పావని ఏడు నెలల గర్భిణి. ప్రెగ్నెన్సీకి ముందు నుంచే తనకు మధుమేహం ఉంది. డాక్టర్‌ సలహా మేరకు ఇన్సులిన్‌ తీసుకుంటూ షుగర్‌ లెవెల్స్‌ని అదుపులో ఉంచుకుంటోంది. అయితే కరోనా కారణంగా తను ఈసారి షుగర్‌ చెకప్‌కు వెళ్లలేకపోయింది. ఇంట్లోనే చెక్‌ చేసుకుందామంటే గ్లూకోమీటర్‌ అందుబాటులో లేకపోవడంతో కాస్త టెన్షన్‌ పడుతోంది.

బాయిస్‌ లాకర్‌ రూం... ఇదో దిగ్భ్రాంతికర ఘటన. వసివాడని మనసుల్లో ఇంత కల్మషం ఎలా చొరబడుతోంది?చదువుల్లో మునగాల్సిన పిల్లలు ఇలాంటి చేష్టలకు దిగుతున్నారెందుకు? కన్నవాళ్లలో ఇలాంటి సందేహాలెన్నో! దిల్లీలోనే కాదు.. ఇలాంటి వారు మన పక్కన, మన ఇంట్లోనే ఉండొచ్చు... వాళ్లను కట్టడి చేయడంలో.. దారిలో పెట్టడంలో అమ్మ పాత్రే ముఖ్యం.

నిద్రలేమి.. ప్రస్తుతం చాలామంది ఎదుర్కొంటున్న సమస్యల్లో ఇది అతి ముఖ్యమైంది. అయితే పురుషుల్లో కంటే మహిళల్లో ఈ సమస్య మరింత తీవ్రంగా ఉన్నట్లు కొన్ని అధ్యయనాల్లో వెల్లడైంది. ఒత్తిడి, అనవసరమైన ఆందోళనలు, అతిగా ఆలోచించడం, ఇతర ఆరోగ్య సమస్యలు.. మొదలైనవన్నీ ఇందుకు కారణమవుతున్నాయనేది నిపుణుల అభిప్రాయం. మరి దీన్ని ఇలాగే వదిలేస్తే ఆరోగ్యం మరింతగా పాడయ్యే ప్రమాదం ఉంటుంది. కాబట్టి ఆరోగ్యంగా ఉండటానికి ప్రశాంతమైన నిద్ర చాలా అవసరం. అందుకోసం కొన్ని నియమాల్ని పాటించాలి. ఆ నియమాలేంటో తెలుసుకుందాం రండి..

అధిక రక్తపోటు (హైపర్‌టెన్షన్).. ప్రస్తుతం చాలామంది ఎదుర్కొంటున్న ఆరోగ్య సమస్యల్లో ఇదీ ఒకటి. ధమనుల్లో రక్తం అధిక ఒత్తిడితో ప్రసరించడం వల్ల ఈ సమస్య తలెత్తే అవకాశాలున్నాయి. సాధారణ వ్యక్తులతో పాటు సుమారు 50 శాతం మందికి పైగా వైద్యులు సైతం అధిక రక్తపోటు సమస్యతో సతమతమవుతున్నారని తేలింది. దీనికి అధిక ఒత్తిడితో పాటు ఇతర అంశాలు కూడా కారణమవుతున్నాయని పరిశోధకులు గుర్తించారు. ఇలా చాప కింద నీరులా వ్యాపించే ఈ వ్యాధిపై అవగాహన కల్పించడం కోసమే ఏటా మే 17న 'వరల్డ్ హైపర్‌టెన్షన్ డే'ని నిర్వహిస్తున్నారు. ఈ సందర్భంగా ఈ సమస్య తలెత్తడానికి గల కారణాలు, దాన్ని అదుపులో ఉంచుకోవడానికి ఉపకరించే కొన్ని సహజసిద్ధ మార్గాల గురించి తెలుసుకుందాం రండి..

గర్భం దాల్చినప్పుడు, పని ఒత్తిడి, ఆందోళన.. వంటి పలు కారణాల వల్ల మహిళలు ఈ రోజుల్లో అధిక రక్తపోటు బారిన పడుతున్నారు. మరి, దీన్ని అదుపులో ఉంచుకోవాలంటే మాత్రలు వేసుకోవడంతో పాటు తీసుకునే ఆహారం విషయంలోనూ పలు జాగ్రత్తలూ పాటించాలి.

ఎప్పుడూ ఇల్లు, పిల్లలు గురించి ఆలోచించే ఆమెకు ఆరోగ్యపరంగా ఎన్నో సమస్యలు! ఒత్తిళ్లు, ఊబకాయం లాంటివన్నీ అధిక రక్తపోటుకు దారితీస్తాయి. గర్భిణుల్లో ఈ సమస్య ఎక్కువగా కనిపిస్తుంటుంది. దీన్ని ఆధిగమించడానికి ఎలాంటి జాగ్రత్తలు తీసుకోవాలంటే..

ఎండాకాలం ఏం తింటే ఏమవుతుందో అన్న దిగులే ఎక్కువ! ఇలాంటి సమయంలో శరీరాన్ని శ్రమ పెట్టకుండా తేలిగ్గా జీర్ణమై పోషకాలను అందించి రోగనిరోధక శక్తిని పెంచే ఆకుకూరలే శ్రీరామరక్ష అంటున్నారు పోషకాహార నిపుణులు...

ఇప్పుడైతే నీటిని శుద్ధి చేసుకోవడానికి వివిధ రకాల వాటర్ ఫిల్టర్లు, ప్యూరిఫైయర్లు పుట్టుకొస్తున్నాయి.. కానీ పూర్వకాలంలో ఇలాంటివన్నీ ఎక్కడివి? పైగా 'ఓల్డ్ ఈజ్ గోల్డ్' అన్నట్లు ఆ కాలానికి చెందిన వారే ఎలాంటి అనారోగ్యాలు లేకుండా సంపూర్ణ ఆరోగ్యంగా ఉండేవారు కూడా! మరి ఎందుకలా? వారి ఆరోగ్య రహస్యమేంటి.. అంటారా? ఇంకేముంది 'రాగి' పాత్రలే! నీటిని నిల్వ చేసుకోవడానికైనా, ఆహారాన్ని వండుకోవడానికైనా, వండిన ఆహారం తినడానికైనా.. ఇలా ప్రతి దానికీ వారు రాగి పాత్రలనే ఉపయోగించేవారు. అందులోని సకల పోషకాలు తీసుకునే ఆహారంలో చేరి.. అవి శరీరంలోని ఇన్ఫెక్షన్లు, బ్యాక్టీరియాతో పోరాడి ఎలాంటి అనారోగ్యాలు రాకుండా కాపాడేవి. అయితే ఆ రాగి పాత్రలు ఇప్పుడు కాస్త రూపురేఖల్ని మార్చుకొని మళ్లీ మన ముందుకొచ్చేశాయి. అంతేకాదు.. వాటిని ఉపయోగించే వారూ నానాటికీ పెరిగిపోతున్నారు. ఈ క్రమంలో రాగి పాత్రల్లో నిల్వ చేసిన నీటిని తాగడం, రాగి పాత్రల్లో ఆహారం తినడం.. వంటి వాటి వల్ల ఆరోగ్యానికి కలిగే ప్రయోజనాలేంటో తెలుసుకుందాం రండి.

కరోనాను అరికట్టేందుకు ప్రపంచ దేశాలు లాక్‌డౌన్‌ పాటిస్తున్నాయి. ఈ క్రమంలో కొంతమంది ఉద్యోగులు తమ విధులకు తాత్కాలికంగా బ్రేక్‌ చెబితే.. అవకాశమున్న వాళ్లు మాత్రం వర్క్‌ ఫ్రమ్‌ హోమ్‌ సదుపాయం ద్వారా ఇంటి నుంచే తమ విధులు నిర్వర్తిస్తున్నారు. దీంతో భర్త/భార్య ఆఫీస్‌లో ఎలా ఉంటారు..? ఏం పని చేస్తారు..? సహోద్యోగులతో ఎలా ప్రవర్తిస్తారు..? తదితర విషయాలను తెలుసుకునే అవకాశం తమ భాగస్వాములకు ఈ విధంగా లభిస్తోంది.

కుస్తీ పోటీలంటే భారతదేశంలో అందరికీ గుర్తుకు వచ్చే పేరు ‘ఫోగట్‌ కుటుంబమే’. బబితా ఫోగట్‌, వినేశ్‌ ఫోగట్‌, ప్రియాంక ఫోగట్‌, గీతా ఫోగట్‌...ఇలా ఐదుగురి సిస్టర్స్‌లో ఒకరైన రీతూఫోగట్‌ 2016 కామన్వెల్త్‌ గేమ్స్‌ రెజ్లింగ్‌ పోటీల్లో స్వర్ణంతో సత్తా చాటింది. దీంతో పాటు రెజ్లింగ్‌కు సంబంధించి పలు పతకాలు, టైటిళ్లు గెలిచిన రీతూ గతేడాది ఫిబ్రవరిలో మిక్స్‌డ్‌ మార్షల్‌ ఆర్ట్స్‌(ఎంఎంఏ)ఫైటర్‌గా మారిన సంగతి తెలిసిందే. తొలి ప్రొఫెషనల్‌ ఫైట్‌లోనే విజయం సాధించిన ఈ స్టార్‌ ఫైటర్‌ తాజాగా రెండో పోరు బౌట్‌ కోసం సిద్ధమవుతోంది. కానీ కోవిడ్‌-19(కరోనా) కల్లోలం నేపథ్యంలో సింగపూర్‌లో జరిగే ఈ ఫైట్‌లో ఆమె పాల్గొంటుందా?లేదా? అన్న అనుమానాలు వ్యక్తమయ్యాయి. అయితే ఈ వైరస్‌కు తాను భయపడనని ధైర్యంగా ఈ పోరుకు హాజరవుతానని స్పష్టం చేసింది మణిపూర్‌ మణిపూస.

మట్టిపాత్రలు.. వీటిని చూస్తే మనం చిన్నతనంలో అమ్మమ్మ, నాన్నమ్మ వాళ్లింట్లో భోజనం చేసిన రోజులు గుర్తుకొస్తాయి. అయితే కాలక్రమేణా గ్యాస్‌ స్టౌ, స్టీల్‌ పాత్రలు, నాన్‌స్టిక్‌ కుక్‌వేర్‌.. ఇలా వంట చేసుకునే పద్ధతుల్లో మార్పులు చోటుచేసుకోవడంతో మట్టిపాత్రలు క్రమక్రమంగా కనుమరుగైపోయాయి. అయితే ప్రతి ఒక్కరిలో ఆరోగ్య స్పృహ పెరుగుతోన్న నేటి రోజుల్లో మట్టి పాత్రలు వాడే వారు పెరిగిపోతున్నారు. ఈ క్రమంలోనే టెర్రకోటాతో రూపొందించిన మట్టిపాత్రలు ప్రస్తుతం మార్కెట్లో సందడి చేస్తున్నాయి. ఒక్క వండుకునే పాత్రలే కాదు.. టీ కప్స్‌ దగ్గర్నుంచి డిన్నర్‌ సెట్‌ దాకా.. వంటింటిని మొత్తం మట్టి పాత్రలతో నింపేలా ప్రతి ఒక్కటీ టెర్రకోటాతో అందంగా తీర్చిదిద్ది మన ముందుకొచ్చేస్తున్నాయీ మట్టి వస్తువులు. మరి, టెర్రకోటాతో రూపొంది, ఆధునికతో హంగులద్దుకొని ప్రస్తుతం మార్కెట్లో సందడి చేస్తోన్న కొన్ని మట్టి పాత్రల గురించి ఈ వారం ప్రత్యేకంగా మీకోసం..

చలికాలం వచ్చిందంటే చాలు.. జలుబు, దగ్గు, ఆస్తమా, పొడి చర్మం.. ఇలా రకరకాల ఆరోగ్య సమస్యలు చుట్టుముడతాయి. దీంతో ఏ పనీ చేయకముందే అలసట, నీరసం దరిచేరతాయి. మరి వీటన్నింటినీ వదిలించుకుని ఆరోగ్యంగా ఉండాలంటే పాటించాల్సిన చిట్కాలు కొన్నున్నాయి. అవేంటో తెలుసుకోవాలనుకుంటున్నారా? అయితే ఇది చదవండి..

సాధారణంగా మహిళల్లో నెలసరి సమయంలో పొత్తికడుపులో నొప్పి వస్తూ ఉంటుంది. కేవలం పిరియడ్స్ అప్పుడే కాకుండా మరికొన్ని సందర్భాల్లో కూడా కడుపునొప్పి రావడం మనం గమనిస్తూనే ఉంటాం. దీనికి సరైన కారణమేంటో చాలామందికి తెలియకపోవచ్చు. పైగా ఇది చిన్న సమస్యే కదా అని దాన్ని అశ్రద్ధ చేయడం లేదా గృహచిట్కాలు పాటించడం.. అదీ కాదంటే మాత్రలు వేసుకోవడం.. ఇలా దాన్నుంచి ఏదోలాగా ఉపశమనం పొందుతుంటాం. అయితే ఇలా చేసే ముందు నొప్పి వస్తున్న విధానాన్ని బట్టి అది మనలో ఎలాంటి ఆరోగ్య సమస్యలకు సూచనో తెలుసుకోవచ్చంటున్నారు నిపుణులు. తద్వారా నొప్పిని గుర్తించి, దాన్ని వైద్యులకు వివరించి సరైన చికిత్స పొందే అవకాశం కూడా ఉంటుంది.

ఆఫీసు బాధ్యతలు, కుటుంబ - ఆర్థిక సమస్యలు.. ఇలా కారణాలేవైనా చాలామందిని వేధించే సమస్య ఒత్తిడి. ఇలాంటి వారు దాన్నుంచి త్వరగా బయటపడాలంటే.. ఈ చిట్కాలు పాటించాల్సిందే!