టాలీవుడ్ సుందరి రష్మిక పళ్ళు కనిపించేలా నవ్వుతున్న ఫొటోని పోస్ట్ చేసింది. 'తమకు తెలియని వ్యక్తులెవరైనా తమను చూసి నవ్వినప్పుడు కొంతమంది విచిత్రంగా చూస్తారు.. లేదా అలా నవ్వేవారికి పిచ్చి అనుకుంటారు.. మీరు కూడా అలాగే అనుకునేటట్లయితే మీరు నా ఫ్రెండ్ కాదు.. ఎందుకంటే నేను కూడా అలాంటి అపరిచితురాలినే.. ఎవరిని చూసినా నా స్టైల్ లో నేను నవ్వేస్తుంటాను..' అంటూ కోతి ఎమోజీ జత చేసిందీ భామ.

టాలీవుడ్‌ భామ రేణూ దేశాయ్‌ తన జుట్టు విరబోసినట్టుగా ఉన్న ఫొటోని అభిమానులతో పంచుకుంది. దీనికి ‘హ్యుమిడిటీ వల్ల నా జుట్టంతా చింపిరిగా మారింది.. పిచ్చుకలు కచ్చితంగా నా జుట్టుపై గూళ్లు కడతాయి.. దయచేసి వాటిని లెక్కించండి’ అంటూ తన స్నేహితులను జత చేసిందీ భామ.

గాయని గీతామాధురి, యాంకర్‌ శ్యామల కృష్ణాష్టమి సందర్భంగా తమ పిల్లలను కృష్ణుని గెటప్‌లో అందంగా ముస్తాబు చేశారు. ఈ సందర్భంగా ‘నా చిన్ని కృష్ణుడు’ అంటూ ఆ ఫొటోలను అభిమానులతో పంచుకున్నారు.

రక్షాబంధన్‌ సందర్భంగా పలువురు తారలు, తారల పిల్లలు తమ సోదరునికి రాఖీ కట్టి తమ ప్రేమను వ్యక్తం చేశారు. అంతేకాదు ఆ జ్ఞాపకాలను అభిమానులతో పంచుకున్నారు. దీంతో ఇన్‌స్టాపురమంతా సోదర, సోదరీమణుల ప్రేమాభిమానాలతో నిండిపోయింది. ఆ విశేషాలేంటో చూద్దాం రండి..

ఈ రోజు ఇన్‌స్టాపురములో బాలీవుడ్‌ భామలు అనుష్కా శర్మ, కరీనా కపూర్‌ గల్వాన్‌ దాడిలో వీరమరణం పొందిన జవాన్లకు నివాళులర్పించారు. ‘ఒక జవాను వీర మరణం పొందితే దాన్ని జీర్ణించుకోవడం ఎంత కష్టమో, ఆ బాధ ఎలా ఉంటుందో.. ఒక సైనికుడి కూతురిగా నాకు తెలుసు.. వారు తమ ప్రాణాలను పణంగా పెట్టి, కుటుంబానికి దూరంగా ఉండి చేసే ఈ త్యాగం అసమానమైనది. ఈ సమయంలో శాంతి నెలకొనాలని, వారి కుటుంబాలకు ఆ భగవంతుడు ధైర్యాన్ని, శక్తిని ప్రసాదించాలని ప్రార్థిస్తున్నా.. జై జవాన్‌’ అంటూ తన గుండెల్లోని దేశభక్తిని చాటింది అనుష్క.