‘కొన్ని సందర్భాల్లో మనం చేయాల్సిందల్లా రొటీన్‌ని బ్రేక్‌ చేసి సరదాగా గడపడమే’ అంటూ అందాల తార జెనీలియా తన తాజా ఫొటోని పోస్ట్‌ చేసింది.

టాలీవుడ్ నటి నమ్రతా శిరోద్కర్ - 'మీ పిల్లలకు పుస్తక పఠనాన్ని అలవాటు చేయండి' అంటూ తన కూతురు సితార బుక్ చదువుతున్నట్టుగా దిగిన ఫొటోని పోస్ట్ చేసింది. దీనికి 'బ్రెయిన్ ఫుడ్' అనే హ్యాష్‌ట్యాగ్‌ని జోడించింది.

స్టార్‌ యాంకర్‌ సుమా కనకాల మాస్క్‌ని తప్పనిసరిగా పెట్టుకుంటూ తోటివారిని కూడా మాస్క్‌ ధరించేలా చేస్తోంది. దానికి ఈ వీడియోనే నిదర్శనం. సుమ లిఫ్ట్‌లో ఉండగా ఒకతను మాస్క్‌తోనే లిఫ్ట్‌లోకి వచ్చినా ఫోన్‌ మాట్లాడడం కోసం మాస్క్‌ని తీసేశాడు. అది గమనించిన సుమ అతనిని సరిగా మాస్క్‌ ధరించమని సూచించింది.

ప్రపంచ కృతజ్ఞతా (గ్రాటిట్యూడ్) దినోత్సవం సందర్భంగా బాలీవుడ్ ముద్దుగుమ్మలు అనుష్కా శర్మ, శిల్పా శెట్టి ఇప్పటివరకు తమ జీవితంలో అండగా నిలిచిన కుటుంబ సభ్యులు, బంధుమిత్రులు, శ్రేయోభిలాషులందరికీ ఇన్‌స్టా వేదికగా కృతజ్ఞతలు తెలిపారు.