లలిత: ఏంటమ్మా ఇది.. ఇంట్లో ఉండేది ఇద్దరే అయినా, ఇంటి ఖర్చు మాత్రం నలుగురున్న కుటుంబానికి సరిపడేలా ఉంది.. శ్రీజ: ఎందుకో తెలియట్లేదమ్మా.. ఖర్చులు మాత్రం పెరిగిపోతున్నాయి. ఎంత తగ్గిద్దామన్నా కుదరట్లేదు. ఎక్కడ తగ్గించాలో అర్థం కావట్లేదు. లలిత: నీకే కాదు.. నీలా కొత్తగా పెళ్త్లెన వాళ్లందరికీ ఇలాంటి పరిస్థితే ఎదురవుతుంది. ఖర్చులు ఎక్కువవుతుంటాయి. వృథా మాత్రం ఎక్కడ జరుగుతుందో అర్థం కాదు. కొన్ని చిన్న చిన్న పొరపాట్ల వల్ల ఇది జరుగుతుంది. ఆ పొరపాట్లని సరిదిద్దుకోనంత కాలం ఇంటి బడ్జెట్ పరిమితి దాటిపోతూనే ఉంటుంది. నిజమే.. శ్రీజలాంటి వారు ఎంతోమంది ఉంటారు. ఇలాంటివారు అసలు తాము ఏమేం ఖర్చులు పెడుతున్నాం, డబ్బు ఎక్కడ వృథా అవుతోందని ఒకసారి చెక్ చేసుకోవాలి. ఈ క్రమంలో సాధారణంగా ఎక్కువ మంది ఎలాంటి విషయాల్లో వృథాగా ఖర్చు పెడతారో ఓసారి తెలుసుకుందామా..

ప్రపంచాన్ని పట్టి పీడిస్తోన్న సమస్యల్లో పర్యావరణ కాలుష్యం కూడా ఒకటి. ప్రత్యేకించి వాయు కాలుష్యం మనుషుల ఆయుకాలాన్ని వేగంగా తగ్గించేస్తోంది. ఇందులో భాగంగా నగరాల్లో విచ్చలవిడిగా తిరిగే పెట్రోల్‌, డీజిల్‌ వాహనాల నుంచి వెలువడే పొగతో నగరవాసులు ఉక్కిరిబిక్కిరవుతున్నారు. దీర్ఘకాలిక వ్యాధుల బారిన పడుతూ ప్రాణాల మీదకు తెచ్చుకుంటున్నారు. ఇప్పటికే దిల్లీ, బెంగళూరు తదితర నగరాల్లో వాయుకాలుష్యం ప్రమాదకర స్థాయికి చేరుకుందని సర్వేలు హెచ్చరిస్తున్నాయి. ఈక్రమంలో వాయు కాలుష్యాన్ని కట్టడి చేసేందుకు నటి రేణూ దేశాయ్‌ చేసిన ఒక మంచి పని అందరికీ ఆదర్శంగా నిలుస్తోంది.

ఉద్యోగం అంటే ఉదయాన్నే ఆఫీసుకి వెళ్లి సాయంత్రం వరకు అక్కడే పని చేసి మళ్లీ రాత్రికి ఇంటికి చేరుకోవడం.. ఇది ఒకప్పటి మాట.. ఇప్పుడు ఇంటి దగ్గర్నుంచి కూడా జాబ్ చేసే వెసులుబాటు ఉంటోంది. ప్రత్యేకించి కరోనా నేపథ్యంలో - ఇప్పుడు చాలా సంస్థలు 'వర్క్ ఫ్రమ్ హోమ్' అవకాశాన్ని అందుబాటులోకి తెచ్చాయి. అలాగే - ప్రత్యేకించి ఒక సంస్థ కోసం కాకుండా నచ్చిన సంస్థలకు నచ్చిన రీతిలో పని చేసే సౌలభ్యం కూడా ఎప్పటినుంచోనే అందుబాటులో ఉన్న విషయం తెలిసిందే. అదే ఫ్రీలాన్సింగ్.. కరోనా నేపథ్యంలో- రెగ్యులర్ ఉద్యోగాలకు భద్రత లేకపోవడంతో కొంతమంది ఫ్రీలాన్సింగ్ వైపు కూడా మొగ్గు చూపుతున్నారు. ఈ క్రమంలో- ఫ్రీలాన్సింగ్ గురించి ఆలోచించేవారు తీసుకోవాల్సిన కొన్ని జాగ్రత్తల గురించి తెలుసుకుందాం రండి...

ఏ ఛానెల్ తిప్పినా.. 'సహజవనరులను పొదుపు చేయండి. భవిష్యత్తును కాపాడండి.' అంటూ రకరకాల ప్రకటనలు కనిపిస్తాయి. 'సర్లే.. ఇంతగా చెబుతున్నారు పాపం పొదుపు చేసేద్దాం..' అనుకున్నా ఎలా చేయాలో తెలీక తికమకపడిపోతూ ఉంటారు కొందరు. అలాంటి వాళ్లలో మీరూ ఒకరా? డోంట్ వర్రీ.. మనం నిత్యం వాడే నీరు, గ్యాస్, విద్యుత్తు- వీటి విషయంలో జాగ్రత్తగా మసులుకుని, ఉన్నంతలో పొదుపు చేయగలిగితే మనం కూడా సహజ వనరులను కాపాడుతున్నట్లే.. పర్యావరణానికి మన వంతు సాయం చేస్తున్నట్లే.. మరి అదెలాగో ప్రపంచ పర్యావరణ దినోత్సవం సందర్భంగా తెలుసుకుందాం రండి..

కరోనా సామాన్యుడిపై కష్టాల పంజా విసురుతోంది... మహమ్మారి దెబ్బకి కొందరి జీతాల్లో కోతలు పడుతున్నాయి... చిన్నాచితకా వ్యాపారుల వెతలు వర్ణనాతీతం... ఆర్థిక కరవుతో అతలాకుతలం అవుతున్న కుటుంబాలెన్నో... ఈ గడ్డు పరిస్థితి నుంచి గట్టెక్కాలంటే ఇల్లాలే నడుం బిగించాలి... ఇల్లంతా పొదుపు బాట పట్టాలి... హోంమంత్రే విత్తమంత్రిగా మారి ముందుండి నడిపించాలి. పరిస్థితి బాగున్న రోజుల్లోనే మన సంపాదన బొటాబొటిగా సరిపోయేది. ఇంట్లోకి ఏదైనా వస్తువు కొనాలన్నా వాయిదా పద్ధతుల వైపు చూసేవాళ్లం. మరిప్పుడు కరోనా కాలం. ఈ కష్టకాలం ఎప్పుడు అంతమవుతుందో తెలియదు. అందుకే ఇల్లాలు పొదుపు మంత్రం పఠించాల్సిందే. అందుకేం చేయాలంటే..

కరోనా కారణంగా ప్రపంచమంతా చిగురుటాకులా వణికిపోతోంది. అగ్రదేశాల ఆర్థిక వ్యవస్థలు సైతం కుప్పకూలే పరిస్థితులు దాపురించాయి. ఇక ఇండియాలోనూ ఈ మహమ్మారి జూలు విదుల్చుతోంది. ఇప్పటికే సుమారు 4 వేలమందికి పైగా ఈ వైరస్‌ బారిన పడ్డారు. ఈ నేపథ్యంలో కరోనాను నియంత్రించేందుకు కేంద్ర ప్రభుత్వం లాక్‌డౌన్‌ కూడా విధించిన సంగతి తెలిసిందే. ఈ మహమ్మారిని మరింత సమర్థంగా ఎదుర్కోవడానికి ప్రధాన మంత్రి నరేంద్రమోదీ ‘పీఎం-కేర్స్‌’ పేరుతో ఓ ప్రత్యేక సహాయ నిధిని కూడా ఏర్పాటుచేశారు. ఇందుకోసం సెలబ్రిటీలు, సామాన్యులు, చిన్నా, పెద్దా అనే తేడాల్లేకుండా ప్రతి ఒక్కరూ తమ వంతు విరాళాలు అందజేస్తున్నారు. ఈ క్రమంలో యూపీకి చెందిన ఇద్దరు చిన్నారులు తమ కిడ్డీ బ్యాంకులో పొదుపు చేసుకున్న నగదును విరాళంగా అందజేసేందుకు ముందుకొచ్చారు.

కరోనా.. కాలయముడిలా ప్రపంచాన్ని పట్టి పీడిస్తోందీ మహమ్మారి. విశ్వవ్యాప్తంగా ఎన్నో వేల ప్రాణాలను బలిగొంటోన్న ఈ వైరస్‌ ఎంతో నష్టాన్ని తెచ్చిపెడుతోంది. అయితే ఈ వైరస్‌ వల్ల కొన్ని మంచి అలవాట్లు కూడా అలవడ్డాయంటున్నారు కొందరు. వ్యక్తిగత పరిశుభ్రత పాటించడం, మద్యపానం-ధూమపానం వంటి అలవాట్లను దూరం చేసుకోవడం, తరచూ చేతుల్ని శుభ్రం చేసుకోవడం.. వంటివే కాదు.. అప్పటిదాకా విచ్చల విడిగా మనం చేసిన ఖర్చులకు కూడా చెక్‌ పెట్టిందీ వైరస్‌. ఇలా ఈ వైరస్‌ తనకూ ఆర్థిక క్రమశిక్షణ నేర్పిందంటోంది ఓ యువతి. మరి, ఆమె అంతరంగమేంటో మనమూ తెలుసుకుందాం రండి..

దేశమంతా లాక్‌డౌన్‌లో ఉంది. మరో ఇరవై రోజులు ప్రతి ఇల్లూ బిగ్‌బాస్‌ హౌసే! బిగ్‌బాస్‌ ఆదేశాల మేరకు నడుచుకోవాల్సిందే!! ఉన్నదాంతో సరిపెట్టుకోవాల్సిందే. హెచ్చరికలు పెడచెవిన పెట్టి లేని హెచ్చులకు పోతే ప్రమాదంలో పడతారు. ఈ ఇరవై రోజులు.. కరోనా పేట్రేగితే ఇంకొన్ని రోజులు ఈ సీజన్‌ కొనసాగనుంది. ఉన్న వనరులను సద్వినియోగం చేసుకోవడం ఎలాగో మహిళకు ప్రత్యేకంగా చెప్పాల్సిన పనిలేదు. అయితే దీన్ని ఇంటిల్లిపాదీ పాటించేలా చూసుకోవాల్సిన బాధ్యత కూడా ఆమెదే!

ప్రేమ.. సృష్టిలో అత్యంత తియ్యనైనది.. మరపురానిది ఇదే.. ప్రతి బంధంలోనూ ప్రేమ ఉంటేనే అది పదిలంగా ఉంటుంది. అలాంటి అనిర్వచనీయమైన ప్రేమను సెలబ్రేట్ చేసుకోవడం కోసం ఏటా జరుపుకుంటున్నదే ఈ 'వేలంటైన్స్‌ డే'. ఈ రోజుకు ముందున్న ఏడు రోజులకూ ఏదో ఒక ప్రత్యేకత ఉంది.. అయితే 'వేలంటైన్ వీక్' అని పిలుచుకునే ఈ వారం రోజుల గురించి చెప్పుకోవాలంటే వివిధ రకాల సర్‌ప్రైజ్‌లు, రొమాంటిక్ డేట్స్.. వంటివే గుర్తుకురావడం సహజం. కమర్షియలైజేషన్ నేపథ్యంలో ప్రేమికుల రోజు కూడా ఓ రకంగా కృత్రిమంగా, వ్యాపార వస్తువుగా మారిపోవడమే ఇందుకు కారణమని చెప్పుకోవచ్చేమో. అయితే కేవలం ఇలా పైపై మెరుగులతో కాకుండా వేలంటైన్ వీక్‌ని హృదయపూర్వకంగా, మనసుకు హత్తుకునే రీతిలో ఎలా జరుపుకోవచ్చో తెలుసుకుందాం రండి..

రోజు మారింది... రోజులు కూడా మారాయి... మనం మారాలి. ఇంటిని మార్చాలి... ఆనందాన్ని, ఆరోగ్యాన్ని, సౌభాగ్యాన్ని అందుకోవాలి, ఇంటిల్లిపాదికీ అందించాలి. దీనికోసం కాలానుగుణంగా వచ్చే పరిణామాలను గమనించాలి, మార్పులను అందిపుచ్చుకోవాలి. ఈ రోజు మీకో అవకాశం. కొత్త సంవత్సరాన్ని ఇలా మొదలుపెట్టేద్దామా?

నిత్యావసరాల ధరలు పెరుగుతూ ఉన్నాయి. ఉల్లి అయితే ఇల్లాలి కంట కన్నీరు పెట్టిస్తోంది. మిగతా కూరగాయలు కూడా ఆకాశం వైపే చూస్తున్నాయి. దీంతో మహిళలు తమ ఖజానాగా భావించే, అత్యవసరానికి పనికివచ్చే పోపుల పెట్టెకు తూట్లు పడుతున్నాయి. అందులోని పొదుపు చేసిన మొత్తం కరిగిపోయేలా ఉంది.