మానసికంగా ఎంతో దృఢంగా ఉండే మహిళలు మగవారితో ఏ విషయంలోనూ తీసిపోరు. కొన్ని రంగాల్లో అయితే పురుషుల కంటే స్త్రీలే మెరుగ్గా రాణిస్తున్నారు. ఉన్నత అవకాశాలను అందిపుచ్చుకుంటున్నారు. కానీ శారీరక బలం విషయంలో మగవారి కంటే స్త్రీలు ఇంకా బలహీనులనే భావన చాలామందిలో ఉంది. అయితే ఇందులో ఏ మాత్రం నిజం లేదని ఇప్పటికే చాలాసార్లు నిరూపితమైంది. ఈ క్రమంలో మహిళల శక్తి సామర్థ్యాలను మరోసారి ప్రపంచానికి చాటి చెప్పేలా నేపాల్‌లో వినూత్నమైన పరుగు పోటీలను నిర్వహించారు.

ప్రస్తుతం చాలా రంగాల్లో పురుషాధిక్య ప్రపంచమే మహిళలకు స్వాగతం పలుకుతోంది. మహిళలు అన్ని రంగాల్లో పురుషులతో సమానంగా రాణిస్తోన్నా, ఉద్యోగాల్లో ఉన్నత పదవుల్ని అధిరోహిస్తున్నప్పటికీ జీతభత్యాలు, అవకాశాలు.. వంటి విషయాల్లో నేటికీ మహిళలు సమానత్వం సాధించలేకపోతున్నారు. మరి, పని ప్రదేశంలో నెలకొన్న ఇలాంటి పురుషాధిక్య ధోరణి నుంచి స్త్రీలు బయటపడి పురుషుల కంటే సమర్థంగా రాణించడం అసాధ్యమేనా? అంటే కాదంటున్నారు కార్పొరేట్ నిపుణులు. పనిచేసే చోట కొన్ని అంశాల్ని దృష్టిలో పెట్టుకొని ముందుకు సాగితే పురుషాధిక్య రంగాల్లోనూ స్త్రీలు అద్భుతంగా రాణిస్తారని వారు సూచిస్తున్నారు. ఈ 'అంతర్జాతీయ మహిళా దినోత్సవం' సందర్భంగా ఆ అంశాలేంటో తెలుసుకుందాం రండి...

సమాజంలో నిత్యం స్త్రీలపై జరుగుతున్న అఘాయిత్యాలకు మూల కారణం స్త్రీనే అన్న ప్రచారం ఎప్పటి నుంచో జరుగుతోంది. ఇందులో భాగంగానే చాలామంది తల్లిదండ్రులు కూడా అత్యాచారాల విషయంలో అమ్మాయిలతోనే ఎక్కువగా మాట్లాడుతున్నారట ! కానీ అబ్బాయిలకు అమ్మాయిలతో ఎలా నడుచుకోవాలో తెలపడం లేదట. అందుకే చాలామంది అబ్బాయిలు రేప్‌ కల్చర్‌లో భాగమవుతున్నారు. రేప్‌ కల్చర్‌ అంటే భౌతిక దాడి మాత్రమే కాదు. తమ పరుష పదజాలంతో మహిళల మనోభావాలు దెబ్బతీయడం, డేటింగ్‌లో ఎమోషనల్‌ బ్లాక్‌ మెయిలింగ్‌ చేయడం వంటివి కూడా రేప్‌లో భాగమే. అటు విద్యలోనూ ఇటు ఆర్థికంగానూ అగ్రగామి అనిపించుకున్న అమెరికాలో సైతం ప్రతి ముగ్గురు స్త్రీలలో ఒకరు ఇలా రేప్‌కు గురవుతున్నారంటే నేటి సమాజంలో ఆడవారి పరిస్థితి ఏ రకంగా ఉందో అర్థం చేసుకోవచ్చు. ఇక భారత్‌లో అయితే ఏటా పాతిక వేలకు పైగానే రేప్‌ కేసులు నమోదవుతుండగా అనధికారికంగా ఎందరో అమ్మాయిలు అత్యాచారానికి గురవుతున్నారు. మరి ఇటువంటి దారుణ పరిస్థితులకు కారణం ఎక్కడుంది ? అసలు ఈ రేప్‌ కల్చర్‌ని అంతమొందించడం ఎలా ? తెలుసుకుందాం రండి !

పురుషాధిక్యమనే భావన ఇంటినుంచే మొదలవుతుందంటారు. ఇప్పటికీ చాలా కుటుంబాల్లో కుమారులకిచ్చిన విలువ కూతుళ్లకు ఇవ్వరు. ఇక వారసత్వం అనేది కుమారులకు మాత్రమే సొంతమనే భావన చాలామందిలో ఉంటుంది. అందుకే తమ వ్యాపార సంస్థలు, దుకాణాలకు తమ సోదరుల, కుమారుల పేర్లు (అండ్‌ సన్స్‌, అండ్‌ బ్రదర్స్‌) మొదలైనవి వచ్చేలా సైన్‌ బోర్డులు పెడుతుంటారు. ఈ పరిస్థితుల్లో పంజాబ్‌కు చెందిన ఓ మెడికల్‌ స్టోర్‌ యజమాని తన కూతురే తన వారసులని ఓ సైన్‌ బోర్డు పెట్టాడు. ఈ మేరకు ‘గుప్తా అండ్‌ డాటర్స్‌’ పేరుతో అతడు పెట్టిన సైన్‌ బోర్డు ప్రస్తుతం సోషల్‌ మీడియాలో ట్రెండింగ్‌గా నిలిచింది.

సమానత్వం అంటే స్వేచ్ఛ. అందరికీ అన్ని విషయాల్లో అనుకున్నది సానుకూలంగా చేయగలిగిన స్వేచ్ఛ. అయితే చాలామంది లింగ భేదం లేని సమాజం అంటే స్త్రీల హక్కుగా భావిస్తుంటారు. అనాదిగా పురుషాధిక్యం నీడలో స్త్రీల హక్కులు అణచివేయడం వల్ల స్త్రీలు పురుషులతో సమానంగా నడవాలనేది సమసమాజ ఉద్దేశంగా మారిపోయింది. అందుకే ఇప్పుడు ఈ సమసమాజ పోరాటం ‘హ్యూమన్‌ ఫైట్‌గా కాకుండా... ఫీమేల్‌ ఫైట్‌’ అయిపోయింది. వాస్తవానికి ఇది అందరి బాధ్యత. అందరూ కలిసి ఉద్యమిస్తేనే సమసమాజ స్థాపన సాధ్యపడుతుంది. లేదంటే ఇంకా వందేళ్లైనా ఈ లింగభేదం లేని సమాజం కష్టం. ఇలా అంటోంది ఎవరో కాదు ప్రపంచ ఆర్థిక వేదిక (వరల్డ్‌ ఎకనమిక్‌ ఫోరమ్‌) చేసిన సర్వేనే ! ప్రపంచవ్యాప్తంగా 99.5 సంవత్సరాలైతే కానీ లింగ సమానత్వం రాదట. అంతేకాదు, మన భారతదేశం లింగ సమానత్వంలో ఏడాదికేడాది దిగజారుతోందట. మన తరం, మన పిల్లల తరం, ఆ తర్వాతి తరానికి కూడా లింగ భేదం లేని సమాజం సాధ్యం కాకపోవచ్చు అంటోంది ! మరి అందుకు కారణం ఏంటో చూద్దాం పదండి !

కళాశాల అంటేనే చదువుల్లో, ఆటపాటల్లో ఒక విద్యార్థితో మరో విద్యార్థికి పోటీ ఉంటుంది. ఈక్రమంలో ఒకరిలో ఏమాత్రం లోటుపాట్లు కనిపించినా చాలామంది విద్యార్థుల చేత సదరు విద్యార్థి హేళనకు గురి కావాల్సి ఉంటుంది. ఇలా బుల్లీయింగ్‌కి గురై ఆత్మహత్య చేసుకున్న విద్యార్థులు చాలామందే ఉన్నారు. అటువంటిది అబ్బాయిలు హీరోల్లా ముస్తాబై వచ్చే కళాశాల ట్రెడిషన్‌ డేలో భాగంగా కావాలని చీర కట్టుకొచ్చారు ముగ్గురు యువకులు. తమకు చీరకట్టుకోవడం రాకపోయినా కళాశాల విద్యార్థిని సహాయం తీసుకొని మరీ చీరకట్టులో వేడుకకు హాజరయ్యారు. అధ్యాపకుల నుంచి విద్యార్థుల వరకు కళాశాలలో వారినలా చూసిన వారందరూ ఆశ్చర్యపోయారు. అయితే ఎవరూ కూడా వారిని హేళన చేయలేదు. అసలు విషయం తెలుసుకొని వారిని మెచ్చుకున్నారు. ఎందుకంటే...

అజ్ఞానానికి సంకేతం... అనర్థాలకు మూలం చీకటి. కంటికి వెలుగు కనబడకపోవడమే చీకటి కాదు. మస్తిష్కం విచక్షణా జ్ఞానాన్ని కోల్పోవడం కూడా చీకటే ! ఈ చీకటే ప్రపంచంలోని చాలా అనర్థాలకు... ముఖ్యంగా ఆడవారిపై జరిగే అఘాయిత్యాలకు కారణంగా నిలుస్తోంది. ఎన్నో ఏళ్లుగా దిశ వంటి ఎందరో స్త్రీల జీవితాలను ఈ చీకటి తన అజ్ఞానాంధకార గుప్పిట్లో బంధిస్తున్న విషయం మనందరికీ తెలిసిందే. ఇటీవల ఈ చీకటి మరింత వ్యాప్తి చెందుతుండడంతో సమాజంలోని బాహ్య చీకటిని, మనిషిలోని అంత: చీకటిని తొలగించేందుకు కంకణం కట్టుకున్నాయి కొన్ని ప్రభుత్వాలు. అందులో ముందుంటోంది దిల్లీ ప్రభుత్వం. ఇందుకు నిదర్శనమే దిల్లీ ముఖ్యమంత్రి కేజ్రీవాల్‌ బాలురతో చేయించిన ఈ ప్రతిజ్ఞ.

విద్య అంటే వికాసాన్ని పెంచేది. అందరూ సమానమనే సద్భావాన్ని ఏర్పరిచేది. అంతేకానీ అది మగవారి ఆస్తి కాదు. ఆడవారికి అనవసరమైంది కాదు. అనాదిగా ఆడవారు ఇంటి పనికే పరిమితం... మగవారే విద్యకు అర్హులన్న భావన ప్రతి దేశంలోనూ పాతుకుపోయింది. చాలా దేశాలు ఈ అంధ విశ్వాసాన్ని చాలావరకు చెరిపేస్తే పాకిస్థాన్‌ మహిళలు ఇప్పుడిప్పుడే సాధికారత బాట పడుతున్నారు. ఈక్రమంలోనే భావి తరాల్లో లింగ భేదం లేని సమాజం చూడాలంటే బాల్యంలోనే తమ పిల్లల్లో సమభావ బీజాలు నాటాలని మహిళలు నిర్ణయించుకున్నారు. అందుకు ఉదాహరణగా నిలుస్తూ పిల్లలకు తనదైన శైలిలో విద్యను నేర్పిస్తోంది పాకిస్థాన్‌లోని ఒక ఉపాధ్యాయురాలు. ఆమె ఆడపిల్లలకు చదువు చెప్పడంతో పాటు మగపిల్లలందరికీ అంట్లు తోమడం.. బట్టలు ఇస్త్రీ చేయడం నేర్పిస్తోంది. అదేంటి.. ? అనుకుంటున్నారా ? అయితే విషయంలోకి వెళ్లాల్సిందే !

మహిళా సాధికారత అనీ.. లింగ భేదం లేని సమాజం అనీ.. ప్రపంచం నేడు ముక్త కంఠంతో సమానత్వం కోసం గళమెత్తుతోంది. అయితే ఇప్పటికీ చాలా రంగాల్లో చాలామంది మహిళలు పురుషాధిక్య నీడలోనే రాజీపడి పని చేయాల్సి వస్తోంది. తరచూ ఎమోషనల్‌ బ్లాక్‌మెయిల్‌కి గురవుతూ లోలోన అయిష్టత ఉన్నా పైకి ఇష్టంగా ఉన్నట్లు కనిపిస్తున్నారు. ముఖ్యంగా వినోద రంగంలోని మహిళలు ఇలా నిత్యం నటించాల్సి వస్తోంది. ఇందుకు తాజా ఉదాహరణగా నిలిచింది హాలీవుడ్‌ తార ఎమిలియా క్లార్క్‌. ప్రముఖ టీవీ సిరీస్‌ ‘గేమ్‌ ఆఫ్‌ థ్రోన్స్‌’తో ప్రపంచ వ్యాప్తంగా ఫేమస్‌ అయిన ఈ తార ఇటీవలే ఈ సిరీస్‌ చిత్రీకరణ సమయంలో తాను రాజీపడి ఎదుర్కొన్న పరిస్థితుల గురించి తెలిపింది. ‘మీటూ’ అంటూ బయటకి కనిపించకుండా బాధపడిన వారిలో తాను కూడా ఉన్నానని చెప్పకనే చెప్పింది.