చికెన్‌, మటన్‌, చేపలు.. వీటి పేర్లు చెబుతుంటూనే మాంసాహార వంటకాలు గుర్తొచ్చి నోరూరిపోతుంది కదూ! మరి, నాన్‌వెజ్‌ వంటకాలంటే ఇష్టపడని వారు ఎవరుంటారు చెప్పండి. అయితే కొందరు మూగ జీవాల పట్ల ప్రేమ, ప్రకృతి పరిరక్షణలో భాగంగా తమ ఆహారపుటలవాట్లను మార్చుకుంటారు. మాంసాహారం పూర్తిగా మానేసి శాకాహారాన్ని తమ జీవనవిధానంలో ఓ భాగం చేసుకుంటారు. కొందరు బాలీవుడ్‌ ముద్దుగుమ్మలూ ఇందుకు అతీతం కాదు. ఆ లిస్టులో తాజాగా చేరిపోయింది బాలీవుడ్‌ ఫిట్టెస్ట్‌ బ్యూటీ శిల్పా శెట్టి. ఆరోగ్యం, ఫిట్‌నెస్‌పై మక్కువ చూపే ఈ అందాల తార.. ఇప్పుడు పూర్తి వెజిటేరియన్‌గా మారిపోయింది. దీన్ని ఓ మైలురాయిగా అభివర్ణిస్తూ.. అసాధ్యమనుకున్న దాన్ని సుసాధ్యం చేశానని, ఎన్నో ఏళ్ల కల సాకారమైందంటూ ఇన్‌స్టాలో ఓ సుదీర్ఘమైన పోస్ట్‌ పెట్టింది. అంతేకాదు.. శాకాహారాన్ని తన సంపూర్ణ ఆహారంగా మలచుకున్న ఈ యమ్మీ మమ్మీ.. దాని వల్ల కలిగే ఆరోగ్య ప్రయోజనాలను కూడా ఆ పోస్ట్‌లో భాగంగా వివరించింది.

రోజులు గడుస్తున్నా, కాలాలు మారుతున్నా ఇప్పుడు అందరి దృష్టి కరోనా పైనే ఉంది. ఎందుకంటే ఎటు నుంచి ఈ మహమ్మారి ముంచుకొస్తుందో తెలియని భయంతోనే అందరూ బిక్కుబిక్కుమంటూ గడుపుతున్నారు. ఇక మరోవైపు వృత్తిఉద్యోగాల రీత్యా బయటికి వెళ్లాల్సి వచ్చినా తగిన జాగ్రత్తలు తీసుకుంటూనే తమ తమ పనులను కొనసాగిస్తున్నారు చాలామంది. అయితే ఈ వర్షాకాలంలో వాతావరణంలో ఉండే తేమ కారణంగా బ్యాక్టీరియా, వైరస్‌, ఇతర ఇన్ఫెక్షన్లు త్వరగా విస్తరించే ప్రమాదం ఉంది. ఫలితంగా జలుబు, దగ్గు, జ్వరం.. వంటివి మరింత వేగంగా ఒకరి నుంచి మరొకరికి అంటుకుంటాయి. అసలే కరోనాతో సతమతమవుతున్న ఈ రోజుల్లో మనం అప్పుడో ఇప్పుడో తుమ్మినా, దగ్గినా అది కరోనానేమో అని భయపడిపోతున్నాం. మరి, ఇలాంటి గడ్డు కాలంలో ఎలాంటి ఫ్లూ లక్షణాలు మన దరిచేరకుండా ఆరోగ్యంగా ఉండాలంటే కొన్ని నియమాలు పాటించాలంటున్నారు ఆరోగ్య నిపుణులు. మరి, అవేంటో తెలుసుకొని మనమూ పాటించేద్దామా?

‘గెలుపు పొందే వరకూ అలుపు లేదు మనకు’ అన్నాడో సినీ కవి. ‘కొవిడ్‌ సోకినా నెగెటివ్‌ వచ్చేంత వరకూ మనో నిబ్బరాన్ని కోల్పోకు..’ అంటోంది బాలీవుడ్‌ బుల్లితెర బ్యూటీ మోహెనా కుమారి సింగ్‌. తనతో పాటు తన ఏడుగురు కుటుంబ సభ్యులు కరోనా బారిన పడి కోలుకొని ఇంటికి చేరుకున్నా.. ఆమెకు మాత్రం పదే పదే పాజిటివ్‌ రావడంతో కాస్త టెన్షన్‌ పడ్డానంటోందామె. అయినా గుండె ధైర్యంతో నెల రోజుల తర్వాత కరోనా నుంచి పూర్తిగా కోలుకొని తాజాగా ఇంటికి చేరుకుంది మోహెనా. ఈ క్రమంలో తనకు వైద్య సేవలందించిన డాక్టర్లు, నర్సులు, ఇతర వైద్య సిబ్బందికి కృతజ్ఞతలు చెబుతూ ఇన్‌స్టాలో ఓ పోస్ట్‌ పెట్టిందీ బ్యూటిఫుల్‌ బేబ్‌. అంతేనా.. కొవిడ్‌ నుంచి కోలుకునే క్రమంలో తాను పాటించిన జాగ్రత్తలు, తీసుకున్న ఆహార పదార్థాలు.. వంటివన్నీ మరో పోస్ట్‌లో పంచుకుంటూ తన ఫ్యాన్స్‌లో ధైర్యం నింపిందీ అందాల తార. ఇలా మోహెన పెట్టిన ఈ రెండు ఇన్‌స్టా పోస్టులు ప్రస్తుతం సోషల్‌ మీడియాలో వైరల్‌గా మారాయి.

హలో డాక్టర్‌. నాకు పుట్టుకతోనే కుడి మూత్రపిండం, కుడివైపు అండాశయం లేవు. పిరియడ్స్‌ కూడా ఇర్రెగ్యులర్‌గా వస్తుంటాయి. డాక్టర్‌ని సంప్రదిస్తే హార్మోన్ల అసమతుల్యత ఉందని చెప్పారు. పదేళ్ల నుంచి మందులు వాడుతున్నాను.. కానీ ఎలాంటి ప్రయోజనం లేదు. నేను తల్లిని కాగలనా? దయచేసి చెప్పండి. - ఓ సోదరి

'గోరింట పూసింది కొమ్మ లేకుండా.. మురిపాల అరచేత మొగ్గ తొడిగింది..' అన్న చందంగా మహిళల చేతుల్లో గోరింటాకు విరబూస్తుంది. ఆషాఢమాసం వచ్చిందంటే చాలు.. అతివల చేతులు, కాళ్లు గోరింటాకుతో నిండిపోయి, పండిపోతాయి. ఈ మాసంలో చాలామంది తమ చేతులకు, పాదాలకు గోరింటాకు పెట్టుకోవడం అనేది తరతరాలుగా వస్తున్న సంప్రదాయం. ఆషాడంలో వచ్చే వాతావరణ మార్పుల ప్రభావం శరీరంపై పడకుండా ఉండి.. ఎలాంటి చర్మ వ్యాధులు రాకుండా చేసేందుకు గోరింటాకు ఎంతగానో ఉపకరిస్తుంది. కేవలం ఆషాఢంలోనే కాదు.. పెళ్లిళ్లు, పండగలు.. వంటిి ప్రత్యేక సందర్భాల్లో కూడా ముందుగా గుర్తొచ్చేది గోరింటాకే. ఇలా చేతులు, పాదాలను రకరకాల డిజైన్లతో పండించుకుని, మురిసిపోవడం మనకెంతో ఇష్టం కదూ.. మరి ఇంతలా మన మనసు దోచుకుంటున్న గోరింటాకు వల్ల ఆరోగ్యపరంగా ఎలాంటి ప్రయోజనాలున్నాయో ఓ లుక్కేద్దామా??

కరోనా వైరస్‌ కారణంగా ప్రజల జీవనశైలి పూర్తిగా మారిపోయింది. నోటికి మాస్కులు పెట్టుకోవడం, ఎప్పుడూ లేని విధంగా తరచూ చేతులు శుభ్రపరచుకోవడం.. వంటివన్నీ మన జీవితంలో ఓ భాగమయ్యాయి. ఈ క్రమంలోనే శానిటైజర్ల వినియోగం కూడా విపరీతంగా పెరిగిపోయింది. అయితే వీటివల్ల చేతులకు అంటుకున్న క్రిములు, బ్యాక్టీరియా, వైరస్‌లు తొలగిపోవడం.. వంటి ప్రయోజనాలతో పాటు కొన్ని నష్టాలు కూడా ఉన్నాయంటున్నారు ఆరోగ్య నిపుణులు. మరి, అవేంటో మనమూ తెలుసుకొని జాగ్రత్తపడదాం రండి..

బయట చల్లచల్లగా చిటపట చినుకులు పడుతుంటే.. వేడివేడిగా ఏవైనా స్నాక్స్ లాగిస్తూ.. ఆ వాతావరణాన్ని ఎంజాయ్ చేయాలని ఎవరికి మాత్రం అనిపించదు చెప్పండి. అయితే చిరుజల్లులను ఎంజాయ్ చేసే సమయంలో తీసుకోదగిన ఆరోగ్యకరమైన స్నాక్స్ గురించి తెలుసుకుందాం రండి..

వర్షాకాలంలో జలుబు, దగ్గు, ఫ్లూ, జ్వరం.. వంటి వివిధ అనారోగ్యాలు చుట్టుముట్టడం సహజం. మరి, వీటికి దూరంగా ఉండాలంటే ఈ కాలంలో కొన్ని జాగ్రత్తలు పాటించడం తప్పనిసరి. అవేంటో చూసేద్దామా..!!

హలో డాక్టర్‌. నా వయసు 23. నాకు పెళ్లై మూడేళ్లవుతోంది. నాకు పీసీఓఎస్‌ సమస్య ఉంది. ప్రస్తుతం దానికి చికిత్స తీసుకుంటున్నా. మందులు వాడితేనే నెలసరి వస్తుంది. ఇలా అయితే పిల్లలు పుడతారో లేదోనని భయంగా ఉంది. దయచేసి సలహా ఇవ్వండి.

హలో మేడం. నా వయసు 21. ఇంకా పెళ్లి కాలేదు. నాకు ఇర్రెగ్యులర్‌ పిరియడ్స్‌ సమస్య ఉంది. ఇప్పటికి పిరియడ్‌ వచ్చి మూడు నెలలవుతోంది. నాకు క్రమం తప్పకుండా నెలసరి రావాలంటే ఏం చేయాలి?

మొత్తం మీద రుతుపవనాల రాకతో కాస్త చినుకులు పడుతున్నాయి. ఎండ వేడి నుంచి విముక్తి లభిస్తోంది. మండే ఎండలతో పాటు నోరూరించే మామిడి పళ్లు కూడా మరికొద్ది రోజుల్లో కనిపించడం తగ్గిపోతుంది. అయితే ఇదంతా ఎందుకు చెబుతున్నారు అనుకుంటున్నారా.. అమెరికాలోని పరిశోధకులు మామిడి పండ్లపై ఓ అధ్యయనం నిర్వహించారు. మామిడి పండ్లు జీర్ణశక్తిని పెంచుతాయని ఈ పరిశోధనలో తేలింది.

హాయ్‌ డాక్టర్‌. నా వయసు 26. నాకు డెలివరీ అయి 20 నెలలవుతోంది. డెలివరీ అయిన ఐదు నెలలకే పిరియడ్స్‌ మొదలయ్యాయి. అయితే ఈ మధ్య నాకు పిరియడ్స్‌ 45 రోజులకు, 59 రోజులకు.. ఇలా ఇర్రెగ్యులర్‌గా వస్తున్నాయి. దీనికి కారణం ఏమిటి? దయచేసి చెప్పండి.

కరోనా లక్షణాలు కనిపించిన బాధితులు ఇళ్లలోనే చికిత్స తీసుకునేందుకు ప్రభుత్వం మార్గదర్శకాలు జారీ చేసింది. ఆసుపత్రిలో చేరాల్సిన అవసరం లేకుండా 17 రోజుల పాటు ఇంట్లోనే ఉంటూ వైద్యుల సూచనలు, జాగ్రత్తలతో వైరస్‌ నుంచి బయటపడవచ్చని తెలిపింది. లక్షణాలు తీవ్రమైతే వైద్యుని సలహా తీసుకోవాలని.. చిన్నపిల్లలు, వృద్ధులు, ఇతర జబ్బులతో బాధపడుతున్న వారికి దూరంగా ఉండాలని సూచించింది. అలాగే పోషకాహారంలో తీసుకోవాల్సిన జాగ్రత్తలను వివరించింది. కరోనా ఉన్నట్లు అనుమానించినా, నిర్ధారించినా ఆందోళన చెందవద్దని, వైద్యుల సూచనలు పాటించాలంది. అత్యవసరమైతే టోల్‌ఫ్రీ నంబరు 18005994455ను సంప్రదించాలని కోరింది.

వేసవిలో చల్లదనం కోసం సబ్జాగింజలు వేసిన ఫలూదాను హాయిగా తాగేస్తుంటాం. చల్లదనమే కాదు.. సబ్జాగింజల వల్ల ఇంకా ఎన్నో ప్రయోజనాలున్నాయి.

పావని ఏడు నెలల గర్భిణి. ప్రెగ్నెన్సీకి ముందు నుంచే తనకు మధుమేహం ఉంది. డాక్టర్‌ సలహా మేరకు ఇన్సులిన్‌ తీసుకుంటూ షుగర్‌ లెవెల్స్‌ని అదుపులో ఉంచుకుంటోంది. అయితే కరోనా కారణంగా తను ఈసారి షుగర్‌ చెకప్‌కు వెళ్లలేకపోయింది. ఇంట్లోనే చెక్‌ చేసుకుందామంటే గ్లూకోమీటర్‌ అందుబాటులో లేకపోవడంతో కాస్త టెన్షన్‌ పడుతోంది.

చిన్నపనికే అలసట. నాలుగు మెట్లు ఎక్కి దిగితే కండరాల నొప్పులు. జుట్టు రాలిపోవడం, చర్మం నిగారింపు తగ్గిపోవడం.... అంతెందుకు తరచూ జలుబు, జ్వరం, ఇతరత్రా అనారోగ్యాలు.. ఇబ్బంది పెడుతున్నాయా.? అయితే.. మీ ఒంట్లో విటమిన్‌ డి తగ్గిందేమో గమనించుకోండి. అసలెందుకు ఇది లోపిస్తుంది? దీన్నెలా భర్తీ చేసుకోవాలి వంటివన్నీ తెలుసుకోవాలంటే ఇది చదివేయాల్సిందే..

హాయ్‌ డాక్టర్‌. నాకు పీసీఓఎస్‌, అధిక బరువు సమస్యలున్నాయి. మేం రెండో బేబీ కోసం ప్లాన్‌ చేసుకోవాలనుకుంటున్నాం. నేను గర్భం ధరించాలంటే ఏయే రోజుల్లో కలయికలో పాల్గొనాలి? (బర్త్‌ క్యాలిక్యులేటర్‌ని ఎలా కౌంట్‌ చేయాలి?)? సలహా ఇవ్వండి.

మనకేం కావాలో.. మనకంటే బాగా ప్రకృతికే తెలుసంటారు..! అందుకే మన శరీరానికి ఏ కాలంలో ఏ పదార్థాలైతే మేలు చేస్తాయో వాటిని ప్రకృతి మనకు అందిస్తుంటుంది. ఈ క్రమంలో వేసవిలో లభించే రకరకాల పండ్లు కూడా మనకెంతో మేలు చేస్తాయి. వాతావరణంలోని అధిక ఉష్ణోగ్రతలకు శరీరం కోల్పోయిన నీటిని తిరిగి అందించడం, జీర్ణ సంబంధిత సమస్యల్ని దూరం చేయడం.. ఇలా పలు రకాలుగా ఇవి మన ఆరోగ్యానికి మేలు చేస్తాయి. ఈ నేపథ్యంలో వేసవిలో లభించే పండ్లు.. వాటి వల్ల కలిగే ఆరోగ్య ప్రయోజనాల గురించి తెలుసుకుందాం..!

'ఆకాశం తన రెక్కలతో నను కప్పుతు ఉంటే..' అంటూ హుషారుగా తిరిగే అమ్మాయిలు సైతం నెలసరి రాగానే దిగులుగా, నీరసంగా అయిపోతారు. కానీ కొందరు మాత్రం ఎప్పటిలానే ఆడుతూపాడుతూ తిరిగేస్తూ ఉంటారు. ఒక రకంగా చెప్పాలంటే నెలసరి అనేది అందరమ్మాయిలకీ ఎదురయ్యే సహజమైన సమస్యే. అయితే దానిని ఎదుర్కొనే తీరులోనే తేడాలు ఉంటాయి. ఈ క్రమంలో నెలసరి సమయంలో ఎలాంటి జాగ్రత్తలు తీసుకుంటే హుషారుగా ఆడుతూపాడుతూ ఉండచ్చో ఓసారి మనం కూడా తెలుసుకుందాం రండి.. సాధారణంగా నెలసరి సమయంలో ఎక్కువమంది సతమతమయ్యేది అధిక రక్తస్రావం, కడుపునొప్పి సమస్యలతోనే. సరైన పోషకాహారం తీసుకుంటూ మన చుట్టూ ఉండే వాతావరణాన్ని పరిశుభ్రంగా, ఆరోగ్యదాయకంగా ఉండేలా చూసుకుంటే వీటి నుంచి బయటపడచ్చు. ఒకవేళ సమస్య మరీ తీవ్రమైతే వెంటనే వైద్యులను సంప్రదించడం తప్పనిసరి. ఇవన్నీ చేసినా వ్యక్తిగతంగా మనం కూడా కొన్ని జాగ్రత్తలు పాటిస్తేనే ఎప్పటిలా తాజాగా, హుషారుగా ఉండటానికి వీలవుతుంది.

హలో మేడం. పుట్టిన పిల్లల్లో జన్యుపరమైన లోపాలుండడానికి గల కారణాలేంటి? అసలు అవి ఎలా వస్తాయో తెలుసుకునే మార్గాలుంటే చెప్పగలరు. - ఓ సోదరి

నమస్తే డాక్టర్‌. నా వయసు 32. నాకు పది నెలల బాబున్నాడు. కలయిక సమయంలో నాకు నొప్పిగా, మంటగా అనిపిస్తోంది. దీనికి పరిష్కారమేంటి? - ఓ సోదరి

మనసు నిర్మలంగా ఉంటేనే మనిషి ఆరోగ్యంగా, ప్రశాంతంగా ఉంటాడు. మంచైనా, చెడైనా అది మనసుపైనే ఆధారపడి ఉంటుంది. మనసులోని ఆలోచనలు సక్రమంగా లేకుంటే మనిషి మనుగడే కష్టమవుతుంది. అందుకే మనిషి ఆరోగ్యంగా ఉండాలంటే మానసిక ఆరోగ్యం తప్పనిసరి అని చెబుతారు సైకాలజిస్టులు. కానీ నేటి యాంత్రిక జీవనంతో స్కూలుకెళ్లే పిల్లల నుంచి పండు ముదుసలి దాకా అందరూ డిప్రెషన్ బారిన పడుతున్నారు. సమాజంలో ఉన్నత స్థాయిలో ఉన్న సెలబ్రిటీలు సైతం ఈ సమస్యతో తీవ్ర ఇబ్బందులు ఎదుర్కొంటున్నారు. ఈ క్రమంలో 'మానసిక అవగాహన వారోత్సవం’ సందర్భంగా ఒత్తిడి, మానసిక ఆందోళన నుంచి బయటపడిన కొందరు ప్రముఖుల గురించి తెలుసుకుందాం. !

రెండు నెలల తర్వాత ఆఫీస్‌లో అడుగుపెట్టింది ఇందు. ఎప్పుడూ ఉల్లాసంగా ఉండే ఆమె.. ఇప్పుడెందుకో బెంగగా కనిపించింది. తన రాకను చూసి కళ్లింత చేసుకుని దగ్గరికి వస్తున్న మంజును చూసి.. కలవరపడింది. ఆఫీసుకు వచ్చాక హైఫై కొట్టాక గానీ.. పంచ్‌ చేసే వాళ్లు కాదు ఇద్దరు. తను ఎక్కడొచ్చి తాకుతుందో... అనుకుని చకచకా తన క్యాబిన్‌లోకి వెళ్లిపోయిందామె. మంజు చిన్నబుచ్చుకుంది. ఇందు ఆలోచనలు ఎక్కడికో వెళ్లిపోయాయి...

కూరలో కరివేపాకులా అని తేలిగ్గా తీసిపారేస్తాం కానీ... దానిలోని పోషకాల గురించి తెలిస్తే పొరపాటున కూడా ఆ మాట అనం.... కరివేపాకుని కృష్ణనింబా లేదా తీపి వేప అనికూడా అంటారు. దీంట్లో కొవ్వు ఉండదు, పీచు ఉంటుంది. వ్యాధినిరోధక శక్తిని పెంచే విటమిన్‌ ఎ, బి, సిలతోపాటూ క్యాల్షియం అధికంగా ఉంటుంది. నువ్వులతో సమానమైన క్యాల్షియం కరివేపాకు నుంచి అందుతుంది.

శరీరంలో పేరుకున్న మలినాలను తొలగించుకుంటే ఎన్నో ప్రయోజనాలుంటాయి. బరువు అదుపులో ఉంటుంది.. రోగనిరోధక శక్తి పెరుగుతుంది. ముఖం కొత్త నిగారింపుని సంతరించుకుంటుంది. ఈ పానీయాలు అదనపు పోషకాలనీ అందిస్తాయి...

ఎప్పుడూ ఇల్లు, పిల్లలు గురించి ఆలోచించే ఆమెకు ఆరోగ్యపరంగా ఎన్నో సమస్యలు! ఒత్తిళ్లు, ఊబకాయం లాంటివన్నీ అధిక రక్తపోటుకు దారితీస్తాయి. గర్భిణుల్లో ఈ సమస్య ఎక్కువగా కనిపిస్తుంటుంది. దీన్ని ఆధిగమించడానికి ఎలాంటి జాగ్రత్తలు తీసుకోవాలంటే..

ఉద్యోగాలు, చదువులు అంటూ... ఇంటి భోజనానికి దూరమైన ఎందరినో ఇప్పుడు అమ్మవండే కమ్మని ఇంటి వంట హాయిగా పలకరిస్తోంది. ‘దొరకునా ఇటువంటి భోజనం...’ అంటూ మనం కూడా కాస్త ఎక్కువే లాగించేస్తున్నాం. ఈ క్రమంలో వంట వండేటప్పుడు వాడే నూనెల విషయంలో తగిన జాగ్రత్తలు తీసుకుంటే పొట్ట, మనసు రెండూ తేలిగ్గా ఉంటాయి...

దివిజకు ఇటీవలే వివాహమైంది. ఏడాది వరకూ పిల్లలు వద్దనుకొని పలు గర్భ నిరోధక పద్ధతులు పాటిస్తున్నారా దంపతులు. అయితే ఈ కొవిడ్‌-19 సమయంలో గర్భ నిరోధక సాధనాలు అందుబాటులో లేకపోవడం వల్ల అవాంఛిత గర్భం దాల్చిందామె. ఈ విషయాన్ని ఆలస్యంగా గుర్తించిన దివిజ.. తన సొంత వైద్యంతో పీకల మీదకు తెచ్చుకుంది.

ఒంట్లో కాస్త నలతగా అనిపిస్తే చాలు.. మెడికల్‌ షాప్‌ నుంచి ఏదో ఒక ట్యాబ్లెట్‌ తెచ్చుకోవడం, వేసేసుకోవడం చేస్తుంటామే తప్ప.. ఆ అనారోగ్యాన్ని తగ్గించగలిగే ఔషధాలు మన వంటింట్లోనే ఉన్నాయన్న విషయం మాత్రం ఆలోచించం. అంతేకాదు.. ఏ వ్యాధులూ సోకకుండా మన శరీరానికి రక్షణ కవచంలా పనిచేసే రోగనిరోధక వ్యవస్థను పటిష్ట పరిచే సహజసిద్ధమైన ఔషధాలకు మన వంటిల్లు నిలయం. అలాంటి పదార్థాల్లో కొన్ని మసాలా దినుసులు కూడా ఉన్నాయంటోంది ప్రముఖ సెలబ్రిటీ పోషకాహార నిపుణురాలు పూజా మఖిజ. వంటింట్లో లభించే వివిధ రకాల మసాలాల్లో దాగున్న పోషక విలువలను వివరిస్తూ ఇటీవలే ఇన్‌స్టాలో ఓ వీడియోను పోస్ట్‌ చేసింది పూజ.

కాఫీ, టీలు లేకపోతే కొందరికి రోజు గడవదు. తలనొప్పిగా ఉన్నా, ఒత్తిడి నుంచి రిలాక్స్ కావాలన్నా ముందుగా ఆశ్రయించేది వీటినే. ప్రత్యేకించి తేనీరు విషయానికొస్తే దీనివల్ల ఆరోగ్యానికి కొన్ని ప్రయోజనాలూ చేకూరతాయని వివిధ అధ్యయనాల్లో వెల్లడైంది. అందులోనూ కొన్ని మూలికలతో తయారుచేసిన తేనీరు ఎన్నో రకాల సమస్యలకు పరిష్కారం చూపిస్తుంది. అందుకే చాలామంది సాధారణ టీతో పాటు అల్లం టీ, గ్రీన్ టీ, బ్లాక్ టీ.. అంటూ వివిధ రకాల టీలు తాగుతుంటారు. అయితే లవంగంతో తయారుచేసిన తేనీరు మీరెప్పుడైనా తాగారా? ఇది కూడా ఆరోగ్యానికి ఎంతో మేలు చేస్తుందని చెబుతున్నారు నిపుణులు.