శ్రీలంకన్‌ భామ జాక్వెలిన్‌ ఫెర్నాండెజ్ తన తాజా ఫొటోని పంచుకుంటూ ‘ఈ ప్రపంచం వద్దన్నా.. మీకు నచ్చిన పనే చేయండి’ అని క్యాప్షన్‌ పెట్టింది.

బాలీవుడ్‌ సుందరి మల్లికా శెరావత్‌ తన పుట్టినరోజు వేడుకలను ముగించుకుని తిరిగి తన వర్కౌట్‌ రొటీన్‌ను మొదలుపెట్టింది. ఈ సందర్భంగా దిగిన ఫొటోని అభిమానులతో పంచుకుంది.

‘ఆర్‌ఎక్స్‌ 100’ బ్యూటీ పాయల్‌ రాజ్‌పుత్‌ ‘జై మాతా దీ’ అంటూ అమ్మవారి ఫొటోని పోస్ట్‌ చేసింది.

బాలీవుడ్‌ ముద్దుగుమ్మ మాధురీ దీక్షిత్‌ దంపతులు నేడు వివాహ వార్షికోత్సవాన్ని జరుపుకొంటున్నారు. ఈ సందర్భంగా వారిద్దరూ కలిసి దిగిన ఫొటోని పంచుకుంటూ ‘ప్రతి వార్షికోత్సవం మా ప్రయాణంలో మరొక కొత్త సంవత్సరాన్ని సూచిస్తుంది. ఈ విషయాన్ని మీతో పంచుకుంటున్నందుకు ఎంతో ఆనందంగా ఉంది. మీ ప్రేమాభిమానాలకు కృతజ్ఞతలు’ అని రాసుకొచ్చింది.

‘మహానటి’ కీర్తి సురేశ్‌ నేడు తన పుట్టిన రోజు జరుపుకుంటోంది. ఈ సందర్భంగా సూపర్‌ స్టార్‌ మహేష్‌ దంపతులు, నటి మీనా తదితరులు తనకి పుట్టినరోజు శుభాకాంక్షలు తెలిపారు.

టాలీవుడ్‌ భామ సమంత తమ పెళ్లి రోజు సందర్భంగా భర్త నాగచైతన్యతో దిగిన ఫొటోని అభిమానులతో పంచుకుంది. దీనికి ‘నీకు నేను.. నాకు నువ్వు.. ఒకరికొకరం కష్టసుఖాలు ఏవైనా కలిసి పంచుకుందాం. ప్రియమైన శ్రీవారికి వివాహ వార్షికోత్సవ శుభాకాంక్షలు’ అంటూ నాగచైతన్య ఖాతాని ట్యాగ్‌ చేసింది. ఈ పోస్ట్‌కు స్పందించిన పలువురు తారలు సమంత-నాగచైతన్యలకు పెళ్లి రోజు శుభాకాంక్షలు తెలియజేశారు.

టాలీవుడ్‌ బ్యూటీ రష్మిక బీచ్‌లో వ్యాయామాలు చేసింది. దీనికి సంబంధించిన వీడియోని పోస్ట్‌ చేస్తూ ‘నా మొదటి బీచ్‌ వర్కౌట్‌‌.. నేను మొదటిసారి బీచ్‌లో వ్యాయామాలు చేశాను. చాలా అలసిపోయాను కానీ బాగా అనిపించింది. అలల హోరు.. సముద్రపు వాసన.. సూర్యాస్తమయాన్ని చూడడం.. ఇసుక తిన్నెల్లో నడవడం.. వీటికి ఫిదా అయ్యాను’ అని చెప్పుకొచ్చింది.

నటి ప్రగతి ‘ఆన్‌ డ్యూటీ’ అంటూ షూటింగ్‌లో భాగంగా దిగిన ఓ ఫొటోని అభిమానులతో పంచుకుంది.

అందాల భామ పార్వతీ నాయర్‌ చీరకట్టులో మెరిసిపోతోన్న ఫొటోలను పోస్ట్‌ చేసింది. దీనికి ‘ఇండియాలో ఉన్నప్పుడు సీజన్లతో పని ఉండదు. ఎందుకంటే ఇక్కడ సంవత్సరమంతా వేడిగానే ఉంటుంది. కాబట్టి ఫ్లోరల్స్‌ ధరించడానికి స్ప్రింగ్‌ సీజన్‌ కోసం వేచి చూడకండి. నాకు చీరలంటే అంటే చాలా ఇష్టం. అందుకే ప్రతిరోజూ చీర కట్టుకోవడానికే ప్రాధాన్యం ఇస్తుంటాను. మరి మీరు కూడా అంతేనా?’ అంటూ అభిమానులను అడుగుతోందీ తార.

నటి తేజస్వి ‘పూల్‌ పార్టీ’ అంటూ పూల్ టబ్ లో ఓ బాబుతో సరదాగా గడుపుతోన్న ఫొటోని పోస్ట్ చేసింది.

మాటల మరాఠీ, యాంకర్‌ సుమా కనకాల ‘వాట్సప్‌ కష్టాలు’ అంటూ ఓ వీడియోని పోస్ట్‌ చేసింది. ఈ వీడియోలో చాటింగ్‌ కోసం ఏ అంశానికి ఎలాంటి ఎమోజీలు ఉపయోగిస్తుంటారో ఫన్నీగా చెబుతోంది సుమక్క.

‘బిగ్‌బాస్‌’ బ్యూటీ, డ్యాన్సర్ దీప్తీ సునైనా తన తాజా ఫొటోని పోస్ట్‌ చేసింది. దీనికి ‘నాకు వ్యతిరేకంగా ఏం చేసినా అది ముందుకు సాగదు’ అంటూ తన పేరునే హ్యాష్‌ట్యాగ్‌గా రాసుకొచ్చిందీ భామ.

అందాల తార సమంత క్యారట్లను పట్టుకొని దిగిన ఫొటోని అభిమానులతో పంచుకుంది. దీనికి ‘ఈ వారం మెనూ.. క్యారట్‌ జ్యూస్‌, క్యారట్‌ పచ్చడి, క్యారట్‌ హల్వా, క్యారట్‌ ఫ్రై, క్యారట్‌ పకోడి, క్యారట్‌ ఇడ్లీ, క్యారట్‌ సమోసా’ అంటూ ‘గ్రో విత్‌ మి’ అనే హ్యాష్‌ట్యాగ్‌ని జత చేసిందీ భామ. ఈ క్యారట్లను సమంతే స్వయంగా తన గార్డెన్‌లో పండించింది.

నటి ప్రగతి తన తాజా ఫొటోని పోస్ట్‌ చేసింది. దీనికి ‘మీకు మీరే ఒక ఫైటర్.. గతంలో మీరు అధిగమించిన సమస్యలను, పరిస్థితులను ఒక్కసారి గుర్తు తెచ్చుకోండి. ఇప్పుడు కూడా అలాగే పోరాడండి.. పారిపోకండి..’ అంటూ కరోనా కష్ట కాలంలో తన అభిమానులకి ధైర్యం చెబుతోందీ సూపర్‌ మామ్.

టీఆర్‌ఎస్‌ రాజ్యసభ సభ్యుడు సంతోష్‌ కుమార్‌ ఎకో ఫ్రెండ్లీ వినాయక విగ్రహాలను పంపిణీ చేస్తున్నారు. దీనిలో భాగంగా గాయని మధుప్రియ ఆ విగ్రహాన్ని అందుకుంది. ఈ సందర్భంగా ‘ఎకో ఫ్రెండ్లీ వినాయకుడి విగ్రహాన్ని పంపించినందుకు సంతోష్‌ కుమార్‌ గారికి ధన్యవాదాలు.. ఇదొక మంచి కార్యక్రమం కోసం చేస్తోన్న మంచి ప్రయత్నం’ అని చెప్పుకొచ్చిందీ సింగర్.

టాలీవుడ్ భామ రేణూ దేశాయ్‌ అందమైన తన ఫొటోని పోస్ట్‌ చేస్తూ- “మనలో అందాన్ని నింపుకొంటే తప్ప ప్రపంచమంతా వెతికినా దానిని కనుక్కోలేం" అంటూ - రాల్ఫ్‌ వాల్డో ఎమర్సన్‌ రాసిన కోట్‌ని జత చేసింది.

టాలీవుడ్‌ భామ రేణూ దేశాయ్‌ తన జుట్టు విరబోసినట్టుగా ఉన్న ఫొటోని అభిమానులతో పంచుకుంది. దీనికి ‘హ్యుమిడిటీ వల్ల నా జుట్టంతా చింపిరిగా మారింది.. పిచ్చుకలు కచ్చితంగా నా జుట్టుపై గూళ్లు కడతాయి.. దయచేసి వాటిని లెక్కించండి’ అంటూ తన స్నేహితులను జత చేసిందీ భామ.

టాలీవుడ్‌ భామ లావణ్యా త్రిపాఠి అంటే మనకు మొదట గుర్తుకు వచ్చేది ‘అందాల రాక్షసి’ చిత్రం. ఈ చిత్రం విడుదలై నేటితో 8 వసంతాలను పూర్తి చేసుకుంది. ఈ సందర్భంగా లావణ్య ఈ సినిమాలోని కొన్ని ఫొటోలను అభిమానులతో పంచుకుంది.

సూపర్‌ స్టార్‌ మహేష్‌ బాబు సోదరి మంజులా ఘట్టమనేని తన కుటుంబ సభ్యులు భౌతిక దూరం పాటిస్తూ మాట్లాడుకుంటున్నట్టుగా ఉన్న ఓ ఫొటోని పోస్ట్ చేసింది. దీనికి ‘భౌతిక దూరం పాటించడం అంత కష్టంగా ఏమీ లేదు.. ఇది మన ప్రమేయం లేకుండా వచ్చింది’ అంటూ ఫ్రెండ్స్‌ టైమ్ హ్యాష్‌ట్యాగ్‌ని జోడించింది.

ఫిట్‌నెస్‌ ఫ్రీక్‌ మల్లికా శెరావత్‌ తను యోగా చేస్తోన్న ఫొటోని పోస్ట్‌ చేసి అభిమానులకి ఓ సందేశాన్నిచ్చింది. ‘యోగా అనేది మనకు మనం నిర్వహించుకునే ఒక ముఖ్యమైన సమావేశం. దీనిని ఏ బాసూ క్యాన్సిల్‌ చేయలేడు’ అంటూ రాసుకొచ్చిందీ సుందరి.