టాలీవుడ్‌లోకి అడుగుపెట్టిన అనతికాలంలోనే అగ్ర హీరోలతో కలిసి నటించే అవకాశం కొట్టేసింది మన ‘డియర్‌ కామ్రేడ్‌’ రష్మిక మందన. ప్రస్తుతం తను తెలుగు, తమిళం, కన్నడలో వరుస సినిమాలతో బిజీగా ఉన్నప్పటికీ.. సోషల్‌ మీడియాలో మాత్రం ఎంతో చురుగ్గా ఉంటుందీ క్యూటీ. రష్మిక, మహేష్‌ బాబు జంటగా నటిస్తోన్న చిత్రం ‘సరిలేరు నీకెవ్వరు’. ఈ సినిమా సంక్రాంతి సందర్భంగా జనవరి 11న విడుదల కాబోతున్న విషయం తెలిసిందే. ఈ క్రమంలో సోషల్‌ మీడియాలో ఈ సినిమాకు సంబంధించిన ప్రమోషన్స్‌ వూపందుకున్నాయి. ఇందులో భాగంగా ‘సరిలేరు నీకెవ్వరు’ సినిమాలోని ‘హీ ఈజ్‌ సో క్యూట్‌’ అనే పాటకు తను డ్యాన్స్‌ చేసిన టిక్‌టాక్‌ వీడియోను రష్మిక తాజాగా సోషల్‌ మీడియాలో షేర్‌ చేసింది. తను ఈ వీడియోను ట్విట్టర్‌లో పోస్ట్‌ చేస్తూ ‘మీకు ఈ పాటను వినిపించకుండా ఉండలేకపోతున్నాను’ అంటూ రాసుకొచ్చిందీ బ్యూటీ. ఈ పాట పూర్తి ఆడియో డిసెంబర్‌ 16న విడుదల కానుంది.

ఊహలు గుసగుసలాడే సినిమాతో తెలుగు తెరకు పరిచయమైంది నటి రాశీ ఖన్నా. తొలి చిత్రంతోనే మంచి మార్కులు కొట్టేసిందీ దిల్లీ ముద్దుగుమ్మ. ఇక ఈ సినిమా తర్వాత టాలీవుడ్‌లో బిజీ హీరోయిన్లలో ఒకరిగా మారిన రాశి వరుస సినిమాల్లో అవకాశాలు దక్కించుకుంది. ‘బెంగాల్‌ టైగర్‌’, ‘సుప్రీం’, ‘జై లవ కుశ’, ‘తొలిప్రేమ’ వంటి మంచి విజయాలను అందుకున్న రాశి తాజాగా.. వెంకటేశ్‌, నాగచైతన్యలు హీరోలుగా తెరకెక్కిన ‘వెంకీ మామ’ చిత్రంతో మన ముందుకు వచ్చింది. ఇందులో రాశీ ఖన్నా నాగచైతన్య సరసన నటించిన విషయం తెలిసిందే. వెంకీమామ సినిమా విడుదల సందర్భంగా రాశీఖన్నా తాజాగా ట్విట్టర్‌ వేదికగా తన అభిమానులతో ముచ్చటించింది. ఈ నేపథ్యంలో అభిమానులు అడిగిన ప్రశ్నలకు ఎంతో ఓపికగా సమాధానమిచ్చిందీ లవ్లీ బ్యూటీ. మరి, అభిమానులు అడిగిన కొన్ని ప్రశ్నలు వాటికి రాశి ఇచ్చిన సమాధానాలెంటో ఇప్పుడు చూద్దాం...

గ్లామర్‌ రోల్స్‌తో పాటు భావోద్వేగాలతో నిండిన సున్నితమైన పాత్రల్లో సైతం ఒదిగిపోగల నటి రెజీనా కసాండ్రా. ‘రొటీన్‌ లవ్‌ స్టోరీ’, ‘పిల్లా నువ్వు లేని జీవితం’, ‘సుబ్రహ్మణ్యం ఫర్‌ సేల్‌’, ‘జ్యో అచ్చుతానంద’, ‘అ..!’, ‘ఎవరు’.. మొదలైన సినిమాలతో తెలుగు ప్రేక్షకులకు చేరువైందీ భామ. బయట జరిగే కార్యక్రమాలకు ఎక్కువగా హాజరు కాకపోయినా సోషల్‌ మీడియా ద్వారా మాత్రం రెజీనా తన అభిమానులతో టచ్‌లో నిరంతరం ఉంటుంది. డిసెంబర్‌ 13 రెజీనా బర్త్‌ డే. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు, వాటికి ఇచ్చిన క్యాప్షన్స్‌ మీకోసం..!

సమాజహితం కోరి చేసే కార్యక్రమాల్లో పాల్గొనేందుకు ఎప్పుడూ ముందుంటుంది గ్లోబల్‌ స్టార్‌ ప్రియాంకా చోప్రా. ఈ క్రమంలో UNICEF, CROCS (ప్రముఖ షూ కంపెనీ) సంయుక్తంగా నిర్వహించిన ఓ కార్యక్రమంలో ప్రియాంక పాల్గొంది. ఇందులో భాగంగా బెలీజ్‌ దేశానికి చెందిన స్కూల్‌ పిల్లలకు షూస్‌ పంచిపెట్టారు. ఈ సందర్భంగా తీసిన ఓ వీడియోను ప్రియాంక సోషల్‌ మీడియాలో పోస్ట్‌ చేస్తూ ‘ఈ కార్యక్రమం నాకెంతో ప్రత్యేకమైంది. UNICEF, CROCS సంయుక్తంగా చేస్తోన్న ఈ కార్యక్రమంలో నేనూ భాగమైనందుకు గర్వంగా ఉంది. ఈ క్రమంలో మేము దాదాపు 50,000 పాదరక్షలను పేద పిల్లలకు పంచిపెట్టాం. ఈ కార్యక్రమం ద్వారా భవిష్యత్తులో ప్రపంచంలోని అన్ని దేశాలకు చెందిన పేద పిల్లలకు పాదరక్షలను అందజేస్తామని ఆశిస్తున్నాం..!’ అని రాసుకొచ్చింది ప్రియాంక.

‘నన్ను దోచుకుందువటే’ సినిమాతో తెలుగు తెరకు పరిచయమైన అందాల తార నభా నటేష్‌. పూరీ జగన్నాథ్‌ దర్శకత్వంలో తను, రామ్‌ జంటగా నటించిన ‘ఇస్మార్ట్‌ శంకర్‌’ సినిమాతో మాస్‌ ప్రేక్షకులకు చేరువైందీ కన్నడ ముద్దుగుమ్మ. ప్రస్తుతం వరుస అవకాశాలతో బిజీగా ఉన్న నభా.. తనకు సంబంధించిన విశేషాలను సోషల్‌ మీడియా ద్వారా అభిమానులతో పంచుకొంటుంటుంది. డిసెంబర్‌ 11 నభా పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికరమైన పోస్టులు, వాటికి తను ఇచ్చిన క్యాప్షన్స్‌ మీకోసం..!

‘పరవాలేదు.. పరవాలేదు..’ అంటూ తన చిలిపి చూపులు, అందమైన అభినయంతో తొలి సినిమాలోనే తెలుగు ప్రేక్షకులను ఆకట్టుకుంది తెలుగందం శ్రీ దివ్య. ఛైల్డ్‌ ఆర్టిస్ట్‌గా సినీ పరిశ్రమలో అడుగుపెట్టి సినీ అభిమానులతో మంచి మార్కులు వేయించుకున్న ఈ అందాల బొమ్మ.. ‘మనసారా’ సినిమాతో హీరోయిన్‌గా తనని తాను పరిచయం చేసుకుంది. ‘బస్‌ స్టాప్‌’, ‘వారధి’, ‘కేరింత’, ‘సైజ్‌ జీరో’.. వంటి సినిమాల్లో నటించి మెప్పించింది. ఆపై తమిళ సినిమాలతో బిజీ అయిపోయిన ఈ లవ్లీ గర్ల్‌.. ప్రస్తుతం ‘ఒతైక్కు ఒతై’ అనే మరో తమిళ చిత్రంలో నటిస్తోంది. సినిమాల్లో తన పాత్రకు తగినట్లుగా పద్ధతిగా డ్రస్సింగ్‌ వేసుకునే శ్రీ.. ఆఫ్‌స్క్రీన్‌లోనూ అంతే ట్రెడిషనల్‌గా మెరిసిపోతుంది. ఇందుకు ఆమె సోషల్‌ మీడియా పేజీలే ప్రత్యక్ష నిదర్శనం. పండగలు, ప్రత్యేక సందర్భాలు, చిత్రోత్సవాలు, ఫొటోషూట్స్‌.. ఇలా సందర్భమేదైనా తనదైన ఫ్యాషన్లతో అదరగొట్టే ఈ ముద్దుగుమ్మ.. నేటి తరం అమ్మాయిలందరికీ ఫ్యాషన్‌ పాఠాలు నేర్పుతోంది. అంతేనా.. చక్కటి డ్రస్సింగ్‌ సెన్స్‌తో అటు ట్రెడిషనల్‌గా, ఇటు ట్రెండీగా మెరిసిపోవచ్చని తనదైన డ్రస్సింగ్‌ స్టైల్‌తో నిరూపిస్తోందీ సొగసరి. ఈ నేపథ్యంలో శ్రీ ఫ్యాషనబుల్‌ వార్డ్‌రోబ్‌లో చోటు సంపాదించుకున్న ఆ ట్రెడిషనల్‌ కమ్‌ ట్రెండీ ఫ్యాషన్లేంటో మనమూ తెలుసుకుందాం రండి..

సినిమాల పరంగా ఎంత బిజీగా ఉన్నప్పటికీ సోషల్‌ మీడియాను నిర్లక్ష్యం చేయని నటీమణుల్లో అందాల తార జాన్వీ కపూర్‌ ఒకరు. తన వృత్తిగత, వ్యక్తిగత విషయాలతో పాటు తను పాల్గొనే ఫొటోషూట్లకు సంబంధించిన ఫొటోలను కూడా ఎప్పటికప్పుడు అభిమానులతో పంచుకొంటుంటుంది జాన్వీ. ఈ క్రమంలో తన లేటెస్ట్‌ ఫొటోలను ఇన్‌స్టాలో షేర్‌ చేస్తూ ‘వైట్‌ సూట్‌ ధరించి జెట్‌ ల్యాగ్‌తో ఫైట్‌ చేస్తున్నా..!’ అని క్యాప్షన్‌ ఇచ్చిందీ బ్యూటీ.

తన అందచందాలతో కుర్రకారు మతి పోగొడుతోన్న హాట్‌ బ్యూటీ పాయల్‌ రాజ్‌పుత్‌. బుల్లితెర నటిగా తన కెరీర్‌ను ప్రారంభించిన ఈ భామ.. సినిమాల్లోకి రాకముందు పలు సీరియళ్లలో నటించింది. 2017లో ‘చెన్నా మేరాయా’ అనే పంజాబీ చిత్రంతో పాయల్‌ సినిమా పరిశ్రమలోకి అరంగేట్రం చేసింది. ‘RX100’ సినిమాతో తెలుగు తెరకు పరిచయమైన ఈ తార.. ఇందులో నెగెటివ్‌ షేడ్స్‌ ఉన్న ఛాలెంజింగ్‌ పాత్రలో నటించి ప్రేక్షకులను మెప్పించడం విశేషం. పాయల్‌ ప్రస్తుతం తెలుగు, తమిళ సినిమాలతో బిజీగా ఉంది. సోషల్‌ మీడియాలో యాక్టివ్‌గా ఉండే ఈ తార తనకు సంబంధించిన విశేషాలను ఎప్పటికప్పుడు తన అభిమానులతో పంచుకొంటుంది. డిసెంబర్‌ 5 పాయల్‌ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు మీకోసం..!

‘తెలుసునా.. తెలుసునా.. మనసుకీ తొలి కదలిక’ అంటూ కుర్రకారు మదిలో ప్రేమ గిలిగింతలు పెట్టిన గుజరాతీ బ్యూటీ నమిత. ‘సొంతం’ సినిమాతో సినీ పరిశ్రమకు పరిచయమైన ఈ అందాల తార.. ‘జెమిని’, ‘ఒక రాధ ఇద్దరు కృష్ణుల పెళ్లి’, ‘బిల్లా’.. వంటి సినిమాలతో మంచి గుర్తింపు సంపాదించుకుంది. అయితే కెరీర్‌లో మంచి దశలో ఉన్న సమయంలో అధికంగా బరువు పెరిగిపోవడంతో తనకు సినీ అవకాశాలు సన్నగిల్లాయని, దాంతో చాలా ఒత్తిడిని ఎదుర్కోవాల్సి వచ్చిందని ఒకానొక సందర్భంలో చెప్పుకొచ్చిందీ ముద్దుగుమ్మ. అయితే తన బరువును ఎలాగైనా తగ్గించుకోవాలని నిర్ణయించుకున్న ఈ బబ్లీ గర్ల్‌ అందుకోసం చక్కటి డైట్‌, వ్యాయామ నియమాలను పాటించానని, దాంతో కేవలం మూడంటే మూడు నెలల్లోనే దాదాపు 20 కిలోలు తగ్గానని చెబుతోంది. బరువు తగ్గాలని అనుకోవడం ఎంత సులభమో, తగ్గడం కోసం పడే కష్టం అంత పెయిన్‌ఫుల్‌గా ఉంటుందని.. అయితే బరువు తగ్గి స్లిమ్‌గా మారాలని బలంగా నిర్ణయించుకున్న వాళ్లకు ఈ కష్టం కూడా ఇష్టంగానే అనిపిస్తుందని తన వెయిట్‌ లాస్‌ సీక్రెట్స్‌ పంచుకోవడానికి ఇలా మన ముందుకొచ్చేసిందీ సూరత్‌ సుందరి. మరి, ఈ బొద్దుగుమ్మ ‘ఫ్యాట్‌ టు ఫిట్‌’ స్టోరీ ఏంటో ఆమె మాటల్లోనే వినేద్దాం రండి..

కుటుంబంలో అన్నా చెల్లెళ్లు, అక్కా తమ్ముళ్ల మధ్య ఉండే అనుబంధం ప్రత్యేకమైంది. వీరిలో చాలామంది ఒకరితో ఒకరు తరచూ గొడవలు, గిల్లికజ్జాలు పెట్టుకున్నా.. ఒకరినొకరు ప్రాణం కంటే ఎక్కువగా ప్రేమిస్తుంటారు. ఈ నేపథ్యంలో నివేదా థామస్‌, తన సోదరుడు నిఖిల్‌ల మధ్య ఉన్న అనుబంధం కూడా అలాంటిదే. తన తమ్ముడికి సంబంధించిన ఫొటోలను తరచూ సోషల్‌ మీడియాలో పోస్ట్‌ చేస్తుంటుందీ తార. ఈ క్రమంలో తనను నిఖిల్‌ ఎత్తుకొంటుండగా తీసిన ఫొటోలను నివేదా తాజాగా ఇన్‌స్టాలో పోస్ట్‌ చేసింది. ఈ ఫొటోకు ‘ఫ్లవర్‌.. స్పైస్‌.. బోర్బాన్‌’ అనే క్యాప్షన్‌ ఇచ్చిందీ బ్యూటీ.

నటన, దర్శకత్వం, కాస్ట్యూమ్‌ డిజైనింగ్‌, ఫొటోగ్రఫీ, ఎడిటింగ్‌, కవిత్వం.. మొదలైన సృజనాత్మక రంగాల్లో ప్రావీణ్యమున్న బహుముఖ ప్రజ్ఞాశాలి రేణూ దేశాయ్‌. ‘బద్రి’ సినిమాతో తెలుగు తెరకు పరిచయమైన ఈ తార ‘జేమ్స్‌ పాండు’, ‘జానీ’ సినిమాల్లో నటించింది. ‘ఖుషి’, ‘జానీ’, ‘గుడుంబా శంకర్‌’, ‘బాలు’, ‘అన్నవరం’.. సినిమాలకు కాస్ట్యూమ్‌ డిజైనర్‌గా పని చేసింది. ‘ఇష్క్‌ వాలా లవ్‌’ అనే మరాఠీ సినిమాకు దర్శకత్వం వహించడమే కాకుండా నిర్మాతగా కూడా పని చేయడం విశేషం. కొంతకాలంగా సినిమాలకు దూరంగా ఉంటోన్న ఈ తార.. ప్రస్తుతం సింగిల్‌ మదర్‌గా తన బాధ్యతలను సమర్థంగా నిర్వర్తిస్తోంది. తనకు సంబంధించిన విశేషాలను రేణూ ఎప్పటికప్పుడు సోషల్‌ మీడియా ద్వారా అభిమానులతో పంచుకొంటుంది. డిసెంబర్‌ 4 రేణూ పుట్టినరోజు. ఈ సందర్భంగా తను ఇన్‌స్టాలో షేర్‌ చేసిన కొన్ని ఆసక్తికర పోస్టులు మీ కోసం.

చారడేసి కళ్లు, పువ్వంటి పెదాలు, సొట్ట బుగ్గలు, ముట్టుకుంటే కందిపోయే మోము.. ఇంతటి అపురూప లావణ్యాన్ని తన సొంతం చేసుకొని టాలీవుడ్‌లోకి అడుగుపెట్టింది ఉత్తర్‌ప్రదేశ్‌ బ్యూటీ లావణ్యా త్రిపాఠి. ‘అందాల రాక్షసి’గా తెలుగు తెరకు పరిచయమైన ఈ బ్యూటీ.. ‘భలే భలే మగాడివోయ్‌’, ‘సోగ్గాడే చిన్ని నాయన’, ‘శ్రీరస్తు శుభమస్తు’, ‘మిస్టర్‌’, ‘అంతరిక్షం’.. వంటి సినిమాల్లో రాణించి.. తాజాగా ‘అర్జున్‌ సురవరం’తో మన ముందుకొచ్చింది. ఆన్‌స్క్రీన్‌పై తన అందం, అభినయంతో పాటు చక్కనైన ఫ్యాషన్లతో అలరించే ఈ ముద్దుగుమ్మ.. ఆఫ్‌స్క్రీన్‌లోనూ అంతే ఫ్యాషనబుల్‌గా మెరిసిపోతుంది. ఈ విషయం తన సోషల్‌ మీడియా పేజీల్ని చూస్తే ఇట్టే అర్థమైపోతుంది. పండగలు, ప్రత్యేక సందర్భాల్లో, అవార్డుల ఫంక్షన్లలో.. ఇలా అకేషన్‌ ఏదైనా అప్‌డేటెడ్‌ ఫ్యాషన్లతో అదరగొట్టేయడం ఈ అందాల చందమామకు వెన్నతో పెట్టిన విద్య. అందుకే కేవలం నటిగానే కాదు.. ఈ తరం అమ్మాయిలందరికీ ఫ్యాషన్‌ ఐకాన్‌గా కూడా మారిపోయిందీ లవ్లీ గర్ల్‌. మరి, తనదైన ఫ్యాషన్లతో నేటి తరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ అందాల రాక్షసి వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

వృత్తిగత జీవితాన్ని, వ్యక్తిగత జీవితాన్ని.. సమానంగా ఎంజాయ్‌ చేసే నటీమణుల్లో టాలీవుడ్‌ తలైవి సమంత ఒకరు. ఎప్పుడూ షూటింగ్స్‌తో బిజీగా ఉండే ఈ తార.. కొంచెం విరామం లభించినా హాలిడే ట్రిప్స్‌కి ప్లాన్‌ చేస్తుంటుంది. ఈ క్రమంలో సామ్‌ ప్రస్తుతం తన భర్త నాగ చైతన్యతో కలిసి సింగపూర్‌లో వెకేషన్‌ ఎంజాయ్‌ చేస్తోంది. ఈ సందర్భంగా తీసిన ఫొటోలను తను ఎప్పటికప్పుడు సోషల్‌ మీడియాలో పోస్ట్‌ చేస్తోంది.

జీవితమంటే సంపాదన, బాధ్యతలు మాత్రమే కాదు.. సరదాలు, సంతోషాలు కూడా ఉండాలి. అప్పుడే ఆ జీవితం పరిపూర్ణమవుతుంది. ఈ సూత్రాన్నే ఫాలో అవుతున్నారు మన 1980ల నాటి తారలు. దక్షిణ పరిశ్రమకు సంబంధించి 80 దశకానికి చెందిన నటీనటులంతా ప్రతి ఏడాదీ ఒకచోట చేరి సందడి చేస్తుంటారు. ఈ టీమ్‌కి ‘క్లాస్‌ ఆఫ్‌ 80's’ అనే పేరు కూడా ఉంది. అయితే ఈ ఏడాది ఈ పార్టీ కొద్ది రోజుల క్రితమే మెగాస్టార్‌ చిరంజీవి ఇంట్లో జరిగిన సంగతి తెలిసిందే. కన్నులపండువగా జరిగిన ఈ వేడుకలో తెలుగు, తమిళ, కన్నడ, మలయాళ పరిశ్రమలకు చెందిన అలనాటి తారలు పాల్గొని సందడి చేశారు. కాసేపు తమ టెన్షన్లన్నీ మర్చిపోయి ఆటలు, పాటలు, విందులు, వినోదాలతో నటీనటులంతా హాయిగా ఎంజాయ్‌ చేశారు. ఈ సందర్భంగా తీసిన ఫొటోలు సోషల్‌ మీడియాలో కూడా చక్కర్లు కొట్టాయి. అయితే ఈ వేడుకకు సంబంధించిన ఓ వీడియో ప్రస్తుతం ఇంటర్నెట్‌లో వైరలవుతోంది. ఇంతకీ ఆ వీడియో ఏంటి..? అందులో ఉన్నది ఎవరు..? ఈ విషయాలు తెలియాలంటే వీడియోపై ఓ లుక్కేయాల్సిందే..!

‘ధడక్‌’ విజయం తర్వాత జాన్వీ తన కెరీర్‌ను జాగ్రత్తగా ప్లాన్‌ చేసుకొంటోంది. ఈ క్రమంలో తను ప్రస్తుతం నటిస్తోన్న ‘ఘోస్ట్‌ స్టోరీస్‌’ చిత్రం డిజిటల్‌ ప్లాట్‌ఫాంలో విడుదల కానుంది. ఈ సినిమాకు సంబంధించిన ఓ ఆసక్తికరమైన అప్‌డేట్‌ను జాన్వీ తాజాగా సోషల్‌ మీడియా ద్వారా అభిమానులతో పంచుకొంది. ‘జోయా అక్తర్‌ దర్శకత్వంలో నేను నటిస్తోన్న ‘ఘోస్ట్‌ స్టోరీస్‌’ సినిమా ఈ న్యూ ఇయర్‌ సందర్భంగా జనవరి 1 మధ్యరాత్రి 12:00 గంటలకు నెట్‌ఫ్లిక్స్‌లో విడుదల కానుంది. కొత్త సంవత్సరానికి ఈ సినిమాతో ఆహ్వానం పలకండి’ అని రాసుకొచ్చింది జాన్వీ. తను ప్రస్తుతం ‘గుంజన్‌ సక్సేనా’, ‘దోస్తానా 2’ చిత్రాల్లో కూడా నటిస్తోంది.

చిత్ర పరిశ్రమలో అడుగుపెట్టి దాదాపు 16 ఏళ్లు దాటినప్పటికీ ఇంకా స్టార్‌ హీరోయిన్‌గా అభిమానుల చేత నీరాజనాలు అందుకొంటోన్న నటి నయనతార. ఎలాంటి బ్యాక్‌గ్రౌండ్‌ లేకుండా పరిశ్రమకు వచ్చి సూపర్‌ స్టార్‌గా ఎదిగిన తారల్లో నయన్‌ కూడా ఒకరు. 2003లో ‘మనస్సినక్కరే’ అనే మలయాళ చిత్రంతో వెండితెరకు పరిచయమైన ఈ బ్యూటీ.. తెలుగు, తమిళ, మలయాళ భాషల్లో అనేక చిత్రాల్లో నటించింది. సినిమాల్లోకి రాక ముందు నయనతార ఓ మలయాళ టీవీ ఛానల్‌లో యాంకర్‌గా పనిచేసేది. తను యాంకర్‌గా వ్యవహరించిన అప్పటి కార్యక్రమానికి సంబంధించిన ఓ వీడియో ప్రస్తుతం సోషల్‌ మీడియాలో చక్కర్లు కొడుతోంది. ఈ వీడియోలో నయన్‌ను గుర్తుపట్టడం చాలా కష్టమే..! 13 సెకన్ల నిడివి ఉన్న ఈ వీడియోలో నయన్‌ తన పేరు డయానా అని చెప్పడం గమనార్హం. అవును.. ఈ తళుకు తార అసలు పేరు డయానా మరియం కురియన్‌. ఈ వీడియో చూసిన నెటిజన్లు ‘టీవీ యాంకర్‌గా పని చేసే స్థాయి నుంచి లేడీ సూపర్‌ స్టార్‌గా ఎదిగిన నయన్‌ జీవితం ఎందరికో ఆదర్శం’ అంటూ తెగ కామెంట్లు పెడుతున్నారు.

తన అందం, అభినయంతో ఇటు టాలీవుడ్‌తో పాటు.. అటు బాలీవుడ్‌లోనూ వరుస అవకాశాలతో దూసుకెళ్తోన్న తార పూజా హెగ్డే. సినిమాల్లోకి రాక ముందు మోడల్‌గా తన కెరీర్‌ను ప్రారంభించిన ఈ బ్యూటీ.. 2010లో జరిగిన ‘మిస్‌ యూనివర్స్‌’ పోటీల్లో సెకండ్‌ రన్నరప్‌గా నిలిచింది. 2014లో విడుదలైన ‘ఒక లైలా కోసం’, ‘ముకుంద’ సినిమాలతో పూజ తెలుగు ప్రేక్షకులకు పరిచయమైంది. ఆ తర్వాత తను నటించిన ‘దువ్వాడ జగన్నాథమ్‌’, ‘అరవింద సమేత వీర రాఘవ’, ‘మహర్షి’, ‘గద్దలకొండ గణేష్‌’.. తదితర చిత్రాలు పూజను తెలుగులో టాప్‌ హీరోయిన్‌గా నిలబెట్టాయి. పూజ వృత్తిపరంగా ఎంత బిజీగా ఉన్నప్పటికీ సోషల్‌ మీడియా ద్వారా తన అభిమానులకు తరచూ టచ్‌లోనే ఉంటుంది. తన వ్యక్తిగత విషయాలతో పాటు.. తన లేటెస్ట్‌ సినిమా అప్‌డేట్స్‌, ఫొటోషూట్స్‌, వర్కవుట్‌ వీడియోలు.. మొదలైన విశేషాలను ఎప్పటికప్పుడు అందులో పోస్ట్‌ చేస్తుంటుందీ అమ్మడు. ఈ క్రమంలో పూజ ఇన్‌స్టాలో షేర్‌ చేసిన కొన్ని ఆసక్తికర పోస్టులు, వాటికి తను జత చేసిన క్యాప్షన్స్‌ మీకోసం..!

‘ఏమో నాకు అన్నీ అలా తెలిసిపోతాయి అంతే..!’ అంటూ ఇలా తన అమాయకపు మాటలు, చిలిపితనంతో ‘సీతమ్మ వాకిట్లో సిరిమల్లె చెట్టు’ సినిమాలో ‘సీత’గా తెలుగువారిని మెప్పించింది తెలుగందం అంజలి. ‘బలుపు’, ‘మసాలా’, ‘గీతాంజలి’, ‘డిక్టేటర్‌’.. వంటి తెలుగు సినిమాలతో పాటు మరెన్నో తమిళ చిత్రాల్లో నటించి తన మార్క్‌ను ప్రదర్శించిన ఈ అందాల తార.. ప్రస్తుతం ‘నిశ్శబ్దం’, ‘గీతాంజలి-2’ వంటి సినిమాలతో పాటు మరికొన్ని తమిళ చిత్రాలతో బిజీబిజీగా గడుపుతోంది. ఇలా క్షణం తీరిక లేకుండా ఉన్నప్పటికీ తన ఫ్యాన్స్‌తో ఎప్పటికీ టచ్‌లోనే ఉంటుందీ లవ్లీ గర్ల్‌. ఈ క్రమంలో తన వ్యక్తిగత, వృత్తిపరమైన విషయాల్ని పంచుకోవడమే కాదు.. సందర్భమేదైనా ఎంతో లవ్లీగా మెరిసిపోయే ఈ ముద్దుగుమ్మ తన ఫ్యాషనబుల్‌ అటైర్స్‌ని సైతం ఫొటోల్లో బంధించి వాటిని సోషల్‌ మీడియాలో పోస్ట్‌ చేస్తుంటుంది. ఇలా ఇండస్ట్రీలో మంచి నాయికగానే కాదు.. ఫ్యాషన్‌ దివాగా కూడా మన సీతకు పేరుంది. మరి, తనదైన ఫ్యాషన్లతో అదరగొడుతూ నేటితరం అమ్మాయిలందరికీ ఫ్యాషన్‌ పాఠాలు నేర్పుతోన్న ఈ చక్కనమ్మ వార్డ్‌రోబ్‌లో చోటు సంపాదించుకున్న కొన్ని డిఫరెంట్‌ ఫ్యాషన్లపై మనమూ ఓ లుక్కేద్దాం రండి..

చై-సామ్‌.. సమంత-నాగచైతన్యల జంటకు అభిమానులు ముద్దుగా పెట్టుకున్న పేరు ఇది. టాలీవుడ్‌లో వీరిది చూడముచ్చటైన జంట. దాదాపు తొమ్మిదేళ్ల క్రితం విడుదలైన ‘ఏ మాయ చేశావే’ సినిమాతో మొదలైన వీరి ప్రేమ ప్రయాణం 2017 అక్టోబర్‌లో పెళ్లి ‘మజిలీ’ని చేరుకుంది. ‘ఆటోనగర్‌ సూర్య’, ‘మనం’ వంటి చిత్రాలలో జంటగా ప్రేక్షకులని అలరించారీ క్యూట్‌ కపుల్‌. ఏడేళ్ల తమ ప్రేమను పెద్దల ఆశీర్వాదంతో పెళ్లి బంధంగా మార్చుకుందీ జంట. ఈ లవ్లీ కపుల్‌ని చూసిన ఎవరైనా ‘ఒకరి కోసం ఒకరు పుట్టారు’ అనకమానరు.

‘మద్రాస్‌ కేఫ్‌’ మూవీతో వెండితెరకు పరిచయమమైన రాశీ ఖన్నా.. తెలుగులో ‘ఊహలు గుసగుసలాడే’ చిత్రంలో తన ట్రెడిషనల్‌ లుక్స్‌తో మంచి ఇమేజ్‌ సంపాదించుకుంది. ‘బెంగాల్‌ టైగర్‌’, ‘జై లవకుశ’, ‘సుప్రీమ్‌’.. ఇలా వరుస విజయాలతో స్టార్‌ హీరోయిన్‌ స్టేటస్‌ అందుకుందీ దిల్లీ సుందరి. ప్రస్తుతం తమిళ చిత్రాలతో బిజీబిజీగా ఉన్న ఈ భామ గ్లామర్‌ ప్రాతలకు నో చెప్తోంది. ఈ బబ్లీ బ్యూటీ ఎందుకిలా గ్లామర్‌ పాత్రల్ని వద్దంటోంది? దర్శక నిర్మాతలు కథలతో తన ముందు క్యూ కడుతున్నా తనెందుకు వాటికి నో చెప్తోంది? ఈ ప్రశ్నలన్నింటికీ సమాధానం తన మాటల్లోనే విందాం..