ఇంటిని అందంగా ఉంచడం, ఇంట్లోని వస్తువుల్ని పొందిగ్గా సర్దడంలో ఇల్లాలి తర్వాతే ఎవరైనా! ఇంట్లో ఏ వస్తువు ఎక్కడ అమర్చితే ఇల్లు నీట్‌గా కనిపిస్తుందన్న విషయం అందరికంటే ఎక్కువగా ఆమెకే తెలుస్తుంది. అయితే ఈ తరం మహిళలకు ఆ సమయం కూడా దొరకట్లేదనే చెప్పాలి. ఇందుకు కారణం.. నేటి మహిళలు వృత్తి ఉద్యోగాల్లో బిజీగా మారిపోవడమే! ఇక వారాంతాల్లో వచ్చే ఒకట్రెండు సెలవులు కూడా అత్యవసర పనులు చేసుకోవడానికే సరిపోతుంది. దీంతో ఇల్లంతా చిందరవందరగా మారిపోతుంది. మరీ ముఖ్యంగా ఈ హడావిడిలో రోజూ వార్డ్‌రోబ్‌లో అవసరమున్న దుస్తులు బయటికి లాగేయడం, తిరిగి ఉతికిన తర్వాత వాటిని మడతపెట్టే సమయం లేక అలాగే అందులో పడేయడంతో వార్డ్‌రోబ్‌ అంతా చిందరవందరగా తయారవుతుంది. అలాగని దాన్ని అలాగే వదిలేయలేం. కాబట్టి దుస్తులు అమర్చే అల్మరాలో ఉపయోగించని దుస్తులు తొలగించి.. అవసరం ఉన్న వాటినే పొందికగా సర్దితే ఇటు వార్డ్‌రోబ్‌ నీట్‌గా కనిపించడంతో పాటు అటు సౌకర్యవంతంగానూ ఉంటుంది. మరి, అందుకోసం ఏం చేయాలో ఇప్పుడు తెలుసుకుందాం..!

శరీరాకృతి, అందం, చర్మ ఛాయ, అధిక బరువు.. కొంతమంది మహిళలకు ఇవి బద్ధ శత్రువుల్లా మారిపోతున్నాయి. ఎందుకంటే వీటిని కారణంగా చూపి ఇటు ఆఫ్‌లైన్‌, అటు ఆన్‌లైన్‌ వేదికలుగా ఎంతోమంది ఎదుటివారిపై విమర్శలు గుప్పిస్తున్నారు. ఇలాంటి మాటలు వాళ్ల మనసును నొప్పిస్తాయేమోనన్న కనీస జ్ఞానం కూడా లేకుండా ప్రవర్తిస్తుంటారు. ఈ తరహా బాడీ షేమింగ్‌ ప్రస్తుతం మన సమాజంలో వేళ్లూనుకుపోయింది. దీని కారణంగా ఎంతోమంది మహిళలు తమను తాము అసహ్యించుకుంటూ తీవ్రమైన ఒత్తిడి, ఆందోళనల్లోకి వెళ్లిపోతున్నారు. నిజానికి ఇలాంటి భావోద్వేగాల వల్ల మనకే నష్టం. అందుకే బాడీ షేమింగ్‌ను బాడీ పాజిటివిటీగా మార్చుకోమంటున్నారు నిపుణులు. ‘ఎవరేమనుకుంటే నాకేంటి.. ఇది నా శరీరం.. నాకు నచ్చినట్లుగా నేనుంటా..’ అన్న ధోరణిని అలవర్చుకోమంటున్నారు. అందుకోసం కొన్ని చిట్కాల్ని సైతం సూచిస్తున్నారు. మరి, కొత్త ఆశలు-ఆశయాలతో కొత్త ఏడాదిలోకి అడుగిడిన ఈ శుభ సందర్భంలో బాడీ పాజిటివిటీని పెంచుకోవడమెలాగో తెలుసుకుందాం రండి..!

కరోనా వచ్చిన దగ్గర్నుంచి కీర్తనకు ఇంటి పని తడిసి మోపెడవుతోంది. ఇక వాషింగ్‌ మెషీన్‌ ఉన్నా ఉతికే బట్టలు గుట్టలా పేరుకుపోవడం, దానికి తోడు ఈ వర్షాకాలంలో దుస్తులు సరిగ్గా ఆరకపోవడంతో ఆమెకు విసుగొచ్చేసింది. దీంతో ఆరీ ఆరనట్లున్న వాటిని అలాగే వార్డ్‌రోబ్‌లో పెట్టేసరికి వాటి నుంచి అదో రకమైన వాసన రావడం మొదలైంది.

కొన్ని రోజులుగా ఎక్కడ చూసినా వర్షాలే. ఆకాశం ఎప్పుడూ మేఘావృతమై ఉండటం వల్ల ఎండ పొడే రావడం లేదు. ఫలితంగా ఉతికిన దుస్తులు కూడా సరిగ్గా ఆరడం లేదు. అయితే కొంతమంది పూర్తిగా ఆరని దుస్తులనే మడతపెట్టి అల్మరాల్లో సర్దేస్తూ ఉంటారు. అలాగే నిత్యం కురిసే వర్షాలకు గోడలు తడిగా మారడం వల్ల ఒక్కోసారి వార్డ్‌రోబ్‌లోని దుస్తులు కూడా చెమ్మగా మారే అవకాశం ఉంటుంది. ఇలా దుస్తుల్లో తడిదనం నిలిచిపోవడం వల్ల దుస్తులు ముక్కవాసన రావడంతో పాటు వాటిలో ఫంగస్ చేరే అవకాశాలెక్కువ. మరి, ఇలాంటి దుస్తులను ధరించడం వల్ల చర్మసంబంధిత వ్యాధులు వచ్చే ప్రమాదమూ లేకపోలేదు. అందుకే వర్షాకాలంలో దుస్తుల్లో ఫంగస్, బ్యాక్టీరియా లాంటివి చేరకుండా ఉండాలంటే తీసుకోవాల్సిన కొన్ని జాగ్రత్తల గురించి తెలుసుకుందాం.

టాలీవుడ్‌లో వారసులు నట ప్రస్థానాన్ని కొనసాగించడం కామనే.. కానీ వారసురాళ్లు సినీ రంగంలోకి అడుగుపెట్టడం చాలా అరుదు. అలాంటి భావనలను చెరిపేస్తూ.. మెగా ఫ్యామిలీ నుంచి నట వారసురాలిగా టాలీవుడ్‌ చిత్ర పరిశ్రమలోకి అడుగుపెట్టింది నిహారిక కొణిదెల. తన కొంటె నటనను ప్రదర్శిస్తూ ‘ముద్దపప్పు ఆవకాయ్‌’ వెబ్‌ సిరీస్‌తో తెలుగు ప్రేక్షకుల్లో విపరీతమైన క్రేజ్‌ని సంపాదించుకుందీ మెగా ప్రిన్సెస్‌. ఆపై ‘ఒక మనసు’ అంటూ అందరి మనసులను గెలుచుకుందీ క్లాసిక్‌ బ్యూటీ. ఈ క్రమంలోనే ‘హ్యాపీ వెడ్డింగ్‌’, ‘సూర్యకాంతం’, ‘సైరా నరసింహా రెడ్డి’ సినిమాలతో ఒక్కో మెట్టూ ఎక్కుతూ తెలుగు ప్రేక్షకుల మన్ననలందుకుంటోంది నిహారిక. ఇలా తన నటనతోనే కాకుండా.. తన ట్రెండీ ఫ్యాషన్స్‌తోనూ ఈ తరం అమ్మాయిల్ని ఆకట్టుకుంటోంది యంగ్‌ యాక్ట్రెస్‌. సందర్భానికి తగ్గట్లుగా అప్‌డేటెడ్‌ ఫ్యాషన్స్‌ని ఫాలో అవుతూ మెరిసిపోతున్న ఈ మెగా డాటర్‌.. అమ్మాయిలందరికీ ఫ్యాషన్‌ ఐకాన్‌గా మారిపోయింది. మరి, తన వార్డ్‌రోబ్‌లో చోటు సంపాదించుకున్న కొన్ని లేటెస్ట్‌ ఫ్యాషన్స్‌పై మనమూ ఓ లుక్కేద్దామా..?

వ్యాపార దిగ్గజాల కుటుంబంలో పుట్టినా, మెగా ఫ్యామిలీలో మెట్టినా.. ఓ బిజినెస్ వుమన్‌గా, సమాజ సేవకురాలిగా తనకంటూ ప్రత్యేక గుర్తింపు సంపాదించుకుంది కొణిదెల వారి కోడలు పిల్ల ఉపాసన, నటుడు రామ్‌ చరణ్‌ భార్యగానే కాకుండా.. ‘అపోలో’ లైఫ్‌ వైస్‌-చైర్‌పర్సన్‌గా కీలక బాధ్యతలు నిర్వహిస్తూ పలు సేవా కార్యక్రమాల్లోనూ భాగమవుతోందీ సుపర్‌ వుమన్‌. అంతేకాదు.. ఫిట్‌నెస్‌, ఆరోగ్యం పట్ల పకడ్బందీగా ఉండే ఈ మెగా వారి కోడలు.. ఈ అంశాల గురించి సోషల్‌ మీడియాలో పోస్టుల రూపంలో ప్రజల్లో అవగాహన కల్పిస్తుంటుంది. అంతేనా.. ఫ్యాషన్‌ విషయంలోనూ అప్‌డేటెడ్‌గా ఉంటుంది. తనకు నచ్చే, యువత మెచ్చే ఫ్యాషన్లు ఫాలో అవుతూ.. నేటి తరం అమ్మాయిలందరికీ ఫ్యాషన్‌ పాఠాలు నేర్పుతుందీ మెగా డాటర్‌-ఇన్‌-లా. మరి, ఈ స్టార్‌ లేడీ ఫ్యాషనబుల్‌ వార్డ్‌రోబ్‌పై మనమూ ఓ లుక్కేద్దాం రండి..

పదిహేడేళ్ల ప్రాయంలోనే వెండితెరపై అడుగుపెట్టింది తెలుగందం పునర్నవి భూపాలం. ‘ఉయ్యాల జంపాల’ చిత్రంలో హీరోయిన్‌ ఫ్రెండ్‌గా తన చలాకీ నటనతో తెలుగు ప్రేక్షకులను ఆకట్టుకుందీ కుర్రది. ఆపై ‘మళ్లీ మళ్లీ ఇది రాని రోజు’, ‘పిట్ట గోడ’.. వంటి సినిమాలతో గుర్తింపు తెచ్చుకున్నా.. ‘బిగ్‌ బాస్‌ - 3’తో ‘యాటిట్యూడ్‌ పున్ను’గా పేరు తెచ్చుకుందీ ముద్దుగుమ్మ. అయితే బిగ్‌బాస్‌ టైటిల్‌ గెలవకపోయినా తన బ్యూటిఫుల్‌ లుక్స్‌తో కుర్రకారు మతిపోగొట్టింది. ప్రస్తుతం ‘సైకిల్‌’, ‘ఒక చిన్న విరామం’ వంటి సినిమాలతో మన ముందుకు రానున్న పున్ను.. సోషల్‌ మీడియాలో మాత్రం యమ యాక్టివ్‌గా ఉంటుంది. ఈ క్రమంలోనే తన సినిమా కబుర్లతో పాటు తాను ధరించిన లేటెస్ట్‌ ఫ్యాషన్స్‌కి సంబంధించిన ఫొటోలను ఎప్పటికప్పుడు పోస్ట్‌ చేస్తుంటుందీ బిగ్‌ బాస్‌ బ్యూటీ. ఇలా తనదైన ఫ్యాషన్‌ సెన్స్‌తో నేటితరం అమ్మాయిలకు ఫ్యాషన్‌ ఐకాన్‌గా నిలుస్తోన్న పున్ను వార్డ్‌రోబ్‌లో ఎలాంటి డిఫరెంట్‌ ఫ్యాషన్‌ స్టైల్స్‌ ఉన్నాయో ఈ వారం ప్రత్యేకంగా తెలుసుకుందాం రండి..

కొందరు ఎన్ని సినిమాలలో నటించినా.. కొన్ని సినిమాలు మాత్రం వారిని ప్రేక్షకులకు గుర్తుండిపోయేలా చేస్తాయి. అలా ‘పెళ్లైన కొత్తలో’, ‘యమదొంగ’.. వంటి చిత్రాలతో తెలుగునాట ఎనలేని గుర్తింపు సంపాదించుకుంది అందాల భామ ప్రియమణి. ఆపై ‘ప్రవరాఖ్యుడు’, ‘సాధ్యం’, ‘రగడ’, ‘క్షేత్రం’ వంటి తెలుగు సినిమాలలో నటించింది. పుట్టి పెరిగింది కన్నడ నాటైనా.. తెలుగమ్మాయేనేమో అనిపించే విధంగా తన పాత్రల్లో నటించి మెప్పించిందీ ముద్దుగుమ్మ. కేవలం నటనతోనే కాదు.. తన ఫ్యాషన్స్‌తోనూ ఆకట్టుకుంటుందీ అందాల తార. ఎటువంటి సందర్భమైనా దానికి తగ్గట్టుగా తన ఫ్యాషన్స్‌తో మురిపించే ఈ బెంగళూరు భామ స్టైలిష్‌ లుక్స్‌ని నేటి తరం అమ్మాయిలు తెగ ఫాలో అయిపోతున్నారు. ఎప్పటికప్పుడు తన డిఫరెంట్‌ లుక్స్‌ని సోషల్‌ మీడియా ద్వారా తన అభిమానులతో పంచుకుంటూ.. ఫ్యాషన్‌ ఫ్రీక్స్‌ని సైతం తన స్టైల్స్‌తో మైమరపిస్తోంది. ఈ నేపథ్యంలో ప్రియమణి వార్డ్‌రోబ్‌లోని సరికొత్త ఫ్యాషన్స్‌ గురించి తెలుసుకుని మనమూ ఫాలో అవుదాం రండి..

‘పరవాలేదు.. పరవాలేదు..’ అంటూ తన చిలిపి చూపులు, అందమైన అభినయంతో తొలి సినిమాలోనే తెలుగు ప్రేక్షకులను ఆకట్టుకుంది తెలుగందం శ్రీ దివ్య. ఛైల్డ్‌ ఆర్టిస్ట్‌గా సినీ పరిశ్రమలో అడుగుపెట్టి సినీ అభిమానులతో మంచి మార్కులు వేయించుకున్న ఈ అందాల బొమ్మ.. ‘మనసారా’ సినిమాతో హీరోయిన్‌గా తనని తాను పరిచయం చేసుకుంది. ‘బస్‌ స్టాప్‌’, ‘వారధి’, ‘కేరింత’, ‘సైజ్‌ జీరో’.. వంటి సినిమాల్లో నటించి మెప్పించింది. ఆపై తమిళ సినిమాలతో బిజీ అయిపోయిన ఈ లవ్లీ గర్ల్‌.. ప్రస్తుతం ‘ఒతైక్కు ఒతై’ అనే మరో తమిళ చిత్రంలో నటిస్తోంది. సినిమాల్లో తన పాత్రకు తగినట్లుగా పద్ధతిగా డ్రస్సింగ్‌ వేసుకునే శ్రీ.. ఆఫ్‌స్క్రీన్‌లోనూ అంతే ట్రెడిషనల్‌గా మెరిసిపోతుంది. ఇందుకు ఆమె సోషల్‌ మీడియా పేజీలే ప్రత్యక్ష నిదర్శనం. పండగలు, ప్రత్యేక సందర్భాలు, చిత్రోత్సవాలు, ఫొటోషూట్స్‌.. ఇలా సందర్భమేదైనా తనదైన ఫ్యాషన్లతో అదరగొట్టే ఈ ముద్దుగుమ్మ.. నేటి తరం అమ్మాయిలందరికీ ఫ్యాషన్‌ పాఠాలు నేర్పుతోంది. అంతేనా.. చక్కటి డ్రస్సింగ్‌ సెన్స్‌తో అటు ట్రెడిషనల్‌గా, ఇటు ట్రెండీగా మెరిసిపోవచ్చని తనదైన డ్రస్సింగ్‌ స్టైల్‌తో నిరూపిస్తోందీ సొగసరి. ఈ నేపథ్యంలో శ్రీ ఫ్యాషనబుల్‌ వార్డ్‌రోబ్‌లో చోటు సంపాదించుకున్న ఆ ట్రెడిషనల్‌ కమ్‌ ట్రెండీ ఫ్యాషన్లేంటో మనమూ తెలుసుకుందాం రండి..

చారడేసి కళ్లు, పువ్వంటి పెదాలు, సొట్ట బుగ్గలు, ముట్టుకుంటే కందిపోయే మోము.. ఇంతటి అపురూప లావణ్యాన్ని తన సొంతం చేసుకొని టాలీవుడ్‌లోకి అడుగుపెట్టింది ఉత్తర్‌ప్రదేశ్‌ బ్యూటీ లావణ్యా త్రిపాఠి. ‘అందాల రాక్షసి’గా తెలుగు తెరకు పరిచయమైన ఈ బ్యూటీ.. ‘భలే భలే మగాడివోయ్‌’, ‘సోగ్గాడే చిన్ని నాయన’, ‘శ్రీరస్తు శుభమస్తు’, ‘మిస్టర్‌’, ‘అంతరిక్షం’.. వంటి సినిమాల్లో రాణించి.. తాజాగా ‘అర్జున్‌ సురవరం’తో మన ముందుకొచ్చింది. ఆన్‌స్క్రీన్‌పై తన అందం, అభినయంతో పాటు చక్కనైన ఫ్యాషన్లతో అలరించే ఈ ముద్దుగుమ్మ.. ఆఫ్‌స్క్రీన్‌లోనూ అంతే ఫ్యాషనబుల్‌గా మెరిసిపోతుంది. ఈ విషయం తన సోషల్‌ మీడియా పేజీల్ని చూస్తే ఇట్టే అర్థమైపోతుంది. పండగలు, ప్రత్యేక సందర్భాల్లో, అవార్డుల ఫంక్షన్లలో.. ఇలా అకేషన్‌ ఏదైనా అప్‌డేటెడ్‌ ఫ్యాషన్లతో అదరగొట్టేయడం ఈ అందాల చందమామకు వెన్నతో పెట్టిన విద్య. అందుకే కేవలం నటిగానే కాదు.. ఈ తరం అమ్మాయిలందరికీ ఫ్యాషన్‌ ఐకాన్‌గా కూడా మారిపోయిందీ లవ్లీ గర్ల్‌. మరి, తనదైన ఫ్యాషన్లతో నేటి తరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ అందాల రాక్షసి వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

‘ఏమో నాకు అన్నీ అలా తెలిసిపోతాయి అంతే..!’ అంటూ ఇలా తన అమాయకపు మాటలు, చిలిపితనంతో ‘సీతమ్మ వాకిట్లో సిరిమల్లె చెట్టు’ సినిమాలో ‘సీత’గా తెలుగువారిని మెప్పించింది తెలుగందం అంజలి. ‘బలుపు’, ‘మసాలా’, ‘గీతాంజలి’, ‘డిక్టేటర్‌’.. వంటి తెలుగు సినిమాలతో పాటు మరెన్నో తమిళ చిత్రాల్లో నటించి తన మార్క్‌ను ప్రదర్శించిన ఈ అందాల తార.. ప్రస్తుతం ‘నిశ్శబ్దం’, ‘గీతాంజలి-2’ వంటి సినిమాలతో పాటు మరికొన్ని తమిళ చిత్రాలతో బిజీబిజీగా గడుపుతోంది. ఇలా క్షణం తీరిక లేకుండా ఉన్నప్పటికీ తన ఫ్యాన్స్‌తో ఎప్పటికీ టచ్‌లోనే ఉంటుందీ లవ్లీ గర్ల్‌. ఈ క్రమంలో తన వ్యక్తిగత, వృత్తిపరమైన విషయాల్ని పంచుకోవడమే కాదు.. సందర్భమేదైనా ఎంతో లవ్లీగా మెరిసిపోయే ఈ ముద్దుగుమ్మ తన ఫ్యాషనబుల్‌ అటైర్స్‌ని సైతం ఫొటోల్లో బంధించి వాటిని సోషల్‌ మీడియాలో పోస్ట్‌ చేస్తుంటుంది. ఇలా ఇండస్ట్రీలో మంచి నాయికగానే కాదు.. ఫ్యాషన్‌ దివాగా కూడా మన సీతకు పేరుంది. మరి, తనదైన ఫ్యాషన్లతో అదరగొడుతూ నేటితరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ చక్కనమ్మ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

ఆకట్టుకునే అందంతో, గలగలా మాట్లాడే తన వాక్చాతుర్యంతో తక్కువ కాలంలోనే పాపులర్‌ యాంకర్‌గా మారిపోయింది హైదరాబాదీ బ్యూటీ విష్ణు ప్రియ. ‘పోవే పోరా’.. అనే టీవీ షోలో తన మాటలతో నవ్విస్తూ, తన చలాకీతనంతో కవ్విస్తూ.. బుల్లితెర ప్రేక్షకుల మదిలో చెరగని ముద్రవేస్తోందీ సూపర్‌ యాంకర్‌. అంతేకాదు.. పలు ట్యాలెంట్‌ షోలలోనూ పాల్గొంటూ ఇండస్ట్రీలో తనకంటూ ప్రత్యేక గుర్తింపు సంపాదించుకుంటోన్న ఈ ముద్దుగుమ్మ.. సోషల్‌ మీడియాలోనూ మహా చురుగ్గా ఉంటుంది. అందులోనూ ముఖ్యంగా ఫ్యాషన్‌ విషయంలో ఎప్పకప్పుడు అప్‌డేట్‌ అవుతూ.. పలు సందర్భాల్లో తాను ఫ్యాషనబుల్‌గా ముస్తాబై దిగిన ఫొటోలను సామాజిక మాధ్యమాల్లో పంచుకుంటూ నేటి తరం అమ్మాయిలందరికీ ఫ్యాషన్‌ ఐకాన్‌గా మారిపోయింది విష్ణు. మరి, తనదైన ఫ్యాషనబుల్‌ లుక్స్‌తో అలరిస్తోన్న ఈ ముద్దుగమ్మ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్స్‌పై మనమూ ఓ లుక్కేద్దాం రండి..