చైనాలోని వుహాన్‌లో వూపిరి పోసుకున్న కరోనా వైరస్‌ ఇప్పుడు భారతదేశంలో ఉగ్రరూపం చూపిస్తోంది. లాక్‌డౌన్‌ సడలింపులతో మరింతగా విజృంభిస్తున్న ఈ మహమ్మారి అందరినీ ఆందోళనకు గురిచేస్తోంది. ప్రత్యేకించి దీర్ఘకాలిక ఆరోగ్య సమస్యలు ఉండి, రోగ నిరోధక శక్తి తక్కువగా ఉండే వృద్ధులు ఎక్కడ ఈ వైరస్‌ బారిన పడతామోనని బిక్కుబిక్కుమంటూ గడుపుతున్నారు. అయితే ఆరోగ్యకర జీవనశైలి, నిరంతర అప్రమత్తత, కొద్దిపాటి జాగ్రత్తలు అన్నిటికీ మించి మానసిక స్థైర్యం మెండుగా ఉంటే కరోనానే కాదు ఎలాంటి మహమ్మారినైనా జయిస్తామని కొందరు వృద్ధులు నిరూపిస్తున్నారు. వందేళ్ల వయసు మీద పడినప్పటికీ ప్రమాదకర వైరస్‌పై విజయం సాధిస్తూ అందరికీ బతుకుపై భరోసా కల్పిస్తున్నారు. ఈ సందర్భంగా ఇటీవల కరోనా నుంచి కోలుకున్న కొందరు శతాధిక వృద్ధుల గురించి తెలుసుకుందాం రండి...

‘గెలుపు పొందే వరకూ అలుపు లేదు మనకు’ అన్నాడో సినీ కవి. ‘కొవిడ్‌ సోకినా నెగెటివ్‌ వచ్చేంత వరకూ మనో నిబ్బరాన్ని కోల్పోకు..’ అంటోంది బాలీవుడ్‌ బుల్లితెర బ్యూటీ మోహెనా కుమారి సింగ్‌. తనతో పాటు తన ఏడుగురు కుటుంబ సభ్యులు కరోనా బారిన పడి కోలుకొని ఇంటికి చేరుకున్నా.. ఆమెకు మాత్రం పదే పదే పాజిటివ్‌ రావడంతో కాస్త టెన్షన్‌ పడ్డానంటోందామె. అయినా గుండె ధైర్యంతో నెల రోజుల తర్వాత కరోనా నుంచి పూర్తిగా కోలుకొని తాజాగా ఇంటికి చేరుకుంది మోహెనా. ఈ క్రమంలో తనకు వైద్య సేవలందించిన డాక్టర్లు, నర్సులు, ఇతర వైద్య సిబ్బందికి కృతజ్ఞతలు చెబుతూ ఇన్‌స్టాలో ఓ పోస్ట్‌ పెట్టిందీ బ్యూటిఫుల్‌ బేబ్‌. అంతేనా.. కొవిడ్‌ నుంచి కోలుకునే క్రమంలో తాను పాటించిన జాగ్రత్తలు, తీసుకున్న ఆహార పదార్థాలు.. వంటివన్నీ మరో పోస్ట్‌లో పంచుకుంటూ తన ఫ్యాన్స్‌లో ధైర్యం నింపిందీ అందాల తార. ఇలా మోహెన పెట్టిన ఈ రెండు ఇన్‌స్టా పోస్టులు ప్రస్తుతం సోషల్‌ మీడియాలో వైరల్‌గా మారాయి.

కరోనా.. ప్రస్తుతం ప్రపంచాన్ని పట్టి పీడిస్తోన్న భూతం. ఈ కంటికి కనిపించని శత్రువుతో ముందుండి పోరాటం చేస్తోంది ఎవరంటే నిస్సందేహంగా వైద్యులు, నర్సులు, ఇతర వైద్య సిబ్బందే! అయితే కరోనా రోగులకు సేవలందించే క్రమంలో తాము వైరస్‌ బారిన పడకుండా ఉండేందుకు పీపీఈ కిట్లు, మాస్కులు, గ్లౌజులు.. వంటివన్నీ వారికి రక్షణ కవచాలుగా నిలుస్తున్నాయి. సాధారణంగా పీపీఈ కిట్లంటే నఖశిఖపర్యంతం శరీరం మొత్తాన్ని కప్పి ఉంచే డ్రస్‌. ప్యాంట్‌, షర్ట్‌.. వంటి దుస్తులు ధరించే వారికి ఇది వేసుకోవడం అంత కష్టమనిపించదు. కానీ భారతీయ మహిళలు ట్రెడిషనల్‌గా ధరించే చీరలపై దీన్ని వేసుకోవడం వీలు కాదు. ఇలాంటి మహిళల అసౌకర్యాన్ని అర్థం చేసుకున్న ఓ ఇండియన్‌ ఫ్యాషన్‌ డిజైనర్‌ మహిళల కోసం ప్రత్యేకంగా ఓ పీపీఈ కిట్‌ని రూపొందించారు. ఎన్నో ప్రత్యేకతలు కలిగిన ఈ స్పెషల్‌ ప్రొటెక్షన్‌ సూట్‌ గురించి కొన్ని విశేషాలు తెలుసుకుందాం రండి..

భారత్‌లో కరోనా కాలుమోపిన సమయంలోనే ఆమె విదేశాల నుంచి స్వదేశీ గడ్డపై అడుగుపెట్టింది. అయితే తనతో పాటు కరోనా కూడా తన వెంట వస్తుందని అప్పుడు ఆమెకు తెలియలేదు. అలా నాలుగైదు రోజులు గడిచింది.. క్రమంగా వ్యాధి లక్షణాలు బయటపడ్డాయి. ఆమె అనుమానమే నిజమైంది.. కరోనా పాజిటివ్‌గా తేలింది. 20 రోజులు మహమ్మారితో పోరాడి జయించిన ఆమె.. ఆపై తన ప్లాస్మాను దానం చేసి కరోనా బాధితులకు ప్రాణం పోసింది. కొవిడ్‌పై పోరాటంలో నేను సైతం అలా భాగమయ్యానంటున్న ఆమె హృదయరాగమేంటో మనమూ విందాం రండి..

తనదైన సహజ నటన, అందంతో ప్రేక్షకులను ఆకట్టుకునే నటీమణుల్లో అనుపమా పరమేశ్వరన్‌ ఒకరు. ఆచితూచి సినిమాలను ఎంచుకునే ఈ కేరళ బ్యూటీ ఇప్పటి వరకు చేసిన సినిమాలన్నింటిలోనూ నటనకు ప్రాధాన్యం ఉన్న పాత్రల్లోనే నటించి మెప్పించింది. ఇక అనుపమ సోషల్‌ మీడియాలోనూ చాలా యాక్టివ్‌గా ఉంటుంది. ఎప్పటికప్పుడు తన క్యూట్‌ ఫొటోలను పోస్ట్‌ చేస్తుంటుందీ బ్యూటీ.

కరోనా బారి నుంచి తమను తాము కాపాడుకునే క్రమంలో కోట్లాది మంది ప్రజలు ఇళ్లకే పరిమితమయ్యారు. ఇదే సమయంలో ఈ ప్రమాదకర వైరస్‌ను కట్టడి చేసేందుకు ఎంతోమంది వైద్య సిబ్బంది యుద్ధవీరుల్లా ముందుండి పోరాడుతున్నారు. రోగుల నుంచి వైరస్ సోకే ప్రమాదం ఉన్నప్పటికీ వృత్తి ధర్మానికే ఓటేస్తూ మరీ వైద్య సేవలు అందజేస్తున్నారు. ఓవైపు ఒంటిపై నున్న పీపీఈ కిట్లు ఊపిరాడనివ్వకున్నా తమ వైద్యంతో కరోనా బాధితులకు ఊపిరి పోస్తున్నారు. నెలల తరబడి కుటుంబ సభ్యులకు దూరంగా ఉంటూ విపత్కర పరిస్థితుల్లోనూ వెలకట్టలేని సేవలు అందిస్తున్నారు. ఈక్రమంలో ‘వైద్యో నారాయణో హరి’ అనే మాటలను నిజం చేసిన ఈ డాక్టరమ్మలు ఎలాంటి మన్ననలు అందుకున్నారో తెలుసుకుందాం రండి!

దిల్లీలో కరోనా శరవేగంగా వ్యాపిస్తోంది. దేశంలో ప్రమాదకరమైన జోన్లలో దిల్లీ రెండో స్థానంలో ఉన్న సంగతి తెలిసిందే. ఈ పరిస్థితిని చక్కదిద్దడానికి అక్కడి డాక్టర్లు, ఇతర వైద్య సిబ్బంది తీవ్రంగా శ్రమిస్తున్నారు. విరామమనేది మరిచి కరోనా బారిన పడిన వారిని కాపాడడంలో నిమగ్నమయ్యారు వారు. అయితే తాము డాక్టర్లమే అయినా రోగులకు సేవలందించే క్రమంలో ఈ వైరస్‌ తమకెక్కడ సోకుతుందోనన్న భయం, ఆందోళన తమలోనూ ఉంటాయని చెబుతోంది అక్కడి ఓ ఆసుపత్రిలో పనిచేస్తోన్న ఓ యువ వైద్యురాలు. కొవిడ్‌-19 వార్డులోని పరిస్థితులను, అక్కడ సేవలందించే డాక్టర్ల మానసిక స్థితిని కళ్లకు కట్టినట్లు చూపేలా ‘హ్యూమన్స్‌ ఆఫ్‌ బాంబే’ ఫేస్‌బుక్‌ పేజ్‌లో పోస్ట్‌ రూపంలో తాను పంచుకున్న మనోభావాలను తన మాటల్లోనే తెలుసుకుందాం రండి..

కరోనా ప్రకోపానికి ప్రపంచ దేశాలు గడగడలాడుతున్నాయి. అమెరికా, బ్రిటన్‌, రష్యా, ఇటలీ తదితర అగ్రదేశాలు కూడా ఈ మహమ్మారిని ఎదుర్కోలేకపోతున్నాయి. కంటికి కనిపించని ఈ వైరస్‌ కారణంగా మనుషులందరూ ప్రాణాలను అరచేతిలో పెట్టుకుని బతుకుజీవుడా అని రోజులు గడుపుతున్నారు. ఈక్రమంలో ఈ మహమ్మారి నుంచి మానవజాతిని రక్షించేందుకు ప్రపంచవ్యాప్తంగా శాస్ర్తవేత్తలు, వైద్య నిపుణులు నిరంతరంగా పరిశోధనలు కొనసాగిస్తున్నారు. వ్యాక్సిన్‌ తయారీ కోసం అలుపెరగని పోరాటం చేస్తున్నారు. ఈ పరిస్థితుల్లో కరోనా వైరస్‌ కట్టడికి ఆశాకిరణంలా కనిపిస్తోంది ప్లాస్మా థెరపీ. ప్రధానంగా కరోనా వైరస్‌తో ఆరోగ్యం విషమించిన వారికి ప్రాణదాతలా పనిచేస్తోందీ చికిత్స విధానం. ఇలా ఇటీవలే కరోనా మహమ్మారిని జయించి తన ప్లాస్మాను దానం చేసి.. దేశంలోనే తొలి కరోనా ప్లాస్మా దాతగా గుర్తింపు తెచ్చుకుంది అహ్మదాబాద్‌కు చెందిన స్మృతీ థక్కర్‌. మరి, ఇంతకీ అసలేంటీ ప్లాస్మా థెరపీ? దీనిపై తొలి ప్లాస్మా డోనర్‌ స్మృతీ థక్కర్ అనుభవాలేంటి? తెలుసుకుందాం రండి..

కరోనా చేస్తోన్న విలయ తాండవానికి ప్రపంచ దేశాలు గడగడలాడుతున్నాయి. ఈ వైరస్‌ బారిన పడకుండా ఉండేందుకు సామాన్యుల నుంచి దేశ ప్రధానుల వరకు భౌతిక దూరం పాటిస్తూ ఇళ్లకే పరిమితమవుతున్నారు. అత్యవసర పరిస్థితుల్లో తప్ప ఇంటి నుంచి అడుగు బయట పెట్టేందుకు భయపడుతున్నారు. ఈ క్రమంలో కరోనా నుంచి ప్రజలను కాపాడేందుకు వైద్య సిబ్బంది మాత్రం పగలు, రాత్రి అనే తేడాల్లేకుండా విధులు నిర్వర్తిస్తున్నారు. కరోనా పేషెంట్స్‌కి చికిత్స అందించే క్రమంలో ఆ వైరస్‌ తమకూ సోకే ప్రమాదముందని తెలిసినా.. ప్రాణాలను సైతం పణంగా పెట్టి తమ వృత్తిధర్మాన్ని నిర్వర్తిస్తున్నారు. ఈ క్రమంలో భారత సంతతికి చెందిన స్నేహా సింగ్‌ యూకేలోని జాతీయ ఆరోగ్య సేవా సంస్థ (ఎన్‌హెచ్‌ఎస్‌)లో ఎమర్జెన్సీ విభాగంలో వైద్యురాలిగా బాధ్యతలు నిర్వర్తిస్తోంది. రోగులను కొవిడ్‌ 19 బారి నుంచి రక్షించేందుకు ఆమె తీవ్రంగా శ్రమిస్తోంది. ఈ నేపథ్యంలో తనకు ఎదురైన అనుభవాలు తన మాటల్లోనే..

ప్రస్తుతం ప్రపంచమంతా ‘కరోనా’ జపం చేస్తోంది. లక్షలాది మందిని బలిగొన్న ఈ మహమ్మారి ఎప్పుడెప్పుడు అంతమైపోతుందా అని కోట్లాది మంది కళ్లు కాయలు కాచేలా ఎదురుచూస్తున్నారు. పలు దేశాల్లో ఈ వైరస్‌ ఓవైపు మృత్యు తాండవం చేస్తూనే.. మరోవైపు మనకు తెలియని ఓ కొత్త ప్రపంచాన్ని పరిచయం చేసింది. నిత్యం యుద్ధాలు, జాత్యహంకార మాటలతో కత్తులు దూసుకునే కొన్ని దేశాలు నేడు ఈ మహమ్మారి కారణంగా ఏకమయ్యాయి. కరోనాపై కలిసి పోరాటం చేద్దామని ముందుకు వస్తున్నాయి. ఇక ఉపాధి కోసం వివిధ దేశాలకు వలస వెళ్లి అక్కడే స్థిరపడిన వైద్యులు, నర్సులు, ఇతర వైద్య సిబ్బంది కూడా.. కుల, మత, జాతి, వర్గ విభేదాలు చూపించకుండా కరోనాపై పోరులో భాగస్వాములవుతున్నారు. ప్రాణాలను పణంగా పెడుతూ అహర్నిశలూ సేవలందిస్తూ అందరి మన్ననలు అందుకుంటున్నారు. ఈక్రమంలో వారి సేవలను ప్రశంసిస్తూ ‘సచిని’ అనే ఓ మహిళా నెటిజన్‌ షేర్‌ చేసిన వీడియో ప్రస్తుతం సోషల్‌ మీడియాలో వైరల్‌గా మారింది.

కరోనాకు, మానవ జాతికి మధ్య సమరం ఇంకా కొనసాగుతోంది. ఇలాంటి విపత్కర పరిస్థితుల్లో వైద్య సిబ్బంది అందిస్తోన్న సేవలు వెలకట్టలేనివి. తమ ప్రాణాలకు అపాయముందని తెలిసినా ప్రజలకు వైద్య సేవలు అందించేందుకు పగలు, రాత్రి అని తేడాల్లేకుండా శ్రమిస్తున్నారీ సూపర్ హీరోస్. ఇందులో భాగంగా వీళ్లు తమ వ్యక్తిగత జీవితాన్ని కూడా త్యాగం చేస్తున్నారు. ఈ క్రమంలో ఆస్ట్రేలియాలో ఓ డాక్టర్‌ కపుల్‌ తమ పెళ్లిని సైతం వాయిదా వేసుకున్నారు. తమ సంతోషం కంటే ప్రజల శ్రేయస్సే తమకు ముఖ్యమని వాళ్లు ఈ రకంగా చాటి చెప్పారు.

కరోనా బారి నుంచి తమను తాము కాపాడుకునేందుకు కోట్లాది మంది ప్రజలు ఇళ్లకే పరిమితమయ్యారు. అయితే ఈ ప్రమాదకర వైరస్‌ను కట్టడి చేసేందుకు ఎంతో మంది వైద్య సిబ్బంది ముందుండి పోరాడుతున్నారు. కంటి మీద కునుకు లేకుండా, నెలల తరబడి కుటుంబ సభ్యులకు దూరంగా ఉంటూ కరోనా బాధితులకు సేవలందిస్తున్నారు. రోగుల నుంచి వైరస్‌ సోకే ప్రమాదం అధికంగా ఉన్నా తమ ఆరోగ్యాన్ని పణంగా పెట్టి మరీ వైద్య సేవలు అందజేస్తున్నారు. ఈ క్రమంలో ‘వైద్యో నారాయణో హరి’ అనే మాటలను నిజం చేస్తూ ఎంతో నిక్కచ్చిగా వృత్తిధర్మం పాటిస్తోన్న ఓ ఇద్దరు డాక్టరమ్మల గురించి తెలుసుకుందాం రండి.

‘ఈ ప్రపంచంలో దేవుడి తర్వాత అందరూ చేతులెత్తి మొక్కేది ఒక్క డాక్టర్లకే...! ‘ఠాగూర్‌’ సినిమాలో మెగాస్టార్‌ చిరంజీవి నోటి వెంట వచ్చిన ఈ డైలాగ్‌ ఒక్కటి చాలు...డాక్టర్ల గొప్పతనమేంటో చాటి చెప్పడానికి..! ఇక ‘వైద్యో నారాయణో హరి’ అంటూ వైద్యులను సాక్షాత్తూ నారాయణుడి (భగవంతుడు)తో పోల్చారు మన పెద్దలు. ప్రస్తుతం చైనాలో కొవిడ్‌-19(కరోనా) బాధితులకు సేవలందిస్తున్న వైద్యులను, నర్సులను చూస్తే చాలామందికి ఈ మాటలే గుర్తుకువస్తాయి. వృత్తి ధర్మాన్ని దైవంలా భావిస్తూ ప్రాణాంతక వైరస్‌ను తరిమికొట్టేందుకు తమ ప్రాణాలనే పణంగా పెడుతున్నారు అక్కడి వైద్య సిబ్బంది. ఇందులో భాగంగా ప్రఖ్యాత డాక్టర్ల నుంచి సాధారణ నర్సుల వరకూ కంటిమీద కునుకు లేకుండా రాత్రింబవళ్లూ ఆస్పత్రుల్లోనే ఉంటూ రోగులకు సేవలందిస్తున్నారు. ఇక ఈ వైరస్‌ వ్యాప్తిని పూర్తిగా అరికట్టేందుకు ఎలాంటి త్యాగాలకైనా సిద్ధమంటున్నారు అక్కడి నర్సులు. ఈ క్రమంలో తల వెంట్రుకల ద్వారా కూడా ఈ మహమ్మారి సోకుతుందనే కారణంతో తమ శిరోజాలను కూడా తొలగించుకుంటున్నారు.

కరోనా.. ప్రస్తుతం ప్రపంచాన్ని గడగడలాడిస్తోన్న వైరస్‌. చైనాలో మొదలైన ఈ వ్యాధి ప్రపంచవ్యాప్తంగా పలు దేశాలకు విస్తరించింది. ఈ మహమ్మారి ఇప్పటికే వందల మందిని బలిగొంది. ప్రపంచవ్యాప్తంగా 31,493 మందికి ఈ వైరస్‌ సోకగా.. వీరిలో 4,824 మంది పరిస్థితి విషమంగా ఉన్నట్లు అధికారికంగా వెల్లడైంది. చైనాలో కరోనా బారిన పడి గురువారం (ఫిబ్రవరి 6) ఒక్కరోజే 73 మంది మరణించినట్లు తాజాగా అధికారులు తెలిపారు. వైరస్‌ వ్యాప్తిని కట్టడి చేసేందుకు చైనా సహా ఇతర దేశాల ప్రభుత్వాలు సైతం చర్యలు చేపట్టాయి. ఈ వైరస్‌ విజృంభణను దృష్టిలో ఉంచుకొని కొద్దిరోజుల క్రితమే ప్రపంచ ఆరోగ్య సంస్థ ‘అంతర్జాతీయ ఆరోగ్య అత్యయిక స్థితి’ని ప్రకటించిన సంగతి విదితమే. ఈ క్రమంలో బాధితులకు మెరుగైన వైద్య సదుపాయాలు అందించేందుకు చైనా వైద్య బృందం నిరంతరంగా శ్రమిస్తోంది. ఇది అంటువ్యాధి అని తెలిసినప్పటికీ తమ ప్రాణాలను సైతం పణంగా పెట్టి వైద్య సేవలు అందిస్తున్నారు అక్కడి డాక్టర్లు, నర్సులు. ఈ క్రమంలో కొంతమంది వైద్యులకు వైరస్‌ సోకడం బాధాకరం. అయితే పగలు, రాత్రి అనే తేడా లేకుండా నిరంతరాయంగా వైద్య సేవలు అందించి అలసి సొలసిన కొందరు చైనా డాక్టర్లు, నర్సుల ఫొటోలు ప్రస్తుతం నెట్టింట్లో వైరల్‌గా మారాయి. ఈ ఫొటోల వెనకున్న కథేంటో మీరే చూడండి.

సరిహద్దుల్లో విధులు నిర్వహిస్తూ.. సెలవులు లేని సేవకుల్లా దేశాన్ని కంటికి రెప్పలా కాపాడుతుంటారు మన సైనికులు. సుస్తీ చేసినా..ప్రాణాలమీద కొచ్చినా..కంటి మీద కునుకు లేకుండా గస్తీ కాస్తుంటారీ గ్రేట్‌ సోల్జర్స్‌. దేశ ప్రజల రక్షణే ప్రధాన కర్తవ్యంగా భావించే సైన్యం.. ఎక్కడైనా, ఎలాంటి ప్రకృతి వైపరీత్యం సంభవించినా..క్షణాల్లో ప్రత్యక్షమై సహాయ సహకారాలు అందిస్తుంటుంది. ఈ క్రమంలో ఇండియన్‌ ఆర్మీకి చెందిన ఇద్దరు మహిళా కెప్టెన్లు మానవత్వానికి మారుపేరులా నిలిచారు. కదులుతున్న రైళ్లో పురిటి నొప్పులతో బాధపడుతున్న తోటి ప్రయాణికురాలికి ప్రసవం చేసి తల్లీ బిడ్డకు పునర్జన్మనిచ్చారు.