పది రోజుల క్రితం జరిగిన ‘దిశ’ దారుణ హత్యోదంతంతో తీవ్ర ఆవేదన, ఆందోళనకు గురైన సమస్త భారతావని పండగ వాతావరణంలో మునిగిపోయింది. భవిష్యత్‌పై బంగారు ఆశలు పెట్టుకున్న ఆ వైద్యురాలి జీవితాన్ని చిదిమేసిన నాలుగు మానవ మృగాలు పోలీసుల ఎన్‌కౌంటర్‌లో హతమవ్వడమే ఆ సంతోషానికి కారణం. పుట్టెడు శోకంతో ఉన్న బాధితురాలి కుటుంబీకులకు ఈ వార్త కొంచెం సాంత్వన కలిగిస్తే.. ‘దిశ’ను తమ ఆడ కూతురిగా భావించిన భారతావని కళ్లల్లో చెప్పలేనంత ఆనందాన్ని నింపింది. ఈ క్రమంలో దుష్ట శిక్షణ, శిష్ట రక్షణ కోసం ఏం చేసినా తప్పులేదంటూ దేశంలోని వివిధ రంగాల సెలబ్రిటీల నుంచి సామాన్యుల దాకా హర్షాతిరేకాలు వ్యక్తం చేస్తున్నారు. సమాజంలో తిరుగుతున్న మరికొన్ని మానవ మృగాలకు భయం కలిగేలా చేసిన ఈ సంఘటనపై మహిళలు, విద్యార్థినులు టపాసులు కాలుస్తూ, డ్యాన్స్‌లు చేస్తూ తమ సంతోషాన్ని పంచుకుంటున్నారు.

భాగ్యనగరంలో మహిళల భద్రతను మరోసారి ప్రశ్నార్థకం చేసింది ‘దిశ’ హత్యోదంతం. సాటి మనిషి అన్న మానవత్వం కూడా లేకుండా మృగాల్లా ప్రవర్తించిన ఆ నలుగురికి మరణశిక్ష విధించాల్సిందేనని పలువురు ముక్తకంఠంతో ఉద్యమిస్తున్నారు. తెలుగు రాష్ట్రాలతో పాటు దేశ వ్యాప్తంగా సంచలనం సృష్టించిన ఈ ఘటన తర్వాత మరింత అప్రమత్తమయ్యారు హైదరాబాద్‌ పోలీసులు. మహిళల రక్షణ కోసం పలు చర్యలు తీసుకుంటూ సోషల్‌ మీడియాలో పెద్ద ఎత్తున ప్రచారం చేస్తున్నారు. హైదరాబాద్‌లో చదువుకుంటున్న విద్యార్థినులు, వివిధ సెక్టార్లలో విధులు నిర్వహిస్తున్న యువతులు, మహిళలకు పలు సూచనలు జారీ చేస్తున్నారు. ఈ క్రమంలో వివిధ సమయాల్లో ..ప్రత్యేకించి రాత్రి వేళల్లో ఒంటరిగా ప్రయాణించే యువతులకు కొన్ని జాగ్రత్తలు సూచించారు హైదరాబాద్‌ పోలీస్‌ కమిషనర్‌ అంజనీ కుమార్‌. ఆపద సమయంలో ఎలా వ్యవహరించాలో సూచిస్తూ 14 పాయింట్లతో కూడిన మార్గదర్శకాలను జారీ చేశారు. వీటిని గుదిగుచ్చి కొందరు నెటిజన్లు సోషల్‌ మీడియాలో పోస్ట్‌ చేయగా ..అవి కాస్తా వైరల్‌గా మారాయి.

నగరాల్లో సాఫ్ట్‌వేర్ సంస్థలు పెరిగాక ప్రైవేట్ క్యాబ్‌ల జోరు కూడా బాగానే పెరిగింది. మినీ, మైక్రో, ప్రీమియం, షేర్ అని రకరకాల పేర్లతో వివిధ సేవలను అందుబాటులోకి తెచ్చాయి ఆయా సంస్థలు. ప్రయాణం ముగిశాక మొబైల్ వాలెట్స్ ద్వారా కూడా డబ్బు చెల్లించే సదుపాయం ఉండటంతో తక్కువ కాలంలోనే ఎక్కువమందికి ఇవి చేరువయ్యాయని చెప్పొచ్చు. కొన్ని కార్పొరేట్ సంస్థలైతే వారి ఉద్యోగుల సౌలభ్యం కోసం పిక్ అండ్ డ్రాప్ సౌకర్యాన్ని కూడా కల్పిస్తున్నాయి. అయితే ఈ ప్రైవేట్ క్యాబ్‌ల వల్ల లాభాలతో పాటు నష్టాలు కూడా లేకపోలేవు. ముఖ్యంగా క్యాబ్‌లలో ప్రయాణిస్తున్న ఆడవారిపై అత్యాచారాలకు, అపహరణలకు, దోపిడీలకు పాల్పడేవారి సంఖ్య రోజురోజుకూ పెరుగుతోంది. ఇలాంటి అఘాయిత్యాలను నియంత్రించడానికి ప్రభుత్వం తగిన చర్యలు చేపడుతున్నప్పటికీ, మన జాగ్రత్తలో మనం ఉండటం కూడా ఎంతో అవసరం.

కొంతమందికి చిన్నతనం నుంచి కొన్ని సబ్జెక్ట్స్‌ అంటే ఏదో తెలియని భయం ఉంటుంది. దాంతో ఆయా విషయాలపై దృష్టి పెట్టకపోవడంతో పరీక్షల్లో ఫెయిలవడం, సున్నా మార్కులు రావడం.. వంటివి జరుగుతుంటాయి. గణితం, ఫిజిక్స్‌.. వంటివి ఈ కోవలోకే వస్తాయి. క్యాలిఫోర్నియాలోని బెర్కెలీ నగరానికి చెందిన సారాఫినా నాన్స్‌కి కూడా ఫిజిక్స్‌ అంటే ఎక్కడ లేని భయం. ఆ భయమే నాలుగేళ్ల క్రితం క్వాంటమ్‌ ఫిజిక్స్‌లో ఆమెకు ‘0’ మార్కులొచ్చేలా చేసింది. అలాగని ఆ సబ్జెక్టును ఆమె వదులుకుందేమో అనుకుంటే మీరు పొరపడినట్లే! ఎందుకంటే తనలోని భయాన్ని జయించి మరీ ప్రస్తుతం అదే సబ్జెక్టులో పీహెచ్‌డీ కూడా చేస్తోందీ బ్రిలియంట్‌ గర్ల్‌. ఇలా తన అనుభవాన్ని తాజాగా సోషల్‌ మీడియాలో పెట్టగా.. అది కాస్తా గూగుల్‌ సీఈవో సుందర్ పిచాయ్ దృష్టిని ఆకర్షించింది. మరి, ప్రస్తుతం సామాజిక మాధ్యమాల్లో విపరీతంగా ట్రెండ్‌ అవుతోన్న సారాఫినా సక్సెస్‌ స్టోరీ ఏంటో మనమూ చూసేద్దామా!

కార్తీక మాసమంటేనే ఓవైపు దీపాల వెలుగు జిలుగులు.. మరోవైపు వనభోజనాల సందళ్లు. కుటుంబ సభ్యులు, కమ్యూనిటీలు ఒకచోట ఏకమై వారు తీసుకొచ్చిన విభిన్న రకాల వంటకాల్ని ఆస్వాదిస్తూ.. ఆటపాటలతో ఎంతో సందడిగా జరుపుకొనే ఈ రోజుకు మన తెలుగు రాష్ట్రాల్లో ఎంతో ప్రత్యేకత ఉంది. అయితే ఈ సంప్రదాయం రాన్రానూ ఇతర దేశాలకు కూడా విస్తరిస్తోంది. ఇందుకు ఆయా దేశాల్లో తెలుగు వారు స్థిరపడడమే ముఖ్య కారణంగా చెప్పుకోవచ్చు. అలా సౌదీ అరేబియాలో స్థిరపడిన కొందరు తెలుగు వారు కూడా ఇటీవలే తమ కార్తీక మాస వనభోజనాల్ని ఎంతో సంబరంగా జరుపుకొన్నారు.

సంవత్సరంలో నవంబర్‌ మాసాన్ని ‘మొవెంబర్‌’ పేరుతో పురుషుల ఆరోగ్య అవగాహనా మాసంగా పేర్కొన్నారు. ఈక్రమంలో ఇదే మాసంలో నవంబర్‌ 19న అంతర్జాతీయ పురుషుల దినోత్సవాన్ని జరుపుకోవడం ఆనవాయితీగా వస్తోంది. యూనివర్సిటీ ఆఫ్‌ వెస్టిండీస్‌లో చరిత్రను బోధించే జెరోమ్‌ టీలక్‌సింగ్‌ ‘అంతర్జాతీయ పురుషుల దినోత్సవం’కి నాంది పలికారు. మొదట్లో అంతర్జాతీయ మహిళా దినోత్సవానికి పోటీగా ఇది ఏర్పడినా... క్రమంగా మానవత్వం, సమానత్వం, లింగ భేదం లేని సమాజం దీని ప్రధాన నినాదాలుగా మారాయి. ఇక భారతదేశంలో ఈ దినోత్సవానికి ప్రాచుర్యం కల్పించింది మటుకు ఒక మహిళ కావడం విశేషం ! ఒక స్వచ్ఛంద సంస్థను పెట్టి మరీ ఆమె పురుషుల హక్కుల కోసం పోరాడుతున్నారు. మరి ఈ విశేషాలేంటో ఓసారి చూద్దాం రండి !

మనిషి మరో మనిషిని ద్వేషిస్తాడేమో కానీ శునకాలకు ద్వేషమంటే తెలియదు. కొట్టినా ఇంట్లో నుంచి వెళ్లగొట్టినా తిరిగి వస్తాయి. ప్రేమను కురిపిస్తాయి. అందుకే కొంతమందికి అవంటే ఎనలేని ప్రేమ. అవి మనుషులపై చూపించే విశ్వాసానికి రెట్టింపు ప్రేమను వాటిపై చూపిస్తుంటారు. ఈ కోవకు చెందిన మహిళే పశ్చిమ బెంగాల్‌కు చెందిన నిలంజనా బి(వి)శ్వాస్. పేరుకు తగ్గట్లే 45 ఏళ్ల ఈమెకు కుక్కలంటే మహా ప్రీతి. అందుకే ఏకంగా వాటి బాగోగులు చూసుకోవడానికి తన నగలమ్మి బ్యాంకు లోను కూడా తీసుకొంది. చట్టుపక్కల వారు ద్వేషిస్తున్నా సరే వాటిని కంటికి రెప్పలా కాపాడుకుంటోంది.