తీసుకునే ఆహారం విషయంలో మనమే మన కోరికల్ని కంట్రోల్‌ చేసుకోలేం. అలాంటిది పిల్లలెలా వింటారు. చలికాలమైనా ఐస్‌క్రీమ్‌ కావాలని, అనారోగ్యమని తెలిసినా పిజ్జా, బర్గర్లు తింటామని మారాం చేస్తుంటారు. ఇక ఈ క్రమంలో పిల్లల్ని నియంత్రించడం, ఆరోగ్యకరమైన ఆహారపుటలవాల్లను పిల్లలకు అలవాటు చేయడం తల్లులకు కత్తి మీద సామే! అయితే చిన్నారులకు ఒక్కో ఆహార పదార్థం అలవాటు చేసే క్రమంలోనే హెల్దీ ఆప్షన్స్‌ ఎంచుకోవాలని, ఈ క్రమంలో మన పూర్వీకులు పాటించిన ఆరోగ్యకరమైన ఆహారపుటలవాట్లను వారికి అలవర్చాలని చెబుతోంది బాలీవుడ్‌ హ్యాండ్‌సమ్‌ హీరో షాహిద్‌ కపూర్‌ సతీమణి మీరా రాజ్‌పుత్‌. ఇలా పిల్లలకు పసి వయసు నుంచే ఆరోగ్యకరమైన ఆహారం అందిస్తే.. పెద్దయ్యాక కూడా వారు అవే అలవాట్లను కొనసాగించే అవకాశం ఉందని, తద్వారా తల్లులకు తమ పిల్లల ఆరోగ్యం విషయంలో ఎలాంటి దిగులూ ఉండదని అంటోంది. తానూ తన ఇద్దరు చిన్నారుల విషయంలో ఇవే చిట్కాలు పాటిస్తున్నానంటూ.. పిల్లలకు అందించే ఆహారం గురించి ఇటీవలే ఓ ఇంటర్వ్యూలో బోలెడన్ని విషయాలు పంచుకుందీ లవ్లీ మామ్.

కనికరం లేని కరోనా ఇప్పట్లో ప్రపంచాన్ని వీడేలా కనిపించడం లేదు. పేద-ధనిక, ఆడ-మగ, చిన్నా-పెద్దా... ఈ తేడాలేవీ లేకుండా అందరినీ కబళిస్తోందీ మహమ్మారి. నిరంతరం అప్రమత్తంగా ఉంటూ ఎన్ని జాగ్రత్తలు తీసుకున్నా సరే...

తనకు కాబోయే జీవిత భాగస్వామి గురించి అమ్మాయిల ఆలోచనలన్నీ ఒకేరకంగా ఉండవ్.. కాబోయేవాడు ఆరడుగులుండి.. ఆరు పలకల దేహదారుఢ్యమైతే తనకు పర్‌ఫెక్ట్ జోడీ అని కొంతమంది అనుకుంటే; మనసుకు నచ్చాలే కానీ ప్రాణమిచ్చేంత ప్రేమ కురిపిస్తా.. అనుకుంటారు మరికొందరు. ఇలా మొత్తానికి కాబోయే వాడు ఓ సినిమా హీరోలా ఉండాలని కలలు కనడం సహజం. అందరూ ఇలాగే ఆలోచిస్తారని కాకపోయినా ఎంతో కొంత ఇలా ఆలోచించే వాళ్ళూ ఉండకపోరు..

కెరీర్‌ పరంగా ఎన్నో విజయాలు సాధించిన వారిద్దరూ ఓ పెళ్లి వేడుకలో మొదటిసారిగా కలుసుకున్నారు. దాంపత్య జీవితానికి సంబంధించి గతంలో వారిద్దరికీ చేదు అనుభవాలే ఎదురుకావడంతో ఆ కొత్త పరిచయం వారికో కొత్త అనుభూతినిచ్చింది. ఒకరి మనసులోకి మరొకరు చొచ్చుకుపోయేలా చేసింది. వారి వైవాహిక జీవితాలు మిగిల్చిన చేదు అనుభవాలను మరిచిపోయేలా చేసింది. ఇక పెళ్లితో తమ అనుబంధాన్ని మరింత శాశ్వతం చేసుకోవాలనుకున్న ఆ జంట మరో ముందడుగేసింది. వారే స్టార్‌ షట్లర్‌ గుత్తా జ్వాల- తమిళ హీరో విష్ణు విశాల్‌. రెండేళ్ల నుంచి రిలేషన్‌షిప్‌లో ఉన్న ఈ అందాల జంట తాజాగా ఉంగరాలు మార్చుకుంది. ఈ సందర్భంగా త్వరలో కొత్త జీవితం ప్రారంభించనున్న ఈ జోడీకి పలువురు ప్రముఖులతో పాటు నెటిజన్లు అభినందనలు చెబుతున్నారు.

‘మ్యారేజెస్‌ ఆర్‌ మేడ్‌ ఇన్‌ హెవెన్’... పెళ్లిళ్లు స్వర్గంలోనే నిశ్చయమవుతాయంటారు. కానీ కలకాలం కలిసుండి ఆ బంధాన్ని మరింత పదిలంగా, శాశ్వతంగా మార్చుకోవాల్సిన బాధ్యత మాత్రం దంపతుల చేతుల్లోనే ఉంటుంది. అయితే ప్రస్తుత కాలంలో కొందరు దంపతుల సంసార నావ కొన్నేళ్ల పాటు సాఫీగానే సాగినా... ఆ తర్వాత పలు కారణాలతో మధ్యలోనే తమ బంధానికి ముగింపు పలుకుతున్నారు. పెళ్లిలో ఏడడుగులు నడిచినంత మాత్రాన జీవితాంతం కలిసి నడవలేమంటూ పరస్పర అంగీకారంతో విడిపోతున్నారు. ఇందులో సామాన్యులే కాదు సెలబ్రిటీ జంటలు కూడా ఉన్నాయి. అందుకు తాజా ఉదాహరణే టాలీవుడ్‌ సెలబ్రిటీ కపుల్‌ ఎస్తేర్‌-నోయెల్‌. గతేడాది ప్రారంభంలో పెళ్లి పీటలెక్కిన ఈ జంట తాజాగా వైవాహిక బంధానికి వీడ్కోలు పలికారు. ఈ సందర్భంగా తమకు అధికారికంగా విడాకులు మంజూరైనట్లు సోషల్‌ మీడియాలో పోస్టులు షేర్ చేశారీ మాజీ కపుల్.

కంటికి కనిపించని కరోనా ఎవ్వరినీ కనికరించడం లేదు. పేద-ధనిక, ఆడ-మగ, చిన్నా-పెద్దా... ఈ తేడాలేవీ లేవంటూ అందరినీ వణికిస్తోంది. అందుకే ఎన్ని జాగ్రత్తలు తీసుకున్నా సరే సామాన్యులతో పాటు వివిధ రంగాలకు చెందిన సెలబ్రిటీలు కూడా ఈ మహమ్మారి బాధితుల జాబితాలో చేరిపోతున్నారు. తాజాగా సినీ నటి, మహారాష్ట్రలోని అమరావతి పార్లమెంట్‌ సభ్యురాలు నవనీత్‌ కౌర్‌ కరోనా వైరస్‌ బారిన పడ్డారు. ఈ సందర్భంగా ఆమెతో పాటు భర్త, పిల్లలు, ఇతర కుటుంబ సభ్యులకు కరోనా సోకినట్లు సోషల్‌ మీడియా వేదికగా వెల్లడించారామె.

టాలీవుడ్‌లో మొన్నటి వరకు ‘ది మోస్ట్ ఎలిజిబుల్ బ్యాచ్‌లర్’ గా ఉన్న హీరో నితిన్ పెళ్లి డేట్ ఎట్టకేలకు ఫిక్స్ అయిందని వినికిడి. ఏప్రిల్‌లోనే వీరి పెళ్లి జరగాల్సి ఉన్నా కరోనా కారణంగా వాయిదా పడిన సంగతి తెలిసిందే. ఇప్పుడు తాజాగా పెళ్లి తేదీ బయటకు రావడంతో గత కొన్ని రోజులుగా తన స్నేహితురాలు షాలినితో ప్రేమలో ఉన్న నితిన్ త్వరలోనే ఓ ఇంటి వాడు కాబోతున్నాడని అభిమానులు సంతోషం వ్యక్తం చేస్తున్నారు.

బాలీవుడ్ నటుడు సుశాంత్ సింగ్ రాజ్పుత్ ఆత్మహత్య చేసుకుని అర్థాంతరంగా తనువు చాలించాడు. బిహార్ రాజధాని పాట్నాలో జన్మించిన సుశాంత్.. AIEEEలో 7వ ర్యాంక్ సాధించినా నటనపై ఉన్న మక్కువతో ఇంజినీరింగ్ చివరిలో వదిలేసి సినిమా రంగంలోకి ప్రవేశించారు. ఎన్నో డక్కాముక్కీలు తిన్న సుశాంత్ అనతికాలంలోనే స్టార్గా ఎదిగాడు. టీమిండియా స్టార్ క్రికెటర్ ధోనీ జీవితకథ ఆధారంగా తెరకెక్కిన ‘ఎమ్.ఎస్.ధోని: ది అన్టోల్డ్ స్టోరీ’లో ప్రధాన పాత్ర పోషించి దేశవ్యాప్తంగా ప్రేక్షకాదారణను సొంతం చేసుకున్నాడు. ఎంతో చక్కటి భవిష్యత్తు ఉన్న ఈ హీరో 34 ఏళ్ల వయసులోనే తనువు చాలించడంతో సినీలోకం ఒక్కసారిగా దిగ్భ్రాంతికి లోనైంది. పలువురు తారలు తమ సంతాపాన్ని తెలియజేశారు. మరికొంతమంది తారలు సుశాంత్తో దిగిన ఫొటోలను ఇన్స్టాగ్రామ్ వేదికగా అభిమానులతో పంచుకుని, అతనితో తమకున్న బాంధవ్యాన్ని తలచుకుని భావోద్వేగానికి లోనయ్యారు.

‘కాటుకెట్టిన కళ్లను చూస్తే, కైటు లాగా ఎగిరెను మనసే’...‘ఎక్స్‌ప్రెస్‌ రాజా’ సినిమాలో శర్వానంద్‌ అన్నట్లు చూడగానే కళ్లు తిప్పుకోలేని అందం సురభి సొంతం. ‘ఇవన్‌ వెరమాతిరి’ అనే తమిళ సినిమాతో సిల్వర్‌ స్ర్కీన్‌పై ఎంట్రీ ఇచ్చిన ఈ దిల్లీ భామ ‘బీరువా’, ‘జెంటిల్‌ మన్‌’, ‘ఒక్కక్షణం’, ‘అటాక్‌’, ‘ఓటర్’ చిత్రాలతో తెలుగు ప్రేక్షకులను అలరించింది. తమిళ సినిమాల్లోనూ సందడి చేసి అక్కడి ప్రేక్షకులను కూడా ఆకట్టుకుంది. సినిమాల్లో ఎక్కువగా అమాయకపు పాత్రల్లో కనిపించే ఈ సొగసరి సోషల్ మీడియాలోనూ చురుగ్గా ఉంటుంది. ఎప్పటికప్పుడు తన లేటెస్ట్‌ ఫొటోలు, సినిమాలకు సంబంధించిన విషయాలను అభిమానులతో షేర్‌ చేసుకుంటుంది. నేడు (జూన్‌ 5) సురభి పుట్టిన రోజు. ఈ సందర్భంగా ఈ ముద్దుగుమ్మ ఇన్‌స్టాగ్రామ్‌లో పోస్ట్‌ చేసిన కొన్ని ఫొటోలు..వాటికి తను రాసుకొచ్చిన ఆసక్తికరమైన క్యాప్షన్లపై ఓ లుక్కేద్దాం రండి..!

‘ఏం సందేహం లేదు.. ఆ అందాల నవ్వే ఈ సందళ్లు తెచ్చింది.. ఏం సందేహం లేదు.. ఆ కందేటి సిగ్గే ఈ తొందర్లు ఇచ్చింది.. ఏం సందేహం లేదు.. ఆ గంధాల గొంతే ఆనందాలు పెంచింది..!’ ఈ పాట వింటే మన కళ్ల ముందు కదలాడే అందం.. రాశీ ఖన్నా..! ‘మద్రాస్‌ కేఫ్‌’ సినిమాతో వెండితెరకు పరిచయమైన ఈ భామ.. ‘ఊహలు గుసగుసలాడే’, ‘సుప్రీమ్‌’, ‘జై లవకుశ’, ‘తొలిప్రేమ’, ‘వెంకీ మామ’, ‘ప్రతిరోజూ పండగే’.. తదితర సినిమాలతో తెలుగు ప్రేక్షకులకు చేరువైంది. రాశి ప్రస్తుతం తెలుగు, తమిళ సినీ పరిశ్రమల్లో వరుస అవకాశాలతో బిజీగా ఉంది. అయితే కరోనా లాక్‌డౌన్‌ కారణంగా గత కొన్ని రోజులుగా ఇంటికే పరిమితమైన ఈ భామ.. సోషల్‌ మీడియా ద్వారా అభిమానులకు టచ్‌లో ఉంటోంది. ఈ నేపథ్యంలో రాశి ఇటీవల ట్విట్టర్‌ వేదికగా తన ఫ్యాన్స్‌తో ముచ్చటించింది. అభిమానులు అడిగిన పలు ఆసక్తికర ప్రశ్నలకు చురుగ్గా సమాధానాలిచ్చింది మన ‘బెల్లం శ్రీదేవి’.

చైనాలో పురుడుపోసుకున్న కరోనా స్పెయిన్‌ పాలిట శాపంగా మారింది. కరోనా వైరస్‌ ప్రభావం అధికంగా ఉన్న దేశాల్లో స్పెయిన్‌ కూడా ఒకటి. ఈ మహమ్మారి కారణంగా ఇప్పటికే ఆ దేశంలో సుమారు 18 వేల మంది మృత్యువాతపడ్డారు. అంతేకాదు.. కరోనా పాజిటివ్‌ కేసులకు సంబంధించి అగ్రరాజ్యం అమెరికా తరువాతి స్థానం స్పెయిన్‌దే కావడం గమనార్హం. నేటికీ అక్కడ వందల సంఖ్యలో ప్రజలు ప్రాణాలొదులుతుండగా, వేల సంఖ్యలో పాజిటివ్‌ కేసులు నమోదవుతున్నాయి. కరోనా కట్టడి కోసం అక్కడి ప్రభుత్వం దేశమంతా లాక్‌డౌన్‌ విధించడంతో అక్కడి సామాన్య ప్రజలు బిక్కుబిక్కుమంటూ గడుపుతున్నారు. ఈక్రమంలో కొద్ది రోజులుగా అక్కడే ఉంటున్న ప్రముఖ హీరోయిన్‌ శ్రియా సరణ్‌ కూడా అలాంటి పరిస్థితినే ఎదుర్కొంటోంది. ప్రస్తుతం బార్సిలోనాలో తన భర్త ఆండ్రీ కొశ్చీవ్‌తో కలిసి స్వీయ నిర్బంధంలో ఉంటోందీ ముద్దుగుమ్మ. ఈక్రమంలో తన భర్తకు కూడా కరోనా లక్షణాలున్నాయని వెల్లడించిన ఆమె.. అతడి ఆరోగ్య పరిస్థితిని ఓ ఆంగ్ల మీడియాకు వివరించింది.

కరోనా లాక్‌డౌన్‌తో నిత్యం ఉరుకులు పరుగులతో బిజీగా గడిపే మానవజాతికి చిన్న విరామం దొరికింది. అత్యవసర విభాగాలకు చెందిన ఉద్యోగులను మినహాయిస్తే.. దేశ ప్రధానుల దగ్గర నుంచి సాధారణ కూలీ వరకు అంతా ఇళ్లకే పరిమితమవుతున్నారు. ముఖ్యంగా వృత్తిగతంగా క్షణం కూడా తీరిక దొరకని సినిమా తారలకు ఇదొక అరుదైన అవకాశమనే చెప్పాలి. అందుకే ఈ సమయాన్ని కుటుంబ సభ్యులతో గడిపేందుకు, తమ మనసుకు నచ్చిన పనులు చేసేందుకు వినియోగిస్తున్నారు. అంతేకాదు, తమ వ్యక్తిగత పనులతో పాటు ఇంటి పనులు సైతం తామే స్వయంగా పూర్తి చేసుకుంటున్నారు. మరి ఈ క్వారంటైన్‌ సమయంలో కొంతమంది తారలు ఏం చేస్తున్నారో మీరే చూడండి.

‘శుభలేఖ రాసుకున్నా ఎదలో ఎపుడో’ అంటూ ‘నాయక్‌’ సినిమాలో రామ్‌చరణ్‌తో కలిసి పెళ్లిపాట పాడుకున్న అమలాపాల్‌ నిజ జీవితంలోనూ మరోసారి పెళ్లి పీటలెక్కింది. ముంబయికి చెందిన సింగర్‌ భవిందర్‌ సింగ్‌తో కలిసి ఆమె ఏడడుగులు నడిచింది. ఆమె రెండో పెళ్లికి సంబంధించిన ఫొటోలు ప్రస్తుతం సోషల్‌ మీడియాలో వైరల్‌గా మారాయి. ఈక్రమంలో పలువురు నెటిజన్లు ఆమెకు శుభాకాంక్షలు తెలుపుతూ ఆమె ఫొటోలను షేర్‌ చేస్తున్నారు.

‘ఈ ప్రపంచంలో దేన్నయినా పుట్టించే శక్తి ఇద్దరికే ఉంది. ఒకటి నేలకి, రెండు వాళ్లకి’ అంటూ ఇటీవల వచ్చిన ఓ సినిమాలో మహిళలను భూదేవితో పోల్చారు. అది రీల్‌ డైలాగ్‌ అయినా రియాలిటీలోనూ భూదేవిని మించిన ఓర్పు ఆడవాళ్లకు ఉంటుందనేది అక్షరాలా సత్యం. అలా త్యాగానికి, శక్తికి, సహనానికి నిలువెత్తు నిదర్శనంగా నిలిచే నారీ శక్తిని ప్రపంచానికి చాటి చెప్పేదే ‘అంతర్జాతీయ మహిళా దినోత్సవం’. ఇలా మానవాళి మనుగడకు కారణమైన స్ర్తీ గొప్పతనాన్ని వివరిస్తూ వివిధ రంగాలకు చెందిన సెలబ్రిటీలు సోషల్‌ మీడియా వేదికగా మహిళలకు శుభాకాంక్షలు తెలియజేస్తున్నారు. అదేవిధంగా వారి ఉన్నతికి కారణమై, ఆదర్శంగా నిలిచిన ఆడవాళ్లకు కృతజ్ఞతలు చెబుతున్నారు. మాధురీ దీక్షిత్‌

‘చూసీ చూడంగానే నచ్చేశావే.. అడిగీ అడగకుండా వచ్చేశావే..’, ‘హీ ఈజ్‌ సో క్యూట్‌.. హీ ఈజ్‌ సో స్వీట్‌..’ ఒక వ్యక్తిని చూడగానే మనలో కలిగే ఓ అందమైన ఫీలింగ్‌ని ఇలా పాట రూపంలో వ్యక్తీకరిస్తాం. అలాంటి మధురమైన భావన పేరే ప్రేమ. తమకూ ఇలాంటి ఫస్ట్ క్రష్ ఫీలింగ్స్ ఉన్నాయంటున్నారు కొందరు ముద్దుగుమ్మలు. ఈ క్రమంలో ఒకరేమో క్రికెటర్‌ని చూసి ప్రేమలో పడితే, మరొకరు హ్యాండ్‌సమ్ హీరో ఫిజిక్‌కు ఫిదా అయిపోయారు. ఇంకొకరేమో పక్కింటి అబ్బాయిని చూసి మనసు పారేసుకున్నానని చెబుతున్నారు. మరి, ఇలా తమ తొలి ప్రేమానుభవాల్లో తేలియాడుతూ మన అందాల తారలు పంచుకున్న ఆ ఫస్ట్ క్రష్ విశేషాలేంటో ఈ ‘వేలంటైన్స్ డే’ సందర్భంగా మీకోసం..

యావత్‌ ప్రపంచ సినీ అభిమానులు ఎప్పుడెప్పుడా అని ఎదురు చూసిన అతిపెద్ద సినిమా పండగ ‘ఆస్కార్‌’ అవార్డుల ప్రదానోత్సవం అంగరంగ వైభవంగా ముగిసింది. ఫిబ్రవరి 9న లాస్‌ ఏంజెల్స్‌ వేదికగా జరిగిన ఈ కార్యక్రమంలో దిగ్గజ సినీ తారలు, మూవీ టెక్నీషియన్లు పాల్గొని అవార్డులు అందుకున్నారు. మరికొందరు తారలు తమదైన ఫ్యాషన్లతో రెడ్‌కార్పెట్‌పై తళుక్కున మెరిశారు. మరి, ఈ 92వ ఆస్కార్‌ వేడుకల్లో ఎవరెవరు ఏయే అవార్డులతో మురిశారు? రండి.. తెలుసుకుందాం..

‘హలో’ చిత్రంతో వెండితెరకు పరిచయమైన నటి కళ్యాణీ ప్రియదర్శన్‌. ప్రముఖ నిర్మాత, రచయిత, దర్శకుడు ప్రియదర్శన్‌ గారాల పట్టి కళ్యాణి.. 2013లో బాలీవుడ్‌ చిత్రం ‘క్రిష్‌ 3’తో అసిస్టెంట్‌ ప్రొడక్షన్‌ డిజైనర్‌గా ఇండస్ట్రీకి ఎంట్రీ ఇచ్చింది. ఇక తల్లి లీసా, తండ్రి ప్రియదర్శన్‌ ఇద్దరూ సినిమా రంగానికి చెందిన వారు కావడంతో కళ్యాణిపై చిన్ననాటి నుంచి సినిమాల ప్రభావం కాస్త ఎక్కువేనని చెప్పాలి. ఈ క్రమంలోనే న్యూయార్క్‌లో చదువు పూర్తి చేసుకుని తిరిగి రాగానే పుదుచ్చేరిలోని ‘ఆదిశక్తి థియేటర్‌ యాక్టింగ్‌ వర్క్‌షాప్‌’లో చేరింది కళ్యాణి. 2016లో వచ్చిన తమిళ చిత్రం ‘ఇరు ముగన్‌’ (తెలుగులో ‘ఇంకొక్కడు’)సినిమాకు అసిస్టెంట్‌ డైరెక్టర్‌గా పనిచేసిన ఈ బ్యూటీ.. తెలుగులో అఖిల్‌ హీరోగా తెరకెక్కిన ‘హలో’ సినిమాతో తొలిసారి హీరోయిన్‌గా వెండితెరకు పరిచయమైంది. ఈ సినిమాలో తన క్యూట్‌ నటనతో ప్రేక్షకులను ఆకట్టుకున్న ఈ భామ ‘ఉత్తమ నటి (తొలి పరిచయం)’గా ఫిలింఫేర్‌ అవార్డును కూడా అందుకోవడం విశేషం. సోషల్‌ మీడియాలో యాక్టివ్‌గా ఉండే ఈ ముద్దుగుమ్మ తన లేటెస్ట్‌ ఫొటోలను ఎప్పటికప్పుడు అందులో షేర్‌ చేస్తూ అభిమానులను తరచూ పలకరిస్తుంటుంది. ఈ క్రమంలో తాజాగా ఇన్‌స్టాగ్రామ్‌ వేదికగా అభిమానులు అడిగిన పలు ఆస్తకికర ప్రశ్నలకు ఎంతో ఓపికగా సమాధానాలిచ్చిందీ అందాల తార. మరి అభిమానుల ప్రశ్నలకు ఈ ‘హలో’ భామ ఇచ్చిన సమాధానాలేంటో మీరే చూడండి.

ఎటువంటి సమస్యకైనా మౌనం సమాధానం కాకూడదు. ముఖ్యంగా మగవారి నుంచి ఆడవారికి ఎదురయ్యే సమస్యలకు మౌనంగా రోదిస్తూ బాధను భరించకూడదు. బయటకొచ్చి గళమెత్తితేనే సమస్యకు పరిష్కారం దొరుకుతుంది. సాటి స్త్రీకి ఆ సమస్య రాకుండా ఉంటుంది. ఇది అక్షర సత్యం అని నిరూపించింది ‘మీటూ’ ఉద్యమం.

అతిలోకసుందరి శ్రీదేవి నట వారసురాలిగా వెండితెరకు పరిచయమైన అందాల తార జాన్వీ కపూర్‌. తన మొదటి చిత్రం ‘ధడక్‌’ సినిమాతోనే విమర్శకుల ప్రశంసలు అందుకొని.. అందంతో పాటు నటన కూడా తన డీఎన్‌ఏలోనే ఉందని నిరూపించుకొందీ బ్యూటీ. వరుస సినిమాలతో బిజీగా ఉన్నా జాన్వీ సోషల్‌ మీడియా ద్వారా తన అభిమానులకు టచ్‌లో ఉంటుంది. తన లేటెస్ట్‌ సినిమా అప్‌డేట్స్‌తో పాటు తన వ్యక్తిగత జీవితానికి సంబంధించిన విశేషాలను కూడా ఎప్పటికప్పుడు అందులో పోస్ట్‌ చేస్తుంటుందీ తార. ఈ క్రమంలో జాన్వీ ఇన్‌స్టాలో షేర్‌ చేసిన కొన్ని ఆసక్తికర పోస్టులు మీకోసం..!