కొంగొత్త ఆశలు, కలలను మోసుకొస్తూ కొత్త ఏడాది ప్రారంభమైంది. గతేడాది మిగిల్చిన చేదు అనుభవాల నుంచి బయటపడుతూ అందరూ కోటి ఆశలతో నూతన సంవత్సరానికి స్వాగతం పలికారు. ఈ సందర్భంగా కొందరు తమ స్వస్థలంలో కుటుంబ సభ్యులతో ఎంజాయ్‌ చేస్తే, మరికొందరు తమకు నచ్చిన ప్రదేశానికి వెళ్లి కొత్త ఏడాదికి ఆహ్వానం పలికారు. అనంతరం తమ సెలబ్రేషన్స్‌కు సంబంధించిన ఫొటోలు, వీడియోలను సోషల్‌ మీడియాలో షేర్ చేస్తూ తమ అభిమానులకు శుభాకాంక్షలు తెలిపారు. ఈ ఏడాది అందరి జీవితాల్లో ఆనందాన్ని నింపాలని ఆకాంక్షించారు. ఈ క్రమంలో కొందరు సినీతారలు కొత్త సంవత్సరాన్ని ఎలా ఆహ్వానించారో, వారి న్యూ ఇయర్‌ రిజల్యూషన్స్‌ ఏంటో చూద్దాం రండి...

అందాల తార శిల్పా శెట్టి మనసారా నవ్వుతోన్న ఫొటోని పోస్ట్‌ చేస్తూ.. నవ్వడం వల్ల కలిగే ప్రయోజనాలను వివరించింది. ‘మనస్ఫూర్తిగా నవ్వడం వల్ల వ్యాధినిరోధక శక్తి పెరగడంతో పాటు శారీరక, మానసిక ఒత్తిళ్ల నుంచి బయటపడచ్చు. అంతేకాదు.. మనసారా నవ్విన తర్వాత 45 నిమిషాల దాకా కండరాలు విశ్రాంత స్థితిలో ఉంటాయి. స్వేచ్ఛగా, మనస్ఫూర్తిగా నవ్వడం అనేది ఈ రోజుల్లో సర్వసాధారణమైపోయింది. కాబట్టి కుటుంబ సభ్యులు, స్నేహితులతో కలిసి ఆనందంగా గడపండి. లేదంటే కామెడీ సినిమాలు, వీడియోలు వంటివి చూడండి.. అదీ కాదంటే కామెడీ పుస్తకాలు చదవండి. ఎందుకంటే నవ్వే మనకు అత్యుత్తమమైన ఔషధం’ అంటూ నవ్వు నాలుగు విధాలుగా మేలు అనే సామెతను గుర్తు చేసిందీ ఫిట్‌నెస్‌ ఫ్రీక్‌.

అందాల భామ హంసానందిని కేరళ అందాలను తన ఫోన్‌లో బంధించింది. ఈ ఫొటోలను పోస్ట్‌ చేస్తూ ‘ఇందుకే నేను విహారయాత్రలకు వెళ్తుంటాను’ అనే వ్యాఖ్యను జత చేసింది.

నేటి ఇన్‌స్టాపురం భాయ్ దూజ్‌ సెలబ్రేషన్స్‌తో నిండిపోయింది. పలువురు అందాల తారలు ‘ఇలాంటి బ్రదర్స్ ఉన్నందుకు మేమెంతో లక్కీ’ అంటూ తమ సోదరులతో దిగిన ఫొటోలను పంచుకుంటూ ‘భాయ్ దూజ్‌’ శుభాకాంక్షలు తెలియజేశారు. ‘భాయ్‌ దూజ్‌’ని ఉత్తరాదిన ఎక్కువగా జరుపుకొంటారు. దీపావళి మరుసటి రోజు జరుపుకొనే ఈ పండగ నాడు అన్నాచెల్లెళ్లు, అక్కాతమ్ముళ్లు బహుమతులు ఇచ్చిపుచ్చుకుంటారు. మరి ఈ పండగ సందర్భంగా కొందరు అందాల భామలు పోస్ట్‌ చేసిన ఫొటోలను ఓసారి చూద్దాం రండి...

‘ఏంటీ.. రోజురోజుకీ బాగా లావైపోతున్నావ్‌.. ఇలా లడ్డూలా తయారైతే నిన్నెవరు పెళ్లి చేసుకుంటారు?’, ‘మొహం నిండా ఆ మొటిమలేంటి.. మొన్నటిదాకా బాగానే ఉంది కదా!’, ‘అబ్బాయిలా నీకూ గడ్డం, మీసాలు పెరుగుతున్నాయి.. శరీరం విషయంలో చాలామంది మహిళలకు ఇలాంటి కామెంట్లు మామూలే. ఇలా కంటికి కనిపించిందని కామెంట్‌ చేస్తారు కానీ.. దాని వెనకున్న అసలు కారణమేంటో ఎవరూ అర్థం చేసుకోరు! ఇంతకీ ఈ సమస్యలన్నింటికీ మూలం ఏంటంటారా? అదే పీసీఓఎస్.. దీనివల్ల బయటికి కనిపించే ఇలాంటి లక్షణాలే వారిని నలుగురిలోకీ వెళ్లకుండా ఇబ్బందికి గురి చేస్తున్నాయి. ఈ ఇబ్బందే తమ సమస్యను అందరితో చెప్పడానికి మొహమాటపడేలా చేస్తోంది.

కేరళ కుట్టి అనుపమా పరమేశ్వరన్‌ పచ్చని కొండల్లో, సెలయేటి నుంచి జారిపడుతోన్న నీళ్లను కెమెరాలో బంధించింది. ఆ ఫొటోని షేర్‌ చేస్తూ ‘నా గ్యాలరీ నన్ను నేను అసూయపడేలా చేస్తోంది. గతంలో నేను ఎన్నో ప్రాంతాలను సందర్శించాను. మంచి జ్ఞాపకాలు ఉన్నాయి.. కానీ ఇప్పుడు లేవు.. కరోనా డార్లింగ్‌ దయచేసి వెళ్లిపో!’ అంటూ రాసుకొచ్చిందీ భామ.

మిల్కీ బ్యూటీ తమన్నా, సద్గురు జగ్గీ వాసుదేవ్‌తో దిగిన ఓ ఫొటోని పోస్ట్ చేసింది. ఈ సందర్భంగా ‘సద్గురుకు జన్మదిన శుభాకాంక్షలు.. నదుల సంరక్షణ కోసం 'కావేరి పిలుస్తోంది' ఉద్యమం ప్రారంభమై నేటికి సంవత్సరమైంది. ఈ విషయాన్ని నమ్మలేకపోతున్నాను. ముందు తరాల కోసం 'ఈషా ఫౌండేషన్‌' చేస్తోన్న కృషి మరువలేనిది. దానిలో నేను కూడా భాగమైనందుకు ఎంతో ఆనందంగా ఉంది’ అంటూ చెప్పుకొచ్చింది.

ప్రముఖ హీరోయిన్‌ మీనా తన ఫిష్‌ పాట్‌లో ఉన్న చేపలను చూస్తోన్న ఫొటోని పోస్ట్‌ చేస్తూ ‘ఎవరైనా ఈ ఫొటోకి మంచి క్యాప్షన్‌ పెడతారా’ అని అభిమానులను అడిగింది. దాంతో ‘మీనాలను చూస్తోన్న మీనా’, ‘ఒక అందమైన చేప మరో రెండు అందమైన చేపలను చూస్తోంది’, ‘బంగారు వర్ణపు చేపలను చూస్తోన్న అందాల రాశి’ అంటూ పలువురు అభిమానులు కామెంట్ల రూపంలో పెట్టారు. వీటికి స్పందింస్తూ ‘వావ్‌.. మీరు ఇచ్చిన క్యాప్షన్లలో ఒక్కదానినే ఎంచుకోవాలంటే చాలా కష్టం. నాకు అన్నీ నచ్చాయి. మీ ఇమాజినేషన్‌కి ముగ్ధురాలినయ్యాను. అందరికీ కృతజ్ఞతలు’ అంటూ అభిమానులకు రిప్లై ఇచ్చిందీ సుందరి.

టాలీవుడ్‌ భామ లావణ్యా త్రిపాఠి అంటే మనకు మొదట గుర్తుకు వచ్చేది ‘అందాల రాక్షసి’ చిత్రం. ఈ చిత్రం విడుదలై నేటితో 8 వసంతాలను పూర్తి చేసుకుంది. ఈ సందర్భంగా లావణ్య ఈ సినిమాలోని కొన్ని ఫొటోలను అభిమానులతో పంచుకుంది.

ఫ్రెండ్స్.. ఇన్‌స్టాపురంలో రెండు రోజుల నుంచి తారల బ్లాక్‌ అండ్‌ వైట్‌ ఫొటోలు హల్‌చల్‌ చేస్తున్నాయి. వీరిలో అందాల తార సమంత, సొట్టబుగ్గల సుందరి లావణ్యా త్రిపాఠి, మిల్కీ బ్యూటీ తమన్నా, సౌత్‌ స్టార్‌ శృతిహాసన్‌.. బాలీవుడ్‌ ముద్దుగుమ్మలు దియా మీర్జా, బిపాసా బసు, కరీనా కపూర్‌.. చెప్పుకుంటూపోతే చాలామందే ఉన్నారు. వీరంతా బ్లాక్‌ అండ్‌ వైట్‌లో ఉన్న తమ ఫొటోలను పోస్ట్‌ చేస్తున్నారు. వీటికి #womensupportingwomen #ChallangeAccepted వంటి హ్యాష్‌ట్యాగ్‌లను కూడా జోడిస్తున్నారు. అంతేకాదు.. పోస్ట్‌ చేసిన వారు మరికొంతమందిని నామినేట్‌ చేస్తున్నారు.

ఈరోజు ఇన్‌స్టాపురములో రకుల్‌.. సీడ్స్‌ (విత్తనాల) వల్ల కలిగే ప్రయోజనాల గురించి చెప్పింది. పొద్దుతిరుగుడు-నువ్వులు, గుమ్మడి-అవిసె గింజల కాంబినేషన్లు మన హార్మోన్ల ఆరోగ్యానికి ఎంతో మంచివంటూ ఓ పోస్ట్‌ పెట్టిందీ భామ.

సాధారణంగా చబ్బీగా ఉన్న ఫొటోలు సోషల్‌ మీడియాలో పంచుకోవడానికి చాలామంది ఇష్టపడరు. వాటిని చూసి ఎవరెలా స్పందిస్తారో అని వెనకడుగు వేస్తుంటారు. కానీ కొందరు ముద్దుగుమ్మలు మాత్రం ఇందుకు భిన్నం. ‘ఎవరేమనుకుంటే మాకేంటి.. మా శరీరం మా ఇష్టం..’ అంటూ తాము గతంలో లావుగా ఉన్న ఫొటోల్ని సామాజిక మాధ్యమాల్లో పంచుకోవడానికి ఏమాత్రం వెనకాడరు. మన పటౌడీ ప్రిన్సెస్‌ సారా అలీ ఖాన్‌ కూడా ఇదే కోవలోకి వస్తుంది. సినిమాల్లోకి రాకముందు 96 కిలోల బరువుతో చబ్బీగా ఉండే సారా.. ఆపై కఠోరమైన కసరత్తులు చేసి మల్లెతీగలా మారిపోయింది.

రంగమేదైనా అమ్మను ఆదర్శంగా తీసుకొని ఆమె అడుగుజాడల్లో నడుస్తూ సక్సెస్ సాధించిన వారు ఎందరో! అందుకే అమ్మను ఆది గురువుగా కీర్తిస్తారు. తామూ ఆ కోవకు చెందినవారమే అంటున్నారు కొందరు బాలీవుడ్ ముద్దుగుమ్మలు. తల్లులు వేసిన 'నటన' బాటలో నడుస్తూ, ఆ వేదికగా తమను తాము నిరూపించుకుంటూ ప్రస్తుతం ఇండస్ట్రీలో టాప్ పొజిషన్‌లో కొనసాగుతున్నారు..

టీమిండియా మాజీ కెప్టెన్‌ మహేంద్ర సింగ్‌ ధోనీ గారాల పట్టి జీవా సింగ్‌ను ప్రత్యేకంగా పరిచయం చేయాల్సిన అవసరం లేదు. పుట్టుకతోనే సెలబ్రిటీ స్టేటస్‌ దక్కించుకున్న ఈ క్యూట్‌ గర్ల్‌ సోషల్‌ మీడియాలో చాలా ఫేమస్‌. జీవా చేసే అల్లరి పనులకు సంబంధించిన విశేషాలను ఎప్పటికప్పుడు నెటిజన్లతో పంచుకొని మురిసిపోతుంటుంది ధోనీ సతీమణి సాక్షి. జీవా సింగ్‌ పేరుతో ఉన్న ఇన్‌స్టాగ్రామ్‌ అకౌంట్‌ను ఏకంగా పదిన్నర లక్షల మంది ఫాలో అవుతున్నారంటేనే ఈ స్టార్‌ కిడ్‌ ఫ్యాన్‌ ఫాలోయింగ్‌ రేంజ్‌ ఏంటో అర్థం చేసుకోవచ్చు.

‘ప్రేమించే పెద్దమ్మే ఈ విశ్వం.. ఇష్టంగా గుండెకు హత్తుకుందాం.. కన్నెర్రయితే నీరై ఓ కొంచెం.. తల్లడిల్లిందో ఈ తల్లి ఏ ఒక్కరు మిగలం..’ అన్నాడో సినీ కవి. ప్రకృతిని, భూమిని కాపాడుకుంటేనే ఎలాంటి అవాంతరాలు లేకుండా మన మనుగడ సాగుతుంది.. మన నిర్లక్ష్యంతో వాటిని నాశనం చేయాలని చూస్తే ఆ ప్రకోపానికి మనం బలవక తప్పదు.. అని ఈ పాటలోని అంతరార్థం. అయితే ప్రస్తుతం మనం ఎదుర్కొంటోన్న పరిస్థితులు మనకు ఇదే విషయాన్ని కళ్లకు కట్టినట్లు చూపుతున్నాయి. ఇన్నాళ్లూ మన విచక్షణా రహిత చర్యల కారణంగా భూమాతకు, ప్రకృతికి ఎంతో కష్టం, నష్టం కలిగించాం.. ఆ ఫలితాన్ని ఇప్పుడు మనమంతా ఎదుర్కొంటున్నాం.

షూటింగ్స్‌, ఫారిన్‌ టూర్స్‌.. అంటూ అనునిత్యం ఎంతో సరదాగా గడిపే మన సెలబ్రిటీలు లాక్‌డౌన్‌ కారణంగా ఇంట్లోనే బందీలైపోయారు. తమ జీవితాన్ని సరికొత్తగా గడుపుతున్నారు. ఈ క్రమంలో కొవిడ్‌-19 పై ప్రచారం కల్పించడంలో కొందరు నిమగ్నమైతే.. మరికొందరు తమ పాకశాస్త్ర ప్రావీణ్యాన్ని ప్రదర్శిస్తున్నారు. ఇంకొందరు తమ పాత జ్ఞాపకాలను నెమరువేసుకుంటూ ఎంజాయ్‌ చేస్తున్నారు. ఇలా ఒక్కొక్కరూ ఒక్కోలా తమ క్వారంటైన్‌ సమయాన్ని గడుపుతున్నారు. ఇక మరికొందరి విషయానికొస్తే.. తమ చిన్ననాటి ఫొటోలను సోషల్‌ మీడియా ద్వారా అభిమానులతో పంచుకుంటున్నారు. వీటిని చూసిన అభిమానులు తమ అభిమాన నటులు చిన్నతనంలో ఎంత క్యూట్‌ ఉన్నారో అంటూ మురిసిపోతున్నారు. మరి, ఆ ఫొటోలపై, వాటికి వారు జోడించిన క్యాప్షన్స్‌పై మనమూ ఓ లుక్కేద్దాం రండి..

సెలబ్రిటీ కపుల్‌ శిల్పాశెట్టి- రాజ్‌కుంద్రాలు ఇటీవలే సరోగసీ ద్వారా పండంటి ఆడబిడ్డకు జన్మనిచ్చిన విషయం మనందరికీ విదితమే. తమ కుటుంబంలోకి లిటిల్‌ ఏంజెల్‌ ‘సమీషా శెట్టి’ అడుగుపెట్టిన విషయాన్ని సోషల్‌ మీడియా ద్వారా అభిమానులతో పంచుకుందీ అందాల తార. ఈ క్రమంలో శిల్ప తాజాగా తన బుజ్జాయికి సంబంధించిన మరొక పోస్ట్‌ను షేర్‌ చేసింది. తన బుజ్జి పాపాయి పుట్టి నిన్నటితో (మార్చి 15) నెల రోజులు పూర్తిచేసుకున్న నేపథ్యంలో ఒక అందమైన ఫొటోను ఇన్‌స్టాలో పంచుకుంది. తనతో పాటు భర్త, కుమారుడు, పాప ఒకరి చేతిలో మరొకరు చెయ్యేసినట్లుగా ఉన్న ఈ ఫొటోను పంచుకుంటూ.. ‘ఇదే నీ మొదటి మైలురాయి.. నా లిటిల్‌ ప్రిన్సెస్‌ సమీషా.. నువ్వు పుట్టి నెల రోజులైన సందర్భంగా నీకు శుభాకాంక్షలు. నిన్ను అన్నింటికంటే ఎక్కువగా ప్రేమిస్తున్నాను..’ అంటూ ప్రేమతో రాసుకొచ్చిందీ బ్యూటిఫుల్‌ మామ్‌.

అవార్డుల ఫంక్షనైనా.. సినిమా ఫంక్షనైనా.. అభిమానుల కేరింతల మధ్య జరుగుతుంటే అందరిలో కొత్త ఉత్సాహం ఉరకలెత్తుతుంది. కానీ తాజాగా జరిగిన ‘జీ సినీ అవార్డ్స్‌ 2020’ ప్రదానోత్సవం మాత్రం ప్రేక్షకులు లేకుండానే పూర్తయింది. కొవిడ్‌-19 ఎఫెక్టే ఇందుకు ప్రధాన కారణం. అలాగని ఆ వేడుకకు హాజరయ్యే బాలీవుడ్‌ భామలు మాత్రం ఏమాత్రం రాజీ పడకుండా తమవైన ఫ్యాషనబుల్‌ దుస్తుల్లో మెరిసిపోయారు. ఒకరిని మించిన ఫ్యాషన్స్‌ మరొకరు ఫాలో అవుతూ రెడ్‌ కార్పెట్‌ని హీటెక్కించారు. నఖశిఖపర్యంతం ఫ్యాషనబుల్‌గా, ట్రెండీగా ముస్తాబై దర్శనమిచ్చారు. మరి, ఈ అవార్డుల వేడుకలో ఎవరెవరు ఎలా మెరిశారో తెలుసుకుందామా..!!

టాలీవుడ్‌ క్యూట్‌ కపుల్‌ అల్లు అర్జున్‌- స్నేహల ముద్దుల తనయ అల్లు అర్హకు ఎంతమంది అభిమానులున్నారో ప్రత్యేకించి చెప్పనవసరం లేదు. తమ గారాల పట్టి అర్హకు సంబంధించిన క్యూట్‌ ఫొటోలు, వీడియోలను అప్పుడప్పుడూ సోషల్‌ మీడియాలో అభిమానులతో పంచుకుంటూ మురిసిపోతుంటారీ లవ్లీ కపుల్‌. ఈ క్రమంలో బన్నీ ఇన్‌స్టా వేదికగా తన ముద్దుల పాప అర్హ తనతో ముద్దుముద్దుగా మాట్లాడుతున్న ఒక వీడియోను షేర్‌ చేశాడు. ‘నీ ఫేవరేట్‌ కలర్‌ ఏంటి బే’ అని అల్లు అర్జున్‌ అడగ్గా ‘పింక్‌ బే..’ అంటూ అర్హ ఫన్నీగా సమాధానమిస్తుంది. ఇలా తండ్రీకూతుళ్లిద్దరూ ఒకరినొకరు బే అంటూ సాగే సంభాషణకు సంబంధించిన వీడియోను ఇన్‌స్టాలో పోస్ట్‌ చేసిన ఈ స్టైలిష్‌ డాడ్‌.. ‘తనే నా బే..’ అనే క్యాప్షన్‌తో తండ్రీకూతుళ్ల ప్రేమకు నిదర్శనమిది అనే హ్యాష్‌ట్యాగ్‌ను జతచేశాడు. ప్రస్తుతం ఈ వీడియో నెట్టింట వైరల్‌గా మారింది.

ఇటు బాలీవుడ్‌లోనూ, అటు హాలీవుడ్‌లోనూ నటిస్తూ గ్లోబల్‌ స్టార్‌గా పేరు సంపాదించుకున్న లవ్లీ బ్యూటీ ప్రియాంక చోప్రా. యువతలో ఈ ముద్దుగుమ్మకున్న క్రేజ్‌ అంతాఇంతా కాదు. ఇక సోషల్‌ మీడియాలో యమ చురుగ్గా ఉంటూ తన వ్యక్తిగత, వృత్తిపరమైన విశేషాలను ఎప్పటికప్పుడు తన ఫ్యాన్స్‌తో పంచుకుంటుందీ స్టార్‌ హీరోయిన్‌. తాజాగా ప్రియాంక ఇన్‌స్టాగ్రామ్‌ ఫాలోవర్ల సంఖ్య ఏకంగా 50 మిలియన్లకు చేరుకుంది. అంతేకాదు.. భారతీయ సెలబ్రిటీల్లో ఇంతమంది సోషల్‌ మీడియా ఫాలోవర్లు విరాట్‌ కోహ్లీ తర్వాత మన పీసీకే ఉండడం విశేషం. 50.3 మిలియన్ల ఫాలోవర్లతో కోహ్లీ మొదటి స్థానంలో ఉండగా, ప్రియాంక.. 50 మిలియన్‌ ఫాలోవర్లతో రెండో స్థానంలో నిలిచింది. మరి గ్లోబల్‌ స్టారా మజాకానా! వీరిద్దరి తర్వాత బాలీవుడ్‌ బ్యూటీ దీపికా పదుకొణెను 44.2 మిలియన్ల మంది ఫాలో అవుతున్నారు.