సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

psychologist Ask Psychologist
ఓ సోదరి.

మా ఆయన నన్ను దగ్గరకు రానివ్వడం లేదు.. ఏం చేయాలి?

నమస్తే మేడమ్‌.. నాకు పెళ్లై 8 నెలలవుతోంది. మాది పెద్దలు కుదిర్చిన వివాహం. నా భర్త నన్ను ఇష్టపడి పెళ్లి చేసుకున్నాడు. నేను తనతో ఎంత బాగా ఉండాలనుకున్నా తను మాత్రం నన్ను దగ్గరకు రానివ్వడం లేదు. ఈ విషయంలో తనలో మార్పు వస్తుందేమోనని కొన్ని రోజులు వేచి చూశాను. కానీ, ఎలాంటి మార్పూ రాలేదు. దాంతో ఇదే విషయాన్ని మా తల్లిదండ్రులకు చెప్పాను. పెళ్లైన రెండు నెలల వరకు బాగున్నాడు. తర్వాత నుంచే తనలో ఈరకమైన మార్పు వచ్చింది. ఇంట్లో వాళ్ల కంటే బయటి వాళ్లకే ఎక్కువ ప్రాధాన్యం ఇస్తున్నాడు. మా తల్లిదండ్రులు ‘విడాకులు తీసుకుందాం’ అంటున్నారు. అయితే అతను మాత్రం ఎవరు ఏం చెప్పినా సమాధానం ఇవ్వడం లేదు. మౌనంగా కూర్చుంటున్నాడు. దయచేసి సలహా ఇవ్వగలరు - ఓ సోదరి

Know More

Movie Masala

Video Gallery

 
women icon @teamvasundhara

ఇప్పటికీ సమయం మించిపోయింది లేదు.. మీరూ మొదలుపెట్టండి!

శారీరకంగా, మానసికంగా దృఢంగా ఉండడానికి ప్రస్తుతం చాలామంది ఎంచుకుంటోన్న ఆప్షన్‌ వ్యాయామం. అందుకు తాము ఎంత బిజీగా ఉన్నా ఎక్సర్‌సైజ్‌ కోసం రోజూ కొంత సమయం కేటాయిస్తున్నారు చాలామంది. నటీనటులూ ఇందుకు అతీతం కాదు. సినిమాల్లో తమ పాత్రల కోసమే కాకుండా సంపూర్ణ ఆరోగ్యానికి, దృఢత్వానికి ఫిట్‌నెస్‌ను తమ రొటీన్‌లో భాగం చేసుకునే ముద్దుగుమ్మలు ఎంతోమంది ఉన్నారు. వారిలో అలనాటి అందాల తార భాగ్యశ్రీ కూడా ఒకరు. ‘మైనే ప్యార్‌ కియా’ సినిమాతో బాలీవుడ్‌లోకి అడుగుపెట్టి తొలి చిత్రంతోనే ఉత్తమ నటిగా ఫిలింఫేర్‌ అవార్డు అందుకున్న ఈ ముద్దుగుమ్మ.. పలు హిట్‌ చిత్రాల్లో నటించి మెప్పించింది. తన సినీ కెరీర్‌లో మధ్యమధ్యలో కాస్త విరామం తీసుకుంటూ తిరిగి వెండితెరపై మెరుస్తోన్న ఈ అందాల తార.. ఈ మధ్య సోషల్‌ మీడియాలోనూ బిజీగా మారిపోయింది. ఈ క్రమంలోనే తన ఫిట్‌నెస్‌, కుకింగ్‌ వీడియోలను తన ఫ్యాన్స్‌తో పంచుకుంటోంది. అలా తాజాగా తన ఫిట్‌నెస్‌ జర్నీకి సంబంధించిన వీడియోను పంచుకుంటూ.. దానికి జతగా ఆమె పెట్టిన క్యాప్షన్‌ ప్రస్తుతం సోషల్‌ మీడియాలో వైరలవుతోంది.

Know More

women icon @teamvasundhara

‘ఎర్ర చుక్క’ పెట్టి మరీ దాని గురించి మాట్లాడదాం !

నెలసరి.. మనలో నెలనెలా జరిగే ఈ సహజ ప్రక్రియ దేవుడు మనకు ప్రసాదించిన వరం లాంటిది. కానీ ఇప్పటికీ దీన్నో శాపంలా భావించే వారు మన చుట్టూనే ఎందరో ఉన్నారు. తాము నెలసరిలో ఉన్నామని బయటికి చెప్పకుండా గుసగుసలాడడం, సైగలు చేయడం వంటివి చేస్తుంటారు చాలామంది అమ్మాయిలు. అంతేకాదు.. శ్యానిటరీ న్యాప్‌కిన్లు కొనడానికి కూడా సిగ్గుపడుతుంటారు కొందరు.. ఇక మరికొందరైతే పిరియడ్స్‌ వచ్చిన వారిని వంటింట్లోకి రానివ్వకపోవడం, ఇంట్లో ఏ వస్తువులను తాకనివ్వకుండా.. వారిని అంటరాని వాళ్లలా చూస్తుంటారు. ఇక ఈ సమయంలో ప్రమాదమని తెలిసినా శ్యానిటరీ న్యాప్‌కిన్లు కొనే స్థోమత లేక గుడ్డ వంటివి వాడే వారూ ఉన్నారు. ఫలితంగా వ్యక్తిగత పరిశుభ్రత లోపించి వివిధ రకాల ఇన్ఫెక్షన్ల బారిన పడుతుంటారు. ఇది ప్రత్యుత్పత్తి వ్యవస్థపై తీవ్ర ప్రభావం చూపుతుంది. ఇలా పిరియడ్స్‌ విషయంలో చాలామందిలో ఉన్న ఇలాంటి మూఢనమ్మకాలను పారదోలి, నెలసరి పరిశుభ్రతపై అవగాహన కల్పించేందుకు ఏటా మే 28న ‘అంతర్జాతీయ నెలసరి పరిశుభ్రతా దినోత్సవం’గా జరుపుకుంటున్నాం. మహిళలు-అమ్మాయిల్లో నెలసరి అపోహల్ని తొలగించడానికి, పిరియడ్స్‌ విషయంలో అందరిలో అవగాహన పెంచడానికి యూనిసెఫ్‌ ఇండియా ఈ ఏడాది ఓ సరికొత్త ఛాలెంజ్‌తో మన ముందుకొచ్చింది. ప్రపంచవ్యాప్తంగా ఉన్న ప్రముఖులను ఈ కార్యక్రమంలో భాగం చేసి మహిళల్లో స్ఫూర్తి నింపుతోంది. మరి, మరి ఇంతకీ ఆ ఛాలెంజ్‌ ఏమిటో, అందులో పాల్గొన్న కొందరు ముద్దుగుమ్మలు నెలసరి గురించి ఏమంటున్నారో తెలుసుకుందాం రండి..

Know More

women icon @teamvasundhara

మ్యాచింగ్‌ మాస్కుతో ఈ పెళ్లికూతురు అదుర్స్‌ !

పెళ్లంటే జీవితంలో ఒకేసారి అంగరంగ వైభవంగా చేసుకునే వేడుక. నిశ్చితార్థం మొదలు రిసెప్షన్‌ పూర్తయ్యే వరకూ ఫొటోషూట్స్‌, వీడియోలు అంటూ వధూవరులు చేసే సందడి అంతా ఇంతా కాదు. ఇలా మనువాడబోయే ప్రతి జంటా తమ పెళ్లిని పది కాలాల పాటు నిలిచిపోయే జ్ఞాపకంగా మార్చుకోవాలని కలలు కంటుంది. అయితే ప్రస్తుతం కరోనా ఎందరో జంటల పెళ్లి కలలను ఛిద్రం చేస్తోంది. అంగరంగ వైభవంగా జరగాల్సిన పెళ్లి కాస్తా ఏదో తూతూ మంత్రంగా జరిపించేస్తున్నారు పెద్దలు. దీనికి తోడు పెళ్లి ముస్తాబులో నూతన వధూవరులు ఒకరినొకరు కళ్లారా చూసుకోకుండా మాస్కులు అడ్డుపడుతున్నాయి. అయితే మాస్కులు ధరించామన్న భావనే కలగకుండా దాన్నీ ఓ పెళ్లి కాస్ట్యూమ్‌గా చేసుకుంటే బాగుంటుందనుకున్నట్లుంది ఈ అస్సామీ నవ వధువు. పెళ్లి దుస్తులకు మ్యాచయ్యే విధంగా మాస్క్‌ను డిజైన్‌ చేయించుకొని కుందనపు బొమ్మలా మెరిసిపోయింది. ఇక సోషల్‌ మీడియాలో వైరలవుతోన్న ఈ వధువు ఫొటోలు చూసి నెటిజన్లు సైతం వావ్‌ అంటూ ఈ కొత్త పెళ్లి కూతురి ఐడియాకు ఫిదా అయిపోతున్నారు.

Know More

women icon @teamvasundhara

పెళ్లి సందడి షురూ అయింది!

బ్యాచిలర్‌ లైఫ్‌కి బై..బై...చెబుతోన్న భళ్లాల దేవుడి(రానా) ఇంట్లో పెళ్లి సందడి షురూ అయింది. ఇటీవల సోషల్‌ మీడియా వేదికగా తన ప్రేమ విషయాన్ని ప్రకటించిన ఈ యంగ్‌ హీరో ఇక త్వరలోనే పెళ్లిపీటలెక్కనున్నాడు. తన ప్రియురాలు మిహీకా బజాజ్‌తో కలిసి జీవితం పంచుకునేందుకు రడీ అవుతున్నారు. కొద్ది రోజుల క్రితమే తన ప్రేయసిని అందరికీ పరిచయం చేసిన రానా తాజాగా మరోసారి తనకు కాబోయే సతీమణితో దిగిన ఫొటోలను ట్విట్టర్‌ వేదికగా షేర్‌ చేసుకున్నాడు. ఈ నేపథ్యంలో సంప్రదాయ దుస్తులు ధరించి ముసిముసి నవ్వులు చిందిస్తున్న రానా-మిహీకల ఫొటోలు ప్రస్తుతం సోషల్‌ మీడియాలో వైరల్‌గా మారాయి.

Know More

women icon @teamvasundhara

టీవీలోనే కాదు.. టిక్‌టాక్‌లోనూ అలరిస్తాం..!

కేంద్రం లాక్‌డౌన్‌ ప్రకటించడంతో విద్యాసంస్థలు, వ్యాపార పరిశ్రమలతో పాటు వినోద రంగం కూడా తాత్కాలికంగా తమ కార్యకలాపాలను నిలిపివేసిన సంగతి విదితమే. దీంతో సినిమాలు, సీరియళ్లు, రియాల్టీ షోలు.. తదితర కార్యక్రమాలకు సంబంధించిన చిత్రీకరణ పనులు కూడా ఆగిపోయాయి. ఈ క్రమంలో నిత్యం షూటింగ్స్‌తో బిజీగా ఉండే మన బుల్లితెర తారలకు కాస్త విరామం దొరికినట్లయ్యింది. దీంతో వీళ్లు ఇంటి పట్టునే ఉంటూ ఈ క్వారంటైన్‌ సమయాన్ని కుటుంబ సభ్యులతో ఎంజాయ్‌ చేస్తున్నారు. ఇందులో భాగంగా కొంతమంది బుల్లితెర నటీమణులు టిక్‌టాక్‌ వేదిక ద్వారా ప్రేక్షకులను అలరిస్తుండడం విశేషం. ఈ క్రమంలో డ్యాన్స్‌, కామెడీ, సినిమా డైలాగుల అనుకరణతో పాటు.. సోషల్‌ మీడియా ఛాలెంజ్‌లలో పాల్గొనడం, తాము రూపొందించిన వంటలను పరిచయం చేయడం.. తదితర వీడియోలను కూడా టిక్‌టాక్‌లో పోస్ట్‌ చేస్తు్న్నారు. అలాంటి కొన్ని వీడియోలపై ఓ లుక్కేద్దాం రండి..

Know More

women icon @teamvasundhara

బొమ్మ గీసి.. పాట పాడి.. కరోనాపై అవగాహన!

ప్రపంచ వ్యాప్తంగా కరోనా విజృంభణ ఇంకా కొనసాగుతూనే ఉంది. ఈ వ్యాధికి టీకాను కనిపెట్టేందుకు శాస్త్రవేత్తలు, వైద్య నిపుణులు శతవిధాలుగా ప్రయత్నిస్తున్నారు. కానీ, అప్పటివరకు ఈ మహమ్మారి నుంచి మనల్ని మనం కాపాడుకోగలిగే సూత్రాలు వ్యక్తిగత పరిశుభ్రత, సామాజిక దూరం, స్వీయ నిర్బంధం. ఈ విషయాలపై ప్రజల్లో అవగాహన కల్పించేందుకు ప్రభుత్వాలు, ఆరోగ్య సంస్థలు, స్వచ్ఛంద సంస్థలు, సెలబ్రిటీలతో పాటు కొంతమంది సామాన్యులు సైతం స్వచ్ఛందంగా ముందుకొస్తుండడం విశేషం. ఈ నేపథ్యంలో పశ్చిమ బెంగాల్‌కు చెందిన ఓ మహిళ తనకు ప్రావీణ్యమున్న పటచిత్ర కళ ద్వారానే ప్రజలకు కరోనా గురించి వివరించి అందరి చేతా ప్రశంసలందుకొంటోంది.

Know More

women icon @teamvasundhara

తాత పాట.. మనవరాలి ఆట..!

‘బాహుబలి’.. తెలుగు సినిమా ఖ్యాతిని ప్రపంచవ్యా్ప్తంగా చాటి చెప్పిన సినిమా. ఈ సినిమాల సిరీస్‌తో భారత చలన చిత్ర పరిశ్రమకు కొత్త కమర్షియల్‌ పాఠాలు నేర్పించాడు దర్శకధీరుడు రాజమౌళి. ఒక్కమాటలో చెప్పాలంటే భారత చలన చిత్ర చరిత్రను రెండు భాగాలుగా విభజించాలంటే.. ‘బాహుబలి సిరీస్‌’ ముందు, ‘బాహుబలి సిరీస్‌’ తర్వాత అని చెప్పేంతలా ఈ సినిమా సంచలనాలు సృష్టించింది. అయితే ‘బాహుబలి 2’ విడుదలై నేటికి (ఏప్రిల్‌ 28) మూడేళ్లు. ఈ సందర్భంగా ఇందులో నటించిన నటీనటులు, ఇతర బృందం సోషల్‌ మీడియా ద్వారా ఒకరికొకరు శుభాకాంక్షలు చెప్పుకొంటూ ఆనాటి జ్ఞాపకాలను నెమరువేసుకున్నారు.

Know More

women icon @teamvasundhara

తన పెంపుడు కుక్కను వెతకడానికి విమానం అద్దెకు తీసుకుంది!

శునకాలు విశ్వాసానికి మారుపేరు. అందుకే చాలామంది తమ పెట్స్‌గా కుక్కల్ని పెంచుకోవడానికే ఆసక్తి చూపుతుంటారు. ఇక వాటికి స్నానం చేయించడం దగ్గర్నుంచి ఆహారం పెట్టడం, పడుకోబెట్టడం.. ఇలా ప్రతి విషయంలోనూ వాటిని ఇంట్లో మనుషుల్లాగానే జాగ్రత్తగా చూసుకుంటుంటారు. అంతేనా.. వాటికి ఏదైనా చిన్న దెబ్బ తగిలినా తట్టుకోలేరు పెట్‌ లవర్స్‌. ఇలా తమ పెంపుడు శునకాల కోసం ఎంత ఖర్చు పెట్టడానికైనా వెనకాడని వారూ ఉంటారు. శాన్‌ఫ్రాన్సిస్కోకు చెందిన ఈ 31 ఏళ్ల మహిళ కూడా అంతే..! తన పెంపుడు కుక్క కోసం ఏకంగా 1200 డాలర్లు ఖర్చు చేసి ఓ విమానమే అద్దెకు తీసుకుందంటే ఆమెకు తన పెట్‌ అంటే ఎంత ప్రేమో అర్థం చేసుకోవచ్చు. మరి, ఈ మహిళ తన పెట్ కోసం ఎందుకంత ఖర్చు చేసింది? పెట్‌ కోసం విమానాన్ని అద్దెకు తీసుకోవాల్సిన అవసరం ఏముంది? అసలేం జరిగింది..? వివరాలు తెలుసుకోవాలంటే అసలు స్టోరీలోకి వెళ్లాల్సిందే!

Know More

women icon @teamvasundhara

‘నిజమైన మగాళ్లు’ అనిపించుకుంటున్నారు!

కరోనా లాక్‌డౌన్‌ కారణంగా అందరికీ అనుకోని సెలవులొచ్చాయి. దీంతో గత నెల రోజులుగా ఇంటి పట్టునే ఉంటూ హాయిగా విశ్రాంతి తీసుకుంటున్నారంతా. కానీ, ఇంట్లో ఉండే ఆడవాళ్లకు మాత్రం ఎలాంటి విశ్రాంతీ దొరకట్లేదు. ఇక ఇంటి నుంచి పనిచేసే మహిళల పరిస్థితి మరీ దారుణం అని చెప్పచ్చు. దీనికి తోడు లాక్‌డౌన్‌ నేపథ్యంలో పనిమనుషులు, వంట మనుషులు కూడా స్వీయ నిర్బంధం, సామాజిక దూరం పాటిస్తుండడంతో.. మహిళలకు పని భారం రెట్టింపైంది. ఇల్లు శుభ్రం చేయడం, వంట చేయడం, అంట్లు తోమడం, బట్టలుతకడం, తోట పని.. ఇలా ఒక్కటేమిటి ఇంట్లో పనులన్నీ చేసే సరికి గృహిణులకు తల ప్రాణం తోకకొచ్చేస్తుంది. అయితే ఇంటి పనులు చేసే బాధ్యత ఆడవాళ్లతో పాటు మగవాళ్లపై కూడా ఉందని చెబుతున్నారు మన సినీ హీరోలు, దర్శకులు. ఈ క్రమంలో వీళ్లు ఇల్లు శుభ్రం చేయడం దగ్గర్నుంచి వంట చేయడం, అంట్లు తోమడం.. వరకు ప్రతి పనిలోనూ పాల్గొనడంతో పాటు దీనిపై సోషల్‌ మీడియాలో ఒక ఛాలెంజ్‌ను కూడా ప్రారంభించడం విశేషం.

Know More

women icon @teamvasundhara

ఇంట్లో ఉంటూనే ‘ఫాలో ఫాలో మీ’ అంటున్నారు!

ఈమధ్య కాలంలో ఫొటోషూట్‌ ట్రెండ్‌ను ఫాలో అవుతోన్న వారి సంఖ్య క్రమంగా పెరుగుతోంది. అందులోనూ భార్యభర్తలు, ప్రేమికులకు సంబంధించిన ఫొటోషూట్స్‌లో ఎన్నో రకాల క్రియేటివ్‌ ఫొటోగ్రఫీ స్టిల్స్‌ పుట్టుకొస్తున్నాయి. ఈ క్రమంలో తమకు నచ్చిన అందమైన ప్రదేశాలు, చారిత్రక కట్టడాలు, ప్రకృతి అందాల ఎదుట.. తన జీవిత భాగస్వామి చేయి పట్టుకొని ‘నాతో రా’ అంటూ వారిని వాటివైపు తీసుకెళ్తున్నట్లుగా ఉండే ఫొటో స్టిల్‌ మనలో చాలామంది తీయించుకునే ఉంటారు. పెళ్లిళ్లు, హనీమూన్‌కు సంబంధించిన ఫొటోషూట్లలో మనకు ఇలాంటి స్టిల్స్‌ ఎక్కువగా కనిపిస్తుంటాయి. ఈ ఫొటోల్లో అమ్మాయి వెనక నుంచి కనిపిస్తే, కేవలం అబ్బాయి చేయి మాత్రమే కనిపించడం మనకు తెలిసిందే. ఈ రకం ఫొటోషూట్స్‌ని ‘Follow Me To’ సిరీస్‌ అంటారు. 2013లో రష్యాకు చెందిన ఓ జంట మొట్టమొదటగా ఈ సిరీస్‌ని ప్రారంభించింది. అయితే కరోనా లాక్‌డౌన్‌ సందర్భంగా ‘Follow Me To Home’ పేరుతో వీళ్లు ఇటీవల ఓ ఆన్‌లైన్‌ కంటెస్ట్‌ పెట్టగా.. ప్రపంచవ్యాప్తంగా ఎన్నో జంటలు అందులో పాల్గొనడం విశేషం.

Know More

women icon @teamvasundhara

ఈ బామ్మ, మనవరాళ్ల ‘టిక్‌ టాక్‌ టో’ గేమ్‌ చూశారా?

కరోనా మనుషుల మధ్య భౌతికంగా దూరాన్ని పెంచగలిగిందేమో.. కానీ, వారిని మానసికంగా దూరం చేయడంలో మాత్రం విఫలమైందనే చెప్పాలి. వివిధ దేశాల ప్రభుత్వాలు విధిస్తోన్న లాక్‌డౌన్‌ వల్ల ప్రజలు ఎన్నో రకాల ఇబ్బందులు ఎదుర్కొంటున్నప్పటికీ.. తమ మధ్య ఉండే ప్రేమానురాగాలు, ఆప్యాయతల విషయంలో మాత్రం ఎలాంటి మార్పు రాలేదు. ఇంకా చెప్పాలంటే కుటుంబ సభ్యులందరూ ఇంట్లోనే కలిసి గడపడం వల్ల వారి మధ్య అనుబంధం మరింత రెట్టింపయ్యిందని చెప్పచ్చు. ఈ మధ్యకాలంలో ప్రపంచ వ్యాప్తంగా జరుగుతోన్న ఎన్నో సంఘటనలు ఇందుకు ఉదాహరణగా నిలిచాయి/ నిలుస్తున్నాయి. ఈ నేపథ్యంలో ఆస్ట్రేలియాలో ఒక బామ్మ, తన మనవరాలికి సంబంధించిన ఓ వీడియో ప్రస్తుతం నెట్టింట్లో వైరల్‌గా మారింది.

Know More

women icon @teamvasundhara

క్రాఫ్ట్‌ పేపర్‌, గార్బేజ్‌ బ్యాగులే పెళ్లి బట్టలయ్యాయి!

కరోనాకు, మానవ జాతికి మధ్య సమరం ఇంకా కొనసాగుతోంది. ఇలాంటి విపత్కర పరిస్థితుల్లో వైద్య సిబ్బంది అందిస్తోన్న సేవలు వెలకట్టలేనివి. తమ ప్రాణాలకు అపాయముందని తెలిసినా ప్రజలకు వైద్య సేవలు అందించేందుకు పగలు, రాత్రి అని తేడాల్లేకుండా శ్రమిస్తున్నారీ సూపర్ హీరోస్. ఇందులో భాగంగా వీళ్లు తమ వ్యక్తిగత జీవితాన్ని కూడా త్యాగం చేస్తున్నారు. ఈ క్రమంలో ఆస్ట్రేలియాలో ఓ డాక్టర్‌ కపుల్‌ తమ పెళ్లిని సైతం వాయిదా వేసుకున్నారు. తమ సంతోషం కంటే ప్రజల శ్రేయస్సే తమకు ముఖ్యమని వాళ్లు ఈ రకంగా చాటి చెప్పారు.

Know More

women icon @teamvasundhara

కరోనాపై పోరులో మేము సైతం!

కరోనా ధాటికి మానవజాతి విలవిల్లాడిపోతోన్న నేపథ్యంలో.. ప్రపంచమంతా ఒక్కటై ఈ మహమ్మారిపై పోరాటం సాగిస్తోంది. మన దేశంలో కూడా కరోనా వ్యాప్తిని అరికట్టేందుకు కేంద్ర, రాష్ట్ర ప్రభుత్వాలు తమ శక్తికి మించి కృషి చేస్తున్నాయి. ముఖ్యంగా వైద్యులు, పారిశుద్ధ్య కార్మికులు, మీడియా, పోలీస్‌.. తదితర అత్యవసర విభాగాలకు చెందిన ఉద్యోగులు కంటి మీద కునుకు లేకుండా తమ బాధ్యతలను నిర్వర్తిస్తున్నారు. వీళ్లతో పాటు సామాజిక స్పృహ కలిగిన మరికొందరు సైతం ఈ ఆపద సమయంలో సమాజానికి తమ వంతు సహాయాన్ని అందించేందుకు స్వచ్ఛందంగా ముందుకొస్తు్న్నారు. ఈ క్రమంలో కొంతమంది కరోనా వ్యాప్తిని అరికట్టేందుకు ప్రాథమికంగా ఉపయోగించే మాస్కులను స్వయంగా రూపొందిస్తున్నారు. ఇలాంటి కొంతమంది మహిళామణుల గురించి తెలుసుకుందాం రండి..!

Know More

women icon @teamvasundhara

ఈ ఫొటో గురించి ఎంత చెప్పుకున్నా తక్కువే!

కరోనాను కట్టడి చేసేందుకు ప్రపంచంలోని పలు దేశాలు లాక్‌డౌన్‌ను ఎంతో పటిష్టంగా అమలు చేస్తున్నాయి. ఈ మహమ్మారిని అరికట్టడంలో భాగంగా సామాన్యులు కూడా స్వీయ నిర్బంధం పాటిస్తూ ఇంటికే పరిమితమవుతున్నారు. అయితే కరోనాపై యుద్ధంలో ముందుండి పోరాటం సాగిస్తున్నారు ప్రపంచవ్యాప్తంగా ఉన్న ఎందరో వైద్య సిబ్బంది. రోగుల నుంచి వైరస్‌ సోకుతుందేమోనన్న భయం వెంటాడుతున్నప్పటికీ కరోనా బాధితులకు ఎంతో ఓపికతో సేవలందిస్తున్నారు వైద్యులు. ఈ నేపథ్యంలో తమ కారణంగా తెలియకుండానే తమ కుటుంబ సభ్యులకు కూడా వైరస్‌ సంక్రమిస్తుందేమోనని కొందరు వైద్యులు నెలల తరబడి తమ కుటుంబానికి దూరంగా ఉంటున్నారు.

Know More

women icon @teamvasundhara

ఈ క్వారంటైన్‌ లవ్‌ ప్రపోజల్‌ చూశారా?

కరోనా మనుషుల మధ్య సామాజిక దూరం పెంచిందేమో కానీ.. వారి మధ్య ఉండే ప్రేమానురాగాల్ని ఏమాత్రం తగ్గించలేకపోయింది. అయితే కరోనా విజృంభిస్తోన్న ఈ తరుణంలో లాక్‌డౌన్‌ కారణంగా రోజంతా ఇంట్లో గడపలేక ఇబ్బందులు పడుతోన్న వారు కొందరైతే.. సరైన ప్రణాళిక ఉంటే ఈ లాక్‌డౌన్‌ సమయాన్ని మన మనసుకు నచ్చినట్లు ఎంజాయ్‌ చేయొచ్చు అని నిరూపిస్తున్నారు మరికొందరు. ఈ నేపథ్యంలో కుటుంబ సభ్యులతో గడపడం, పాత స్నేహాలను గుర్తు చేసుకొని వారిని పలకరించడం, ఇంటి పనుల్లో పాల్గొనడం, అభిరుచులపై దృష్టి పెట్టడం, కొత్త విషయాలు తెలుసుకోవడం.. మొదలైనవి చేస్తున్నారు. అంతేకాదు, తమ అనుభవాలు, ఆనందాలను సోషల్‌ మీడియా ద్వారా పంచుకుంటున్నారు కూడా! ఈ క్రమంలో ఓ ప్రేమికుడు తన ప్రేయసికి స్నేహితులు, కుటుంబ సభ్యుల సమక్షంలో లవ్‌ ప్రపోజ్‌ చేశాడు. ప్రపంచమంతా సామాజిక దూరం పాటిస్తోన్న ఇలాంటి పరిస్థితుల్లో అతడికి ఇది ఎలా సాధ్యమైందనుకుంటున్నారా..? అయితే ఇది చదవండి.

Know More

psychologist Ask Psychologist
‹ ²òŸ¿J.

నమస్తే మేడమ్‌.. నాకు పెళ్లై 8 నెలలవుతోంది. మాది పెద్దలు కుదిర్చిన వివాహం. నా భర్త నన్ను ఇష్టపడి పెళ్లి చేసుకున్నాడు. నేను తనతో ఎంత బాగా ఉండాలనుకున్నా తను మాత్రం నన్ను దగ్గరకు రానివ్వడం లేదు. ఈ విషయంలో తనలో మార్పు వస్తుందేమోనని కొన్ని రోజులు వేచి చూశాను. కానీ, ఎలాంటి మార్పూ రాలేదు. దాంతో ఇదే విషయాన్ని మా తల్లిదండ్రులకు చెప్పాను. పెళ్లైన రెండు నెలల వరకు బాగున్నాడు. తర్వాత నుంచే తనలో ఈరకమైన మార్పు వచ్చింది. ఇంట్లో వాళ్ల కంటే బయటి వాళ్లకే ఎక్కువ ప్రాధాన్యం ఇస్తున్నాడు. మా తల్లిదండ్రులు ‘విడాకులు తీసుకుందాం’ అంటున్నారు. అయితే అతను మాత్రం ఎవరు ఏం చెప్పినా సమాధానం ఇవ్వడం లేదు. మౌనంగా కూర్చుంటున్నాడు. దయచేసి సలహా ఇవ్వగలరు - ఓ సోదరి

ముందుగా
మీ ఇద్దరి మధ్య మానసిక, శారీరక సంబంధ బాంధవ్యాలు ఎలా ఉన్నాయనేది స్పష్టత రావాలి. మొదట శారీరక అనుబంధం దృఢంగా ఉండి, తర్వాత మీ ఇద్దరి మధ్య అంతరం ఏర్పడిందా? లేదా మొదట్నుంచీ శారీరక అనుబంధంలో స్పష్టత లేదా? అనేది ఒక కోణం. మరొక కోణం ఏంటంటే మొదటి రెండు నెలలు మీ ఇద్దరి మధ్య అన్నీ బాగుండి, తర్వాత ఇద్దరి మధ్య దూరం ఏర్పడి.. ఇతరులకు ప్రాధాన్యం ఇస్తూ మీకు తక్కువ ప్రాధాన్యం ఇస్తున్నాడంటే.. ఆ రెండు నెలల తర్వాత మార్పు రావడానికి కారణాలు ఏమై ఉండొచ్చు? కుటుంబ సభ్యులు, చుట్టుపక్కల వాళ్ల వల్ల అలా చేస్తున్నాడా? లేదా మీ ఇద్దరి మధ్య ఏవైనా అభిప్రాయభేదాలు, సంఘర్షణలు, అసంతృప్తులు ఉన్నాయా? ఒకవేళ ఉంటే.. వాటి గురించి మాట్లాడుకోవడం జరిగిందా? అనేవి ఆలోచించుకోండి.
మీరిద్దరూ కూడా మ్యారేజ్‌ కౌన్సెలింగ్ కి వెళ్లడం మంచిది. దానివల్ల మీ ఇద్దరి మధ్య ఉన్నటువంటి అంతరాలు తొలగుతాయేమో చూడండి. ఈ రోజుల్లో ఎన్నో చికిత్సలు అందుబాటులో ఉన్నాయి. కాబట్టి, శారీరక సమస్యలేవైనా ఉంటే వాటిని పరిష్కరించుకునే దిశగా ఆలోచించండి. అలాగే ఒకరినొకరు తక్కువ చేసుకోకుండా సమస్య పరిష్కారం దిశగా ఆలోచించండి.
0 Likes
Know More

Movie Masala