వేసవికాలం వచ్చిందంటే చాలు.. ఎండ వేడికి చర్మం మండిపోతూ, ఎర్రగా కమిలిపోయినట్లుగా కనిపిస్తుంది. ఇక బయటకు వెళ్లి వస్తే ముఖంలో కళ పోయి నిర్జీవంగా మారిపోతుంది. మరి, అలసిపోయిన చర్మానికి తిరిగి జీవం పోసి, వేసవి వేడిమి నుంచి చల్లదనాన్ని అందించే ప్యాక్స్ ఏమైనా ఉన్నాయా అంటే.. ఎందుకు లేవూ..! ఇంట్లో లభించే సహజసిద్ధమైన పదార్థాలతోనే కొన్ని ప్యాక్స్ తయారుచేసుకొని వాటి ద్వారా వేసవిలో చర్మాన్ని సంరక్షించుకోవచ్చంటున్నారు సౌందర్య నిపుణులు. ఇంతకీ ఆ ప్యాక్స్ ఏంటి? అందులో ఉపయోగించే పదార్థాలేంటో.. మనమూ తెలుసుకుందాం రండి..

వేసవి అంటేనే సమస్యల వలయం. ఈ కాలంలో వడదెబ్బ, డీహైడ్రేషన్.. వంటి ఆరోగ్య సమస్యలే కాదు.. పలు చర్మ సంబంధిత సమస్యలూ ఎదురవుతుంటాయి. ముఖ్యంగా జిడ్డు చర్మం, మొటిమలు, వేడి వల్ల చర్మం పొడిబారడం.. ఇలా ఈ సీజన్‌లో ఉండే సమస్యలు ఎన్నో..! వీటన్నింటి నుంచి విముక్తి పొందడానికి చాలామంది చాలా రకాల ప్రయత్నాలే చేస్తుంటారు. ఈ క్రమంలో పార్లర్ల చుట్టూ తిరగడం, తమకు తెలిసిన సహజసిద్ధమైన చిట్కాలు పాటించడం.. ఇలాంటివీ అందులో కొన్ని. అయితే ఇలాంటి చర్మ సంబంధిత సమస్యల్ని అధిగమించాలంటే ముందు వేడి నుంచి బయటపడాలంటున్నారు సౌందర్య నిపుణులు. ఇందుకోసం సౌకర్యవంతంగా, వదులుగా ఉండే దుస్తుల్ని ధరించడం మాత్రమే కాదు.. సౌందర్య సంరక్షణపై కూడా దృష్టి పెట్టాలంటున్నారు.

నమస్తే మేడం.. నా వయసు 32ఏళ్లు. నేను టీచర్‌గా పనిచేస్తున్నాను. నా తలలో పేలు చాలా ఎక్కువగా ఉన్నాయి. ఎన్నిసార్లు దువ్వుకున్నా మళ్లీ మళ్లీ వస్తున్నాయి. ఈ సమస్య నుంచి విముక్తి పొందడానికి ఏదైనా పరిష్కారం సూచించండి. - ఓ సోదరి

చర్మం ముడతలు పడడమనేది వృద్ధాప్య ఛాయల్లో ఒకటి. వయసు పెరిగే కొద్దీ ఇలాంటి లక్షణాలు కనిపించినా పెద్దగా పట్టించుకోం. కానీ కొంతమందికి చిన్న వయసులో ఉండగానే ముఖంపై ముడతలు, గీతలు కనిపిస్తుంటాయి. మరీ ముఖ్యంగా నుదుటి మీద కనిపించే గీతల కారణంగా చాలామంది వయసు పైబడిన వారిలా కనిపిస్తుంటారు. అయితే ఈ సమస్యను తగ్గించుకోవాలన్నా, రాకుండా ముందు నుంచే జాగ్రత్తపడాలన్నా కొన్ని చిట్కాలు పాటించాలంటున్నారు సౌందర్య నిపుణులు.

'ముఖం చూడు ఎంత నల్లగా తయారైందో.. కాస్త పసుపు రాసుకోకూడదటే..' 'ఇదుగో ఈ మెంతుల పేస్ట్ తలకు రాసుకో.. జుట్టురాలడం ఆగిపోతుంది..' 'ఒంటికి నలుగుపిండి పెట్టుకున్నావంటే చాలు.. చర్మం సుకుమారంగా తయారవుతుంది..' 'ఆ షాంపూ వాడతావెందుకే.. జుట్టు రాలిపోతుంది.. చక్కగా కుంకుడు కాయలతో తలంటుకోవచ్చుగా..'

అందం కోసం వివిధ రకాల సౌందర్య ఉత్పత్తులు ఉపయోగించడం మనలో చాలామందికి అలవాటే..! అయితే వీటిలో కొన్ని ఉత్పత్తులు చర్మాన్ని తాత్కాలికంగా అందంగా కనిపించేలా చేస్తే.. మరికొన్ని మాత్రం మన అందాన్ని పెంపొందించుకునేేందుకు సాయపడేవిగా ఉంటాయి. కానీ క్యాలమైన్ లోషన్ రెండు రకాలుగానూ పనిచేస్తూ చర్మ వర్ఛస్సును మరింత పెంచుకునేందుకు తోడ్పడుతుంది. క్రీస్తుపూర్వం నుంచి ఇప్పటివరకూ దీన్ని మహిళలు తమ సౌందర్య పరిరక్షణలో భాగంగా ఉపయోగిస్తున్నారంటే దీని విలువేంటో అర్థం చేసుకోవచ్చు. అలాంటి క్యాలమైన్ లోషన్‌ని మన బ్యూటీకిట్‌లో చేర్చుకోవడం ద్వారా ఎన్నో ప్రయోజనాలను పొందే వీలుంటుంది. ఇంతకీ ఈ క్యాలమైన్ లోషన్ మన సౌందర్య పరిరక్షణకి ఎలా ఉపయోగపడుతుందో తెలుసుకుందాం రండి..

ఇంట్లో సహజంగా అందాన్ని చేకూర్చే పదార్థాలు అన్నీ ఉన్నా ఏది పెట్టుకుంటే ఏమవుతుందో అని చాలామంది అపోహ పడుతుంటారు. కానీ కాస్త ఓపిక, శ్రద్ధ పెడితే చర్మాన్ని యవ్వనంగా మెరిసేలా చేయడంతో పాటు చర్మ పోషణకు అవసరమయ్యే పోషకాలను కూడా అందించవచ్చు. మనకు నచ్చినట్లు అందంగా కనిపించడానికి ప్రయత్నించవచ్చు. ఈ క్రమంలో సహజసిద్ధంగా లభించే అరటిపండు మనకు ఏవిధంగా ఉపయోగపడుతుందో చూద్దాం..!

ఈరోజుల్లో నలుగురిలోనూ ప్రత్యేకంగా, అందంగా మెరిసిపోవాలని కోరుకోని అమ్మాయిలు ఎవరుంటారు చెప్పండి?? నిజమే!! 'ఆ అందాన్ని సొంతం చేసుకోవడానికేగా బ్యూటీపార్లర్ల చుట్టూ ప్రదక్షిణలు చేసేది అంటారా?' అయితే మచ్చలేని సౌందర్యాన్ని సొంతం చేసుకోవడానికి రసాయనాలు కలిగి ఉండే సౌందర్య ఉత్పత్తులే కాదు.. సహజసిద్ధమైన పదార్థాలు కూడా చాలా బాగా ఉపయోగపడతాయి. ముఖ్యంగా మనం ఇళ్లలో రోజూ చూసే 'తులసి' మొక్క కూడా!! అదెలా సాధ్యమో తెలుసుకోవాలంటే ఇది చదవాల్సిందే...!

మేని మెరుపును సొంతం చేసుకోవడానికి మీరు చేయని ప్రయత్నమంటూ లేదా? జిడ్డు చర్మాన్ని వదిలించుకోవడానికి రకరకాల సబ్బులు వాడుతున్నారా? మొటిమల్ని నివారించుకోవడానికి పలు రకాల క్రీమ్‌లు రాసుకుంటున్నారా? అయితే మీ వంటగదినే బ్యూటీపార్లర్‌లా మార్చుకుంటే మీ సమస్యలన్నింటినీ ఇట్టే అధిగమించేయచ్చు. ఏంటీ.. ఆశ్చర్యపోతున్నారా? మేం చెప్పేది నిజమేనండీ.. మీ వంటగదిలో లభించే కొన్ని సహజసిద్ధమైన పదార్థాలతో తయారు చేసిన ఫేస్‌ప్యాక్స్ వాడితే ఇలాంటి చర్మ సమస్యలు దూరమయ్యే అవకాశం ఉంది. మరి వాటిలో కొన్నిటి గురించి చూడండి..

చర్మ సంరక్షణ అంటే కేవలం సౌందర్య ఉత్పత్తులు వాడడం మాత్రమే కాదు.. పోషకాహారానికీ ప్రాధాన్యమివ్వాలి. అప్పుడే అందంగా, యవ్వనంగా కనిపించచ్చు. అసలు చర్మ ఆరోగ్యం కోసం ఎలాంటి పదార్థాలు తీసుకోవాలో చూద్దాం..

సాధారణంగా మనకొచ్చే మొటిమలు, బ్లాక్‌ హెడ్స్‌, వైట్‌ హెడ్స్‌, కంటి కింద నల్లని వలయాలు.. ఇలాంటి సమస్యలన్నింటికీ కారణాలేంటో మీకు తెలుసా? మన చర్మం మీదున్న దుమ్ము, ధూళి అలాగే ఉండిపోవడం, మేకప్‌ తొలగించకపోవడం. ఈ రెండింటి కారణంగా మన చర్మ రంధ్రాలు మూసుకుపోతాయి. అందుకే రాత్రి పూట చర్మం మీద కాస్త శ్రద్ధ చూపిస్తే వయసు ఏదైనా సరే.. చర్మం నవయవ్వనంతో మెరిసిపోతుంది.

'చింతపండు'.. ఈ పేరు చెబితే చాలు.. అబ్బ ఎంత పులుపో అనుకోనివారుండరంటే అతిశయోక్తి కాదు. అయితే అదే సమయంలో కొన్ని వంటకాల్లో చింతపండు లేకపోతే ముద్ద దిగనివారు కూడా ఉంటారు. కేవలం రుచి కోసం మాత్రమే కాదు.. దీనివల్ల ఆరోగ్యపరమైన ప్రయోజనాలు కూడా ఎక్కువే. అయితే చింతపండు అందాన్ని కాపాడుకోవడానికి కూడా ఉపయోగించవచ్చన్న విషయం మీకు తెలుసా? మీరు ఇప్పటివరకూ ప్రయత్నించి ఉండరు కానీ చింతపండు సౌందర్య పరిరక్షణలో కూడా ఎంతగానో ఉపయోగపడుతుంది. మరి, చింతపండుతో ఇంట్లోనే తయారుచేసుకోదగిన కొన్ని ప్యాక్స్, సౌందర్య ఉత్పత్తుల గురించి తెలుసుకుందామా..

అందమంటే కేవలం ముఖ సౌందర్యమే కాదు.. జుట్టు ఆరోగ్యంగా, ఒత్తుగా పెరిగినప్పుడే అది పరిపూర్ణమవుతుంది. అయితే ప్రస్తుతమున్న వాతావరణ కాలుష్యం, మనం తీసుకునే ప్రాసెస్ట్‌ ఫుడ్‌ కారణంగా కేశ సంపద రోజురోజుకీ తగ్గిపోవడంతో పాటు వివిధ రకాల జుట్టు సమస్యలు తలెత్తుతున్నాయి. అలా జరగకుండా ఉండాలంటే ఇంట్లో లభించే కొన్ని సహజసిద్ధమైన హెయిర్‌ మాస్కుల్ని ప్రయత్నించాల్సిందే!

రసాయనాలు మేళవించిన సౌందర్య ఉత్పత్తులెన్ని ఉన్నా.. సహజంగా దొరికే పదార్థాలు చేసే మేలు అంతా ఇంతా కాదు. అలాంటి పదార్థాలేంటి? వాటిని మనం ఎలా ఉపయోగించచ్చో చూద్దామా..

అధరాలు అందంగా కనిపించడం కోసం వాడే లిప్‌స్టిక్, లిప్‌బామ్ లాంటి రకరకాల సౌందర్య సాధనాల గురించి మనందరికీ తెలుసు. లిప్‌స్టిక్ తయారీలో వాడే రకరకాల రసాయనాలకు భయపడి కొంతమంది వాటి జోలికి వెళ్లరు. సహజమైన పదార్థాలతో తయారయే ఆర్గానిక్ లిప్‌స్టిక్ లు, బ్రాండెడ్ లిప్‌స్టిక్‌లు చాలా ఖరీదు. ఎంత ఖరీదైన లిప్‌స్టిక్ వాడినా సహజమైన అధర సౌందర్యాన్ని మించిన అందం లేదు కదా..! లిప్ స్టెయినింగ్ అనే పద్ధతి ద్వారా సహజమైన పద్ధతిలో మీ పెదాలకు నచ్చిన రంగులు అద్దవచ్చు. పైగా ఎటువంటి హానికారక రసాయనాలు లేకుండా సులభంగా ఇంట్లోనే తయారు చేసుకోవచ్చు. అదెలాగో చూసేద్దామా..!

మొటిమలు.. సౌందర్యపరంగా అమ్మాయిలను ఇబ్బందిపెట్టే సమస్యల్లో ఇది ముందు వరుసలో ఉంటుంది. అయితే ఇది ఒక్కొక్కరిలో ఒక్కోలా ఉండచ్చు. కొందరికి ఇవి మరీ అధిక సంఖ్యలో ఉండడమే కాకుండా కాస్త పెద్ద పరిమాణంలో ఉంటూ నొప్పి, వాపు వంటివి కనిపిస్తాయి. ఇంకొందరికి కాస్త తక్కువ సంఖ్యలోనే ఉంటాయి. మరికొందరికి చిన్న పరిమాణంలో అక్కడక్కడా ఇవి కనిపిస్తూ ఉంటాయి. ఇటువంటి వారిలో మొటిమల చుట్టూ వాపు రావడం, నొప్పి కలగడం.. వంటి సమస్యలేవీ అంతగా కనిపించవు. అయితే కొన్ని సహజసిద్ధమైన చిట్కాలు పాటించడం ద్వారా వీటి నుంచి ఎంతో కొంత ఉపశమనం పొందచ్చు.

ఆపాదమస్తకం అందంగా మెరిసిపోవాలని సినీతారలు అనుకోవడం సహజం. ఈ నేపథ్యంలో సిల్వర్‌ స్ర్కీన్‌పైనే కాదు నిజ జీవితంలోనూ ఎంతో అందంగా కనిపించేందుకు ఎన్నో జాగ్రత్తలు తీసుకుంటారు మన ముద్దుగుమ్మలు. ప్రత్యేకించి చర్మ సంరక్షణ విషయంలో మరింత శ్రద్ధ వహిస్తుంటారు. ఈ క్రమంలో ఇంట్లో లభించే సహజసిద్ధమైన చిట్కాల్ని పాటించడమే కాకుండా.. తమ శరీరతత్వానికి సరిపడే ఆహారాన్ని మాత్రమే తీసుకుంటుంటారు. ఎంత రుచిగా ఉన్నా సరే.. శరీరానికి అలర్జీ కలిగించే ఆహారాన్ని పక్కన పెడుతుంటారు. ఈ క్రమంలో తాను కూడా గతంలో ఫుడ్‌ అలర్జీతో బాధ పడ్డానంటోంది రష్మిక మందన. టాలీవుడ్‌లో స్టార్‌ హీరోయిన్‌గా గుర్తింపు తెచ్చుకున్న ఈ అందాల తార సోషల్ మీడియాలోనూ యాక్టివ్‌గా ఉంటోంది. ఈ సందర్భంగా ఇన్‌స్టా వేదికగా తన స్కిన్‌ కేర్‌ టిప్స్‌ని అందరితో షేర్‌ చేసుకుందీ ముద్దుగుమ్మ.

కరోనా రాకతో ప్రపంచమంతా టెక్నాలజీ మయం అయిపోయింది. ఇప్పటికే పెద్దవాళ్లు ఇంటి నుంచి పనిచేసే విధానాన్ని తమ వర్కింగ్‌ లైఫ్‌స్టైల్‌గా మార్చుకుంటే, విద్యార్థులు ఆన్‌లైన్‌ క్లాసెస్‌కు అలవాటు పడుతున్నారు. ఇది మంచి పరిణామమే అయినప్పటికీ నిరంతరాయంగా టెక్నాలజీ మోజులో పడిపోయి కంప్యూటర్‌/మొబైల్‌కు కళ్లప్పగించేస్తే కంటి ఆరోగ్యం దెబ్బతినడం ఖాయం. చాలామందిలో ఇది కంటి అలసటకు, కళ్ల కింద నల్లటి వలయాలు ఏర్పడడానికి కారణమవుతుంది. అయితే మరి, ఈ సమస్యను పరిష్కరించుకోవడమెలా.. అంటారా? అందుకోసమే ఓ చక్కటి టిప్‌తో మన ముందుకొచ్చేసింది బాలీవుడ్‌ అందాల తార రవీనా టాండన్‌. సోషల్‌ మీడియాలో చురుగ్గా ఉండే ఈ అందాల అమ్మ.. వివిధ రకాల బ్యూటీ టిప్స్‌ని, ఆరోగ్య చిట్కాల్ని, తాను చేసే వంటకాల్ని ఎప్పటికప్పుడు పంచుకుంటూనే ఉంటుంది. ఈ క్రమంలోనే తాజాగా కంటి అలసటను తగ్గించుకునే అద్భుతమైన చిట్కాను మన ముందుకు తీసుకొచ్చిందీ యమ్మీ మమ్మీ.

ముఖంపై చిన్న మొటిమ కనిపిస్తే చాలు.. ఈ కాలం అమ్మాయిలు తెగ కంగారు పడిపోతుంటారు. వాటిని తొలగించుకోవడానికి ఎన్నో ప్రయత్నాలు చేస్తుంటారు. అలాంటి వారు ఇంట్లోనే పాటించే కొన్ని చిట్కాలేంటో చూద్దాం...

తాజా గులాబీ పూలు ఏ వాతావరణాన్నైనా ఆహ్లాదకరంగా మారుస్తాయి. అంతేనా! అందానికీ ఎంతో మేలు చేస్తాయి. వీటితో తయారుచేసే గులాబీ నీరు, నూనె వంటి వాటిని సౌందర్య సంరక్షణకు ఉపయోగించవచ్చు...