Registration

Name

 

Gender

 

Age

 

Email

  

Phone

  

Location

 

Address


Close

Forgot Password

  

Your Password Has Been Sent To Your Registered EMail

close

సమీరా రెడ్డి.. సోషల్‌ మీడియాలో ఎప్పుడూ యాక్టివ్‌గా ఉంటూ ఎప్పటికప్పుడు తన వ్యక్తిగత విషయాలతోపాటు.. పోస్ట్‌ ప్రెగ్నెన్సీ డిప్రెషన్‌, బాడీ పాజిటివిటీ, బ్రెస్ట్‌ ఫీడింగ్‌, పిల్లల పెంపకానికి సంబంధించిన స్ఫూర్తిదాయకమైన పోస్ట్‌లను పెడుతూ అందరిలో ప్రేరణ నింపుతుంటుంది సమీర. లాక్‌డౌన్‌ కారణంగా దేశంలోని ప్రజలంతా ఇంటికే పరిమితమైన నేపథ్యంలో.. ఇంట్లోనే ఉంటున్న తల్లులకు తన పోస్ట్‌ల రూపంలో టిప్స్‌ని షేర్‌ చేస్తోంది ఈ బ్యూటివుల్‌ మామ్‌. లాక్‌డౌన్‌ నేపథ్యంలో ఇంట్లోనే ఉండడం వల్ల ఒత్తిడికి గురయ్యే అవకాశాలు ఉంటాయి. దాని నుండి బయటపడడానికి ప్రణాళికను ఎలా సిద్ధం చేసుకోవాలో కొన్ని టిప్స్‌ని పంచుకుంది సమీర.. అంతేకాదు.. పెద్దల పరిస్థితే ఇలా ఉంటే ఇంట్లో ఉండే పిల్లల గురించి ఆలోచించాలని చెప్తోంది. పిల్లలు సైతం మానసిక ఒత్తిడికి గురవుతారని తన స్వానుభవాన్ని వివరిస్తోంది. అంతేకాకుండా.. పిల్లల పరిస్థితిని గుర్తించడానికి సూచనలు.. దాని నుండి పిల్లలను కాపాడుకునే మార్గాలను సూచిస్తోందీ చబ్బీ బ్యూటీ.. మరి ఆ టిప్స్‌ ఏంటో తెలుసుకుని మనమూ పాటిద్దాం రండి..

కరోనా సృష్టిస్తోన్న కల్లోలంతో ప్రపంచ దేశాలన్నీ ఒక్కొక్కటిగా లాక్‌డౌన్‌ దిశగా అడుగులు వేస్తున్నాయి. అందులో భాగంగానే మన దేశంలో కూడా అత్యధిక కొవిడ్‌ 19 పాజిటివ్‌ కేసులు నమోదైన మహారాష్ట్రలో కఠిన ఆంక్షలు విధించారు. దేశవ్యాప్తంగా స్కూల్స్‌ దగ్గర్నుంచి మాల్స్‌ దాకా అన్నీ షట్‌డౌన్‌ చేసేశారు. ఇదిలా ఉంటే ఇప్పుడీ కరోనా వల్ల వర్కింగ్‌ మదర్స్‌కి, హోమ్‌ మేకర్స్‌కి పెద్ద చిక్కొచ్చిపడింది. హాయిగా స్కూల్‌కి వెళ్లే పిల్లలు ఇప్పుడు ఇంటికే పరిమితమవుతున్నారు. అలాగని వారిని అలా ఖాళీగా ఉంచితేనేమో ఇళ్లంతా గోలగోల చేసేస్తారు. ఇక వారి అల్లరిని అదుపు చేయలేక అమ్మలు తలలు పట్టుకుంటున్నారు. అయితే అలాంటి అల్లరి పిల్లల్ని అదుపుచేయడానికి బాలీవుడ్‌ యమ్మీ మమ్మీ శిల్పాశెట్టి ఒక ఉపాయం ఆలోచించింది. దాన్ని తన ఇన్‌స్టా ద్వారా పోస్ట్‌ చేసి అమ్మలందరిలో స్ఫూర్తి నింపుతోంది.

మహిళా ఉద్యోగులు ఎలాంటి ఇబ్బంది లేకుండా హాయిగా పనిచేసుకొనేందుకు.. ఎలాంటి మానసిక ఒత్తిడి లేకుండా వృత్తిగత జీవితాన్ని ఆనందంగా గడిపేందుకు అనువుగా కొన్ని కంపెనీలు పలు సౌకర్యాలను, సౌలభ్యాలను మహిళలకు కల్పించడం పరిపాటే. ప్రస్తుతం అనేక బహుళజాతి సంస్థలతో పాటు పలు దేశీయ సంస్థలు కూడా కార్యాలయాల్లో మహిళలకు అవసరమైన అదనపు వసతులను సమకూర్చడానికి కృషి చేస్తున్నాయి. తద్వారా 'ఫిమేల్ ఫ్రెండ్లీ' ఆఫీసులుగా పేరు తెచ్చుకుంటున్నాయి. ఈ క్రమంలో ఒక ఆఫీసు 'ఫిమేల్ ఫ్రెండ్లీ'గా మారాలంటే ఎలాంటి అంశాలపై దృష్టిపెట్టాలో చెబుతున్నారు కొందరు మానవ వనరుల అభివృద్ధి నిపుణులు. అలాంటి వాటిలో టాప్ టెన్ అంశాలు మీకోసం...

‘బార్బీ బొమ్మ’ ఎలా ఉంటుందని ఎవరైనా అడిగితే.. సన్నజాజి నడుము, అందమైన చిరునవ్వు, ఆకర్షణీయమైన కళ్లు, మెరిసే జుట్టుతో ఉన్న ఫ్యాషనబుల్‌ అమ్మాయిలా అని సమాధానమిస్తాం. అయితే ఇది ఒకప్పటి మాట..! ఇప్పుడు బార్బీ డాల్‌ అంటే కేవలం అందం మాత్రమే కాదు.. ధైర్యం, జ్ఞానం, పోరాట స్ఫూర్తి, సేవా దృక్పథం.. మొదలైన లక్షణాలున్న వనితలంతా బార్బీ బొమ్మలే. అంతేకాదు మనం తెలుపా నలుపా, లావా సన్నమా అన్నది పట్టించుకోకుండా; తమలోని లోపాల గురించి ఆందోళన చెందకుండా.. లక్ష్యసాధనకై ధైర్యంగా ముందుకు సాగుతూ నలుగురికీ ఆదర్శంగా నిలిచే ప్రతి యువతీ అపురూప సౌందర్యవతే.. అని బార్బీ సంస్థ తమ బొమ్మల ద్వారా ప్రపంచానికి చాటే ప్రయత్నం చేస్తోంది. ఈ క్రమంలో కొత్త దశాబ్దం ప్రారంభమైన సందర్భంగా బార్బీ ఫ్యామిలీ నుంచి మరికొన్ని వినూత్న బొమ్మలను విడుదల చేయనున్నట్లు ఈ సంస్థ తాజాగా వెల్లడించింది.

నువ్వు నాకు నచ్చావ్‌ సినిమాలో హీరో వెంకటేష్‌ భోజనానికి ముందు చేసిన ప్రార్థన సన్నివేశాన్ని తెలుగు ప్రేక్షకులెప్పటికీ మర్చిపోరు. ‘దేవుడా.. ఓ మంచి దేవుడా !’ అంటూ మొదలుపెట్టి ప్రపంచంలోని అందరికీ బ్రెడ్డు, బటరు, జామ్‌.. ఇలా ఏదుంటే అదివ్వమని ఆయన పండించిన హాస్యం అందరికీ ఆల్‌టైం ఫేవరెట్‌ సన్నివేశమనే చెప్పాలి. అయితే ఇంత అమాయకంగా నిజజీవితంలో ఎవరైనా ప్రార్థన చేస్తారా ? అంటే... పెద్దవాళ్లెవరూ అలా చేయకపోవచ్చు.. కానీ ముద్దులొలికే పిల్లలు మటుకు తప్పకుండా అలానే ప్రార్థిస్తారని చెప్పాలి. అందుకు ఉదాహరణే ఇప్పుడు మీరు తెలుసుకోబోయే బుడతలు. ఒకరేమో ‘దేవుడా మాకంత శక్తినివ్వు..’ అంటూ స్కూల్‌లో ఓ వైపు ప్రార్థన చదువుతూ.. మరోవైపు ఎంచక్కా చేతిలో ఉన్న లాలీపాప్‌ను లాగించేస్తుంటే... మరొకరు భోజనానికి ముందు అచ్చం వెంకీని గుర్తుకు తెస్తూ ముద్దుముద్దుగా పలికారు. ప్రస్తుతం సామాజిక మాధ్యమాల్లో ఈ చిన్నారుల చిలిపి ప్రార్థనలు వైరల్‌ అవుతుండగా.. వీటిని చూసిన ప్రతి ఒక్కరూ తమ బాల్యాన్ని గుర్తు తెచ్చుకుంటున్నారు. మరి వీరి ప్రార్థనలను మీరూ ఓసారి ఆలకించండి !

ఎన్ని సమస్యలు వచ్చినా నవ్వుతూ ఉండాలని చెప్పడం చాలా తేలిక. చేసి చూపించడం కష్టం. అది కొందరికి మాత్రమే సాధ్యపడుతుంది. వారిలో ప్రముఖంగా చెప్పుకోవాల్సింది మహిళా శిశు సంక్షేమ శాఖా మంత్రి స్మృతి ఇరానీ గురించి. ఇంట్లో నలుగురు బంధువులు వచ్చి కాస్త బాధ్యత పెరిగితేనే ఏదో ఓ సందర్భంలో చికాకు పడతాం. మరి ఇటు భావి పౌరుల బాధ్యతతో పాటు, అటు మహిళా సాధికారతకు బాట వేసే బాధ్యత ఎంత తలనొప్పిగా ఉంటుందో చెప్పండి ! కానీ ఏ సమయంలోనూ చిరాకుకు చోటివ్వరు స్మృతి. అందుకు కొంతమంది బాలికలతో కలిసి ఆమె ఆడిపాడిన ఈ వీడియోనే సాక్షి. ఎంత నలతగా ఉన్నా పెదవులపై చిరునవ్వు పూయించే ఆమె ఇన్‌స్టాగ్రామ్ పోస్ట్‌లే నిదర్శనం. కావాలంటే మీరే చూడండి !