుడు అందరినీ భయపెడుతోన్న అంశం ఏదైనా ఉందంటే అది కరోనా వైరసే (కొవిడ్‌-19) అని చెప్పడంలో ఎలాంటి అతిశయోక్తి లేదు. ఆర్థిక వ్యవస్థ నుంచి క్రీడలు, సినిమాలు.. ఇలా ప్రతి రంగంపై కరోనా ప్రభావం కనిపిస్తోంది. చైనాలో పుట్టిన ఈ వైరస్‌ ఇప్పుడు ప్రపంచం మొత్తం శరవేగంగా వ్యాపిస్తోంది. భారత్‌లో ఇప్పటికే ఈ వైరస్‌ బారిన పడిన వారి సంఖ్య 60దాటింది. మందులేని ఈ వైరస్‌కు అడ్డుకట్ట వేయాలంటే కచ్చితంగా కొన్ని జాగ్రత్తలు పాటించాల్సిందే. ఈ క్రమంలో ఇప్పటికే ప్రభుత్వాలతో పాటు పలు స్వచ్ఛంద సంస్థలు కూడా ఈ వైరస్‌ గురించి ప్రజల్లో అవగాహన పెంచే నేపథ్యంలో పలు ప్రచార కార్యక్రమాలు నిర్వహిస్తోన్న విషయం తెలిసిందే. అయితే కరోనా ఏ స్థాయిలో వ్యాపిస్తోందో.. ఆ వైరస్‌కు సంబంధించిన వార్తలు కూడా అదే స్థాయిలో వైరల్‌ అవుతున్నాయి. తాజాగా నెట్టింట్లో హల్‌చల్‌ చేస్తోన్న అలాంటి కొన్ని వార్తలపై ఓ లుక్కేద్దామా..?

Know More

women icon@teamvasundhara
to-empower-women-karnataka-inaugurates-28-post-offices-with-an-all-female-workforce

ఆ పోస్టాఫీసులకు ఇక మహిళలే బాస్‌లు!

అంతర్జాతీయ మహిళా దినోత్సవాన్ని పురస్కరించుకుని ఆయా సంస్థలు పలు ప్రత్యేక కార్యక్రమాలు చేపట్టిన సంగతి తెలిసిందే. ప్రధానంగా తమ సంస్థల్లోని మహిళా ఉద్యోగుల శక్తి, సామర్థ్యాలను ప్రపంచానికి చాటిచెప్పేలా పలు స్పెషల్ ప్రోగ్రామ్స్‌ నిర్వహించాయి. ఇందులో భాగంగా పలు ప్రభుత్వ, ప్రైవేటు రంగ సంస్థలు మహిళా సాధికారతకు స్ఫూర్తినిచ్చేలా పలు సంస్కరణలు అమల్లోకి తీసుకొచ్చాయి. ఈ నేపథ్యంలోనే ప్రపంచంలో అతి పెద్దదైన భారతీయ తపాలా వ్యవస్థ తమ సంస్థలోని మహిళా శక్తిని నిరూపించేందుకు పూర్తి స్థాయి మహిళా సిబ్బందితో కూడిన మరికొన్ని పోస్టాఫీసులను ప్రారంభించింది. దీంతో పాటు మహిళా దినోత్సవం సందర్భంగా పంజాబ్‌ రాష్ర్ట ప్రభుత్వం మహిళలకు సంబంధించి పలు సంస్కరణలు తీసుకొస్తున్నట్లు ప్రకటించింది. ఇందులో భాగంగా స్థానిక సంస్థలు, పంచాయతీరాజ్‌ సంస్థలకు సంబంధించి మహిళలకు 50 శాతం రిజర్వేషన్లను అమలు చేయనున్నట్లు ఆ రాష్ర్ట ముఖ్యమంత్రి ప్రకటించారు.

Know More

women icon@teamvasundhara
sitara-vijay-devarakonda-posts-videos-on-safety-tips-to-follow-corona

‘కరోనా’ అంటే భయమేల?!

కరోనా భూతం మన దేశంలోకీ చొరబడింది. ఇప్పటికే పలు ప్రాంతాల్లో కరోనా పాజిటివ్‌ కేసులు నమోదయ్యాయి. దీంతో ఈ వ్యాధి పట్ల ప్రజల్లో అవగాహన పెంచేందుకు ప్రభుత్వంతో పాటు పలు స్వచ్ఛంద సంస్థలు కూడా కృషి చేస్తున్నాయి. కొంతమంది సినీ సెలబ్రిటీలు సైతం ఈ అవగాహన కార్యక్రమాల్లో స్వచ్ఛందంగా పాల్గొంటున్నారు. ఇందులో భాగంగా కరోనా సోకకుండా తీసుకోవాల్సిన జాగ్రత్తల గురించి వాళ్లు వివిధ వేదికల ద్వారా ప్రచారం చేస్తున్నారు. ఈ క్రమంలో మహేష్‌ బాబు తనయ సితార, విజయ్‌ దేవరకొండ కూడా కరోనా గురించి ప్రజల్లో భయం పోగొట్టేలా, అవగాహన పెంచేలా సోషల్‌ మీడియాలో వీడియోలను పోస్ట్‌ చేశారు.

Know More

women icon@teamvasundhara
today-horoscope-details-09-03-2020
women icon@teamvasundhara
aditya-tiwari-who-adopted-down-syndrome-boy-to-be-felicitated-as-world-best-mommy

అమ్మ కాని అమ్మయ్యాడు.. ‘ఉత్తమ అమ్మ’గా నిలిచాడు!

‘అమ్మ ఆది దైవం’ అన్నారు పెద్దలు. ప్రతి బుబ్జాయికీ అమ్మే మొదటి స్నేహితురాలు. అయితే అమ్మ అనే పిలుపు అందుకునేది ఆడవారే! కానీ ఆ అమ్మలోని ఆప్యాయతను, లాలనను చిన్నారికి అందించిన మగవారూ అమ్మతోనే సమానమంటూ ప్రపంచంలోనే ‘ఉత్తమ అమ్మ’ అవార్డు అందుకోనున్నారు పుణేకు చెందిన ఆదిత్య తివారీ. ‘అంతర్జాతీయ మహిళా దినోత్సవా’న్ని పురస్కరించుకొని బెంగళూరులో Wempower అనే మహిళా స్టార్టప్‌ ఆధ్వర్యంలో జరిగే ప్రత్యేక కార్యక్రమంలో ఈ అవార్డును అందుకోనున్నారు ఆదిత్య. మరి, అమ్మలందరినీ కాదని ఆదిత్యనే ఉత్తమ అమ్మగా ఎందుకు ఎంపికచేశారు? ఆ అవార్డు అందుకునేంత గొప్ప పని ఏం చేశారాయన? అంటారా.. అయితే అసలు స్టోరీలోకి వెళ్లాల్సిందే!

Know More

women icon@teamvasundhara
bollywood-celebrities-enjoy-in-holi-party-organized-by-isha-ambani

నా జీవితంలో జరుపుకొన్న తొలి హోలీ ఇదే..!

పదిమంది జరుపుకొనేది పండగ కాదు..! పదిమంది కలిసి జరుపుకొనేదే పండగ..! ఈ మాటను తు.చ తప్పకుండా పాటించే వారిలో ముకేష్‌ అంబానీ కుటుంబం కూడా ఒకటి. వినాయక చవితి, దీపావళి, న్యూ ఇయర్‌.. ఇలా పండగేదైనా స్నేహితులు, బంధువులను తమ ఇంటికి ఆహ్వానించి, వాళ్లతో కలిసి ఆనందంగా జరుపుకోవడం అంబానీ ఫ్యామిలీ స్టైల్‌. అయితే అంబానీ వారసులు కూడా ఇప్పుడు ఇదే పద్ధతిని ఫాలో అవుతున్నారు. ఈ క్రమంలో ముకేశ్‌, నీతూ అంబానీల ముద్దుల కుమార్తె ఈషా అంబానీ ఇటీవల హోలీ పండగ సంబరాల్ని ఘనంగా నిర్వహించింది. శుక్రవారం జరిగిన ఈ వేడుకలో అంబానీ కుటుంబ సభ్యులు, స్నేహితులతో పాటు ప్రముఖ బాలీవుడ్‌ సెలబ్రిటీలు సైతం పాల్గొనడం విశేషం.

Know More

women icon@teamvasundhara
indian-women-believe-ambitions-are-important

అవాంతరాలున్నా సరే.. లక్ష్య సాధనకే మన ప్రాధాన్యం..!

జీవితానికి ఓ ఆశయమంటూ ఉండాలి. ఏదో ఒక లక్ష్యాన్ని పెట్టుకొని జీవితంలో పైకి రావాలి. సహజంగా ఎవరైనా ఇలానే ఆలోచిస్తారు. అయితే అన్ని అవకాశాలూ ఉన్న పురుషులకే ఇది పరిమితమా అంటే కాదని అంటున్నారు భారత మహిళలు. జీవితంలో తమకూ ఏదో ఒక లక్ష్యం ఉండడం ఎంతో ముఖ్యమని భావిస్తున్నారు. మన దేశంలో పలువురు మహిళలు గతంలో కన్నా భిన్నంగా తమ జీవిత ఆశయాలకు ఎక్కువ ప్రాధాన్యం ఇస్తున్నట్లు ఓ సర్వేలో వెల్లడైంది. ఇంతకీ ఏంటా సర్వే.. అందులో తేలిన విశేషాలేంటో తెలుసుకుందామా..? చిన్నదో పెద్దదో.. ప్రతి మనిషికీ ఒక ఆశయం, లక్ష్యం ఉంటుంది. దాని కోసమే నిత్యం పనిచేస్తుంటాం. అయితే జీవితంలో ఉన్నతాశయాలు ఏర్పరుచుకుని, వాటి సాధనకు కృషి చేసే విషయంలో భారత మహిళలు ముందున్నారంటోంది ఓ అధ్యయనం. ఓవైపు తమ వ్యక్తిగత అంశాలకు ప్రాధాన్యమిస్తూనే మరోవైపు కెరీర్‌లో అత్యున్నత స్థాయికి చేరుకోవాలని పలువురు మహిళలు కోరుకుంటున్నారట.

Know More

women icon@teamvasundhara
today-horoscope-details-06-03-2020
women icon@teamvasundhara
covid-virus-is-changing-the-greeting-habits

నమస్కారం.. ఇప్పుడిదే శ్రేయస్కరం!

సాధారణంగా మనదేశంలో ఏ ఇద్దరు కలిసినా.. ముందు వాళ్ల చేతులే ఆప్యాయతతో మాట్లాడుకుంటాయి. ఆ తర్వాతే నోటి పలకరింపులు మొదలవుతాయి. ఇండియాలో ఇలా ఉంటే ‘మన్మథుడు’ సినిమాలో చూపించినట్లు ఫ్రాన్స్‌తో పాటు చాలా దేశాల్లో ‘పెక్‌’ అనే ఓ సంప్రదాయం ఉంది. బుగ్గలు రాసుకుంటూ, చెంపపై ముద్దులు పెట్టుకుంటూ పలకరించుకుంటారు. ఇంకొన్ని దేశాల్లో చేతులు కలుపుతూ చప్పట్లు కొట్టుకుంటే, మరికొన్ని చోట్ల హత్తుకుని ఆలింగనం చేసుకుంటారు. ఆయా దేశాల్లో తరతరాలుగా కొనసాగుతున్న సంప్రదాయాలివి. అయితే కొవిడ్‌ వైరస్‌ దెబ్బకు ఇవన్నీ రూపు మారిపోతున్నాయి. కొన్ని సంప్రదాయాలకు ‘దూరంగా’ ఉండాలని అంతర్జాతీయంగా వైద్య, ఆరోగ్య నిపుణులు, ప్రభుత్వాలు కూడా ప్రచారం చేస్తున్నాయి. దీంతో ఇప్పుడందరూ ఈ సంప్రదాయ పద్ధతులకు తాత్కాలికంగా సెలవు ప్రకటించారు. వీటికి బదులు ప్రత్యామ్నాయ పలకరింపులు పాటిస్తున్నారు.

Know More

women icon@teamvasundhara
today-horoscope-details-04-03-2020
women icon@teamvasundhara
woman-cop-carries-her-infant-boy-to-duty-gets-applause-in-social-media

చంటి బిడ్డను ఎత్తుకునే డ్యూటీ చేసింది !

సాధారణంగా వివాహం తర్వాత మహిళలకు ఇంటి పని, వంట పని, పిల్లల ఆలనా పాలనా చూసుకోవడం.. ఇలా రకరకాల బాధ్యతలుంటాయి. ఇక ఉద్యోగం చేసే ఆడవాళ్ల పరిస్థితి మరింత క్లిష్టంగా ఉంటుంది. ఒకవైపు ఇంటి బాధ్యతలు.. మరోవైపు ఆఫీస్‌ పనులతో క్షణం తీరిక లేకుండా గడుపుతుంటాం. అయితే కొన్నిసార్లు అనుకోని పరిస్థితులు ఎదురవుతుంటాయి. అయినా సరే తమ వ్యక్తిగత జీవితాన్ని, వృత్తిగత జీవితాన్ని.. సమానంగా, సమర్థంగా బ్యాలన్స్‌ చేస్తూ ముందుకెళ్తుంటారు కొంతమంది. ఈ క్రమంలో ఉత్తరప్రదేశ్‌లో జరిగిన ఓ సంఘటన ఉద్యోగం చేసే మహిళల గొప్పతనాన్ని, తల్లి ప్రేమను మరోసారి అందరికీ గుర్తు చేసింది. మరి ఆ కథేంటో మీరే చూడండి.

Know More

women icon@teamvasundhara
student-invites-a-girl-to-date-with-help-of-a-resume
women icon@teamvasundhara
ivanka-thanks-indians-for-turning-her-into-a-meme

నన్ను ‘తాజ్‌’కు తీసుకెళ్లినందుకు థ్యాంక్స్‌!

ఇటీవల అమెరికా అధ్యక్షుడు డొనాల్డ్‌ ట్రంప్‌ భారత పర్యటనలో అందరి దృష్టిని ఆకర్షించారు మెలానియా, ఇవాంక. తమదైన ఫ్యాషనబుల్‌ దుస్తులు, ఆహార్యంతో భారతీయుల మనసులు గెలుచుకున్న ఈ అందాల తారలు ఈ రెండు రోజల పర్యటనలో ఎంతో ఉల్లాసంగా, ఉత్సాహంగా గడిపారు. చారిత్రక ప్రదేశాలను సందర్శిస్తూ సందడి చేశారు. భారత్‌లో ట్రంప్‌ పర్యటన ముగిసి సుమారు వారం రోజులవుతోంది. అయితే భారత్‌ పర్యటనలోని తమ మధుర జ్ఞాపకాలను నేటికీ గుర్తుచేసుకుంటున్నారీ వైట్‌ లేడీస్‌. ఈ క్రమంలో కొద్దిరోజుల క్రితం దిల్లీలోని ప్రభుత్వ పాఠశాల పర్యటన అనుభవాలను మరోసారి ట్విట్టర్‌ వేదికగా గుర్తు చేసుకున్నారు మెలానియా ట్రంప్‌. దీనికి కొనసాగింపుగా భారత పర్యటన తనకు కూడా ఎన్నో తియ్యటి అనుభవాలను అందించిందని చెబుతోంది ఇవాంక.

Know More