బాలీవుడ్‌ బ్యూటీ దియా మీర్జా ‘ప్రపంచ మానసిక ఆరోగ్య దినోత్సవం’ సందర్భంగా ఓ సందేశాన్నిస్తూ ఈ కరోనా సమయంలో తాను తీసుకుంటున్న జాగ్రత్తలను అభిమానులతో పంచుకుంది. ‘ఈ ‘ప్రపంచ మానసిక ఆరోగ్య దినోత్సవం’ సందర్భంగా మనందరం కష్టాల్లో ఉన్నప్పుడు ఎటువంటి సహాయం తీసుకోవడానికైనా వెనుకాడనని ప్రామిస్‌ చేద్దాం. ఈ కరోనా కాలం అందరికీ కష్టకాలమే. ప్రస్తుతం మనందరం మహమ్మారితో సహజీవనం చేయడానికి ప్రయత్నిస్తున్నాం. ఇలాంటి సమయంలో మనల్ని మనం రక్షించుకోవడం ఎంతో ముఖ్యం. లాక్‌డౌన్‌ సమయంలో నేను పాటించిన కొన్ని జాగ్రత్తలు నాకు ఎంతో సహకరించాయి. అవేంటంటే..

మెగా డాటర్‌ నిహారికా కొణిదెల చాలా రోజుల తర్వాత ఇన్‌స్టాగ్రామ్‌లో తన ఫొటోని పోస్ట్‌ చేస్తూ అభిమానులను పలకరించింది.

క్యారక్టర్‌ ఆర్టిస్ట్‌ ప్రగతి తన తాజా ఫొటోలను అభిమానులతో పంచుకుంది. దీనికి ‘మీకు తగిలిన గాయాలే మిమ్మల్ని కొత్తగా తీర్చిదిద్దడంలో ఉపయోగపడతాయి. కాబట్టి వాటిని మర్చిపోకండి’ అని రాసుకొచ్చింది.

బాలీవుడ్‌ సుందరి షమితా షెట్టి తనకి ముద్దుపెడుతున్న ఓ బాబు ఫొటోని అభిమానులతో పంచుకుంది. దీనికి ‘మిస్సింగ్‌ మై నాటీ లిటిల్‌ బేబీ’ అని క్యాప్షన్‌ కూడా ఇచ్చింది. ఆ అబ్బాయి ఎవరో కాదు.. తన సోదరి శిల్పా శెట్టి కొడుకు. ఈ పోస్ట్‌కి ‘మీరిద్దరూ నా బేబీసే’ అంటూ శిల్ప రిప్లై ఇచ్చింది.

పలువురు తారలు నేడు జన్మదిన వేడుకలను జరుపుకొంటున్నారు. ఈ సందర్భంగా ఇన్‌స్టాపురమంతా పుట్టినరోజు శుభాకాంక్షలతో నిండిపోయింది. జనసేనాని, పవర్‌ స్టార్‌ పవన్‌ కళ్యాణ్‌ పుట్టినరోజు సందర్భంగా నిహారిక, మధుప్రియ, అంజలి తదితరులు శుభాకాంక్షలు తెలిపారు. ఇక నటి జీవితను తన కుమార్తె శివాత్మిక విష్ చేయగా.. మరో నటి మీనా తన సహనటుడు కిచ్చా సుదీప్‌కి జన్మదిన శుభాకాంక్షలు తెలియజేసింది. బాలీవుడ్‌ భామ సన్నీ లియోన్ తన ఆంటీ బర్త్‌డే కోసం ఏకంగా పెయింటింగే వేసింది. ఆ విశేషాలు చూద్దాం రండి...

మాటల మరాఠీ, యాంకర్‌ సుమా కనకాల ‘వాట్సప్‌ కష్టాలు’ అంటూ ఓ వీడియోని పోస్ట్‌ చేసింది. ఈ వీడియోలో చాటింగ్‌ కోసం ఏ అంశానికి ఎలాంటి ఎమోజీలు ఉపయోగిస్తుంటారో ఫన్నీగా చెబుతోంది సుమక్క.

యాంకర్‌ ఝాన్సీ ‘నేను.. నా నవ్వు.. దిల్‌ సే’ అంటూ నవ్వుతోన్న తన ఫొటోని అభిమానులతో పంచుకుంది.

నటి ప్రగతి తన తాజా ఫొటోని పోస్ట్‌ చేసింది. దీనికి ‘మీకు మీరే ఒక ఫైటర్.. గతంలో మీరు అధిగమించిన సమస్యలను, పరిస్థితులను ఒక్కసారి గుర్తు తెచ్చుకోండి. ఇప్పుడు కూడా అలాగే పోరాడండి.. పారిపోకండి..’ అంటూ కరోనా కష్ట కాలంలో తన అభిమానులకి ధైర్యం చెబుతోందీ సూపర్‌ మామ్.

టాలీవుడ్‌ భామ నిహారిక కొణిదెల తన నిశ్చితార్థం సందర్భంగా కాబోయే భర్త చైతన్యతో కలిసి దిగిన ఫొటోలను అభిమానులతో పంచుకుంది.

టాలీవుడ్‌ భామ లావణ్యా త్రిపాఠి అంటే మనకు మొదట గుర్తుకు వచ్చేది ‘అందాల రాక్షసి’ చిత్రం. ఈ చిత్రం విడుదలై నేటితో 8 వసంతాలను పూర్తి చేసుకుంది. ఈ సందర్భంగా లావణ్య ఈ సినిమాలోని కొన్ని ఫొటోలను అభిమానులతో పంచుకుంది.

భళ్లాలదేవుడి వివాహ సమయం దగ్గర పడుతోంది.. దీంతో ఇన్‌స్టాపురములో రానా-మిహీకల పెళ్లికి సంబంధించిన ఫొటోలు వైరల్‌ అవుతున్నాయి. పెళ్లికూతురు మిహీకా బజాజ్‌ అవుట్‌ఫిట్స్‌, సమంత రానాతో ముచ్చటిస్తోన్న ఫొటోలు ఫ్యాన్స్‌ని తెగ ఆకట్టుకుంటున్నాయి.

దగ్గుబాటి వారి ఇంట పెళ్లి భాజాలు మోగుతున్నాయి.. రానా-మిహీకాల వివాహం ఈనెల 8న జరగబోతుండడంతో వధూవరుల ఇళ్లలో పెళ్లి సందడి నెలకొంది. ఈ సందర్భంగా హల్దీ, మెహెందీ ఫంక్షన్స్‌లో దిగిన ఫొటోలను కొత్త పెళ్లికూతురు అభిమానులతో పంచుకుంది..

అందాల తార కియారా అడ్వాణీ నేడు తన పుట్టిన రోజు జరుపుకొంటోంది. ఈ సందర్భంగా వివిధ కేకుల ముందు కూర్చొని ఉన్న ఫొటోని అభిమానులతో పంచుకుంది. ‘నా పుట్టిన రోజు సందర్భంగా నా కుటుంబ సభ్యులు, స్నేహితులు, అభిమానులు... వీడియోలు, మెసేజ్‌లు, ఫోన్‌ కాల్స్‌తో ప్రేమాభిమానాల వర్షం కురిపించారు. మీ అందరికీ నా హృదయపూర్వక ధన్యవాదాలు. చాలా ఆనందంగా ఉంది. నేను ఇప్పుడు ఎలా ఉన్నానో, మీరు కూడా అంతే ఆనందంగా, ఆరోగ్యంగా ఉండాలని ప్రార్థిస్తున్నాను.. ఇదంతా దేవుని ఆశీర్వాదమే’ అంటూ రాసుకొచ్చిందీ సుందరి.

అందాల భామ రేణూ దేశాయ్‌ తన కూతురు ఆద్యతో దిగిన ఓ ఫొటోని పోస్ట్‌ చేసింది. ‘ఇది ఆద్య ఫిల్టర్‌ చేసిన ఫొటో’ అంటూ దానికి క్యాప్షన్‌ని జోడించిందీ ఈ భామ.

టాలీవుడ్‌ సుందరి సమంత అక్కినేని లాక్‌డౌన్‌ కాలాన్ని తోటపని, యోగాతో సద్వినియోగం చేసుకుంటోన్న సంగతి తెలిసిందే.. దీనికి సంబంధించిన ఫొటోలను ఎప్పటికప్పుడు అభిమానులతో పంచుకుంటూ ఉంటుందీ భామ.

ఇస్మార్ట్‌ బ్యూటీ.. నభా నటేష్‌ తను నవ్వుతోన్న ఫొటోని పోస్ట్‌ చేసి ‘స్మైల్‌’ అనే పదానికి డిక్షనరీ అర్థాలను క్యాప్షన్‌గా రాసుకొచ్చింది..

నటించినవి కొన్ని సినిమాలే అయినా తన అందం, అభినయంతో తెలుగు ప్రేక్షకులను ఎంతగానో ఆకట్టుకుంది అందాల తార ప్రగ్యా జైస్వాల్. 'కంచె', 'ఓం నమో వేంకటేశాయ', 'నక్షత్రం'.. వంటి చిత్రాలతో ఎవర్‌గ్రీన్ పాపులారిటీని సంపాదించుకుంది. ఉత్తరాదిలోనే పుట్టిపెరిగినా దక్షిణాది తారగా, అందులోనూ తెలుగమ్మాయేనేమో అన్నంత సహజంగా తన పాత్రల్లో ఒదిగిపోయి చక్కటి గుర్తింపు తెచ్చుకుందీ ముద్దుగుమ్మ. కేవలం నటిగానే కాకుండా.. తన ట్రెండీ ఫ్యాషనబుల్‌ లుక్స్‌ని సోషల్‌మీడియాలో పంచుకుంటూ తన ఫ్యాన్స్‌తో ఎప్పుడూ టచ్‌లోనే ఉంటుందీ లవ్లీ గర్ల్‌. ఈ క్రమంలో తాజాగా ట్విట్టర్ వేదికగా #AskPragya అనే హ్యాష్‌ట్యాగ్‌తో తన అభిమానులతో ముచ్చటించింది ప్రగ్య. మరి ఆ విశేషాలేంటో చూద్దాం రండి..

‘కరోనా’ వైరస్ వ్యాప్తి నేపథ్యంలో దేశమంతా షట్‌డౌన్‌అవుతోంది. వైరస్‌ మహమ్మారికి చెక్ పెట్టడానికి ప్రభుత్వాలు, అధికారులు చాలా కఠిన చర్యలు చేపడుతున్నారు. ఈ క్రమంలోనే ప్రజలను రోడ్లపైకి రానివ్వకుండా ఆంక్షలు విధిస్తున్నారు. దీంతో ప్రజలు ఇళ్లకే పరిమితమవుతున్నారు. ఇలా అనుకోకుండా వచ్చిన సెలవులను ప్రజలు ఇంట్లోనే గడుపుతున్నారు. అయితే సెలవులు వచ్చినా బయటకు వెళ్లలేకపోతున్నామనే లోటు చాలామందిలో కనిపిస్తోంది. తాజాగా ఇదే విషయాన్ని చెప్పుకొచ్చింది అందాల తార రాశీ ఖన్నా. ఓ చేతిలో స్మార్ట్ ఫోన్.. మరో చేతిలో టీ కప్పుతో అలక బూనినట్లు మూతి పెట్టిన వీడియోను (జిఫ్ ఫైల్) ఇన్‌స్టాలో పోస్ట్ చేసిన ఈ అందాల రాశి.. ‘ప్రతిరోజూ సెలవులాగే ఉన్నప్పటికీ.. మీరు ఇంకా ఏదో కావాలని కోరుకుంటుంటే (అలకతో ఉంటే)’ అని అర్థం వచ్చేలా క్యాప్షన్‌ను జోడించింది.

టాలీవుడ్‌ సెలబ్రిటీ జంట ‘వరుణ్‌ సందేశ్‌- వితికా షేరు’ ఈ ఏడాది తమ సంక్రాంతి పండగను ఎంతో సంబరంగా జరుపుకున్నారు. ఈ సందర్భంగా వీళ్లిద్దరూ కలిసి గడిపిన మధుర క్షణాలను ఫొటోల్లో బంధించి, వాటిని తాజాగా సోషల్‌ మీడియా ద్వారా అభిమానులతో పంచుకుంది వితిక. పండగ సందర్భంగా ఇద్దరూ ట్రెడిషనల్‌ దుస్తుల్లో ముస్తాబై, పల్లెటూరి వాతావరణంలో క్లిక్‌మనిపించిన ఈ ఫొటోల్లో చూడముచ్చటగా ఉన్నారీ లవ్లీ కపుల్‌. ఈ ఫొటోల్లోంచి ఓ అందమైన ఫొటోను పోస్ట్‌ చేస్తూ.. ‘నేనూ, మా ఆయన గారు..’ అంటూ సరదాగా రాసుకొచ్చిందీ బిగ్‌బాస్‌ బ్యూటీ.

సామాన్యుల దగ్గరి నుంచి సెలబ్రిటీలను సైతం ఆకట్టుకుంటున్న పాపులర్‌ మొబైల్‌ యాప్‌లలో, ‘టిక్‌టాక్‌’ ముందు వరుసలో ఉంటుందని చెప్పడం ఏమాత్రం అతిశయోక్తి కాదు. రోజురోజుకీ ఈ మొబైల్‌ యాప్‌లో ఎంతోమంది కొత్త యూజర్లు చేరుతుండగా, ఇందులో సెలబ్రిటీలు కూడా చాలామందే ఉంటున్నారు. ఈ క్రమంలో ఇటీవలే మన టాలీవుడ్‌ బ్యూటీ అదా శర్మ టిక్‌టాక్‌లో చేరిన విషయం తెలిసిందే. ఇప్పుడు ఈ లిస్టులో తాను కూడా చేరినట్లు ఇన్‌స్టా ద్వారా ప్రకటించింది అందాల తార మంచు లక్ష్మీ ప్రసన్న. ‘మీకు వినోదాన్ని పంచడానికి నేను 12 మంది అద్భుతమైన క్రియేటర్లతో వస్తున్నాను.. మీరు నన్ను ఫాలో కావాలంటే టిక్‌టాక్‌లో @lakshmimanchu అనే ఐడీని ఫాలో అవ్వండి..!’ అంటూ రాసుకొచ్చిందీ మంచువారి వారసురాలు.