హలో డాక్టర్‌.. నా వయసు 24. నాకు హైపోథైరాయిడిజం సమస్య ఉంది. తొలుత 100 ఎంసీజీ ట్యాబ్లెట్స్‌ వాడాను. ఆ తర్వాత డాక్టర్‌ పరీక్షించి 25 ఎంసీజీ వాడమని సలహా ఇచ్చారు. ఇప్పుడు మళ్లీ టెస్ట్‌ చేసి ఇక వాడాల్సిన అవసరం లేదంటున్నారు. కానీ నేను 25 ఎంసీజీ ట్యాబ్లెట్స్‌ కొనసాగిస్తున్నాను. థైరాయిడ్‌ అనేది దీర్ఘకాలిక సమస్య అయినప్పుడు ట్యాబ్లెట్స్‌ మధ్యలో మానేసినా సమస్యేమీ ఉండదా? పైగా నేను చాలా తక్కువ బరువుంటాను. ప్రస్తుతం 35 కిలోలున్నా. నేను బరువు పెరగాలంటే ఏం చేయాలి? సలహా ఇవ్వగలరు. - ఓ సోదరి

హలో డాక్టర్‌. నా బరువు 40 కిలోలు. నాకు పెళ్లై మూడేళ్లయింది. నాకు హైపోథైరాయిడిజం ఉంది. ప్రస్తుతం 50 ఎంసీజీ ట్యాబ్లెట్స్‌ వాడుతున్నా. ఇది తప్పించి నాలో, మా వారిలో ఎలాంటి సమస్యలూ లేవు. అయినా నేను తల్లిని కాలేకపోతున్నా. ఏదైనా పరిష్కారముంటే చెప్పండి. - ఓ సోదరి

హార్మోన్ల అసమతౌల్యత.. ప్రస్తుతం చాలామంది మహిళలు ఎదుర్కొంటున్న సమస్య ఇది. అతిగా బరువు పెరగడం, నిద్ర పట్టకపోవడం, బద్ధకంగా అనిపించడం, రుతు సంబంధిత సమస్యలు.. మొదలైనవన్నీ హార్మోన్ల అసమతౌల్యతకు కారణాలు కావచ్చు. అయితే శరీరంలో వివిధ రకాల హార్మోన్లన్నీ సవ్యంగా విడుదలైనప్పుడే ఆరోగ్యంగా ఉండగలుగుతాం. మరి ఇందుకోసం నిపుణులు సూచించే కొన్ని సలహాలేంటో తెలుసుకుందాం రండి..

హలో అండీ.. నిన్న షాపింగ్‌కి వెళ్లినప్పుడు నా ఫ్రెండ్స్ సునీత, శ్రావణి, భవాని కనిపించారు. ఎంత ఆనందమేసిందో వాళ్లను చూసి..! మేం కలిసి దాదాపు ఆరు నెలలకు పైగానే అయింది. అయితే అప్పటికీ, ఇప్పటికీ వాళ్లలో చాలా మార్పు. ముగ్గురూ చాలా లావయ్యారు. ఆ తర్వాత మాటల్లో తెలిసింది.. వాళ్ల ముగ్గురికీ థైరాయిడ్ సమస్య ఉందని. నిజమేనండీ.. ఇటీవలి కాలంలో మహిళల్లో ఎక్కువగా కనిపిస్తున్న సమస్య థైరాయిడ్. పిరియడ్స్ రెగ్యులర్‌గా రాకపోవడం, బరువు పెరగడం, ఇతర అనారోగ్యాలు.. ఇలా ఒక్కటేమిటి థైరాయిడ్‌తో వచ్చే అనారోగ్యాలు అనేకం. ‘జాతీయ థైరాయిడ్‌ అవగాహన మాసం’ సందర్భంగా అసలీ థైరాయిడ్ ఎందుకొస్తుంది? దీన్ని అదుపులో ఉంచుకోవడం ఎలా? వంటి ప్రశ్నలన్నింటికీ నిపుణులు చెబుతోన్న సమాధానాలు ఏంటో తెలుసుకుందామా?

పెళ్లయిన ప్రతి మహిళా అమ్మతనం కోసం ఆరాటపడుతుంది.. ఎప్పుడెప్పుడు తల్లినవుతానా అని తపిస్తుంది. ఐర్లాండ్‌లోని డబ్లిన్‌కు చెందిన ఓ మహిళ కూడా అమ్మతనం కోసం ఎంతగానో పరితపించింది.. ఎన్నో ఆస్పత్రులు తిరిగింది.. ఎందరో డాక్టర్లను కలిసింది. అయినా తన కల నెరవేరకపోయేసరికి తల్లడిల్లింది. ఆఖరి ప్రయత్నంగా ఐవీఎఫ్‌ చికిత్స కూడా తీసుకుంది. అక్కడా ఆమెకు నిరాశే ఎదురైంది. ‘ఇక ఈ జీవితంలో నాకు అమ్మయ్యే యోగం లేదేమో’ అనుకుంటోన్న తరుణంలోనే దేవుడు వరమిచ్చినట్లు సహజంగానే గర్భం ధరించిందామె. పండంటి కూతురు పుట్టడంతో పట్టరానంత సంతోషంలో మునిగిపోయింది. ప్రస్తుతం తన కూతురితో, భర్తతో సంతోషంగా జీవిస్తోన్న ఆమె.. తనలాంటి వారి గురించి నాకెందుకులే అనుకోలేదు. అమ్మయ్యే క్రమంలో తనకు ఎదురైన సమస్యలు, సవాళ్లను నలుగురితో పంచుకోవాలనుకుంది.. తద్వారా అమ్మతనం కోసం ఆరాటపడుతోన్న మహిళల్లో స్ఫూర్తి నింపాలనుకుంది. ఇందుకోసం ఆన్‌లైన్‌ వేదికగా.. మహిళలకు ఉపయోగపడే ఎన్నో చిట్కాలను అందిస్తోన్న ఆమె అమ్మయ్యే క్రమంలో తనకెదురైన అనుభవాలను, సవాళ్లను ఇలా పంచుకుంది.