చూస్తుండగానే మరో ఏడాది గడిచిపోయింది. ట్వంటీ-20 మ్యాచ్‌లా 2020 సంవత్సరం కూడా ఎంతో వేగంగా, ఉత్కంఠగా సాగింది. కంటికి కనిపించని శత్రువులా కరోనా ప్రతి ఒక్కరినీ ఆందోళనకు గురి చేసింది. యావత్‌ ప్రపంచానికే సంక్షోభంగా మారి మానవాళికి ఎన్నో పాఠాలు నేర్పించింది. ఇలా మనల్ని ఆనందానికి, ఆహ్లాదానికి దూరం చేసిన 2020 లాగా కాకుండా 2021 హ్యాపీగా సాగాలని అందరూ ఆకాంక్షిస్తున్నారు. కానీ కరోనా వల్ల కోల్పోయిన ఆనందాన్ని కొత్త సంవత్సరంలో పొందాలంటే కొన్ని అలవాట్లను మార్చుకోవాల్సిందే. అలాగని ఇవేవీ శ్రమతో, ఖర్చుతో కూడుకున్నవి కావు. మనం మనసు పెట్టి చేయాల్సిన చిన్న చిన్న పనులే. ఇలా చేయడం వల్ల మన మనసుకి ఆనందం, ఆహ్లాదం దొరుకుతుంది. మరి అవేంటో చూద్దామా?

కాలాలు మారే కొద్దీ మన రోగ నిరోధక వ్యవస్థ పనితీరు కూడా మారుతుంది. ముఖ్యంగా శీతాకాలంలో వాతావరణ ప్రభావం మన ఆరోగ్యంపై తీవ్రంగానే ఉంటుంది. రకరకాల సీజనల్‌ వ్యాధులు, అనారోగ్య సమస్యలు కలిసి ముప్పేట మనపై దాడి చేస్తాయి. దీనికి ప్రధాన కారణం శీతాకాలంలో వీచే విపరీతమైన చలిగాలులే. దీనికి తోడు ప్రస్తుత పరిస్థితుల్లో కరోనా కూడా రోగ నిరోధక వ్యవస్థపై తీవ్ర ప్రతికూల ప్రభావం చూపుతోంది. ఈ క్రమంలో చలికాలంలో మధుమేహ రోగులు మరింత జాగ్రత్తగా ఉండాలంటున్నారు ఆరోగ్య నిపుణులు.

ప్రస్తుతం అందరూ ఆరోగ్యకరమైన లైఫ్‌స్టైల్‌ దిశగా అడుగులేస్తున్నారు. ఇందులో భాగంగా చాలామంది తమ ఆహారపు అలవాట్లను సైతం మార్చుకుంటున్నారు. మాంసాహారాన్ని పూర్తిగా మానేసి శాకాహారాన్ని తమ జీవన విధానంలో ఓ భాగం చేసుకుంటున్నారు. సెలబ్రిటీలు కూడా ఇందుకు అతీతం కాదు. ఈక్రమంలో మూగజీవాలంటే ఎంతో ప్రేమ చూపే శ్రద్ధా కపూర్‌ గతేడాది మాంసాహారాన్ని మానేసి పూర్తి శాకాహారిగా మారిపోయింది. అంతేకాదు.. దీని వల్ల ఎలాంటి ఆరోగ్య ప్రయోజనాలు చేకూరతాయో పలు సందర్భాల్లో అందరితో షేర్‌ చేసుకుంటోంది. ఈక్రమంలో శాకాహారంపై తనదైన శైలిలో అవగాహన కల్పిస్తోన్న శ్రద్ధ చేస్తోన్న కృషిని ‘పెటా ఇండియా’ గుర్తించింది. అందుకే ఆమెను ఈ ఏడాదికి గానూ ‘హాటెస్ట్‌ వెజిటేరియన్‌’గా గుర్తించి సత్కరించింది.

చర్మం ముడతలు పడడమనేది వృద్ధాప్య ఛాయల్లో ఒకటి. వయసు పెరిగే కొద్దీ ఇలాంటి లక్షణాలు కనిపించినా పెద్దగా పట్టించుకోం. కానీ కొంతమందికి చిన్న వయసులో ఉండగానే ముఖంపై ముడతలు, గీతలు కనిపిస్తుంటాయి. మరీ ముఖ్యంగా నుదుటి మీద కనిపించే గీతల కారణంగా చాలామంది వయసు పైబడిన వారిలా కనిపిస్తుంటారు. అయితే ఈ సమస్యను తగ్గించుకోవాలన్నా, రాకుండా ముందు నుంచే జాగ్రత్తపడాలన్నా కొన్ని చిట్కాలు పాటించాలంటున్నారు సౌందర్య నిపుణులు.

సినిమాల్లో నటించడమే కాదు మహిళా సమస్యలు, సామాజిక అంశాలపై తనదైన శైలిలో స్పందిస్తుంటుంది బాలీవుడ్‌ నటి రిచా చద్దా. వీటితో పాటు సామాజిక సేవ కోసం సమయాన్ని కేటాయించడంలోనూ ముందుంటుంది. ప్రస్తుతం సినిమాలు, వెబ్‌సిరీస్‌లు చేస్తూ ఫుల్‌ బిజీగా ఉన్న ఈ ముద్దుగుమ్మ... మూగ జీవాల సంరక్షణ కోసం తనదైన శైలిలో కృషి చేస్తోంది. ఇందులో భాగంగా జంతువులపై హింసకు వ్యతిరేకంగా పలు ఛారిటీ ఈవెంట్లలో పాల్గొని పెద్ద మనసు చాటుకుందీ బ్యూటిఫుల్‌ యాక్ట్ట్రెస్‌. మూగజీవాలపై ప్రేమతో మూడేళ్ల క్రితం ‘వీగన్‌’గా మారిపోయిన ఈ పెట్‌ లవర్‌ ‘వీగన్‌ ఫ్యాషన్‌’ను మాత్రమే ఫాలో అవుతూ పలువురికీ స్ఫూర్తినిస్తోంది. ఈ క్రమంలో జంతువుల సంరక్షణ కోసం రిచా చేస్తున్న కృషిని గుర్తించిన ‘పెటా ఇండియా’ ఆమెను ‘బెస్ట్‌ వీగన్‌ స్టైల్‌ ఐకాన్‌’ పురస్కారంతో గౌరవించింది.

ఎడారిలా మారిన ఆమె జీవితంలో తొలకరి జల్లు తీసుకొచ్చింది అతడి ప్రేమ. అప్పటి వరకు అమ్మతో కలిసి కష్టాలనే అనుభవించింది. ఇకపై ముందున్న జీవితాన్ని అందంగా మలచుకోవాలని భావించింది. అయితే పచ్చని పైరుపై వడగండ్ల తుఫానులా ఒక నిజం ఆమె కలలని అంధకారంలో బంధించింది. అతని ముందు ఆ నిజాన్ని దాయడానికి ఆమె ఆత్మసాక్షి ఒప్పుకోవడం లేదు. నిజం చెబితే ఆమెకి ప్రేమ దక్కదు. ఏం చేయాలి ? ఇంతకీ ఆమె హృదయరాగం ఏంటో ఆలకించి తనకో మంచి సలహా ఇస్తారా ?

44 ఏళ్ల కవితకు ఈ మధ్య నెలసరి క్రమం తప్పుతోంది.. దాంతో పాటు విపరీతమైన చెమటలు, నీరసం.. వంటివి ఆమెను వేధిస్తున్నాయి. ఇవి మెనోపాజ్‌ లక్షణాలే అని తెలిసినా దానికింకా సమయం ఉంది కదా అని నిర్లక్ష్యం చేస్తోందామె. సవితకు పదేళ్లు నిండకముందే పిరియడ్స్‌ మొదలయ్యాయి. ఇప్పుడు తనకు 28 ఏళ్లు. అయితే ఇలా చిన్న వయసులోనే రుతుచక్రం మొదలైతే మెనోపాజ్‌ కూడా త్వరగా వస్తుందని ఎవరో చెప్పడంతో తెగ కంగారు పడిపోతోందామె.

ప్రస్తుత పరిస్థితుల్లో ఇంట్లో ఉన్నా, బయటికి వెళ్లినా కరోనా మహమ్మారి బారిన పడకుండా ఉండాలంటే మన వద్ద ఉన్న ఒకే ఒక్క ఆయుధం రోగనిరోధక శక్తి. దీన్ని మెరుగుపరచుకోవడానికే చాలామంది కషాయాలు తయారుచేసుకొని తాగడం, చక్కటి పోషకాహారం తీసుకోవడం, కొత్త వంటకాలు చేసుకొని తినడం.. ఇలా ఎవరికి తోచినట్లుగా వాళ్లు చేస్తున్నారు. అయితే కేవలం ఆహారంతోనే ఇమ్యూనిటీని పెంచుకోవచ్చా? అంటే.. దాంతో పాటు ఇంకా బోలెడన్ని అంశాలు ఇందుకు దోహదం చేస్తాయంటున్నారు ఆరోగ్య నిపుణులు. ముఖ్యంగా మనం అనుసరించే జీవనశైలి ప్రభావం కూడా రోగనిరోధక వ్యవస్థపై ఉంటుందంటున్నారు. అందుకే ఆరోగ్యకరమైన లైఫ్‌స్టైల్‌ని అనుసరించాలని సూచిస్తున్నారు. మరి, ఇంతకీ మన రోగనిరోధక వ్యవస్థను పటిష్ట పరిచే ఆ జీవనశైలి మార్పులేంటో తెలుసుకుందామా?!

వీగన్‌ డైట్‌... ప్రస్తుతం సెలబ్రిటీల నుంచి సామాన్యుల వరకు ఎంతోమంది ఆచరిస్తున్న డైట్‌. మాంసంతో పాటు గుడ్లు, పాలు, జంతువుల నుంచి ఉత్పత్తయ్యే పదార్థాలకు పూర్తి దూరంగా ఉంటూ... కేవలం మొక్కల నుంచి లభించే పదార్థాలను తీసుకోవడమే ఈ వీగన్‌ ఫుడ్‌ ముఖ్యోద్దేశం. పలు ఆరోగ్య ప్రయోజనాలు ముడిపడి ఉండడంతో వెండితెరను ఏలుతున్న పలువురు ముద్దుగుమ్మలు కూడా వీగన్లుగా మారిపోతున్నారు. ఇదే క్రమంలో ఈ ఏడాది ప్రారంభంలో తాను పూర్తిగా వీగన్‌గా మారిపోతున్నట్లు ప్రకటించింది రకుల్‌ ప్రీత్‌ సింగ్‌. తాజాగా ప్రపంచ పర్యావరణ దినోత్సవాన్ని పురస్కరించుకుని దీనిపై మరింత ప్రాచుర్యం కల్పించేందుకు ముందుకొచ్చిందీ ముద్దుగుమ్మ. ఇందులో భాగంగా పెటా(పీపుల్‌ ఫర్‌ ఎథికల్‌ ట్రీట్‌మెంట్ ఆఫ్ యానిమల్స్‌) ఇండియాతో చేతులు కలిపింది.

ప్రపంచంపై కరోనా ప్రకోపం చల్లారడం లేదు. ఇప్పటికే లక్షలాది మందిని బలితీసుకున్న ఈ వైరస్‌ రోజురోజుకీ తన పరిధిని పెంచుకుంటోంది. ఇక రోగ నిరోధక శక్తి తక్కువగా ఉండడంతో వృద్ధులే ఎక్కువగా ఈ మహమ్మారికి బలవుతున్నారని గణాంకాలు చెబుతున్నాయి. అందుకే మనదేశంతో పాటు చాలా దేశాల్లో లాక్‌డౌన్ ఆంక్షల్లో సడలింపులిచ్చినా వృద్ధులు మాత్రం ఎట్టి పరిస్థితుల్లో బయటకు రాకూడదని మార్గదర్శకాలు జారీ చేశారు. అయితే ఆరోగ్యకరమైన జీవనశైలి, సానుకూల దృక్పథం ఉంటే ఎలాంటి వ్యాధినైనా ఎదుర్కోగలమని ఇప్పటికే చాలామంది వయోవృద్ధులు నిరూపిస్తున్నారు. తద్వారా తమ లాంటి వారికి వూరటనిస్తూ బతుకుపై ఆశలు కల్పిస్తున్నారు. ఈకోవకే చెందుతుంది ఇండోర్‌కు చెందిన చందాబాయి. వయసులో సెంచరీ దాటిన ఈ బామ్మ కరోనా నుంచి పూర్తిగా కోలుకుని ఇటీవలే ఇంటికి చేరుకుంది.

కొన్ని దశాబ్దాల క్రితం స్త్రీ అంటే సేవకురాలిగానే ఉండేది. కానీ ఇప్పుడు ఆమెలోని అనంతమైన శక్తి నలుదిశలా ప్రసరిస్తోంది. గతంలో అవకాశం లేక పురుషాధిక్యం ప్రబలిందే కానీ అవకాశం ఇస్తే పురుషులను మించగలం అని నిరూపిస్తోంది. ఇంటి బాధ్యతలతో పాటు వృత్తి బాధ్యతలను కూడా సమర్థంగా నిర్వర్తిస్తూ.. స్త్రీలు తమకంటే మిన్న కాదు అన్న పురుషుల చేతే శభాష్‌ అనిపించుకుంటోంది. ఇందుకు నిదర్శనంగా నిలుస్తున్నారు జపాన్‌ మహిళలు. స్త్రీలంటే పిల్లలను కనిపెట్టి, ఇంటిని శుభ్రంగా ఉంచే సేవకురాలు అనే సంప్రదాయ భావాన్ని చెరిపేసిన వీరు, అదే పురుషాధిక్య ప్రపంచంతో ‘వృత్తిలోనూ మీ భాగస్వామ్యం కావాలి’ అనిపిస్తున్నారు. అందుకు జపాన్‌ ప్రభుత్వం వర్కింగ్‌ ఉమెన్‌పై చేసిన ఓ సర్వే అద్దం పడుతోంది.

ప్రతి ఒక్కరికీ ఒక కల ఉంటుంది. దాన్నే ఉపాధిగా మలచుకుని డబ్బు సంపాదిస్తే.. అదే డ్రీమ్‌ జాబ్‌. కానీ చాలామందికి డ్రీమ్‌ ఒకటుంటే చేసే ఉద్యోగం మరొకటి ఉంటుంది. ఈక్రమంలో జీవితమంతా ఏదో ఉదాసీనతతో ఉంటుంటారు. అయితే నిజంగా ఇలా డ్రీమ్‌ జాబ్‌ దొరక్కపోతే బాధపడాలా ? డ్రీమ్‌ జాబ్‌ సంపాదించిన వారు చాలా సంతోషంగా ఉంటున్నారా ? అంటే... చాలావరకు కాదు అనే సమాధానం వస్తుంటుంది. ఎందుకంటే డ్రీమ్‌ జాబ్‌ సంపాదించిన అందరూ కూడా ఆ ఉద్యోగంలో టార్గెట్స్‌ చేరుకోలేక ఒత్తిడికే గురవుతుంటారు. ఇక డ్రీమ్‌ జాబ్‌ రాకపోయినా ప్రస్తుతం తాము చేస్తున్న ఉద్యోగంలో సంతృప్తి పొందుతున్న వారు ఎంతమందో ఉన్నారు. అందుకే మీ జీవితంలో డ్రీమ్‌ జాబ్‌ గురించి ఉండే కొన్ని అపోహలను తొలగించుకోండి అంటున్నారు మానసిక నిపుణులు. మరి ఆ సంగతేంటో చూద్దాం రండి...

సమానత్వం అంటే స్వేచ్ఛ. అందరికీ అన్ని విషయాల్లో అనుకున్నది సానుకూలంగా చేయగలిగిన స్వేచ్ఛ. అయితే చాలామంది లింగ భేదం లేని సమాజం అంటే స్త్రీల హక్కుగా భావిస్తుంటారు. అనాదిగా పురుషాధిక్యం నీడలో స్త్రీల హక్కులు అణచివేయడం వల్ల స్త్రీలు పురుషులతో సమానంగా నడవాలనేది సమసమాజ ఉద్దేశంగా మారిపోయింది. అందుకే ఇప్పుడు ఈ సమసమాజ పోరాటం ‘హ్యూమన్‌ ఫైట్‌గా కాకుండా... ఫీమేల్‌ ఫైట్‌’ అయిపోయింది. వాస్తవానికి ఇది అందరి బాధ్యత. అందరూ కలిసి ఉద్యమిస్తేనే సమసమాజ స్థాపన సాధ్యపడుతుంది. లేదంటే ఇంకా వందేళ్లైనా ఈ లింగభేదం లేని సమాజం కష్టం. ఇలా అంటోంది ఎవరో కాదు ప్రపంచ ఆర్థిక వేదిక (వరల్డ్‌ ఎకనమిక్‌ ఫోరమ్‌) చేసిన సర్వేనే ! ప్రపంచవ్యాప్తంగా 99.5 సంవత్సరాలైతే కానీ లింగ సమానత్వం రాదట. అంతేకాదు, మన భారతదేశం లింగ సమానత్వంలో ఏడాదికేడాది దిగజారుతోందట. మన తరం, మన పిల్లల తరం, ఆ తర్వాతి తరానికి కూడా లింగ భేదం లేని సమాజం సాధ్యం కాకపోవచ్చు అంటోంది ! మరి అందుకు కారణం ఏంటో చూద్దాం పదండి !

ఆడవారి కోసం ఎన్ని ‘నిర్భయ’ చట్టాలు తీసుకొచ్చినా... ఎన్ని విధాలుగానో సమాజానికి ‘దిశా’ నిర్దేశం చేసినా... స్త్రీలపై అఘాయిత్యాలు మటుకు ఆగడం లేదు. ఈక్రమంలో స్త్రీలకు రక్షణ ఎవరిస్తారు ? అంటే... తండ్రినో, సోదరుడినో వెంటబెట్టుకెళ్లమంటున్నారు. లేదంటే ఆపదలో ఉన్నప్పుడు వందకు ఫోన్‌ చేయమంటున్నారు. నిర్భయ ఉదంతంలో పక్కనే కావాల్సిన వారు ఉన్నా కాపాడలేకపోయారు. అటువంటిది ఏ సమయం ఎలాంటిదో ఎవరు చెప్పగలరు. కాబట్టి ఒక స్త్రీ తన రక్షణ తానే చూసుకోవాలి. స్త్రీల మాన ప్రాణాలను హరిస్తున్న మృగాలను ఆయుధంతోనే ఎదుర్కోవాలి. ఇది హింసను ప్రోత్సహించడం ఎంతమాత్రమూ కాదు. ఆత్మ రక్షణ నేర్పడం మాత్రమే ! మీ రక్షణ మీ చేతుల్లోనే ఉంచుకునేందుకే ఇవి వస్తువులు కాదు.. ఆత్మరక్షణ ఆయుధాలు... ! వీటిని వెంటబెట్టుకెళ్లండి !

బెంగళూరులో సాఫ్ట్‌వేర్‌ ఇంజినీర్‌గా పని చేస్తున్న శ్వేత వారాంత సెలవుల్ని తన సోదరి ఇంటి వద్ద గడిపి తిరిగి హాస్టల్‌కి వెళ్తోంది. ఆమె కోసం కోల్‌కతాలో ఉన్న ఆమె తండ్రి ఓ క్యాబ్‌ బుక్‌ చేశాడు. అయితే ఆమెను సురక్షితంగా తీసుకెళ్లాల్సిన ఆ క్యాబ్‌ డ్రైవర్‌ ఓ నిర్మానుష్య ప్రాంతానికి తీసుకెళ్లి ఆమెపై అఘాయిత్యం చేయబోయాడు. అదృష్టవశాత్తూ ఆమె అక్కడి నుంచి తప్పించుకోగా సదరు క్యాబ్ డ్రైవర్‌ను యాజమాన్యం విధుల నుంచి తప్పించి పోలీసులకు అప్పగించింది. ఇలా శ్వేత ఒక్కరే కాదు.. దేశ వ్యాప్తంగా క్యాబ్‌ సదుపాయాన్ని వినియోగించుకుంటున్న చాలామంది స్త్రీలు నిత్యం ఎదుర్కొంటున్న దుస్థితే ఇది. అందుకే దిల్లీలోని ఇందిరా గాంధీ ఇంటర్నేషనల్‌ ఎయిర్‌పోర్ట్‌ స్త్రీల రక్షణ కోసం ‘ఫర్‌ ఉమెన్‌, బై ఉమెన్‌’ అంటోంది. అంటే ఏంటో? తెలుసుకుందాం రండి...

చాలామంది తల్లిదండ్రులు త్వరలో పెళ్లి కాబోయే వధూవరులకు కామన్‌గా చెప్పే మాట ఒకటుంది. అదేంటంటే.. ‘జీవితంలో కష్టసుఖాలనేవి వస్తుంటాయి, పోతుంటాయి.. అవసరమైనప్పుడు సర్దుకుపోవాలి, ఎవరో ఒకరు రాజీపడాలి’ అని. అయినా కూడా ఈరోజుల్లో చాలామంది భార్యాభర్తలు, ఎప్పుడూ నేనే రాజీపడాలా ? అన్నిటికీ నేనే సర్దుకోవాలా ? అనే మంకుపట్టుతో జీవితాలను ఛిద్రం చేసుకుంటున్న సందర్భాలు అనేకం చూస్తూనే ఉన్నాం. మరి ఇలా ఎప్పుడో పెళ్లైన వారు గొడవ పడితే మామూలే అనుకోవచ్చు. కానీ రేపో మాపో పెళ్లిచేసుకోబోయేవారు కూడా గొడవ పడితే ? అదీ ఆన్‌లైన్‌లో అందరి సమక్షంలో అయితే? ఇదెక్కడి విడ్డూరం... అనాల్సిందే ! మరి ఈ వింత కథేంటో మనమూ తెలుసుకుందాం రండి...

విభిన్న సంస్కృతుల సమ్మేళనమైన మన దేశంలో అత్యంత వివాదాస్పదమైన సాంస్కృతిక క్రీడ జల్లికట్టు. మగవారి ధైర్యసాహసాలకు ప్రతీకగా తమిళనాడులో ఏటా సంక్రాంతి సందర్భంగా ఈ వేడుకను ఘనంగా జరుపుకుంటారని అందరికీ తెలిసిందే ! అయితే స్త్రీలకూ ఓ జల్లికట్టు ఉందనే విషయం మీకు తెలుసా ? ఇదీ తమిళనాడులోనే జరుగుతుందని ఎప్పుడైనా విన్నారా ? తెలీదంటే ఇప్పుడు తప్పకుండా తెలుసుకోవాల్సిందే ! ఎందుకంటే మగవారి జల్లికట్టులో ‘ఫన్‌ అండ్‌ ఫ్రస్ట్రేషన్‌’ ఉంటే స్త్రీల జల్లికట్టులో ‘ఫన్‌’ మాత్రమే ఉంటుంది. అది కూడా.. ఎదురుగా వస్తే కుమ్మిపడేసే ఎద్దులతో కాదు.. కోళ్లతో ! ఆశ్చర్యంగా ఉంది కదూ ! మరీ ఫన్నీ కథేంటో తెలుసుకుందాం రండి !

దేశమంటే మట్టి కాదోయ్‌.. దేశమంటే మనుషులోయ్‌ ! అన్నారు గురజాడ. దేశం కోసం ప్రాణాలర్పించే సైనికులను చూస్తే ఎవరైనా ఆయన మాటలు అక్షర సత్యం అనాల్సిందే ! జవాన్‌ అంటే సరిహద్దు అవతల శత్రువుని మట్టుబెట్టేవాడే కాదని... సరిహద్దు ఇవతల కూడా మనుషుల ప్రాణాలను కాపాడేవాడని ఒప్పుకోవాల్సిందే ! ఇందుకు నిదర్శనంగా నిలుస్తోంది ఇండియన్‌ ఆర్మీకి సంబంధించిన ఓ వీడియో ! ప్రకృతిలో వచ్చే మార్పు కారణంగా ఓ తల్లీబిడ్డకు ప్రాణాపాయ పరిస్థితి ఏర్పడితే ఓ సైన్యంలా కదిలి వెళ్లి వారిని కాపాడారు. ఆర్మీ డే నాడు చోటుచేసుకున్న ఈ వీడియోను స్వయంగా ప్రధాని నరేంద్ర మోదీ తన ట్విట్టర్‌లో షేర్‌ చేయగా దేశ వ్యాప్తంగా సాహో సైనికా ! అంటున్నారు. మరి ఈ విషయం విని మీరూ మన సైనికులకు జేజేలు కొట్టండి !

గతంలో టైమ్‌ పాస్‌ కోసం రకరకాల మార్గాలుండేవి. కానీ ఇప్పుడు టైమ్‌ సేవ్‌ చేసుకోడానికి రకరకాల మార్గాలను వెతుకుతున్నాం. ఎందుకంటే ఈ బిజీ లైఫ్‌లో ఎవరిని అడిగినా ఒకటే సమాధానం ‘టైమ్‌ ఉండడం లేదు’ అని. కుటుంబ సభ్యులను సినిమాకి తీసుకెళ్లడానికి, ఇంట్లో ఏదైనా వేడుక ప్లాన్‌ చేయడానికి, బంధువులను కలవడానికి.. ఇలా అన్నింటికీ ఒకటే రోజు. అదే ఆదివారం ! బహుశా ఆదివారానికి నోరుంటే ‘నేనేం పాపం చేశాను.. అందరూ నా వెంటే పడతారు..’ అంటుందేమో ! క్షణం తీరిక లేకుండా ఆదివారాన్ని సద్వినియోగం చేసుకోవడానికి అంతలా ప్లాన్‌ చేస్తుంటాం మనం. అలా కాకుండా వారానికి నాలుగు రోజులే ఆఫీసు ఉండి మిగతా మూడు రోజులు సెలవులు ఇచ్చారనుకోండి ! అబ్బ.. ఈ మాట వింటే మనసుకు ఎంత ప్రశాంతంగా ఉందో కదూ!! ప్రస్తుతం ఫిన్‌ల్యాండ్‌ ప్రధాన మంత్రి తమ దేశ పౌరుల కోసం ఇదే చేస్తున్నారు. సెలవుల వల్ల కలిగే ఈ ఆనందమే ఉద్యోగుల ఎదుగుదలకు, సంస్థ ఉన్నతికి మరింత దోహదపడుతుందని, అందుకే ఈ సెలవుల పద్ధతిని ప్రవేశపెట్టినట్లు చెబుతున్నారామె. మరి, ఆ వివరాలేంటో తెలుసుకుందాం రండి..

కళాశాల అంటేనే చదువుల్లో, ఆటపాటల్లో ఒక విద్యార్థితో మరో విద్యార్థికి పోటీ ఉంటుంది. ఈక్రమంలో ఒకరిలో ఏమాత్రం లోటుపాట్లు కనిపించినా చాలామంది విద్యార్థుల చేత సదరు విద్యార్థి హేళనకు గురి కావాల్సి ఉంటుంది. ఇలా బుల్లీయింగ్‌కి గురై ఆత్మహత్య చేసుకున్న విద్యార్థులు చాలామందే ఉన్నారు. అటువంటిది అబ్బాయిలు హీరోల్లా ముస్తాబై వచ్చే కళాశాల ట్రెడిషన్‌ డేలో భాగంగా కావాలని చీర కట్టుకొచ్చారు ముగ్గురు యువకులు. తమకు చీరకట్టుకోవడం రాకపోయినా కళాశాల విద్యార్థిని సహాయం తీసుకొని మరీ చీరకట్టులో వేడుకకు హాజరయ్యారు. అధ్యాపకుల నుంచి విద్యార్థుల వరకు కళాశాలలో వారినలా చూసిన వారందరూ ఆశ్చర్యపోయారు. అయితే ఎవరూ కూడా వారిని హేళన చేయలేదు. అసలు విషయం తెలుసుకొని వారిని మెచ్చుకున్నారు. ఎందుకంటే...