నమస్తే మేడమ్‌.. నా వయసు 39 సంవత్సరాలు.. నేను ఐటీ ఉద్యోగిగా పనిచేసేదాన్ని. బాబు పుట్టడంతో ఏడేళ్ల క్రితం ఉద్యోగం మానేశాను. ఇప్పుడు బాబు స్కూల్‌కి వెళ్తున్నాడు. దీంతో నా కెరీర్‌ని తిరిగి మొదలు పెట్టాలనుకుంటున్నాను. అయితే ఈ వయసులో ఐటీ రంగంలో పని చేయడం వల్ల ఆరోగ్య సమస్యలు వచ్చే అవకాశాలు ఎక్కువ. అందుకని నా ఆలోచనలు బిజినెస్‌ వైపు మళ్లాయి. అయితే నాది అంతర్ముఖ స్వభావం. దానివల్ల మా ఆయన నువ్వు సొంతంగా బిజినెస్‌ నడపలేవని అంటున్నారు. దయచేసి సలహా ఇవ్వగలరు. - ఓ సోదరి

బాస్‌తో ముఖాముఖి మీటింగ్స్‌ లేవు.. బ్రేక్స్‌లో కొలీగ్స్‌తో పిచ్చాపాటీ మాట్లాడుకునే అవకాశమే కరువైంది.. పని చేయాలనిపించినా, చేయాలనిపించకపోయినా ల్యాప్‌టాప్‌కు కళ్లప్పగించాల్సిందే..! పైగా రాత్రైనా ఎడతెగని పని.. ప్రస్తుత కరోనా ప్రతికూల పరిస్థితుల్లో ఇంటి నుంచే పనిచేస్తోన్న చాలామంది ఉద్యోగుల మనోవేదన ఇది! దీంతో ‘వర్క్‌ ఫ్రమ్‌ హోమ్‌’ హాయి హాయి అనుకున్న వాళ్లంతా ఈ పద్ధతి మాకొద్దు బాబోయ్‌ అంటున్నారు. నెలలకు నెలలు నాలుగ్గోడల మధ్య గడిపే సరికి చాలామందికి ఈ పని విధానమంటేనే విసుగొచ్చేస్తుంది. అలాంటి వారికి సరికొత్త పని సంస్కృతిని పరిచయం చేస్తున్నాయి కొన్ని టూరిజం సంస్థలు. ఎంచక్కా దాన్ని ఉపయోగించుకుంటూ ఓ పక్క ఎంజాయ్‌ చేస్తూనే, మరో పక్క పనిలోనూ నాణ్యతను పెంచుకుంటున్నారు ప్రస్తుతం చాలామంది ఉద్యోగులు. ఇంతకీ పనికి, టూరిజంకు సంబంధమేంటి? పనిలో ఉత్సాహాన్ని, నాణ్యతను పెంచే ఆ పద్ధతేంటి? ఇంకా దాంతో ఏమేం ప్రయోజనాలున్నాయి? మీరూ తెలుసుకోవాలనుకుంటున్నారా? అయితే ఇది చదివేయండి!

ఆఫీస్ ఏదైనప్పటికీ చాలా సందర్భాల్లో అందరూ కలిసి కోరస్‌గా తిట్టుకునేది ఒకరి గురించే... ఆ ఒక్కరు మరెవరో కాదు...బాసే. చాలామంది దృష్టిలో బాస్ అంటే పెద్ద భూతమే. కానీ ఆయన కోణంలోంచి చూస్తే మనవైపు నుంచి బోలెడన్ని తప్పులు కనిపించవచ్చు.మనల్ని మధ్య మధ్యలో కోప్పడనూవచ్చు. ఈ క్రమంలో మనం చేసే చిన్న చిన్న పొరపాట్లు, తప్పులను సరిదిద్దుకుంటే బాస్‌తో కూడా రిలేషన్ బాగుండడానికి అవకాశం ఉంటుంది.

ప్రస్తుతం దాదాపు అందరి ఉద్యోగ జీవితాల్లోనూ కంప్యూటర్ ఒక భాగమైపోయింది. సాఫ్ట్‌వేర్ నుంచి క్లరికల్ ఉద్యోగాల వరకు చాలామంది కంప్యూటర్ మీదే పని చేస్తున్నారు. అందులోనూ కరోనా నేపథ్యంలో చాలామంది మహిళలు ఇంటి నుంచే పని చేస్తున్నారు. రోజు రోజుకీ కరోనా వైరస్ విజృంభిస్తున్న నేపథ్యంలో ప్రస్తుతం అందరూ 'వర్క్ ఫ్రమ్ హోమ్' సౌకర్యాన్నే కోరుకుంటున్నారు కూడా. అయితే, ఇలా విధుల్లో భాగంగా రోజుకు గంటల కొద్దీ కంప్యూటర్ స్క్రీన్‌ను చూస్తూనే పని చేయడం మన కళ్లపై ఒకింత ప్రభావం చూపిస్తుందనడంలో ఆశ్చర్యం లేదు. దీని ఫలితంగానే కళ్లు పొడిబారడం... కంటి నుంచి నీరు కారడం.. కళ్లు ఎర్రబడడం వంటి సమస్యలు నేడు సర్వసాధారణమైపోయాయి. ఈ క్రమంలో ‘ప్రపంచ దృష్టి దినోత్సవం’ (వరల్డ్‌ సైట్‌ డే) సందర్భంగా వృత్తిగత జీవితంలో ఎక్కువ భాగం కంప్యూటర్‌పై పని చేస్తున్నవారు, కంటి సంబంధిత సమస్యలను నివారించడానికి ఎలాంటి జాగ్రత్తలు తీసుకోవాలో, ఎలాంటి నియమాలు పాటించాలో తెలుసుకుందాం..

వృత్తిగత జీవితంలో నిరాశ, నిస్పృహలు మిమ్మల్ని ఆవరిస్తున్నాయా?...రోజు రోజుకీ ఉద్యోగ జీవితంలో ఆసక్తి తగ్గిపోతోందా?... అనుకున్నంత ఉల్లాసంగా, ఉత్సాహంగా పని చేయలేకపోతున్నారా?... ఏదో తెలియని ఒత్తిడికి, ఆందోళనకు గురవుతున్నారా?... అయితే ఈ సమస్యల నుంచి బయటపడడానికి కొన్ని చిట్కాలు మీకోసమే..

చిన్నతనంలో వెన్న దొంగిలించినా.. గోపాలురందరినీ రక్షించాడు. గోపికల వస్త్రాలు దోచుకున్నా.. ద్రౌపదికి చీరలిచ్చి ఆమె ఆత్మగౌరవాన్ని కాపాడాడు. అయితే ఆ లీలాకృష్ణుడి లీలలను గమనిస్తే ఆయన చేసిన తుంటరి చిలిపి పనుల్లోనూ ఓ నిగూఢార్థం కనిపిస్తుంది. కన్నయ్యగా వన్నెచిన్నెలతో ఆకట్టుకునే వయసు నుంచే ఆయన ఎన్నో అద్భుతాలు చేయడం ప్రారంభించాడు. తన జీవితం ద్వారా ఎంతోమందికి ఎన్నో పాఠాలను నేర్పాడు. అవి అప్పటి కాలానికే కాదు.. కాలమాన స్థితిగతులు పూర్తిగా మారిపోయినా ఇప్పటికీ మన జీవితాలకు వర్తింపజేసుకోవడానికి వీలున్నవే..! మరి, చిన్నికృష్ణుడి జీవితం నుంచి మనం నేర్చుకోదగిన కొన్ని పాఠాలేంటో మనమూ తెలుసుకుందాం రండి...

చాలా కంపెనీల పని స్వభావాన్ని పరిశీలిస్తే కరోనాకు ముందు, కరోనా తర్వాత అన్నట్లుగా చెప్పుకోవచ్చు. సాధారణంగా ఐటీ సంస్థలకు వర్క్‌ ఫ్రమ్‌ హోమ్‌ ఆప్షన్‌ ఉన్నా.. కొన్ని కంపెనీలు ఆఫీసు నుంచే పనిచేసేవి. ఇక ఎప్పుడైతే కరోనా ఫీవర్‌ మొదలైందో.. బయటికెళ్లి చిక్కుల్లో పడడమెందుకని.. తమ ఉద్యోగులందరికీ వర్క్‌ ఫ్రమ్‌ హోమ్‌ ఆప్షన్‌ ఇచ్చేశాయి. మరికొన్ని కంపెనీలు ఈ పద్ధతి అలవాటు లేకపోయినా అలవాటు చేసుకుంటున్నాయి.

లాక్‌డౌన్‌ 4.0లో కేంద్ర, రాష్ట్ర ప్రభుత్వాలు కొన్ని సడలింపులిచ్చాక ‘బ్యాక్‌ టు వర్క్‌’ అంటూ అన్ని రంగాల్లోనూ పనులు మొదలవుతున్నాయి. కరోనా భయంతో ఇన్ని రోజులు మూతపడిన కార్యాలయాలు కూడా మెల్లగా తెరచుకొంటున్నాయి. ఉద్యోగులందరూ విధులకు హాజరవుతున్నారు. అయితే ఆర్థిక కారణాలతో లాక్‌డౌన్‌ ఎత్తేసినా..వైరస్‌ ఇంకా మన మధ్యనే ఉందన్నది వాస్తవం. ఈ నేపథ్యంలో ఆఫీసుల్లో కూడా థర్మల్‌ స్ర్కీనింగ్‌లు, శానిటైజేషన్‌ నిబంధనలు అమలవుతున్నాయి. అయితే వూహించని రీతిలో విరుచుకుపడుతున్న కరోనా ఉపద్రవాన్ని ఎదుర్కోవాలంటే ఈ జాగ్రత్తలు ఏ మాత్రం సరిపోవు. ఆఫీసులో అడుగుపెట్టినప్పటి నుంచి తిరిగి ఇంటికి చేరే వరకు నిరంతరం అప్రమత్తంగా ఉండాల్సిందే. మరి ఈ పరిస్థితుల్లో కార్యాలయాలు, పని ప్రదేశాల్లో ఎలాంటి జాగ్రత్తలు తీసుకోవాలో ఓ సారి తెలుసుకుందాం రండి.

దేశవ్యాప్తంగా కరోనా వ్యాప్తి ఇంకా కొనసాగుతోన్న నేపథ్యంలో ప్రజలు మరికొన్ని రోజులు భౌతిక దూరం పాటిస్తూ ఇళ్లకే పరిమితం కాక తప్పేలా లేదు. ఈ క్రమంలో పలు విద్యాసంస్థలు తమ విద్యార్థులకు ఆన్‌లైన్‌ క్లాసుల ద్వారా పాఠాలు బోధించేందుకు ప్రయత్నిస్తున్నాయి. కరోనా లాక్‌డౌన్‌ కారణంగా విద్యార్థులు చదువులో వెనకబడకూడదని వాళ్లు ఈ పద్ధతిని అనుసరిస్తున్నారు. అంతేకాదు, కొంతమంది ఉద్యోగులు సైతం ఆన్‌లైన్‌ ద్వారా తమకు ఆసక్తి ఉన్న కోర్సులను నేర్చుకొంటూ ఈ లాక్‌డౌన్‌ సమయాన్ని సద్వినియోగం చేసుకొంటున్నారు. ఈ క్రమంలో ఆన్‌లైన్‌ క్లాసులకు హాజరయ్యే వారు గుర్తుంచుకోవాల్సిన అంశాలేంటో తెలుసుకుందాం రండి..

మనకు తెలిసిన అనుష్క.. అందం, నటనలో ఆల్‌రౌండర్‌... సినిమా పరిశ్రమలో స్టార్లందరికీ డియరెస్ట్‌... స్వీటీలో ఆకట్టుకునే కోణాలెన్నో... తన దగ్గర పని చేసేవాళ్లకి పెద్దపెద్ద నజరానాలు ఇస్తుంది... అభిమానుల పుట్టినరోజు వేడుకల్ని స్వయంగా జరుపుతుంది... మూగ జీవాల్ని అక్కున చేర్చుకుంటుంది... ఆన్‌స్క్రీన్‌, ఆఫ్‌స్క్రీన్‌లో మిస్‌ పర్‌ఫెక్ట్‌ అనిపించుకుంటున్న ఈ అందాల బొమ్మ పరిశ్రమకొచ్చి పదిహేనేళ్లు... ఈ ప్రయాణంలో ప్రతి అడుగూ నాకో పాఠం నేర్పిందని చెప్పారామె. తాను అనుసరిస్తున్న 12 సూత్రాలే తన కెరీర్‌కు సోపానాలయ్యాయన్నారు. వాటిని ‘వసుంధర’తో పంచుకున్నారు.

స్వప్న ఎంబీయే చేసి ఓ పెద్ద కంపెనీలో హెచ్ఆర్ హెడ్‌గా పనిచేస్తోంది. జీతం ఆరంకెల్లో ఉంటుంది. అయినా తనెప్పుడూ ఆనందంగా ఉండటం ఎవరూ చూడలేదు. కారణం తన ఉద్యోగంలో ఆమెకు సంతృప్తి లేక కాదు.. దీనివల్ల పిల్లలకు దూరమవుతున్నాననే బాధ.. తను ఉదయాన్నే లేచి ఇంటి పనులన్నీ పూర్తి చేసుకొని ఆఫీసుకొస్తుంది. ఆఫీసులో పని ఒత్తిడి కాస్త ఎక్కువగా ఉంటుందేమో.. ఇంటికి బయల్దేరే సరికి ఆలస్యమవుతుంది. ఇంటికి వెళ్లే సరికి పిల్లలు నిద్రపోయే మూడ్‌లో ఉంటారు.. వాళ్లతో కలిసి గడపలేకపోతున్నానని, వాళ్ల చదువుల్లో సహాయం చేయలేకపోతున్నానని చాలా బాధపడుతూ ఉంటుంది స్వప్న. అయితే తన ఆర్థిక స్థితి బాగుండాలంటే ఉద్యోగం తప్పనిసరి. అందుకే ఉద్యోగం చేయలేక, మానలేక ఇబ్బంది పడుతోంది స్వప్న.

ఏడాది కిందటి వరకూ నేను, మా బాస్‌ ఒకే చోట కలిసి పనిచేసేవాళ్లం. కానీ ఈ మధ్యకాలంలో ఆమెకి యాజమాన్యం అదనపు బాధ్యతలు అప్పగించడంతో వేరే చోటు నుంచి విధులు నిర్వహిస్తున్నారు. ఆమె పర్యవేక్షణలో దాదాపుగా అన్ని పనులూ నేనే చేసుకుంటున్నాను. మరీ ఏదైనా పెద్ద బాధ్యత అనుకుంటే తప్ప ఆమె చేయిపెట్టడం లేదు. సమావేశాలు అస్సలు జరగడం లేదు. అత్యవసరం అయితే ఒక ఫోన్‌కాల్‌.. ఈమెయిల్‌ ద్వారానే ఉత్తరప్రత్యుత్తరాలు జరుగుతున్నాయి. ఇక నా పనితీరు గురించి చర్చించినప్పుడు అంతా సానుకూలంగా చెబుతున్నారు. కానీ ఇలా ఒంటరిగా నాకు నేనే సొంత నిర్ణయాలు తీసుకుంటూ పనిచేయడం భయంగా ఉంటోంది. నన్నేం చేయమంటారు? - ఓ సోదరి

2020 నుంచి నాలుగో పారిశ్రామిక విప్లవం తాలుకూ ప్రభావం మొదలవుతుందనేది నిపుణుల మాట. ఇందులో భాగంగానే ఆటోమేషన్‌, కృత్రిమమేధ, రోబోటిక్స్‌ వంటివి రానున్న దశాబ్దాన్ని శాసించనున్నాయి. మరి వాటి ప్రభావం మహిళల ఉద్యోగ ప్రస్థానంలో ఎలాంటి మార్పులు తీసుకురానుంది? కొత్త దశాబ్దిలో మహిళలు ఎలాంటి మార్పులని ఆహ్వానిస్తే నిశ్చింతగా ఉద్యోగాల్లో దూసుకుపోతారు? తెలుసుకుందాం..

గతంలో టైమ్‌ పాస్‌ కోసం రకరకాల మార్గాలుండేవి. కానీ ఇప్పుడు టైమ్‌ సేవ్‌ చేసుకోడానికి రకరకాల మార్గాలను వెతుకుతున్నాం. ఎందుకంటే ఈ బిజీ లైఫ్‌లో ఎవరిని అడిగినా ఒకటే సమాధానం ‘టైమ్‌ ఉండడం లేదు’ అని. కుటుంబ సభ్యులను సినిమాకి తీసుకెళ్లడానికి, ఇంట్లో ఏదైనా వేడుక ప్లాన్‌ చేయడానికి, బంధువులను కలవడానికి.. ఇలా అన్నింటికీ ఒకటే రోజు. అదే ఆదివారం ! బహుశా ఆదివారానికి నోరుంటే ‘నేనేం పాపం చేశాను.. అందరూ నా వెంటే పడతారు..’ అంటుందేమో ! క్షణం తీరిక లేకుండా ఆదివారాన్ని సద్వినియోగం చేసుకోవడానికి అంతలా ప్లాన్‌ చేస్తుంటాం మనం. అలా కాకుండా వారానికి నాలుగు రోజులే ఆఫీసు ఉండి మిగతా మూడు రోజులు సెలవులు ఇచ్చారనుకోండి ! అబ్బ.. ఈ మాట వింటే మనసుకు ఎంత ప్రశాంతంగా ఉందో కదూ!! ప్రస్తుతం ఫిన్‌ల్యాండ్‌ ప్రధాన మంత్రి తమ దేశ పౌరుల కోసం ఇదే చేస్తున్నారు. సెలవుల వల్ల కలిగే ఈ ఆనందమే ఉద్యోగుల ఎదుగుదలకు, సంస్థ ఉన్నతికి మరింత దోహదపడుతుందని, అందుకే ఈ సెలవుల పద్ధతిని ప్రవేశపెట్టినట్లు చెబుతున్నారామె. మరి, ఆ వివరాలేంటో తెలుసుకుందాం రండి..