scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

gynecologist Ask Gynecologist Expert
ఓ సోదరి.

స్పాటింగ్‌ మాత్రమే కనిపిస్తోంది.. పిల్లలు పుట్టరా?

నమస్తే డాక్టర్‌. నా వయసు 29. నాకు పెళ్లై ఏడాదిన్నర అవుతోంది. మేము విదేశాల్లో ఉంటాం. నాకు థైరాయిడ్‌ సమస్య ఉండేది. ఇక్కడి డాక్టర్ సూచించిన మందులు వాడడం వల్ల ప్రస్తుతం థైరాయిడ్‌ అదుపులోనే ఉంది. సాధారణంగా నాకు పిరియడ్స్‌ రెగ్యులర్‌గానే వస్తాయి.. కానీ రెండు నెలల నుంచి మొదటి రెండ్రోజులు బ్లీడింగ్‌ కాకుండా 3,4 రోజులు నార్మల్‌గా బ్లీడింగ్‌ అవుతోంది. ఇది సంతాన సమస్యలకు సంకేతమేమో అని నా సందేహం. నాకు వెజైనల్‌ అల్ట్రాసౌండ్‌ వంటి ఫెర్టిలిటీ టెస్టులంటే భయం. వాటి ప్రమేయం లేకుండా సహజంగా పిల్లలు పుట్టే మార్గమేదైనా ఉంటే చెప్పగలరు. - ఓ సోదరి


Know More

Video Gallery

share your story హృదయ రాగం
ఓ సోదరి

'మళ్లీ అజయ్‌ని చేరాలనుకుంటున్నా... కానీ ఎలా ?'

'మనసుంటే మార్గం ఉంటుందంటారు. మరి సరిదిద్దుకోలేని తప్పు చేసినప్పుడు కూడా ఆ మనసు మరో మార్గాన్ని చూపిస్తుందా ?బంధాల పంజరంలో బందీ అయిపోయిన ఓ వనిత ఈ ప్రశ్నకు బదులు అడుగుతూ సమాధానం కోసం దీనంగా ఎదురుచూస్తోంది. భర్తతో జీవితాంతం కలిసుంటానని ఏడడుగులు వేసిన ఆమె ఆరు నెలలు తిరగకుండానే అతడికి విడాకులిచ్చింది. జీవితమనే సుడిగుండంలో అయోమయం అయిపోయిన ఆమెకు విధి మరో భర్తను ప్రసాదించింది. అయితే అందుకు ప్రతిగా ఆమెకు అవసరాన్నే మిగిల్చి ప్రేమను తీసేసుకుంది. ప్రేమ లేని జీవితం ఆత్మ లేని దేహం వంటిదని భావించిన ఆమె ఇప్పుడు ఆ ప్రేమను పొందేందుకు తిరిగి మొదటి భర్త వద్దకు వెళ్లాలనుకుంటోంది. మరి అతను ఒప్పుకుంటాడా ? అందుకు సమాజం ఏమంటుంది ? ఈ విషయాన్ని తన రెండో భర్తకు ఎలా తెలపాలి ? అని సతమతమవుతోంది శైలజ. ఆమె హృదయరాగం ఏంటో ఒకసారి విని మీ సలహా అందివ్వమని కోరుతోంది.'

Know More

Movie Masala

 
category logo

క్యాబ్‌లోనూ కాటేసే కేటుగాళ్లుంటారు... జాగ్రత్త !

safety measures while taking a private cab

నగరాల్లో సాఫ్ట్‌వేర్ సంస్థలు పెరిగాక ప్రైవేట్ క్యాబ్‌ల జోరు కూడా బాగానే పెరిగింది. మినీ, మైక్రో, ప్రీమియం, షేర్ అని రకరకాల పేర్లతో వివిధ సేవలను అందుబాటులోకి తెచ్చాయి ఆయా సంస్థలు. ప్రయాణం ముగిశాక మొబైల్ వాలెట్స్ ద్వారా కూడా డబ్బు చెల్లించే సదుపాయం ఉండటంతో తక్కువ కాలంలోనే ఎక్కువమందికి ఇవి చేరువయ్యాయని చెప్పొచ్చు. కొన్ని కార్పొరేట్ సంస్థలైతే వారి ఉద్యోగుల సౌలభ్యం కోసం పిక్ అండ్ డ్రాప్ సౌకర్యాన్ని కూడా కల్పిస్తున్నాయి. అయితే ఈ ప్రైవేట్ క్యాబ్‌ల వల్ల లాభాలతో పాటు నష్టాలు కూడా లేకపోలేవు. ముఖ్యంగా క్యాబ్‌లలో ప్రయాణిస్తున్న ఆడవారిపై అత్యాచారాలకు, అపహరణలకు, దోపిడీలకు పాల్పడేవారి సంఖ్య రోజురోజుకూ పెరుగుతోంది. ఇలాంటి అఘాయిత్యాలను నియంత్రించడానికి ప్రభుత్వం తగిన చర్యలు చేపడుతున్నప్పటికీ, మన జాగ్రత్తలో మనం ఉండటం కూడా ఎంతో అవసరం.

privatecabtips650.jpg

డ్రైవర్ రేటింగ్ చూడండి
ఇప్పుడొస్తోన్న టెక్నాలజీతో మనం క్యాబ్ బుక్ చేయగానే కారుకు సంబంధించిన వివరాలతో పాటు డ్రైవర్‌కి సంబంధించిన వివరాలు మనకు ముందే తెలియపరుస్తారు. అందులో డ్రైవర్‌కి సంబంధించి నక్షత్రాల రూపంలో ఒకటి నుండి ఐదు లోపు ఓ రేటింగ్ కూడా ఇవ్వడం తెలిసిందే. ఈ క్రమంలో వీలైనంతవరకు 3.5 లేదా ఆపై రేటింగ్ పొందిన డ్రైవర్లున్న క్యాబ్‌లను ఎంచుకోవడం ఉత్తమం. మీ ప్రయాణానంతరం మీరు కూడా అతనికి రేటింగ్ ఇచ్చే అవకాశం ఉంటుంది.
ఓటీపీ చాలా కీలకం
మీరు క్యాబ్ బుక్ చేయగానే మీకు కారు, డ్రైవర్ వివరాలతో పాటు ఒక 'ఓటీపీ'ని కూడా ఆ సంస్థ మీకు సందేశం ద్వారా అందిస్తుంది. అది మీరు డ్రైవర్‌కు చెప్పి తన దగ్గరున్న మొబైల్‌లో నమోదు చేశాకే మీ ప్రయాణాన్ని మొదలుపెట్టాల్సి ఉంటుంది. అలా కాకుండా ఓటీపీని నమోదు చేసుకోకుండా డ్రైవర్ మీద భరోసాతో ప్రయాణాన్ని కొనసాగించడం క్షేమం కాదు. ఆపై జరిగే పరిణామాలకు ఆ సంస్థ కూడా బాధ్యత వహించదు.
మద్యం తాగారో లేదో తెలుసుకోండి
మద్యం తాగి వాహనాన్ని నడపటం ప్రమాదకరం, పైగా చట్టరీత్యా నేరం. అందులోనూ మహిళలు ఒంటరిగా ప్రయాణిస్తున్నప్పుడు ఈ విషయంలో మరింత అప్రమత్తంగా ఉండాలి. అందుకే కాస్త ఇబ్బందైనా, ప్రయాణానికి ముందే డ్రైవర్ మద్యం సేవించాడో లేదో తెలుసుకునే ప్రయత్నం చేయండి. అతని శరీరం నుండి వచ్చే మద్యం వాసన, అతని మాటలు, ముఖాన్ని బట్టి ఈ విషయాన్ని గుర్తించవచ్చు. ఒకవేళ మీరా విషయం ప్రయాణం మధ్యలో గమనించినట్త్టెతే వెంటనే మీ ప్రయాణాన్ని ఆపడం మేలు.

privatecabtips650-5.jpgక్యాబ్ వివరాలు మీ వాళ్లకు పంపండి
మీరు క్యాబ్ ఎక్కడానికి ముందే కారు, డ్రైవర్‌కు సంబంధించిన వివరాలు మీ మొబైల్‌కి వస్తాయి. వాటిని వెంటనే ఓ ఇద్దరు, ముగ్గురు స్నేహితులకు లేదా ఆత్మీయులకు చేరవేయటం మంచిది. ఏదైనా అత్యవసర సమయంలో అది ఉపయోగపడొచ్చు. కొన్ని క్యాబ్ కంపెనీలు మీ కాంటాక్ట్ లిస్ట్‌లో నుండి ఓ ఐదుగురిని ఎంచుకునే సదుపాయాన్ని ముందుగానే కల్పిస్తున్నాయి. అత్యవసర సమయంలో మీరు వెంటనే వారిని సంప్రదించవచ్చు. ఏదైనా అనుకోనిది జరిగినా పోలీసుల దర్యాప్తుకు ముందుగా అవసరమయ్యే వివరాలు కూడా అవే.
డబ్బు, నగలుంటే జాగ్రత్త
ఒంటరిగా వెళ్తున్నప్పుడు ఎక్కువగా నగలు, డబ్బును ఉంచుకోవడం అంత మంచిది కాదు. అందులోనూ దూర ప్రయాణాలు మరింత ప్రమాదకరం. తప్పనిసరి పరిస్థితుల్లో ఎవరినైనా తోడుగా వెంట తీసుకెళ్లడం మంచిది లేదా రెండు విడతలుగా మీ ప్రయాణాన్ని కొనసాగిస్తే మేలు. అంటే కొద్ది దూరం వరకు ఒక క్యాబ్‌లో, అక్కడినుండి మరొకదానిలో వెళ్లేలా ప్లాన్ చేసుకుంటే మంచిది.

privatecabtips650-2.jpgఎస్..ఎస్. సదుపాయం
ఎస్..ఎస్. అంటే 'సేవ్ అవర్ సోల్స్'. 'మమ్మల్ని రక్షించండి' అని దానర్ధం. క్యాబ్‌లో ప్రయాణం చేసే వారి రక్షణార్థం ప్రముఖ క్యాబ్ సంస్థలు ఈ సదుపాయాన్ని వారి మొబైల్ యాప్స్ ద్వారా అందిస్తున్నాయి. మీ మొబైల్‌లో ఆ యాప్ ద్వారా మీరు క్యాబ్‌ను బుక్ చేసుకున్నట్త్టెతే, మీ ప్రయాణం మొదలవ్వగానే 'ఎస్..ఎస్' ఆప్షన్ కూడా యాప్‌లో కనిపిస్తుంది . మీకు మీ ప్రయాణంలో అనుకోని ఇబ్బందులు ఎదురైనా, ప్రయాణం సురక్షితంగా అనిపించకపోయినా, మీరు నిర్దేశించిన మార్గంలో కాకుండా నిర్మానుష్య మార్గాలను డ్రైవర్ ఎంచుకున్నా, మీపై దురుసుగా ప్రవర్తించినా వెంటనే ఆ మొబైల్ యాప్‌లో ఉన్న 'ఎస్..ఎస్' బటన్‌ను క్లిక్ చేయండి. అప్పుడు కంపెనీకి సంబంధించిన రక్షణ సిబ్బందికి మీ సమాచారం చేరుతుంది. వాళ్లు క్షణాల వ్యవధిలోనే మీ ప్రయాణ మార్గాన్ని గుర్తించి మీకు, డ్రైవర్‌కు ఫోన్ చేస్తారు. అందుకే ఇలాంటి సదుపాయాలు ఇచ్చే కంపెనీ క్యాబ్‌లను ఎంచుకోవడం శ్రేయస్కరం. కాకపోతే మీ ప్రయాణం పూర్తయ్యేవరకు మొబైల్‌లో డేటాని ఆన్‌లోనే ఉంచాల్సుంటుంది.
ప్రయాణాల్లో నిద్ర వద్దు
ప్రైవేట్ క్యాబులలో ఒంటరిగా ప్రయాణించేటప్పుడు నిద్రలోకి జారుకోకుండా జాగ్రత్త పడాలి. నిద్ర రాకుండా ఉండడానికి సంగీతం వినడం, ఫోన్లో మాట్లాడడం లాంటి మార్గాలను వెతకండి. కానీ ఏ పని చేస్తున్నా సరే మీరు వెళ్లే మార్గం మీద మాత్రం మీ దృష్టి ఉండేలా చూసుకోండి.

privatecabtips650-3.jpgఫోన్ సంభాషణలతో జాగ్రత్త
ప్రయాణంలో ఉన్నప్పుడు ఇతరులతో ఫోన్‌లో మాట్లాడుతున్నప్పుడు బ్యాంక్ బ్యాలన్స్, ఏటీయం పిన్, కుటుంబ వివరాలు, తదుపరి కార్యక్రమాలు, ఇతర వ్యక్తిగత అంశాల గురించి మాట్లాడకపోవడం మంచిది. తప్పనిసరి పరిస్థితుల్లో సంక్షిప్త సందేశాల ద్వారా మాత్రమే ఆ వివరాలను అవతలి వారికి తెలియపరచండి.
మీరే మద్యం తీసుకున్నట్త్లెతే
ఒంటరిగా ఉన్నప్పుడు మద్యం సేవించి క్యాబ్‌లో వెళ్లడం సురక్షితం కాదు. వేరే దారి లేని సందర్భంలో ఎవరినైనా వెంట తీసుకెళ్లడానికి ప్రయత్నించండి. అలాగే మీ ప్రయాణానికి సంబంధించిన వివరాలను మీ మిత్రులు, కుటుంబసభ్యులకు చేరవేయండి.

ఇతర జాగ్రత్తలు

privatecabtips650-4.jpgమీ ఫోన్ స్విచ్చాఫ్ అవ్వకుండా బ్యాటరీలో సరిపడా ఛార్జింగ్ ఉండేలా చూసుకోండిముందు జాగ్రత్తకోసం పవర్ బ్యాంక్‌నిఅదనపు ఫోన్‌ని దగ్గర ఉంచుకోండి.
మొబైల్‌లో జీపీఎస్‌ని యాక్టివ్ మోడ్‌లో ఉంచుకోవడం మేలుదాని ద్వారా మీ ప్రయాణ మార్గాన్ని మొబైల్ యాప్‌లో గమనించవచ్చుఅంతేకాకుండా ఆపద సమయంలో రక్షణసిబ్బందికి మీరెక్కడున్న విషయం తెలుసుకునే మార్గం సులువవుతుంది.
పెప్పర్ స్ప్రే వంటి ఆత్మరక్షణ సాధనాలను ఎప్పుడూ దగ్గర ఉంచుకోండి.
రద్దీగా ఉన్న చోటే ప్రయాణాన్ని ముగించండి.
ఎట్టి పరిస్థితుల్లోనూ డ్రైవర్లు ఇచ్చిన తినుబండారాలను తీసుకోవద్దు.
ప్రమాద సమయంలో బయటివారిని అరిచి పిలవడానికి కార్ విండో గ్లాస్‌ని ముందుగానే తీసి ఉంచడం లాంటి కనీస జాగ్రత్తలు కూడా తీసుకోవాలి.
ప్రమాదకర పరిస్థితులలో వెంటనే షీ-టీమ్స్/పోలీసులను సంప్రదించండి.
పైన చెప్పిన జాగ్రత్తలలో ఎక్కువ శాతం చేతిలో మొబైల్ ఉంటేనే సాధ్యమయ్యేవని గమనించండి.







women icon@teamvasundhara
a-canadian-woman-called-off-her-marriage-as-her-fiance-argued-with-the-wedding-dress

పెళ్లి బట్టలేమో గానీ.. పెళ్లే పెటాకులైంది !

చాలామంది తల్లిదండ్రులు త్వరలో పెళ్లి కాబోయే వధూవరులకు కామన్‌గా చెప్పే మాట ఒకటుంది. అదేంటంటే.. ‘జీవితంలో కష్టసుఖాలనేవి వస్తుంటాయి, పోతుంటాయి.. అవసరమైనప్పుడు సర్దుకుపోవాలి, ఎవరో ఒకరు రాజీపడాలి’ అని. అయినా కూడా ఈరోజుల్లో చాలామంది భార్యాభర్తలు, ఎప్పుడూ నేనే రాజీపడాలా ? అన్నిటికీ నేనే సర్దుకోవాలా ? అనే మంకుపట్టుతో జీవితాలను ఛిద్రం చేసుకుంటున్న సందర్భాలు అనేకం చూస్తూనే ఉన్నాం. మరి ఇలా ఎప్పుడో పెళ్లైన వారు గొడవ పడితే మామూలే అనుకోవచ్చు. కానీ రేపో మాపో పెళ్లిచేసుకోబోయేవారు కూడా గొడవ పడితే ? అదీ ఆన్‌లైన్‌లో అందరి సమక్షంలో అయితే? ఇదెక్కడి విడ్డూరం... అనాల్సిందే ! మరి ఈ వింత కథేంటో మనమూ తెలుసుకుందాం రండి...

Know More

women icon@teamvasundhara
kerala-mosjid-hosts-hindu-wedding-amidst-caa-protests

మసీదులో హిందూ పెళ్లి... విశేషాలివీ !

అందరూ కలిసికట్టుగా ఉన్న చోట దు:ఖం దరిచేరదు, బాధ బెదిరిపోతుంది, ఆనందం తాండవిస్తుంది, విజయం వర్ధిల్లుతుంది. ఐకమత్యం గురించి ఇలా బాల్యంలో ఎన్నో పాఠాలు నేర్చుకున్నాం. కానీ ఆచరణలోకి వచ్చేసరికి అది సాధ్యపడక శాంతికి విఘాతం కలిగించే ఎన్నో సందర్భాలను మనమిప్పటికీ చూస్తూనే ఉన్నాం. అయితే అందరిలో చైతన్యం కలిగించి ‘మనమంతా ఒక్కటే.. !’ అని చాటడానికి అప్పుడప్పుడూ కొన్ని సంఘటనలు జరుగుతూనే ఉంటాయి. ఇలాంటి ఓ సత్కార్యానికి వేదికగా నిలిచింది కేరళలోని కాయంకులం పట్టణానికి చెందిన చేరువల్లి జమాత్‌ మసీదు. మానవత్వమే ఏకైక మతం అని చాటిచెప్పడానికి తన వందేళ్ల సంప్రదాయాన్ని కూడా చెరిపేసి ఒక ఆడబిడ్డకు మసీదులో ప్రవేశం కల్పించింది. అంతేనా.. హిందూ సంప్రదాయం ప్రకారం పెళ్లి కూడా జరిపించింది. మరి దేశవ్యాప్తంగా అందరి చేత ప్రశంసలు అందుకుంటున్న ఈ పెళ్లి వేడుక గురించి మనమూ తెలుసుకుందాం రండి !

Know More

women icon@teamvasundhara
indian-bakers-create-guinness-world-records-with-53-kilometer

ఈ ‘మినీ ఎవరెస్ట్‌’ కేక్‌ని చూశారా?

కేక్‌.. ఈ మాట వింటేనే ఎప్పుడెప్పుడు తింటామా అనిపిస్తుంది. మరి ప్రపంచంలోనే అత్యంత పొడవైన కేక్‌ని చూస్తే.. నోరూరడం అటుంచి.. నోరెళ్లబెట్టి చూస్తూ ఉండిపోవడం ఖాయం. మరి అంత పే..ద్ద కేక్‌ను తయారుచేసి గిన్నిస్‌ రికార్డ్‌ సృష్టించారు కేరళ చెఫ్స్‌. కేరళకు చెందిన 1500 మంది చెఫ్స్‌ సుమారు 4 గంటలకుపైగా శ్రమించి 5,300 మీటర్ల పొడవైన వెనీలా కేక్‌ని తయారుచేసి ఆ కేక్‌ను గిన్నిసుకెక్కించారు. ఈ విషయాన్ని స్వయంగా గిన్నిస్‌ వరల్డ్‌ రికార్డ్స్‌ తన ట్విట్టర్‌ ఖాతా ద్వారా ధృవీకరించింది. ‘కేరళ బేకర్స్‌ అసోసియేషన్’ నిర్వహించిన ఓ కార్యక్రమంలో భాగంగా వారు ఈ టేస్టీ కేక్‌ రికార్డ్‌ని నెలకొల్పారు. ప్రపంచంలో అత్యంత పొడవైన కేక్‌గా పేరొందిన ఈ యమ్మీ కేక్‌కు సంబంధించిన మరిన్ని వివరాలు తెలుసుకుందాం రండి..

Know More

women icon@teamvasundhara
wife-seeks-divorce-as-hubby-avoids-regular-shave-and-bath

నా భర్త రోజూ స్నానం చేయడం లేదు, విడాకులు ఇప్పించండి...!

వందేళ్ల జీవితంలో పెళ్లి ఒక మజిలీ లాంటిదని చెబుతారు. వేద మంత్రాలు, అగ్ని సాక్షిగా ఒక్కటైన జంట ఎప్పటికీ కలిసి ఉంటామని ప్రమాణం చేస్తారు. కానీ కొన్ని బంధాలు మాత్రం మధ్యలోనే విడిపోతున్నాయి. దీనికి కారణాలు అనేకం.. అయితే ఇటీవలి కాలంలో కొంతమంది జంటలు చిన్న చిన్న కారణాలకే విడాకుల వరకు వెళుతున్నారు. నిజానికి ఆ కారణాలు వినే వారికి చాలా సిల్లీగానే అనిపించినా అనుభవించే వారికి మాత్రం అందులో ఉన్న బాధేంటో తెలుస్తుంది. ఇలాంటి ఓ వింత కారణంతో తన భర్త నుంచి విడాకులు కావాలని కోరింది బిహార్‌కు చెందిన ఓ మహిళ. ఇంతకీ విడాకుల కోసం తాను చెప్పిన వింత కారణాలేంటో తెలుసుకోవాలంటే ఈ స్టోరీలోకి వెళ్లాల్సిందే...

Know More

women icon@teamvasundhara
team-india-super-fan-charulatha-patel-passes-away

ఈ ‘టీమిండియా సూపర్‌ ఫ్యాన్‌’ హడావుడి ఇక కనిపించదు!

భారతదేశంలో క్రికెట్‌కున్న క్రేజ్‌ ప్రత్యేకంగా చెప్పక్కర్లేదు. మ్యాచ్‌ ఉంటే చాలు..పనులన్నీ కట్టేసి మరీ టీవీకి అతుక్కుపోతుంటారు. చాలామంది టీవీల ముందు కూర్చుని మ్యాచ్‌లను వీక్షిస్తే.. మరికొందరు ఏకంగా స్టేడియాలకు వెళ్లి చప్పట్లు కొడుతూ తమ అభిమాన ఆటగాళ్లను ఉత్సాహపరుస్తుంటారు. ఈ ఆటను అభిమానించే వాళ్లలో చిన్నపిల్లల నుంచి పండు ముసలివాళ్ల దాకా అందరూ ఉంటారు. వారిలో ఒకరే చారులతా పటేల్‌. ‘టీమిండియా సూపర్‌ఫ్యాన్‌’ అని పిలుచుకునే ఈ 87 ఏళ్ల బామ్మ గతేడాది ఇంగ్లండ్‌లో జరిగిన వరల్డ్‌కప్‌లో చేసిన సందడి అంతా ఇంతా కాదు. చక్రాల కుర్చీలో కూర్చొని చిన్నపిల్లలా చేతిలో బూర పట్టుకుని వూదుతూ ఆటగాళ్లను ఛీర్స్‌ చేస్తూ కనిపించిన సందర్భాన్ని ఎవరూ మరిచిపోరు. ఎనిమిది పదుల వయసులో కూడా ఆమె చూపిస్తున్న ఉత్సాహానికి టీమిండియా క్రికెటర్లు విరాట్‌ కోహ్లీ, రోహిత్‌ కూడా ఫిదా అయిపోయారు. ఈ క్రమంలో వీరితో పాటు క్రికెట్‌ అభిమానుల్లో విషాదం నింపుతూ ఆమె తుదిశ్వాస విడిచారు.ఆమె సహజ మరణం పొందినట్లు వారి కుటుంబ సభ్యలు తెలిపారు.

Know More

women icon@teamvasundhara
sonam-kapoor-faces-scariest-experience-with-cab-driver-in-london

ఆ క్యాబ్‌ డ్రైవర్‌ ప్రవర్తన చూసి నాకు వణుకు పుట్టింది..!

ప్రస్తుతం ప్రపంచాన్ని పీడిస్తోన్న సామాజిక సమస్యల్లో మహిళల భద్రత కూడా ఒకటి. చిన్నపిల్లల నుంచి వృద్ధుల వరకు మగువలపై జరుగుతోన్న అఘాయిత్యాల సంఖ్య రోజురోజుకూ పెరుగుతోంది. సాంకేతికంగా మనం ఎంత ముందున్నా.. మహిళల భద్రత విషయంలో మాత్రం ఇంకా ఎంతో వెనుకబడే ఉన్నామని ఆడవాళ్లపై కొనసాగుతోన్న దుర్ఘటనలు మనకు గుర్తు చేస్తున్నాయి. స్కూల్‌లో, బస్సులో, కాలేజీలో, హాస్టల్‌లో, ఆఫీస్‌లో, పబ్లిక్‌ ప్రదేశాల్లో.. ఇలా ఆడవాళ్లకు ఎక్కడా భద్రతా లేకుండా పోతోంది. ఇంట్లో నుంచి ఒంటరిగా బయటకు వెళ్లిన ఆడపిల్ల తిరిగి క్షేమంగా ఇంటికి వస్తే చాలని కుటుంబ సభ్యులు దేవుడిని ప్రార్థించే స్థితికి మనం చేరుకోవడం దురదృష్టకరం. వీటివల్ల ఆడవాళ్లు మానసికంగా బాగా కుంగిపోతున్నారు. కొన్ని సందర్భాల్లో పురుషులు ఆడవాళ్లపై దాడికి పాల్పడకపోయినా వాళ్లు చేసే వింత చేష్టలు, కల్పించే ఇబ్బందికర పరిస్థితులు మహిళలను భయభ్రాంతులకు గురి చేస్తున్నాయి. ఇలాంటి అనుభవాలు సామాన్యులకే కాదు.. సెలబ్రిటీలకూ ఎదురవుతుండడం గమనార్హం. ఈక్రమంలో బాలీవుడ్‌ బ్యూటీ సోనమ్‌ కపూర్‌కి కూడా ఇటీవల ఇలాంటి ఓ చేదు అనుభవమే ఎదురైంది. తను ఇటీవలే లండన్‌లో క్యాబ్‌లో ప్రయాణిస్తుండగా.. క్యాబ్‌ డ్రైవర్‌ ప్రవర్తన తనను చాలా ఇబ్బంది పెట్టిందని సోనమ్‌ తాజాగా ట్విట్టర్‌లో పోస్ట్‌ చేసింది.

Know More

women icon@teamvasundhara
significance-of-kanuma-in-telugu

కనుమ రోజు ఎందుకు ప్రయాణాలు చేయకూడదు?

తెలుగు రాష్ట్రాల ప్రజలు సంక్రాంతిని పెద్ద పండగగా పిలుచుకుంటారు. మూడు రోజుల పాటు ఎంతో సందడిగా జరిగే ఈ పండగ సమయంలో తెలుగు లోగిళ్లు కొత్త అల్లుళ్లు, బంధు మిత్రులతో కళకళలాడుతుంటాయి. పచ్చని తోరణాలతో సంక్రాంతి లక్ష్మిని ఆహ్వానించే ఈ పర్వదినంలో తొలి రోజు భోగ భాగ్యాలను ప్రసాదించే భోగి, రెండో రోజు పితృదేవతలను పూజించే సంక్రాంతి కాగా.. మూడో రోజు కనుమ. పాడి పశువుల పండగ కనుమ. వ్యవసాయ క్షేత్రాల్లో పంటల సాగుకు ఎంతో సహాయపడిన పశువులకు రైతులు కృతజ్ఞత తెలుపుకొనే రోజు. రైతులు తమకు పండిన పంటను తామే కాకుండా పశుపక్ష్యాదులతో పంచుకోవాలని పిట్టల కోసం ధాన్యపు కంకులను ఇంటి గుమ్మాలకు కడతారు. అయితే, ‘కనుమ రోజున కాకులు కూడా కదలవు’ అనే సామెతను గుర్తు చేస్తూ ఆ రోజు ప్రయాణాలు చేయొద్దని మన పూర్వీకులు చెబుతుంటారు. తరతరాలుగా అనుసరిస్తున్న ఈ సంప్రదాయ నియమాల వ్యాప్తి వెనుక ఉద్దేశాలను పరిశీలిస్తే..

Know More

women icon@teamvasundhara
sankranthi-celebrations-in-various-palces

దేశమంతటా సందడిగా సాగే సంకురాత్రి..!

ఏటా జనవరి 14 లేదా 15న వచ్చే సంక్రాంతి పండగను తెలుగు ప్రజలు ఎంత సంబరంగా జరుపుకొంటారో ప్రత్యేకంగా చెప్పక్కర్లేదు. మొదటిరోజు భోగిమంటలు వేసి, వాటి దగ్గర చలి కాచుకుంటారు. బుజ్జి పాపాయిలకు భోగిపండ్లు పోస్తారు. రెండో రోజు రంగురంగుల ముగ్గులతో వాకిలంతా నింపేసి, కొత్త బట్టలు, చక్కెర పొంగలి, పిండివంటలు, పతంగులతో సందడి చేస్తారు. ఇక మూడోరోజు కూడా పండగ హడావిడి ఏమాత్రం తగ్గకుండా కోడిపందేల జోరును కొనసాగిస్తారు. అయితే ఇదంతా తెలుగు రాష్ట్రాల్లో కనిపించే సంక్రాంతి సందడి. ఈ పండగను కేవలం ఇక్కడే కాకుండా దేశవ్యాప్తంగా ఆయా రాష్ట్రాల సంప్రదాయం ప్రకారం ఘనంగా నిర్వహిస్తారు. ఈక్రమంలో దేశవ్యాప్తంగా సంక్రాంతిని ఎలా జరుపుకొంటారో మనమూ తెలుసుకుందామా..

Know More

women icon@teamvasundhara
harvest-festivals-in-the-world

ప్రకృతికి ప్రణమిల్లే పండగలెన్నో!

రంగురంగుల ముగ్గులు, ముచ్చటగొలిపే గొబ్బెమ్మలు.. హరిదాసుల కీర్తనలు.. ఇల్లంతా నిండిపోయే వంటకాల ఘుమఘుమలు.. సంక్రాంతి అంటేనే సందడే సందడి! నిజానికి మనిషి తనకు ఎంతో సాయం చేసిన ప్రకృతికి తనవంతుగా కృతజ్ఞత చెప్పుకోవడమే సంక్రాంతి పరమార్థం. ఇందులో భాగంగా పంచభూతాలతో పాటు, సూర్యభగవానుడిని, పశుపక్ష్యాదులను పూజించడం ఎప్పటినుంచో ఆనవాయితీగా వస్తోంది. అయితే ఇలా ప్రకృతికి కృతజ్ఞత తెలుపుతూ పండగలు జరుపుకొనే సంప్రదాయం మన దేశంలోని కొన్ని రాష్ట్రాల్లోనే కాదు.. ప్రపంచ దేశాల్లోనూ కనిపిస్తుంది. వివిధ పేర్లతో, రకరకాల సంప్రదాయాలతో కొనసాగే అలాంటి కొన్ని పండగల గురించి తెలుసుకుందామా?

Know More

women icon@teamvasundhara
are-you-going-to-your-native-for-this-festival
women icon@teamvasundhara
pakistani-artist-designed-divorce-card

ఈ విడాకుల మహోత్సవ ఆహ్వాన పత్రికను చూశారా?

శ్రీకాంత్‌, రమ్యకృష్ణ జంటగా 1997లో వచ్చిన ‘ఆహ్వానం’ సినిమా ఎంతంటి సంచలనాన్ని సృష్టించిందో ప్రత్యేకంగా చెప్పాల్సిన అవసరం లేదు. డబ్బు కోసం భర్త మరో అమ్మాయిని వివాహం చేసుకోవాలని ప్రయత్నిస్తే.. భార్య అతనికి బుద్ధి చెప్పే కథను దర్శకుడు ఎస్వీ కృష్ణారెడ్డి అద్భుతంగా తెరకెక్కించాడు. విడాకులు కోరిన భర్తను ‘నువ్వు ఎలాగైతే మూడు మూళ్ల బంధంతో నన్ను వివాహం చేసుకున్నావో.. అదే విధంగా విడాకులను కూడా ఓ మహోత్సవంలా నిర్వహించాల’ని డిమాండ్‌ చేస్తుంది. దానికి ‘విడాకుల మహోత్సవం’ అనే పేరు కూడా పెడుతుంది హీరోయిన్‌. అంతేకాదు ఇందుకోసం ఏకంగా ఆహ్వాన పత్రికలను కూడా ముద్రిస్తుంది. 23 ఏళ్ల క్రితం విడుదలైన ఈ సినిమా అప్పట్లో ఓ సంచలనం అని చెప్పుకోవాలి. అయితే ఇప్పుడు ఇదంతా ఎందుకు అనుకుంటున్నారా? పాకిస్థాన్‌కు చెందిన ఓ ఆర్టిస్టు కూడా పెళ్లిలాగే విడాకులను ఓ వేడుకలా జరుపుకోవాలని పిలుపునిస్తుంది. అది కూడా ఏదో మాటవరసకు కాదు.. అందుకోసం ఏకంగా ‘విడాకుల ఆహ్వాన కార్డు’ను కూడా రూపొందించింది. ప్రస్తుతం ఆ కార్డు సోషల్‌ మీడియాలో వైరల్‌గా మారింది. ఇంతకీ ఆమె ‘విడాకుల ఆహ్వాన కార్డు’ను ఎందుకు రూపొందించింది? దీనితో ఆమె ఇవ్వాలనుకున్న సందేశమేంటి? తెలుసుకోవాలనుకుంటే ఈ స్టోరీ చదివేయండి..

Know More

women icon@teamvasundhara
saudi-telugu-families-new-year-celebrations

కొత్త సంవత్సర వేళ.. సౌదీలో ఆనంద హేళ!

తీపి-చేదుల కలయికగా సాగిన గతేడాది నుంచి ఎన్నో పాఠాలు నేర్చుకొని.. కొత్త ఆశలు, కొత్త ఆశయాలతో నూతన సంవత్సరానికి స్వాగతం పలుకుతాం. రాబోయే ఏడాదంతా ఎలాంటి చీకూ-చింతా లేకుండా ఆనందంగా గడిచిపోవాలని కొత్త ఏడాదికి స్వాగతం పలికే ఆ క్షణం మది నిండిన ఉత్సాహంతో చిందులేస్తాం. అలాంటి ఆనందోత్సాహాల నడుమ కొత్త సంవత్సరానికి స్వాగతం పలికారు సౌదీలో స్థిరపడిన తెలుగువారు. న్యూ ఇయర్‌ వేడుకల్లో భాగంగా నిర్వహించిన పలు సాంస్కృతిక కార్యక్రమాల్లో చిన్నాపెద్దా అనే తేడా లేకుండా అందరూ ఎంతో ఉత్సాహంగా పాల్గొన్నారు. ఈ క్రమంలో కామెడీ స్కిట్స్‌, డ్యాన్సులు, పాటలతో చిన్నారులు హోరెత్తించగా.. త్రోబాల్‌, జంపింగ్‌, మ్యూజికల్‌ ఛైర్స్‌.. వంటి ఆటలతో అతివలు ఆనందంగా గడిపారు. అంతేనా.. ఆ మధుర క్షణాలను ఫొటోల్లో బంధిస్తూ మురిసిపోయారు కూడా! మరి, సౌదీలో స్థిరపడిన ఈ తెలుగువారి న్యూ ఇయర్‌ వేడుకలకు సంబంధించిన కొన్ని ఫొటోలపై మీరూ ఓ లుక్కేయండి..!

Know More

women icon@teamvasundhara
three-boys-form-ferguson-college-wear-saree-on-their-traditional-day

ఈ కాలేజీ అబ్బాయిలు అందుకే చీర కట్టారు !

కళాశాల అంటేనే చదువుల్లో, ఆటపాటల్లో ఒక విద్యార్థితో మరో విద్యార్థికి పోటీ ఉంటుంది. ఈక్రమంలో ఒకరిలో ఏమాత్రం లోటుపాట్లు కనిపించినా చాలామంది విద్యార్థుల చేత సదరు విద్యార్థి హేళనకు గురి కావాల్సి ఉంటుంది. ఇలా బుల్లీయింగ్‌కి గురై ఆత్మహత్య చేసుకున్న విద్యార్థులు చాలామందే ఉన్నారు. అటువంటిది అబ్బాయిలు హీరోల్లా ముస్తాబై వచ్చే కళాశాల ట్రెడిషన్‌ డేలో భాగంగా కావాలని చీర కట్టుకొచ్చారు ముగ్గురు యువకులు. తమకు చీరకట్టుకోవడం రాకపోయినా కళాశాల విద్యార్థిని సహాయం తీసుకొని మరీ చీరకట్టులో వేడుకకు హాజరయ్యారు. అధ్యాపకుల నుంచి విద్యార్థుల వరకు కళాశాలలో వారినలా చూసిన వారందరూ ఆశ్చర్యపోయారు. అయితే ఎవరూ కూడా వారిని హేళన చేయలేదు. అసలు విషయం తెలుసుకొని వారిని మెచ్చుకున్నారు. ఎందుకంటే...

Know More

women icon@teamvasundhara
vaikunta-ekadashi-significance

వైకుంఠ ఏకాదశి విశిష్టత తెలుసా?

సూర్యుడు ఉత్తరాయణానికి మారే ముందు వచ్చే శుద్ధ ఏకాదశినే వైకుంఠ ఏకాదశి లేదా ముక్కోటి ఏకాదశి అంటారు. ఈ రోజున వైకుంఠ ద్వారాలు తెరుచుకొని ఉంటాయని వైష్ణవాలయాలలో గల ఉత్తర ద్వారం వద్ద భక్తులు తెల్లవారుజామునే వేచి ఉంటారు. ముక్కోటి రోజున మహావిష్ణువు గరుడ వాహనం అధిరోహించి మూడు కోట్ల దేవతలతో భూలోకానికి దిగివచ్చి.. భక్తులకు దర్శనమిస్తాడని నమ్మకం. అందుకే దీనికి ముక్కోటి ఏకాదశి అనే పేరు వచ్చిందంటారు. ఈ ఒక్క ఏకాదశి.. మూడు కోట్ల ఏకాదశులతో సమానమట. అందువల్ల దీన్ని ముక్కోటి ఏకాదశి అంటారని కూడా చెబుతారు. ఈ రోజునే హాలాహలం, అమృతం రెండూ పుట్టాయని చెబుతారు.

Know More

women icon@teamvasundhara
vaikuntha-ekadashi-special
women icon@teamvasundhara
a-pregnancy-woman-beats-a-teaser-at-madhapur

అమ్మాయిలూ.. ధైర్యమంటే ఇలా ఉండాలి!

ఆడపిల్ల అర్ధరాత్రి ఒంటరిగా తిరిగినప్పుడే నిజమైన స్వాతంత్ర్యం అన్నాడు మహాత్ముడు. అయితే అర్ధరాత్రి కాదు కదా..పట్టపగలు కూడా తిరగలేని పరిస్థతి నెలకొందిప్పుడు. ఆ మధ్య జరిగిన ‘దిశ’ నిందితుల ఎన్‌కౌంటర్‌ను చూసైనా కామాంధులలో మార్పు వస్తుందేమో అని ఆశించిన వారికి అత్యాశే మిగిలింది. మహిళల రక్షణ కోసం ప్రభుత్వాలు, పోలీసులు ఎన్ని చర్యలు, కార్యక్రమాలు చేపడుతున్నా మగరాయుళ్లలో మార్పేమీ రావడం లేదు. ఈ క్రమంలో హైదరాబాద్‌కు చెందిన ఓ ఐటీ ఉద్యోగినికి కూడా ఇలాంటి అనుభవమే ఎదురైంది. నిత్యం జనసంచారం ఉండే రహదారిలోనే ఓ ఆగంతకుడు ఆమెతో అసభ్యంగా ప్రవర్తించాడు. అయితే చాలామంది ఆడపిల్లల్లా ఆమె భయపడలేదు. పిడిగుద్దులు కురిపిస్తూ ప్రతిఘటించింది. చొక్కా పట్టుకుని ఎదురుదాడికి దిగి ‘ఆడదంటే అబల కాదు..కోపమొస్తే ఆది పరాశక్తిలా మారుతుంది’ అని నిరూపించింది.

Know More

women icon@teamvasundhara
sreemukhi-participated-in-green-india-challenge

ఈ ఛాలెంజ్‌ను స్వీకరించా..మరి మీరు?

గల గలా పారే సెలయేరు లాంటి మాటల పరవళ్లతో తెలుగు వారి మనసులో సుస్థిర స్థానం సంపాదించుకుంది స్టార్‌ యాంకర్‌ శ్రీముఖి. యాంకరింగ్‌లో తనదైన స్టైల్‌, మేనరిజమ్స్‌తో ఇట్టే ఆకట్టుకునే ఈ అందాలతార ..బిగ్‌బాస్‌-3 రియాల్టీ షోతో సూపర్‌ క్రేజ్‌ను సొంతం చేసుకుంది. టైటిల్‌ గెలవలేకపోయినా..ఫైనల్‌ రౌండ్‌ వరకు రేసులో నిలిచి కోట్లాది మంది హృదయాలు గెలుచుకుందీ తెలుగందం. అభిమానులతో ముద్దుగా ‘రాములమ్మ’ అని పిలిపించుకునే ఈ ముద్దుగుమ్మ .. కేవలం బుల్లితెరపైనే కాదు అప్పుడప్పుడూ వెండితెరపై కూడా మెరుపులు మెరిపిస్తోంది. ఈ క్రమంలో పర్యావరణ హితం కోసం ప్రారంభమైన ‘గ్రీన్‌ ఇండియా ఛాలెంజ్‌’లో భాగంగా మొక్కలు నాటిందీ లవ్లీ యాంకర్‌.

Know More

women icon@teamvasundhara
smriti-irani-explains-why-indian-woman-should-walk-behind-her-husband

అందుకే భార్య ఎప్పుడూ భర్త వెనకాలే అడుగులేస్తుంది!

‘సంసారమనే సాగరంలో భార్యాభర్తలిద్దరూ సమానమే..కానీ భర్త కొంచెం ఎక్కువ సమానం’..బాపు దర్శకత్వంలో వచ్చిన ‘రాధాగోపాళం’ సినిమాలో బాగా పాపులరైన డైలాగ్‌ ఇది. అందుకేనేమో తమ జీవిత భాగస్వామి కంటే ఎక్కువ సంపాదించినా..ఎక్కువ పేరు ప్రఖ్యాతులు పొందినా చాలా మంది మహిళలు భర్త చాటు భార్యల్లాగానే ఉంటారు. ఎక్కడి కెళ్లినా వారి వెనకే ఉండి అడుగులేస్తుంటారు. అంతెందుకు పెళ్లి వేడుకనే ఉదాహరణగా తీసుకోండి. ఆ వేడుకలో భాగంగా ఏడడుగులు వేసేటప్పుడు ముందు భర్త..అతని వెనకే భార్య ఉంటుంది. పెళ్లనే కాదు..ఎక్కడి కెళ్లినా భర్త వెనకే ఉండి అడుగులేస్తుంది భార్య. ఈ క్రమంలో అసలు ఆడవాళ్లు ఎందుకు మగవాళ్ల వెనకే నడుస్తారు? ఇదేమైనా సంప్రదాయమా? లేక వేరేదేమైనా ఉందా? అన్న అనుమానాలకు తనదైన శైలిలో చమత్కారంగా సమాధానమిచ్చారు కేంద్ర మహిళా శిశు సంక్షేమ శాఖ మంత్రి స్మృతి ఇరానీ.

Know More

women icon@teamvasundhara
stories-those-went-viral-in-2019

ఈ ఏడాది సోషల్‌ మీడియాలో ‘సెన్సేషనల్‌ టాపిక్స్‌’ ఇవే..!

2019కి వీడ్కోలు చెప్పడానికి ఇంకెంతో సమయం లేదు. ప్రతి ఏడాది లాగే ఈ ఏడాదిలో కూడా మన జ్ఞాపకాల్లో నిలిచిపోయిన సంఘటనలు ఎన్నో ఉన్నాయి. ముఖ్యంగా సోషల్‌ మీడియా వాడకం పెరిగాక ప్రపంచంలో ఏ మూల, ఏ విషయం జరిగినా సరే క్షణాల్లో అది మనకు తెలిసిపోతుంది. ఇలా ఈ 2019 ఆరంభం నుంచి చివరి వరకు ఎన్నో విషయాలు సోషల్‌ మీడియా ద్వారా మనల్ని పలకరించాయి. వీటిలో కొన్ని మనల్ని ఆశ్చర్యపరిస్తే.. మరికొన్ని భావోద్వేగానికి గురి చేశాయి. కొన్ని ఆనందపర్చితే.. మరికొన్ని మనలో స్ఫూర్తి నింపాయి. ఈ క్రమంలో 2019లో సోషల్‌ మీడియాలో హల్‌చల్‌ చేసిన పది వైరల్‌ స్టోరీస్‌ మీకోసం..!

Know More

women icon@teamvasundhara
different-new-year-traditions-around-the-world

ఈ న్యూఇయర్ వింత సంప్రదాయాల గురించి విన్నారా?

పాత ఏడాదికి గుడ్‌బై చెప్పేసి కొత్త ఆశలు, ఆశయాలతో నూతన సంవత్సరానికి స్వాగతం పలికే తరుణం ఆసన్నమైంది. న్యూ ఇయర్ అనగానే పార్టీలు, డీజేలు.. ఇలా ఎంతో జోష్‌తో కొత్త ఏడాదిని ఆహ్వానించడానికి రడీ అవుతుంటారంతా. ఎందుకంటే ఇలా ఆ రోజు ఎంత ఆనందంగా గడిపితే ఆ సంవత్సరమంతా అంత సంతోషంగా ఉండచ్చనేది అందరి భావన. అయితే కొన్ని దేశాల్లో మాత్రం నూతన సంవత్సరానికి స్వాగతం చెప్పే క్రమంలో కొన్ని వింత సంప్రదాయాల్ని పాటిస్తుంటారట అక్కడి ప్రజలు. తద్వారా రాబోయే ఏడాదంతా తమ జీవితం ఆనందమయం అవుతుందని వారు నమ్ముతారు. మరి, ఈ కొత్త ఏడాదిలోకి అడుగుపెట్టే క్రమంలో కొన్ని దేశాలు పాటించే ఆసక్తికర సంప్రదాయాలేంటో మనమూ తెలుసుకుందాం రండి..

Know More

women icon@teamvasundhara
upasana-konidela-shares-a-great-message-on-floral-waste

women icon@teamvasundhara
surprise-your-friends-with-these-innovative-gifts

ఈ కొత్త సంవత్సరం.. కొంగొత్త కానుకిద్దాం!

ఈ కొత్త సంవత్సరం అందరికీ ఎంతో ప్రత్యేకం.. 2020 కేవలం నూతన సంవత్సర ఆరంభం మాత్రమే కాదు.. ఓ కొత్త దశాబ్దానికి నాంది కూడా! మరి నూతన ఏడాదితో పాటు నూతన దశాబ్దాన్ని కూడా స్వాగతిస్తున్న ఈ తరుణంలో మన ఆత్మీయులకు శుభాకాంక్షలు తెలియజేయడంతో పాటు.. ఓ మంచి బహుమతిని అందిస్తే అద్భుతంగా ఉంటుంది. అంతేకాదు.. అది మీ మధ్య బంధాన్ని మరింత దృఢంగా మారుస్తుంది. అలాగే ఎదుటివారిపై మీ మనసులోని భావాలను ఇలా గిఫ్ట్‌ రూపంలో తెలియపరచవచ్చు. అయితే గిఫ్ట్‌ని ఎంపిక చేసుకునే ముందు మీరు బహుమతిని ఇవ్వాలనుకుంటున్న వారి అభిరుచులను, ఆలోచనలను కూడా దృష్టిలో ఉంచుకోవాలి. అందుకనుగుణంగా మార్కెట్‌లో ఎన్నో సరికొత్త బహుమతులు కొలువుదీరాయి. మరి మీ శ్రేయోభిలాషులకు, కుటుంబ సభ్యులకు ఎటువంటి బహుమతులు అందజేయాలో అనే సందిగ్ధానికి చెక్‌ పెడుతూ ఇలాంటి ఓ అందమైన కానుకను అందిస్తే సరి.

Know More

women icon@teamvasundhara
famous-woman-centric-movies-released-in-2019

ఈ ఏడాది మేటి మహిళా ప్రాధాన్య చిత్రాలివే..!

సూర్యుడు భూమి చుట్టూ తిరగడం ఎంత సాధారణమో.. సినిమా కథలన్నీ హీరోల చుట్టూ తిరగడం కూడా అంతే కామన్‌. అందుకే ఏ చిత్రమైనా మొదట హీరో పేరే స్ర్కీన్‌పై దర్శనమిస్తుంది. ఆ తర్వాతే హీరోయిన్‌ పేరు కనిపిస్తుంది. అందుకే డైరెక్టర్లు కూడా హీరోలకు తగ్గట్టే కథలు సిద్ధం చేసుకుంటుంటారు. అయితే గత కొన్నేళ్లుగా ఈ ఫార్ములా మారింది. హీరో ఉంటేనే సినిమాలు సక్సెస్‌ అవుతాయన్న సమీకరణాలకు సెలవు చెబుతూ పలు లేడీ ఒరియంటెడ్‌ సినిమాలు మన ముందుకొచ్చాయి. అగ్రహీరోల సినిమాల కలెక్షన్లకు ఏ మాత్రం తగ్గకుండా వసూళ్లు సాధిస్తున్నాయి. అందుకే ఏటా ఈ మహిళా ప్రాధాన్య సినిమాల సంఖ్య పెరుగుతూనే ఉంది. ఈ క్రమంలో ఈ ఏడాది కూడా పలు మహిళా ప్రాధాన్యమున్న చిత్రాలు విడుదలై సత్తాచాటాయి. 2019 ఏడాది ముగియనున్న నేపథ్యంలో ఈ ఏడాది విడుదలై విజయం సాధించిన కొన్ని లేడీ ఓరియంటెడ్‌ చిత్రాలను ఒక్కసారి నెమరువేసుకుందాం.!

Know More

women icon@teamvasundhara
women-spend-more-during-christmas-and-new-year

క్రిస్మస్‌, న్యూ ఇయర్‌లకి ఆడవారే ఎక్కువ ఖర్చు పెడుతున్నారట !

చాలా ఇళ్లలో ఖర్చును అదుపు చేసి డబ్బును పొదుపు చేసేది ఆడవారే. అందుకే స్త్రీకి పొదుపు లక్ష్మి అనే బిరుదునిచ్చారు మన పూర్వీకులు. అయితే ఇదంతా ఒకప్పటి మాటంటున్నారు కొందరు పరిశోధకులు. ప్రస్తుతం ఏ పండగ వచ్చినా ఎక్కువ ఖర్చు పెట్టేది స్త్రీలేనంటున్నారు. ఇక ఇదే క్రమంలో క్రిస్మస్‌, న్యూ ఇయర్‌ వస్తే.. వీరు పెట్టే ఖర్చు డబుల్‌కు డబుల్‌ అవ్వాల్సిందే అంటున్నారు. వారి సర్వేల ప్రకారం ఒక్క దుస్తుల కోసమే ఆడవారు ఏడాదికి సగటున ఎంత ఖర్చు పెడుతున్నారో తెలుసా ? అక్షరాలా లక్ష నుంచి మూడు లక్షల వరకూ ఉంటోందట. ఇది సగటు మాత్రమే ! అంటే ఒక స్త్రీ సగటున ఏనభై ఏళ్ల వరకూ జీవిస్తే ఒక్క దుస్తులకే ఆమె పెట్టే ఖర్చు కోటి నుంచి మూడు కోట్ల వరకూ ఉంటోందని సర్వేలు చెబుతున్నాయి. మరి ఈ క్రమంలో అబ్బాయిలేమైనా పొదుపు నేర్చుకున్నారా ? అంటే అదీ లేదు.. దాదాపు అంతే మొత్తం అప్పు చేసి మరీ అమ్మాయిల కోసం ఖర్చు పెడుతున్నారట అబ్బాయిలు ! ఇదేం లెక్క... అని ఆశ్చర్యపోకండి.. వివరాల్లోకి వెళ్దాం రండి !

Know More

women icon@teamvasundhara
big-christmas-trees-around-the-world

ఎంత పే...ద్ద క్రిస్మస్‌ ట్రీలో..!

క్రిస్మస్‌ అనగానే అందరి మదిలో ప్రప్రథమంగా మెదిలేది ‘క్రిస్మస్‌ ట్రీ’. పచ్చదనంతో నిండుగా ఉన్న కొనిఫెర్‌ జాతి చెట్టును ఇంటి ఆవరణలో ప్రతిష్టించి.. దానిని ఎంతో అందంగా, శోభాయమానంగా అలంకరిస్తారు క్రిస్టియన్లు. ఇలా చేయడం వల్ల ఇంటికి శుభం జరుగుతుందని, అలాగే చెడు ప్రభావాలు కూడా దూరమవుతాయని వారు నమ్ముతారు. ఈ క్రమంలో ఎక్కడ చూసినా అందంగా ముస్తాబు చేసిన క్రిస్మస్‌ ట్రీలే దర్శనమిస్తుంటాయి. మరి భిన్నత్వంలో ఏకత్వంగా వర్ధిల్లుతోన్న మన దేశంలోనే ఇంత ఘనంగా క్రిస్మస్‌ను జరుపుకుంటుంటే.. ఇక క్రిస్టియన్లు ఎక్కువగా ఉండే దేశాల్లో క్రిస్మస్‌ సందడి, క్రిస్మస్‌ చెట్ల అలంకరణ గురించి ప్రత్యేకంగా చెప్పాలా?

Know More

women icon@teamvasundhara
surprise-your-friends-and-family-with-the-special-gifts-on-this-christmas-day

‘క్రిస్మస్‌’.. ఈ కానుకలతో మరింత ప్రత్యేకం..!

'మెర్రీ క్రిస్మస్' అంటూ ఒకరికొకరు శుభాకాంక్షలు తెలుపుకొంటూ క్రైస్తవులు ఎంతో భక్తిశ్రద్ధలతో జరుపుకునే అతిపెద్ద పండగే క్రిస్మస్. ఇందులో భాగంగా ఒకరి ఇళ్లకు మరొకరు వెళ్లి విషెస్ తెలియజేయడం లేదంటే చర్చిల్లో కలుసుకొని పండగ శుభాకాంక్షలు తెలుపుకోవడం మనకు తెలిసిందే. అయితే ఈ క్రమంలో మనం ఎదుటివారికి చెప్పే విషెస్‌తో పాటు ఒక అందమైన కానుకను కూడా దానికి జతచేస్తే అది వారికి ఆనందాన్ని అందించడమే కాదు.. జీవితాంతం గుర్తుండిపోయే మధురానుభూతిగానూ మిగిలిపోతుంది. ఇంతకీ ఈ క్రిస్మస్‌కి ఎలాంటి బహుమతి అందించాలి అని ఆలోచిస్తున్నారా? మనసుంటే మార్గముంటుంది అన్నట్లు ఆలోచిస్తే ఎన్నో కానుకలు మన మదిలో మెదులుతాయి. అందులో కొన్ని ...

Know More

women icon@teamvasundhara
best-places-to-celebrate-christmas

ఇక్కడ క్రిస్మస్ వేడుకలు అదుర్స్!

ఎటుచూసినా రంగురంగుల విద్యుద్దీపాలతో అందంగా అలంకరించిన చర్చిలు.. లైట్లతో మిరుమిట్లు గొలిపే క్రిస్మస్ చెట్లు.. శాంతాక్లాజ్ కోసం వేచిచూసే చిన్నారులు.. వెరసి క్రైస్తవులు అత్యంత పవిత్రంగా భావించే పండగే క్రిస్మస్. ఒకరికొకరు శుభాకాంక్షలు చెప్పుకోవడం దగ్గర్నుంచి, బహుమతులిచ్చుకోవడం, కేక్స్ పంచుకోవడం.. ఇలా ప్రతి ఇంటా బంధువులు, స్నేహితులతో ఈ పండగ రోజున సందడి వాతావారణం నెలకొంటుంది. దీనికోసం ఒకటి, రెండు కాదు.. కనీసం పదిహేను రోజుల ముందు నుంచే ఏర్పాట్లు మొదలవుతాయి. మరి మన ఇళ్లలోనే క్రిస్మస్‌కి ఇంత హడావిడి, ఆనందం నెలకొంటే.. ఈ పండగను పెద్ద ఎత్తున జరుపుకొనే దేశాల సంగతేంటి? సాధారణ వేడుకలతో పాటు ప్రత్యేకంగా ఏర్పాటు చేసే క్రిస్మస్ మార్కెట్లు, క్రైస్తవుల సంస్కృతీ సంప్రదాయాలను ప్రతిబింబించేలా నిర్వహించే పలు కార్యక్రమాలతో ఆయా దేశాల్లో ఈ పండగ సంబరాలు అంబరాన్నంటుతాయి. ఈ క్రమంలో క్రిస్మస్ సందర్భంగా చూడదగిన కొన్ని ప్రదేశాలు, అక్కడ జరిగే క్రిస్మస్ వేడుకల గురించి మనం కూడా ఓ లుక్కేద్దామా...

Know More

women icon@teamvasundhara
san-francisco-woman-offers-rs5-lakh-reward-find-her-stolen-dog

పెట్‌ డాగ్‌ను వెతికేందుకు ప్లేన్‌ అద్దెకు తీసుకుంది!

సాధారణంగా శునకాల కుండే విశ్వాసం మనుషులకు కూడా ఉండదంటారు. ద్వేషమంటే తెలియని ఈ మూగజీవాలను తిట్టినా..కొట్టినా..అవి కురిపించే ప్రేమలో ఏమాత్రం తేడా ఉండదు. అందుకే చాలామందికి అవంటే ఎనలేని ప్రేమ. మరికొంతమంది కుక్కలకు ముద్దు పేర్లు పెట్టుకుని మరీ ఇంట్లో సొంత మనిషిలా చూసుకుంటుంటారు. ఎక్కడకెళ్లినా వాటి తోడు ఉండాల్సిందే. ఒక్కక్షణం అవి కనిపించకపోయినా, వాటికేమైనా ప్రమాదం జరిగినా విలవిల్లాడిపోతారు. ఈ క్రమంలో శాన్‌ఫ్రాన్సిస్కోకు చెందిన ఓ మహిళకు కూడా తన పెట్‌ డాగ్ అంటే చాలా ఇష్టం. నిత్యం తనతోనే ఉండే ఆ కుక్క సడెన్‌గా కనిపించకుండా పోయింది. ఈ క్రమంలో ప్రాణంతో సమానంగా పెంచుకునే ఆ పెట్‌డాగ్‌ ఆచూకీ తెలుసుకోవడానికి ఆ మహిళ ఏం చేసిందో చూద్దాం రండి..!

Know More

women icon@teamvasundhara
12-days-of-christmas
women icon@teamvasundhara
decorate-christmas-tree-in-your-home

'క్రిస్మస్ చెట్టు' కాంతులీనేలా...

క్రిస్మస్ పండగ అంటే మనందరికీ ముందుగా గుర్తొచ్చేది క్రిస్మస్ చెట్టు, స్టార్స్, శాంటాక్లాజ్.. అయితే వీటిలో ఎక్కువ ప్రాముఖ్యాన్ని సంతరించుకుంది మాత్రం క్రిస్మస్ చెట్టే. ఈ పండగకు దాదాపు కొన్ని రోజుల ముందునుంచే ఇళ్లల్లో, షాపింగ్ మాల్స్‌లో, చర్చిల్లో.. ఈ చెట్టును అత్యంత రమణీయంగా అలంకరిస్తుంటారు. సాధారణంగా స్ప్రూస్, పైన్ లేదా ఫిర్ వంటి కొనిఫెర్ (సూదిమొన ఆకులు కలిగిన చెట్టు) జాతికి చెందిన చెట్లను క్రిస్మస్ ట్రీగా అలంకరిస్తుంటారు. అయితే కొంతమంది ఈ చెట్టును ఇంట్లోనే పెంచుకుంటే.. మరికొంతమంది కృత్రిమ చెట్టును వాస్తవికత ఉట్టిపడేలా ముస్తాబు చేస్తారు. ఏదేమైనా క్రిస్మస్ చెట్టును కాంతులీనేలా, ఆకర్షణీయంగా అలంకరించడమెలాగో తెలుసుకోవాలంటే ఇది చదవండి..

Know More

women icon@teamvasundhara
137-crore-indian-women-use-modern-contraception

కండోమ్స్‌తో పాటే ఈ మాత్రలు కూడా ఇవ్వాలి !

ఏ స్త్రీకైనా మాతృత్వం ఓ వరం. కానీ కొన్ని సార్లు అదే శాపంలా మారుతుంటుంది. కావాలని తల్లిగా మారడం వరమైతే.. అనుకోకుండా గర్భం ధరించాల్సి రావడం శాపం. ఇలా ఈ ప్రపంచంలో క్షణికానందం కోసం కాలు జారి ఆ శాపాన్ని అనుభవించే మహిళలు చాలామందే ఉన్నారు. మరికొంతమంది ఒకరి బలవంతం కారణంగా గర్భం ధరిస్తున్నారు. ఒక్కోసారి ప్రాణాంతకమైన అబార్షన్‌లకు పాల్పడుతున్నారు. ఇందుకు కారణం గర్భ నిరోధంపై సరైన అవగాహన లేకపోవడం ఒకటైతే... అందుకు సంబంధించిన పద్ధతులు అందుబాటులో లేకపోవడం మరొకటి. అయితే ఇప్పుడు మన దేశ మహిళలు ఈ విషయంలో బాగానే అవగాహన పెంచుకున్నారు. ‘మార్నింగ్‌ ఆఫ్టర్‌ పిల్‌’ వంటి గర్భ నిరోధక మాత్రలను వినియోగించుకుంటూ ఇతర దేశాల మహిళలకు ఆదర్శంగా నిలుస్తున్నారు. ఏటా ఈ మహిళల శాతం పెరగడమే ఇందుకు నిదర్శనం. అయితే బ్రిటన్‌కు చెందిన మహిళలు మటుకు తమకు ఈ మాత్రలు అందుబాటులో లేవంటున్నారు. ఎందుకో తెలుసుకుందాం రండి !

Know More

women icon@teamvasundhara
women-are-better-leaders-than-men-says-obama

మహిళలూ మాకంటే మీరే బెటర్‌... మీతోనే ప్రగతి !

స్త్రీకి అనేక రూపాలున్నాయి. మొదట కూతురిగా ఈ భూమ్మీద అడుగుపెట్టే ఆమె తర్వాత అక్కగా, చెల్లిగా, చెలిగా, భార్యగా, అమ్మగా, బామ్మగా తన బాధ్యతలను సమర్థంగా నిర్వహిస్తుంది. అటువంటి స్త్రీకి నాయకత్వం పెద్ద కష్టమా ? ఒక ఇంటిని క్రమపద్ధతిలో ఉంచే ఆమెకు ఒక ఊరిని, ఒక రాష్ట్రాన్ని, ఒక దేశాన్ని సక్రమంగా నడిపించే పటిమ లేదా ? ఈ ప్రశ్నలకు సమాధానం కావాలంటే అగ్ర రాజ్యం అమెరికాకు ఎనిమిదేళ్ల పాటు అధ్యక్షుడిగా సేవలందించిన బరాక్‌ ఒబామా మాటలు వినాల్సిందే ! ఎందుకంటే ఆయన వైట్‌హౌస్‌ కార్యాలయంలో కూర్చొని చాలాసార్లు స్త్రీ నాయకత్వం గురించే ఆలోచించారట. ఇటీవల సింగపూర్‌లో జరిగిన ఓ కార్యక్రమంలో ఆయన ప్రసంగిస్తూ ఒక స్త్రీకి నాయకత్వ బాధ్యతలు అప్పగిస్తే ఎలా ఉంటుందో తెలియజేశారు.

Know More

women icon@teamvasundhara
bride-cancels-wedding-after-groom-abuses-her-relatives

కాబోయే భర్త అలా ఉండకూడదు... భార్యంటే ఇలానే ఉండాలి !

అన్నమంతా ఉడికిందో లేదో చూడాలంటే ఒక్క మెతుకు పట్టుకొని చూస్తే చాలు. అలానే మనిషి గుణం ఎలాంటిదో తెలియాలంటే చిన్న విషయాన్ని బట్టి అంచనా వేయొచ్చు. ఎందుకంటే చిన్న చిన్న విషయాలే మనిషి వ్యక్తిత్వాన్ని, గొప్పతనాన్ని తెలియజేస్తాయి. ఇదే విషయాన్ని స్పష్టం చేస్తున్నారు ఇద్దరు పెళ్లికూతుళ్లు. ఒకరేమో చెప్పుల దగ్గర జరిగిన చిన్న విషయాన్ని పెద్ద రాద్ధాంతం చేసిన పెళ్లి కొడుకును కాదనుకుంటే.. మరొకరు నమ్మిన వాడికి నిశ్చితార్థం తర్వాత కాలు పూర్తిగా పోయినా అతడితో పెళ్లికి సిద్ధపడ్డారు. ఒకరు పరువు ప్రతిష్టల కంటే ఆత్మాభిమానానికి విలువివ్వాలని తెలిపితే.. మరొకరు ప్రేమకు స్వార్థం తెలియదని నిరూపించారు. ఇంతకీ వీళ్ల కథేంటంటే...

Know More

women icon@teamvasundhara
winter-fest-in-ramoji-film-city

రామోజీ ఫిల్మ్‌ సిటీలో పండగ చేసుకుందాం.. రండి!

ప్రకృతి రమణీయ రామోజీ ఫిల్మ్‌ సిటీ(ఆర్‌ఎఫ్‌సీ)లో శీతాకాల సంబరాలు అట్టహాసంగా ఆరంభమయ్యాయి. జనవరి 26వ తేదీ వరకు కొనసాగే రామోజీ వింటర్‌ ఫెస్ట్‌ వేడుకల్లో పర్యాటకులు తొలి రోజే పెద్దసంఖ్యలో సందడి చేశారు. ప్రారంభోత్సవంలో ఏర్పాటు చేసిన వినోద కార్యక్రమాలు ప్రత్యేక ఆకర్షణగా నిలిచాయి. పాల్గొంటున్న సందర్శకులు ప్రకృతి అందాలను ఆస్వాదిస్తున్నారు. సరికొత్త కార్యక్రమాలు, మైమరపించే లైవ్‌ షోలు, రంగురంగుల విద్యుద్దీప కాంతుల్లో వెలుగులీనుతున్న ఆర్‌ఎఫ్‌సీ అందాలను ఆబాలగోపాలం ఆనందిస్తోంది. ప్రపంచ చలనచిత్ర రంగాన్ని ఉర్రూతలూగించిన బాహుబలి సెట్టింగ్‌ల వీక్షణతో మర్చిపోలేని మధురానుభూతులను సొంతం చేసుకుంటున్నారు.

Know More

women icon@teamvasundhara
abhibus-and-mobile-shop-owners-making-use-of-onion-offers

‘ఉల్లి కూపన్‌’తో రోజుకు 3 కేజీల ఉల్లిపాయలు గెలుచుకోండి !

ఇప్పుడు చాలామంది అబ్బాయిలు జైన మతంలోని అమ్మాయిలనే పెళ్లి చేసుకోవాలనుకుంటున్నారట ! ఎందుకో తెలుసా ? ఉల్లిపాయలు వేయకుండా కూర రుచిగా వండడంలో వారు నిష్ణాతులని ఆ అమ్మాయిలకు పేరుంది... అందుకేనట ! ఇలా రోజు రోజుకీ పెరుగుతున్న ఉల్లి ధర గురించి సామాజిక మాధ్యమాల్లో రకరకాలుగా జోకులు వేసుకుంటున్నారు ప్రజలు. ఒకరకంగా ఈ ఏడాది బెస్ట్‌ కమెడియన్‌ అవార్డు ఇవ్వాలంటే అది కచ్చితంగా ఉల్లిపాయకే ఇవ్వాలి. లేదంటే పక్షపాతం చూపించినట్లే ! ఇందుకు తాజా ఉదాహరణగా నిలుస్తున్నాయి ఈ రెండు ఘటనలు. మొదటిది... ఒక మొబైల్‌ షోరూం యజమాని తన షాపులో ఒక ఫోన్‌ కొంటే కిలో ఉల్లిపాయలు ఫ్రీ అనే ఆఫర్‌ పెడితే... రెండోది... ఆన్‌లైన్‌ బస్‌ సర్వీస్‌ సంస్థ అభిబస్‌ తమ ప్రయాణికుల ఇళ్లకు 3 కేజీల ఉల్లిపాయలను ఉచితంగానే పంపిస్తోంది. వినడానికి విడ్డూరంగా ఉన్నా.. ఇది నిజం ! మరి ఈ ఉల్లిపాయల కథలేంటో చూద్దాం రండి !

Know More

women icon@teamvasundhara
the-best-alternatives-of-onions

వంటల్లో ఉల్లికి బదులుగా వీటిని వాడేయండి!

సాధారణంగా ఉల్లిపాయల్ని తరిగేటప్పుడు కన్నీళ్లొస్తాయి.. కానీ ఇప్పుడు కొనాలన్నా, కనీసం వాటి గురించి తలచుకున్నా కూడా అందరి కళ్లల్లో నీళ్లు తిరుగుతున్నాయి. అలా ప్రస్తుతం సామాన్యులకే కాదు.. ధనవంతులకు సైతం అందనంతగా కొండెక్కాయి ఉల్లి ధరలు. ‘ఉల్లి వ్యాపారస్థుల్ని ప్రపంచ ధనవంతుల జాబితాలో చేర్చవచ్చు అనే విధంగా తయారైంది నేటి పరిస్థితి’, ‘ఈ రోజుల్లో ఉల్లిపాయల్ని ఆహారంలో భాగం చేసుకున్న వారు నిజమైన ధనవంతులు’, ‘ఉల్లిపాయ లవ్‌ ప్రపోజల్స్‌’.. ఇలా ప్రస్తుతం సోషల్‌ మీడియాలో ఉల్లిపై పేలే జోక్స్‌ చూస్తే ఉల్లి అందరినీ ఎంతలా కన్నీరు పెట్టిస్తుందో ఇట్టే అర్థమైపోతుంది. ఇంతేనా.. సరదాగా ఏదైనా రెస్టారెంట్‌కి వెళ్లినా కూడా ఉల్లిపాయలు కావాలంటే అదనంగా డబ్బులు వసూలు చేసే పరిస్థితి నెలకొంది.

Know More

women icon@teamvasundhara
google-maps-adds-a-new-feature-to-search-for-public-toilets

ఇక ‘టాయిలెట్స్‌’ ఎక్కడున్నాయో కూడా వెతకొచ్చు !

మహిళ మరో మహిళను కూడా అడగడానికి ఇబ్బంది పడే విషయం పబ్లిక్‌ టాయిలెట్స్‌ గురించి తెలుసుకోవడం. ఈ కారణం చేత చాలామంది మహిళలు ఎక్కడికైనా వెళ్తున్నప్పుడు బలవంతంగా మూత్రాన్ని ఆపుకోవడం లేదా దాహమేస్తున్నా మంచి నీళ్లు తాగకపోవడం చేస్తుంటారు. ఇలా అరగంట, గంట ఓపిక పడితే సరిపోతుందిలే అనుకుంటారు కానీ దీని వల్ల చాలా ఆరోగ్య సమస్యలు వస్తాయి. ముఖ్యంగా మూత్రాశయ ఇన్ఫెక్షన్‌తో పాటు కిడ్నీలకు సంబంధించిన రోగాలు వచ్చే అవకాశం ఉంటుంది. కిడ్నీలో రాళ్లు, మూత్రాశయం సాగడం వంటి సమస్యలు వచ్చినా ఆశ్చర్యపడాల్సిన అవసరం లేదు. అయితే ఇప్పుడు వీటన్నిటికీ మీ ఫోన్‌లో ఉన్న గూగుల్‌ పరిష్కారాన్ని చూపెడుతుంది. అదెలాగంటే..

Know More