గుంజన్‌ సక్సేనా.. 20 ఏళ్ల క్రితం జరిగిన భీకర కార్గిల్‌ యుద్ధంలో గాయాల పాలైన భారత సైనికులను తన చీతా హెలికాప్టర్‌లో క్షేమంగా బేస్‌క్యాంప్‌కు తరలించిన ధీర వనిత. శత్రువుల చెరకు చిక్కకుండా మెరుపు వేగంతో తన హెలికాప్టర్‌లో దూసుకుపోయిన ఆమె.. యుద్ధభూమిలో హెలికాప్టర్‌ నడిపిన తొలి మహిళా పైలట్‌గా అరుదైన రికార్డును తన సొంతం చేసుకుంది. తనదైన ధైర్యసాహసాలను ప్రదర్శించి కార్గిల్‌ గర్ల్‌గా మారింది. అందుకే ఆమె తెగువ, జీవిత కథను ప్రపంచానికి పరిచయం చేయాలన్న ఉద్దేశంతో రూపొందుతోందే ‘గుంజన్‌ సక్సేనా - ది కార్గిల్‌ గర్ల్‌’ సినిమా. శరణ్‌ శర్మ దర్శకత్వం వహిస్తోన్న ఈ సినిమాలో శ్రీదేవి కూతురు, బాలీవుడ్‌ బ్యూటీ జాన్వీ కపూర్‌ గుంజన్‌గా కనిపించనుంది. అయితే గుంజన్‌ జీవితంలోని కొన్ని జ్ఞాపకాల సమాహారంతో రూపొందించిన ఓ వీడియోను నెట్‌ఫ్లిక్స్‌ ఇండియా యూట్యూబ్‌లో విడుదల చేసింది. ఈ నేపథ్యంలో ఈ చిత్ర పోస్టర్‌ను ఇన్‌స్టాలో పంచుకున్న గుంజన్‌.. ఓ సుదీర్ఘమైన పోస్ట్‌ రాసుకొచ్చారు. దీనికి జాన్వీ, చిత్ర దర్శకుడు శరణ్‌ స్పందిస్తూ పెట్టిన పోస్టులు, వీరి సోషల్‌ మీడియా సంభాషణ ప్రస్తుతం నెట్టింట్లో వైరల్‌గా మారాయి.

అతిలోక సుందరి శ్రీదేవి నట వారసురాలిగా వెండితెరకు పరిచయమైంది అందాల తార జాన్వీ కపూర్‌. తన మొదటి చిత్రం ‘ధడక్‌’ తోనే విమర్శకుల ప్రశంసలు అందుకుని అందంతో పాటు నటన కూడా తన రక్తంలోనే ఉందని నిరూపించింది. శ్రీదేవి అకాల మరణం తర్వాత బాలీవుడ్‌లో ఆమె స్థాయిని అందిపుచ్చుకునేందుకు ప్రయత్నిస్తోన్న జాన్వీ ఇంట్లో కూడా తన తల్లి మిగిల్చి వెళ్లిన బాధ్యతలను భుజాలకెత్తుకుంది. ఈక్రమంలో లాక్‌డౌన్ కారణంగా ఇంటికే పరిమితమైన ఆమె.. తండ్రి బోనీ కపూర్‌, సోదరి ఖుషీ కపూర్‌ల యోగక్షేమాలను దగ్గరుండి మరీ చూసుకుంటోంది. ఆపత్కాలంలో ‘అమ్మ’ లేని లోటు కనిపించకుండా వారికి కావాల్సిన అవసరాలన్నింటినీ సమకూరుస్తోంది.

ప్రపంచవ్యాప్తంగా కరోనా విజృంభణ కొనసాగుతుండడంతో ఈసారి ప్రజలు మాతృ దినోత్సవ వేడుకలను తమ ఇళ్లలోనే జరుపుకొన్నారు. అయితే లాక్‌డౌన్‌ కారణంగా చాలామందికి తమ తల్లులను స్వయంగా వెళ్లి కలుసుకోవడం వీలు కాలేదు. దీంతో ఫోన్‌, వీడియో కాల్స్‌ ద్వారానే వారికి పరోక్షంగా మదర్స్‌ డే శుభాకాంక్షలు చెప్పి సరిపెట్టుకున్నారు. ఈ క్రమంలో సినీ పరిశ్రమకు చెందిన పలువురు తారలు కూడా సోషల్‌ మీడియా ద్వారా తమ మాతృమూర్తులకు మదర్స్‌ డే విషెస్‌ తెలిపారు.

రంగమేదైనా అమ్మను ఆదర్శంగా తీసుకొని ఆమె అడుగుజాడల్లో నడుస్తూ సక్సెస్ సాధించిన వారు ఎందరో! అందుకే అమ్మను ఆది గురువుగా కీర్తిస్తారు. తామూ ఆ కోవకు చెందినవారమే అంటున్నారు కొందరు బాలీవుడ్ ముద్దుగుమ్మలు. తల్లులు వేసిన 'నటన' బాటలో నడుస్తూ, ఆ వేదికగా తమను తాము నిరూపించుకుంటూ ప్రస్తుతం ఇండస్ట్రీలో టాప్ పొజిషన్‌లో కొనసాగుతున్నారు..

కరోనా ప్రభావం తీవ్రంగా ఉండడంతో దేశ వ్యాప్తంగా లాక్‌డౌన్‌ కొనసాగుతోంది. దీంతో ప్రజలంతా సామాజిక దూరం పాటిస్తూ ఇళ్లకే పరిమితమవుతున్నారు. అయితే ఈ లాక్‌డౌన్‌ వల్ల తమ వృత్తిగత జీవితానికి బ్రేక్‌ పడకూడదన్న ఉద్దేశంతో చాలామంది ఇంటి నుంచే విధులు నిర్వర్తిస్తున్నారు. అప్పటిదాకా ‘వర్క్‌ ఫ్రమ్‌ హోమ్‌’ ఆప్షన్‌ లేని సంస్థలు కూడా ఈ కొత్త పని సంస్కృతికి శ్రీకారం చుట్టాయి. అయితే మనమే కాదు.. సినీ పరిశ్రమకు చెందిన కొందరు ముద్దుగుమ్మలు కూడా ఈ లాక్‌డౌన్‌ నేపథ్యంలో ఇంటి నుంచే తమ వృత్తిగత బాధ్యతలను నిర్వర్తిస్తున్నారు. ఈ క్రమంలో చక్కటి పని వాతావరణాన్ని ఏర్పరచుకొని మనందరికీ వర్క్‌ ఫ్రమ్‌ హోమ్‌ పాఠాలు నేర్పుతున్నారు. మరి ఇంతకీ వాళ్లెవరు? వాళ్లు చేస్తోన్న పనులేంటో తెలుసుకుందాం రండి..

కరోనా వ్యాధి ప్రపంచ వ్యాప్తంగా ప్రజలకు కంటి మీద కునుకు లేకుండా చేస్తోంది. కానీ, ఈ వైరస్‌ మనుషుల ఆలోచన తీరులో ఎన్నో రకాల మార్పులు తీసుకొస్తోందనడంలో ఎలాంటి సందేహం లేదు. స్వీయ నియంత్రణలో గడుపుతోన్న వారిలో ఎక్కువశాతం మంది ఈ లాక్‌డౌన్‌ సమయాన్ని తమకు అభిరుచి ఉన్న పనులు చేయడానికి.. తమ గురించి తమకు తెలియని విషయాలను తెలుసుకునేందుకు ఉపయోగిస్తుండడం విశేషం. ఈ క్రమంలో బాలీవుడ్‌ బ్యూటీ జాన్వీ కపూర్‌ ఈ లాక్‌డౌన్‌ సమయంలో తను నేర్చుకున్న విషయాలను ఓ సుదీర్ఘ ఉత్తరం రూపంలో ఇటీవల సోషల్‌ మీడియా ద్వారా పంచుకుంది.

అటు నటనలోనే కాకుండా సింగర్‌గా కూడా మంచి పేరు సంపాదించుకున్న అందాల భామ శృతి హాసన్‌. చిన్నప్పటి నుంచి సంగీతంపై తనకున్న ఆసక్తే తనను గొప్ప గాయనిగా మనందరికీ పరిచయం చేసిందని చెప్పుకోవచ్చు. ఇప్పటికే పలు సినిమాల్లో పాటలు పాడిన ఈ చిన్నది.. మ్యూజిక్‌ ఆల్బమ్స్‌ని కూడా రూపొందిస్తుంటుంది. ఇలా తాను ఎంత బిజీగా ఉన్నప్పటికీ సోషల్‌ మీడియాలో అనునిత్యం అభిమానులతో టచ్‌లో ఉంటూ.. తన సినిమా అప్‌డేట్లతో పాటు తాను పాల్గొనే లైవ్‌ మ్యూజిక్‌ కన్సర్ట్‌ విశేషాలను కూడా షేర్‌ చేస్తుంటుంది. ఈ క్రమంలో శృతి తన చిన్ననాటి ఫొటో ఒకటి తాజాగా ఇన్‌స్టాలో పంచుకుంది. ఇందులో భాగంగా స్కూల్‌ యూనిఫాం ధరించిన శృతి.. ప్రముఖ గాయని ఆశా భోంస్లే ముందు కూర్చొని పాట పాడుతున్న ఫొటోను ఎవరో షేర్‌ చేయగా.. దాన్ని తిరిగి రీపోస్ట్‌ చేస్తూ.. ‘నేను స్కూల్‌ యూనిఫాంలో పాట పాడుతున్న ఈ ఫొటో అంటే నాకెంతో ఇష్టం.. ఓ దిగ్గజ గాయని (ఆశా భోస్లే) సమక్షంలో ఎంతో నెర్వస్‌గా పాట పాడిన ఈ రోజు నాకు బాగా గుర్తుంది. అదొక మధుర జ్ఞాపకం. ఈ ఫొటోని షేర్‌ చేసినందుకు ధన్యవాదాలు..’ అంటూ పేర్కొందీ స్లిమ్మీ బ్యూటీ.

ఎంతో అన్యోన్యంగా ఉంటూ తమ ప్రేమను ఎప్పటికప్పుడు తెలియజేసుకునే సెలబ్రిటీ కపుల్స్‌లో షాహిద్‌ కపూర్‌- మీరా రాజ్‌పుత్‌ జంట ఒకటి. షాహిద్‌ వృత్తిపరంగా ఎంత బిజీగా ఉన్నా తన కుటుంబానికి తగిన సమయం కేటాయిస్తుంటాడు. ఇలా కుటుంబంతో గడిపిన మధుర క్షణాలను ఫొటోల్లో బంధించి ఇన్‌స్టాలో పోస్ట్‌ చేయడం షాహిద్‌ బెటరాఫ్‌ మీరాకు అలవాటే. నేడు షాహిద్‌ పుట్టినరోజు. ఈ సందర్భంగా మీరా ఇన్‌స్టా వేదికగా శ్రీవారికి బర్త్‌డే విషెస్‌ తెలిపింది. వీళ్లిద్దరూ కలిసున్న ఒక అందమైన ఫొటోను ఇన్‌స్టా స్టోరీలో పోస్ట్‌ చేస్తూ.. ‘నా ప్రియమైన వ్యక్తికి పుట్టినరోజు శుభాకాంక్షలు..’ అంటూ ప్రేమగా రాసుకొచ్చిందీ వైఫీ.

సమంత, శర్వానంద్‌ జంటగా నటించిన ‘జాను’ చిత్రం ఇటీవలే విడుదలై మంచి టాక్‌ను సొంతం చేసుకున్న విషయం తెలిసిందే. అయితే ఈ సినిమా విజయవంతమైన సందర్భంగా ఈ చిత్ర బృందం తాజాగా సక్సెస్‌ మీట్‌ను ఏర్పాటు చేసింది. ఈ కార్యక్రమంలో పాల్గొన్న అందాల భామ సమంత తన అందంతోనే కాదు.. తన అటైర్‌తోనూ మాయ చేసేసింది. డల్‌ రోజ్‌ కలర్‌ ఇటాలియన్‌ ఆర్గంజా శారీలో ముస్తాబైన సామ్‌.. చక్కటి మేకప్‌తో ఆకట్టుకుంది. అయితే ఆమె చీరపై ముందు భాగంలో పెయింట్‌ చేసిన 'Jaanu' అనే అక్షరాలు, ఫ్లోరల్‌ పెయింటింగ్‌.. వంటివన్నీ చీరకు మరింతగా వన్నెలద్దాయని చెప్పుకోవచ్చు. ఇలా తాను ఎంతో అందంగా ముస్తాబైన ఈ ఫొటోలను సమంత తాజాగా ఇన్‌స్టాలో షేర్‌ చేయగా అవి కాస్తా నెట్టింట్లో వైరల్‌గా మారాయి. మరి, స్పెషల్ లుక్‌లో ముస్తాబైన సామ్‌ ఫొటోలపై మీరూ ఓ లుక్కేసేయండి.

తన వృత్తిపరమైన, వ్యక్తిగత విషయాలను ఎప్పటికప్పుడు సోషల్‌ మీడియాలో తన ఫ్యాన్స్‌తో పంచుకోవడంలో ముందుంటుంది మంచు వారి వారసురాలు లక్ష్మీ ప్రసన్న. ఈ క్రమంలోనే తాజాగా టాలీవుడ్‌ లెజెండరీ యాక్టర్‌ కృష్ణంరాజు పుట్టినరోజు వేడుకలకు హాజరైన ఈ బ్యూటిఫుల్‌ లేడీ.. అక్కడ రెబల్‌ స్టార్‌ ప్రభాస్‌తో కలిసి ఓ అందమైన ఫొటోకు పోజిచ్చింది. ఆ ఫొటోను ఇన్‌స్టాలో షేర్‌ చేస్తూ.. ‘మేమిద్దరం ఎంత క్యూట్‌గా ఉన్నామో..’ అంటూ క్యాప్షన్‌ రాసుకొచ్చిందీ ముద్దుగుమ్మ.

ప్రస్తుతం డిజిటల్‌ మార్కెట్‌లో Netflix, Amazon Prime, Hotstar.. మొదలైన OTT ప్లాట్‌ఫామ్‌లకు మంచి డిమాండ్‌ ఉంది. ఈ క్రమంలో సినిమా తారలు సైతం డిజిటల్‌ ప్లాట్‌ఫామ్‌లలో నటించేందుకు ఆసక్తి చూపిస్తున్నారు. ఈ క్రమంలో అందాల తార జాన్వీ కపూర్‌ కూడా హారర్‌ నేపథ్యంలో రూపొందిన ‘ఘోస్ట్‌ స్టోరీస్‌’ అనే వెబ్‌ సిరీస్‌తో డిజిటల్‌ ప్లాట్‌ఫామ్‌లోకి అడుగుపెట్టనున్న సంగతి విదితమే. ఈ సిరీస్‌ జనవరి 1 నుంచి Netlflixలో ప్రసారం కానుంది. ఈ క్రమంలో ఈ సిరీస్‌కు సంబంధించి తన అనుభవాలను తాజాగా సోషల్‌ మీడియా ద్వారా పంచుకుంది జాన్వీ.

ప్రపంచవ్యాప్తంగా క్రిస్మస్‌ సంబరాలు ఘనంగా జరుగుతున్నాయి. ప్రతి ఒక్కరూ తమ కుటుంబ సభ్యులు, స్నేహితులతో కలిసి క్రిస్మస్‌ సంబరాల్లో ఉత్సాహంగా పాల్గొంటున్నారు. అంతేకాదు.. ఈ మధురక్షణాలకు సంబంధించిన ఫోటోలను, వీడియోలను ఎప్పటికప్పుడు సోషల్‌ మీడియాలో షేర్‌ చేస్తున్నారు. ఈ క్రమంలో మెగాస్టార్‌ చిరంజీవి ముద్దుల తనయ శ్రీజ తన ఇంట్లో జరుపుకొంటోన్న క్రిస్మస్‌ వేడుకలో భాగంగా అల్లు అర్జున్‌తో కలిసి దిగిన ఓ ఫోటోను తాజాగా ఇన్‌స్టాలో పోస్ట్‌ చేసింది. ఈ ఫొటోకు ‘నా ప్రియమైన సీక్రెట్‌ శాంటా-2019.. అల్లు అర్జున్‌’ అంటూ తను క్యాప్షన్‌ కూడా ఇచ్చింది.

క్రిస్మస్‌.. ప్రపంచంలోని క్రైస్తవులందరూ ఎంతో ఉత్సాహంగా, ఆత్రంగా ఏడాది కాలం పాటు ఎదురుచూసే పండగ ఇది. నిజానికి పండగ డిసెంబర్‌ చివరి వారంలో అయినా.. డిసెంబర్‌ మొదలవ్వగానే క్రిస్మస్‌ సంబరాలు కూడా మొదలైపోతాయి. ఇక పండగ దగ్గరపడుతూ ఉందంటే షాపింగ్‌ హడావిడి అంతా ఇంతా కాదు. ఇంటిని అలంకరించే వస్తువుల నుండి.. స్నేహితులకు, కుటుంబ సభ్యులకు ప్రత్యేకంగా ఇచ్చే గిఫ్ట్స్‌ వరకు.. ఇలా చాలా వస్తువులు షాపింగ్‌ చేయాల్సి ఉంటుంది. మరి ఈ క్రిస్మస్‌కి క్వీన్‌లా మెరిసిపోవడానికి డ్రస్‌ని సిద్ధం చేసుకున్నారా?అయ్యో ఇంకా లేదా! ఏ సందర్భానికి ఎలాంటివి ధరించాలో తేల్చుకోలేక తికమక పడుతున్నారా? అయితే మీ కన్‌ఫ్యూజన్‌కి ఈ కథనంతో చెక్‌ పెట్టేయండి. మరింకెందుకు ఆలస్యం.. వెంటనే చదివేయండి!

వృత్తిగత జీవితాన్ని.. వ్యక్తిగత జీవితాన్ని సమానంగా ప్రేమించే నటీమణుల్లో బాలీవుడ్‌ బ్యూటీ జాన్వీ కపూర్‌ ఒకరు. షూటింగ్స్‌ నుంచి కొంచెం బ్రేక్‌ దొరికినా సరదాగా విహార యాత్రలకు వెళ్తుంటుందీ భామ. ఈ క్రమంలో జాన్వీ ప్రస్తుతం తన స్నేహితులతో కలిసి ఉత్తర భారతదేశంలోని పలు దేవాలయాల సందర్శనలో బిజీగా ఉంది. ఈ సందర్భంగా తీసిన ఫొటోలను తను ఎప్పటికప్పుడు ఇన్‌స్టాలో పోస్ట్‌ చేస్తోంది. వాటిపై మీరూ ఓ లుక్కేయండి.

సినిమాలతో పాటు తన సోషల్‌ మీడియా పోస్టులతోనూ అభిమానులను ఆకట్టుకొంటోంది బాలీవుడ్‌ అందాల తార జాన్వీ కపూర్‌. ముఖ్యంగా తను పాల్గొనే ఫొటోషూట్స్‌కు సంబంధించిన ఫొటోలను ఎప్పటికప్పుడు తన అభిమానులతో పంచుకొంటుంటుంది జాన్వీ. ఈ క్రమంలో తన లేటెస్ట్‌ ఫొటోషూట్‌కు సంబంధించిన ఫొటోలను ఇన్‌స్టాలో పోస్ట్‌ చేసిందీ ముద్దుగుమ్మ. ఈ ఫొటోల్లో జాన్వీ వైట్‌ డ్రస్‌లో అచ్చం ఏంజెల్‌లా కనిపిస్తోంది.

సాధారణమైన పార్టీలు, ఫంక్షన్లంటేనే ఓ రేంజ్‌లో రడీ అవుతారు మన సినీతారలు. మరి ఫ్యాషన్‌ అవార్డుల వేడుకంటే ఇంకెంత ప్రత్యేకంగా ముస్తాబవుతారో చెప్పక్కర్లేదు. తాజాగా వోగ్‌ ఇండియా పత్రిక, నైకా ఫ్యాషన్‌ స్టోర్‌ సంయుక్తంగా నిర్వహించిన ‘2019 ఫ్యాషన్‌ అవార్డుల ప్రదానోత్సవం’ ముంబై వేదికగా కన్నుల పండువగా జరిగింది. ఈ వేడుకకు హాజరైన సినీ తారలు ప్రత్యేకంగా డిజైన్‌ చేసిన డ్రస్సుల్లో రెడ్‌కార్పెట్‌పై హొయలొలికించారు. ఈ నేపథ్యంలో వోగ్‌ ఇండియా, నైకా ఫ్యాషన్‌ విడుదల చేసిన ‘ద పవర్‌ లిస్ట్‌ 2019’లో తమ ఫ్యాషనబుల్‌ లుక్స్‌తో స్థానం సంపాదించుకున్న వారెవరో మనమూ చూద్దాం..

సినిమాల పరంగా ఎంత బిజీగా ఉన్నప్పటికీ సోషల్‌ మీడియాను నిర్లక్ష్యం చేయని నటీమణుల్లో అందాల తార జాన్వీ కపూర్‌ ఒకరు. తన వృత్తిగత, వ్యక్తిగత విషయాలతో పాటు తను పాల్గొనే ఫొటోషూట్లకు సంబంధించిన ఫొటోలను కూడా ఎప్పటికప్పుడు అభిమానులతో పంచుకొంటుంటుంది జాన్వీ. ఈ క్రమంలో తన లేటెస్ట్‌ ఫొటోలను ఇన్‌స్టాలో షేర్‌ చేస్తూ ‘వైట్‌ సూట్‌ ధరించి జెట్‌ ల్యాగ్‌తో ఫైట్‌ చేస్తున్నా..!’ అని క్యాప్షన్‌ ఇచ్చిందీ బ్యూటీ.

రాశీ ఖన్నా, సాయి ధరమ్‌ తేజ్‌ జంటగా నటిస్తోన్న చిత్రం ‘ప్రతిరోజూ పండగే’. వీళ్లిద్దరు కలిసి గతంలో ‘సుప్రీమ్’ సినిమాలో కూడా నటించిన సంగతి తెలిసిందే. అందుకే వీళ్ల మధ్య మంచి సాన్నిహిత్యం ఉంది. నేడు రాశి పుట్టినరోజు. ఈ సందర్భంగా తేజ్‌ సోషల్‌ మీడియా ద్వారా తనకు బర్త్‌డే విషెస్‌ చెబుతూ తాము కలిసి దిగిన ఓ ఫొటోను పోస్ట్‌ చేశాడు. ఈ ఫొటోలో రాశి తేజ్‌ చేయిని పట్టుకొని ఉంది. తేజ్‌ ఈ ఫొటోను ట్విట్టర్‌లో పోస్ట్‌ చేస్తూ ‘హ్యాపీ బర్త్‌డే రాశీ ఖన్నాజీ..! ముందు చేయి తీయమ్మా.. మీ ఫ్యాన్స్‌ అరుస్తున్నారు నా మీద..! #హాత్‌నికాలో #చేయితీ’ అని సరదా క్యాప్షన్‌ను జత చేశాడు. ‘ప్రతిరోజూ పండగే’ సినిమా డిసెంబర్‌ 20న విడుదల కానుంది.

‘ధడక్‌’ విజయం తర్వాత జాన్వీ తన కెరీర్‌ను జాగ్రత్తగా ప్లాన్‌ చేసుకొంటోంది. ఈ క్రమంలో తను ప్రస్తుతం నటిస్తోన్న ‘ఘోస్ట్‌ స్టోరీస్‌’ చిత్రం డిజిటల్‌ ప్లాట్‌ఫాంలో విడుదల కానుంది. ఈ సినిమాకు సంబంధించిన ఓ ఆసక్తికరమైన అప్‌డేట్‌ను జాన్వీ తాజాగా సోషల్‌ మీడియా ద్వారా అభిమానులతో పంచుకొంది. ‘జోయా అక్తర్‌ దర్శకత్వంలో నేను నటిస్తోన్న ‘ఘోస్ట్‌ స్టోరీస్‌’ సినిమా ఈ న్యూ ఇయర్‌ సందర్భంగా జనవరి 1 మధ్యరాత్రి 12:00 గంటలకు నెట్‌ఫ్లిక్స్‌లో విడుదల కానుంది. కొత్త సంవత్సరానికి ఈ సినిమాతో ఆహ్వానం పలకండి’ అని రాసుకొచ్చింది జాన్వీ. తను ప్రస్తుతం ‘గుంజన్‌ సక్సేనా’, ‘దోస్తానా 2’ చిత్రాల్లో కూడా నటిస్తోంది.

చిత్ర పరిశ్రమలో అడుగుపెట్టి దాదాపు 16 ఏళ్లు దాటినప్పటికీ ఇంకా స్టార్‌ హీరోయిన్‌గా అభిమానుల చేత నీరాజనాలు అందుకొంటోన్న నటి నయనతార. ఎలాంటి బ్యాక్‌గ్రౌండ్‌ లేకుండా పరిశ్రమకు వచ్చి సూపర్‌ స్టార్‌గా ఎదిగిన తారల్లో నయన్‌ కూడా ఒకరు. 2003లో ‘మనస్సినక్కరే’ అనే మలయాళ చిత్రంతో వెండితెరకు పరిచయమైన ఈ బ్యూటీ.. తెలుగు, తమిళ, మలయాళ భాషల్లో అనేక చిత్రాల్లో నటించింది. సినిమాల్లోకి రాక ముందు నయనతార ఓ మలయాళ టీవీ ఛానల్‌లో యాంకర్‌గా పనిచేసేది. తను యాంకర్‌గా వ్యవహరించిన అప్పటి కార్యక్రమానికి సంబంధించిన ఓ వీడియో ప్రస్తుతం సోషల్‌ మీడియాలో చక్కర్లు కొడుతోంది. ఈ వీడియోలో నయన్‌ను గుర్తుపట్టడం చాలా కష్టమే..! 13 సెకన్ల నిడివి ఉన్న ఈ వీడియోలో నయన్‌ తన పేరు డయానా అని చెప్పడం గమనార్హం. అవును.. ఈ తళుకు తార అసలు పేరు డయానా మరియం కురియన్‌. ఈ వీడియో చూసిన నెటిజన్లు ‘టీవీ యాంకర్‌గా పని చేసే స్థాయి నుంచి లేడీ సూపర్‌ స్టార్‌గా ఎదిగిన నయన్‌ జీవితం ఎందరికో ఆదర్శం’ అంటూ తెగ కామెంట్లు పెడుతున్నారు.