ఏ కాలంలోనైనా అది తినాలి ఇది కావాలి అనిపిస్తుంది కానీ చలికాలంలో మాత్రం ఏం తిన్నా వేడివేడిగా తినాలనిపిస్తుంది. ఈ క్రమంలో రెండు ముద్దలు ఎక్కువే తినేస్తుంటారు చాలామంది. మరి ఓ వైపు చలి చంపేస్తుంటే ఇక వ్యాయామం సంగతి పట్టించుకునే వారు ఎంతమంది ఉంటారు చెప్పండి. దాని సంగతి దేవుడెరుగు అనుకునేవారు ఎంతమందో! ఇలా రెండుమూడు ముద్దలు ఎక్కువ తినడం, అటు వ్యాయామమూ చేయకపోవడం వల్ల చలికాలం పూర్తయ్యేసరికి బరువు పెరిగేస్తుంటారు చాలామంది. అందుకే అటు వేడివేడిగా కడుపు నిండుగా, ఇటు మీ ఫిట్‌నెస్‌ని కూడా కోల్పోకుండా ఉండాలంటే ఈ చలికాలంలో సూప్స్‌ ట్రై చేయడం బెటర్‌. మరి అలా నోరూరిస్తూ చలిని దూరం చేసే ఈ సూప్స్‌ని ఒకసారి మీరూ ట్రై చేసి రుచి చూడండి!

ఎండాకాలం, వానాకాలం, శీతాకాలంలో.. ఏ కాలం ఎక్కువ ఇష్టం ? అని ఎవరినైనా అడిగితే.. చాలామంది చెప్పే సమాధానం శీతాకాలమే ! తెల్లని పొగ మంచు పరిచే చల్లదనంలో.. వెచ్చదనం కోసం వెతికే ఆరాటం చాలామందికి మహా సరదాగా ఉంటుంది. అయితే ఈక్రమంలో కొన్ని ఇబ్బందులు మన ఆనందానికి అవరోధంగా మారుతుంటాయి. వాటిలో ఎక్కువ బాధించేది ఒకటుంది. అదే గొంతు నొప్పి ! చల్లని వాతావరణంలో వేడి వేడిగా ఏమైనా తాగాలన్నా, తినాలనిపించినా గొంతులో ముల్లు దిగినట్లనిపిస్తుంటుంది. కొంతమందికైతే మాట్లాడటానికి మాట కూడా రానివ్వకుండా చేస్తుందీ గొంతునొప్పి. మరిలా ఇబ్బంది పెట్టే ఈ గొంతు నొప్పిని దూరం చేసుకోవడం ఎలా ? ట్యాబ్లెట్‌ వేసుకుంటే సరి అంటారా ? సైడ్‌ ఎఫెక్టులతో ఎందుకొచ్చిన ఇబ్బంది ! చక్కగా ఈ హోమ్‌ రెమెడీస్‌ని ఫాలో అయిపోండి.

ప్రేమకు మనసుతో తప్ప.. వయసుతో సంబంధం లేదని నిరూపించిన జంటల్లో మిలింద్ సోమన్‌ - అంకితా కొన్వర్‌ల జంట కూడా ఒకటి. తమ మధ్య 26 ఏళ్ల వయోభేదం ఉన్నప్పటికీ ప్రేమ వివాహం చేసుకొని ఈ కపుల్‌ వార్తల్లో నిలిచిన సంగతి విదితమే. సమాజంలో ఎంతోమంది తమ బంధాన్ని తప్పుబడుతూ రకరకాల విమర్శలు చేస్తున్నప్పటికీ వాటన్నింటినీ చిరునవ్వుతో కొట్టిపడేస్తూ తమ వైవాహిక జీవితాన్ని తమకు నచ్చినట్లుగా గడిపేస్తున్నారీ లవ్లీ కపుల్‌. ఈ క్రమంలో మిలింద్‌-అంకితల జంట న్యూ ఇయర్‌ సందర్భంగా జపాన్‌లోని మౌంట్‌ ఫుజీ (అగ్నిపర్వతం)ని సందర్శించారు. ఈ సందర్భంగా దిగిన ఫొటోలు, వీడియోలను వీళ్లు సోషల్‌ మీడియాలో షేర్‌ చేయగా.. అవి ప్రస్తుతం నెట్టింట్లో వైరల్‌గా మారాయి.

సినిమాల్లో నటించడమంటే మనం మాట్లాడినంత సులభం కాదు. అందులో వారు నటిస్తోన్న పాత్రకు తగినట్లుగా తమ వేషభాషలు మార్చుకోవడంతో పాటు ఒక్కోసారి బరువు పెరగడం, తగ్గడం వంటివి కూడా చేయాల్సి ఉంటుంది. అయితే ఈ క్రమంలో కొంతమంది తమ పాత్రకు అనుగుణంగా ప్రోస్థటిక్స్‌, మేకప్‌, ఫ్యాట్‌ సూట్‌.. వంటి వాటితో తాత్కాలిక మెరుగులు దిద్దుతుంటారు. కానీ తను మాత్రం పాత్రకు తగినట్లుగా నన్ను నేను మార్చుకుంటానే తప్ప ఇలాంటి తాత్కాలిక మేకప్‌ను ఆశ్రయించను అని చెబుతోంది టాలీవుడ్‌ అందాల తార అనుష్కా శెట్టి. ఇలా పాత్రకు తగినట్లుగా రూపాన్ని మార్చుకుంటేనే ఓవైపు పాత్రకు తగిన న్యాయం చేయడంతో పాటు మరోవైపు ప్రేక్షకులనూ మెప్పించవచ్చంటోంది స్వీటీ. ‘సైజ్‌ జీరో’లో బొద్దుగుమ్మగా మెప్పించిన అను.. ఈ పాత్ర కోసం ఫ్యాట్‌ సూట్‌ ధరించే అవకాశమున్నా.. పాత్రలో మరింతగా ఒదిగిపోవడానికి కష్టపడి 20 కిలోలు పెరిగింది. ఆపై పెరిగిన బరువును తగ్గించుకొని తిరిగి ఫిట్‌గా మారి ఫిట్‌నెస్‌ విషయంలోనూ తన ఫ్యాన్స్‌కు ఆదర్శంగా నిలిచిందీ ముద్దుగుమ్మ. ‘మన సమాజంలో చాలామంది అమ్మాయిలు లావుగా ఉన్నామని, తద్వారా అందవిహీనంగా కనిపిస్తామని అభద్రతా భావానికి లోనవుతున్నారు. లావుగా ఉన్నా, సన్నగా ఉన్నా ఆరోగ్యంగా ఉండడమే ముఖ్యం..!’ అంటూ తన మాటలతోనూ అందరిలో స్ఫూర్తి నింపుతోన్న స్వీటీ ‘ఫ్యాట్‌ టు ఫిట్‌’ స్టోరీ ఏంటో ఆమె మాటల్లోనే విందాం రండి..

రోజు మారింది... రోజులు కూడా మారాయి... మనం మారాలి. ఇంటిని మార్చాలి... ఆనందాన్ని, ఆరోగ్యాన్ని, సౌభాగ్యాన్ని అందుకోవాలి, ఇంటిల్లిపాదికీ అందించాలి. దీనికోసం కాలానుగుణంగా వచ్చే పరిణామాలను గమనించాలి, మార్పులను అందిపుచ్చుకోవాలి. ఈ రోజు మీకో అవకాశం. కొత్త సంవత్సరాన్ని ఇలా మొదలుపెట్టేద్దామా?

‘మెగా’ కోడలిగా, నటుడు రామ్‌ చరణ్‌ సతీమణిగానే కాకుండా తనకంటూ ఓ ప్రత్యేక గుర్తింపు తెచ్చుకుంది ఉపాసన కొణిదెల. అపోలో ఆస్పత్రికి సంబంధించిన హెల్త్‌కేర్‌ విభాగంలో కీలక బాధ్యతలు నిర్వర్తిస్తున్న ఆమె పలు సామాజిక సేవా కార్యక్రమాలు కూడా నిర్వహిస్తోంది. దీంతో పాటు సోషల్‌ మీడియా వేదికగా ఆరోగ్యం, ఫిట్‌నెస్‌ పట్ల అందరిలో అవగాహన కల్పిస్తోందీ కొణిదెల వారి కోడలు. తాజాగా కొత్త సంవత్సర వేడుకలకు సంబంధించి ఇన్ స్టాలో ఓ పోస్ట్‌ పెట్టిన ఉపాసన.. పూల వ్యర్థాలను నివారించడానికి కొన్ని స్ఫూర్తిదాయకమైన సూచనలిచ్చింది.

చీర.. భారతీయ సంప్రదాయానికి నిలువెత్తు నిదర్శనం. అయితే ఏవైనా పండగలో, ప్రత్యేక సందర్భాల్లో తప్ప సాధారణ రోజుల్లో చీర కట్టుకునే వారు చాలా తక్కువే అని చెప్పుకోవాలి. ఎందుకంటే ఆ దుస్తుల్లో సౌకర్యవంతంగా ఉండలేమని.. చుడీదార్లు, జీన్సుల్లోనే మాకు కంఫర్టబుల్‌గా ఉంటుందని చాలామంది భావిస్తుంటారు. అయితే ఇలా చీర కట్టుకోవడానికే ఇబ్బంది పడిపోయే నేటి రోజుల్లో కొందరు మహిళలు ఈ వస్త్రధారణతోనే వ్యాయామాలు చేయడం, మారథాన్‌లలో పాల్గొనడం, సాహసకృత్యాల్లో భాగమవడం.. వంటివి చేస్తున్నారు. ఇందుకు తాజా ఉదాహరణే ప్రముఖ ఫిట్‌నెస్‌ గురూ, మోడల్‌ మిలింద్‌ సోమన్‌ భార్య అంకితా కొన్వర్‌. ఇటీవలే ముంబయి వేదికగా జరిగిన ‘పింక్‌థాన్‌’లో పాల్గొన్న ఆమె.. అసోం సంప్రదాయపు చీరకట్టులో ముస్తాబై ఈ కార్యక్రమంలో పాల్గొంది. తద్వారా భారతీయ సంప్రదాయాన్ని చాటే చీరకట్టులోనూ మారథాన్‌లో సౌకర్యవంతంగా పాల్గొనచ్చని నిరూపించిందీ ఫిట్‌నెస్‌ ప్రేమికురాలు. అంకితలాగే గతంలోనూ పలువురు మహిళలు చీరకట్టులోనే మారథాన్‌లలో పాల్గొనడం, వ్యాయామాలు చేయడం, సాహసకృత్యాల్లో భాగమవుతూ వార్తల్లో నిలిచారు. అలాంటి స్ఫూర్తి దాయక మహిళల గురించి ఇప్పుడు తెలుసుకుందాం.

ఉదయాన్నే అల్పాహారం తీసుకోవడం ఆరోగ్యానికి ఆవశ్యకమనే విషయం మనకు తెలిసిందే. ఎందుకంటే మనం నిద్రపోయే సమయంలో అంటే దాదాపు ఎనిమిది నుంచి తొమ్మిది గంటల పాటు ఏ ఆహారాన్నీ తీసుకోం. దీనివల్ల శరీరం శక్తిని కోల్పోతుంది. దీన్ని తిరిగి తెచ్చుకోవడానికి అల్పాహారం తీసుకోవడం తప్పనిసరి. అయితే ఈ సమయంలో మనం తీసుకొనే ఆహారంలో చేసే కొన్ని పొరపాట్ల కారణంగా బరువు పెరుగుతామని చెబుతున్నారు నిపుణులు. మరి అల్పాహారం తీసుకొనే సమయంలో మనం చేస్తున్న ఆ పొరపాట్లేమిటో.. వాటిని ఎలా సరిదిద్దుకోవాలో తెలుసుకుందామా..

కాలేజీ రోజుల్లో తరచూ ఫ్రెండ్స్‌తో కలిసి బయటికి వెళ్లడం, ముందు-వెనకా ఆలోచించకుండా నచ్చిన ఆహారం తినేయడం, తద్వారా బరువు పెరగడం.. ఈ అనుభవాలన్నీ మనలో చాలామందికి ఎదురయ్యే ఉంటాయి. కేవలం మీకే కాదు.. మీతో పాటు నాకూ ఇలాంటి బోలెడన్ని జ్ఞాపకాలున్నాయంటోంది ముంబయి మిల్కీ బ్యూటీ హన్సిక మోత్వాని. చిన్నతనం నుంచి ఎంతో ముద్దుగా, కాస్త బొద్దుగా ఉండే ఈ ముద్దుగుమ్మ.. పెద్దయ్యాక ఫ్రెండ్స్‌తో కలిసి బయటికి వెళ్లినప్పుడల్లా ఏదో ఒక చిరుతిండి తినడానికే ఇష్టపడేదాన్నని, ఈ అలవాటే ఆ సమయంలో తనను కాస్త బబ్లీగా కనిపించేలా చేసిందని అంటోంది. పలు బాలీవుడ్‌ సినిమాల్లో బాలనటిగా మెప్పించిన హన్సిక.. తెలుగులో ‘దేశముదురు’ సినిమాతో వెండితెరపై హీరోయిన్‌గా తొలిసారి మెరిసింది. ఆపై ‘కంత్రి’, ‘మస్కా’, ‘బిల్లా’, ‘కందిరీగ’.. వంటి చిత్రాల్లో నటించి తెలుగులో టాప్‌ హీరోయిన్లలో ఒకరిగా గుర్తింపు సంపాదించింది. హీరోయిన్‌గా మనకు పరిచయం కాకముందు కాస్త చబ్బీగా ఉండే ఈ ముద్దుగుమ్మ.. ఇక తెర ముందుకొచ్చాక మాత్రం తన ఫిజిక్‌ను ఫిట్‌గా ఉంచుకుంటూ.. సక్సెస్‌ఫుల్‌గా ముందుకు దూసుకుపోతోంది. ఇలా తాను ఇంత ఫిట్‌గా, నాజూగ్గా ఉండడం వెనుక తాను పాటించే కఠినమైన డైట్‌, వ్యాయామ నియమాల పాత్ర ఎంతో ఉందంటోందీ మిల్కీ గర్ల్‌. మరి, చక్కటి శరీరాకృతితో నేటి తరం అమ్మాయిలకు ఫిట్‌నెస్‌ పాఠాలు నేర్పుతోన్న ఈ ముంబయి బ్యూటీ ‘ఫ్యాట్‌ టు ఫిట్‌’ జర్నీ ఏంటో తన మాటల్లోనే వినేద్దాం రండి..

ఫిట్‌నెస్‌ అనగానే.. బరువు తగ్గడం, నాజూకైన శరీరాకృతిని సొంతం చేసుకోవడం, జీరో సైజు నడుము.. ఇలాంటివే గుర్తొస్తాయి. కానీ ఇలా శరీరంతో పాటు మనసును కూడా దృఢంగా ఉంచుకున్నప్పుడే సంపూర్ణ ఫిట్‌నెస్ సాధ్యమవుతుంది. అందుకు చేసే వ్యాయామాలతో పాటు.. మన రోజువారీ ఆహారంలో భాగంగా తీసుకోవాల్సిన, తీసుకోకూడని పదార్థాలు కూడా కొన్నున్నాయి. అవేంటో చూసేద్దామా..?

సోషల్‌ మీడియాలో ఎంతో యాక్టివ్‌గా ఉండే తారల్లో బాలీవుడ్‌ బ్యూటీ శిల్పా శెట్టి ఒకరు. ఈ యమ్మీ మమ్మీ తన వృత్తిపరమైన, వ్యక్తిగతమైన విషయాలను ఆసక్తికర క్యాప్షన్‌లతో ఎప్పటికప్పుడు సోషల్‌ మీడియాలో నెటిజన్లతో పంచుకుంటూనే ఉంటుంది. ఈ క్రమంలో శిల్ప ఈ రోజు ‘మండే మోటివేషన్‌’ అనే హ్యాష్‌ట్యాగ్‌తో ఒక ఫిట్‌నెన్‌ వీడియోని షేర్‌ చేస్తూ ఒకప్పుడు తను వెన్ను నొప్పితో ఎంతగా బాధపడిందో, దాని నుంచి బయటపడడానికి యోగా ఎంతగా ఉపయోగపడిందో చెప్పుకొచ్చింది.

సినీ నేపథ్యం ఉన్న కుటుంబం నుంచి వచ్చినా.. ఆ పేరును ఏమాత్రం వాడుకోకుండా బాలీవుడ్‌లో తనకంటూ ప్రత్యేక గుర్తింపు సంపాదించుకుంది కపూర్‌ వారసురాలు సోనమ్‌ కపూర్‌. వెండితెరపై అద్భుతమైన అభినయానికి కేరాఫ్‌ అడ్రస్‌గా నిలిచిన ఈ ముద్దుగుమ్మను చూసిన ప్రతిసారీ మనందరికీ గుర్తొచ్చేవి రెండే రెండు విషయాలు. ఒకటి తన ఆకట్టుకునే ఫ్యాషన్లు.. రెండోది తన నాజూకైన శరీరాకృతి. మరి, ఇంతటి ఫిట్టెస్ట్‌ ఫిజిక్‌ని సొంతం చేసుకోవడం అనేది తనకు ఒక్క రాత్రిలో సాధ్యమైన పని కాదని, అందుకు దాదాపు రెండేళ్లు కష్టపడ్డానని అంటోందీ బాలీవుడ్‌ అందం. చిన్నతనం నుంచీ పెద్ద ఫుడీ అయిన ఈ కపూర్‌ భామ.. పీసీవోఎస్‌ వల్లే అధికంగా బరువు పెరిగిపోయిందట. ఇక చదువు పూర్తి చేసుకొని సినిమాల్లోకి రావడానికి తనకు అడ్డుగా నిలిచిన ఈ అధిక బరువును తగ్గించుకునేందుకు కచ్చితమైన ఆహార నియమాలను పాటించడంతో పాటు కఠినమైన వర్కవుట్లు కూడా చేశానని, ప్రయత్నిస్తే ఇది అందరికీ సాధ్యమేనంటోందీ బాలీవుడ్‌ ఫ్యాషనిస్టా. మరి, సినిమాలకు రాకముందు 86 కిలోల బరువున్న ఈ కపూర్‌ బ్యూటీ ‘ఫ్యాట్‌ టు ఫిట్‌’గా మారే క్రమంలో పాటించిన ఫిట్‌నెస్‌, డైట్‌ సీక్రెట్లేంటో తన మాటల్లోనే వినేద్దాం రండి..

'అసలే చలికాలం.. తగిలే సుమబాణం..' అని అదేదో పాటలో చెప్పినట్లుగానే చలికాలంలో వీచే చల్లగాలి కూడా శరీరానికి బాణంలానే గుచ్చుకుంటుంది. మరి ఇంతటి చలిలో లేవడానికే బద్ధకంగా ఉన్నప్పుడు ఇక వ్యాయామం చేయడానికి అస్సలు మనసొప్పదు. అలాగని వ్యాయామం చేయడం మానేస్తే శారీరకంగా, మానసికంగా దృఢత్వాన్ని కోల్పోయే ప్రమాదం ఉంటుంది. కాబట్టి ఈ చలికి తట్టుకునేలా కొన్ని జాగ్రత్తలు తీసుకుంటే.. బయట ఎంత చలిగా ఉన్నా వ్యాయామం చేయడం పెద్ద కష్టమనిపించదు. మరి అవేంటో మనమూ తెలుసుకుందాం రండి..

భార్యాభర్తలంటే తమలా ఉండాలని నిరూపిస్తున్నారు ది మోస్ట్‌ సెలబ్రిటీ కపుల్‌ శిల్పాశెట్టి- రాజ్‌కుంద్రా దంపతులు. పదేళ్ల క్రితం మూడుముళ్ల బంధంతో ఒకటైన మరుక్షణం నుంచి తమ దాంపత్య బంధాన్ని నిత్యనూతనం చేసుకుంటూ ముందుకు సాగుతోందీ అందాల జంట. పండగలు, పార్టీలు, వెకేషన్‌.. సందర్భమేదైనా.. ఒకరిని విడిచి ఒకరు ఉండలేరేమో అన్నంత అన్యోన్యంగా మెలుగుతూ తమ ఫ్యాన్స్‌కు రిలేషన్‌షిప్‌ పాఠాలు నేర్పిస్తున్నారు. ప్రస్తుతం జపాన్‌లో సేదతీరుతున్నారీ లవ్లీ కపుల్‌. తమ పదో వివాహ వార్షికోత్సవాన్ని పురస్కరించుకుని అక్కడి అందాల సాక్షిగా తమ ప్రేమను ఇచ్చిపుచ్చుకుంటున్నారు. అనంతరం వెకేషన్‌ విశేషాలను సోషల్‌మీడియా వేదికగా అందరితో పంచుకుంటున్నారు. ఈ క్రమంలో వీరి ముద్దూ- ముచ్చట్లకు సంబంధించిన ఫొటోలు, వీడియోలు సామాజిక మాధ్యమాల్లో వైరల్‌గా మారాయి.

‘జంక్‌ఫుడ్‌ చూస్తే ఆగలేను.. జిమ్‌ అంటేనే నీరసమొచ్చేస్తుంది.. శరీర బరువు సంగతేమో గానీ తిండి విషయంలో, వర్కవుట్లు చేసే విషయంలో మాత్రం అస్సలు కాంప్రమైజ్‌ కాను..’ ఇదీ 2010లో ‘దబాంగ్‌’ సినిమాపై సంతకం చేయడానికి ముందు వరకూ బబ్లీ బ్యూటీ సోనాక్షీ సిన్హా వాలకం. చిన్నతనం నుంచి పెద్ద ఫుడీ అయిన ఈ చిన్నది.. తన మనసుకు నచ్చింది లాగించడం, మనలో చాలామందిలాగే వ్యాయామం అంటేనే నీరసపడిపోవడంతో 90 కిలోల బరువుతో ఎంతో బబ్లీగా తయారైంది. అయితే ఒక్క సదవకాశం మన జీవితాన్నే మార్చేసినట్లు.. ఒక్క సినిమా ఈ బొద్దుగుమ్మను ముద్దుగుమ్మగా మార్చేసింది. అదే 2010లో విడుదలైన ‘దబాంగ్‌’ సినిమా!

ఈరోజుల్లో చాలామందిని పట్టిపీడిస్తున్న సమస్య అధిక బరువు. పలు సర్వేల ప్రకారం మన దేశంలో దాదాపు 5.74% నుంచి 8.82% మధ్య స్కూలు పిల్లలు ఒబేసిటీ బారిన పడుతున్నారు. ఒక్క దక్షిణ భారతంలోని నగరాలనే తీసుకొంటే 21.4% మంది అబ్బాయిలు, 18.5% మంది అమ్మాయిలు అధిక బరువుతో బాధ పడుతున్నారట. ఈక్రమంలో చాలామంది ఫిట్‌నెస్ నిపుణులకి వారి ఒబేసిటీ వరంగా మారుతోంది. అందుకే లావు తగ్గడానికి వివిధ రకాల డైట్ ప్లాన్లను రూపొందిస్తున్నారు. ఇందులో భాగంగానే కొంతమందైతే లావు తగ్గడానికి ఏకంగా అన్నం మానేసి తమ డైట్ ప్లాన్‌ను ఫాలో అవమంటున్నారు. మరి పరబ్రహ్మ స్వరూపంగా భావించే అన్నం వల్ల నిజంగా కొవ్వు పెరుగుతుందా ? అన్నం తినడం మానేసినంత మాత్రాన బరువు తగ్గుతారా ? తెలుసుకుందాం రండి !

కొందరు లావవ్వాలనే ఉద్దేశంతో ఎక్కువగా తినేస్తుంటారు.. అయినా సన్నగానే ఉంటారు. మరికొందరు లావవుతామేమోననే భయంతో తక్కువగా తింటుంటారు.. అయినా సరే.. లావవడానికి అస్సలు సంబంధం లేదని! అయితే క్యాలరీలు ఎక్కువగా ఉండే ఆహారం విషయంలో మాత్రం జాగ్రత్తగా ఉండాలి.. ఎందుకంటే అలాంటి పదార్థాలు ఎంత తక్కువగా తిన్నా లావయ్యే అవకాశం ఉంది. కాబట్టి తక్కువ క్యాలరీలుండే ఆహార పదార్థాలేంటో తెలుసుకొని వాటిని రోజూ తీసుకోవడం అటు ఆరోగ్యానికి, ఇటు ఫిట్‌నెస్‌కీ మంచిది.