Registration

Name

 

Gender

 

Age

 

Email

  

Phone

  

Location

 

Address


Close

Forgot Password

  

Your Password Has Been Sent To Your Registered EMail

close

వెండితెరపై కొందరు తారలు తమ గ్లామరస్‌ స్టైల్స్‌తో అదరగొడితే.. ఇంకొందరు తమ క్లాసీ లుక్స్‌తో ప్రేక్షకుల హృదయాల్లో నిలిచిపోతారు. అటువంటి క్లాసీ స్టార్స్‌లో ఒకరు ‘పూర్ణ’. నాట్యంలో ప్రావీణ్యురాలైన పూర్ణ.. ఓ ప్రముఖ మలయాళ ఛానల్‌ నిర్వహించిన డ్యాన్స్‌ రియాల్టీ షోలో బుల్లితెర అరంగేట్రం చేసింది. ఈ క్రమంలోనే ఓ మలయాళ చిత్రంలో నటించే అవకాశాన్ని అందిపుచ్చుకుని వెండితెరకు పరిచయమైంది. ‘శ్రీ మహాలక్ష్మి’ చిత్రం ద్వారా తెలుగునాట అడుగుపెట్టి తన నటనకు మంచి మార్కులే వేయించుకుందీ బొద్దుగుమ్మ. ఆపై ‘సీమ టపాకాయ్‌’, ‘అవును’, ‘అవును 2’, ‘రాజు గారి గది’, ‘జయమ్ము నిశ్చయమ్ము రా’.. వంటి పలు చిత్రాలతో తెలుగమ్మాయేమో అనిపించేంతలా ప్రేక్షకులకు దగ్గరైందీ కేరళ కుట్టి. ఆన్‌స్క్రీన్‌లోనే కాదు.. ఆఫ్‌స్క్రీన్‌లో కూడా తన క్లాసీ లుక్స్‌తో అదరగొడుతుందీ భామ. ఇలా తాను ధరించిన అవుట్‌ఫిట్స్‌కు సంబంధించిన ఫొటోల్ని తన ఫ్యాన్స్‌తో పంచుకోకుండా ఉండలేదీ చక్కనమ్మ. ఈ నేపథ్యంలో ఈ క్లాసీ బ్యూటీ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్‌ స్టైల్స్‌పై మనమూ ఓ లుక్కేద్దాం రండి..!

సారా అలీ ఖాన్‌.. స్టార్‌ కిడ్‌గా బాలీవుడ్‌లోకి అడుగుపెట్టిందీ పటౌడీ ప్రిన్సెస్‌. తన మొదటి చిత్రం ‘కేదార్‌నాథ్‌’తో.. తనకు నట వారసత్వం ఉన్నప్పటికీ.. తానేంటో నిరూపించుకోగలనని తెలియజేసింది. ఆపై ‘సింబా’తో బ్లాక్‌బస్టర్‌ హిట్‌ అందుకుని.. ప్రస్తుతం ‘లవ్‌ ఆజ్‌ కల్‌’, ‘కూలీ నెం 1’ చిత్రాలతో ప్రేక్షకులను అలరించడానికి సిద్ధమవుతోందీ అందాల భామ. ఇలా నటించింది రెండంటే రెండు సినిమాల్లోనే అయినా.. సీనియర్‌ నటులకేమాత్రం తీసిపోనంతగా ఫ్యాన్ ఫాలోయింగ్‌ సంపాదించుకుంది సారా. ఇందుకు అసలు సిసలైన కారణం.. తన నటప్రతిభే కాదు.. తన ఫ్యాషన్‌సెన్స్‌ కూడా! ఆన్‌స్క్రీన్‌తో పాటు ఆఫ్‌స్క్రీన్‌పై సందర్భమేదైనా విభిన్న ఫ్యాషనబుల్‌ అవుట్‌ఫిట్స్‌లో దర్శనమిచ్చే ఈ ముద్దుగుమ్మ.. తనదైన ఫ్యాషన్ లుక్స్‌తో ట్రెండ్‌ సెట్టర్‌గా మారిపోయింది. ఇలా స్టైల్‌ సెన్సేషన్‌గా ఈ తరం అమ్మాయిల మనసుల్లో చోటుసంపాదించుకున్న ఈ పటౌడీ ప్రిన్సెస్‌ వార్డ్‌రోబ్‌లో ఏమేం ఫ్యాషన్స్‌ ఉన్నాయో తెలుసుకుందామా..?

భోగభాగ్యాలనిచ్చే భోగి.. సిరి సంపదలను తెచ్చే సంక్రాంతి.. కష్టాలు తీర్చే కనుమ.. ఇలా ఎన్నో ఆనందాలతో కొత్త సంవత్సరంలో వస్తున్న మొదటి పండగకి ప్రతి తెలుగింటి లోగిలి అందమైన ముగ్గులతో ఆహ్వానం పలకడానికి సిద్ధమవుతోంది. మరి అంతటి గొప్ప ప్రాశస్త్యం కలిగిన ఈ పండగకి మన తెలుగింటి ముద్దుగుమ్మలు ఇంకెంత అందంగా ముస్తాబవ్వాలనుకుంటారో కదా! ముచ్చటగా మూడు రోజుల పాటు జరుపుకునే ఈ పండగ సందర్భంగా ప్రతిరోజూ సరికొత్తగా మెరిసిపోవాలనుకుంటారు.. ఈ క్రమంలో అటు సంప్రదాయాన్ని పాటిస్తూనే.. ఇటు కాస్త ట్రెండీ టచ్‌ను జోడించాలనుకుంటున్నారు ఈ తరం అతివలు. అంతేకాదు.. అలాంటి సరికొత్త లుక్కున్న దుస్తుల్ని ఎంచుకుంటే ‘దివా ఆఫ్ ది ఫెస్టివల్‌’ మీరే అవుతారు కూడా! మరి అలా బుట్టబొమ్మలా తయారవ్వాలంటే ప్రస్తుతం ట్రెండింగ్‌లో ఉన్న ఈ ట్రెడిషనల్‌ కమ్‌ మోడ్రన్‌ ఫ్యాషన్స్‌ గురించి తెలుసుకోవాల్సిందే!

‘ఏక్, దో, తీన్‌..’ అంటూ ఆనాటి కుర్రకారు గుండెల్లో గుబులు పుట్టించినా.. ‘తాబా హో గయే’ అంటూ తన నాట్యంతో నేటి తరం హృదయాలను రంజింపజేయాలన్నా తనకే చెల్లింది. తన అందం, అభినయం, నాట్యంతో మెప్పించి అభిమానుల హృదయాల్లో చెరగని ముద్ర వేసింది గజగామిని మాధురి. మధ్యలో కాస్త విరామాన్ని ప్రకటించినా.. తిరిగి తన రాకతో నేటి తరం నాయికలను సైతం సవాలు విసురుతూ తన మాయతో ప్రేక్షకులని కట్టిపడేస్తోందీ అందాల తార. కేవలం తన నటనతోనే కాదు.. ఫ్యాషన్స్‌లో కూడా నేటి తరం నాయికలకు ఏ మాత్రం తగ్గకుండా తన లుక్స్‌తో అందరి చూపు తనవైపు తిప్పుకొంటోందీ ఎవర్‌గ్రీన్‌ బ్యూటీ. సీనియర్‌ నటైనా.. ప్రస్తుతం బాలీవుడ్‌లో క్రేజీ స్టార్స్‌లో ఒకరిగా కొనసాగుతోన్న మాధురి.. తన ఫ్యాషన్‌ స్టిల్స్‌ని ఎప్పటికప్పుడు ఇన్‌స్టా ద్వారా తన అభిమానులతో పంచుకుంటూ.. నేటి తరం అమ్మాయిలు సైతం తన ఫ్యాషన్స్‌కి ఫిదా అయ్యేలా చేస్తోంది. మరి అందరినీ అంతలా మైమరిపిస్తున్న తన వార్డ్‌రోబ్‌లోని కొన్ని ఫ్యాషన్స్‌పై మనమూ ఓ లుక్కేద్దామా..!

‘ఐశ్వర్యారాయ్‌లా నా ఫొటో కూడా ఏదో ఒకరోజు హోర్డింగ్‌లో ఉంటుంది’.. అంటూ ఒక్కఛాన్స్‌ కోసం ఎదురుచూశానని చెప్తోంది నిధి అగర్వాల్‌. ఈ మాట వింటేనే తెలుస్తోంది నటి కావాలని తనెన్ని కలలు కన్నదో! తన ఎదురుచూపుల ఫలితంగా వచ్చిన ఆ ఒక్క ఛాన్స్‌ను ఏ మాత్రం వృథా చేసుకోలేదీ బెంగళూరు భామ. ‘మున్నా మాయికల్‌’ చిత్రంతో సినీ రంగానికి పరిచయమైన నిధి.. ‘సవ్యసాచి’ సినిమాతో తెలుగునాట అడుగుపెట్టింది. ఆపై ‘మిస్టర్‌ మజ్ను’, ‘ఇస్మార్ట్‌ శంకర్‌’ వంటి చిత్రాలతో గుర్తింపు తెచ్చుకుంది. తన నటనతోనే కాదు.. ఫ్యాషన్స్‌తో సైతం కుర్రకారు హృదయాలను గిలిగింతలు పెడుతోందీ కన్నడ కుట్టి. ప్రస్తుతం తెలుగునాట క్రేజీ స్టార్స్‌లో నిధి కూడా ఒకరు. తన అప్‌డేటెడ్‌ ఫ్యాషన్స్‌ని ఇన్‌స్టా వేదికగా ఎప్పటికప్పుడు పోస్ట్‌ చేస్తూ.. తన అభిమానులకు కనువిందు చేస్తోంది. ఈ క్రమంలో మనం కూడా ఈ మజ్ను ప్రియురాలి వార్డ్‌రోబ్ ఫ్యాషన్స్‌పై ఓ లుక్కేద్దామా!

క్రిస్మస్‌.. ప్రపంచంలోని క్రైస్తవులందరూ ఎంతో ఉత్సాహంగా, ఆత్రంగా ఏడాది కాలం పాటు ఎదురుచూసే పండగ ఇది. నిజానికి పండగ డిసెంబర్‌ చివరి వారంలో అయినా.. డిసెంబర్‌ మొదలవ్వగానే క్రిస్మస్‌ సంబరాలు కూడా మొదలైపోతాయి. ఇక పండగ దగ్గరపడుతూ ఉందంటే షాపింగ్‌ హడావిడి అంతా ఇంతా కాదు. ఇంటిని అలంకరించే వస్తువుల నుండి.. స్నేహితులకు, కుటుంబ సభ్యులకు ప్రత్యేకంగా ఇచ్చే గిఫ్ట్స్‌ వరకు.. ఇలా చాలా వస్తువులు షాపింగ్‌ చేయాల్సి ఉంటుంది. మరి ఈ క్రిస్మస్‌కి క్వీన్‌లా మెరిసిపోవడానికి డ్రస్‌ని సిద్ధం చేసుకున్నారా?అయ్యో ఇంకా లేదా! ఏ సందర్భానికి ఎలాంటివి ధరించాలో తేల్చుకోలేక తికమక పడుతున్నారా? అయితే మీ కన్‌ఫ్యూజన్‌కి ఈ కథనంతో చెక్‌ పెట్టేయండి. మరింకెందుకు ఆలస్యం.. వెంటనే చదివేయండి!

కొందరు ఎన్ని సినిమాలలో నటించినా.. కొన్ని సినిమాలు మాత్రం వారిని ప్రేక్షకులకు గుర్తుండిపోయేలా చేస్తాయి. అలా ‘పెళ్లైన కొత్తలో’, ‘యమదొంగ’.. వంటి చిత్రాలతో తెలుగునాట ఎనలేని గుర్తింపు సంపాదించుకుంది అందాల భామ ప్రియమణి. ఆపై ‘ప్రవరాఖ్యుడు’, ‘సాధ్యం’, ‘రగడ’, ‘క్షేత్రం’ వంటి తెలుగు సినిమాలలో నటించింది. పుట్టి పెరిగింది కన్నడ నాటైనా.. తెలుగమ్మాయేనేమో అనిపించే విధంగా తన పాత్రల్లో నటించి మెప్పించిందీ ముద్దుగుమ్మ. కేవలం నటనతోనే కాదు.. తన ఫ్యాషన్స్‌తోనూ ఆకట్టుకుంటుందీ అందాల తార. ఎటువంటి సందర్భమైనా దానికి తగ్గట్టుగా తన ఫ్యాషన్స్‌తో మురిపించే ఈ బెంగళూరు భామ స్టైలిష్‌ లుక్స్‌ని నేటి తరం అమ్మాయిలు తెగ ఫాలో అయిపోతున్నారు. ఎప్పటికప్పుడు తన డిఫరెంట్‌ లుక్స్‌ని సోషల్‌ మీడియా ద్వారా తన అభిమానులతో పంచుకుంటూ.. ఫ్యాషన్‌ ఫ్రీక్స్‌ని సైతం తన స్టైల్స్‌తో మైమరపిస్తోంది. ఈ నేపథ్యంలో ప్రియమణి వార్డ్‌రోబ్‌లోని సరికొత్త ఫ్యాషన్స్‌ గురించి తెలుసుకుని మనమూ ఫాలో అవుదాం రండి..

‘పరవాలేదు.. పరవాలేదు..’ అంటూ తన చిలిపి చూపులు, అందమైన అభినయంతో తొలి సినిమాలోనే తెలుగు ప్రేక్షకులను ఆకట్టుకుంది తెలుగందం శ్రీ దివ్య. ఛైల్డ్‌ ఆర్టిస్ట్‌గా సినీ పరిశ్రమలో అడుగుపెట్టి సినీ అభిమానులతో మంచి మార్కులు వేయించుకున్న ఈ అందాల బొమ్మ.. ‘మనసారా’ సినిమాతో హీరోయిన్‌గా తనని తాను పరిచయం చేసుకుంది. ‘బస్‌ స్టాప్‌’, ‘వారధి’, ‘కేరింత’, ‘సైజ్‌ జీరో’.. వంటి సినిమాల్లో నటించి మెప్పించింది. ఆపై తమిళ సినిమాలతో బిజీ అయిపోయిన ఈ లవ్లీ గర్ల్‌.. ప్రస్తుతం ‘ఒతైక్కు ఒతై’ అనే మరో తమిళ చిత్రంలో నటిస్తోంది. సినిమాల్లో తన పాత్రకు తగినట్లుగా పద్ధతిగా డ్రస్సింగ్‌ వేసుకునే శ్రీ.. ఆఫ్‌స్క్రీన్‌లోనూ అంతే ట్రెడిషనల్‌గా మెరిసిపోతుంది. ఇందుకు ఆమె సోషల్‌ మీడియా పేజీలే ప్రత్యక్ష నిదర్శనం. పండగలు, ప్రత్యేక సందర్భాలు, చిత్రోత్సవాలు, ఫొటోషూట్స్‌.. ఇలా సందర్భమేదైనా తనదైన ఫ్యాషన్లతో అదరగొట్టే ఈ ముద్దుగుమ్మ.. నేటి తరం అమ్మాయిలందరికీ ఫ్యాషన్‌ పాఠాలు నేర్పుతోంది. అంతేనా.. చక్కటి డ్రస్సింగ్‌ సెన్స్‌తో అటు ట్రెడిషనల్‌గా, ఇటు ట్రెండీగా మెరిసిపోవచ్చని తనదైన డ్రస్సింగ్‌ స్టైల్‌తో నిరూపిస్తోందీ సొగసరి. ఈ నేపథ్యంలో శ్రీ ఫ్యాషనబుల్‌ వార్డ్‌రోబ్‌లో చోటు సంపాదించుకున్న ఆ ట్రెడిషనల్‌ కమ్‌ ట్రెండీ ఫ్యాషన్లేంటో మనమూ తెలుసుకుందాం రండి..

చారడేసి కళ్లు, పువ్వంటి పెదాలు, సొట్ట బుగ్గలు, ముట్టుకుంటే కందిపోయే మోము.. ఇంతటి అపురూప లావణ్యాన్ని తన సొంతం చేసుకొని టాలీవుడ్‌లోకి అడుగుపెట్టింది ఉత్తర్‌ప్రదేశ్‌ బ్యూటీ లావణ్యా త్రిపాఠి. ‘అందాల రాక్షసి’గా తెలుగు తెరకు పరిచయమైన ఈ బ్యూటీ.. ‘భలే భలే మగాడివోయ్‌’, ‘సోగ్గాడే చిన్ని నాయన’, ‘శ్రీరస్తు శుభమస్తు’, ‘మిస్టర్‌’, ‘అంతరిక్షం’.. వంటి సినిమాల్లో రాణించి.. తాజాగా ‘అర్జున్‌ సురవరం’తో మన ముందుకొచ్చింది. ఆన్‌స్క్రీన్‌పై తన అందం, అభినయంతో పాటు చక్కనైన ఫ్యాషన్లతో అలరించే ఈ ముద్దుగుమ్మ.. ఆఫ్‌స్క్రీన్‌లోనూ అంతే ఫ్యాషనబుల్‌గా మెరిసిపోతుంది. ఈ విషయం తన సోషల్‌ మీడియా పేజీల్ని చూస్తే ఇట్టే అర్థమైపోతుంది. పండగలు, ప్రత్యేక సందర్భాల్లో, అవార్డుల ఫంక్షన్లలో.. ఇలా అకేషన్‌ ఏదైనా అప్‌డేటెడ్‌ ఫ్యాషన్లతో అదరగొట్టేయడం ఈ అందాల చందమామకు వెన్నతో పెట్టిన విద్య. అందుకే కేవలం నటిగానే కాదు.. ఈ తరం అమ్మాయిలందరికీ ఫ్యాషన్‌ ఐకాన్‌గా కూడా మారిపోయిందీ లవ్లీ గర్ల్‌. మరి, తనదైన ఫ్యాషన్లతో నేటి తరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ అందాల రాక్షసి వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

‘ఏమో నాకు అన్నీ అలా తెలిసిపోతాయి అంతే..!’ అంటూ ఇలా తన అమాయకపు మాటలు, చిలిపితనంతో ‘సీతమ్మ వాకిట్లో సిరిమల్లె చెట్టు’ సినిమాలో ‘సీత’గా తెలుగువారిని మెప్పించింది తెలుగందం అంజలి. ‘బలుపు’, ‘మసాలా’, ‘గీతాంజలి’, ‘డిక్టేటర్‌’.. వంటి తెలుగు సినిమాలతో పాటు మరెన్నో తమిళ చిత్రాల్లో నటించి తన మార్క్‌ను ప్రదర్శించిన ఈ అందాల తార.. ప్రస్తుతం ‘నిశ్శబ్దం’, ‘గీతాంజలి-2’ వంటి సినిమాలతో పాటు మరికొన్ని తమిళ చిత్రాలతో బిజీబిజీగా గడుపుతోంది. ఇలా క్షణం తీరిక లేకుండా ఉన్నప్పటికీ తన ఫ్యాన్స్‌తో ఎప్పటికీ టచ్‌లోనే ఉంటుందీ లవ్లీ గర్ల్‌. ఈ క్రమంలో తన వ్యక్తిగత, వృత్తిపరమైన విషయాల్ని పంచుకోవడమే కాదు.. సందర్భమేదైనా ఎంతో లవ్లీగా మెరిసిపోయే ఈ ముద్దుగుమ్మ తన ఫ్యాషనబుల్‌ అటైర్స్‌ని సైతం ఫొటోల్లో బంధించి వాటిని సోషల్‌ మీడియాలో పోస్ట్‌ చేస్తుంటుంది. ఇలా ఇండస్ట్రీలో మంచి నాయికగానే కాదు.. ఫ్యాషన్‌ దివాగా కూడా మన సీతకు పేరుంది. మరి, తనదైన ఫ్యాషన్లతో అదరగొడుతూ నేటితరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ చక్కనమ్మ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..