రెండో దశలో కరోనా ఊపిరితిత్తుల్నే టార్గెట్‌ చేస్తోంది. దీంతో రక్తంలో ఆక్సిజన్‌ స్థాయులు తగ్గిపోయి శ్వాస తీసుకోవడంలో ఇబ్బందులు తలెత్తడం చాలామంది బాధితుల్లో కనిపిస్తోంది. ఇలా ఆక్సిజన్‌ కోసం ఆస్ప్రతుల్లో పడకలు దొరక్క, ప్రాణవాయువు కొరతతో కరోనా బారిన పడిన వారు నానా అవస్థలు ఎదుర్కొంటున్నారు. మరోవైపు హోమ్‌ ఐసొలేషన్‌లో ఉన్న వారు ప్రోనింగ్‌ పద్ధతి ద్వారా ఆక్సిజన్‌ స్థాయుల్ని పెంచుకోవచ్చని కేంద్రం ఇటీవలే పలు మార్గదర్శకాలు జారీ చేసిన విషయం తెలిసిందే! అయితే ఆహారంతోనూ రక్తంలోని ఆక్సిజన్‌ స్థాయుల్ని పెంచుకోవచ్చని నిపుణులు చెబుతున్నారు. మన రోజువారీ ఆహార నియమాల్లో కొన్ని మార్పులు-చేర్పులు చేసుకొని, కొన్ని పదార్థాల్ని నిత్యం మన మెనూలో చేర్చుకుంటే చక్కటి ఫలితం ఉంటుందంటున్నారు. మరి, ఇంతకీ ఏంటా ఆహార పదార్థాలు? రండి.. తెలుసుకుందాం..!

కరోనా మన దేశంపై కసిగా విరుచుకుపడుతోంది. మరి, ఇలాంటి కంటికి కనిపించని మహమ్మారికి మనం చిక్కకూడదంటే రోగనిరోధక శక్తిని పెంచుకోవడం ఎంతో అవసరం అని నిపుణులు ముందు నుంచే చెబుతున్నారు. ఈ క్రమంలో కేంద్ర ఆరోగ్య శాఖ, వైద్యులు, నిపుణులు రోగనిరోధక శక్తిని పెంచే చిట్కాల గురించి ఎప్పటికప్పుడు సోషల్‌ మీడియాలో పోస్టుల రూపంలో వివరిస్తూనే ఉన్నారు. ఇందులో భాగంగానే ఇమ్యూనిటీని పెంచే సూపర్‌ఫుడ్స్‌ గురించి కేంద్రం తాజాగా మరో పోస్ట్‌ను మన ముందుంచింది. సహజసిద్ధమైన ఆహార నియమాలతో శరీరానికి అధిక పోషకాలు అందించడం ద్వారా రోగనిరోధక శక్తిని పెంచుకోవచ్చని సూచిస్తోంది. MyGovIndia ట్విట్టర్‌ ఖాతాలో పంచుకున్న ఈ ఇమ్యూనిటీ డైట్‌కు సంబంధించిన పోస్ట్‌ ప్రస్తుతం సోషల్‌ మీడియాలో ట్రెండింగ్‌లో నిలిచింది.

పుల్లపుల్లగా తినాలనిపించడం, బయట దొరికే జంక్‌ఫుడ్స్‌ చూస్తే నోరూరిపోవడం, ఈ పూట కారంగా ఏదైనా తింటే బాగుండేది అనిపించడం.. ఇలా గర్భిణుల్లో కొన్ని రకాల ఆహారపు కోరికలు కలగడం సహజం. మరికొందరైతే ఈ సమయంలో చేదును కూడా కోరుకుంటుంటారు. మరి, ఇక్కడి వరకు బాగానే ఉంది కానీ.. అసలు గర్భిణుల్లో ఇలాంటి కోరికలు ఎందుకు కలుగుతాయని మీరెప్పుడైనా ఆలోచించారా? అయితే ఇందుకూ ఓ కారణముందని చెబుతున్నాయి కొన్ని అధ్యయనాలు. సాధారణంగా మన శరీరంలో ఏదైనా పోషకం ఉండాల్సిన దాని కంటే తక్కువగా ఉంటే ఆ పోషకం ఎక్కువగా ఉండే ఆహారం తినాలని శరీరం మెదడును ప్రేరేపిస్తుందట! అలా ఆ పదార్థం తినేదాకా మనకు నిద్ర పట్టదన్నమాట! మరి, ఇలా గర్భిణుల్లో సాధారణంగా కలిగే ఫుడ్‌ క్రేవింగ్స్‌ ఏంటో తెలుసుకుందామా?!

ఆరేళ్ల సహస్రకు ఐస్‌క్రీమ్ అంటే ప్రాణం.. అందుకే వేసవిలో రోజుకొకటి తప్పకుండా తింటుంది. పద్దెనిమిదేళ్ల శాషాకు జంక్‌ఫుడ్ అంటే చాలా ఇష్టం. వేసవిలోనూ వాటిని వదలదు. 24ఏళ్ల సురభి రోజంతా ఉత్సాహంగా ఉండాలంటే రెండు లేదా మూడుసార్లు టీ /కాఫీ తాగాల్సిందే..! మీరూ అంతేనా.. అయితే వెంటనే మీ ఆహారపు అలవాట్లలో మార్పులు చేసుకోవాలని సూచిస్తున్నారు వైద్యులు. ఎందుకంటే వేసవి కాలంలో కొన్ని రకాల ఆహారపదార్థాలకు దూరంగా ఉంటేనే మన ఆరోగ్యానికి ఎలాంటి ఢోకా ఉండదని వారంటున్నారు. ఇంతకీ వేసవిలో దూరంగా ఉంచాల్సిన కొన్ని ఆహారపదార్థాలేంటో తెలుసుకుందామా..

వేసవి కాలంలో చాలామందికి ఎదురయ్యే సమస్యల్లో చర్మం కందిపోయి నల్లగా మారడం కూడా ఒకటి. మరి, అలా జరగకుండా ఉండడానికే బయటికి వెళ్లేముందు సన్‌స్క్రీన్ లోషన్ రాసుకుంటాం.. అంటారా..? అయితే సూర్యుడి నుంచి వచ్చే అతినీలలోహిత కిరణాలతో పోరాడే శక్తి ఈ లోషన్ల కంటే మనం ఆహారంగా తీసుకునే కొన్ని పదార్థాలకే ఎక్కువగా ఉంటుందని చెబుతున్నారు ఆరోగ్య నిపుణులు. అందులో ఉండే కొన్ని రకాల పోషకాలు, సమ్మేళనాలే ఎండ చర్మంపై పడినప్పుడు కందిపోకుండా కాపాడతాయట. మరింకెందుకాలస్యం.. ఆ పదార్థాలేంటో మనమూ తెలుసుకొని ఫాలో అయిపోతే సరి..!

అబ్బబ్బా.. మీతో వేగలేక ఛస్తున్నా.. ఎంత భోజనప్రియులైతే మాత్రం రోజుకో స్పెషల్ వంటకం అంటే ఎలా కుదురుతుంది చెప్పండి? వంట చేసేది మీరైనా, నేనైనా దానికి సరుకులు మాత్రం కావాల్సిందేగా.. అంటోంది మీరా తన భర్తతో.. కొంతమంది తమ భాగస్వామి భోజనప్రియులైతే దానిని సమస్యగా భావిస్తారు. అయితే ఇలాంటివారితో ఉండడం వల్ల కూడా ఎన్నో లాభాలున్నాయంటున్నారు నిపుణులు.. ఆహార పదార్థాలను అమితంగా ఇష్టపడేవారిలో ఎన్నో మంచి లక్షణాలుంటాయట. దాంతో వారి జీవితం సాఫీగా సాగిపోయే అవకాశాలున్నాయంటున్నారు నిపుణులు. మరి, భోజన ప్రియుల్లో ఉండే అలాంటి కొన్ని మంచి లక్షణాలేంటో తెలుసుకుందామా?

వేసవిలో పిల్లలు తరచూ ఐస్‌క్రీం అడుగుతుంటారు. ప్రతిసారీ బయట దొరికే ఐస్‌క్రీం తిని, ఆరోగ్య సమస్యలు కొని తెచ్చుకోవడం కన్నా అదేదో మనమే ఇంట్లో తయారు చేసుకుంటే బాగుంటుంది కదూ..మరింకెందుకాలస్యం..? ఐస్‌క్రీం తినాలన్న కోరికని తీరుస్తూనే తాజా పండ్లతో ఆరోగ్యాన్ని అందించే ఫ్రూట్ పాప్స్ ఇంట్లోనే సులభంగా ఎలా తయారు చేయాలో తెలుసుకుందామా..

‘ప్రార్థించే పెదవుల కన్నా సాయం చేసే చేతులు మిన్న’ అన్న మాటలను ఆ అక్కచెల్లెళ్లు బాగా వంట పట్టించుకున్నారు. అందుకే తమ భవిష్యత్‌ అవసరాల కోసం దాచుకున్న డబ్బులను కొవిడ్‌ బాధితుల కడుపు నింపేందుకు వినియోగిస్తున్నారు. ఆపత్కాలంలో తమ పెద్ద మనసుతో అందరి మన్ననలు అందుకుంటున్నారు.

పసి పిల్లలకు తల్లిపాలే ప్రాణాధారం అన్న విషయం తెలిసిందే. అందుకే అప్పుడే పుట్టిన పిల్లల దగ్గర్నుంచి వారికి సంవత్సరం లేదా సంవత్సరంన్నర వయసొచ్చేదాకా తల్లులు పాలిస్తూనే ఉంటారు. ఇది కేవలం బిడ్డకే కాదు.. తల్లి ఆరోగ్యానికీ ఎంతో మంచిది. అయితే ఈ సమయంలో తల్లి చేసే కొన్ని పనులు బిడ్డ ఆరోగ్యంపై ప్రభావం చూపుతాయి. ఉదాహరణకు.. చిన్న చిన్న అనారోగ్యాలకే మాత్రలు మింగడం, చక్కెరలు అధికంగా ఉండే ఆహార పదార్థాలు తీసుకోవడం.. వంటి వాటివల్ల చిన్నారులకూ పలు ఆరోగ్య సమస్యలు తలెత్తే అవకాశం ఉంటుంది. అందుకే పాలిచ్చే తల్లులు కొన్ని అంశాల్లో తగిన జాగ్రత్తలు పాటించడం ఇటు తల్లికీ, అటు పాపాయికీ.. ఇద్దరికీ మంచిది. మరి, బ్రెస్ట్‌ఫీడింగ్ మదర్స్ ఏయే విషయాల్లో జాగ్రత్త వహించాలో తెలుసుకుందాం రండి...

అందమంటే మనం వేసుకునే ఫేస్‌ప్యాక్స్‌, వాడే బ్యూటీ ఉత్పత్తుల్లోనే కాదు.. రోజువారీ తీసుకునే ఆహార పదార్థాల్లోనూ ఉందంటోంది బాలీవుడ్‌ ఫ్యాషనిస్టా సోనమ్‌ కపూర్‌. అందం, ఆరోగ్యం, ఫ్యాషన్‌.. తదితర విషయాల్లో తాను పాటించే చిట్కాల్ని సోషల్‌ మీడియా ద్వారా తన ఫ్యాన్స్‌తో ఎప్పటికప్పుడు పంచుకునే ఈ సొగసరి.. ‘వ్యానిటీ విన్యెట్స్‌’ పేరుతో ఓ బ్యూటీ సిరీస్‌ని నిర్వహిస్తోన్న విషయం తెలిసిందే! ఇందులో భాగంగానే తన సౌందర్య రహస్యాలు, జుట్టు సంరక్షణ కోసం తాను పాటిస్తోన్న చిట్కాలు.. వంటివన్నీ వీడియోల రూపంలో మన ముందుకు తెచ్చింది సోనమ్‌. తాజాగా ఇదే సిరీస్‌ వేదికగా తన మేని మెరుపుకి కారణమైన మూడు చిట్కాలను మరో వీడియో రూపంలో పంచుకుందీ కపూర్‌ బ్యూటీ. మరి, అవేంటో మనమూ తెలుసుకుందాం రండి..

ఆర్గానిక్ స్టోర్లలో తప్ప మామూలు దుకాణాల్లో తాజా ఆకుకూరలు, పండ్లు దొరకడం ఈ రోజుల్లో గగనమైపోయింది. పోనీ దొరికినప్పుడే ఎక్కువగా తెచ్చుకుని అవసరానికి వాడుకుందామా అంటే.. ఫ్రిజ్‌లో పెట్టినా వాటి తాజాదనం నిలవడం కష్టం. మరి ఈ సమస్యకి పరిష్కారం లేదంటారా..? ఉంది..! తాజా ఆకుకూరలు, పండ్లు దొరికినప్పుడు తెచ్చుకుని, ఎప్పుడు కావాలంటే అప్పుడు తాజాగా వాడుకోవచ్చు. అదెలాగో తెలుసుకోవాలంటే చదవండి మరి..!

ఓవైపు కరోనా తన పని తాను చేసుకుపోతుంటే.. మరోవైపు దీని బారిన పడకుండా ఉండేందుకు కొవిడ్‌ వ్యాక్సిన్‌ తీసుకునే వారి సంఖ్య నానాటికీ పెరిగిపోతోంది. రెండో దశ వ్యాక్సినేషన్‌లో భాగంగా అరవై పైబడిన వారితో పాటు, 45 ఏళ్లు దాటిన వారికి కూడా టీకా ఇస్తోన్న సంగతి తెలిసిందే! అయితే ఈ నేపథ్యంలో వ్యాక్సిన్‌ తీసుకుంటే ఎలాంటి దుష్ప్రభావాలు వస్తాయోనన్న భయం కొంతమందిలో ఉంటే.. అసలు వ్యాక్సిన్‌కి ముందు, తర్వాత ఏవైనా ప్రత్యేక ఆహార నియమాలు పాటించాల్సి ఉంటుందేమోనన్న సందేహం మరికొంతమందిలో ఉంది. ‘మీ సందేహం నిజమేనంటున్నారు’ నిపుణులు. ఎందుకంటే టీకా వేసుకోవడానికి ముందు, వేసుకున్న తర్వాత కొన్ని రకాల పదార్థాల్ని తీసుకోవడం వల్ల వ్యాక్సిన్‌ వల్ల ఎదురయ్యే దుష్ప్రభావాలను చాలా వరకు తగ్గించచ్చంటున్నారు. మరి, ఇంతకీ ఏంటా ఆహార నియమాలు? తెలుసుకోవాలంటే ఇది చదివేయండి!

వేసవి కాలమంటేనే భరించలేని వేడి. ఇంతటి ఉక్కపోతలోనూ అందరి దృష్టీ మామిడి పండ్లపైనే కేంద్రీకృతమై ఉంటుంది. ఎందుకంటే నోరూరించే తియ్యతియ్యటి మామిడిపండ్లు దొరికే సీజన్ ఇదే కదా..! ఎండాకాలం వచ్చిందంటే చాలు.. మార్కెట్లలో, రహదారుల పక్కన, సూపర్‌మార్కెట్లలో, పండ్ల దుకాణాల్లో.. ఇలా ఎక్కడ చూసినా మామిడి పండ్లే దర్శనమిస్తాయి. చక్కటి పసుపు రంగులో మెరిసిపోయే వాటిని చూడగానే.. ఎవరికైనా తినాలనిపిస్తుంది కదా..! అయితే ఇటీవలి కాలంలో మామిడిపండ్లు మన ఆరోగ్యానికి హానికారకంగా మారుతున్నాయి. దీనికి కారణం వాటిని త్వరగా మగ్గేలా చేయడానికి హానికారకమైన క్యాల్షియం కార్బైడ్(కార్సినోజెన్) వంటి రసాయనాలు ఉపయోగించడమే. ఫలితంగా క్యాన్సర్లకు గురయ్యే అవకాశం ఉంది. అందుకే సహజసిద్ధమైన పద్ధతిలో పండిన వాటిని మాత్రమే తినాలి. మరి మార్కెట్లో కుప్పలు తెప్పలుగా ఉన్న కాయల్లో ఏది సహజసిద్ధంగా పండిందో.. దేన్ని రసాయనాలు ఉపయోగించి పండించారో తెలుసుకోవాలంటే కొన్ని విషయాలు దృష్టిలో ఉంచుకోవాల్సిందే..!

మేడమ్‌.. నాకు జుట్టు పొడవుగా లేకపోయినా లావుగా ఉంటే చాలు. కానీ నా జుట్టు చాలా సన్నగా ఉంది. ఏం చేయాలి?

కరోనా మహమ్మారి బారిన పడకూడదంటే మన రోగనిరోధక శక్తిని పెంచుకోవడం అత్యవసరం అన్న విషయం తెలిసిందే! అయితే ఇందుకోసం కొంతమంది ఆహారంలో మార్పులు చేసుకుంటే.. మరికొందరు వైద్యుల సలహా మేరకు సప్లిమెంట్స్‌ వాడుతున్నారు. అయితే మనలాంటి పెద్ద వాళ్ల పరిస్థితి సరే.. మరి, చిన్న పిల్లల సంగతేంటి? వారికి ఇన్‌స్టంట్‌గా ఇమ్యూనిటీని పెంచే ఈ సప్లిమెంట్స్‌ ఇవ్వచ్చా? అనడిగితే.. ఐదేళ్ల లోపు పిల్లలకైతే వద్దే వద్దంటున్నారు పిడియాట్రీషియన్స్. ఎందుకంటే దీనివల్ల అవసరానికి మించి ఇమ్యూనిటీ స్థాయులు పెరిగినా అదీ వారి ఆరోగ్యానికి ముప్పేనంటున్నారు. కాబట్టి పోషకాహారంతోనే వారి రోగనిరోధక శక్తిని బలోపేతం చేయాలని సూచిస్తున్నారు. మరి, ఈ సెకండ్‌ వేవ్‌లో వైరస్‌ చిన్నారులపై తీవ్ర ఇన్ఫెక్షన్లకు కారణమవుతోందని నిపుణులు హెచ్చరించిన వేళ.. పిల్లల్లో ఇమ్యూనిటీని పెంచేందుకు ఏం చేయాలో తెలుసుకుందాం రండి..

అందంగా ఉండాలనేది మహిళల ఆరాటం. కానీ ఎంత కాపాడుకున్నా సౌందర్యం విషయంలో ఏదో ఒక సమస్య వచ్చి పడుతూనే ఉంటుంది. ఇందుకు పలు అనారోగ్యాలు కూడా కారణమవుతుంటాయి. పీసీఓఎస్‌ కూడా వీటిలో ఒకటి. ప్రతి ఐదుగురు మహిళల్లో ఒకరు దీంతో బాధపడుతున్నట్లుగా గణాంకాలు చెబుతున్నాయి. అంతేకాదు.. దీని కారణంగా నెలసరి సమస్యలు, సంతానలేమితో పాటు మొటిమలు, అవాంఛిత రోమాలు, జుట్టు రాలిపోవడం.. ఇలా అందం పరంగానూ ప్రతికూల ప్రభావం చూపుతోందీ సమస్య. మరి, అసలు పీసీఓఎస్‌ వస్తే సౌందర్య సమస్యలెందుకొస్తాయి? వీటిని దూరం చేసుకోలేమా? తిరిగి అందాన్ని పెంపొందించుకోలేమా? అంటే అది సాధ్యమే అంటున్నారు సౌందర్య నిపుణులు. అదెలాగో మనమూ తెలుసుకుందాం రండి..

మీరా రాజ్‌పుత్‌.. బాలీవుడ్‌ స్టార్‌ హీరో షాహిద్‌ కపూర్‌ సతీమణి అయిన ఈ ముద్దుగుమ్మకు సోషల్‌ మీడియాలో స్టార్‌ హీరోయిన్లను మించిన ఫ్యాన్‌ ఫాలోయింగ్‌ ఉంది. ఇన్‌స్టాలో ఆమెను 2.5 మిలియన్ల మంది అనుసరిస్తున్నారంటే ఆమెకున్న క్రేజ్‌ ఏపాటిదో అర్థం చేసుకోవచ్చు. భర్త, పిల్లలు, కుటుంబ బాధ్యతలతో బిజీగా ఉన్నప్పటికీ సోషల్‌ మీడియాలో తన ఫ్యాన్స్‌కు నిత్యం టచ్‌లోనే ఉంటుందీ బ్యూటిఫుల్‌ మామ్‌. తన గ్లామరస్‌, ఫ్యాషనబుల్‌ ఫొటోలు, వీడియోలను షేర్‌ చేసుకోవడంతో పాటు...వీలు చిక్కినప్పుడల్లా ఫ్యాన్స్‌తో ముచ్చటిస్తూనే ఉంటుంది. అలా తాజాగా తన అభిమానులతో ‘దిస్‌ ఆర్‌ దట్‌’ సెషన్‌ను నిర్వహించింది మీరా. ఈ సందర్భంగా తన వ్యక్తిగత విశేషాలు, అభిరుచులు, షాహిద్‌తో తనకున్న అనుబంధం గురించి బోలెడన్ని విషయాలు పంచుకుంది. మరి, అవేంటో మనమూ తెలుసుకుందాం రండి...

మనలో చాలామందికి ఆరోగ్యం విషయంలో శ్రద్ధ కాస్త ఎక్కువే అని చెప్పాలి. కరోనా ప్రతికూల పరిస్థితులు వచ్చినప్పట్నుంచి అది మరింత పెరిగింది. ఎవరిని చూసినా ఇమ్యూనిటీని ఎలా పెంచుకోవాలి? సంపూర్ణ ఆరోగ్యానికి ఎలాంటి ఆహారం తీసుకోవాలి? ఎంత సేపు వ్యాయామం చేయాలి? వైరస్‌, ఇతర అనారోగ్యాల బారిన పడకుండా ఉండాలంటే తీసుకోవాల్సిన జాగ్రత్తలేంటి?.. ఇలా ప్రస్తుతం అందరి కళ్లూ నెట్‌లో ఆరోగ్య చిట్కాలను వెతికే పనిలో పడ్డాయి. అయితే ఇలాంటి సంపూర్ణ ఆరోగ్యాన్ని సొంతం చేసుకోవాలంటే ఏ ఒక్క ఆహారంతోనో అది సాధ్యం కాదని, రోజంతా మనం తీసుకునే పోషకాహారం-చేసే వ్యాయామాలే ఈ క్రమంలో కీలక పాత్ర పోషిస్తాయని చెబుతున్నారు ప్రముఖ పోషకాహార నిపుణురాలు రుజుతా దివేకర్‌. ఇందులో భాగంగానే ఆరోగ్యకరమైన జీవనశైలిని అలవర్చుకోవాలంటే పాటించాల్సిన నియమాల గురించి ‘సీక్రెట్స్‌ ఆఫ్‌ గుడ్‌ హెల్త్‌’ పేరుతో తాను రాసిన ఆడియో బుక్‌లో పొందుపరిచారామె. ‘ప్రపంచ ఆరోగ్య దినోత్సవం’ (ఏప్రిల్‌ 7) సందర్భంగా అందులోని కొన్ని హెల్త్‌ సీక్రెట్స్‌ గురించి మనతో ఇలా పంచుకున్నారు.

పిజ్జా, బర్గర్, ఫ్రెంచ్ ఫ్రైస్, చిప్స్.. వీటి పేరు చెబుతుంటూనే నోరూరుతోంది కదూ! ఇవి చూడడానికి యమ్మీగానే కాదు.. తినడానికి రుచిగా కూడా ఉంటాయి. పైగా పిల్లల మనసును ఇట్టే దోచేస్తుంటాయి కూడా! అందుకే వారు తల్లిదండ్రులతో బయటికి వెళ్తే చాలు.. ఇలాంటి ఆహార పదార్థాలు కొనివ్వమని మారాం చేస్తుంటారు. ఇక పేరెంట్సేమో.. పిల్లలు అడిగారు కదా అనో, నలుగురిలో ఇబ్బంది ఎందుకనో అడిగినప్పుడల్లా కొనిస్తుంటారు. ఇంకొంతమంది తల్లిదండ్రులైతే తమ పిల్లలకు ఇష్టమని ఇంటికొచ్చేటప్పుడు కొనుక్కురావడం, అప్పుడప్పుడు వీటిని పిల్లలకు చిరుతిళ్లుగా అందించడం.. వంటివి చేస్తుంటారు కూడా! కానీ పిల్లలు ఇలాంటి పదార్థాలు ఎక్కువగా తినడం వారి ఆరోగ్యానికి అంత మంచిది కాదు. పిల్లలకు చిన్నతనంలోనే స్థూలకాయంతో పాటు ఇతర ఆరోగ్య సమస్యలు రావడానికి ఇలాంటి పదార్థాలే కారణమంటున్నారు నిపుణులు. కాబట్టి వీటికి మీ పిల్లల్ని ఎంత దూరంగా ఉంచితే అంత మంచిది. ఇంతకీ ఈ చిరుతిళ్లు పిల్లల ఆరోగ్యానికి ఎలా హాని చేస్తాయో తెలుసుకుందాం రండి..

డిప్రెషన్.. ప్రపంచంలో ఎక్కువమంది ఎదుర్కొంటున్న ఆరోగ్య సమస్యల్లో ఇదీ ఒకటి. హార్మోన్ల స్థాయుల్లో మార్పులు, ఆరోగ్య, వ్యక్తిగత, ఆర్థిక పరమైన సమస్యలు, పని ఒత్తిడి.. వంటి ఎన్నో కారణాలు ఈ సమస్య తలెత్తడానికి దోహదం చేస్తున్నాయి. ఇంకా చెప్పాలంటే.. పురుషుల కంటే మహిళలే అధికంగా డిప్రెషన్‌కు గురవుతున్నారని ప్రపంచ ఆరోగ్య సంస్థ అంచనా వేసింది. ఈ నేపథ్యంలో ‘ప్రపంచ ఆరోగ్య దినోత్సవం’ సందర్భంగా డిప్రెషన్‌ని దూరం చేసుకునే మార్గాల గురించి తెలుసుకుందాం రండి..