scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నాకు పాజిటివ్‌ వచ్చిందని అందుకే అమ్మకు చెప్పలేదు!'

'కరోనా.. ప్రస్తుతం అందరికీ అదో మృత్యుపాశంలా కనిపిస్తోంది. వ్యక్తిగత పరిశుభ్రత పాటిస్తూ తగిన జాగ్రత్తలు తీసుకుంటే కరోనా సోకదని, రోగనిరోధక శక్తి అధికంగా ఉన్న వారు ఈ వైరస్‌ నుంచి సులభంగా బయటపడచ్చని ఎంతమంది నిపుణులు ఎన్ని రకాలుగా చెబుతున్నా, ఈ మహమ్మారిని జయించిన వారే నొక్కివక్కాణిస్తున్నా.. మన మనసులో ఏదో ఓ మూల భయం, ఆందోళన నెలకొన్నాయి. ఈ క్రమంలో కాస్త అనారోగ్యంగా అనిపించినా కరోనా నిర్ధారిత పరీక్షలు చేయించుకోవడానికి సైతం జంకుతున్నారు చాలామంది. కానీ మనం అలా చేయడం వల్ల మనతో పాటు మన చుట్టూ ఉన్న వారిని సైతం ప్రమాదంలో పడేసిన వారమవుతామని అంటోంది ఓ నర్సు. పరీక్షలో పాజిటివ్‌ వస్తే చనిపోతామన్న భయమే మనల్ని నిలువునా చంపేస్తుందని, మానసిక ధైర్యమే కరోనాను జయించడానికి మన వద్ద ఉన్న ప్రధాన ఆయుధమని చెబుతోంది. ఆ సానుకూల దృక్పథంతోనే కరోనాపై విజయం సాధించి తిరిగి విధుల్లో చేరిన ఈ నర్సు అంతరంగమేంటో తెలుసుకుందాం రండి..'

Know More

Movie Masala

 
category logo

చబ్బీ అలియా స్లిమ్‌గా ఎలా మారిందో తెలుసా?

More Inspiring Fat to Fit Journey of Alia Bhatt

weightloss1.jpg

నచ్చిన కెరీర్‌ని ఎంచుకొని అందులో సక్సెస్‌ సాధించడానికి ఎంతటి కష్టాన్నైనా ఇష్టంగా మార్చుకునే వారు మనలో ఎందరో! ఈ జాబితాలో తాను కూడా ఉన్నానంటోంది బాలీవుడ్‌ యంగ్‌ అండ్‌ డైనమిక్‌ హీరోయిన్‌ అందాల అలియా భట్‌. సినీ నేపథ్యమున్న కుటుంబంలో పుట్టిపెరిగిన ఈ బాలీవుడ్‌ అందం.. తానూ నటిగా కెరీర్‌ను ప్రారంభించాలని ఉవ్విళ్లూరింది. అయితే అది తను అనుకున్నంత సులభం కాలేదు. సినీ వారసురాలే అయినా ఆ సమయంలో తనను తాను నిరూపించుకోవడానికి తన అధిక బరువే అడ్డుగోడగా నిలిచింది. అలాగని అక్కడితో రాజీ పడలేదామె. ఎలాగైనా సరే.. బబ్లీ గర్ల్‌గా ఉన్న తాను స్లిమ్‌ గర్ల్‌గా మారి సినిమాల్లోకి అడుగుపెట్టాలనుకుంది. అందుకోసం తనకెంతో ఇష్టమైన ఆహార పదార్థాల్ని వదులుకోవడమే కాదు.. జిమ్‌లోనూ కఠినమైన కసరత్తులు చేసింది. దానికి ఫలితమే నటించిన తొలి చిత్రం ‘స్టూడెంట్‌ ఆఫ్‌ ది ఇయర్‌’ తన కెరీర్‌లోనే బిగ్‌ హిట్‌గా నిలవడం! చేసే పనిపై నిబద్ధత, పట్టుదల ఉంటే అందుకోసం ఎంతటి కష్టమైనా భరించేందుకు మనం ఆటోమేటిక్‌గా సిద్ధపడతాం.. అంటోంది అల్లూ బేబీ. మరి, కెరీర్‌ ప్రారంభించడానికి ముందు ఎంతో చబ్బీగా ఉండే అలియా.. తన తొలి సినిమా ఛాన్స్‌ కోసం ఎంతగా కష్టపడి బరువు తగ్గింది? ఈ క్రమంలో తాను పాటించిన డైట్‌, ఫిట్‌నెస్‌ సీక్రెట్స్‌.. వంటి విషయాలన్నీ తన ‘ఫ్యాట్‌ టు ఫిట్‌’ స్టోరీలో భాగంగా మనతో పంచుకోవడానికి ఇలా మన ముందుకొచ్చింది.

fittofatalia650-1.jpg

హాయ్‌ మై డియర్‌ డేరింగ్‌ అండ్‌ డ్యాషింగ్‌ ఉమెన్‌.. నేను మీ ‘బద్రీనాథ్‌ కీ దుల్హనియా’ని.. అదేనండీ.. మీ అలియాని! మీరంతా ఎలా ఉన్నారు? నేనైతే సూపర్బ్‌గా ఉన్నా. ప్రస్తుతం బాలీవుడ్‌లో సక్సెస్‌ఫుల్‌గా దూసుకెళ్తున్నా.. అయినా తెలుగు సినిమాలో నటించాలని.. మిమ్మల్నందరినీ పలకరించాలని నాకు ఎప్పటినుంచో ఆశగా ఉంది. అది ‘ఆర్‌ఆర్‌ఆర్‌ (వర్కింగ్‌ టైటిల్‌)’తో నెరవేరబోతోంది. చాలామంది నా తొలి సినిమా ‘స్టూడెంట్‌ ఆఫ్‌ ది ఇయర్‌’ అనుకుంటారు. హీరోయిన్‌గా నన్ను పరిచయం చేసిన మొదటి సినిమా అదే అయినా 1999లో విడుదలైన ‘సంఘర్ష్‌’తోనే బాలనటిగా మీ అందరికీ చేరువయ్యా. అవునా.. అందులో ఉంది అలియానా అంటూ ఇప్పుడు మీరంతా ఆ సినిమాను మరోసారి గుర్తుతెచ్చుకుంటున్నారని నాకర్థమైంది.

fittofatalia650-7.jpg

మాట్లాడినంత సులభం కాదది!

అమ్మానాన్నలిద్దరూ సినిమా ఇండస్ట్రీలో మేటి డైరెక్టర్లుగా, నిర్మాతలుగా పేరుగాంచారు. ఇక అక్క పూజా భట్‌ బాలీవుడ్‌లో సక్సెస్‌ఫుల్‌ హీరోయిన్‌గా నిరూపించుకున్నారు. ఈ క్రమంలో ఓ సినీ వారసురాలిగా బాలీవుడ్‌లోకి ప్రవేశించడం మీకు చాలా సులభమై ఉంటుంది..’ నా సినీ ఎంట్రీ గురించి చాలామంది ఇలా అనుకునే ఉంటారు. కానీ ఎవరైనా సరే.. సినీ నేపథ్యం ఉన్న కుటుంబం నుంచి వచ్చినప్పటికీ ఈ రంగంలోకి ప్రవేశించడం, ఇక్కడ తమను తాము నిరూపించుకోవడం మాటల్లో చెప్పుకున్నంత సులభమైన విషయం కాదు. ఇది నేను హీరోయిన్‌గా కెరీర్‌ ప్రారంభించాలనుకున్నప్పుడు నాకు అవగతమైంది. ఎందుకంటే నేను సినిమాల్లోకి రావాలనుకున్నప్పుడు ఇప్పుడున్న బరువు కంటే మూడు రెట్లు ఎక్కువ బరువుండేదాన్ని. ఆ సమయంలోనే ‘స్టూడెంట్‌ ఆఫ్‌ ది ఇయర్‌’ సినిమా కోసం ఆడిషన్స్‌కి వెళ్లాను. దాదాపు 500 మంది అమ్మాయిలు ఆ ఆడిషన్‌లో పాల్గొన్నారు. వారిలో నుంచి టాప్‌-10 ఎంపికచేయగా అందులో నేనున్నాను. దాంతో ఈ సినిమా దర్శకులు కరణ్‌ జోహర్‌ నేను బరువు తగ్గాలని చెప్పారు. ఎందుకంటే ఆ సినిమాలో నాది చాలా యాక్టివ్‌గా ఉండే కాలేజీ అమ్మాయి పాత్ర. అందుకు తగినట్లుగా బరువు తగ్గి నాజూగ్గా మారాలని, పాత్రకు తగిన న్యాయం చేయాలని అప్పుడే అనుకున్నా. ఎలాగైతేనే.. సినీ రంగంలోకి హీరోయిన్‌గా అడుగుపెట్టాలన్న నా కల ఫలించబోతున్న సంతోషంతో ఎలాగైనా బరువు తగ్గి స్లిమ్‌గా మారాలని గట్టిగా నిర్ణయించుకున్నా. అలా నా ఫ్యాట్‌ టు ఫిట్‌ జర్నీ మొదలైంది.

fittofatalia650-5.jpg

మూడు నెలల కష్టానికి ఫలితం!

బరువైతే తగ్గాలనుకున్నా.. కానీ ఈ క్రమంలో మన ఆహారపుటలవాట్లలో మార్పులు చేర్పులు చేసుకోవాలి. కఠినమైన వ్యాయామాలు చేయాలి. కాస్త కష్టంగానే అనిపించినా వాటిని ఇష్టంగానే స్వీకరించా. నాకు చిన్నప్పటి నుంచి కేక్‌లంటే ప్రాణం. బరువు తగ్గే క్రమంలో వాటికి స్వస్తి పలికా. కేవలం ఇదే కాదు.. నాకు నచ్చిన చాలా పదార్థాల్ని వదులుకున్నా.. ఈ క్రమంలో ఆరోగ్యకరమైన ఆహార శైలిని పాటించడం ప్రారంభించా. నా డైట్‌ రొటీన్‌ను 8 భాగాలుగా విభజించుకున్నా. ఎందుకంటే ఒకేసారి ఎక్కువ తినడం కంటే ఎక్కువ సార్లు తక్కువ తినడం వల్ల ఆకలేయదు. ఇతర పదార్థాలు తినాలన్న కోరిక కూడా కలగదు. తద్వారా ప్రాసెస్డ్‌ ఫుడ్‌, నూనె సంబంధిత పదార్థాలపైకి మనసు మళ్లదు. అలాగే ఇలా కొంచెం కొంచెం తినడం వల్ల జీర్ణవ్యవస్థ పనితీరు కూడా మెరుగవుతుంది. బరువు తగ్గే క్రమంలో ఫుడ్‌ విషయంలో చేసుకున్న మార్పులకు ఫలితం మూడు నెలల్లో కనిపించింది. నేను ఇప్పుడున్న బరువుకు మూడు రెట్లు ఎక్కువ బరువున్న నేను.. స్ట్రిక్ట్‌ డైట్‌ రొటీన్‌తో మూడు నెలల్లో దాదాపు 16 కిలోలు తగ్గి స్లిమ్‌గా తయారయ్యా.

ఒక రోజు.. 8 మీల్స్‌!

fittofatalia650-12.jpg

మూడు నెలల్లో 16 కిలోలు తగ్గానంటే అందులో నేను పాటించిన డైట్‌ రొటీన్‌ పాత్ర ఎంతో కీలకం అని చెప్పుకోవాలిఈ క్రమంలో ప్రముఖ సెలబ్రిటీ న్యూట్రిషనిస్ట్‌ రుజుతా దివేకర్‌ సూచించిన ఆహార నియమాలు పాటించాఈ క్రమంలోనే నా డైట్‌ మెనూను భాగాలు చేసుకున్న నేను.. డీటాక్స్‌ వాటర్‌తో నా రోజును ప్రారంభించేదాన్నిఅఫ్‌కోర్స్‌.. ఇప్పటికీ నేను ఇదే రొటీన్‌ని ఫాలో అవుతున్నా కూడా!

ఉదయం లేవగానే గ్లాసు గోరువెచ్చటి నీటిలో నిమ్మరసం పిండుకొని తీసుకుంటాతద్వారా శరీరంలోని మలినాలువ్యర్థాలు సులభంగా బయటికి వెళ్లిపోయేందుకు ఈ వాటర్‌ ఎంతగానో దోహదం చేస్తుంది.

ఇక బ్రేక్‌ఫాస్ట్‌ కోసం.. చక్కెర వేయకుండా తయారు చేసిన కప్పు టీ లేదా కాఫీకాయగూరలతో తయారుచేసిన పోహా లేదా ఎగ్‌వైట్‌ శాండ్‌విచ్‌ తీసుకుంటా.

ఆ తర్వాత రెండు గంటలకు గ్లాస్‌ వెజిటబుల్‌ జ్యూస్‌ఏదైనా పండుఒక ఇడ్లీ బౌల్‌ సాంబార్‌లో ముంచుకొని లాగించేస్తా.

ఒక రోటీ కాయగూరలతో చేసిన కర్రీఒక ఇడ్లీ బౌల్‌ సాంబార్‌ఒక పండు.. మధ్యాహ్నం నేను తినే భోజనమిదే.

fittofatalia650-3.jpg

ఇక సాయంత్రం సమయంలో కప్పు చక్కెర లేని టీ లేదా కాఫీ తాగుతా.

ఆపై రెండు గంటలకు ఏదైనా పండు లేదా ఒక ఇడ్లీ తీసుకుంటా.

ఇక రాత్రి భోజనంలో భాగంగా ఒక రోటీ లేదా ఒక బౌల్‌ రైస్‌ని కాయగూరలతో చేసిన కర్రీ లేదా పప్పుతో కలిపి తీసుకుంటాఅప్పుడప్పుడూ గ్రిల్డ్‌ చికెన్‌ బ్రెస్ట్‌ తీసుకుంటా.

శక్తి కోసం మధ్యమధ్యలో నట్స్‌డ్రైఫ్రూట్స్‌.. వంటివి ఉండనే ఉన్నాయి.

నా శరీరాన్ని ఎప్పుడూ హైడ్రేటెడ్‌గా ఉంచుకోవడానికి నీళ్లుకొబ్బరినీళ్లునిమ్మరసంచక్కెర వేయకుండా తయారుచేసిన పండ్ల రసాలు.. తప్పకుండా తీసుకుంటాఅలాగే వ్యాయామం తర్వాత కూడా ఈ పానీయాల్ని తాగుతుంటాతద్వారా శరీరానికి తక్షణ శక్తి అందుతుంది.

fittofatalia650-10.jpg

నా డైట్‌లో ఛీట్‌ మీల్‌కు కూడా స్థానముందివారానికో రోజు నాకు నచ్చిన పదార్థాల్ని మనసారా ఆస్వాదిస్తూ.. వాటివల్ల నా శరీరంలో చేరిన అదనపు క్యాలరీలను ఎక్సర్‌సైజ్‌ ద్వారా కరిగిస్తూ నా ఫిట్‌నెస్‌ను కొనసాగిస్తున్నా.

ఆన్‌ జిమ్‌ ఆఫ్‌ జిమ్‌!

fittofatalia650-2.jpg

సినిమాల్లో ప్రవేశించే క్రమంలో బరువు తగ్గడానికి వ్యాయామాన్ని ఒక అస్త్రంగా మార్చుకున్న నేను.. ఇప్పటికీ చక్కటి ఫిట్‌నెస్‌ రొటీన్‌ను కొనసాగిస్తున్నాఈ క్రమంలో ప్రముఖ ఫిట్‌నెస్‌ ఎక్స్‌పర్ట్‌ యాస్మిన్‌ కరాచీవాలా సూచించిన వ్యాయామాల్ని చేస్తూ ఫిట్‌గా మారానుఈ క్రమంలో కార్డియోకిక్‌బాక్సింగ్‌బరువులెత్తడంపుషప్స్‌క్రంచెస్‌స్క్వాట్స్‌పిలాట్స్‌డంబెల్‌ ఎక్సర్‌సైజెస్‌.. వంటి కఠినమైన జిమ్‌ ఎక్సర్‌సైజ్‌లతో పాటు రోజూ ఉదయాన్నే జాగింగ్‌నడక.. వంటివీ నా వర్కవుట్‌ రొటీన్‌లో భాగమేఅంతేకాదు.. నా శరీరాన్ని మరింత ఫ్లెక్సిబుల్‌గాయాక్టివ్‌గా ఉంచుకోవడానికి.. మానసికంగా దృఢంగా ఉండడానికి కథక్‌ డ్యాన్స్‌వివిధ యోగాసనాలను సాధన చేస్తుంటాఇలాంటి స్ట్రిక్ట్‌ ఫిట్‌నెస్‌ రొటీన్‌ను ఫాలో అవుతోన్న నేను.. వాటిని ఫొటోలువీడియోల రూపంలో బంధించి మీకోసం సోషల్‌ మీడియాలోనూ పోస్ట్‌ చేస్తుంటానా వల్ల మరికొందరు స్ఫూర్తి పొందుతున్నారంటే అది నాకు ఆనందమే కదా మరి! 

View this post on Instagram

One my favs and one of the hardest exercises on the Cadillac here's #teasertuesday @yasminkarachiwala #yasminsbodyimage

A post shared by Alia ☀️ (@aliaabhatt) on

అప్పుడంతా నన్ను చూసి ఆశ్చర్యపోయారు!

fittofatalia650-11.jpg

ఏదేమైనా ఇలాంటి డైట్‌ఫిట్‌నెస్‌ రొటీన్‌తో మూడు నెలల్లోనే 16 కిలోలు తగ్గి ఓ మ్యాగజీన్‌ ఫొటోషూట్‌లో కూడా పాల్గొన్నాఆ ఫొటోలు చూసిన ప్రతి ఒక్కరూ ‘వావ్‌.. అలియా ఇంత స్లిమ్మీ బ్యూటీగా తయారైందా?’ అంటూ ఆశ్చర్యపోయారుఇంకొందరైతే నన్ను గుర్తుపట్టలేకపోయారు కూడాఅలా స్లిమ్మీ గర్ల్‌గా ఇండస్ట్రీలో అడుగుపెట్టిన నేను నాటి నుంచి నేటి వరకూ అవే డైట్‌ఫిట్‌నెస్‌ నియమాలు పాటిస్తూ ఫిట్‌నెస్‌ను మెయింటెయిన్‌ చేస్తున్నానేనే కాదు.. ఎవరైనా సరే బరువు తగ్గాలని తమ మనసులో బలంగా నిర్ణయించుకుంటే అది ఎంత కష్టమైన ఇష్టంగా మార్చుకొని అనుకున్న ఫలితాన్ని సాధిస్తారుఅయితే ఈ క్రమంలో మీ సొంత ప్రయత్నాలు కాకుండా.. మీ శరీరతత్వంఆరోగ్యాన్ని బట్టి నిపుణులు సూచించిన సలహాలుసూచనలు పాటిస్తే మరింత మంచి ఫలితం ఉంటుందిఇలా మీరు బరువు తగ్గుతూ.. ఆ చిట్కాల్ని అందరితో పంచుకోవడం వల్ల మరికొంతమందికి స్ఫూర్తిగా నిలిచిన వారవుతారుసరేనా.. ఉంటాను మరి.. త్వరలోనే ‘ఆర్‌ఆర్‌ఆర్‌ (వర్కింగ్‌ టైటిల్‌)’తో మిమ్మల్ని పలకరిస్తాబై బై!!

గమనిక: ‘దేశముదురు’తో టాలీవుడ్‌లోకి అడుగుపెట్టి ‘కంత్రి’, ‘మస్కా’, ‘కందిరీగ’, ‘పవర్‌’.. వంటి సినిమాలతో సక్సెస్‌ను మూటగట్టుకున్న ముంబయి మిల్కీ బ్యూటీ హన్సిక మోత్వానీ వెయిట్‌ లాస్‌ సీక్రెట్సేంటో తెలుసుకోవాలంటే ‘ఫ్యాట్‌ టు ఫిట్‌’ శీర్షికలో డిసెంబర్‌ 19న ప్రచురితమయ్యే ప్రత్యేక వ్యాసం చదవండి.





women icon@teamvasundhara
weight-gain-during-menstruation-in-telugu

ఆ సమయంలో బరువు పెరుగుతున్నారా??

అలసట, నీరసం, తలనొప్పి, నడుంనొప్పి, ఒత్తిడి, మూడ్ స్వింగ్స్.. ఇలా నెలసరి సమయంలో మహిళలకు ఎదురయ్యే సమస్యలెన్నో ఉంటాయి. అయితే ఈ సమయంలో బరువు పెరగడం కూడా వీటికి మినహాయింపేమీ కాదంటున్నారు నిపుణులు. నెలసరి వ్యవధిలో చాలామంది మహిళలు దాదాపు కిలో నుంచి నాలుగున్నర కిలోల వరకు బరువు పెరుగుతారట! ఇందుకు కొన్ని కారణాలు కూడా ఉన్నాయంటున్నారు వారు. అయితే ఇది అంత పెద్ద సమస్యేమీ కాకపోయినప్పటికీ.. నెలసరి సమయంలో చురుగ్గా ఉండడం వల్ల అప్పుడు ఎదురయ్యే అలసట నుంచి బయటపడడంతో పాటు బరువును కూడా అదుపులో ఉంచుకోవచ్చని చెబుతున్నారు నిపుణులు. మరి, రుతుక్రమ సమయంలో బరువు పెరగడానికి కారణాలేంటో మనం కూడా తెలుసుకుందాం రండి..

Know More

women icon@teamvasundhara
malaika-arora-shares-her-immunity-boosting-drink-recipe-through-an-instagram-video

ఇదే నా ఇమ్యూనిటీ డ్రింక్‌.. మీరూ ట్రై చేయండి!

కరోనా వచ్చిన దగ్గర్నుంచి అందరికీ వ్యక్తిగత పరిశుభ్రత, ఆరోగ్యంపై ఎక్కడ లేని శ్రద్ధ పెరిగిపోతోంది. ఈ మహమ్మారి బారిన పడకూడదని ప్రతి ఒక్కరూ రోగనిరోధక శక్తిని పెంచుకునే పనిలో పడ్డారు. ఎంత బిజీగా ఉన్నప్పటికీ ఉదయాన్నే ఏదో ఒక ఇమ్యూనిటీ డ్రింక్‌ తీసుకోనిదే బయట అడుగు పెట్టట్లేదు. మన ముద్దుగుమ్మలు సైతం తాము తీసుకునే ఇమ్యూనిటీ షాట్స్‌ గురించి సోషల్‌ మీడియా వేదికగా పంచుకుంటూ అందరిలో ఆరోగ్యం పట్ల స్పృహను మరింత రెట్టింపు చేస్తున్నారు. ఆ జాబితాలో తానూ ఉన్నానంటూ తాజాగా మన ముందుకొచ్చేసింది బాలీవుడ్‌ అందాల తార మలైకా అరోరా. వయసు పైబడుతున్నా వన్నె తరగని అందానికి, ఫిట్‌నెస్‌కు చిరునామాగా నిలుస్తోన్న ఈ ఫిట్టెస్ట్‌ బ్యూటీ.. తన ఆరోగ్య, ఫిట్‌నెస్‌ రహస్యాలను, తాను చేసే వ్యాయామాలకు సంబంధించిన వీడియోలను ఎప్పటికప్పుడు సోషల్‌ మీడియాలో పోస్ట్ చేస్తుంటుంది. ఈ క్రమంలోనే తాను ఉదయాన్నే తీసుకునే ఇమ్యూనిటీ డ్రింక్‌ గురించి వివరిస్తూ ఇన్‌స్టాలో తాజాగా ఓ వీడియో పోస్ట్‌ చేసిందీ యమ్మీ మమ్మీ.

Know More

women icon@teamvasundhara
bhagyashree-shares-her-fitness-journey-with-fans-through-throwback-video

ఇప్పటికీ సమయం మించిపోయింది లేదు.. మీరూ మొదలుపెట్టండి!

శారీరకంగా, మానసికంగా దృఢంగా ఉండడానికి ప్రస్తుతం చాలామంది ఎంచుకుంటోన్న ఆప్షన్‌ వ్యాయామం. అందుకు తాము ఎంత బిజీగా ఉన్నా ఎక్సర్‌సైజ్‌ కోసం రోజూ కొంత సమయం కేటాయిస్తున్నారు చాలామంది. నటీనటులూ ఇందుకు అతీతం కాదు. సినిమాల్లో తమ పాత్రల కోసమే కాకుండా సంపూర్ణ ఆరోగ్యానికి, దృఢత్వానికి ఫిట్‌నెస్‌ను తమ రొటీన్‌లో భాగం చేసుకునే ముద్దుగుమ్మలు ఎంతోమంది ఉన్నారు. వారిలో అలనాటి అందాల తార భాగ్యశ్రీ కూడా ఒకరు. ‘మైనే ప్యార్‌ కియా’ సినిమాతో బాలీవుడ్‌లోకి అడుగుపెట్టి తొలి చిత్రంతోనే ఉత్తమ నటిగా ఫిలింఫేర్‌ అవార్డు అందుకున్న ఈ ముద్దుగుమ్మ.. పలు హిట్‌ చిత్రాల్లో నటించి మెప్పించింది. తన సినీ కెరీర్‌లో మధ్యమధ్యలో కాస్త విరామం తీసుకుంటూ తిరిగి వెండితెరపై మెరుస్తోన్న ఈ అందాల తార.. ఈ మధ్య సోషల్‌ మీడియాలోనూ బిజీగా మారిపోయింది. ఈ క్రమంలోనే తన ఫిట్‌నెస్‌, కుకింగ్‌ వీడియోలను తన ఫ్యాన్స్‌తో పంచుకుంటోంది. అలా తాజాగా తన ఫిట్‌నెస్‌ జర్నీకి సంబంధించిన వీడియోను పంచుకుంటూ.. దానికి జతగా ఆమె పెట్టిన క్యాప్షన్‌ ప్రస్తుతం సోషల్‌ మీడియాలో వైరలవుతోంది.

Know More

women icon@teamvasundhara
most-common-yoga-mistakes-and-solutions-in-telugu

యోగాలో ఈ పొరపాట్లు దొర్లకుండా..!

మానసిక ఒత్తిడి, టెన్షన్ల నుంచి తక్షణమే విముక్తి లభిస్తే బాగుండు.. అనిపిస్తోందా? అధిక పనితో అలసిపోయిన శరీరాన్ని శక్తిమంతం చేసుకోవాలనుకుంటున్నారా? ఇవన్నీ ఒకేసారి సాధ్యమైతే.. అంతకంటే ఆనందమేముంటుంది చెప్పండి.. అటు శారీరకంగా, ఇటు మానసికంగా సంపూర్ణ దృఢత్వాన్ని సాధించవచ్చు. ఇందుకు సహకరించే ప్రక్రియే 'యోగా'. అయితే ఈ యోగాసనాల వల్ల పూర్తి ఫలితం పొందాలంటే.. చేసే క్రమంలో ఎలాంటి పొరపాట్లు దొర్లకుండా జాగ్రత్తపడాలి. కానీ కొంతమంది మాత్రం అవగాహన లోపంతో యోగా చేసేటప్పుడు కొన్ని చిన్న చిన్న తప్పులు చేస్తుంటారు. ఫలితంగా యోగా చేసిన ఫలం దక్కకుండా పోతుంది. మరి ఆ పొరపాట్లేంటో ముందే తెలుసుకుని, తగిన జాగ్రత్తలు తీసుకుంటే పూర్తి ఫిట్‌నెస్‌ను సొంతం చేసుకోవచ్చు.

Know More

women icon@teamvasundhara
ankita-konwar-shares-easy-exercises-that-you-can-do-at-home

సింపుల్‌గా ఇలా ఇంట్లోనే వర్కవుట్స్‌ చేసేద్దాం..!

వ్యాయామం అనగానే జిమ్‌, అందులో చేసే కఠినమైన వ్యాయామాలే మన కళ్ల ముందు కదలాడతాయి. కానీ వాటి అవసరం లేకుండా ఇంట్లోనే సులభమైన వర్కవుట్స్‌ చేస్తూ మన ఫిట్‌నెస్‌ లక్ష్యాన్ని చేరుకోవచ్చని ఇదివరకే చాలామంది ముద్దుగుమ్మలు నిరూపించారు. అంతేనా.. వారు చేసే ఆ వర్కవుట్‌ వీడియోలను, ఫొటోలను ఎప్పటికప్పుడు సోషల్‌ మీడియాలో పంచుకుంటూ తమ అభిమానులకు ఫిట్‌నెస్‌ పాఠాలు నేర్పుతుంటారు కూడా! అలాంటి ఫిట్టెస్ట్‌ బ్యూటీస్‌ జాబితాలో ఫిట్‌నెస్‌ గురూ, బాలీవుడ్‌ హీరో మిలింద్‌ సోమన్‌ భార్య అంకితా కొన్వర్‌ తప్పకుండా ఉంటుంది. తాను చేసిన వర్కవుట్స్‌కి సంబంధించిన వీడియోలు, ఫొటోలను ఎప్పటికప్పుడు సోషల్‌ మీడియాలో షేర్‌ చేసే ఈ ముద్దుగుమ్మ.. ఇటీవల మరో వీడియోను పోస్ట్‌ చేసింది. ఇందులో భాగంగా ఇంట్లోనే ఈజీగా చేసే కొన్ని వర్కవుట్లను తాను చేస్తూనే.. తన ఫ్యాన్స్‌కి నేర్పుతోందీ ఫిట్టెస్ట్‌ బేబ్‌. మరి, అంకిత చేసిన ఆ వర్కవుట్లేంటో తెలుసుకొని, ఈ లాక్‌డౌన్‌ సమయంలో ఇంట్లోనే ఫిట్‌గా మారిపోదాం రండి..

Know More

women icon@teamvasundhara
rujuta-diwekar-explains-2-minute-workouts-through-her-instagram-video

రెండు నిమిషాలు ఇలా చేస్తే ఫిట్‌నెస్‌ మీ సొంతం !

సాధారణంగా వర్కవుట్‌ చేయడానికి రోజూ కనీసం అరగంట సమయమైనా వెచ్చించాలి.. అప్పుడే చక్కటి ఫిట్‌నెస్‌ను మన సొంతం చేసుకోవచ్చనేది చాలామంది భావన. అయితే ఇటు ఇంటి పనులు, అటు ఆఫీస్‌ హడావిడితో మహిళలకు ఆ కాస్త సమయం కూడా దొరకదు. దాంతో వ్యాయామాలకు బ్రేక్‌ ఇచ్చేస్తుంటారు. కానీ మీ చేతిలో రెండంటే రెండే నిమిషాల సమయముంటే చాలు.. సింపుల్‌ వర్కవుట్స్‌తో చక్కటి ఫిట్‌నెస్‌ను మీ సొంతం చేసుకోవచ్చంటున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. ఆరోగ్యకరమైన ఆహార నియమాలతో పాటు, వర్కవుట్లకు సంబంధించి తరచూ సోషల్‌ మీడియాలో పోస్టులు పెడుతూ హెల్దీ లైఫ్‌స్టైల్‌ని అందరికీ చేరువ చేసే రుజుత.. రెండు నిమిషాల్లో చేయగలిగే వ్యాయామాల గురించి ఇటీవల ఇన్‌స్టాలో ఓ పోస్ట్‌ పెట్టారు. ఇంట్లో ఉన్నా ఆఫీస్‌లో ఉన్నా ఈ సింపుల్‌ వ్యాయామాల కోసం కేవలం రెండు నిమిషాలు కేటాయిస్తే ఫిట్‌గా మారిపోవచ్చంటున్నారీ ఫిట్టెస్ట్‌ లేడీ. మరి, ఆ విశేషాలేంటో తెలుసుకుందాం రండి..

Know More

women icon@teamvasundhara
bhumi-pednekar-inspiring-weight-loss-journey

బరువు తగ్గాలంటే అదొక్కటే దారి!

బొద్దుగా ఉండాలని ఎవరికీ ఉండదు.. అలా ఉండడం మన తప్పు కూడా కాదు.. కానీ చాలామంది లావుగా ఉన్న వారిని చూసి తమ సూటిపోటి మాటలతో వారిని బాధపెడుతుంటారు. ఇలా ఎదుటివారు అనే మాటలతో తమని తామే నిందించుకోవడం, తమ శరీరాన్ని తామే అసహ్యించుకోవడం.. వంటివి చేస్తుంటారు. కానీ అలా చేస్తే ఎప్పటికీ బరువు తగ్గలేమని చెబుతోంది బాలీవుడ్‌ అందాల తార భూమి పడ్నేకర్‌. ఎలా ఉన్నా తమను తాము అంగీకరించుకోవడం, తమ శరీరాన్ని తాము ప్రేమించుకున్నప్పుడే ఫిట్‌గా, ఆరోగ్యంగా మారచ్చని అంటోందీ బాలీవుడ్‌ బేబ్‌. ‘దమ్‌ లగా కే హైసా’ చిత్రంలో బొద్దుగుమ్మగా బాలీవుడ్‌లోకి ఎంట్రీ ఇచ్చిన ఈ చిన్నది.. ఆ సినిమాలో తన పాత్ర కోసం ఏకంగా 12 కిలోలు పెరిగింది. ఆపై ఆరు నెలల్లోనే 32 కిలోలు తగ్గి మల్లెతీగలా మారిపోయింది. తాను బరువు పెరిగినా, తన శరీరాకృతి గురించి విమర్శలొచ్చినా తన శరీరాన్ని తాను ప్రేమించుకోవడం, తనను తాను అంగీకరించుకోవడం వల్లే తిరిగి బరువు తగ్గగలిగానని, ఏ వెయిట్‌ లాస్‌ జర్నీకైనా ఇవే కీలకం అంటూ ఇటీవలే ఓ ఇంటర్వ్యూలో భాగంగా చెప్పుకొచ్చింది భూమి. ఈ నేపథ్యంలో బొద్దుగుమ్మగా తన కెరీర్‌ను ప్రారంభించి ముద్దుగుమ్మగా అభిమానుల మనసుల్లో చెరగని ముద్రవేసిన ఈ అందాల తార ఫిట్‌నెస్‌ రహస్యాలేంటో ఆమె మాటల్లోనే తెలుసుకుందాం రండి..

Know More

women icon@teamvasundhara
health-benefits-of-cinnamon-in-telugu

అవును.. ఇది బరువు తగ్గిస్తుంది!

అధిక బరువు.. ప్రస్తుతం చాలామంది ఎదుర్కొంటున్న సమస్యల్లో ఇదీ ఒకటి. దీనివల్ల రక్తపోటు, టైప్-2 డయాబెటిస్, గుండె సంబంధ వ్యాధులు.. మొదలైన వాటి బారిన పడే అవకాశం కూడా ఉంటుంది. కాబట్టి శరీర బరువును ఎంత త్వరగా తగ్గించుకుంటే అంత మంచిది. ఇందుకోసం బయట అందుబాటులో ఉండే చికిత్సలు ఫాలో అవుతూ ఉంటారు చాలామంది. అయితే ఇవి ఆరోగ్యానికి అంత మంచివి కావు. పైగా వీటివల్ల బరువు తగ్గడం అటుంచి.. లేనిపోని దుష్ప్రభావాలు ఎదురయ్యే అవకాశాలే ఎక్కువగా ఉంటాయి. కాబట్టి శరీర బరువును తగ్గించుకోవడానికి సహజసిద్ధమైన మార్గాలను అన్వేషించడం మంచిది. అందుకు మన వంటింట్లోని కొన్ని ఆహార పదార్థాలు ఉపయోగపడతాయి. వాటిలో అతి ముఖ్యమైంది 'దాల్చినచెక్క'. మరి, ఇది శరీర బరువును తగ్గించడంలో ఏ విధంగా ఉపయోగపడుతుందో మనమూ తెలుసుకుందామా..

Know More

women icon@teamvasundhara
kriti-sanon-opens-up-on-weight-loss-during-the-lockdown

15 కిలోలు పెరిగా.. లాక్‌డౌన్‌లో ఇలా తగ్గా !

సాధారణంగా అధిక బరువున్న వాళ్లు తగ్గడానికి నానా ప్రయత్నాలూ చేస్తుంటారు.. అంతేతప్ప కావాలని ఎవరూ బరువు పెరగడానికి సాహసించరు. కానీ కొందరు నటీమణులు మాత్రం తమ పాత్రలకు అనుగుణంగా తమ రూపాన్ని మార్చుకోవడం, బరువు పెరగడం-తగ్గడం వంటివి చేస్తుంటారు. తద్వారా తాము నటించే సినిమాలకు, అందులోని తమ పాత్రలకు పూర్తి న్యాయం చేస్తుంటారు. అలాంటి అందాల తారల్లో బాలీవుడ్‌ ముద్దుగుమ్మ కృతీ సనన్‌ ఒకరు. ‘ఆవ్‌ తుఝో మోగ్‌కొర్తా’ అంటూ ప్రిన్స్‌ మహేష్‌ సరసన ఆడిపాడి తెలుగు వారికి దగ్గరైన ఈ చిన్నది.. పలు బాలీవుడ్‌ సినిమాలతో సక్సెస్‌ఫుల్‌ హీరోయిన్‌గా పేరుతెచ్చుకుంది. ప్రస్తుతం ‘మిమి’ అనే బాలీవుడ్‌ చిత్రంలో నటిస్తోన్న కృతి.. అందులో సరొగేట్‌ మదర్‌గా కనిపించనుంది. ఆ పాత్ర కోసం ఏకంగా 15 కిలోలు పెరిగిన ఈ ముద్దుగుమ్మ.. ఈ లాక్‌డౌన్‌ సమయంలో పెరిగిన బరువు తగ్గించుకొని తిరిగి నాజూగ్గా మారిపోయింది. అయితే ఇదంతా తన డైటీషియన్‌ జాన్వీ కనకియా సంఘ్వీ వల్లే సాధ్యమైందని తాజాగా చెప్పుకొచ్చింది కృతి. ఈ క్రమంలోనే జాన్వితో దిగిన ఫొటోను ఇన్‌స్టా స్టోరీలో పంచుకుంటూ ఆమెకు ధన్యవాదాలు తెలిపిందీ సుందరి. మరి, తాను ఫిట్‌గా ఉండడానికి, బరువు తగ్గడానికి కృతి ఎలాంటి డైట్‌, ఫిట్‌నెస్‌ టిప్స్‌ పాటిస్తుందో తన మాటల్లోనే తెలుసుకుందాం రండి..

Know More

women icon@teamvasundhara
these-morning-habits-that-can-stop-you-from-losing-weight

ఉదయాన్నే ఇలా చేస్తున్నారా..? అయితే బరువు తగ్గడం కష్టమే !

బరువు తగ్గి నాజూగ్గా మారాలని ఎవరికి ఉండదు చెప్పండి. దానికోసమే నానా ప్రయత్నాలూ చేస్తుంటారు చాలామంది. తీసుకునే ఆహారం, చేసే వ్యాయామం విషయాల్లో పకడ్బందీగా ప్రణాళిక వేసుకుంటారు. అయితే అన్నీ ప్లాన్‌ ప్రకారమే ఫాలో అవుతున్నప్పటికీ కొందరు ఎంతకీ బరువు తగ్గరు. ఇందుకు కారణమేంటో అర్థం కాక తలలు పట్టుకుంటుంటారు. అయితే మన అధిక బరువును తగ్గించుకునే విషయంలో ఎన్ని ప్రయత్నాలు చేసినప్పటికీ మనకుండే కొన్ని అలవాట్లు మనకు తెలియకుండానే బరువు తగ్గే విషయంలో ప్రతికూల ప్రభావం చూపుతాయంటున్నారు నిపుణులు. ముఖ్యంగా మనం ఉదయాన్నే చేసే కొన్ని పొరపాట్ల వల్ల బరువు తగ్గకపోగా, అవి మన ఆరోగ్యానికి కూడా కీడు చేస్తాయంటున్నారు వారు. ఇంతకీ బరువు తగ్గాలన్న మన ఆశయాన్ని ఆవిరి చేసే ఆ ఉదయపు అలవాట్లు, ఇతర పొరపాట్లేంటో తెలుసుకుందాం రండి..

Know More

women icon@teamvasundhara
sara-ali-khan-weight-loss-journey-is-inspiring-to-us

women icon@teamvasundhara
fitness-trainer-radhika-karle-shared-water-bottle-exercise-to-reduce-shoulder-pain

ఈ ఈజీ వ్యాయామంతో ఆ నొప్పులు పరార్‌ !

బాలీవుడ్‌ తారలు ఎంత ఫిట్‌గా ఉంటారో మనం చూస్తూనే ఉంటాం.. వారి ఫిట్‌నెస్‌ సీక్రెట్స్‌ తెలుసుకోవాలని ప్రతి ఒక్కరూ ఆరాటపడుతుంటారు. అందుకు కారణం వారు క్రమం తప్పకుండా చేసే వ్యాయామాలే అని చెప్పచ్చు. ఆ ఘనతంతా వారిదే అనుకుంటే పొరపాటే.. వారితో వ్యాయామాలు చేయించే ఫిట్‌నెస్‌ గురువులకు ఇందులో అధిక భాగం దక్కుతుందనడంలో సందేహం లేదు. ఎప్పుడూ తారలతో బిజీగా ఉండే ఫిట్‌నెస్‌ ట్రైనర్లు.. లాక్‌డౌన్‌ కారణంగా వారు కూడా ఇంటికే పరిమితమై.. ఇంటి నుండే వ్యాయామ పాఠాలు బోధిస్తున్నారు. ఈక్రమంలో వ్యాయామాలు చేయడానికి ప్రత్యేక పరికరాలు అవసరం లేదంటోంది సెలబ్రిటీ వ్యాయామ శిక్షకురాలు రాధిక కర్లే. ఇంట్లో ఉన్న వాటర్‌బాటిల్స్‌ని ఉపయోగించి ఎంత ఈజీగా వ్యాయామం చేయచ్చో చేసి చూపింది. అవెలా చేయాలో చూసి తెలుసుకుందాం రండి..

Know More

women icon@teamvasundhara
shankha-prakshalana-yoga-poses-in-telugu-by-expert
women icon@teamvasundhara
bollywood-beauties-who-practicing-yoga-even-in-lockdown

యోగాతో ఇమ్యూనిటీ పెంచుకుందాం !

ప్రపంచవ్యాప్తంగా కరోనా వ్యా్ప్తి ఇంకా కొనసాగుతూనే ఉంది. ఈ నేపథ్యంలో మళ్లీ ఎప్పటిలాగే జీవితాన్ని గడిపే పరిస్థితి రావడానికి మరికొన్ని రోజుల సమయం పడుతుందనడంలో ఎలాంటి సందేహం లేదు. ఈ క్రమంలో వ్యాధి నిరోధక శక్తిని పెంపొందించుకోవడానికి సరైన ఆహారంతో పాటు శారీరక వ్యాయామాలు కూడా కీలక పాత్ర పోషిస్తాయి. ప్రత్యేకించి యోగా, ఏరోబిక్స్‌, వర్కవుట్లు, ధ్యానం.. మొదలైనవి సాధన చేయడం ద్వారా శారీరక, మానసిక ఆరోగ్యాన్ని కాపాడుకోగలుగుతాం. ఈ క్రమంలో కొంతమంది బాలీవుడ్‌ నటీమణులు సైతం స్వీయ నిర్బంధంలో ఉంటూనే క్రమం తప్పకుండా యోగా సాధన చేస్తున్నారు. అంతేకాదు, వాటి వల్ల కలిగే ప్రయోజనాలను సోషల్‌ మీడియా ద్వారా పంచుకొంటున్నారు. మరి ఆ విశేషాలేంటో మీరూ చూడండి.

Know More

women icon@teamvasundhara
celebs-shared-the-exercises-to-deal-with-back-pain

నడుము, వెన్ను నొప్పులు...ఈ వ్యాయామాలతో దూరం!

ప్రస్తుత లాక్‌డౌన్‌ పరిస్థితుల్లో ఇంట్లో పనిభారం పెరిగిపోవడం, మరోవైపు ఇంటి నుంచే పనిచేయాల్సి రావడంతో ఆడవాళ్లపై ఒత్తిడి పెరిగిపోతోంది. అలాగే వర్క్‌ ఫ్రమ్‌ హోమ్‌ చేసే ఆడవారికి ఆఫీస్‌ పనుల దృష్ట్యా ఎక్కువ సేపు కూర్చోవాల్సి రావడంతో నడుం నొప్పి, వెన్ను నొప్పి విపరీతంగా బాధిస్తుంటాయి. మరి, ఇలాంటి పరిస్థితుల్లో కొన్ని వ్యాయామాలు చక్కగా ఉపకరిస్తాయంటున్నారు పలువురు బాలీవుడ్‌ ముద్దుగుమ్మలు. లాక్‌డౌన్‌ దృష్ట్యా ప్రస్తుతం ఇంట్లోనే ఉంటోన్న బాలీవుడ్‌ బేబ్స్‌ ప్రీతీ జింతా, శిల్పా శెట్టి ఫిట్‌నెస్‌ విషయంలో ఏమాత్రం రాజీ పడట్లేదు. ఈ క్రమంలోనే నడుం నొప్పి, వెన్నునొప్పిని దూరం చేసే వ్యాయామాల గురించి వివరిస్తూ, వాటిని ఎలా చేయాలో తమ ఫ్యాన్స్‌కు చేసి మరీ చూపిస్తున్నారీ ఫిట్టెస్ట్‌ బ్యూటీస్‌. మరి, ఆ వ్యాయామాలేంటో మనమూ చూద్దాం రండి..

Know More

women icon@teamvasundhara
fitness-trainer-yasmin-karachiwala-shared-simple-workouts-to-do-at-home

మనమూ ఇంట్లోనే ఈజీగా ఈ వర్కవుట్స్‌ చేసేద్దాం..!

సినీ తారల ఫిట్‌నెస్‌ వెనుక వారు చేసే కఠిన వ్యాయామాలే కాదు.. వాటిని ప్రాక్టీస్‌ చేయించే ఫిట్‌నెస్‌ ట్రైనర్స్‌ శ్రమ కూడా ఎంతో ఉంది. అలాంటి సెలబ్రిటీ ఫిట్‌నెస్‌ ట్రైనర్స్‌లో యాస్మిన్‌ కరాచీవాలా ఒకరు. దగ్గరుండి మరీ సెలబ్రిటీలకు ఫిట్‌నెస్‌ పాఠాలు నేర్పుతూ ఎప్పుడూ బిజీగా ఉండే ఈ ఫిట్‌నెస్‌ గురూ.. ప్రస్తుతం లాక్‌డౌన్‌ కారణంగా ఇంటికే పరిమితమైంది. అయినా తన ఫిట్‌నెస్‌ పాఠాలు బోధించడం మాత్రం మానలేదు యాస్మిన్‌. ఈ క్రమంలోనే తాను వ్యాయామాలు చేస్తూ.. ఆ వీడియోలను ఇన్‌స్టా ద్వారా పంచుకుంటుంటుంది. ఇలా మనందరిలో ఫిట్‌నెస్‌ పట్ల ప్రేరణ కలిగించేలా యాస్మిన్‌ చేసిన అలాంటి కొన్ని ఈజీ లాక్‌డౌన్‌ వర్కవుట్స్‌ గురించి తెలుసుకుందాం..

Know More

women icon@teamvasundhara
namrata-purohit-shared-a-video-to-do-exercise-at-home-with-napkins

న్యాప్‌కిన్లతో నమ్రత ఫిట్‌నెస్‌ పాఠాలు!

నమ్రతా పురోహిత్‌.. ఫిట్‌నెస్‌పై మక్కువ ఉన్న వారికి ఈమె పేరు ప్రత్యేకంగా పరిచయం చేయాల్సిన అవసరం లేదు. చిన్న వయసులోనే పిలాటిస్‌ గురూగా పేరు తెచ్చుకున్న నమ్రత.. ఎందరో బాలీవుడ్‌ తారలకు పిలాటిస్‌ వర్కవుట్‌లో ఓనమాలు నేర్పించింది.. అంతేకాదు.. తామిలా ఫిట్‌గా ఉండడానికి నమ్రత పిలాటిస్‌ పాఠాలే కారణమంటూ చాలామంది తారలు పలు సందర్భాల్లో చెప్పుకొచ్చారు కూడా! ఇక చాలామంది ముద్దుగుమ్మలకు ఫిట్‌నెస్‌ పాఠాలు నేర్పుతూ ఆ వీడియోలు, ఫొటోలను ఎప్పటికప్పుడు సోషల్‌ మీడియాలో పోస్ట్‌ చేస్తుంటుందీ ఫిట్టెస్ట్‌ లేడీ. ప్రస్తుతం లాక్‌డౌన్‌ కారణంగా ఇంటికే పరిమితమైన ఈ ఫిట్‌నెస్‌ బేబ్‌.. తన ఫ్యాన్స్‌కు ఇంటి నుంచే ఫిట్‌నెస్‌ పాఠాలు నేర్పుతోంది. వివిధ రకాల వ్యాయామాలు చేస్తూ వాటికి సంబంధించిన వీడియోలను సోషల్‌ మీడియాలో పోస్ట్‌ చేస్తుంది నమ్రత. ఈ క్రమంలోనే మన ఇళ్లలో ఎలాంటి వ్యాయామ పరికరాలు లేకపోయినా.. న్యాప్‌కిన్స్‌ని ఉపయోగించి ఈజీగా వర్కవుట్‌ చేసేయచ్చంటూ తాజాగా ఇన్‌స్టాలో ఓ వీడియో పోస్ట్‌ చేసిందీ ఫిట్‌నెస్‌ ఫ్రీక్‌. మరి, ఆ వీడియో వివరాలేంటో మనం కూడా తెలుసుకుని ఇంట్లోనే ఈజీగా వ్యాయామం చేసేద్దాం రండి..

Know More

women icon@teamvasundhara
how-to-control-overeating-and-be-fit-in-this-lock-down-time

అతిగా తినాలనిపిస్తోందా... అయితే ఇలా చేయండి!

సిరి.. హైదరాబాద్‌లోని ఓ సాఫ్ట్‌వేర్‌ కంపెనీలో ఉద్యోగం చేస్తోంది. ఉదయం హాస్టల్‌లోనే టిఫిన్‌ చేసి, లంచ్‌ బాక్స్‌ కట్టుకొని వెళ్లడం, తిరిగి రాత్రి హాస్టల్‌కి చేరుకొని డిన్నర్‌ చేసి పడుకోవడం.. ఇదీ ఆమె దినచర్య. కానీ ప్రస్తుతం లాక్‌డౌన్‌ కారణంగా సొంతూరికి వచ్చిన సిరి ఇంటి నుంచే ఆఫీసు పని చేస్తోంది. ఎప్పుడో రెండు నెలలకోసారి వచ్చి.. రెండు రోజులుండి వెళ్లిపోయే తన కూతురు.. ఇప్పుడు ఇన్ని రోజులు ఇంట్లోనే ఉండడంతో తల్లి రకరకాల వంటకాలు చేసి పెడుతోంది. దీంతో ఉదయం లేచింది మొదలు రాత్రి పడుకునే వరకు అటు పనిచేస్తూనే.. ఇటు ఏదో ఒకటి తింటూనే ఉంది. దీంతో ఒక్కసారిగా బరువు పెరిగింది సిరి..

Know More

women icon@teamvasundhara
akkineni-amala-usha-soman-shows-their-fitness-levels-in-these-videos

అమ్మ కోసం.. అమ్మతో.. ఓ వర్కవుట్‌!

దేశంలో కరోనా విజృంభణ ఇంకా కొనసాగుతోన్న నేపథ్యంలో ప్రజలు మరికొన్ని రోజులు సామాజిక దూరం పాటిస్తూ ఇంటికే పరిమితం కావడం మంచిది. ఈ నేపథ్యంలో రోజుల కొద్దీ ఇంట్లో కాలక్షేపం చేస్తూ సమయం గడిపేందుకు ఇబ్బంది పడుతున్న వారు కొందరైతే.. మనసుకు నచ్చిన పనులు చేస్తూ అరుదుగా దొరికే ఇలాంటి అవకాశాన్ని సద్వినియోగం చేసుకొంటోన్న వారు మరికొందరు. ముఖ్యంగా సినిమా రంగానికి చెందిన సెలబ్రిటీలలో ఎక్కువశాతం మంది ఈ లాక్‌డౌన్‌ సమయాన్ని బాగా ఎంజాయ్‌ చేస్తున్నారు. ఇందులో భాగంగా వీళ్లు వివిధ రకాల పనులు చేస్తున్నప్పటికీ.. ఫిట్‌నెస్‌ను మాత్రం నిర్లక్ష్యం చేయట్లేదు. ఈ క్రమంలో ప్రముఖులు అక్కినేని అమల, మిలింద్‌ సోమన్‌లు ఇటీవల పోస్ట్‌ చేసిన వర్కవుట్‌ వీడియోలను చూసి నెటిజన్లు ఒకింత ఆశ్చర్యానికి గురవుతున్నారు.. మరి, ఎందుకో మీరే చూడండి..!

Know More

women icon@teamvasundhara
lock-down-challenge-healthy-habits-to-lose-weight-during-quarantine

బరువు తగ్గడానికి ఈ ‘లాక్‌డౌన్‌ ఛాలెంజ్‌’ మీరూ స్వీకరిస్తారా?

ఇప్పుడు ప్రపంచమంతా ట్రెండ్‌ అవుతోన్న పదాలు రెండే రెండు.. ఒకటి కరోనా, రెండోది లాక్‌డౌన్‌. కరోనా కారణంగా ప్రపంచంలోని చాలా దేశాలు ప్రస్తుతం లాక్‌డౌన్‌లో ఉన్న విషయం తెలిసిందే. అయితే ఇలా వారాల తరబడి పనులన్నీ పక్కన పెట్టి ఇంటికే పరిమితమవ్వాల్సిన పరిస్థితి వస్తుందని ఎవరూ కనీసం కలలోనైనా ఊహించి ఉండరు. బిజీబిజీ జీవితాలు గడుపుతూ కనీసం మన కోసం కూడా టైం కేటాయించలేని పరిస్థితి నుండి ఒక్కసారిగా మన కోసం కావాల్సినంత సమయాన్ని కేటాయించుకునే అవకాశం దొరికింది. మరి బరువు తగ్గాలనుకునే వారికిది అద్భుతమైన అవకాశం అని చెప్పచ్చు. బిజీగా ఉన్నప్పుడు ఆరోగ్యకరమైన జీవనశైలిని పాటించాలనుకున్నా సమయం లేక అది కుదరకపోవచ్చు. కానీ ఈ స్వీయ నిర్బంధ సమయంలో ఆరోగ్యకరమైన జీవనశైలి పాటించడం వల్ల బరువు తగ్గే అవకాశం ఉందని చెబుతున్నారు ఫిట్‌నెస్‌ నిపుణులు. అందుకోసం కొన్ని ఆరోగ్యకరమైన అలవాట్లను అలవర్చుకోవాలంటున్నారు.. అవేంటంటే..

Know More

women icon@teamvasundhara
tips-to-overcome-lockdown-stress-in-corona-crisis

లాక్‌డౌన్‌ ఒత్తిడిని ఇలా చిత్తు చేద్దాం..!

కరోనా సృష్టిస్తోన్న కల్లోలం గురించి ప్రత్యేకంగా పరిచయం చేయాల్సిన అవసరం లేదు. బహుశా ఇలాంటి విపత్కర పరిస్థితులు వస్తాయని ఎవరూ, ఎప్పుడూ ఊహించి ఉండరు. ఇలాంటి విపత్కర పరిస్థితుల్లో రోజుల తరబడి అందరూ ఇళ్లకే పరిమితమవుతున్నారు. ఈ క్రమంలో లాక్‌డౌన్‌ ప్రజల మానసిక ఆరోగ్యాలపై కూడా ప్రభావం చూపుతోంది. మునుపెన్నడూ లేని విధంగా ఇళ్లకే పరిమితమవడంతో మానసిక సమస్యలు ఎక్కువవుతున్నాయి. కరోనా మహమ్మారిని తరిమికొట్టడానికి మనమంతా చేస్తోన్న ఈ యుద్ధాన్ని విజయవంతంగా పూర్తిచేయడం తప్ప మన దగ్గర మరో మార్గం లేదు. అయితే అందుకు ఈ లాక్‌డౌన్‌ నేపథ్యంలో మనం ఎదుర్కొంటున్న ఒత్తిడిని జయించి మానసికంగా దృఢంగా తయారవడం చాలా ముఖ్యం. మరి, అందుకోసం మనం కొన్ని చిట్కాలు పాటించాల్సి ఉంటుంది.

Know More

women icon@teamvasundhara
follow-these-tips-to-keep-your-body-physically-active-during-quarantine

ఇంట్లో ఉన్నా శరీరానికి శ్రమ కల్పించండిలా..!

కరోనా లాక్‌డౌన్‌ కారణంగా ప్రజలకు తమ కుటుంబ సభ్యులతో గడిపేందుకు సమయం దొరుకుతోంది. ఇది ఒక విధంగా మంచిదే..! అయితే లాక్‌డౌన్‌ వల్ల లాభాలతో పాటు కొన్ని నష్టాలు కూడా ఉండడం గమనార్హం. ఈ సమయంలో యోగా, జిమ్‌, ఏరోబిక్స్‌.. తదితర వర్కవుట్‌ సెంటర్లకు వెళ్లడానికి వీల్లేదు. పోనీ వాకింగ్‌, జాగింగ్‌ లాంటివి చేద్దామనుకున్నా ఈ సమయంలో బయట ఎక్కువసేపు తిరగడం అంత మంచిది కాదు. ఫలితంగా చాలామంది రోజంతా ఇంట్లో ఎలాంటి శారీరక శ్రమ లేకుండా గడుపుతున్నారు. ఇది ఆరోగ్యానికి అంత మంచిది కాదు..! దీనివల్ల తెలియకుండానే మన శరీరానికి బద్ధకం అలవాటవుతుంది. అంతేకాదు, ఇది క్రమంగా మన మానసిక స్థితిపై కూడా ప్రభావం చూపుతుంది. ఈ పరిస్థితి ఇలాగే కొనసాగితే లాక్‌డౌన్‌ తర్వాత ఈ అలవాటు నుంచి బయటకు రావడానికి చాలా రోజులే పడుతుందని చెబుతున్నారు ఆరోగ్య నిపుణులు. ఈ క్రమంలో ఇంట్లో ఉంటూనే శరీరానికి ఎలా శ్రమ కల్పించాలో తెలుసుకుందాం..!

Know More

women icon@teamvasundhara
kriti-sanon-fat-to-fit-story-is-inspiring

ఆ 15 కిలోలు తగ్గడానికి కష్టపడుతున్నా!

సాధారణంగా అధిక బరువున్న వాళ్లు తగ్గడానికి నానా ప్రయత్నాలూ చేస్తుంటారు.. అంతేతప్ప కావాలని ఎవరూ బరువు పెరగడానికి సాహసించరు. కానీ కొందరు నటీమణులు మాత్రం తమ పాత్రలకు అనుగుణంగా తమ రూపాన్ని మార్చుకోవడం, బరువు పెరగడం-తగ్గడం వంటివి చేస్తుంటారు. తద్వారా తాము నటించే సినిమాలకు, అందులోని తమ పాత్రలకు పూర్తి న్యాయం చేస్తుంటారు. అలాంటి అందాల తారల్లో బాలీవుడ్‌ ముద్దుగుమ్మ కృతీ సనన్‌ ఒకరు. ‘ఆవ్‌ తుఝో మోగ్‌కొర్తా’ అంటూ ప్రిన్స్‌ మహేష్‌ సరసన ఆడిపాడి తెలుగు వారికి దగ్గరైన ఈ చిన్నది.. పలు బాలీవుడ్‌ సినిమాలతో సక్సెస్‌ఫుల్‌ హీరోయిన్‌గా పేరుతెచ్చుకుంది. ప్రస్తుతం ‘మిమి’ అనే బాలీవుడ్‌ చిత్రంలో నటిస్తోన్న కృతి.. అందులో సరొగేట్‌ మదర్‌గా కనిపించనుంది. ఆ పాత్ర కోసం ఏకంగా 15 కిలోలు పెరిగిన ఈ ముద్దుగుమ్మ.. ఇప్పుడు తిరిగి బరువు తగ్గే పనిలో పడింది. అయితే బరువు పెరగడం ఎంత కష్టమో.. తగ్గడం కూడా అంతే కష్టమంటోన్న ఈ అందాల తార.. తాను ఫిట్‌గా ఉండడానికి, బరువు తగ్గడానికి ఎలాంటి డైట్‌, ఫిట్‌నెస్‌ టిప్స్‌ పాటిస్తుందో తన మాటల్లోనే తెలుసుకుందాం రండి..

Know More

women icon@teamvasundhara
turn-your-self-isolation-into-workout-routine

ఇంట్లోనే ఉన్నా వర్కవుట్‌ మానద్దు!

కరోనా ప్రకంపనలు ప్రపంచాన్ని కలవర పెడుతున్నాయి. ఇప్పటికే భారతదేశంలో 15 రాష్ట్రాల్లో కోరలు చాస్తూ శరవేగంగా విస్తరిస్తోంది కరోనా. అందుకే దేశంలోని విద్యాసంస్థల దగ్గర్నుంచి జిమ్స్‌, బార్స్‌, సినిమా థియేటర్స్‌.. ఇలా అన్నీ మూతపడ్డాయి. దీని వల్ల దాదాపుగా జనజీవనం స్తంభించిపోయింది. అయినా సెలబ్రిటీలు మాత్రం ఇన్‌స్టా వేదికగా తమ ఫ్యాన్స్‌కి అనునిత్యం టచ్‌లోనే ఉంటూ కరోనా జాగ్రత్తల గురించి పోస్టుల ద్వారా తెలియజేస్తున్నారు.. ఈ మహమ్మారిని నిర్లక్ష్యం చేయడం తగదంటూ అభిమానులను అప్రమత్తం చేస్తున్నారు. అయితే ఇలా జిమ్‌లు మూత పడ్డంత మాత్రాన, సెలవులు దొరికాయన్న నెపంతో వర్కవుట్‌కు మాత్రం సెలవులిచ్చేయద్దంటున్నారు కొందరు ముద్దుగుమ్మలు. అందుకే స్వీయ నిర్బంధంలో ఉన్నప్పటికీ ఇంట్లోనే చక్కగా వర్కవుట్‌ చేస్తూ అటు ఆరోగ్యాన్ని, ఇటు ఫిట్‌నెస్‌ను పెంచుకోవాలంటూ సూచిస్తున్నారు. మరి, ఇంట్లోనే వర్కవుట్‌ చేస్తూ అందరికీ ఫిట్‌నెస్‌ పాఠాలు నేర్పుతోన్న ఆ ముద్దుగుమ్మలెవరు? వారి ఫిట్‌నెస్‌ లెసన్స్‌ ఏంటో తెలుసుకుందాం రండి..

Know More

women icon@teamvasundhara