సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

psychologist Ask Psychologist
ఓ సోదరి.

ఎప్పుడూ యూట్యూబ్ వీడియోలే... ఎలా మార్చాలి?

నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి

Know More

Movie Masala

Video Gallery

 
women icon @teamvasundhara

ఆ కామెంట్లను నా ఫోన్‌ వాల్‌పేపర్‌గా పెట్టుకునేదాన్ని!

ఎన్నో ఆనందాల్ని మోసుకొచ్చే అమ్మతనం.. కొన్ని విషయాల్లో మాత్రం నేటి మహిళల్ని కలవరపాటుకు గురిచేస్తోంది. ప్రత్యేకించి కొంతమంది సెలబ్రిటీ మహిళల్ని... అది కూడా తమ వల్లో, తమ ఇంట్లో వాళ్ల వల్లో కాదు.. ముక్కూ మొహం తెలియని మూడో వ్యక్తి వల్లే! నిజానికి ఒక బిడ్డకు జన్మనిచ్చాక బరువు పెరగడం, ఒత్తిడి ఎదురవడం.. ఇవేవీ అమ్మలకు పెద్ద సమస్యగా అనిపించవు. కానీ తమ శరీరాకృతి గురించి, అందం గురించి సోషల్ మీడియాలో ఎవరో పెట్టే కామెంట్లే వారిని ఈ సమయంలో తీవ్ర ఒత్తిడికి గురి చేస్తున్నాయనడంలో ఎలాంటి సందేహం లేదు. తానూ అలాంటి ప్రతికూల పరిస్థితుల్ని ఎదుర్కొన్నానని చెబుతోంది బాలీవుడ్‌ బుల్లితెర బ్యూటీ దీపికా సింగ్.

Know More

women icon @teamvasundhara

నా వెయిట్ లాస్ సీక్రెట్ ఇదే!

కాస్త బొద్దుగా ఉన్న వాళ్లు మన కళ్లల్లో పడ్డారంటే చాలు.. ‘అబ్బ ఎంత లావుగా ఉన్నారు.. బరువు తగ్గి నాలా అవ్వచ్చుగా..’ అని గొణుక్కునేవారు మనలో చాలామందే ఉంటారు. ఇంకొందరేమో ఇదే విషయాన్ని ఎలాంటి మొహమాటం లేకుండా వారిని నేరుగా అడిగేస్తుంటారు కూడా! బాడీ షేమింగ్‌ విషయంలో ఇలాంటి అనుభవాలు తనకూ బోలెడున్నాయని చెబుతోంది తమిళ బొద్దుగుమ్మ విద్యుల్లేఖా రామన్‌. ‘రన్‌ రాజా రన్‌’, ‘సరైనోడు’, ‘ధృవ’, ‘భాగమతి’.. వంటి చిత్రాల్లో నటించి తెలుగు వారి మనసుల్లో సుస్థిర స్థానం సంపాదించుకున్న ఈ ముద్దుగుమ్మ.. ఈ లాక్‌డౌన్‌ సమయంలో బరువు తగ్గడమే లక్ష్యంగా పెట్టుకున్నానంటోంది. ఈ క్రమంలోనే తాను కసరత్తులు చేస్తున్నప్పుడు దిగిన ఓ ఫొటోను విద్యుల్లేఖ ఇన్‌స్టాలో పోస్ట్‌ చేయగా ఆమె బాడీ ట్రాన్స్‌ఫర్మేషన్‌ చూసి అందరూ ముక్కున వేలేసుకుంటున్నారు. ప్రస్తుతం ఈ ఫొటోతో పాటు తన ఫ్యాట్‌ టు ఫిట్‌ స్టోరీని సైతం జతచేసిన ఈ బబ్లీ గర్ల్‌ అంకితభావానికి నెటిజన్లు ఫిదా అయిపోతున్నారు.

Know More

women icon @teamvasundhara

96 కిలోల పిజ్జా గర్ల్‌ నుంచి ఫిట్టెస్ట్‌ గర్ల్‌గా ఇలా మారా!

సాధారణంగా చబ్బీగా ఉన్న ఫొటోలు సోషల్‌ మీడియాలో పంచుకోవడానికి చాలామంది ఇష్టపడరు. వాటిని చూసి ఎవరెలా స్పందిస్తారో అని వెనకడుగు వేస్తుంటారు. కానీ కొందరు ముద్దుగుమ్మలు మాత్రం ఇందుకు భిన్నం. ‘ఎవరేమనుకుంటే మాకేంటి.. మా శరీరం మా ఇష్టం..’ అంటూ తాము గతంలో లావుగా ఉన్న ఫొటోల్ని సామాజిక మాధ్యమాల్లో పంచుకోవడానికి ఏమాత్రం వెనకాడరు. మన పటౌడీ ప్రిన్సెస్‌ సారా అలీ ఖాన్‌ కూడా ఇదే కోవలోకి వస్తుంది. సినిమాల్లోకి రాకముందు 96 కిలోల బరువుతో చబ్బీగా ఉండే సారా.. ఆపై కఠోరమైన కసరత్తులు చేసి మల్లెతీగలా మారిపోయింది.

Know More

women icon @teamvasundhara

ఆ 15 కిలోలు తగ్గడానికి కష్టపడుతున్నా!

సాధారణంగా అధిక బరువున్న వాళ్లు తగ్గడానికి నానా ప్రయత్నాలూ చేస్తుంటారు.. అంతేతప్ప కావాలని ఎవరూ బరువు పెరగడానికి సాహసించరు. కానీ కొందరు నటీమణులు మాత్రం తమ పాత్రలకు అనుగుణంగా తమ రూపాన్ని మార్చుకోవడం, బరువు పెరగడం-తగ్గడం వంటివి చేస్తుంటారు. తద్వారా తాము నటించే సినిమాలకు, అందులోని తమ పాత్రలకు పూర్తి న్యాయం చేస్తుంటారు. అలాంటి అందాల తారల్లో బాలీవుడ్‌ ముద్దుగుమ్మ కృతీ సనన్‌ ఒకరు. ‘ఆవ్‌ తుఝో మోగ్‌కొర్తా’ అంటూ ప్రిన్స్‌ మహేష్‌ సరసన ఆడిపాడి తెలుగు వారికి దగ్గరైన ఈ చిన్నది.. పలు బాలీవుడ్‌ సినిమాలతో సక్సెస్‌ఫుల్‌ హీరోయిన్‌గా పేరుతెచ్చుకుంది. ప్రస్తుతం ‘మిమి’ అనే బాలీవుడ్‌ చిత్రంలో నటిస్తోన్న కృతి.. అందులో సరొగేట్‌ మదర్‌గా కనిపించనుంది. ఆ పాత్ర కోసం ఏకంగా 15 కిలోలు పెరిగిన ఈ ముద్దుగుమ్మ.. ఇప్పుడు తిరిగి బరువు తగ్గే పనిలో పడింది. అయితే బరువు పెరగడం ఎంత కష్టమో.. తగ్గడం కూడా అంతే కష్టమంటోన్న ఈ అందాల తార.. తాను ఫిట్‌గా ఉండడానికి, బరువు తగ్గడానికి ఎలాంటి డైట్‌, ఫిట్‌నెస్‌ టిప్స్‌ పాటిస్తుందో తన మాటల్లోనే తెలుసుకుందాం రండి..

Know More

women icon @teamvasundhara

నాజూగ్గా ఉండడమే ఫిట్‌నెస్‌ అంటే ఒప్పుకోను!

‘అందంమంటే తెల్లటి మేనిఛాయ మాత్రమే కాదు.. నాజూకైన శరీరాకృతి కూడా కలిగి ఉండాలి’ అనేది మన చుట్టూ ఉండే చాలామంది అభిప్రాయం. ఈ విషయాల్ని దృష్టిలో ఉంచుకొనే మనలో చాలామంది తాము అందంగా లేమంటూ, ఇతరుల అంచనాలను అందుకోవట్లేదంటూ బాధపడిపోతుంటారు. కానీ పుట్టుకతో వచ్చిన సహజసిద్ధమైన అందమే అసలు సిసలైన సౌందర్యమని, దాన్నే మనం ఆరాధించాలని అంటోంది కన్నడ బ్యూటీ నిత్యామేనన్‌. బాలనటిగా వెండితెరపై అడుగుపెట్టిన ఈ చిన్నది.. ‘అలా మొదలైంది’ అంటూ తెలుగు ప్రేక్షకులను పలకరించింది. ఆపై ‘ఇష్క్‌’, ‘గుండెజారి గల్లంతయ్యిందే’, ‘మళ్లీ మళ్లీ ఇది రాని రోజు’, ‘24’, ‘సన్నాఫ్‌ సత్యమూర్తి’, ‘జనతా గ్యారేజ్‌’.. తదితర సినిమాలతో సక్సెస్‌నందుకున్న ఈ కర్లీ బ్యూటీ.. ప్రస్తుతం జయలలిత బయోపిక్‌ (ది ఐరన్‌ లేడీ)తో పాటు మరో మూడు సినిమాల్లో నటిస్తూ బిజీబిజీగా గడుపుతోంది.

Know More

women icon @teamvasundhara

అప్పుడు నా కంఫర్ట్‌ కోసమే బరువు తగ్గా..!

ఏ రంగంలో అడుగుపెట్టినా అందులో రాణించాలంటే ఎన్నో అవరోధాల్ని దాటాల్సి ఉంటుంది.. చుట్టూ ఉండే వారు అనే సూటిపోటి మాటలు, నిరుత్సాహ పూరిత వాతావరణాన్ని ఎదుర్కోవాల్సి ఉంటుంది. అప్పుడే సక్సెస్‌ కాగలుగుతాం. సినీ రంగమూ ఇందుకు అతీతం కాదు. ముఖ్యంగా హీరోయిన్ల విషయంలో అయితే ‘అందంగా లేరు.. బరువు ఎక్కువగా ఉన్నారు.. మీరు హీరోయిన్‌గా పనికిరారు.. అంటూ తేల్చి చెప్పేయడం మనం చాలా సందర్భాల్లో వినే ఉంటాం. తాను ఇండస్ట్రీలోకి అడుగుపెట్టిన తొలినాళ్లలో తనకూ ఇలాంటి చేదు అనుభవం ఎదురైందని చెబుతోంది మలయాళీ బ్యూటీ మంజిమా మోహన్‌.

Know More

women icon @teamvasundhara

‘ఇంత లావున్నా ఏంటీ’... ఈ ప్రశ్నే నన్ను మార్చింది !

ఫస్ట్‌ జాబ్‌, ఫస్ట్‌ శాలరీ.. ఇవి అందుకున్న వారు ప్రపంచాన్నే ఏలినంతగా సంబరపడిపోతారు.. ప్రపంచపు సంకెళ్లను తెంచుకొని స్వేచ్ఛాలోకంలో విహరిస్తుంటారు. తమ సంపాదనతో నచ్చిన డ్రస్సులు కొనుక్కోవడం, ఫ్రెండ్స్‌తో సినిమాలు-షికార్లకు వెళ్లడం, ఇష్టమైన ఆహారం లాగించేయడం.. ఇలా వారి లైఫ్‌స్టైలే వేరుగా ఉంటుంది. ఒకప్పుడు తానూ ఇలాంటి జీవితాన్నే ఆస్వాదించానని చెబుతోంది కన్నడ బ్యూటీ శ్రద్ధా శ్రీనాథ్‌. తనకెంతో ఇష్టమైన న్యాయవాద వృత్తిని చేపట్టిన తర్వాత వచ్చిన సంపాదనతో విలాసవంతమైన, ఆహ్లాదకరమైన జీవితాన్ని గడుపుతూ తాను స్థూలకాయం బారిన పడిన విషయాన్ని కూడా విస్మరించానని చెబుతోందీ ముద్దుగుమ్మ.

Know More

women icon @teamvasundhara

నేను ఫిట్‌గా మారడానికి ఆ రెండూ ‘వర్కవుట’య్యాయి!

ఆఫ్‌స్క్రీన్‌లో ఎలా ఉన్నా.. ఆన్‌స్క్రీన్‌పైకి రావాలన్న ఆలోచన వచ్చిందంటే అందంగా, ఫిట్‌గా మారాల్సిందే! అది నాలుగైదు కిలోలైనా సరే.. ఆ బరువును తగ్గించుకొని నాజూగ్గా కనిపించాల్సిందే! అందుకోసమే నిరంతరం చక్కటి డైట్‌, వ్యాయామాలతో తమ శరీరాకృతిని కాపాడుకుంటారు మన ముద్దుగుమ్మలు. కెరీర్‌ ప్రారంభంలో తానూ ఇలానే చేశానంటోంది టాలీవుడ్‌ అందాల తార రాశీ ఖన్నా. సినిమాల్లోకి రాకముందు మరీ అంత చబ్బీగా లేకపోయినా.. ఆన్‌స్క్రీన్‌పైకి వచ్చాక ఆరు కిలోల దాకా బరువు తగ్గానని.. అందుకోసం తాను చేసిన చిన్నపాటి వ్యాయామాలే గొప్ప సత్ఫలితాలను అందించాయని అంటోందీ ముద్దుగుమ్మ. అంతేకాదు.. బరువు తగ్గాలంటే జిమ్‌లో గంటలకు గంటలు కష్టపడడం కాకుండా.. ఏకాగ్రతతో ఓ గంట లేదా రెండు గంటల పాటు చిన్నపాటి వ్యాయామాలు చేసినా అదే ఫలితాన్ని పొందచ్చని తన ఫ్యాన్స్‌లో స్ఫూర్తి నింపుతోందీ క్యూట్‌ బ్యూటీ.

Know More

women icon @teamvasundhara

ఇప్పుడు ‘XS’ సైజ్‌ని ఎంజాయ్‌ చేస్తున్నా!

మనం వేసుకునే దుస్తుల విషయంలోనే కాదు.. మన శరీరాకృతి గురించి కూడా నలుగురు నాలుగు రకాలుగా మాట్లాడుకోవడం అప్పుడసప్పుడూ మనం వింటూనే ఉంటాం. ఇక సోషల్‌ మీడియా వచ్చిన దగ్గర్నుంచి ఆన్‌లైన్‌లోనూ ఇలాంటి విమర్శలకు తావే లేకుండా పోతోంది. సామాజిక మాధ్యమాల్లో ఏదైనా ఫొటో పోస్ట్‌ చేస్తే చాలు.. డ్రస్‌ బాలేదని ఒకరు, లావుగా ఉందని మరొకరు, ఛాయ తక్కువగా ఉందని ఇంకొకరు.. ఇలా మనల్ని ఇబ్బంది పెట్టే కామెంట్లు చాలానే వస్తుంటాయి. ఒకానొక సమయంలో ఇలాంటి విమర్శలు తనకూ తప్పలేదంటోంది బాలీవుడ్‌ అందాల భామ అవికా గోర్‌. ‘బాలికా వధూ’ (తెలుగులో ‘చిన్నారి పెళ్లికూతురు’) సీరియల్‌తో దేశవ్యాప్తంగా పాపులారిటీ సంపాదించిన ఈ ముంబై భామ.. ‘ఉయ్యాల జంపాల’ సినిమాతో తెలుగు ప్రేక్షకులను పలకరించింది. ఆపై ‘లక్ష్మీ రావే మా ఇంటికి’, ‘సినిమా చూపిస్త మావ’, ‘ఎక్కడికి పోతావు చిన్నవాడ’.. వంటి సినిమాలతో మెప్పించిన ఈ అందాల రాశి.. గతేడాది ‘రాజు గారి గది - 3’తో మన ముందుకొచ్చింది. ఇలా కేవలం తన నటనతోనే కాదు.. సోషల్‌ మీడియా పోస్టులతోనూ తన ఫ్యాన్స్‌కు ఎప్పుడూ టచ్‌లోనే ఉంటుందీ ముద్దుగుమ్మ. ఈ క్రమంలో ఒకప్పుడు బొద్దుగుమ్మగా ఉన్న తాను స్లిమ్మీ బ్యూటీగా ఎలా మారింది? లావుగా ఉన్న సమయంలో తానెదుర్కొన్న విమర్శలు, తన వెయిట్‌ లాస్‌ సీక్రెట్స్‌.. వంటి విషయాలను సోషల్‌ మీడియా పోస్టుల ద్వారా, పలు ఇంటర్వ్యూల్లో భాగంగా పంచుకుంటూ నేటి తరం మహిళలందరిలో స్ఫూర్తి నింపిందీ బబ్లీ గర్ల్‌. అవే విషయాలను తన ‘ఫ్యాట్‌ టు ఫిట్‌’ స్టోరీలో భాగంగా మరోసారి మనతో పంచుకోవడానికి ఇలా మన ముందుకొచ్చిందీ లవ్లీ గర్ల్‌.

Know More

women icon @teamvasundhara

‘నాకు నచ్చినట్లు నేనుంటా’.. అనుకుంటూనే బరువు తగ్గా!

మనం బాగా లావుగా ఉన్నప్పటి ఫొటోను ఇప్పుడు చూసుకుంటే ‘అమ్మో! అప్పుడు ఎంత లావున్నానో.. ఈ ఫొటోలో నన్ను నేను చూసుకుంటుంటే అదోలా అనిపిస్తుంది.. థ్యాంక్‌ గాడ్‌.. ఇప్పటికైనా సన్నబడ్డాను..’ అంటూ మనల్ని మనం తక్కువ చేసి మాట్లాడుకోవడం సహజమే. అయితే తాను మాత్రం ఇందుకు పూర్తి విరుద్ధం అంటోంది బాలీవుడ్‌ బబ్లీ బ్యూటీ జరీన్‌ ఖాన్‌. చదువుకునే రోజుల్లో దాదాపు వంద కిలోల బరువుండే ఆమె.. సినిమాల్లోకి వచ్చాక సగానికి సగం బరువు తగ్గింది. ఇప్పటికీ తాను లావుగా ఉన్నప్పటి ఫొటోల్ని సోషల్‌ మీడియాలో పంచుకుంటూ ‘నేను లావుగా ఉన్న ఈ ఫొటోల్ని చూస్తుంటే నాకెంతో గర్వంగా అనిపిస్తోంది.. అయినా నా శరీరం నా ఇష్టం.. నా శరీరాకృతి గురించి ఇతరులు ఏమనుకుంటే నాకేంటి?’ అంటూ తనలోని ఆత్మవిశ్వాసాన్ని ప్రదర్శిస్తుంటుందీ ముద్దుగుమ్మ.

Know More

women icon @teamvasundhara

నా ‘సైజ్‌ జీరో’ సీక్రెట్‌ అదే!

సినిమాల్లో నటించడమంటే మనం మాట్లాడినంత సులభం కాదు. అందులో వారు నటిస్తోన్న పాత్రకు తగినట్లుగా తమ వేషభాషలు మార్చుకోవడంతో పాటు ఒక్కోసారి బరువు పెరగడం, తగ్గడం వంటివి కూడా చేయాల్సి ఉంటుంది. అయితే ఈ క్రమంలో కొంతమంది తమ పాత్రకు అనుగుణంగా ప్రోస్థటిక్స్‌, మేకప్‌, ఫ్యాట్‌ సూట్‌.. వంటి వాటితో తాత్కాలిక మెరుగులు దిద్దుతుంటారు. కానీ తను మాత్రం పాత్రకు తగినట్లుగా నన్ను నేను మార్చుకుంటానే తప్ప ఇలాంటి తాత్కాలిక మేకప్‌ను ఆశ్రయించను అని చెబుతోంది టాలీవుడ్‌ అందాల తార అనుష్కా శెట్టి. ఇలా పాత్రకు తగినట్లుగా రూపాన్ని మార్చుకుంటేనే ఓవైపు పాత్రకు తగిన న్యాయం చేయడంతో పాటు మరోవైపు ప్రేక్షకులనూ మెప్పించవచ్చంటోంది స్వీటీ. ‘సైజ్‌ జీరో’లో బొద్దుగుమ్మగా మెప్పించిన అను.. ఈ పాత్ర కోసం ఫ్యాట్‌ సూట్‌ ధరించే అవకాశమున్నా.. పాత్రలో మరింతగా ఒదిగిపోవడానికి కష్టపడి 20 కిలోలు పెరిగింది. ఆపై పెరిగిన బరువును తగ్గించుకొని తిరిగి ఫిట్‌గా మారి ఫిట్‌నెస్‌ విషయంలోనూ తన ఫ్యాన్స్‌కు ఆదర్శంగా నిలిచిందీ ముద్దుగుమ్మ. ‘మన సమాజంలో చాలామంది అమ్మాయిలు లావుగా ఉన్నామని, తద్వారా అందవిహీనంగా కనిపిస్తామని అభద్రతా భావానికి లోనవుతున్నారు. లావుగా ఉన్నా, సన్నగా ఉన్నా ఆరోగ్యంగా ఉండడమే ముఖ్యం..!’ అంటూ తన మాటలతోనూ అందరిలో స్ఫూర్తి నింపుతోన్న స్వీటీ ‘ఫ్యాట్‌ టు ఫిట్‌’ స్టోరీ ఏంటో ఆమె మాటల్లోనే విందాం రండి..

Know More

women icon @teamvasundhara

నేనింత నాజూగ్గా ఉండడానికి కారణమదే!

కాలేజీ రోజుల్లో తరచూ ఫ్రెండ్స్‌తో కలిసి బయటికి వెళ్లడం, ముందు-వెనకా ఆలోచించకుండా నచ్చిన ఆహారం తినేయడం, తద్వారా బరువు పెరగడం.. ఈ అనుభవాలన్నీ మనలో చాలామందికి ఎదురయ్యే ఉంటాయి. కేవలం మీకే కాదు.. మీతో పాటు నాకూ ఇలాంటి బోలెడన్ని జ్ఞాపకాలున్నాయంటోంది ముంబయి మిల్కీ బ్యూటీ హన్సిక మోత్వాని. చిన్నతనం నుంచి ఎంతో ముద్దుగా, కాస్త బొద్దుగా ఉండే ఈ ముద్దుగుమ్మ.. పెద్దయ్యాక ఫ్రెండ్స్‌తో కలిసి బయటికి వెళ్లినప్పుడల్లా ఏదో ఒక చిరుతిండి తినడానికే ఇష్టపడేదాన్నని, ఈ అలవాటే ఆ సమయంలో తనను కాస్త బబ్లీగా కనిపించేలా చేసిందని అంటోంది. పలు బాలీవుడ్‌ సినిమాల్లో బాలనటిగా మెప్పించిన హన్సిక.. తెలుగులో ‘దేశముదురు’ సినిమాతో వెండితెరపై హీరోయిన్‌గా తొలిసారి మెరిసింది. ఆపై ‘కంత్రి’, ‘మస్కా’, ‘బిల్లా’, ‘కందిరీగ’.. వంటి చిత్రాల్లో నటించి తెలుగులో టాప్‌ హీరోయిన్లలో ఒకరిగా గుర్తింపు సంపాదించింది. హీరోయిన్‌గా మనకు పరిచయం కాకముందు కాస్త చబ్బీగా ఉండే ఈ ముద్దుగుమ్మ.. ఇక తెర ముందుకొచ్చాక మాత్రం తన ఫిజిక్‌ను ఫిట్‌గా ఉంచుకుంటూ.. సక్సెస్‌ఫుల్‌గా ముందుకు దూసుకుపోతోంది. ఇలా తాను ఇంత ఫిట్‌గా, నాజూగ్గా ఉండడం వెనుక తాను పాటించే కఠినమైన డైట్‌, వ్యాయామ నియమాల పాత్ర ఎంతో ఉందంటోందీ మిల్కీ గర్ల్‌. మరి, చక్కటి శరీరాకృతితో నేటి తరం అమ్మాయిలకు ఫిట్‌నెస్‌ పాఠాలు నేర్పుతోన్న ఈ ముంబయి బ్యూటీ ‘ఫ్యాట్‌ టు ఫిట్‌’ జర్నీ ఏంటో తన మాటల్లోనే వినేద్దాం రండి..

Know More

women icon @teamvasundhara

చబ్బీ అలియా స్లిమ్‌గా ఎలా మారిందో తెలుసా?

నచ్చిన కెరీర్‌ని ఎంచుకొని అందులో సక్సెస్‌ సాధించడానికి ఎంతటి కష్టాన్నైనా ఇష్టంగా మార్చుకునే వారు మనలో ఎందరో! ఈ జాబితాలో తాను కూడా ఉన్నానంటోంది బాలీవుడ్‌ యంగ్‌ అండ్‌ డైనమిక్‌ హీరోయిన్‌ అందాల అలియా భట్‌. సినీ నేపథ్యమున్న కుటుంబంలో పుట్టిపెరిగిన ఈ బాలీవుడ్‌ అందం.. తానూ నటిగా కెరీర్‌ను ప్రారంభించాలని ఉవ్విళ్లూరింది. అయితే అది తను అనుకున్నంత సులభం కాలేదు. సినీ వారసురాలే అయినా ఆ సమయంలో తనను తాను నిరూపించుకోవడానికి తన అధిక బరువే అడ్డుగోడగా నిలిచింది. అలాగని అక్కడితో రాజీ పడలేదామె. ఎలాగైనా సరే.. బబ్లీ గర్ల్‌గా ఉన్న తాను స్లిమ్‌ గర్ల్‌గా మారి సినిమాల్లోకి అడుగుపెట్టాలనుకుంది. అందుకోసం తనకెంతో ఇష్టమైన ఆహార పదార్థాల్ని వదులుకోవడమే కాదు.. జిమ్‌లోనూ కఠినమైన కసరత్తులు చేసింది. దానికి ఫలితమే నటించిన తొలి చిత్రం ‘స్టూడెంట్‌ ఆఫ్‌ ది ఇయర్‌’ తన కెరీర్‌లోనే బిగ్‌ హిట్‌గా నిలవడం! చేసే పనిపై నిబద్ధత, పట్టుదల ఉంటే అందుకోసం ఎంతటి కష్టమైనా భరించేందుకు మనం ఆటోమేటిక్‌గా సిద్ధపడతాం.. అంటోంది అల్లూ బేబీ. మరి, కెరీర్‌ ప్రారంభించడానికి ముందు ఎంతో చబ్బీగా ఉండే అలియా.. తన తొలి సినిమా ఛాన్స్‌ కోసం ఎంతగా కష్టపడి బరువు తగ్గింది? ఈ క్రమంలో తాను పాటించిన డైట్‌, ఫిట్‌నెస్‌ సీక్రెట్స్‌.. వంటి విషయాలన్నీ తన ‘ఫ్యాట్‌ టు ఫిట్‌’ స్టోరీలో భాగంగా మనతో పంచుకోవడానికి ఇలా మన ముందుకొచ్చింది.

Know More

women icon @teamvasundhara

ఎంత ప్రయత్నించినా తగ్గలేదు.. అందుకే అప్పుడలా చేశా!

‘తెలుసునా.. తెలుసునా.. మనసుకీ తొలి కదలిక’ అంటూ కుర్రకారు మదిలో ప్రేమ గిలిగింతలు పెట్టిన గుజరాతీ బ్యూటీ నమిత. ‘సొంతం’ సినిమాతో సినీ పరిశ్రమకు పరిచయమైన ఈ అందాల తార.. ‘జెమిని’, ‘ఒక రాధ ఇద్దరు కృష్ణుల పెళ్లి’, ‘బిల్లా’.. వంటి సినిమాలతో మంచి గుర్తింపు సంపాదించుకుంది. అయితే కెరీర్‌లో మంచి దశలో ఉన్న సమయంలో అధికంగా బరువు పెరిగిపోవడంతో తనకు సినీ అవకాశాలు సన్నగిల్లాయని, దాంతో చాలా ఒత్తిడిని ఎదుర్కోవాల్సి వచ్చిందని ఒకానొక సందర్భంలో చెప్పుకొచ్చిందీ ముద్దుగుమ్మ. అయితే తన బరువును ఎలాగైనా తగ్గించుకోవాలని నిర్ణయించుకున్న ఈ బబ్లీ గర్ల్‌ అందుకోసం చక్కటి డైట్‌, వ్యాయామ నియమాలను పాటించానని, దాంతో కేవలం మూడంటే మూడు నెలల్లోనే దాదాపు 20 కిలోలు తగ్గానని చెబుతోంది. బరువు తగ్గాలని అనుకోవడం ఎంత సులభమో, తగ్గడం కోసం పడే కష్టం అంత పెయిన్‌ఫుల్‌గా ఉంటుందని.. అయితే బరువు తగ్గి స్లిమ్‌గా మారాలని బలంగా నిర్ణయించుకున్న వాళ్లకు ఈ కష్టం కూడా ఇష్టంగానే అనిపిస్తుందని తన వెయిట్‌ లాస్‌ సీక్రెట్స్‌ పంచుకోవడానికి ఇలా మన ముందుకొచ్చేసిందీ సూరత్‌ సుందరి. మరి, ఈ బొద్దుగుమ్మ ‘ఫ్యాట్‌ టు ఫిట్‌’ స్టోరీ ఏంటో ఆమె మాటల్లోనే వినేద్దాం రండి..

Know More

psychologist Ask Psychologist
‹ ²òŸ¿J.

నమస్తే మేడమ్‌.. మా బాబు వయసు 11 సంవత్సరాలు.. వాడు యూట్యూబ్‌లోనే ఎక్కువ సమయం గడుపుతున్నాడు. రోజుకి 5 నుంచి 6 గంటలు యూట్యూబ్‌లో గేమ్స్‌కి సంబంధించిన వీడియోలు, ఫన్నీ వీడియోలు చూస్తుంటాడు. ఆన్‌లైన్ క్లాసులు, ఉపయోగపడేవి చూడమని ఎన్ని సార్లు చెప్పినా అస్సలు వినడు. ఒక్కోసారి చిరాకు వచ్చేంత వరకు ఫోన్‌ చూస్తుంటాడు. ఎంత సున్నితంగా, అర్థమయ్యేలా చెప్పినా యూట్యూబ్‌ చూడడం మాత్రం మానడం లేదు. బయటికి వెళ్లినప్పుడు స్నేహితులతో బాగానే ఆడుకుంటాడు. కానీ, ఇంటికి రాగానే ఫోన్ పని మీదనే ఉంటాడు. దీనివల్ల చదువులో వెనకపడతాడేమో.. వాడిలో సహనం తగ్గిపోతుందేమో అని భయంగా ఉంది. ఏదైనా సలహా ఇవ్వగలరు. - ఓ సోదరి

వాస్తవ ప్రపంచం నుంచి దూరంగా తీసుకెళ్లే ఈ అంతర్జాలాన్ని సాధ్యమైనంత వరకు నియంత్రించడానికే ప్రయత్నించాలి. ఎక్కువ సమయం యూట్యూబ్‌లో గడపడం అనేది నియంత్రించాల్సిన విషయమే. దీనిని ప్రారంభ దశలోనే నియంత్రించలేకపోతే ఒక అలవాటుగా మారే అవకాశం లేకపోలేదు. ఆ తర్వాత బాధపడి కూడా ప్రయోజనం ఉండదు.
మీ అబ్బాయికి ఇతర ఆసక్తికరమైన ఆంశాలు ఏవైనా ఉన్నాయేమో ఆలోచించండి. దానివల్ల అంతర్జాలం నుంచి దృష్టిని మరల్చే అవకాశం ఉంటుంది. అతను స్నేహితులతో బాగానే ఆడుకుంటాడు అని చెప్పారు. కాబట్టి స్నేహితులు, తోబుట్టువులతో ఎక్కువ సేపు ఆడుకునేలా చేయండి. అలాగే అతని ఆలోచనలు సానుకూల మార్గంలోకి మళ్లించే ప్రయత్నం చేయండి. ఈ క్రమంలో మీరు అతనితో అనునయంగా మాట్లాడాలి తప్పితే, కఠినంగా వ్యవహరించకూడదు. అలాగే అతని నుంచి బలవంతంగా ఫోన్‌ లాక్కోవడం, తిట్టడం, కొట్టడం వంటివి చేయకండి. దీనివల్ల అతనిలో మొండితనం పెరిగే అవకాశం ఉంటుంది.

ఏదైనా సరే- ఒకే పనిని ఎక్కువసేపు చేస్తే సమయం వృధా అవుతుంది.. కాబట్టి అతనికి టైమ్‌ మేనేజ్‌మెంట్‌ గురించి తెలియజేయండి. ఉదాహరణకు హోమ్‌ వర్క్‌కి ఇంత సమయం, అంతర్జాలానికి ఇంత సమయం, ఆటలకు ఇంత సమయం, కుటుంబంతో గడపడానికి ఇంత సమయం.. అంటూ కేటాయించండి. అలాగే మీరు కూడాటీవీ, ఫోన్ లతో అధిక సమయం గడపకుండా అతనికి సహకరించండి. ఇలాంటి విషయాల్లో మీరు అతనికి ఒక ఉదాహరణగా నిలబడగలిగితే కొంత మార్పు వచ్చే అవకాశం ఉంటుంది.

అయితే ఒక్క విషయం.. రాత్రికి రాత్రి ఒక్కసారిగా అతనిలో మార్పు రావాలని ఆశించకండి.. క్రమేపీ మార్పు రావడానికి దశలవారీగా ప్రయత్నం చేయండి. అలాగే విషయ పరిజ్ఞానం ఉన్న స్నేహితులతో అతనికి సాన్నిహిత్యం పెరిగే విధంగా చూసుకోండి. అలాంటప్పుడు వాస్తవం నుంచి తప్పించుకోకుండా ధైర్యంగా ఎలా ఉండాలో అతనికి అర్ధమవుతుంది.
0 Likes
Know More

Movie Masala