దేశవ్యాప్తంగా కరోనా మహమ్మారి కరాళ నృత్యం చేస్తోంది. దీనివల్ల ఆసుపత్రులు కరోనా రోగులతో నిండిపోతున్నాయి. అదే సమయంలో చాలామంది ఆసుపత్రుల్లో బెడ్లు లభించక ఇబ్బంది పడుతున్నారు. ఈ సమస్యకు పరిష్కార మార్గంగా ‘ఐఐఎంయుఎన్‌’ అనే విద్యార్థుల బృందం ‘ఫైండ్‌ ఏ బెడ్‌’ అనే కార్యక్రమాన్ని చేపట్టింది. ఈ సంస్థను యువతే ముందుండి నడిపిస్తోంది. అందుకే ఈ కార్యక్రమానికి ‘యువత ద్వారా.. దేశం కోసం’ (By the Youth, For the Country) అనే ట్యాగ్‌లైన్‌ని జోడించారు. 160 పట్టణాల్లో ఉన్న దాదాపు 20 వేల మంది విద్యార్థులు ఈ కార్యక్రమాన్ని ప్రారంభించారు. ఈ కార్యక్రమంలో భాగంగా www.Findabed.in అనే వెబ్‌సైట్‌ని రూపొందించారు. ఈ వెబ్‌సైట్‌లో హాస్పిటల్‌ నంబర్లు, బెడ్ల వివరాలు, క్వారంటైన్‌ సెంటర్ల వివరాలు ఉన్నాయి.

అందాల తార సన్నీ లియోని తన తాజా ఫొటోలను పోస్ట్‌ చేసింది. ఈ సందర్భంగా ‘కొవిడ్‌-19పై పోరాటాన్ని సాగిద్దాం.. వ్యాక్సిన్‌ తీసుకోవాల్సిన సమయం వచ్చింది. మీరు, మీ కుటుంబ సభ్యులు వ్యాక్సిన్‌ తీసుకోండి. తద్వారా ప్రతి ఒక్కరికీ, ముఖ్యంగా కరోనా ముందు నిలబడి యుద్ధం చేస్తోన్న ఫ్రంట్‌లైన్‌ వారియర్స్‌కి మీరు సహాయం చేసిన వారవుతారు’ అని రాసుకొచ్చింది.

టాలీవుడ్‌ నటి రేణూ దేశాయ్‌ మాస్క్‌ పెట్టుకుని ఏదో ఆలోచిస్తున్నట్టుగా దిగిన ఫొటోని పోస్ట్‌ చేసింది. ఈ సందర్భంగా ‘‘వెళ్లిపో కరోనా వెళ్లిపో’ అని మనసులో అనుకుంటున్నాను. నాకు తెలిసి ఈ సమయంలో చాలామంది ఇలానే అనుకుంటూ ఉండచ్చు. ఈ మహమ్మారి మనల్ని ఎప్పుడు వదిలిపెడుతుందో? అందరూ జాగ్రత్తగా ఉండండి.. వీలైతే ఇంటి దగ్గరే ఉండడానికి ప్రయత్నించండి’ అని రాసుకొచ్చింది.

అందాల తార తాప్సీ బ్యాట్‌ పట్టుకున్న ఫొటోని పోస్ట్‌ చేసింది. ఈ సందర్భంగా ‘కొంతమంది మీపై రాళ్లు విసురుతుంటారు.. మీరు వాటిని మైలురాళ్లుగా మలుచుకోవాలి’ అంటూ సచిన్ తెందూల్కర్ కొటేషన్‌ని రాసుకొచ్చింది.

నటి హరితేజ తన మెటర్నిటీ ఫొటోషూట్‌కి సంబంధించిన ఫొటోలను అభిమానులతో పంచుకుంది. ఈ సందర్భంగా ‘సడన్‌గా నువ్వే నాకు అన్నీ అయిపోతున్నావు చిట్టీ.. లవ్‌ యూ’ అంటూ తల్లి కాబోతున్న ఆనందాన్ని మరోసారి అభిమానులతో పంచుకుంది.

అక్కినేని అమల-నాగార్జున దంపతులు మాల్దీవుల్లో విహరిస్తున్నారు. ఈ సందర్భంగా దిగిన కొన్ని ఫొటోలను ఆమె తన అభిమానులతో పంచుకుంది.

సూపర్‌ స్టార్‌ మహేష్‌ బాబు గారాల పట్టి సితార తన తాజా ఫొటోలను అభిమానులతో పంచుకుంది. ఈ సందర్భంగా ‘ప్రెట్టీగా అనిపిస్తోంది. ఫ్రు ఫ్రు డ్రస్సులకు నేను పెద్ద అభిమానిని కాను. కానీ ఈ డ్రస్సు బాగా నచ్చింది. చాలా తేలికగా ఉంది. ఫెయిరీ టేల్‌లోని యువరాణిలా ఉన్నాననిపిస్తోంది’ అని చెప్పుకొచ్చింది.

టాలీవుడ్‌ భామ మంచు లక్ష్మి తన కూతురు నిర్వాణతో కలిసి వ్యాయామం చేస్తోన్న వీడియోలను అభిమానులతో పంచుకుంది. ఈ సందర్భంగా ‘సోమవారాలప్పుడు వ్యాయామం చేయడానికి మరొకరు పుష్‌ చేయాల్సిన అవసరం లేదని ఈ మధ్యనే కనుగొన్నాను. ఎలానో తెలుసా? నాకు మంచి సపోర్టర్‌, వర్కౌట్‌ పార్టనర్‌ దొరికింది. నా నివీనే ఆ పార్టనర్‌. సోమవారం ఉదయం కలిసి వ్యాయామం చేయడమే మేము నేర్చుకొన్న కొత్త విషయం’ అంటూ చెప్పుకొచ్చింది.

ప్రపంచ కృతజ్ఞతా (గ్రాటిట్యూడ్) దినోత్సవం సందర్భంగా బాలీవుడ్ ముద్దుగుమ్మలు అనుష్కా శర్మ, శిల్పా శెట్టి ఇప్పటివరకు తమ జీవితంలో అండగా నిలిచిన కుటుంబ సభ్యులు, బంధుమిత్రులు, శ్రేయోభిలాషులందరికీ ఇన్‌స్టా వేదికగా కృతజ్ఞతలు తెలిపారు.

గాయని గీతామాధురి, యాంకర్‌ శ్యామల కృష్ణాష్టమి సందర్భంగా తమ పిల్లలను కృష్ణుని గెటప్‌లో అందంగా ముస్తాబు చేశారు. ఈ సందర్భంగా ‘నా చిన్ని కృష్ణుడు’ అంటూ ఆ ఫొటోలను అభిమానులతో పంచుకున్నారు.

ఎన్నో ఆనందాల్ని మోసుకొచ్చే అమ్మతనం.. కొన్ని విషయాల్లో మాత్రం నేటి మహిళల్ని కలవరపాటుకు గురిచేస్తోంది. ప్రత్యేకించి కొంతమంది సెలబ్రిటీ మహిళల్ని... అది కూడా తమ వల్లో, తమ ఇంట్లో వాళ్ల వల్లో కాదు.. ముక్కూ మొహం తెలియని మూడో వ్యక్తి వల్లే! నిజానికి ఒక బిడ్డకు జన్మనిచ్చాక బరువు పెరగడం, ఒత్తిడి ఎదురవడం.. ఇవేవీ అమ్మలకు పెద్ద సమస్యగా అనిపించవు. కానీ తమ శరీరాకృతి గురించి, అందం గురించి సోషల్ మీడియాలో ఎవరో పెట్టే కామెంట్లే వారిని ఈ సమయంలో తీవ్ర ఒత్తిడికి గురి చేస్తున్నాయనడంలో ఎలాంటి సందేహం లేదు. తానూ అలాంటి ప్రతికూల పరిస్థితుల్ని ఎదుర్కొన్నానని చెబుతోంది బాలీవుడ్‌ బుల్లితెర బ్యూటీ దీపికా సింగ్.