ఈ వేసవి కాలంలో చల్లచల్లని నోరూరించే ఐస్‌క్రీమ్ తినాలని ఎవరికి అనిపించదు చెప్పండి..! అయితే సాధారణంగా బయట తయారు చేసే ఐస్‌క్రీమ్స్‌లో చక్కెర అధిక మొత్తంలో ఉంటుంది. తక్కువ కార్బోహైడ్రేట్లుండే ఆహారం తీసుకుంటూ బరువును అదుపులో ఉంచుకునే వారు బయట తయారుచేసే ఫుల్లీ షుగర్ లోడెడ్ ఐస్‌క్రీమ్స్‌ని తినడం వల్ల మొదటికే మోసం వస్తుంది. మరి, అలా జరగకుండా ఉండాలంటే ఐస్‌క్రీమ్ మానేయాలా.. అంటారా? ఏం అక్కర్లేదు. చక్కెర వాడకుండా ఇంట్లోనే తయారుచేసే షుగర్ ఫ్రీ ఐస్‌క్రీమ్‌ను తీసుకుంటే అటు ఐస్‌క్రీమ్ తినాలన్న కోరికా తీరుతుంది.. ఇటు బరువు పెరుగుతామన్న భయమూ ఉండదు.. అలాంటి ఓ షుగర్ ఫ్రీ ఐస్‌క్రీమ్ రెసిపీనే ఇది..!

ఓ పక్క కరోనాకు తోడు వేడితో సెగలు పుట్టించేస్తున్నాడు సూర్యుడు. విపరీతమైన చెమట, ఉక్కపోతతో అల్లాడిపోవాల్సి వస్తోంది. ఈ సమయంలో అంతా ఎక్కువగా ఎదుర్కొనే సమస్యల్లో చెమటకాయలు కూడా ఒకటి. దీంతో పాటు అధిక చెమట, చర్మం జిడ్డుగా మారడం, ట్యానింగ్, సన్‌బర్న్.. వంటివి కూడా ఈ రోజుల్లో సర్వసాధారణంగా ఎదురయ్యే సమస్యల్లో కొన్ని. వీటి నుంచి సత్వరమే పరిష్కారం పొందాలంటే అందుకు కొన్ని సహజసిద్ధమైన మార్గాలను అనుసరించాల్సిందే.. ఇంతకీ ఆ మార్గాలేంటి? అందుకు ఉపయోగించాల్సిన పదార్థాలేంటి? తెలియాలంటే ఇది చదవాల్సిందే..

చాలామంది వేసవి కాలంలో చర్మ సంరక్షణ కోసం తీసుకున్న జాగ్రత్తలు కురుల విషయంలో తీసుకోరు. కానీ మిగిలిన కాలాలతో పోలిస్తే వేసవిలో శిరోజాల సంరక్షణకు ప్రాధాన్యం కాస్త ఎక్కువ ఇవ్వాల్సిందే. ఎందుకంటే ఎండ వేడిమి నుంచి ఉపశమనం పొందడానికి మనం ఉపయోగించే ఏసీలు, కూలర్ల వల్ల జుట్టు నిర్జీవంగా మారిపోతుంది. ఈ క్రమంలో కురుల సౌందర్యాన్ని కాపాడుకోవడానికి ఉపకరించే కొన్ని హెయిర్‌ ప్యాక్స్‌ గురించి మనమూ తెలుసుకుందామా..!

ఓవైపు ఎండ వేడి.. మరోవైపు భరించలేని ఉక్కపోతతో వేసవి కాలమంటేనే చిరాకొస్తుంటుంది. ఇలాంటి అసౌకర్యాన్ని దూరం చేసుకోవడానికే కంఫర్టబుల్‌గా ఉండే కాటన్‌ దుస్తుల్ని ఎంపిక చేసుకుంటాం. అయితే ఈ మధ్య లినెన్‌ దుస్తులకు డిమాండ్‌ బాగా పెరిగిపోయింది. ముఖ్యంగా వేసవి కాలంలో వీటిని ఎంచుకునే వారి సంఖ్య రెట్టింపవుతోందని చెప్పచ్చు. ఇవి కాటన్‌ కంటే మరింత సమర్థంగా చెమటను పీల్చుకునే గుణాన్ని కలిగి ఉండడమే ఇందుకు కారణం! అవిసె మొక్క నుంచి తయారయ్యే ఈ ఫ్యాబ్రిక్‌తో సంప్రదాయ చీరలే కాదు.. మగువల అభిరుచులకు అనుగుణంగా మోడ్రన్‌ డ్రస్సులూ రూపొందిస్తూ ఆకట్టుకుంటున్నారు నేటి డిజైనర్లు. మరి, అలాంటి కొన్ని లినెన్ అవుట్‌ఫిట్స్‌ గురించి ఈ హాట్‌ సమ్మర్‌లో ప్రత్యేకంగా మీకోసం..

ఆరేళ్ల సహస్రకు ఐస్‌క్రీమ్ అంటే ప్రాణం.. అందుకే వేసవిలో రోజుకొకటి తప్పకుండా తింటుంది. పద్దెనిమిదేళ్ల శాషాకు జంక్‌ఫుడ్ అంటే చాలా ఇష్టం. వేసవిలోనూ వాటిని వదలదు. 24ఏళ్ల సురభి రోజంతా ఉత్సాహంగా ఉండాలంటే రెండు లేదా మూడుసార్లు టీ /కాఫీ తాగాల్సిందే..! మీరూ అంతేనా.. అయితే వెంటనే మీ ఆహారపు అలవాట్లలో మార్పులు చేసుకోవాలని సూచిస్తున్నారు వైద్యులు. ఎందుకంటే వేసవి కాలంలో కొన్ని రకాల ఆహారపదార్థాలకు దూరంగా ఉంటేనే మన ఆరోగ్యానికి ఎలాంటి ఢోకా ఉండదని వారంటున్నారు. ఇంతకీ వేసవిలో దూరంగా ఉంచాల్సిన కొన్ని ఆహారపదార్థాలేంటో తెలుసుకుందామా..

అసలే ఎండలు మండిపోతున్నాయి.. మరోవైపు కరోనా భయం! ఇలాంటి ప్రతికూల పరిస్థితుల్లో మనల్ని మనం కాపాడుకోవడానికి ఇమ్యూనిటీని పెంచుకోవడం చాలా అవసరం. ఈ క్రమంలోనే ఇప్పుడు చాలామంది పండ్ల రసాల వెంట పరుగులు పెడుతున్నారు. తద్వారా డీహైడ్రేషన్‌ బారి నుంచీ తప్పించుకుంటున్నారు. అయితే జ్యూసులు తాగడం వరకు బాగానే ఉంటుంది.. కానీ వాటిని తయారుచేయడమే పెద్ద పనిగా ఫీలవుతుంటారు చాలామంది. జ్యూస్‌ తయారుచేసిన బ్లెండర్స్‌ శుభ్రం చేయలేక పండ్లను ముక్కలుగా కట్‌ చేసుకొని తినేవారూ లేకపోలేదు. పైగా బయటికి వెళ్లే వారైతే ఉదయాన్నే హడావిడిగా తయారుచేసుకోవాల్సి ఉంటుంది. మరి, ఇంత శ్రమ అవసరం లేకుండా సులభంగా, ఎప్పటికప్పుడు తాజాగా జ్యూస్‌ తయారుచేసుకోవాలంటే ‘మినీ హ్యాండీ జ్యూసర్స్‌’ మీ చేతిలో ఉండాల్సిందే! వీటిని ఎక్కడికంటే అక్కడికి ఈజీగా మోసుకెళ్లడంతో పాటు చిటికెలో పండ్ల రసాలు తయారుచేసుకోవచ్చు కూడా! పైగా వీటిని శుభ్రం చేయడం కూడా సులువే! మరి, అలాంటి కొన్ని మినీ జ్యూసర్స్‌ గురించి తెలుసుకుందాం రండి..

వేసవి కాలంలో చాలామందికి ఎదురయ్యే సమస్యల్లో చర్మం కందిపోయి నల్లగా మారడం కూడా ఒకటి. మరి, అలా జరగకుండా ఉండడానికే బయటికి వెళ్లేముందు సన్‌స్క్రీన్ లోషన్ రాసుకుంటాం.. అంటారా..? అయితే సూర్యుడి నుంచి వచ్చే అతినీలలోహిత కిరణాలతో పోరాడే శక్తి ఈ లోషన్ల కంటే మనం ఆహారంగా తీసుకునే కొన్ని పదార్థాలకే ఎక్కువగా ఉంటుందని చెబుతున్నారు ఆరోగ్య నిపుణులు. అందులో ఉండే కొన్ని రకాల పోషకాలు, సమ్మేళనాలే ఎండ చర్మంపై పడినప్పుడు కందిపోకుండా కాపాడతాయట. మరింకెందుకాలస్యం.. ఆ పదార్థాలేంటో మనమూ తెలుసుకొని ఫాలో అయిపోతే సరి..!

ఎండలు మండిపోతున్నాయ్! ఈ తరుణంలో వేడిని తరిమికొట్టి, శరీరానికి చలువనిచ్చే ఆహార పదార్థాలు, పానీయాలు తీసుకోవడం మనకు తెలిసిందే. మరి, డ్రింక్స్ విషయానికొస్తే.. మజ్జిగ, కొబ్బరి నీళ్లు, చెరుకురసం.. వంటివి తీసుకుంటుంటాం. అయితే వీటితోపాటు ఇంట్లోనే సులభంగా తయారుచేసుకోగలిగే, తక్షణమే శరీరానికి చల్లదనాన్ని అందించే 'పుదీనా జల్ జీరా డ్రింక్'ని మీరెప్పుడైనా ట్రై చేశారా? మరింకెందుకాలస్యం.. దాన్నెలా తయారుచేయాలో తెలుసుకుందాం రండి..

వేసవిలో పిల్లలు తరచూ ఐస్‌క్రీం అడుగుతుంటారు. ప్రతిసారీ బయట దొరికే ఐస్‌క్రీం తిని, ఆరోగ్య సమస్యలు కొని తెచ్చుకోవడం కన్నా అదేదో మనమే ఇంట్లో తయారు చేసుకుంటే బాగుంటుంది కదూ..మరింకెందుకాలస్యం..? ఐస్‌క్రీం తినాలన్న కోరికని తీరుస్తూనే తాజా పండ్లతో ఆరోగ్యాన్ని అందించే ఫ్రూట్ పాప్స్ ఇంట్లోనే సులభంగా ఎలా తయారు చేయాలో తెలుసుకుందామా..

అసలే వేసవి కాలం.. ఎండలు మండిపోతున్నాయి. ఉష్ణోగ్రతలు రోజురోజుకీ పెరిగిపోతున్నాయి. ఇలాంటి వాతావరణ పరిస్థితులను పెద్దలు తట్టుకోవడమే కష్టంగా ఉంది. మరి చిన్నారులు తట్టుకోగలరా? అందుకే ఎండాకాలంలో వారి సంరక్షణ విషయంలో చాలా జాగ్రత్తగా వ్యవహరించాలి. చిన్నారులు ఆటల్లో పడి ఎండ తీవ్రత తమపై పడుతుందన్న విషయాన్ని వారు పట్టించుకోరు. ఫలితంగా డీహైడ్రేషన్‌కి గురవుతారు. అలాగని చిన్నారుల మానసిక వికాసానికి తోడ్పడే ఆటల నుంచి వారిని దూరం చేయలేం కదా.. అందుకే ఎండ ప్రభావం వారిపై పడకుండా.. వారు డీహైడ్రేషన్‌కి గురికాకుండా.. ఎలాంటి జాగ్రత్తలు పాటించాలో తెలుసుకుందామా..

ఎండలు మండిపోతున్నాయి.. ఆ వేడిని తట్టుకోవాలంటే కొన్ని జాగ్రత్తలు తీసుకోకతప్పదు. అవేంటో చూద్దాం.

కాలమేదైనా.. ఏ సీజన్‌లో ఉండే సమస్యలు ఆ సీజన్‌లో ఎదురవుతూనే ఉంటాయి. ఇక ఎండాకాలంలో తలెత్తే సమస్య గురించి ప్రత్యేకంగా చెప్పాల్సిన పనిలేదు. ఓవైపు పైనుంచి భానుడి భగభగలు, మరోవైపు నుంచి వడగాలులు. వీటి ప్రభావంతో అడుగు బయట పెట్టాలంటేనే వెన్నులోంచి వణుకు పుడుతుంది. దీనికి తోడు చెమట చికాకు. అయితే కొందరిలో ఈ సమస్య మరింత ఎక్కువగా కనిపిస్తుంటుంది. ఫ్యాన్లు, కూలర్ల గాలికి కూర్చున్నా కొంతమందికి చెమట చికాకు వదలదు. అయితే ఎలాగూ ఎండాకాలమే కదా.. చెమట అలాగే పడుతుందిలే అనుకుంటే పొరపాటే.. ఎందుకంటే అది క్రమంగా మనల్ని డీహైడ్రేషన్‌కి గురిచేసే అవకాశమూ లేకపోలేదు. కాబట్టి ఇలా ఎక్కువ చెమట పట్టడాన్ని నిర్లక్ష్యం చేయకుండా ఆ సమస్యను వెంటనే తగ్గించుకోవడానికి ప్రయత్నించాలి. ఈ క్రమంలో చెమట ఎక్కువగా పట్టడానికి గల కారణాలు, సహజసిద్ధమైన పరిష్కార మార్గాలు తదితర విషయాల గురించి తెలుసుకుందాం రండి...

నీరు.. మన శరీరంలోని అన్ని జీవక్రియలకు అవసరమైనది. సరిపడినన్ని నీళ్లు తాగితే మనకెదురయ్యే సగం ఆరోగ్య సమస్యలను ఇట్టే తగ్గించుకోవచ్చట! ముఖ్యంగా కరోనా బారిన పడకుండా ఉండడానికి కూడా తగినంత నీరు తాగడం అవసరం అని నిపుణులు సూచిస్తున్నారు.

నిమ్మరసం తక్షణ శక్తి అందించడంతో పాటు రకరకాల అనారోగ్యాలు మన దరిచేరకుండా కాపాడుతుంది. అందుకే దీన్ని వేసవిలోనే కాదు.. ఎప్పుడైనా తాగొచ్చు.

వేసవి అంటే.. ఎర్రటి ఎండలకు భయపడ్డా, కమ్మని నోరూరించే మామిడి పండ్ల కోసం ఎండ వేడిని భరించడానికి కూడా సిద్ధమంటారు చాలామంది.. కేవలం రుచే కాదు.. ఎన్నో సుగుణాలున్న పండు మామిడి. మోతాదు మించకుండా తింటే దీనివల్ల బోలెడన్ని ప్రయోజనాలు కలుగుతాయట. అయితే కేవలం తినడం వల్లే కాదు.. మామిడి పండు గుజ్జును సౌందర్య పరిరక్షణకు ఉపయోగించడం వల్ల కూడా మెరిసే మోమును మన సొంతం చేసుకోవచ్చు. మరి, మామిడి పండు గుజ్జుతో మన చర్మాన్ని, జుట్టును కాపాడుకునేందుకు ఎలాంటి ప్యాక్స్ వేసుకోవాలో తెలుసుకుందాం రండి..

మండే ఎండల్లో ఎండ ప్రభావాన్ని తగ్గించడానికి చల్లని ఐస్‌క్రీంలు, కూల్‌డ్రింకులు తీసుకోవడం సహజమే.. అయితే వీటి బదులు పండ్లతో తయారుచేసిన సలాడ్లు తీసుకోవడం.. ఇంట్లోనే తయారుచేసిన ఫ్రూట్ జ్యూసులను తాగడం వల్ల ఆరోగ్యాన్నీ కాపాడుకోవచ్చు. మరి, అలాంటి కొన్ని పండ్లరసాలను ఎలా తయారుచేయాలో తెలుసుకుందాం రండి..

ఏ కాలంలోనైనా కొంతమంది చర్మం జిడ్డుగానే కనిపిస్తుంటుంది. ఇలాంటివారు ఎన్ని క్రీములు రాసుకున్నా సరే.. ముఖంపై జిడ్డు పేరుకుని.. అలంకరణ చేసుకున్న కొద్దిసేపటికే ముఖం మళ్లీ నిర్జీవంగా మారుతుంది. ఈ సమస్యకు పరిష్కారంగా ఇంట్లోనే కొన్ని నియమాలు పాటిస్తే సరిపోతుంది.

ఎండలు ఠారెత్తించేస్తున్నాయి.. ఊపిరి సలపని వేడి కారణంగా కాసేపటికి మనమే బేజారవుతుంటే.. ఇక మొక్కల పరిస్థితి ఎలా ఉంటుందో ప్రత్యేకంగా చెప్పాల్సిన పనిలేదు. కాబట్టి ఈ ఎండ వల్ల వాటికి కూడా కొన్ని నష్టాలు వాటిల్లే అవకాశాలున్నాయి. అంతేకాదు.. సాధారణంగా వేసవిలో గార్డెన్స్‌లోని ఆకులు, పూలు వాడిపోయినట్త్లె అందవిహీనంగా కనిపిస్తాయి. మరి, అలా జరగకుండా వేసవి అంతా మొక్కలు పచ్చగా, ఆకర్షణీయంగా ఉండాలంటే వాటి విషయంలో కొన్ని ప్రత్యేకమైన జాగ్రత్తలు పాటించాలంటున్నారు గార్డెనింగ్ నిపుణులు. మరి, ఆ జాగ్రత్తలేంటో మనమూ తెలుసుకుందాం రండి..

ప్రస్తుతం అడుగు బయటపెడితే చాలు.. సూర్యుడు నడినెత్తిన తాండవం చేస్తున్నాడు. అధిక వేడి, ఉక్కపోత, చెమట.. వీటన్నిటి కారణంగా రోజు ముగిసే సరికి అలసిపోవడం ఖాయం. మరి, ఆ అలసటను దూరం చేసుకొని తిరిగి ఉత్సాహాన్ని పొందాలంటే ఏం చేయాలి?? దీనికోసం కొన్ని చిట్కాలు పాటిస్తూ స్నానం చేస్తే సరిపోతుంది అంటున్నారు సౌందర్య నిపుణులు. ఇంతకీ ఆ చిట్కాలేంటి? వాటి వల్ల మనకు కలిగే సౌందర్యపరమైన ప్రయోజనాలేంటో తెలుసుకుందామా..

కరోనాకు భయపడి బయటకు వెళ్లకుండా ఇంట్లోనే ఉన్నా సరే... ఈ వేసవిలో ఎండల వల్ల డీహైడ్రేషన్, అధిక వేడిమి వంటి సమస్యలు తప్పవు. వీటన్నింటి నుంచీ విముక్తి కలిగించే అద్భుతమైన శక్తి సబ్జా గింజలకుంది.. నల్లని ఈ చిన్న గింజలను మన ఆహారంలో భాగం చేసుకుంటే వేడి పరారైపోవాల్సిందే..! అందుకే వాటితో చేసే ఈ రెసిపీలను ప్రయత్నించి చూడండి.