శ్రీ వికారి నామ సం।।రం।। ఉత్తరాయణం శిశిర రుతువు; మాఘ మాసం; శుక్ల పక్షం మాఘశుద్ధ పాడ్యమి: తె. 3.19 తదుపరి విదియ శ్రవణం నక్షత్రం: తె. 3.52 తదుపరి ధనిష్ఠ అమృత ఘడియలు: సా. 4.50 నుంచి 6.32 వరకు వర్జ్యం: ఉ.శేషం 8.21 వరకు దుర్ముహూర్తం: ఉ. 6.38 నుంచి 8.07 వరకు రాహుకాలం: ఉ. 9.00 నుంచి 10.30 వరకు సూర్యోదయం: ఉ.6-38; సూర్యాస్తమయం: సా.5.47

చిన్నపిల్లలు ఎక్కువగా ఆడుకునే బొమ్మల్లో చిన్న కిచెన్‌ సెట్‌ను మనం చూసే ఉంటాం. ఈ సెట్‌లో స్టౌవ్‌, గిన్నెలు, గరిటెలు, ప్లేట్లు.. మొదలైన వంట సామగ్రి అంతా పిల్లలు ఆడుకునేందుకు వీలుగా చాలా చిన్నగా ఉంటాయి. వాటిని ఉపయోగిస్తూ పిల్లలు నిజంగానే వంట చేసినట్లుగా ఊహించుకొని సరదా పడుతుంటారు. ఒకవేళ అలాంటి చిట్టి చిట్టి వంట సామాన్లను ఉపయోగిస్తూ నిజంగానే వంట చేస్తే ఎలా ఉంటుంది..? వినడానికి బాగున్నా.. అలా చేయడం అసాధ్యం అనుకుంటున్నారు కదూ..! కానీ, ఆ అసాధ్యాన్ని సుసాధ్యం చేసింది తమిళనాడుకు చెందిన ఓ జంట. ఇందుకోసం వీళ్లు ఓ చిట్టి కిచెన్‌ సెటప్‌ని రూపొందించి అందులో రకరకాల వంటలు తయారు చేస్తున్నారు. అంతేకాదు, యూట్యూబ్‌లో ‘ది టైనీ ఫుడ్స్‌’ పేరుతో ఓ ఛానల్‌ను ప్రారంభించి తమ కుకింగ్‌ వీడియోలను అందులో అప్‌లోడ్‌ చేస్తుండడం విశేషం. ఈ క్రమంలో మన దేశంలో తొలి మినియేచర్‌ కుకింగ్‌ ఛానల్‌గా గుర్తింపు సంపాదించుకుంది ‘ది టైనీ ఫుడ్స్‌’. మరి వీళ్లకు ఈ ఆలోచన ఎందుకొచ్చింది..? వీళ్లు ఇప్పటివరకు తయారు చేసిన రెసిపీలేంటి..?.. మొదలైన విషయాలను తెలుసుకోవాలంటే ఈ స్టోరీ చదవాల్సిందే.

కేక్‌.. ఈ మాట వింటేనే ఎప్పుడెప్పుడు తింటామా అనిపిస్తుంది. మరి ప్రపంచంలోనే అత్యంత పొడవైన కేక్‌ని చూస్తే.. నోరూరడం అటుంచి.. నోరెళ్లబెట్టి చూస్తూ ఉండిపోవడం ఖాయం. మరి అంత పే..ద్ద కేక్‌ను తయారుచేసి గిన్నిస్‌ రికార్డ్‌ సృష్టించారు కేరళ చెఫ్స్‌. కేరళకు చెందిన 1500 మంది చెఫ్స్‌ సుమారు 4 గంటలకుపైగా శ్రమించి 5,300 మీటర్ల పొడవైన వెనీలా కేక్‌ని తయారుచేసి ఆ కేక్‌ను గిన్నిసుకెక్కించారు. ఈ విషయాన్ని స్వయంగా గిన్నిస్‌ వరల్డ్‌ రికార్డ్స్‌ తన ట్విట్టర్‌ ఖాతా ద్వారా ధృవీకరించింది. ‘కేరళ బేకర్స్‌ అసోసియేషన్’ నిర్వహించిన ఓ కార్యక్రమంలో భాగంగా వారు ఈ టేస్టీ కేక్‌ రికార్డ్‌ని నెలకొల్పారు. ప్రపంచంలో అత్యంత పొడవైన కేక్‌గా పేరొందిన ఈ యమ్మీ కేక్‌కు సంబంధించిన మరిన్ని వివరాలు తెలుసుకుందాం రండి..

ప్రస్తుతం ప్రపంచాన్ని పీడిస్తోన్న సామాజిక సమస్యల్లో మహిళల భద్రత కూడా ఒకటి. చిన్నపిల్లల నుంచి వృద్ధుల వరకు మగువలపై జరుగుతోన్న అఘాయిత్యాల సంఖ్య రోజురోజుకూ పెరుగుతోంది. సాంకేతికంగా మనం ఎంత ముందున్నా.. మహిళల భద్రత విషయంలో మాత్రం ఇంకా ఎంతో వెనుకబడే ఉన్నామని ఆడవాళ్లపై కొనసాగుతోన్న దుర్ఘటనలు మనకు గుర్తు చేస్తున్నాయి. స్కూల్‌లో, బస్సులో, కాలేజీలో, హాస్టల్‌లో, ఆఫీస్‌లో, పబ్లిక్‌ ప్రదేశాల్లో.. ఇలా ఆడవాళ్లకు ఎక్కడా భద్రతా లేకుండా పోతోంది. ఇంట్లో నుంచి ఒంటరిగా బయటకు వెళ్లిన ఆడపిల్ల తిరిగి క్షేమంగా ఇంటికి వస్తే చాలని కుటుంబ సభ్యులు దేవుడిని ప్రార్థించే స్థితికి మనం చేరుకోవడం దురదృష్టకరం. వీటివల్ల ఆడవాళ్లు మానసికంగా బాగా కుంగిపోతున్నారు. కొన్ని సందర్భాల్లో పురుషులు ఆడవాళ్లపై దాడికి పాల్పడకపోయినా వాళ్లు చేసే వింత చేష్టలు, కల్పించే ఇబ్బందికర పరిస్థితులు మహిళలను భయభ్రాంతులకు గురి చేస్తున్నాయి. ఇలాంటి అనుభవాలు సామాన్యులకే కాదు.. సెలబ్రిటీలకూ ఎదురవుతుండడం గమనార్హం. ఈక్రమంలో బాలీవుడ్‌ బ్యూటీ సోనమ్‌ కపూర్‌కి కూడా ఇటీవల ఇలాంటి ఓ చేదు అనుభవమే ఎదురైంది. తను ఇటీవలే లండన్‌లో క్యాబ్‌లో ప్రయాణిస్తుండగా.. క్యాబ్‌ డ్రైవర్‌ ప్రవర్తన తనను చాలా ఇబ్బంది పెట్టిందని సోనమ్‌ తాజాగా ట్విట్టర్‌లో పోస్ట్‌ చేసింది.

రంగురంగుల ముగ్గులు, ముచ్చటగొలిపే గొబ్బెమ్మలు.. హరిదాసుల కీర్తనలు.. ఇల్లంతా నిండిపోయే వంటకాల ఘుమఘుమలు.. సంక్రాంతి అంటేనే సందడే సందడి! నిజానికి మనిషి తనకు ఎంతో సాయం చేసిన ప్రకృతికి తనవంతుగా కృతజ్ఞత చెప్పుకోవడమే సంక్రాంతి పరమార్థం. ఇందులో భాగంగా పంచభూతాలతో పాటు, సూర్యభగవానుడిని, పశుపక్ష్యాదులను పూజించడం ఎప్పటినుంచో ఆనవాయితీగా వస్తోంది. అయితే ఇలా ప్రకృతికి కృతజ్ఞత తెలుపుతూ పండగలు జరుపుకొనే సంప్రదాయం మన దేశంలోని కొన్ని రాష్ట్రాల్లోనే కాదు.. ప్రపంచ దేశాల్లోనూ కనిపిస్తుంది. వివిధ పేర్లతో, రకరకాల సంప్రదాయాలతో కొనసాగే అలాంటి కొన్ని పండగల గురించి తెలుసుకుందామా?

సంక్రాంతి వచ్చేస్తోంది.. సొంత వూళ్లకు వెళ్లేవారి సంఖ్యా పెరిగిపోయింది. ఏ పండగైనా సిటీలో చేసుకోవచ్చు కానీ పెద్ద పండగ మాత్రం పల్లెల్లోనే..! ఎందుకంటే ఆ ఆనందం.. ఆ పండగ హడావిడి అక్కడ కాకపోతే మరెక్కడ కనిపిస్తాయి.. అందుకే ఏడాదికోసారైనా సరే.. వూరికి వెళ్లాల్సిందే.. అదీ సంక్రాంతి సమయంలో అయితే మరీనూ..! సంక్రాంతి శోభ మాత్రమే కాదు.. వూరికెళ్తే ఓ చక్కటి ఆత్మీయ స్పర్శ మనల్ని తాకినట్లుగా అనిపించడం సహజం. కేవలం ఇవి మాత్రమే కాదు.. పల్లెలకు వెళ్తే ఎదురయ్యే అనుభూతులు, అనుభవాలు ఎన్నో, మరెన్నో..

తీపి-చేదుల కలయికగా సాగిన గతేడాది నుంచి ఎన్నో పాఠాలు నేర్చుకొని.. కొత్త ఆశలు, కొత్త ఆశయాలతో నూతన సంవత్సరానికి స్వాగతం పలుకుతాం. రాబోయే ఏడాదంతా ఎలాంటి చీకూ-చింతా లేకుండా ఆనందంగా గడిచిపోవాలని కొత్త ఏడాదికి స్వాగతం పలికే ఆ క్షణం మది నిండిన ఉత్సాహంతో చిందులేస్తాం. అలాంటి ఆనందోత్సాహాల నడుమ కొత్త సంవత్సరానికి స్వాగతం పలికారు సౌదీలో స్థిరపడిన తెలుగువారు. న్యూ ఇయర్‌ వేడుకల్లో భాగంగా నిర్వహించిన పలు సాంస్కృతిక కార్యక్రమాల్లో చిన్నాపెద్దా అనే తేడా లేకుండా అందరూ ఎంతో ఉత్సాహంగా పాల్గొన్నారు. ఈ క్రమంలో కామెడీ స్కిట్స్‌, డ్యాన్సులు, పాటలతో చిన్నారులు హోరెత్తించగా.. త్రోబాల్‌, జంపింగ్‌, మ్యూజికల్‌ ఛైర్స్‌.. వంటి ఆటలతో అతివలు ఆనందంగా గడిపారు. అంతేనా.. ఆ మధుర క్షణాలను ఫొటోల్లో బంధిస్తూ మురిసిపోయారు కూడా! మరి, సౌదీలో స్థిరపడిన ఈ తెలుగువారి న్యూ ఇయర్‌ వేడుకలకు సంబంధించిన కొన్ని ఫొటోలపై మీరూ ఓ లుక్కేయండి..!

అది సకల కార్యాలకూ కారణ స్థానం... అది సర్వ దేవతలకూ పూజా స్థలం... సృష్టి, స్థితి, లయలకు అవసరమైన శక్తి, సంకల్పాలు ఉద్భవించేది అక్కడే... అందుకే ఏడాదికో రోజైనా ఆ దిక్కుకు తిరిగి నీవే దిక్కని మొక్కుతారందరూ.

గల గలా పారే సెలయేరు లాంటి మాటల పరవళ్లతో తెలుగు వారి మనసులో సుస్థిర స్థానం సంపాదించుకుంది స్టార్‌ యాంకర్‌ శ్రీముఖి. యాంకరింగ్‌లో తనదైన స్టైల్‌, మేనరిజమ్స్‌తో ఇట్టే ఆకట్టుకునే ఈ అందాలతార ..బిగ్‌బాస్‌-3 రియాల్టీ షోతో సూపర్‌ క్రేజ్‌ను సొంతం చేసుకుంది. టైటిల్‌ గెలవలేకపోయినా..ఫైనల్‌ రౌండ్‌ వరకు రేసులో నిలిచి కోట్లాది మంది హృదయాలు గెలుచుకుందీ తెలుగందం. అభిమానులతో ముద్దుగా ‘రాములమ్మ’ అని పిలిపించుకునే ఈ ముద్దుగుమ్మ .. కేవలం బుల్లితెరపైనే కాదు అప్పుడప్పుడూ వెండితెరపై కూడా మెరుపులు మెరిపిస్తోంది. ఈ క్రమంలో పర్యావరణ హితం కోసం ప్రారంభమైన ‘గ్రీన్‌ ఇండియా ఛాలెంజ్‌’లో భాగంగా మొక్కలు నాటిందీ లవ్లీ యాంకర్‌.

పాత ఏడాదికి గుడ్‌బై చెప్పేసి కొత్త ఆశలు, ఆశయాలతో నూతన సంవత్సరానికి స్వాగతం పలికే తరుణం ఆసన్నమైంది. న్యూ ఇయర్ అనగానే పార్టీలు, డీజేలు.. ఇలా ఎంతో జోష్‌తో కొత్త ఏడాదిని ఆహ్వానించడానికి రడీ అవుతుంటారంతా. ఎందుకంటే ఇలా ఆ రోజు ఎంత ఆనందంగా గడిపితే ఆ సంవత్సరమంతా అంత సంతోషంగా ఉండచ్చనేది అందరి భావన. అయితే కొన్ని దేశాల్లో మాత్రం నూతన సంవత్సరానికి స్వాగతం చెప్పే క్రమంలో కొన్ని వింత సంప్రదాయాల్ని పాటిస్తుంటారట అక్కడి ప్రజలు. తద్వారా రాబోయే ఏడాదంతా తమ జీవితం ఆనందమయం అవుతుందని వారు నమ్ముతారు. మరి, ఈ కొత్త ఏడాదిలోకి అడుగుపెట్టే క్రమంలో కొన్ని దేశాలు పాటించే ఆసక్తికర సంప్రదాయాలేంటో మనమూ తెలుసుకుందాం రండి..

సూర్యుడు భూమి చుట్టూ తిరగడం ఎంత సాధారణమో.. సినిమా కథలన్నీ హీరోల చుట్టూ తిరగడం కూడా అంతే కామన్‌. అందుకే ఏ చిత్రమైనా మొదట హీరో పేరే స్ర్కీన్‌పై దర్శనమిస్తుంది. ఆ తర్వాతే హీరోయిన్‌ పేరు కనిపిస్తుంది. అందుకే డైరెక్టర్లు కూడా హీరోలకు తగ్గట్టే కథలు సిద్ధం చేసుకుంటుంటారు. అయితే గత కొన్నేళ్లుగా ఈ ఫార్ములా మారింది. హీరో ఉంటేనే సినిమాలు సక్సెస్‌ అవుతాయన్న సమీకరణాలకు సెలవు చెబుతూ పలు లేడీ ఒరియంటెడ్‌ సినిమాలు మన ముందుకొచ్చాయి. అగ్రహీరోల సినిమాల కలెక్షన్లకు ఏ మాత్రం తగ్గకుండా వసూళ్లు సాధిస్తున్నాయి. అందుకే ఏటా ఈ మహిళా ప్రాధాన్య సినిమాల సంఖ్య పెరుగుతూనే ఉంది. ఈ క్రమంలో ఈ ఏడాది కూడా పలు మహిళా ప్రాధాన్యమున్న చిత్రాలు విడుదలై సత్తాచాటాయి. 2019 ఏడాది ముగియనున్న నేపథ్యంలో ఈ ఏడాది విడుదలై విజయం సాధించిన కొన్ని లేడీ ఓరియంటెడ్‌ చిత్రాలను ఒక్కసారి నెమరువేసుకుందాం.!

'మెర్రీ క్రిస్మస్' అంటూ ఒకరికొకరు శుభాకాంక్షలు తెలుపుకొంటూ క్రైస్తవులు ఎంతో భక్తిశ్రద్ధలతో జరుపుకునే అతిపెద్ద పండగే క్రిస్మస్. ఇందులో భాగంగా ఒకరి ఇళ్లకు మరొకరు వెళ్లి విషెస్ తెలియజేయడం లేదంటే చర్చిల్లో కలుసుకొని పండగ శుభాకాంక్షలు తెలుపుకోవడం మనకు తెలిసిందే. అయితే ఈ క్రమంలో మనం ఎదుటివారికి చెప్పే విషెస్‌తో పాటు ఒక అందమైన కానుకను కూడా దానికి జతచేస్తే అది వారికి ఆనందాన్ని అందించడమే కాదు.. జీవితాంతం గుర్తుండిపోయే మధురానుభూతిగానూ మిగిలిపోతుంది. ఇంతకీ ఈ క్రిస్మస్‌కి ఎలాంటి బహుమతి అందించాలి అని ఆలోచిస్తున్నారా? మనసుంటే మార్గముంటుంది అన్నట్లు ఆలోచిస్తే ఎన్నో కానుకలు మన మదిలో మెదులుతాయి. అందులో కొన్ని ...

డిసెంబర్ వచ్చిందంటే చాలు.. క్రిస్మస్ సందడి మొదలైనట్లే. ఏసుక్రీస్తు జన్మించిన రోజున జరుపుకొనే ఈ పండగను క్రైస్తవులు అధికంగా నివసించే దేశాలతో పాటు మన దేశంలోనూ పెద్ద ఎత్తున నిర్వహిస్తుంటారు. కానీ చాలామందికి క్రిస్మస్ అంటే ఏటా కేవలం ఒక్కరోజు (డిసెంబర్ 25న) జరుపుకొనే పండగ గురించే తెలుసు.. అయితే ఇంగ్లండ్, అమెరికా వంటి దేశాల్లో ఈ పర్వదినాన్ని ఏకంగా పన్నెండు రోజుల పాటు పెద్ద ఎత్తున సెలబ్రేట్ చేసుకుంటారు..! డిసెంబర్ 25న మొదలుకొని, జనవరి 5 వరకు కొనసాగే ఈ పండగ విశేషాలేంటో తెలుసుకుందాం రండి..

ఏ స్త్రీకైనా మాతృత్వం ఓ వరం. కానీ కొన్ని సార్లు అదే శాపంలా మారుతుంటుంది. కావాలని తల్లిగా మారడం వరమైతే.. అనుకోకుండా గర్భం ధరించాల్సి రావడం శాపం. ఇలా ఈ ప్రపంచంలో క్షణికానందం కోసం కాలు జారి ఆ శాపాన్ని అనుభవించే మహిళలు చాలామందే ఉన్నారు. మరికొంతమంది ఒకరి బలవంతం కారణంగా గర్భం ధరిస్తున్నారు. ఒక్కోసారి ప్రాణాంతకమైన అబార్షన్‌లకు పాల్పడుతున్నారు. ఇందుకు కారణం గర్భ నిరోధంపై సరైన అవగాహన లేకపోవడం ఒకటైతే... అందుకు సంబంధించిన పద్ధతులు అందుబాటులో లేకపోవడం మరొకటి. అయితే ఇప్పుడు మన దేశ మహిళలు ఈ విషయంలో బాగానే అవగాహన పెంచుకున్నారు. ‘మార్నింగ్‌ ఆఫ్టర్‌ పిల్‌’ వంటి గర్భ నిరోధక మాత్రలను వినియోగించుకుంటూ ఇతర దేశాల మహిళలకు ఆదర్శంగా నిలుస్తున్నారు. ఏటా ఈ మహిళల శాతం పెరగడమే ఇందుకు నిదర్శనం. అయితే బ్రిటన్‌కు చెందిన మహిళలు మటుకు తమకు ఈ మాత్రలు అందుబాటులో లేవంటున్నారు. ఎందుకో తెలుసుకుందాం రండి !

ప్రకృతి రమణీయ రామోజీ ఫిల్మ్‌ సిటీ(ఆర్‌ఎఫ్‌సీ)లో శీతాకాల సంబరాలు అట్టహాసంగా ఆరంభమయ్యాయి. జనవరి 26వ తేదీ వరకు కొనసాగే రామోజీ వింటర్‌ ఫెస్ట్‌ వేడుకల్లో పర్యాటకులు తొలి రోజే పెద్దసంఖ్యలో సందడి చేశారు. ప్రారంభోత్సవంలో ఏర్పాటు చేసిన వినోద కార్యక్రమాలు ప్రత్యేక ఆకర్షణగా నిలిచాయి. పాల్గొంటున్న సందర్శకులు ప్రకృతి అందాలను ఆస్వాదిస్తున్నారు. సరికొత్త కార్యక్రమాలు, మైమరపించే లైవ్‌ షోలు, రంగురంగుల విద్యుద్దీప కాంతుల్లో వెలుగులీనుతున్న ఆర్‌ఎఫ్‌సీ అందాలను ఆబాలగోపాలం ఆనందిస్తోంది. ప్రపంచ చలనచిత్ర రంగాన్ని ఉర్రూతలూగించిన బాహుబలి సెట్టింగ్‌ల వీక్షణతో మర్చిపోలేని మధురానుభూతులను సొంతం చేసుకుంటున్నారు.

సాధారణంగా ఉల్లిపాయల్ని తరిగేటప్పుడు కన్నీళ్లొస్తాయి.. కానీ ఇప్పుడు కొనాలన్నా, కనీసం వాటి గురించి తలచుకున్నా కూడా అందరి కళ్లల్లో నీళ్లు తిరుగుతున్నాయి. అలా ప్రస్తుతం సామాన్యులకే కాదు.. ధనవంతులకు సైతం అందనంతగా కొండెక్కాయి ఉల్లి ధరలు. ‘ఉల్లి వ్యాపారస్థుల్ని ప్రపంచ ధనవంతుల జాబితాలో చేర్చవచ్చు అనే విధంగా తయారైంది నేటి పరిస్థితి’, ‘ఈ రోజుల్లో ఉల్లిపాయల్ని ఆహారంలో భాగం చేసుకున్న వారు నిజమైన ధనవంతులు’, ‘ఉల్లిపాయ లవ్‌ ప్రపోజల్స్‌’.. ఇలా ప్రస్తుతం సోషల్‌ మీడియాలో ఉల్లిపై పేలే జోక్స్‌ చూస్తే ఉల్లి అందరినీ ఎంతలా కన్నీరు పెట్టిస్తుందో ఇట్టే అర్థమైపోతుంది. ఇంతేనా.. సరదాగా ఏదైనా రెస్టారెంట్‌కి వెళ్లినా కూడా ఉల్లిపాయలు కావాలంటే అదనంగా డబ్బులు వసూలు చేసే పరిస్థితి నెలకొంది.

మహిళ మరో మహిళను కూడా అడగడానికి ఇబ్బంది పడే విషయం పబ్లిక్‌ టాయిలెట్స్‌ గురించి తెలుసుకోవడం. ఈ కారణం చేత చాలామంది మహిళలు ఎక్కడికైనా వెళ్తున్నప్పుడు బలవంతంగా మూత్రాన్ని ఆపుకోవడం లేదా దాహమేస్తున్నా మంచి నీళ్లు తాగకపోవడం చేస్తుంటారు. ఇలా అరగంట, గంట ఓపిక పడితే సరిపోతుందిలే అనుకుంటారు కానీ దీని వల్ల చాలా ఆరోగ్య సమస్యలు వస్తాయి. ముఖ్యంగా మూత్రాశయ ఇన్ఫెక్షన్‌తో పాటు కిడ్నీలకు సంబంధించిన రోగాలు వచ్చే అవకాశం ఉంటుంది. కిడ్నీలో రాళ్లు, మూత్రాశయం సాగడం వంటి సమస్యలు వచ్చినా ఆశ్చర్యపడాల్సిన అవసరం లేదు. అయితే ఇప్పుడు వీటన్నిటికీ మీ ఫోన్‌లో ఉన్న గూగుల్‌ పరిష్కారాన్ని చూపెడుతుంది. అదెలాగంటే..

బహుభార్యత్వం మనదేశంలో చట్ట విరుద్ధం. కానీ ఇప్పటికీ చాలా చోట్ల దీన్నో ఆచారంలా భావించే వారున్నారు. అయితే అలా కాకుండా అవసరం కోసం తమ భర్తకు మరో పెళ్లి చేసిన భార్యామణుల గురించి మీకు తెలుసా ? ఒక సినిమాలో చూపించినట్లు తన భర్తకు తన సొంత చెల్లినే ఇచ్చి పెళ్లి చేసిందో గ్రామ సర్పంచ్‌. ఈ వివాహానికి కుటుంబ సభ్యులంతా హాజరై దీవించడం విశేషం. మరో చోట కేవలం మంచి నీళ్లు తీసుకురావడానికి ఇబ్బంది కలుగుతోందని తన భర్తకు రెండు పెళ్లిళ్లు చేసిందో సతీమణి. చిన్న అనుమానాల కారణంగా ఒక పెళ్లితోనే మనస్పర్థలొచ్చి విడిపోతున్న జంటలున్న ఈ కాలంలో ఈ అభినవ భార్యామణులు తమ భర్తకు మరో పెళ్లి చేసి కూడా సుఖంగా జీవిస్తున్నారు. మరి వీరిలా ఎందుకు చేశారో తెలుసుకుందాం రండి !

త్రేతాయుగంలో.. తన భార్యను బలవంతంగా ఎత్తుకెళ్లాడని వానర సైన్యంతో కలిసి రావణాసురుడు అనే రాక్షసుడిని, అతని సామ్రాజ్యాన్ని సర్వనాశనం చేసిన రాముడు పుట్టిన దేశమిది. ద్వాపర యుగంలో.. నిండు సభలో ఒక ఆడదాన్ని కొంగు లాగాడని, అతన్ని.. అతని సహచరులైన 18 లక్షల మందిని కురుక్షేత్ర యుద్ధంలో చంపిన కృష్ణుడు జన్మించిన భూమి ఇది.

సమాజంలో మహిళల భద్రతపై మరోసారి సందేహాలు రేకేత్తించింది హైదరాబాద్‌కు చెందిన ‘దిశ’ హత్యాచార ఘటన. మూగజీవాలను కూడా ప్రేమగా చూస్తూ వైద్యం అందించే ఓ పశువైద్యురాలిని నాలుగు మానవ మృగాలు పాశవికంగా అత్యాచారం చేసి హతమార్చాయి. దేశవ్యాప్తంగా సంచలనం సృష్టించిన ఈ ఘటనపై సెలబ్రిటీల నుంచి సామాన్యుల దాకా ఆగ్రహావేశాలు వ్యక్తం చేస్తున్నారు. సాటి మనిషి అనే మానవత్వం లేకుండా పెట్రోల్‌ పోసి తగలబెట్టిన ఆ నిందితులకు కూడా అలాంటి శిక్షే విధించాలని అభిప్రాయపడుతున్నారు. ఈక్రమంలో మళ్లీ ఇలాంటి ఘటనలు జరగకుండా ఉండాలంటే వారికి ‘ ఉరే సరి’ అన్న నినాదంతో ఉద్యమిస్తున్నారు..