ఇంట్లో తయారు చేసే మిల్క్ షేక్‌లు రుచిగా ఉండాలంటే తీసుకున్న పాలను బట్టి కొద్దిగా జామ్ వేసి మిక్సీ పట్టాలి.

కరివేపాకు ఎక్కువ రోజులు తాజాగా ఉండాలంటే.. దాన్ని నిల్వ చేసే డబ్బాలో నాలుగైదు మెంతులు కూడా వేయండి

కీరాదోస రసాన్ని పాలతో కలిపి చర్మానికి రాసుకొంటే.. సన్‌బర్న్ నుంచి ఉపశమనం పొందవచ్చు.

దోసె పిండి పులిసిందా.. అందులో కొద్దిగా చక్కెర వేయండి. ఆ పులుపు తగ్గి.. దోసెలు కమ్మగా తయారవుతాయి.

స్నానానికి ముందు కొబ్బరి నీళ్లతో తలకు మసాజ్ చేసుకుంటే జుట్టు మృదువుగా మారుతుంది.

పంటి నొప్పి వచ్చినప్పుడు గోరువెచ్చని నీటిలో కాస్త పటిక పొడి, కొద్దిగా ఉప్పు వేసి నోట్లో పోసుకుని ఎక్కువ సేపు పుక్కిలించాలి.

ముల్లంగిలో పీచూ, నీరు ఎక్కువ, దీన్ని తీసుకోవడం వల్ల శరీరం డీ హైడ్రేషన్‌కి లోనుకాకుండా ఉంటుంది. జీర్ణక్రియ వ్యవస్థ పనితీరు బాగుంటుంది.

గాజు పాత్రలు కడిగే నీటిలో కొద్దిగా ఉప్పు కూడా వేయండి. మురికి పోతుంది.

మైదా లేదా గోధుమపిండి నిల్వ చేస్తున్నపుడు చిన్న బట్టలో కొద్దిగా ఉప్పు వేసి మూటలా చుట్టి అందులో ఉంచండి. పిండి పురుగు పట్టకుండా ఉంటుంది.

కీరాదోసని తడి వస్త్రంలో చుట్టి ఫ్రిజ్‌లో భద్రపరిస్తే ఎక్కువ రోజులు నిల్వ ఉంటాయి.

శనగపిండి లడ్డూలు చేస్తున్నప్పుడు నెయ్యితోపాటు టేబుల్‌స్పూను పల్లీనూనె కూడా కలపండి. లడ్డూలు రుచితోపాటు, మెత్తగాను ఉంటాయి.

బాగా పులిసిన మజ్జిగను రోజుకు రెండుసార్లు పుక్కిలిస్తుంటే నోటి పూత తగ్గుతుంది

ఎండు ద్రాక్షలు నిల్వ ఉంచే డబ్బా మూతకి చిల్లులు ఉండేలా చూసుకోవాలి. అప్పుడే తేమ చేరి ఒకదానికొక్కటి అతుక్కోవు.

మూడు చెంచాల ఓట్స్‌లో అరచెంచా తేనె, చెంచా పచ్చిపాలు కలిపి ముఖానికి పూతలా రాసుకోవాలి. పావుగంట తరవాత గోరువెచ్చని నీళ్లతో కడిగేయాలి. ఇది చర్మాన్ని తేమగా మారుస్తుంది. తాజాదనాన్ని ఇస్తుంది.

చేప ముక్కల్ని ఫ్రిజ్‌లో భద్రపరుస్తున్నప్పుడు వాటికి ఉప్పు, పసుపూ పట్టిస్తుంటాం. వాటితోపాటు వెనిగర్ లేదా నిమ్మరసం కూడా కొద్దిగా కలపండి. తాజాగా ఉంటాయి.

గసగసాలను మెత్తటి మిశ్రమంలా చేసి, తలకు పట్టించి అరగంట తర్వాత స్నానం చేస్తే చుండ్రు పోతుంది.

పచ్చి పసుపులో కాస్త తేనె, నిమ్మరసం కలిపి ముఖానికి రాసుకుని కాసేపయ్యాక కడిగేస్తే... ఎండకు కమిలిన చర్మం తాజాగా మారుతుంది.

వేసవిలో రోజూ టేబుల్‌స్పూన్ ఆలివ్ నూనెను ఆహారంలో భాగం చేసుకోవడం ద్వారా సూర్యరశ్మి ప్రభావం నుంచి చర్మాన్ని కాపాడుకోవచ్చు.

కోడిగుడ్డు పెంకులు పారేయకుండా వంటింట్లో అక్కడక్కడా ఉంచండి. బొద్దింకల బెడద ఉండదు.

ఒక గిన్నెలో ఓట్స్ వేసి కిచెన్‌లో ఎక్కడ ఉంచినా వంట చేసేటప్పుడు వెలువడే వాసనలన్నింటినీ పీల్చేసుకుంటుంది.

రెండు టేబుల్ స్పూన్ల చక్కెరలో కొద్దిగా నూనె, నిమ్మరసం వేసి చేతులకు రుద్దుకోవాలి. ఇలా చేస్తే చేతులపై ఉన్న మృతకణాలు తొలగిపోతాయి.

గుడ్డుసొన గిలక్కొట్టేటప్పుడు చెంచా చల్లని నీళ్లు చేర్చండి. ఇలా చేస్తే ఆమ్లెట్ పెద్దగా వస్తుంది.

ఏదయినా పదార్థంలో కారం ఎక్కువైందా.. అందులో కొద్దిగా గిలక్కొట్టిన పెరుగు, నిమ్మరసం లేదంటే కొద్దిగా నెయ్యి వేయండి. కారం తగ్గి పదార్థానికి కమ్మదనం వస్తుంది.

చేతులకు బీట్‌రూట్ రంగు అంటుకుంటే.. కొద్దిగా వంటసోడా వేసుకుని నీళ్లతో రుద్ది కడిగేసి చూడండి. రంగు సులువుగా పోతుంది.

బాగా పండిన బొప్పాయితో చర్మాన్ని రుద్దుకొని పావుగంట పాటు ఉంచుకొని కడిగేసుకోవాలి. దీనివల్ల ట్యానింగ్ తగ్గి చర్మం ప్రకాశవంతంగా మారుతుంది.

బిర్యానీ ఆకులను మెత్తటి పొడిగా చేసి బొద్దింకలు ఉండే చోట వేస్తే ఆ వాసనను తట్టుకోలేక అవి చనిపోతాయి.

పొడి జుట్టు సమస్య తగ్గడానికి ఆలివ్ నూనె, తేనె, బొప్పాయి కలిపి జుట్టుకు అప్త్లె చేసి అరగంట తర్వాత తలస్నానం చేస్తే సరిపోతుంది.

కాచి వడగట్టిన నీటిలో మిరియాలు, పంచదార, యాలకుల పొడి వేసి పొద్దున పూట తాగితే చర్మం తాజాగా మారుతుంది.

వెల్లుల్లి పేస్ట్‌ ఎక్కువ కాలం పాటు తాజాగా ఉండాలంటే అందులో ఆలివ్‌ ఆయిల్‌ కలపండి. చాలాకాలం పాటు వాసన పోకుండా ఫ్రెష్‌గా ఉంటుంది.

కొన్నిసార్లు బత్తాయిరసం చేదుగా అనిపిస్తుంది. అలాంటప్పుడు ఆ రసంలో టేబుల్‌స్పూను నిమ్మరసం కలిపితే సరి.

ఫ్లవర్‌వాజులో పెట్టే పూల ఆకులు, పూరెక్కల అడుగు భాగాన హెయిర్‌ స్ప్రేని చల్లితే అవి త్వరగా తేమను కోల్పోకుండా తాజాగా ఉంటాయి.

మొక్కజొన్నల్ని వేయించడానికి ముందు కాసేపు ఫ్రిజ్‌లో ఉంచండి. అప్పుడు చక్కగా వేగుతాయి.

సమోసాలు కరకరలాడుతూ ఉండాలంటే.. మైదాలో మొదట కొద్దిగా మొక్కజొన్న పిండి, వేడి నూనె వేసి కలపాలి. తర్వాత వేడి నీళ్లు పోసి చపాతి పిండిలా చేసుకోవాలి.

చలి కాలంలో గొంతు నొప్పి బాధిస్తుంటే మిరియాలను బుగ్గన ఉంచుకుని చప్పరిస్తే సరి.

ఫ్లాస్కు దుర్వాసన వస్తుంటే మజ్జిగతో కడిగితే సరిపోతుంది.

బత్తాయి లేదా కమలా రసాన్ని ఐస్‌ట్రేలో పెట్టి ఫ్రిజ్‌లో పెట్టుకుని, వీటిని ఏ తాజా పండ్ల రసంలో వేసినా రుచిగా ఉంటుంది.

టొమాటో రసం, తేనె కలిపి చర్మానికి రాసుకొని పావుగంట పాటు ఉంచి కడిగేస్తే మృదువైన, మెరిసే చర్మం మీ సొంతమవుతుంది.

చాపింగ్ బోర్డుపై ఉన్న మరకలు వదిలిపోవాలంటే నిమ్మచెక్కతో రుద్ది చూడండి.

ఎండు బఠాణీలను నిల్వచేసేప్పుడు డబ్బాలో ఒకటి రెండు ఎండుమిర్చి ఉంచితే ఎక్కువ కాలం పురుగు పట్టకుండా ఉంటాయి.

వంటింట్లో ఉపయోగించే కిచెన్ క్లాత్‌లను శుభ్రపరిచే నీటిలో కొంచెం వంటసోడా వేస్తే బ్యాక్టీరియా సులభంగా వదిలిపోతుంది.

బాగా చల్లబడిన కూరగాయల్ని నేరుగా ఫ్రిజ్‌లో నుంచి తీసి వండడం కంటే అవి గది ఉష్ణోగ్రత వద్దకు వచ్చే వరకు బయట ఉంచి ఆ తర్వాత వండుకోవడం వల్ల కూర త్వరగా పాడుకాకుండా ఉంటుంది.

చక్కెరను పొడిలా చేస్తున్నప్పుడు కొన్ని బియ్యపు గింజలు కూడా వేయండి. ఇలా చేస్తే చక్కెర ముద్ద కాకుండా పొడిలా వస్తుంది.

గులాబ్‌జామూన్ పాకం మిగిలిపోతే అందులో బ్రెడ్డు ముక్కలు వేయండి. గంట తరవాత తింటే, చాలా రుచిగా ఉంటాయి

ఉసిరికాయలను ఎండబెట్టి, పొడి చేసి దానిలో చెంచా పెరుగు, పావు కప్పు కలబంద గుజ్జు, రెండు చుక్కల బాదం నూనె కలిపి తలకు పట్టించి అరగంట తర్వాత కడిగేసుకోవాలి. ఇలా తరచూ చేయడం వల్ల జుట్టు నిగారింపును సంతరించుకుంటుంది.

హెన్నా మిశ్రమానికి చెంచా యూకలిప్టస్ నూనె చేరిస్తే మరింత చక్కని రంగు వస్తుంది.

మొటిమల సమస్య తొలగించుకోవడం కోసం.. అరకప్పు ఓట్స్‌ని ఉడికించి మొటిమలు ఉన్న ప్రాంతంలో రాయాలి. ఇది జిడ్డు, చర్మంపైన ఉండే బ్యాక్టీరియాను తొలగిస్తుంది. దీంతో క్రమంగా మొటిమలు తగ్గుముఖం పడతాయి.

నిమ్మ రసం, తులసి ఆకుల రసం సమపాళ్లలో కలిపి రోజూ ముఖానికి పట్టించడం వల్ల మచ్చలు తగ్గుముఖం పడతాయి.

సాంబారు మరీ పల్చగా ఉన్నప్పుడు చెంచా లేదా చెంచాన్నర సెనగపిండిలో కొద్దిగా చక్కెర వేసి నీళ్లతో పేస్టులా చేయండి. దీన్ని సాంబారులో వేసి మరిగిస్తే చిక్కగా మారుతుంది.

తేనే సీసాకు చీమలు పడుతుంటే డబ్బా చుట్టూ కాస్త ఉప్పు, మిరియాల పొడిని చల్లితే సరి. దరిచేరవు.

గ్లాసు నీళ్లలో కొన్ని కర్పూరం బిళ్లలు వేసి.. పడుకునే ముందు మంచం కింద పెడితే దోమల బెడద తప్పుతుంది. ఆ సువాసనకు హాయిగా నిద్రపడుతుంది.

పచ్చిమిర్చిని నిల్వ చేస్తున్నప్పుడు వాటిని ఉంచిన కవర్‌లో కాస్త పసుపు వేయండి. ఇలా చేస్తే అవి త్వరగా పండవు.

తులసి ఆకులకు కొద్దిగా రోజ్‌వాటర్, వేపాకులు కలిపి రుబ్బుకొని మొహానికి రాసుకుంటే మొటిమలు తొలగిపోతాయి.

తందూరీ చికెన్ చేస్తున్నపుడు అది మంచి రంగులో రావాలంటే.. నిమ్మరసం, పసుపు కలిపి అందులో వేయండి.

చెంచా నిమ్మరసం, అరచెంచా తేనె, చెంచా పాలు కలిపి ముఖానికి అప్త్లె చేసుకొని పది నిమిషాల తర్వాత కడిగేసుకుంటే ముఖంపైన జిడ్డు తొలగిపోతుంది.

బాగా పండిన అరటి పండులో తేనె కలిపి ఈ మిశ్రమాన్ని నల్ల మచ్చలున్న ప్రాంతంలో రాస్తే మచ్చలు తగ్గుతాయి.

పచ్చిపాలలో పసుపు కలిపి అందులో కాటన్ బాల్స్‌ని నానబెట్టి ఫ్రిజ్‌లో పెట్టుకోవాలి. రోజుకో కాటన్ బాల్‌తో ముఖాన్ని శుభ్రం చేసుకుంటే ప్రకాశవంతమైన చర్మం మీ సొంతమవుతుంది.

కలబంద రసంలో కొద్దిగా కొబ్బరి నూనె వేసి మోచేతులు, మోకాళ్లకు రుద్దడం వల్ల ఆ ప్రాంతంలోని నలుపు తగ్గుతుంది.

ఉల్లిపాయలు వేయిస్తున్నప్పుడు అడుగంటకుండా ఉండాలంటే కొద్దిగా పాలు పోస్తే సరి!

బ్రెడ్‌పొడి వాడాల్సి వచ్చి.. అది అందుబాటులో లేనప్పుడు కార్న్‌ఫ్లేక్స్‌ని పొడిలా చేసి వాడుకోవచ్చు.

దోశ, ఇడ్లీ చేసేటప్పుడు నానబెట్టిన బియ్యం, పప్పులో కొంచెం మెంతులు వేస్తే ఇడ్లీ, దోశలు మెత్తగా ఉంటాయి.

దోమ కాట్లు, దద్దుర్లు, గాయాల వంటి వాటిపై లవంగ నూనెను రాస్తే దురద, మంట సమస్య నుంచి వెంటనే బయటపడచ్చు.

క్యాబేజీ ఉడికిస్తున్నప్పుడు... ఆ తరుగుపై ఒక బ్రెడ్ ముక్కని ఉంచితే, కూర వాసన రాకుండా ఉంటుంది.

కొత్తిమీర కొన్ని రోజులు తాజాగా ఉండాలంటే దాన్ని కాడలతో సహా నీళ్లలో ఉంచాలి. రోజూ నీళ్లు మారిస్తే సరిపోతుంది.

రెండు స్పూన్ల చక్కెరలో స్పూన్ నిమ్మరసం, ఐదు స్పూన్ల బాదం నూనె కలిపి చర్మానికి రాసుకొని కాసేపయ్యాక కడిగేస్తే పొడిబారిన చర్మం తిరిగి సాధారణంగా మారుతుంది.

గోళ్లు పెళుసుబారి, విరిగిపోతున్నప్పుడు నిద్రపోయే ముందు కొంచెం నువ్వులనూనె రాసుకుంటే త్వరలోనే ఫలితం ఉంటుంది.

గోరింటాకు పెట్టుకునే ముందు చేతికి యూకలిప్టస్ నూనె రాసుకుంటే ముదురు ఎరుపు రంగులో పండుతుంది.

ఉపయోగించిన టీ పొడిని గులాబీ మొక్కలకు వేస్తే.. అవి బాగా పెరిగి.. ఎక్కువ పూలు పూస్తాయి.

బట్టలపై నూనె మరకలు పడినప్పుడు వాటిపై చాక్‌పీస్‌తో రుద్ది ఆ తర్వాత ఉతకండి. చాక్‌పీస్ నూనెను పీల్చేసుకోవడం వల్ల మరక సులభంగా వదిలిపోతుంది

వంకాయలు కొనేప్పుడు పుచ్చులు చూడటమే కాదు. తక్కువ బరువున్న వాటినే ఎంచుకోవాలి. వాటిల్లో గింజలు తక్కువగా ఉంటాయి.

పాత్రలు శుభ్రం చేయడానికి ఉపయోగించే నీటిలో కొద్దిగా బేకింగ్ సోడా కలిపితే పాత్రలు నీచు వాసన రాకుండా ఉంటాయి.

తేనె, పెరుగు, రోజ్‌వాటర్ బాగా కలిపి ముఖానికి రాసి పావుగంట తర్వాత కడిగేస్తే ముఖంపై జిడ్డు తగ్గి, తాజాగా మారుతుంది.

గాలి తగిలి గట్టిపడిన బ్రెడ్డుని పొడి చేసి పిండిలో వేస్తే పకోడీలు కరకరలాడి రుచిగా ఉంటాయి.

కూరగాయల్ని తరిగి ఫ్రిజ్‌లో పెట్టుకుని తరవాత వాడదాం అనుకున్నప్పుడు, వాటికి కొద్దిగా నిమ్మరసం రాస్తే తాజాగా ఉంటాయి.

అరటిపళ్లను నేరుగా కాకుండా ప్లాస్టిక్ డబ్బాలో ఉంచి ఫ్రిజ్‌లో పెడితే తొక్క నల్లబడకుండా ఉంటాయి.

కాఫీ పొడిని ఫ్రిజ్‌లో నిల్వ చేస్తే ఎక్కువ కాలం తాజాగా ఉంటుంది.

ఐస్‌క్రీం, కుల్ఫీల్లాంటివి తయారు చేస్తున్నప్పుడు ప్లాస్టిక్‌కన్నా అల్యూమినియం కప్పులు ఎంచుకోవాలి. త్వరగా తయారవుతాయి.

కీరదోస సగం ముక్కను తీసుకొని టేబుల్‌స్పూన్ పెరుగుతో మెత్తటి మిశ్రమంలా చేసి ముఖానికి అప్త్లె చేసుకొని పావుగంట తర్వాత కడిగేస్తే.. చర్మం మృదువుగా తయారవుతుంది.

జిడ్డు పేరుకున్న పెనాన్ని వేడినీటిలో కాసేపు ఉంచాలి. ఆ తరవాత నిమ్మ చెక్కతో రుద్దితే సులువుగా శుభ్రపడుతుంది.

కలబంద రసంలో ముల్తానీ మట్టి లేదా చందనం కలిపి ముఖానికి పట్టిస్తే మొటిమలు తగ్గుముఖం పడతాయి.

మంచినీళ సీసాల్లో చెంచా వెనిగర్, కాసిని బియ్యం వేసి కాసేపాగి అటూ ఇటూ కదిపి తరవాత గోరువెచ్చని నీళ్లతో శుభ్రం చేస్తే బ్యాక్టీరియా పేరుకొనే సమస్య ఉండదు.

పెదవులు పగిలి మంట పుడుతుంటే వెనిగర్‌లో ముంచిన దూదితో అప్పుడప్పుడూ అద్దుతూ ఉండాలి.

నిమ్మకాయ నుంచి రసం తీసే ముందు 20 సెకన్లు మైక్రోవేవ్ ఒవెన్‌లో పెడితే రసం ఎక్కువగా వస్తుంది.

ఫ్రూట్‌షేక్ చేసేందుకు ఇంట్లో సమయానికి పండ్లు అందుబాటులో లేకపోతే కాచి చల్లార్చిన పాలల్లో ఫ్రూట్‌జామ్‌ను వేసి మిక్సీపట్టాలి. నోరూరించే ఫ్రూట్‌షేక్ సిద్ధమయినట్లే.

అంట్లు తోమాక ఆ స్పాంజ్‌లని శుభ్రంగా కడిగి కాసేపు ఉప్పునీటిలో ఉంచి.. రెండు నిమిషాల పాటు ఒవెన్‌లో పెట్టండి. క్రిములు నశించి వాడుకోవడానికి అనువుగా ఉంటాయి.

కుండీలో మొక్క నాటుతున్నప్పుడు అడుగున స్పాంజి ఉంచి అప్పుడు మట్టి నింపాలి. స్పాంజి నీళ్లను పీల్చుకుంటుంది. మొక్కలకు తడి అందుతుంది. నీళ్లూ తక్కువ పడతాయి.

పకోడీ, జంతికల్లాంటివి చేస్తున్నప్పుడు పిండిలో కొద్దిగా పాలు పోసి, తరవాత ఉప్పు వేసి కలపాలి. ఇలా చేస్తే అవి కరకరలాడుతూ వస్తాయి.

కేక్ మరింత రుచిగా రావాలంటే.. పిండిలో ముందుగానే కాస్త తేనె కలిపి చూడండి!

బొంబాయిరవ్వతో కేసరి చేస్తున్నప్పుడు మోతాదును బట్టి కొద్దిగా సెనగపిండి కూడా కలపండి. రుచి మాత్రమే కాదు, మంచి రంగూ వస్తుంది.

పూరీలు ఎక్కువ నూనె పీల్చుకోకుండా ఉండాలంటే.. చపాతీపిండికన్నా కాస్త గట్టిగా కలుపుకోవాలి. అలాగే పిండి కలిపిన వెంటనే పూరీలు వత్తేయాలి.

వాడిపోయినట్టున్న క్యారట్, బీట్‌రూట్ వంటివాటిని కాసేపు ఉప్పునీటిలో వేస్తే తాజాగా ఉంటాయి.

ఉల్లిపాయలు అందుబాటులో లేనప్పుడు కూరలో కొద్దిగా ఇంగువ, చెంచా అల్లం రసం కలపండి. కూరకు మంచి రుచి వస్తుంది.

అలంకరణకు ముందు ముఖాన్ని గులాబీ నీళ్లతో తుడుచుకుంటే మేకప్ ఎక్కువ సేపు తాజాగా ఉంటుంది.

పనీర్‌ గట్టిగా అయిపోయిందా..?ఓ పదినిమిషాలు వేడినీటిలో ఉంచి చూడండి. మెత్తగా, కట్‌ చేసుకునేందుకు అనువుగా మారుతుంది.

బొప్పాయి గుజ్జులో కొంచెం తేనె, గుడ్డు తెల్లసొన కలిపి ముఖానికి రాసి 15 నిమిషాల తర్వాత కడిగేస్తే ట్యాన్ వల్ల నల్లబడిన ముఖచర్మం తిరిగి మెరుపును సంతరించుకుంటుంది.

ఎండుమిర్చితో కూరకారం కొడుతున్నప్పుడు అందులో కొద్దిగా నువ్వుల నూనె వేయాలి. ఇలా చేస్తే కూరకారం మంచి రంగులో వస్తుంది. రుచి కూడా బాగుంటుంది.

లిప్‌స్టిక్ అప్త్లె చేసుకునే ముందు కాస్త ఫౌండేషన్ రాసుకొని చూడండి. అది లిప్‌స్టిక్ కలర్ అధిక సమయం నిలిచి ఉండేలా చేస్తుంది.

ఒక క్యారట్, టొమాటో రసానికి కొన్ని గోరువెచ్చని నీళ్లూ, చెంచా తేనె కలిపి తాగితే రక్తశుద్ది జరుగుతుంది.

మస్కారా వేసుకునే ముందు కనురెప్పలపై కొద్దిగా బేబీ పౌడర్‌ని రాసుకోండి. ఆ తరవాత మస్కారా వేసుకోవడం వల్ల అవి నిండుగా కనిపిస్తాయి.

కూరగాయలు, పండ్లు తాజాగా ఉండాలంటే వాటిని పేపర్లో చుట్టి ఫ్రిజ్‌లో పెట్టాలి.

నాలుగు అల్లం ముక్కలు వేణ్నీళ్లలో బాగా మరగనిచ్చి, అందులో రెండు గింజల మిరియాల పొడి వేసి తాగితే జలుబు తగ్గుతుంది.

పుదీనా పలావ్ రుచిగా రావాలంటే.. ముందుగా పుదీనా ఆకుల్ని చెంచా వెన్న లేదా నెయ్యిలో వేయించండి.

చలి కాలంలో గొంతు నొప్పి బాధిస్తుంటే మిరియాలను బుగ్గన ఉంచుకుని చప్పరిస్తే సరి.

పంటి నొప్పి వచ్చినప్పుడు గోరువెచ్చని నీటిలో కాస్త పటిక పొడి, కొద్దిగా ఉప్పు వేసి నోట్లో పోసుకుని ఎక్కువ సేపు పుక్కిలించాలి.

ముల్తానీ మట్టిని బాదం పేస్ట్‌తో కలిపి ముఖానికి రాసుకోవడం వల్ల బ్లాక్‌హెడ్స్, వైట్‌హెడ్స్ సమస్య నుంచి ఉపశమనం లభిస్తుంది.

బజ్జీల పిండిలో కొద్దిగా బియ్యప్పిండి కలపండి. అవి కరకరలాడతాయి. నూనె కూడా ఎక్కువగా పీల్చుకోవు.

బంగాళాదుంపల వేపుడు కరకరలాడేలా రావాలంటే, ముక్కలు తరిగాక అరగంటసేపు, చల్లని నీళ్లలో ఉంచాలి. ఆ తరవాత వేయించాలి.