మంచి అకడమిక్ ట్రాక్ రికార్డు ఉంటే చాలు.. ఉద్యోగం దానంతటదే వస్తుందనే భావనలో మనలో చాలా మంది ఉంటారు. అయితే మంచి పర్సంటేజ్‌తో పాస్ కావడం ఉద్యోగ వేటలో కొంత వరకే అక్కరకొస్తుంది. ఉద్యోగం సొంతం కావడానికి తెలివితేటలు, ప్రతిభతో పాటు కష్టపడి పనిచేసే తత్వం, చురుగ్గా ఆలోచించే సామర్థ్యం, చొరవ, బాధ్యతలు తీసుకోవడం... లాంటి ఎన్నో అంశాలు ఇంటర్వ్యూల్లో ప్రభావం చూపుతాయి. ఇలా ఉద్యోగానికి అవసరమైన లక్షణాలన్నీ మీలో పుష్కలంగా ఉన్నప్పుడే కొలువు ఖాయమవుతుంది.

విజేతలంటే ఎక్కడ నుంచో వచ్చి వూడిపడిన వాళ్లు కానేకాదు. వాళ్లేమీ ప్రత్యేక లక్షణాలతో పుట్టినవాళ్లు కూడా కాదు. కేవలం ప్రయత్నంతో, పట్టుదలతో పైకొచ్చినవాళ్లే. ఎక్కువమంది భావించేటట్లు అదృష్టం కలిసొస్తే విజేతలం కాలేము. కఠోరపరిశ్రమను నమ్ముకుని, చిత్తశుద్ధితో కృషి చేయడం విజేతల దినచర్యలో ఒక భాగం.

ప్రస్తుతం చాలా రంగాల్లో పురుషాధిక్య ప్రపంచమే మహిళలకు స్వాగతం పలుకుతోంది. మహిళలు అన్ని రంగాల్లో పురుషులతో సమానంగా రాణిస్తోన్నా, ఉద్యోగాల్లో ఉన్నత పదవుల్ని అధిరోహిస్తున్నప్పటికీ జీతభత్యాలు, అవకాశాలు.. వంటి విషయాల్లో నేటికీ మహిళలు సమానత్వం సాధించలేకపోతున్నారు. మరి, పని ప్రదేశంలో నెలకొన్న ఇలాంటి పురుషాధిక్య ధోరణి నుంచి స్త్రీలు బయటపడి పురుషుల కంటే సమర్థంగా రాణించడం అసాధ్యమేనా? అంటే కాదంటున్నారు కార్పొరేట్ నిపుణులు. పనిచేసే చోట కొన్ని అంశాల్ని దృష్టిలో పెట్టుకొని ముందుకు సాగితే పురుషాధిక్య రంగాల్లోనూ స్త్రీలు అద్భుతంగా రాణిస్తారని వారు సూచిస్తున్నారు. ఈ 'అంతర్జాతీయ మహిళా దినోత్సవం' సందర్భంగా ఆ అంశాలేంటో తెలుసుకుందాం రండి...

ఏ పనికైనా నిర్దిష్ట సమయం కేటాయించుకుంటే పూర్తి ధ్యాస దాని పైనే పెట్టి పూర్తి చేయగలం. అదే రోజంతా ఒకే పనిమీద కూర్చోవాలంటే ఎవరికైనా బోరే! దానికి తోడు రోజు పూర్తయ్యేసరికి అలసట, నీరసం ఆవహిస్తాయి. అయితే ప్రస్తుతం చాలావరకు వృత్తి ఉద్యోగాల్లో నిరంతరాయంగా ఆన్‌లైన్‌లోనే గడపాల్సి వస్తోంది. దీంతో ఎక్కువసేపు కంప్యూటర్‌కే కళ్లప్పగించాల్సి వస్తోంది. దీనికి తోడు సోషల్ మీడియా ఎలాగూ ఉండనే ఉంది. దీంతో చాలామందిలో ఆన్‌లైన్‌/సోషల్‌ మీడియా అంటే ఒకరకమైన విరక్తి వచ్చేస్తుందంటే అది అతిశయోక్తి కాదు. దీన్నే 'సోషల్ మీడియా/ఆన్‌లైన్ అలసట' గా పిలుస్తున్నారు కార్పొరేట్‌ నిపుణులు. ఇది అంతిమంగా వారి మానసిక ఆరోగ్యంపై ప్రతికూల ప్రభావం చూపుతుందంటున్నారు. మరి, దీన్ని సాకుగా చూపించి వృత్తి ఉద్యోగాలను నిర్లక్ష్యం చేయడం కూడా సరికాదు. అలాంటప్పుడు ఇటు సోషల్‌ మీడియా/ఆన్‌లైన్‌లో చురుగ్గా తమ విధుల్ని నిర్వర్తిస్తూనే.. అటు అలసట దరిచేరకుండా ఉండాలంటే కొన్ని చిన్న చిన్న చిట్కాలు పాటించాల్సి ఉంటుంది. అవేంటో మనమూ తెలుసుకుందాం రండి..

నమస్తే మేడమ్‌.. నా వయసు 39 సంవత్సరాలు.. నేను ఐటీ ఉద్యోగిగా పనిచేసేదాన్ని. బాబు పుట్టడంతో ఏడేళ్ల క్రితం ఉద్యోగం మానేశాను. ఇప్పుడు బాబు స్కూల్‌కి వెళ్తున్నాడు. దీంతో నా కెరీర్‌ని తిరిగి మొదలు పెట్టాలనుకుంటున్నాను. అయితే ఈ వయసులో ఐటీ రంగంలో పని చేయడం వల్ల ఆరోగ్య సమస్యలు వచ్చే అవకాశాలు ఎక్కువ. అందుకని నా ఆలోచనలు బిజినెస్‌ వైపు మళ్లాయి. అయితే నాది అంతర్ముఖ స్వభావం. దానివల్ల మా ఆయన నువ్వు సొంతంగా బిజినెస్‌ నడపలేవని అంటున్నారు. దయచేసి సలహా ఇవ్వగలరు. - ఓ సోదరి

బాస్‌తో ముఖాముఖి మీటింగ్స్‌ లేవు.. బ్రేక్స్‌లో కొలీగ్స్‌తో పిచ్చాపాటీ మాట్లాడుకునే అవకాశమే కరువైంది.. పని చేయాలనిపించినా, చేయాలనిపించకపోయినా ల్యాప్‌టాప్‌కు కళ్లప్పగించాల్సిందే..! పైగా రాత్రైనా ఎడతెగని పని.. ప్రస్తుత కరోనా ప్రతికూల పరిస్థితుల్లో ఇంటి నుంచే పనిచేస్తోన్న చాలామంది ఉద్యోగుల మనోవేదన ఇది! దీంతో ‘వర్క్‌ ఫ్రమ్‌ హోమ్‌’ హాయి హాయి అనుకున్న వాళ్లంతా ఈ పద్ధతి మాకొద్దు బాబోయ్‌ అంటున్నారు. నెలలకు నెలలు నాలుగ్గోడల మధ్య గడిపే సరికి చాలామందికి ఈ పని విధానమంటేనే విసుగొచ్చేస్తుంది. అలాంటి వారికి సరికొత్త పని సంస్కృతిని పరిచయం చేస్తున్నాయి కొన్ని టూరిజం సంస్థలు. ఎంచక్కా దాన్ని ఉపయోగించుకుంటూ ఓ పక్క ఎంజాయ్‌ చేస్తూనే, మరో పక్క పనిలోనూ నాణ్యతను పెంచుకుంటున్నారు ప్రస్తుతం చాలామంది ఉద్యోగులు. ఇంతకీ పనికి, టూరిజంకు సంబంధమేంటి? పనిలో ఉత్సాహాన్ని, నాణ్యతను పెంచే ఆ పద్ధతేంటి? ఇంకా దాంతో ఏమేం ప్రయోజనాలున్నాయి? మీరూ తెలుసుకోవాలనుకుంటున్నారా? అయితే ఇది చదివేయండి!

ఆఫీస్ ఏదైనప్పటికీ చాలా సందర్భాల్లో అందరూ కలిసి కోరస్‌గా తిట్టుకునేది ఒకరి గురించే... ఆ ఒక్కరు మరెవరో కాదు...బాసే. చాలామంది దృష్టిలో బాస్ అంటే పెద్ద భూతమే. కానీ ఆయన కోణంలోంచి చూస్తే మనవైపు నుంచి బోలెడన్ని తప్పులు కనిపించవచ్చు.మనల్ని మధ్య మధ్యలో కోప్పడనూవచ్చు. ఈ క్రమంలో మనం చేసే చిన్న చిన్న పొరపాట్లు, తప్పులను సరిదిద్దుకుంటే బాస్‌తో కూడా రిలేషన్ బాగుండడానికి అవకాశం ఉంటుంది.

ప్రస్తుతం దాదాపు అందరి ఉద్యోగ జీవితాల్లోనూ కంప్యూటర్ ఒక భాగమైపోయింది. సాఫ్ట్‌వేర్ నుంచి క్లరికల్ ఉద్యోగాల వరకు చాలామంది కంప్యూటర్ మీదే పని చేస్తున్నారు. అందులోనూ కరోనా నేపథ్యంలో చాలామంది మహిళలు ఇంటి నుంచే పని చేస్తున్నారు. రోజు రోజుకీ కరోనా వైరస్ విజృంభిస్తున్న నేపథ్యంలో ప్రస్తుతం అందరూ 'వర్క్ ఫ్రమ్ హోమ్' సౌకర్యాన్నే కోరుకుంటున్నారు కూడా. అయితే, ఇలా విధుల్లో భాగంగా రోజుకు గంటల కొద్దీ కంప్యూటర్ స్క్రీన్‌ను చూస్తూనే పని చేయడం మన కళ్లపై ఒకింత ప్రభావం చూపిస్తుందనడంలో ఆశ్చర్యం లేదు. దీని ఫలితంగానే కళ్లు పొడిబారడం... కంటి నుంచి నీరు కారడం.. కళ్లు ఎర్రబడడం వంటి సమస్యలు నేడు సర్వసాధారణమైపోయాయి. ఈ క్రమంలో ‘ప్రపంచ దృష్టి దినోత్సవం’ (వరల్డ్‌ సైట్‌ డే) సందర్భంగా వృత్తిగత జీవితంలో ఎక్కువ భాగం కంప్యూటర్‌పై పని చేస్తున్నవారు, కంటి సంబంధిత సమస్యలను నివారించడానికి ఎలాంటి జాగ్రత్తలు తీసుకోవాలో, ఎలాంటి నియమాలు పాటించాలో తెలుసుకుందాం..

వృత్తిగత జీవితంలో నిరాశ, నిస్పృహలు మిమ్మల్ని ఆవరిస్తున్నాయా?...రోజు రోజుకీ ఉద్యోగ జీవితంలో ఆసక్తి తగ్గిపోతోందా?... అనుకున్నంత ఉల్లాసంగా, ఉత్సాహంగా పని చేయలేకపోతున్నారా?... ఏదో తెలియని ఒత్తిడికి, ఆందోళనకు గురవుతున్నారా?... అయితే ఈ సమస్యల నుంచి బయటపడడానికి కొన్ని చిట్కాలు మీకోసమే..

చిన్నతనంలో వెన్న దొంగిలించినా.. గోపాలురందరినీ రక్షించాడు. గోపికల వస్త్రాలు దోచుకున్నా.. ద్రౌపదికి చీరలిచ్చి ఆమె ఆత్మగౌరవాన్ని కాపాడాడు. అయితే ఆ లీలాకృష్ణుడి లీలలను గమనిస్తే ఆయన చేసిన తుంటరి చిలిపి పనుల్లోనూ ఓ నిగూఢార్థం కనిపిస్తుంది. కన్నయ్యగా వన్నెచిన్నెలతో ఆకట్టుకునే వయసు నుంచే ఆయన ఎన్నో అద్భుతాలు చేయడం ప్రారంభించాడు. తన జీవితం ద్వారా ఎంతోమందికి ఎన్నో పాఠాలను నేర్పాడు. అవి అప్పటి కాలానికే కాదు.. కాలమాన స్థితిగతులు పూర్తిగా మారిపోయినా ఇప్పటికీ మన జీవితాలకు వర్తింపజేసుకోవడానికి వీలున్నవే..! మరి, చిన్నికృష్ణుడి జీవితం నుంచి మనం నేర్చుకోదగిన కొన్ని పాఠాలేంటో మనమూ తెలుసుకుందాం రండి...

చాలా కంపెనీల పని స్వభావాన్ని పరిశీలిస్తే కరోనాకు ముందు, కరోనా తర్వాత అన్నట్లుగా చెప్పుకోవచ్చు. సాధారణంగా ఐటీ సంస్థలకు వర్క్‌ ఫ్రమ్‌ హోమ్‌ ఆప్షన్‌ ఉన్నా.. కొన్ని కంపెనీలు ఆఫీసు నుంచే పనిచేసేవి. ఇక ఎప్పుడైతే కరోనా ఫీవర్‌ మొదలైందో.. బయటికెళ్లి చిక్కుల్లో పడడమెందుకని.. తమ ఉద్యోగులందరికీ వర్క్‌ ఫ్రమ్‌ హోమ్‌ ఆప్షన్‌ ఇచ్చేశాయి. మరికొన్ని కంపెనీలు ఈ పద్ధతి అలవాటు లేకపోయినా అలవాటు చేసుకుంటున్నాయి.

ఈ రోజుల్లో సోషల్‌ మీడియా ఉపయోగించని వారు లేరనడంలో ఎలాంటి అతిశయోక్తి లేదు. ఏ చిన్న విషయమైనా సరే ముందుగా సోషల్‌ మీడియా వేదికగా పంచుకోవాల్సిందే. అయితే ఈ క్రమంలోనే వర్క్‌ ఫ్రమ్‌ హోం చేస్తున్న సమయంలో కొంతమంది సోషల్‌ మీడియాను తప్పుగా ఉపయోగిస్తున్నారు. దీనివల్ల యాజమాన్యాల నుంచి సమస్యలు ఎదుర్కోవాల్సి వస్తుంది. ఒక్కోసారి ఉద్యోగ భద్రతకూ ముప్పు వాటిల్లే అవకాశం ఉంది. ఈక్రమంలో ఇంటి నుంచి పని చేసేటప్పుడు సోషల్‌ మీడియా వినియోగం విషయంలో ఎలాంటి జాగ్రత్తలు తీసుకోవాలో ఇప్పుడు చూద్దాం..

లాక్‌డౌన్‌ పుణ్యమాని అప్పటిదాకా అలవాటు లేని కంపెనీలు సైతం ‘వర్క్‌ ఫ్రమ్‌ హోమ్‌’ని అలవాటు చేసుకున్నాయి. దీంతో ఇంటి నుంచే ఉద్యోగులు సౌకర్యవంతంగా తమ విధులు నిర్వర్తిస్తున్నారు. అయితే ఎలాగూ ఇంటి నుంచే పని చేయడం కదా అని చాలామంది బద్ధకిస్తూ ఆలస్యంగా నిద్ర లేవడం, లాగిన్‌ అవ్వాల్సిన టైమ్‌ దాటిపోతుందని గబగబా బ్రష్‌ చేసుకొని ల్యాప్‌టాప్‌ ముందు కూర్చోవడం, కొంతమందైతే ఏదో ఒకటిలే అన్నట్లు ఇంట్లో వేసుకునే నైట్‌ సూట్స్‌ ధరించి పని మొదలుపెట్టేయడం.. వంటివి చేస్తుంటారు. అయితే నీట్‌గా డ్రస్‌ వేసుకోకపోయినా పనిపై ఏకాగ్రత కోల్పోయే అవకాశం ఉందని అంటున్నారు ఆర్గనైజేషనల్‌ నిపుణులు. మనం ఎలాగైతే ఆఫీసుకెళ్లేటప్పుడు ప్రొఫెషనల్‌గా తయారవుతామో.. ఇంటి నుంచి పనిచేసినా అలాగే తయారవ్వాలంటున్నారు వారు. తద్వారా ఇంటి నుంచి పనిచేసినా నీరసించిపోకుండా.. మన పూర్తి దృష్టంతా పనిపైనే నిలిపి మంచి అవుట్‌పుట్‌ అందించచ్చంటున్నారు. మరి, ఇంతకీ ఇంటి నుంచి పనిచేసినా నీట్‌గా, ప్రొఫెషనల్‌గా ఎలా తయారుకావాలి? ఫలితంగా ఎలాంటి ప్రయోజనాలు కలుగుతాయి? తెలుసుకుందాం రండి..

ఈ రోజుల్లో తమ పిల్లల కెరీర్ గురించి ఏ తల్లిదండ్రులను కదిపినా ఐఐటీలో చదువుతున్నారనో లేదంటే ఐఐటీలో సీటు సంపాదించాలని కోచింగ్ తీసుకుంటున్నారనో.. చెప్పడం మనం చాలాసార్లు వినే ఉంటాం. కారణం.. ఐఐటీలో సీటొస్తే ఇక వారి బంగారు భవితకు మార్గం సుగమమైనట్లే అనేది వారి భావన. అయితే దేశంలోనే అత్యున్నతంగా భావించే ఈ విద్యా సంస్థల్లో అమ్మాయిల కంటే అబ్బాయిలే ఎక్కువగా చేరుతున్నారు. ఎందుకంటే అమ్మాయిలకు కేటాయించిన సీట్లు తక్కువగా ఉండడమే ఇందుకు ప్రధాన కారణం. దీన్ని దృష్టిలో ఉంచుకొని ఐఐటీల్లో అమ్మాయిలకు మరిన్ని సీట్లు కేటాయించాలని, తద్వారా ఐఐటీల్లో చేరాలనుకుంటున్న ఎందరో అమ్మాయిల కల నెరవేర్చాలని గతంలోనే జాయింట్ అడ్మిషన్ బోర్డు (జేఏబీ) నిర్ణయించిన సంగతి తెలిసిందే. ఈ క్రమంలో తెరపైకి వచ్చిందే ఈ సూపర్‌ న్యూమరరీ సీట్ల కేటాయింపు విధానం.

పరీక్షలు దగ్గరవుతుంటే చాలామంది విద్యార్థుల్లో ఒకరకమైన ఆందోళన కనిపిస్తుంటుంది. కానీ నిజానికి భయపడాల్సిందేమీ లేదు! అందరికీ అవే ప్రశ్నలు.. ఎంతగానో పరిచయం ఉన్నవే. ఏడాది నుంచీ చదివినవే. ఎన్నోసార్లు రాసినవే. మరోమారు రాయాలి. అంతే! ప్రతిభను ప్రదర్శించబోయే ఈ తరుణంలో తడబడితే ఇంతకాలం కష్టం వృథా అవుతుంది. అందుకే ఇంటర్‌, టెన్త్‌ పరీక్షల సమయం సమీపిస్తున్న ఈ సమయంలో పునశ్చరణను విస్మరించకూడదు. హైరానా పడటం మానేసి ప్రశాంతంగా, ధీమాగా ఉంటేనే హాయిగా పరీక్షలు రాసి, ఆనందంగా బయటకు వస్తారు. అందుకు ఏమేం చేయాలో పరిశీలిద్దాం!

2020 నుంచి నాలుగో పారిశ్రామిక విప్లవం తాలుకూ ప్రభావం మొదలవుతుందనేది నిపుణుల మాట. ఇందులో భాగంగానే ఆటోమేషన్‌, కృత్రిమమేధ, రోబోటిక్స్‌ వంటివి రానున్న దశాబ్దాన్ని శాసించనున్నాయి. మరి వాటి ప్రభావం మహిళల ఉద్యోగ ప్రస్థానంలో ఎలాంటి మార్పులు తీసుకురానుంది? కొత్త దశాబ్దిలో మహిళలు ఎలాంటి మార్పులని ఆహ్వానిస్తే నిశ్చింతగా ఉద్యోగాల్లో దూసుకుపోతారు? తెలుసుకుందాం..

గతంలో టైమ్‌ పాస్‌ కోసం రకరకాల మార్గాలుండేవి. కానీ ఇప్పుడు టైమ్‌ సేవ్‌ చేసుకోడానికి రకరకాల మార్గాలను వెతుకుతున్నాం. ఎందుకంటే ఈ బిజీ లైఫ్‌లో ఎవరిని అడిగినా ఒకటే సమాధానం ‘టైమ్‌ ఉండడం లేదు’ అని. కుటుంబ సభ్యులను సినిమాకి తీసుకెళ్లడానికి, ఇంట్లో ఏదైనా వేడుక ప్లాన్‌ చేయడానికి, బంధువులను కలవడానికి.. ఇలా అన్నింటికీ ఒకటే రోజు. అదే ఆదివారం ! బహుశా ఆదివారానికి నోరుంటే ‘నేనేం పాపం చేశాను.. అందరూ నా వెంటే పడతారు..’ అంటుందేమో ! క్షణం తీరిక లేకుండా ఆదివారాన్ని సద్వినియోగం చేసుకోవడానికి అంతలా ప్లాన్‌ చేస్తుంటాం మనం. అలా కాకుండా వారానికి నాలుగు రోజులే ఆఫీసు ఉండి మిగతా మూడు రోజులు సెలవులు ఇచ్చారనుకోండి ! అబ్బ.. ఈ మాట వింటే మనసుకు ఎంత ప్రశాంతంగా ఉందో కదూ!! ప్రస్తుతం ఫిన్‌ల్యాండ్‌ ప్రధాన మంత్రి తమ దేశ పౌరుల కోసం ఇదే చేస్తున్నారు. సెలవుల వల్ల కలిగే ఈ ఆనందమే ఉద్యోగుల ఎదుగుదలకు, సంస్థ ఉన్నతికి మరింత దోహదపడుతుందని, అందుకే ఈ సెలవుల పద్ధతిని ప్రవేశపెట్టినట్లు చెబుతున్నారామె. మరి, ఆ వివరాలేంటో తెలుసుకుందాం రండి..