నెలసరి సమయంలో బ్లీడింగ్‌ ఎక్కువగా అవడం వల్ల రక్తహీనత తలెత్తడం మనకు తెలిసిందే. అందుకే ఈ సమస్య నుంచి బయటపడాలంటే ఇనుము అధికంగా లభించే ఆహార పదార్థాలను ఎక్కువగా తీసుకోవాల్సి ఉంటుంది. అది సరే కానీ.. మరి రక్తహీనత ఉన్నప్పుడు కూడా నెలసరి సమయంలో మన శరీరంలో నుంచి ఎక్కువ మొత్తంలో రక్తం బయటికి వెళ్లిపోతుంటుంది.. అలా ఎందుకు జరుగుతుంది? అనే సందేహం మనలో చాలామందికి వచ్చే ఉంటుంది. నెలసరికి, రక్తహీనతకు మధ్య ఉన్న అవినాభావ సంబంధమే అందుకు కారణమంటున్నారు నిపుణులు. మరి, ఇంతకీ ఏంటా సంబంధం? ఐరన్‌ లోపం తలెత్తకుండా, తద్వారా పిరియడ్‌ సమస్యలు రాకుండా ఉండాలంటే ఎలాంటి ఆహారం తీసుకోవాలి? వంటి విషయాల గురించి తెలుసుకోవాలంటే ఇది చదవాల్సిందే!

44 ఏళ్ల కవితకు ఈ మధ్య నెలసరి క్రమం తప్పుతోంది.. దాంతో పాటు విపరీతమైన చెమటలు, నీరసం.. వంటివి ఆమెను వేధిస్తున్నాయి. ఇవి మెనోపాజ్‌ లక్షణాలే అని తెలిసినా దానికింకా సమయం ఉంది కదా అని నిర్లక్ష్యం చేస్తోందామె. సవితకు పదేళ్లు నిండకముందే పిరియడ్స్‌ మొదలయ్యాయి. ఇప్పుడు తనకు 28 ఏళ్లు. అయితే ఇలా చిన్న వయసులోనే రుతుచక్రం మొదలైతే మెనోపాజ్‌ కూడా త్వరగా వస్తుందని ఎవరో చెప్పడంతో తెగ కంగారు పడిపోతోందామె.

హలో డాక్టర్‌. నా వయసు 22. నా సమస్యల్లా రుతుచక్రం గురించే! యూరిన్‌కి వెళ్లినప్పుడల్లా బ్లీడింగ్‌ అవుతుంది తప్ప మిగతా సమయంలో అవ్వట్లేదు. అది కూడా ఎరుపు రంగులో స్టికీగా ఉంటుంది. ఇలా నెలంతా జరుగుతోంది. ఇదేమైనా సమస్యా? దీనికి పరిష్కారమేంటో చెప్పండి. - ఓ సోదరి

సీజన్‌తో సంబంధం లేకుండా దాదాపు సంవత్సరం పొడవునా లభించే.. అత్యంత పోషకభరితమైన ఆహార పదార్థం.. 'వేరుశెనగ'. ఇందులో శరీరానికి కావలసిన పోషకాలు, ఖనిజాలు ఎక్కువ మొత్తంలో లభిస్తాయి. ఇవి తినడం వల్ల దగ్గొస్తుందేమోనని చాలామంది భయపడుతుంటారు. కానీ అది నిజం కాదు. వేరుశెనగ తీసుకోవడం వల్ల శరీరంలోని చెడు కొవ్వు తగ్గి.. మంచి కొవ్వు పెరుగుతుంది. అలాగే శరీర అభివృద్ధిలో కూడా ఇవి తోడ్పడతాయి. మరి వీటివల్ల ఇంకా ఎలాంటి ఆరోగ్య ప్రయోజనాలున్నాయో తెలుసుకుందాం...

అందం, ఆరోగ్యం, ఫిట్‌నెస్‌.. ఈ విషయాల గురించి మనమే ఎంతో ప్రత్యేక శ్రద్ధ వహిస్తున్నామంటే.. ఇక ఎప్పుడూ కెమెరా కంటికి చిక్కే సెలబ్రిటీలు ఇంకెంత శ్రద్ధగా ఉంటారో ప్రత్యేకించి చెప్పాల్సిన పనిలేదు. పైగా కరోనా వచ్చిన దగ్గర్నుంచి ఆరోగ్యం విషయంలో ఏమాత్రం రాజీ పడట్లేదు చాలామంది ప్రముఖులు. ముఖ్యంగా రోగ నిరోధక శక్తిని పెంచుకోవడానికి ఎవరి ప్రయత్నాలు వాళ్లు చేస్తున్నారు. ఈ క్రమంలో వారు పాటించే ఇమ్యూనిటీ టిప్స్‌, ఆరోగ్య రహస్యాలను సోషల్ మీడియా ద్వారా పంచుకుంటూ తమ ఫ్యాన్స్‌లో స్ఫూర్తి నింపుతున్నారు. ప్రముఖ ఫ్యాషనర్‌ మసాబా గుప్తా కూడా తాజాగా అదే పని చేసింది. రోగ నిరోధక శక్తిని పెంపొందించుకోవడానికి తాను తీసుకుంటోన్న ఓ ఇమ్యూనిటీ షాట్‌ రెసిపీని ఇన్‌స్టాగ్రామ్‌ స్టోరీస్‌లో పంచుకుంది.. అంతేనా.. తాను పాటించే రోజువారీ ఆహార నియమాలేంటో కూడా చెప్పుకొచ్చిందీ ఫ్యాషన్‌ డిజైనర్.

నెలసరి దగ్గర్లో ఉందంటే చాలు.. చాలామంది మహిళల్లో ఏదో తెలియని నిరుత్సాహం, నిస్సత్తువ ఆవహిస్తుంటాయి. ఇందుకు కారణం ఆ సమయంలో తలెత్తే అనారోగ్యాలే! ముఖ్యంగా పొత్తి కడుపులో నొప్పి, నడుం నొప్పి, మూడ్‌ స్వింగ్స్.. ఇలాంటివన్నీ నెలనెలా పిరియడ్స్‌ సమయంలో మనం ఎదుర్కొనేవే! అయితే వీటి ప్రభావం అటు వ్యక్తిగతంగా, ఇటు వృత్తిపరంగా తీవ్రంగానే ఉంటుందని చెప్పాలి. అందుకే ఈ నెలసరి నొప్పుల్ని అధిగమించడానికి కొన్ని చిట్కాలు పాటించాలని చెబుతున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. ఇటీవలే ఓ వెబినార్‌లో పాల్గొన్న ఆమె.. నెలసరి నొప్పుల నుంచి ఉపశమనం పొందడానికి తీసుకోవాల్సిన కొన్ని సూపర్‌ ఫుడ్స్‌ గురించి చెప్పుకొచ్చారు. మరి, అవేంటో మనమూ తెలుసుకుందాం రండి..

అండం విడుదలయ్యే సమయంలో వైట్‌ డిశ్చార్జి అవుతుందన్న విషయంలో సంధ్యకు అవగాహన ఉంది. కానీ తనకు ఈ మధ్య తరచూ ఈ సమస్య తలెత్తుతుండడంతో ఎందుకిలా అవుతుందో తెలుసుకోవడానికి గైనకాలజిస్ట్‌ని సంప్రదించింది.

మేడమ్.. నా వయసు 20. నాకు కొన్ని రోజుల నుంచి వెజైనా చుట్టూ దురదగా ఉంటోంది. రోజురోజుకీ సమస్య ఎక్కువవుతోంది. అంతకుముందు నాకు నీళ్లు పడక శరీరమంతా దురదగా ఉండేది. ఇప్పుడు ఆ సమస్య తగ్గిపోయి.. ఈ కొత్త సమస్య మొదలైంది. దీనికి పరిష్కారం చెప్పండి. - ఓ సోదరి

మన శరీరంలో ఉన్న అతి ముఖ్యమైన, సున్నితమైన భాగాల్లో గుండె కూడా ఒకటి. అటువంటి గుండె ఆరోగ్యంగా ఉండటం కోసం ప్రతిఒక్కరూ ముందు నుంచే జాగ్రత్తలు తీసుకొంటూ సంరక్షించుకోవాలి. నేడు 'వరల్డ్ హార్ట్ డే'. ఈ నేపథ్యంలో- గుండెను సంరక్షించుకోవడం కోసం మన ఆహారంలో భాగం చేసుకోవాల్సిన పదార్థాలేంటో మనమూ తెలుసుకుందాం రండి..

మధ్యాహ్న భోజనం తర్వాత కాసేపలా స్నేహితురాలి ఇంటికి వెళ్లొద్దామని బయలుదేరింది కార్తీక. దారి మధ్యలోనే తేన్పులు రావడం మొదలయ్యాయి. భోజనం తర్వాత ఇలా తేన్పులు రావడం సాధారణ విషయమే కదా అని ఆమె అంతగా పట్టించుకోలేదు. కానీ సమయం గడుస్తున్న కొద్దీ ఆ తేన్పులు తగ్గకపోగా, ఇంకా ఎక్కువయ్యాయి. ఇలా ఏ పనీ చేయనీయకుండా, నలుగురిలో ఇబ్బందిపెట్టే తేన్పుల సమస్యకు చెక్ పెట్టాలంటే ఎలాంటి చిట్కాలు పాటించాలో ఓసారి చూద్దామా..

నమస్తే డాక్టర్‌. నాకు పాప పుట్టి ఏడాది దాటింది. సహజ ప్రసవం కోసం ప్రయత్నించినా కాకపోయే సరికి సిజేరియన్‌ చేశారు. అయితే ఆ తర్వాత నాకు కటి వలయంలో నొప్పులు ఎక్కువగా వచ్చాయి. డాక్టర్‌ని సంప్రదిస్తే పరీక్షలు చేసి సమస్య లేదన్నారు. అయినా ఇప్పటికీ నొప్పులు తగ్గట్లేదు. పడుకున్నప్పుడు, పక్కలకు తిరిగినప్పుడు.. ఇలా భంగిమ మార్చినప్పుడల్లా తీవ్రమైన నొప్పి వేధిస్తోంది. అసలు ఎందుకిలా జరుగుతోంది? ఇదేమైనా సమస్యా? చెప్పండి. - ఓ సోదరి

'వాడిని చంపేయాలి.. అస్సలు నేనంటే లెక్కేలేదు..' అని తిట్టుకుంటూ ప్యాకెట్ల మీద ప్యాకెట్లు చిప్స్ ఖాళీ చేసేస్తోంది నా ఫ్రెండ్ మాధవి.. విషయమేంటా అని కనుక్కుంటే తన లవర్‌తో ఓ చిన్న గొడవ. ఆ తర్వాత నేను సర్దిచెప్పడం, తను ఫోను చేసి నార్మల్‌గా మాట్లాడటం జరిగిపోయాయనుకోండి.. కానీ మాధవికున్న ఓ అలవాటు తనని తెగ ఇబ్బంది పెట్టేస్తోంది. ఎవరి మీదైనా కోపంగా ఉన్నప్పుడు లేదా ఒంటరిగా ఫీలైనప్పుడు ఏదోటి తింటూ ఉండటం తనకలవాటు..! మాధవిలాంటి వాళ్లు చాలామందే ఉండొచ్చు.. వీళ్లనే 'ఎమోషనల్ ఈటర్స్' అంటారట.. మూడ్ బాగోలేనప్పుడు ఏదోటి తింటూ ఉండటం వల్ల తొందరగా బరువు పెరిగిపోతారు. ఇలాంటి సందర్భాల్లో తినాలన్న కోరికను అదుపు చేసుకోవాలి. ఒకవేళ అది సాధ్యం కాదనుకున్నప్పుడు జంక్‌ఫుడ్ జోలికి పోకుండా, మన మూడ్ మారడంతో పాటు, ఆరోగ్యానికి ఉపయోగపడే ఆహారాన్ని తీసుకోవాలి.

హలో డాక్టర్‌. నా కూతురు వయసు 38 ఏళ్లు. తను ఇప్పుడు ఏడు నెలల గర్భిణి. పొట్ట కింది భాగంలో నొప్పి వస్తోందంటే డాక్టర్‌కి చూపించాం. అయినా తనకు నొప్పి తగ్గట్లేదు. పడుకొని పక్కలకు తిరిగినప్పుడు చాలా నొప్పిగా ఉందంటోంది. ఇది తనకు మొదటి ప్రెగ్నెన్సీ. తనకు నొప్పి తగ్గాలంటే ఏం చేయాలో సలహా ఇవ్వగలరు. - ఓ సోదరి

అసలే వర్షాకాలం.. ఈ సమయంలో వేడివేడిగా ఏదైనా తినాలని, తాగాలని అనిపించడం సహజం. అందులోనూ కొందరు ఆరోగ్యం విషయంలో కచ్చితంగా ఉంటారు. అలాంటివారు ఎక్కువగా ఆశ్రయించేది సూప్స్‌నే! రుచికి, రుచి.. ఆరోగ్యానికి, ఆరోగ్యం నిండి ఉన్న ఈ సూప్స్‌లో ఎన్నో పోషకాలు నిండి ఉంటాయి. మరి, అవి ఏంటి? వాటినెలా తయారుచేసుకోవచ్చు? వాటివల్ల ఆరోగ్యానికి చేకూరే ప్రయోజనాలేంటి? తెలుసుకుందాం రండి..

'స్వచ్ఛమైన నీటిని మానవాళికి అందించగలిగితే వారికి కలిగే అనారోగ్యాల్లో సగమైనా నివారించవచ్చు' అంటూ ప్రపంచ ఆరోగ్య సంస్థ వెల్లడించింది. అయితే శరీరానికి అవసరమైన నీరు తాగడంలో చాలామంది మహిళలు శ్రద్ధ చూపలేకపోతున్నారు. ఫలితంగా వివిధ సమస్యలకు లోను కావాల్సి వస్తోంది. ఈ క్రమంలో నీరు తాగకపోవడం వల్ల కలిగే సమస్యలు, వాటి పరిష్కారాల గురించి తెలుసుకుందాం.

శ్రీనిత ఈమధ్యే నెల తప్పింది. కరోనా మహమ్మారి విజృంభిస్తుండడంతో భయంభయంగానే రెగ్యులర్‌ చెకప్స్‌కి వెళ్తోంది. అయితే ఇది తనకు తొలుచూరు గర్భం కావడంతో ఎలాంటి ఆహారం తీసుకోవాలో తనకు సరిగ్గా అవగాహన లేదు.. పైగా ఆహారం విషయంలో ఆమెకు కొన్ని సందేహాలు కూడా ఉన్నాయి.

కొందరు మహిళలు ఆరోగ్య సమస్యలేవీ లేనప్పటికీ నీరసంగా, నిస్తేజంగా కనిపిస్తుంటారు. ఇందుకు నిద్ర తగ్గడం కూడా ఓ కారణమే. మరి, ఎంత నిద్రపోయినా సమస్య అలాగే ఉందా? అయితే ఇవి కూడా కారణమేమో ఓసారి చూడండి..

హార్మోన్ల అసమతుల్యత.. ఇది మన శరీరంలో ఎన్నో అనారోగ్యాలకు కారణమవుతుంది. ముఖ్యంగా దీని కారణంగా పీసీఓఎస్‌ (పాలిసిస్టిక్‌ ఓవరీ సిండ్రోమ్‌)తో బాధపడే మహిళల సంఖ్య ఏటా పెరిగిపోతోంది. స్త్రీ ప్రత్యుత్పత్తి వ్యవస్థపై ప్రతికూల ప్రభావం చూపే ఈ సమస్య మనదేశంలో ప్రతి ఐదుగురు మహిళల్లో ఒకరికి ఉందని గణాంకాలు చెబుతున్నాయి. ఇక ప్రపంచంలోనైతే దాదాపు 60-70 శాతం మంది స్త్రీలు దీని బారిన పడి ప్రత్యుత్పత్తి వ్యవస్థలో సమస్యలు ఎదుర్కొంటున్నారని పరిశోధకులు చెబుతున్నారు. అయితే చక్కటి జీవనశైలి, ఆహారపుటలవాట్లను పాటిస్తే పీసీఓఎస్‌ను అదుపులో ఉంచుకోవచ్చని సలహా ఇస్తున్నారు. సెప్టెంబర్‌ మాసాన్ని ‘పీసీఓఎస్‌ అవగాహన మాసం’గా జరుపుకుంటోన్న నేపథ్యంలో ఈ సమస్యతో బాధపడే మహిళలు పాటించాల్సిన కొన్ని ఆహార నియమాలేంటో తెలుసుకుందాం రండి..

జలుబు దగ్గర్నుంచి జ్వరం దాకా, ఒంటి నొప్పుల దగ్గర్నుంచి శరీర అవయవాలను దెబ్బతీయడం దాకా.. మాయదారి మహమ్మారి కరోనా వైరస్‌కు లేని లక్షణమంటూ లేదేమో అన్నట్లుగా తయారయ్యాయి ప్రస్తుత పరిస్థితులు. అసలే ఎటు నుంచి కరోనా ముప్పు ముంచుకొస్తుందో తెలియని అయోమయంలో ఉన్న మనందరికీ ఈ వైరస్‌ గురించి రోజుకో కొత్త విషయం తెలుస్తోంది. ఆ లిస్టులో తాజాగా మరో అంశం చేరిపోయింది. రోగనిరోధక శక్తిని పెంచడంలో విటమిన్‌-డి పాత్ర కీలకమని, అది లోపించిన వారే ఎక్కువగా వైరస్‌ బారిన పడుతున్నట్లు తాజా అధ్యయనంలో భాగంగా వెల్లడించారు పరిశోధకులు. అందుకే ఈ విటమిన్‌ లోపించకుండా జాగ్రత్తపడమని చెప్పకనే చెబుతున్నారు వారు. ఈ నేపథ్యంలో విటమిన్‌-డి లోపం లేకుండా ఉండాలంటే ఎలాంటి జాగ్రత్తలు తీసుకోవాలి? ఏయే ఆహార పదార్థాల్ని మెనూలో చేర్చుకోవాలి? రండి.. తెలుసుకుందాం..!

‘ఏదో ఒకటి కడుపులో పడితే చాలు.. ఈ పూటకి ఆకలి తీరుతుంది..’ ఆహారం విషయంలో చాలామంది భావన ఇదే! కానీ కడుపు నిండడం కంటే.. శరీరానికి కావాల్సిన మోతాదులో పోషకాలు అందాయా? లేదా? అన్నదే ముఖ్యమంటున్నారు నిపుణులు. అప్పుడే సంపూర్ణ ఆరోగ్యాన్ని సొంతం చేసుకోవచ్చని చెబుతున్నారు. ఇలాంటి పోషకాలు పుష్కలంగా లభించే డైట్‌ ట్రెండ్స్‌ బోలెడన్ని ఉన్నాయి. అటు ఆరోగ్యానికైనా, ఇటు బరువు తగ్గడానికైనా చాలామంది వివిధ రకాల డైట్‌ ట్రెండ్స్‌ని పాటిస్తుంటారు. మరి, ‘జాతీయ పోషకాహార మాసం’ సందర్భంగా ఆయా ఆహార పద్ధతుల గురించి, వాటితో చేకూరే ప్రయోజనాల గురించి తెలుసుకుందామా?!

'ఏంటి వసూ చాలా చిరాగ్గా ఉన్నావ్..' 'అవును రీతూ.. గత నాలుగు రోజుల నుంచి అర్ధరాత్రి మెలకువ వస్తుంది. తర్వాత నిద్ర పట్టడం లేదు.. అందుకే ఈ చిరాకు..' ఈ సమస్య కేవలం వసూకే కాదు.. చాలామందికి ఎదురవుతుంటుంది. కొంతమందికి పడుకునేటప్పుడు ఇలా పడుకోగానే అలా నిద్ర పడుతుంటుంది. కానీ మధ్య రాత్రి మెలకువ వచ్చేస్తుంది. ఇక అంతే సంగతులు.. ఎంత ప్రయత్నించినా అస్సలు నిద్ర పట్టదు. గడియారం వైపు చూస్తూ ఉదయం ఎప్పుడవుతుందా అని గంటలూ, నిమిషాలు, సెకన్లతో సహా లెక్కపెడుతుంటారు. దీనివల్ల అటు ప్రశాంతంగా నిద్రపోయినట్లూ ఉండదు.. ఇటు మెలకువతో ఉన్నట్లూ ఉండదు.. సరిగ్గా నిద్రలేక చిరాకు ఆవహిస్తుంది. ఫలితంగా తెల్లారాక ఏ పనీ సరిగా చేయలేం. మరి ఈ సమస్య నుంచి విముక్తి పొందాలంటే ఏం చేయాలో చూద్దాం...

గర్భం ధరించిన తర్వాత మహిళల శరీరంలో ఎలాంటి మార్పులు చోటుచేసుకుంటాయో.. అలాగే ప్రసవానంతరం కూడా శారీరకంగా కొన్ని మార్పులు రావడం సహజం. అయితే తొలిసారి బిడ్డకు జన్మనిచ్చిన వారిలో చాలామంది ఇలాంటి మార్పులు జరగడం వల్ల కంగారు పడుతుంటారు. కానీ ప్రసవం తర్వాత జుట్టు రాలిపోవడం, కాళ్లలో వాపు, స్థనాల్లో పెరుగుదల.. వంటి పలు శారీరక మార్పులు సహజమేనని, అందుకు పెద్దగా కంగారు పడాల్సిన అవసరం లేదంటున్నారు ఆరోగ్య నిపుణులు. ఇవన్నీ కొన్ని రోజుల వరకు కొనసాగి, ఆ తర్వాత పరిస్థితి సాధారణమవుతుందంటున్నారు వారు. మరి బిడ్డకు జన్మనిచ్చిన తర్వాత తల్లి శరీరంలో జరిగే ఆ మార్పులేంటో మనం కూడా తెలుసుకుందాం రండి...

వాతావరణంలో జరిగే మార్పుల వల్ల దగ్గు, జలుబు వంటి పలు ఆరోగ్య సమస్యలు రావడం సహజం. వీటితో పాటు గొంతు గరగర కూడా మనల్ని ఎక్కువగా ఇబ్బంది పెడుతూ ఉంటుంది. కొన్ని సందర్భాల్లో దీనితో పాటు కళ్లు, ముక్కు.. వంటి భాగాల్లో దురదగా ఉంటుంది. ఇవన్నీ సీజనల్ ఎలర్జీల లక్షణాలే.. ఈ గొంతు గరగరను, ఎలర్జీలను ఎదుర్కోవడానికి కొన్ని రకాల ఆహార పదార్థాలు బాగా సహకరిస్తాయి. అవేంటో తెలుసుకుందాం రండి..