చాలామంది తల్లిదండ్రులు త్వరలో పెళ్లి కాబోయే వధూవరులకు కామన్‌గా చెప్పే మాట ఒకటుంది. అదేంటంటే.. ‘జీవితంలో కష్టసుఖాలనేవి వస్తుంటాయి, పోతుంటాయి.. అవసరమైనప్పుడు సర్దుకుపోవాలి, ఎవరో ఒకరు రాజీపడాలి’ అని. అయినా కూడా ఈరోజుల్లో చాలామంది భార్యాభర్తలు, ఎప్పుడూ నేనే రాజీపడాలా ? అన్నిటికీ నేనే సర్దుకోవాలా ? అనే మంకుపట్టుతో జీవితాలను ఛిద్రం చేసుకుంటున్న సందర్భాలు అనేకం చూస్తూనే ఉన్నాం. మరి ఇలా ఎప్పుడో పెళ్లైన వారు గొడవ పడితే మామూలే అనుకోవచ్చు. కానీ రేపో మాపో పెళ్లిచేసుకోబోయేవారు కూడా గొడవ పడితే ? అదీ ఆన్‌లైన్‌లో అందరి సమక్షంలో అయితే? ఇదెక్కడి విడ్డూరం... అనాల్సిందే ! మరి ఈ వింత కథేంటో మనమూ తెలుసుకుందాం రండి...

వందేళ్ల జీవితంలో పెళ్లి ఒక మజిలీ లాంటిదని చెబుతారు. వేద మంత్రాలు, అగ్ని సాక్షిగా ఒక్కటైన జంట ఎప్పటికీ కలిసి ఉంటామని ప్రమాణం చేస్తారు. కానీ కొన్ని బంధాలు మాత్రం మధ్యలోనే విడిపోతున్నాయి. దీనికి కారణాలు అనేకం.. అయితే ఇటీవలి కాలంలో కొంతమంది జంటలు చిన్న చిన్న కారణాలకే విడాకుల వరకు వెళుతున్నారు. నిజానికి ఆ కారణాలు వినే వారికి చాలా సిల్లీగానే అనిపించినా అనుభవించే వారికి మాత్రం అందులో ఉన్న బాధేంటో తెలుస్తుంది. ఇలాంటి ఓ వింత కారణంతో తన భర్త నుంచి విడాకులు కావాలని కోరింది బిహార్‌కు చెందిన ఓ మహిళ. ఇంతకీ విడాకుల కోసం తాను చెప్పిన వింత కారణాలేంటో తెలుసుకోవాలంటే ఈ స్టోరీలోకి వెళ్లాల్సిందే...

తెలుగు రాష్ట్రాల ప్రజలు సంక్రాంతిని పెద్ద పండగగా పిలుచుకుంటారు. మూడు రోజుల పాటు ఎంతో సందడిగా జరిగే ఈ పండగ సమయంలో తెలుగు లోగిళ్లు కొత్త అల్లుళ్లు, బంధు మిత్రులతో కళకళలాడుతుంటాయి. పచ్చని తోరణాలతో సంక్రాంతి లక్ష్మిని ఆహ్వానించే ఈ పర్వదినంలో తొలి రోజు భోగ భాగ్యాలను ప్రసాదించే భోగి, రెండో రోజు పితృదేవతలను పూజించే సంక్రాంతి కాగా.. మూడో రోజు కనుమ. పాడి పశువుల పండగ కనుమ. వ్యవసాయ క్షేత్రాల్లో పంటల సాగుకు ఎంతో సహాయపడిన పశువులకు రైతులు కృతజ్ఞత తెలుపుకొనే రోజు. రైతులు తమకు పండిన పంటను తామే కాకుండా పశుపక్ష్యాదులతో పంచుకోవాలని పిట్టల కోసం ధాన్యపు కంకులను ఇంటి గుమ్మాలకు కడతారు. అయితే, ‘కనుమ రోజున కాకులు కూడా కదలవు’ అనే సామెతను గుర్తు చేస్తూ ఆ రోజు ప్రయాణాలు చేయొద్దని మన పూర్వీకులు చెబుతుంటారు. తరతరాలుగా అనుసరిస్తున్న ఈ సంప్రదాయ నియమాల వ్యాప్తి వెనుక ఉద్దేశాలను పరిశీలిస్తే..

భోగభాగ్యాల భోగి.. సిరిసంపదల సంక్రాంతి.. వచ్చేసింది. తెలుగింట పెద్ద పండగైన సంక్రాంతి అంటేనే రంగుల ముంగిళ్లు, ముద్దులొలికే గొబ్బిళ్లు, బంధుమిత్రుల సందళ్లు అన్నీ గుర్తొచ్చేస్తాయి. అయితే సంక్రాంతి పండగంటే ఇవే కాదు.. ఈ పండగలో మనం తెలుసుకోవాల్సిన మరెన్నో పద్ధతులు కూడా ఉన్నాయి.. అవన్నీ అటు పండక్కి చేయాల్సిన పనులుగా పెద్దలు చెప్పినా.. వాటికి సామాజికంగా, శాస్త్రీయపరంగా ఎంతో ప్రాధాన్యం ఉంది.. సంక్రాంతి వేళ ముఖ్యంగా చేయాల్సిన కొన్ని పనులు, వాటికి గల ప్రాధాన్యం కూడా తెలుసుకుందాం రండి..

శ్రీకాంత్‌, రమ్యకృష్ణ జంటగా 1997లో వచ్చిన ‘ఆహ్వానం’ సినిమా ఎంతంటి సంచలనాన్ని సృష్టించిందో ప్రత్యేకంగా చెప్పాల్సిన అవసరం లేదు. డబ్బు కోసం భర్త మరో అమ్మాయిని వివాహం చేసుకోవాలని ప్రయత్నిస్తే.. భార్య అతనికి బుద్ధి చెప్పే కథను దర్శకుడు ఎస్వీ కృష్ణారెడ్డి అద్భుతంగా తెరకెక్కించాడు. విడాకులు కోరిన భర్తను ‘నువ్వు ఎలాగైతే మూడు మూళ్ల బంధంతో నన్ను వివాహం చేసుకున్నావో.. అదే విధంగా విడాకులను కూడా ఓ మహోత్సవంలా నిర్వహించాల’ని డిమాండ్‌ చేస్తుంది. దానికి ‘విడాకుల మహోత్సవం’ అనే పేరు కూడా పెడుతుంది హీరోయిన్‌. అంతేకాదు ఇందుకోసం ఏకంగా ఆహ్వాన పత్రికలను కూడా ముద్రిస్తుంది. 23 ఏళ్ల క్రితం విడుదలైన ఈ సినిమా అప్పట్లో ఓ సంచలనం అని చెప్పుకోవాలి. అయితే ఇప్పుడు ఇదంతా ఎందుకు అనుకుంటున్నారా? పాకిస్థాన్‌కు చెందిన ఓ ఆర్టిస్టు కూడా పెళ్లిలాగే విడాకులను ఓ వేడుకలా జరుపుకోవాలని పిలుపునిస్తుంది. అది కూడా ఏదో మాటవరసకు కాదు.. అందుకోసం ఏకంగా ‘విడాకుల ఆహ్వాన కార్డు’ను కూడా రూపొందించింది. ప్రస్తుతం ఆ కార్డు సోషల్‌ మీడియాలో వైరల్‌గా మారింది. ఇంతకీ ఆమె ‘విడాకుల ఆహ్వాన కార్డు’ను ఎందుకు రూపొందించింది? దీనితో ఆమె ఇవ్వాలనుకున్న సందేశమేంటి? తెలుసుకోవాలనుకుంటే ఈ స్టోరీ చదివేయండి..

కళాశాల అంటేనే చదువుల్లో, ఆటపాటల్లో ఒక విద్యార్థితో మరో విద్యార్థికి పోటీ ఉంటుంది. ఈక్రమంలో ఒకరిలో ఏమాత్రం లోటుపాట్లు కనిపించినా చాలామంది విద్యార్థుల చేత సదరు విద్యార్థి హేళనకు గురి కావాల్సి ఉంటుంది. ఇలా బుల్లీయింగ్‌కి గురై ఆత్మహత్య చేసుకున్న విద్యార్థులు చాలామందే ఉన్నారు. అటువంటిది అబ్బాయిలు హీరోల్లా ముస్తాబై వచ్చే కళాశాల ట్రెడిషన్‌ డేలో భాగంగా కావాలని చీర కట్టుకొచ్చారు ముగ్గురు యువకులు. తమకు చీరకట్టుకోవడం రాకపోయినా కళాశాల విద్యార్థిని సహాయం తీసుకొని మరీ చీరకట్టులో వేడుకకు హాజరయ్యారు. అధ్యాపకుల నుంచి విద్యార్థుల వరకు కళాశాలలో వారినలా చూసిన వారందరూ ఆశ్చర్యపోయారు. అయితే ఎవరూ కూడా వారిని హేళన చేయలేదు. అసలు విషయం తెలుసుకొని వారిని మెచ్చుకున్నారు. ఎందుకంటే...

ఆడపిల్ల అర్ధరాత్రి ఒంటరిగా తిరిగినప్పుడే నిజమైన స్వాతంత్ర్యం అన్నాడు మహాత్ముడు. అయితే అర్ధరాత్రి కాదు కదా..పట్టపగలు కూడా తిరగలేని పరిస్థతి నెలకొందిప్పుడు. ఆ మధ్య జరిగిన ‘దిశ’ నిందితుల ఎన్‌కౌంటర్‌ను చూసైనా కామాంధులలో మార్పు వస్తుందేమో అని ఆశించిన వారికి అత్యాశే మిగిలింది. మహిళల రక్షణ కోసం ప్రభుత్వాలు, పోలీసులు ఎన్ని చర్యలు, కార్యక్రమాలు చేపడుతున్నా మగరాయుళ్లలో మార్పేమీ రావడం లేదు. ఈ క్రమంలో హైదరాబాద్‌కు చెందిన ఓ ఐటీ ఉద్యోగినికి కూడా ఇలాంటి అనుభవమే ఎదురైంది. నిత్యం జనసంచారం ఉండే రహదారిలోనే ఓ ఆగంతకుడు ఆమెతో అసభ్యంగా ప్రవర్తించాడు. అయితే చాలామంది ఆడపిల్లల్లా ఆమె భయపడలేదు. పిడిగుద్దులు కురిపిస్తూ ప్రతిఘటించింది. చొక్కా పట్టుకుని ఎదురుదాడికి దిగి ‘ఆడదంటే అబల కాదు..కోపమొస్తే ఆది పరాశక్తిలా మారుతుంది’ అని నిరూపించింది.

‘సంసారమనే సాగరంలో భార్యాభర్తలిద్దరూ సమానమే..కానీ భర్త కొంచెం ఎక్కువ సమానం’..బాపు దర్శకత్వంలో వచ్చిన ‘రాధాగోపాళం’ సినిమాలో బాగా పాపులరైన డైలాగ్‌ ఇది. అందుకేనేమో తమ జీవిత భాగస్వామి కంటే ఎక్కువ సంపాదించినా..ఎక్కువ పేరు ప్రఖ్యాతులు పొందినా చాలా మంది మహిళలు భర్త చాటు భార్యల్లాగానే ఉంటారు. ఎక్కడి కెళ్లినా వారి వెనకే ఉండి అడుగులేస్తుంటారు. అంతెందుకు పెళ్లి వేడుకనే ఉదాహరణగా తీసుకోండి. ఆ వేడుకలో భాగంగా ఏడడుగులు వేసేటప్పుడు ముందు భర్త..అతని వెనకే భార్య ఉంటుంది. పెళ్లనే కాదు..ఎక్కడి కెళ్లినా భర్త వెనకే ఉండి అడుగులేస్తుంది భార్య. ఈ క్రమంలో అసలు ఆడవాళ్లు ఎందుకు మగవాళ్ల వెనకే నడుస్తారు? ఇదేమైనా సంప్రదాయమా? లేక వేరేదేమైనా ఉందా? అన్న అనుమానాలకు తనదైన శైలిలో చమత్కారంగా సమాధానమిచ్చారు కేంద్ర మహిళా శిశు సంక్షేమ శాఖ మంత్రి స్మృతి ఇరానీ.

‘మెగా’ కోడలిగా, నటుడు రామ్‌ చరణ్‌ సతీమణిగానే కాకుండా తనకంటూ ఓ ప్రత్యేక గుర్తింపు తెచ్చుకుంది ఉపాసన కొణిదెల. అపోలో ఆస్పత్రికి సంబంధించిన హెల్త్‌కేర్‌ విభాగంలో కీలక బాధ్యతలు నిర్వర్తిస్తున్న ఆమె పలు సామాజిక సేవా కార్యక్రమాలు కూడా నిర్వహిస్తోంది. దీంతో పాటు సోషల్‌ మీడియా వేదికగా ఆరోగ్యం, ఫిట్‌నెస్‌ పట్ల అందరిలో అవగాహన కల్పిస్తోందీ కొణిదెల వారి కోడలు. తాజాగా కొత్త సంవత్సర వేడుకలకు సంబంధించి ఇన్ స్టాలో ఓ పోస్ట్‌ పెట్టిన ఉపాసన.. పూల వ్యర్థాలను నివారించడానికి కొన్ని స్ఫూర్తిదాయకమైన సూచనలిచ్చింది.

చాలా ఇళ్లలో ఖర్చును అదుపు చేసి డబ్బును పొదుపు చేసేది ఆడవారే. అందుకే స్త్రీకి పొదుపు లక్ష్మి అనే బిరుదునిచ్చారు మన పూర్వీకులు. అయితే ఇదంతా ఒకప్పటి మాటంటున్నారు కొందరు పరిశోధకులు. ప్రస్తుతం ఏ పండగ వచ్చినా ఎక్కువ ఖర్చు పెట్టేది స్త్రీలేనంటున్నారు. ఇక ఇదే క్రమంలో క్రిస్మస్‌, న్యూ ఇయర్‌ వస్తే.. వీరు పెట్టే ఖర్చు డబుల్‌కు డబుల్‌ అవ్వాల్సిందే అంటున్నారు. వారి సర్వేల ప్రకారం ఒక్క దుస్తుల కోసమే ఆడవారు ఏడాదికి సగటున ఎంత ఖర్చు పెడుతున్నారో తెలుసా ? అక్షరాలా లక్ష నుంచి మూడు లక్షల వరకూ ఉంటోందట. ఇది సగటు మాత్రమే ! అంటే ఒక స్త్రీ సగటున ఏనభై ఏళ్ల వరకూ జీవిస్తే ఒక్క దుస్తులకే ఆమె పెట్టే ఖర్చు కోటి నుంచి మూడు కోట్ల వరకూ ఉంటోందని సర్వేలు చెబుతున్నాయి. మరి ఈ క్రమంలో అబ్బాయిలేమైనా పొదుపు నేర్చుకున్నారా ? అంటే అదీ లేదు.. దాదాపు అంతే మొత్తం అప్పు చేసి మరీ అమ్మాయిల కోసం ఖర్చు పెడుతున్నారట అబ్బాయిలు ! ఇదేం లెక్క... అని ఆశ్చర్యపోకండి.. వివరాల్లోకి వెళ్దాం రండి !

ఎటుచూసినా రంగురంగుల విద్యుద్దీపాలతో అందంగా అలంకరించిన చర్చిలు.. లైట్లతో మిరుమిట్లు గొలిపే క్రిస్మస్ చెట్లు.. శాంతాక్లాజ్ కోసం వేచిచూసే చిన్నారులు.. వెరసి క్రైస్తవులు అత్యంత పవిత్రంగా భావించే పండగే క్రిస్మస్. ఒకరికొకరు శుభాకాంక్షలు చెప్పుకోవడం దగ్గర్నుంచి, బహుమతులిచ్చుకోవడం, కేక్స్ పంచుకోవడం.. ఇలా ప్రతి ఇంటా బంధువులు, స్నేహితులతో ఈ పండగ రోజున సందడి వాతావారణం నెలకొంటుంది. దీనికోసం ఒకటి, రెండు కాదు.. కనీసం పదిహేను రోజుల ముందు నుంచే ఏర్పాట్లు మొదలవుతాయి. మరి మన ఇళ్లలోనే క్రిస్మస్‌కి ఇంత హడావిడి, ఆనందం నెలకొంటే.. ఈ పండగను పెద్ద ఎత్తున జరుపుకొనే దేశాల సంగతేంటి? సాధారణ వేడుకలతో పాటు ప్రత్యేకంగా ఏర్పాటు చేసే క్రిస్మస్ మార్కెట్లు, క్రైస్తవుల సంస్కృతీ సంప్రదాయాలను ప్రతిబింబించేలా నిర్వహించే పలు కార్యక్రమాలతో ఆయా దేశాల్లో ఈ పండగ సంబరాలు అంబరాన్నంటుతాయి. ఈ క్రమంలో క్రిస్మస్ సందర్భంగా చూడదగిన కొన్ని ప్రదేశాలు, అక్కడ జరిగే క్రిస్మస్ వేడుకల గురించి మనం కూడా ఓ లుక్కేద్దామా...

క్రిస్మస్..ఆనందం, ఉల్లాసం, ఉత్సాహం, భక్తి.. అన్నీ కలగలిసిన పండగ ఇది. క్రిస్మస్ అంటే అందరికీ ముందుగా గుర్తొచ్చేది క్రిస్మస్ చెట్టు, శాంటాక్లాజ్.. అసలు ఏసుక్రీస్తుకి, క్రిస్మస్ చెట్టుకు సంబంధం ఏంటి? క్రిస్మస్ చెట్టును ఎందుకు మన ఇళ్లల్లో ఉంచుకోవాలి.. క్రిస్మస్ చెట్టుని భగవంతుడి ప్రతిరూపం అని ఎందుకంటారు? తెలుసుకుందాం.. రండి..

స్త్రీకి అనేక రూపాలున్నాయి. మొదట కూతురిగా ఈ భూమ్మీద అడుగుపెట్టే ఆమె తర్వాత అక్కగా, చెల్లిగా, చెలిగా, భార్యగా, అమ్మగా, బామ్మగా తన బాధ్యతలను సమర్థంగా నిర్వహిస్తుంది. అటువంటి స్త్రీకి నాయకత్వం పెద్ద కష్టమా ? ఒక ఇంటిని క్రమపద్ధతిలో ఉంచే ఆమెకు ఒక ఊరిని, ఒక రాష్ట్రాన్ని, ఒక దేశాన్ని సక్రమంగా నడిపించే పటిమ లేదా ? ఈ ప్రశ్నలకు సమాధానం కావాలంటే అగ్ర రాజ్యం అమెరికాకు ఎనిమిదేళ్ల పాటు అధ్యక్షుడిగా సేవలందించిన బరాక్‌ ఒబామా మాటలు వినాల్సిందే ! ఎందుకంటే ఆయన వైట్‌హౌస్‌ కార్యాలయంలో కూర్చొని చాలాసార్లు స్త్రీ నాయకత్వం గురించే ఆలోచించారట. ఇటీవల సింగపూర్‌లో జరిగిన ఓ కార్యక్రమంలో ఆయన ప్రసంగిస్తూ ఒక స్త్రీకి నాయకత్వ బాధ్యతలు అప్పగిస్తే ఎలా ఉంటుందో తెలియజేశారు.

ఇప్పుడు చాలామంది అబ్బాయిలు జైన మతంలోని అమ్మాయిలనే పెళ్లి చేసుకోవాలనుకుంటున్నారట ! ఎందుకో తెలుసా ? ఉల్లిపాయలు వేయకుండా కూర రుచిగా వండడంలో వారు నిష్ణాతులని ఆ అమ్మాయిలకు పేరుంది... అందుకేనట ! ఇలా రోజు రోజుకీ పెరుగుతున్న ఉల్లి ధర గురించి సామాజిక మాధ్యమాల్లో రకరకాలుగా జోకులు వేసుకుంటున్నారు ప్రజలు. ఒకరకంగా ఈ ఏడాది బెస్ట్‌ కమెడియన్‌ అవార్డు ఇవ్వాలంటే అది కచ్చితంగా ఉల్లిపాయకే ఇవ్వాలి. లేదంటే పక్షపాతం చూపించినట్లే ! ఇందుకు తాజా ఉదాహరణగా నిలుస్తున్నాయి ఈ రెండు ఘటనలు. మొదటిది... ఒక మొబైల్‌ షోరూం యజమాని తన షాపులో ఒక ఫోన్‌ కొంటే కిలో ఉల్లిపాయలు ఫ్రీ అనే ఆఫర్‌ పెడితే... రెండోది... ఆన్‌లైన్‌ బస్‌ సర్వీస్‌ సంస్థ అభిబస్‌ తమ ప్రయాణికుల ఇళ్లకు 3 కేజీల ఉల్లిపాయలను ఉచితంగానే పంపిస్తోంది. వినడానికి విడ్డూరంగా ఉన్నా.. ఇది నిజం ! మరి ఈ ఉల్లిపాయల కథలేంటో చూద్దాం రండి !

‘దిశ’ ఘటన నేపథ్యంలో మహిళల భద్రతకు పెద్దపీట వేస్తూ కేంద్ర, రాష్ర్ట ప్రభుత్వాలు పలు చర్యలు తీసుకుంటున్నాయి. భవిష్యత్‌లో మరోసారి ఇలాంటి అఘాయిత్యాలు జరగకుండా ఆడపడుచుల రక్షణ కోసం ప్రస్తుత చట్టాల్లో మార్పులు తెచ్చే దిశగా ప్రయత్నాలు జరుగుతున్నాయి. ఇందులో భాగంగా కొన్ని రాష్ట్రాలు కొత్త చట్టాలను తెస్తుంటే, మరికొన్ని రాష్ట్రాలు ఇప్పటికే ఉన్న కాలం చెల్లిన చట్టాలకు బూజు దులుపుతూ సవరణలు చేపడుతున్నాయి.

ఎన్ని కఠిన చట్టాలు తీసుకొచ్చినా మహిళలపై అఘాయిత్యాలు మాత్రం ఆగడం లేదు. ఇలాంటి నేరాలకు పాల్పడిన వారికి కఠిన శిక్షలు పడుతున్నా... నేరాలు మాత్రం నానాటికీ పెరుగుతున్నాయే తప్ప... తగ్గడం లేదు. ఇటీవల జరుగుతోన్న పలు సంఘటనలే దీనికి ప్రత్యక్ష ఉదాహరణలు. అయితే వ్యాధి తెలిసిన మొదట్లోనే చికిత్స ప్రారంభిస్తే రోగం నయమవుతుందన్నట్లు... నేరాలు జరిగే కంటే ముందే అప్రమత్తమైతే ఎంతో మంది ‘దిశ’లను కాపాడుకోవచ్చు. ఈ క్రమంలోనే తాజాగా ఉత్తరప్రదేశ్‌కు చెందిన చంచల్‌ చౌరాసియా అనే ఓ మహిళా పోలీస్‌ ఆఫీసర్‌.. అమ్మాయిల వెంట పడుతోన్న ఓ పోకిరికి సరైన సమాధానం చెప్పింది. ప్రస్తుతం ఈ సంఘటనకు సంబంధించిన వీడియో సోషల్‌మీడియాలో తెగ హల్‌చల్‌ చేస్తోంది...

‘దిశ’ను దారుణంగా హత్యాచారం చేసిన నలుగురు నిందితులు.. పోలీసుల ఎన్‌కౌంటర్‌లో హతమైన సంగతి తెలిసిందే. ఈ ఘటన బాధితురాలి కుటుంబానికి సాంత్వన కలిగిస్తే.. ‘దిశ’ను కూడా తమ తోబుట్టువుగా భావించిన భారతావని కళ్లల్లో చెప్పలేనంత ఆనందాన్ని నింపింది. ‘ఇన్‌స్టంట్‌ జస్టిస్‌’ పేరుతో తెలంగాణ పోలీసులు తీసుకున్న నిర్ణయంపై పలువురు సెలబ్రిటీలతో పాటు సామాన్యులు కూడా హర్షం వ్యక్తం చేశారు. సమాజంలో ఇంకా తిరుగుతున్న కొన్ని మానవ మృగాలకు పోలీసుల చర్య ద్వారా ఓ హెచ్చరిక జారీ చేసినట్లయిందని ప్రశంసలు కూడా కురిపించారు. మరోవైపు పోలీసులు చట్టాన్ని చేతుల్లోకి తీసుకున్నారని, న్యాయానికి వ్యతిరేకంగా వ్యవహరించారన్న విమర్శలూ వచ్చాయి.

ఎదురుగా ఉంటే పోరాడొచ్చు.. కనిపిస్తుంటే అప్రమత్తమవ్వొచ్చు.. వీళ్లు కనిపించరు... కానీ కాచుకుని ఉంటారు ఎక్కడైనా... ఎప్పుడైనా... ఎలాగైనా... వీరితో ప్రమాదం పొంచి ఉంది... తస్మాత్‌ జాగ్రత్త!

మన దేశం అన్ని రంగాల్లో అభివృద్ధి చెందుతోంది. అంతర్జాతీయ మార్కెట్‌లో మన వాణిజ్య సంస్థలు అగ్ర దేశాల సంస్థలతో పోటీ పడుతున్నాయి. శాటిలైట్‌ సహాయంతో ఇతర గ్రహాలపై మనిషి జీవనానికి తగిన వనరులు ఉన్నాయా లేవా అని భూమిపై నుంచే అధ్యయనం చేయగలిగే సాంకేతిక పరిజ్ఞానం మన సొంతం. కానీ, మహిళల భద్రత విషయంలో మనం ఇంకా వెనకబడే ఉన్నామని చెప్పాలి. మన దేశంలో ఆడవాళ్లపై జరిగే అఘాయిత్యాల సంఖ్య రోజురోజుకూ పెరుగుతోంది. యాసిడ్‌ దాడులు, అత్యాచారాలు, కిడ్నాప్‌లు.. అంతకంతకూ మితిమీరిపోతున్నాయి. నెలల శిశువు నుంచి వృద్ధుల వరకు రోజుకు ఎందరో ఆడవాళ్లు ఈ రాక్షసుల చేతిలో అన్యాయంగా బలవుతున్నారు. ఈ క్రమంలో తెలంగాణలో ఓ పశువైద్యురాలి పైన జరిగిన హత్యాచార ఘటన అందరినీ దిగ్భ్రాంతికి గురి చేసింది. మానవ రూపంలో ఉన్న మృగాలు ఆ అమ్మాయిని అత్యాచారం చేసి పెట్రోల్‌ పోసి కాల్చేశారు. ఈ దుర్ఘటనపై సామాన్యులతో పాటు సెలబ్రిటీలు సైతం స్పందిస్తున్నారు.. తమ సంతాపాన్ని తెలియజేస్తున్నారు. ఆ నరరూప రాక్షసులను వెంటనే శిక్షించాలని సోషల్‌ మీడియాలో పోస్టులు పెడుతున్నారు.

సమాజంలో ఆడవాళ్లపై జరిగే అఘాయిత్యాలు, వేధింపులపై సూటిగా ప్రశ్నిస్తూ.. స్పందించే వారిలో ప్రముఖ గాయని చిన్మయి కూడా ఒకరు. ప్రపంచవ్యాప్తంగా సంచలనం రేపిన ‘మీటూ (#MeToo) ఉద్యమంలో చురుకైన పాత్ర పోషించిందీ ట్యాలెంటెడ్‌ సింగర్‌. తమిళ సినీ పరిశ్రమలో పెద్ద మనిషిగా చలామణీ అవుతోన్న సంగీత దర్శకుడు వైరాముత్తు నుంచి తనకు ఎదురైన లైంగిక వేధింపులను ధైర్యంగా బయటపెట్టి తనలాంటి మరికొందరు బాధితులకు భరోసానిచ్చింది చిన్మయి. ఈ కారణంగా తమిళనాడు డబ్బింగ్‌ ఆర్టిస్ట్‌ అసోసియేషన్‌ తనపై నిషేధం విధించినా వెనకడుగు వేయకుండా మహిళా సాధికారత కోసం తన వంతు ప్రయత్నం చేస్తోందీ బ్యూటిఫుల్‌ సింగర్‌. పలు సామాజిక కార్యక్రమాల్లో పాల్గొంటూ ట్విట్టర్‌, ఇన్‌స్టాగ్రామ్‌ ద్వారా మహిళలకు సంబంధించిన అంశాలపై పోస్టు్లు పెడుతూ అందరికీ ఆదర్శంగా నిలుస్తోంది. ఈ క్రమంలో సమాజానికి మహిళలపై ఉండే చిన్నచూపును తప్పుపడుతూ మరోసారి ఘాటుగా స్పందించిందీ అమేజింగ్‌ సింగర్‌.