చిన్నపిల్లలకు కథల పుస్తకాలన్నా, కార్టూన్‌ సినిమాలన్నా చాలా ఇష్టం. టీవీలో ఆ తరహా సినిమాలు చూస్తూనే అందులోని క్యారక్టర్లను అనుకరిస్తుంటారు కొందరు చిన్నారులు. ఈ క్రమంలోనే మార్వెల్‌ సూపర్‌హీరో స్పైడర్‌ మ్యాన్‌ క్యారక్టర్‌ అంటే అబ్బాయిలకు మరీ ఇష్టం. ఆ పాత్రలాగే గోడలపై పాకాలని, వాటి పైనుంచి దూకాలని తెగ ఆరాటపడిపోతుంటారు. ఉత్తరప్రదేశ్‌లోని కాన్పూర్‌కు చెందిన ఏడేళ్ల బుడతడిది కూడా ఇదే ఆరాటం. అయితే మొదట్లో జారి కింద పడ్డానని, దెబ్బలు తగిలాయని తన ప్రయత్నాన్ని మానుకోలేదా చిన్నోడు. అలుపెరగకుండా ప్రయత్నించాడు.. ఎలాంటి సపోర్ట్‌ లేకుండా అచ్చం స్పైడర్‌ మ్యాన్‌లా గోడలు పట్టుకొని అలవోకగా పాకడం, దూకడం నేర్చుకున్నాడు. అందుకే ఇప్పుడు సోషల్‌ మీడియా సెన్సేషన్‌గా మారిపోయాడు.

అందం కోసం తాపత్రయపడని అమ్మాయంటూ ఉంటుందా చెప్పండి..? ఈ క్రమంలో అందంగా మెరిసిపోవాలని ఎన్నెన్నో ప్రయత్నాలు చేస్తుంటారు. ఇందుకోసం బయట దొరికే క్రీముల దగ్గర్నుంచి ఇంటి చిట్కాల దాకా ప్రతిదీ ట్రై చేస్తుంటారు. అయినా ఒత్తిళ్లు, ఆహారపుటలవాట్లు, హార్మోన్ల అసమతుల్యత.. వంటి పలు కారణాల వల్ల కొందరిలో వివిధ రకాల సౌందర్య సమస్యలు తలెత్తుతుంటాయి. అలాంటి సమస్యలకు సింపుల్‌ చిట్కాలతో చెక్‌ పెట్టేయమంటున్నారు బాలీవుడ్‌ ముద్దుగుమ్మలు మలైకా అరోరా, భాగ్యశ్రీ. ఈ క్రమంలోనే తాము పాటించే సౌందర్య చిట్కాలేంటో చెబుతూ తాజాగా సోషల్‌ మీడియా వేదికగా వీడియోలు పోస్ట్‌ చేశారీ చక్కనమ్మలు. మరి, అపురూప లావణ్యాన్ని సొంతం చేసుకోవడానికి వారు ఉపయోగించే ఆ బ్యూటీ టిప్స్‌ ఏంటో మనమూ తెలుసుకుందాం రండి...

ప్రపంచమంతా పచ్చదనంతో నిండిపోవాలంటే అది ఒక్క మొక్కలతోనే సాధ్యం. కేవలం పచ్చదనమే కాదు... కాలుష్యాన్ని తగ్గించి పర్యావరణాన్ని పరిరక్షించుకోవాలన్నా మొక్కలు పెంచడమే శరణ్యం. అందుకే ప్రపంచ వ్యాప్తంగా అటు ప్రభుత్వాలతో పాటు, ఇటు స్వచ్ఛంద సంస్థలు సైతం ఎన్నో రకాలుగా ప్రజల్లో ఈ విషయంపై అవగాహన కల్పించే ప్రయత్నాలు చేస్తున్నాయి. ఇదే విధంగా కొంతమంది పర్యావరణ ప్రేమికులు సైతం ప్రజల్లో చైతన్యం కలిగిస్తూ మొక్కల పెంపకాన్ని ప్రోత్సహిస్తున్నారు.

శారీరకంగా, మానసికంగా దృఢంగా ఉండడానికి ప్రస్తుతం చాలామంది ఎంచుకుంటోన్న ఆప్షన్‌ వ్యాయామం. అందుకు తాము ఎంత బిజీగా ఉన్నా ఎక్సర్‌సైజ్‌ కోసం రోజూ కొంత సమయం కేటాయిస్తున్నారు చాలామంది. నటీనటులూ ఇందుకు అతీతం కాదు. సినిమాల్లో తమ పాత్రల కోసమే కాకుండా సంపూర్ణ ఆరోగ్యానికి, దృఢత్వానికి ఫిట్‌నెస్‌ను తమ రొటీన్‌లో భాగం చేసుకునే ముద్దుగుమ్మలు ఎంతోమంది ఉన్నారు. వారిలో అలనాటి అందాల తార భాగ్యశ్రీ కూడా ఒకరు. ‘మైనే ప్యార్‌ కియా’ సినిమాతో బాలీవుడ్‌లోకి అడుగుపెట్టి తొలి చిత్రంతోనే ఉత్తమ నటిగా ఫిలింఫేర్‌ అవార్డు అందుకున్న ఈ ముద్దుగుమ్మ.. పలు హిట్‌ చిత్రాల్లో నటించి మెప్పించింది. తన సినీ కెరీర్‌లో మధ్యమధ్యలో కాస్త విరామం తీసుకుంటూ తిరిగి వెండితెరపై మెరుస్తోన్న ఈ అందాల తార.. ఈ మధ్య సోషల్‌ మీడియాలోనూ బిజీగా మారిపోయింది. ఈ క్రమంలోనే తన ఫిట్‌నెస్‌, కుకింగ్‌ వీడియోలను తన ఫ్యాన్స్‌తో పంచుకుంటోంది. అలా తాజాగా తన ఫిట్‌నెస్‌ జర్నీకి సంబంధించిన వీడియోను పంచుకుంటూ.. దానికి జతగా ఆమె పెట్టిన క్యాప్షన్‌ ప్రస్తుతం సోషల్‌ మీడియాలో వైరలవుతోంది.

న్యూస్‌ రీడర్‌గా కెరీర్‌ మొదలు పెట్టి.. యాంకర్‌గా రాణించి.. సినిమాల్లో నటించేంత స్థాయికి ఎదిగింది అనసూయ. ఎప్పుడూ ఎంతో ఎనర్జిటిక్‌గా ఉంటూ.. స్టార్‌ యాంకర్‌గా పేరు తెచ్చుకుందీ ముద్దుగుమ్మ. ఇక కెరీర్‌ పరంగా తానెంత బిజీగా ఉన్నా సరే.. సోషల్‌ మీడియా ద్వారా అభిమానులతో నిత్యం టచ్‌లో ఉండే అనసూయ.. తన ఫొటోలతో పాటు, కుటుంబంతో కలిసి దిగిన ఫొటోలను ఎప్పటికప్పుడు సామాజిక మాధ్యమాల వేదికగా అభిమానులతో పంచుకుంటుంది. తాజాగా ‘జబర్దస్త్‌’ సెట్‌లో లంగా ఓణీలో డ్యాన్స్‌ చేస్తున్న సమయంలో దిగిన ఫొటోను ఇన్‌స్టాగ్రామ్‌లో పోస్ట్‌ చేసిన అను.. ‘నా ఆత్మ పరిభాషే డ్యాన్స్‌’ అనే క్యాప్షన్‌ రాసుకొచ్చింది.

పెళ్లిలో అగ్ని సాక్షిగా ఏకమై, ఏడడుగులు నడిచిన భార్యాభర్తలు...నిండు నూరేళ్లు అలాగే కలిసుండాలని కోరుకుంటారు. అందుకు తగ్గట్టే కొందరి దంపతుల కాపురం ఎలాంటి కలహాల్లేకుండా సాఫీగా సాగిపోతుంది. ఇక ఇద్దరి మధ్య అభిప్రాయ భేదాలొచ్చినా కొన్ని జంటలు ఒకరికొకరు అర్థం చేసుకుంటూ సర్దుకుపోతుంటే మరికొన్ని జంటలు సంసారమనే సాగరంలో సర్దుకుపోలేకపోతున్నాయి. కలిసుండి కలహాల కాపురం కొనసాగించే బదులు పరస్పర అంగీకారంతో విడిపోతున్నాయి. ఇందులో సామాన్యులే కాదు సెలబ్రిటీ జంటలు కూడా ఉన్నాయి. తాజాగా బాలీవుడ్‌ నటి, దర్శకురాలు కొంకణా సేన్‌ శర్మ తన భర్తతో అధికారికంగా విడిపోయేందుకు కోర్టు మెట్లెక్కగా, మరో నటి భాగ్యశ్రీ కూడా ఒకానొక సమయంలో తన భర్తతో దూరంగా ఉన్నానంటూ ప్రకటించింది.

శారీరక కారణాలను సాకుగా చూపుతూ ఆర్మీలో అతివలపై కొనసాగుతోన్న వివక్షకు తెర దించుతూ సుప్రీం చరిత్రాత్మక తీర్పునిచ్చిన సంగతి తెలిసిందే. పురుషుల్లాగే మహిళలకు కూడా సైన్యంలో ‘కమాండ్‌’ హోదా ఇవ్వాల్సిందేనని, శాశ్వత కమిషన్‌ మంజూరు చేసి అన్ని రకాల ప్రయోజనాలు కల్పించాల్సిందేనని ఇటీవల ఆదేశాలు జారీ చేసింది. ఈ క్రమంలో లింగభేదం లేకుండా నారీమణులకు కూడా సైన్యాధికారి పోస్టులను ఇవ్వాలన్న సర్వోన్నత న్యాయస్థానం తీర్పుపై సర్వత్రా హర్షం వ్యక్తమవుతోంది. ఐఏఎస్‌, ఐపీఎస్‌ సర్వీసుల్లో పనిచేస్తున్న వారితో పాటు వివిధ రంగాలకు చెందిన సెలబ్రిటీలు సోషల్‌ మీడియా ద్వారా తమ సంతోషాన్ని పంచుకుంటున్నారు.

తైమూర్‌ అలీఖాన్‌, ఇనాయా ఖేము... ప్రస్తుతం బాలీవుడ్‌లో వీరికున్నంత ఫ్యాన్‌ ఫాలోయింగ్‌ గురించి ప్రత్యేకంగా చెప్పక్కర్లేదు. బాలీవుడ్‌లో స్టార్‌ హీరోలను మించి క్రేజ్‌ను సొంతం చేసుకున్నారీ స్టార్‌ కిడ్స్‌. తమ క్యూట్‌ లుక్స్‌, అల్లరి మాటలతో అలరించే ఈ చిన్నారులు ఎక్కడున్నా మీడియా కళ్లన్నీ వీరి వైపే తిరుగుతాయి. పుట్టుకతోనే సెలబ్రిటీ స్టేటస్‌ సంపాదించుకున్న ఈ చిన్నారులు ఎక్కడుంటే అక్కడ సందడే. ఈ క్రమంలో బాలీవుడ్‌ దర్శక నిర్మాత కరణ్‌ జోహార్‌ కవల పిల్లలు యష్‌(కొడుకు), రూహీ (కూతురు) పుట్టిన రోజు వేడుకల్లోనూ ఈ పటౌడీ పిల్లల హంగామానే హైలైట్‌గా నిలిచింది.

సోషల్‌ మీడియాలో క్రియాశీలకంగా ఉండే సినీ సెలబ్రిటీల్లో మహేష్‌ బాబు సతీమణి నమ్రతా శిరోద్కర్‌ కూడా ఒకరు. తన చిన్నారులు, మహేష్‌ సినిమా అప్‌డేట్లకు సంబంధించిన విశేషాలను ఎప్పటికప్పుడు అభిమానులతో పంచుకుంటుంటుందీ ఘట్టమనేని వారి కోడలు. ఈ క్రమంలో మహేష్‌, కూతురు సితార కలిసి ఉన్న ఓ ఫొటోను తాజాగా నమ్రత ఇన్‌స్టాగ్రామ్‌లో పోస్ట్‌ చేసింది. సితార తండ్రి భుజంపై తల వాల్చగా.. మహేష్ నవ్వుతున్నట్లుగా ఉన్న ఈ పిక్‌ని షేర్‌ చేస్తూ.. ‘ఇది సరిలేరు నీకెవ్వరు అందించిన విజయానందం..’ అంటూ క్యాప్షన్‌ను జతచేసింది నమ్రత. మహేష్‌ బాబు హీరోగా నటించిన ‘సరిలేరు నీకెవ్వరు’ చిత్రం సంక్రాంతి కానుకగా విడుదలై భారీ విజయాన్ని అందుకున్న విషయం తెలిసిందే. ప్రస్తుతం మహేష్‌ ఈ సినిమా విజయాన్ని ఎంజాయ్‌ చేస్తున్నాడు.

ఇందువదన.. కుందరదన..! మందగమన.. మధురవచన..! గగన జఘన సొగసులలనవే..! సిగ్గూ పూబంతి ఇసిరే.. సీతామాలచ్చి..! మొగ్గా సింగారం ఇరిసే సుదతీ మీనాచ్చి..! సండే అననురా.. మండే అననురా.. ఎన్నడూ నీ దాన్నెరా..! నా రాజా రా ఇటు రా..! వానా వానా.. వెల్లువాయే..! కొండాకోన తుళ్లిపోయే..! ఈ పాటలు వినగానే మనకు గుర్తొచ్చేది.. తమ కాంబినేషన్‌తో ఆన్‌స్క్రీన్‌పై మ్యాజిక్‌ చేసిన మెగాస్టార్‌ చిరంజీవి, లేడీ అమితాబ్‌ విజయశాంతి. నటన, డ్యాన్స్‌, గ్లామర్‌.. ఇలా ప్రతి దానిలోనూ ఒకరికొకరు పోటీపడుతూ 80వ దశకంలో తెరపై బెస్ట్‌ పెయిర్‌గా ప్రేక్షకుల చేత నీరాజనాలందుకున్నారీ సూపర్‌స్టార్స్‌. వీళ్లిద్దరు కలిసి నటించిన ‘ఛాలెంజ్‌’, ‘స్వయంకృషి’, ‘పసివాడి ప్రాణం’, ‘అత్తకు యముడు అమ్మాయికి మొగుడు’, ‘గ్యాంగ్‌లీడర్‌’.. మొదలైన సినిమాలు అభిమానులను ఎంతగా అలరించాయో ప్రత్యేకించి చెప్పనక్కర్లేదు. ‘మెకానిక్‌ అల్లుడు’ తర్వాత వీళ్లిద్దరూ కలిసి మళ్లీ ఏ సినిమాలో నటించలేదు. అయినా తెర వెనుక మాత్రం చిరు, విజయశాంతిల మధ్య ఉన్న స్నేహబంధం కొంతకాలం అలాగే ఉంది.

ఇప్పుడంటే లేడీ ఓరియంటెడ్‌ సినిమాలు చేయడానికి దర్శకులు, నిర్మాతలు ఎక్కువ ఆసక్తి చూపిస్తున్నారు కానీ, కొన్ని సంవత్సరాల క్రితం పరిస్థితులు వేరుగా ఉండేవి. అప్పట్లో హీరోయిన్లంటే కేవలం గ్లామర్‌కు మాత్రమే పనికొస్తారనే భావన ప్రేక్షకులతో పాటు దర్శకుల్లో కూడా ఉండేది. కొంతమంది దర్శకులు మాత్రమే స్త్రీశక్తిని గౌరవించి వాళ్లతో గొప్ప సినిమాలు తీశారు. ఈ క్రమంలో వారికి దొరికిన సువర్ణాస్త్రం.. ‘విజయశాంతి’. పరిశ్రమలో అగ్ర హీరోల సినిమాలు రాజ్యమేలుతోన్న ఆ రోజుల్లో.. తన అద్భతమైన నటనతో ప్రేక్షకుల చేత శెభాష్‌ అనిపించుకున్న ధృవతార విజయశాంతి. అంతేకాదు, హీరోలతో పోటీగా యాక్షన్‌ స్టంట్స్‌ చేస్తూ ఆడవాళ్లు ఎందులోనూ తక్కువ కాదని తను నిరూపించింది. అందుకే విజయశాంతిని అభిమానులు ‘లేడీ అమితాబ్‌’ అని పిలుస్తుంటారు.