మన దేశంలో మెడిసిన్‌ కోర్సులకు ఉన్న డిమాండ్‌ గురించి ప్రత్యేకంగా చెప్పక్కర్లేదు. మంచి మెడికల్‌ కళాశాలలో సీటు సంపాదిస్తే..విద్యార్థుల బంగారు భవిష్యత్‌కు మార్గం సుగమమైనట్లే. అందుకే మెడిసిన్‌ ఎంట్రన్స్‌ పరీక్షల్లో మంచి ర్యాంకు కోసం ఎంతోమంది విద్యార్థులు కష్టపడుతుంటారు. ఈ క్రమంలో దేశ వ్యాప్తంగా ఎంబీబీఎస్‌, బీడీఎస్‌ కోర్సుల్లో (2020-21) ప్రవేశాల కోసం నిర్వహించిన జాతీయ అర్హత ప్రవేశ పరీక్ష (నీట్‌) ఫలితాలు తాజాగా విడుదలయ్యాయి. ఈ ఫలితాల్లో 720 మార్కులతో ఒడిషాకు చెందిన షోయబ్ అఫ్తాబ్‌ టాపర్‌గా నిలిచాడు. బాలికల విషయానికొస్తే దిల్లీకి చెందిన ఆకాంక్షా సింగ్‌ కూడా 720 మార్కులు సాధించినప్పటికీ రెండు ర్యాంకులో నిలిచింది. వయసులో ఆమె షోయబ్‌ కన్నా చిన్నది కావడంతో రెండో ర్యాంకుతోనే సరిపెట్టుకుంది. మరి ఆమెతో పాటు టాప్‌-10 ర్యాంకుల్లో నిలిచి సత్తా చాటిన కొందరి విద్యార్థినుల గురించి తెలుసుకుందాం రండి...

కరోనా కారణంగా క్రీడా టోర్నీలన్నీ వాయిదా పడ్డాయి. దీంతో మైదానం గడప తొక్కాల్సిన ఆటగాళ్లందరూ వరుసగా పెళ్లి పీటలెక్కుతున్నారు. లాక్‌డౌన్ సమయాన్ని చక్కగా సద్వినియోగం చేసుకుంటూ ఇటీవల భారత క్రికెట్‌ జట్టు స్టార్ స్పిన్నర్ యుజువేంద్ర చాహల్‌ తన ప్రేయసి ధనశ్రీ వర్మతో నిశ్చితార్థం జరుపుకొన్నాడు. తాజాగా యువ ఆల్‌రౌండర్, విజయ్‌ శంకర్‌ తనకు కాబోయే సతీమణి వైశాలీ విశ్వేశ్వరన్ తో ఉంగరాలు మార్చుకున్నాడు. ఈ క్రమంలో తమ నిశ్చితార్థానికి సంబంధించిన ఫొటోలను సోషల్‌ మీడియాలో షేర్‌ చేసుకున్నాడీ యంగ్‌ క్రికెటర్‌. ఈ సందర్భంగా త్వరలో పెళ్లిపీటలు ఎక్కబోతున్న విజయ్‌కు టీం ఇండియా క్రికెటర్లతో పాటు క్రికెట్ అభిమానులు, నెటిజన్లు అభినందనలు తెలుపుతున్నారు.

‘ఐ యామ్‌ సింగిల్‌ అండ్‌ రెడీ టు మింగిల్‌ ’...అని ‘భీష్మ...ది బ్యాచిలర్‌’ సినిమాలో పాట పాడుకున్నట్లుగానే టాలీవుడ్‌ హీరో నితిన్‌ పెళ్లిపీటలెక్కేశాడు. వేదమంత్రాల సాక్షిగా తన ప్రియురాలు షాలిని మెడలో మూడు ముళ్ళూ వేసి కొత్త జీవితంలోకి అడుగుపెట్టాడు. కొవిడ్‌ నిబంధనలు పాటిస్తూనే హైదరాబాద్‌లోని ఫలక్‌నుమా ప్యాలస్ వేదికగా వీరి వివాహం జరిగింది. తెలంగాణ జాగృతి అధ్యక్షురాలు కవిత, వరుణ్‌ తేజ్‌, సాయి ధరమ్‌ తేజ్‌ తదితర సెలబ్రిటీలు ఈ శుభకార్యానికి హాజరై నూతన వధూవరులకు శుభాకాంక్షలు తెలిపారు.

మిట్టమధ్యాహ్నం.. ఎండ మండిపోతోంది. హైదరాబాద్‌లో ఓ రహదారి. దానికి పక్కనే అపస్మారకస్థితిలో పడి ఉన్న ఓ యాభై ఏళ్ల మహిళ. అదే సమయంలో అటుగా వెళుతున్న జీహెచ్‌ఎంసీ సిబ్బంది దృష్టి ఆమెపై పడింది. తమవెంట తీసుకెళ్లారు. ఇంకోరోజు ఇద్దరు చిన్నారులు రోడ్డుపై బిక్కుబిక్కుమంటూ కనిపించారు. తినడానికి ఏమైనా దొరక్కపోతుందా అని ఆశగా ఎదురుచూస్తున్నారు. వారినీ చేరదీశారు. లాక్‌డౌన్‌ వేళ.. ఏ దిక్కూ లేకుండా పడిగాపులు కాస్తున్న ఎందరినో ఆదుకుంటున్నారు జీహెచ్‌ఎంసీ మహిళా ఉద్యోగుల బృందం..

2015 క్రికెట్‌ వరల్డ్‌ కప్‌! సిడ్నీ క్రికెట్‌ గ్రౌండ్‌లో ఆస్ర్టేలియా, భారత్‌ జట్ల మధ్య సెమీస్‌ మ్యాచ్‌ జరుగుతోంది.. భారత క్రికెట్‌ అభిమానుల ఆశలన్నీ స్టార్‌ క్రికెటర్‌ విరాట్‌ కోహ్లీ పైనే ఉన్నాయి! అయితే వారి ఆశలపై నీళ్లు చల్లుతూ కేవలం ఒక్క పరుగుకే పెవిలియన్‌ చేరుకున్నాడు విరాట్‌! ఆ మ్యాచ్‌లో భారత జట్టు 95 పరుగుల తేడాతో ఓటమి పాలైంది..! భారత ఆటగాళ్ల సమష్టి వైఫల్యమే ఈ పరాజయానికి కారణమని క్రీడా పండితులు కూడా విశ్లేషించారు. కానీ అనుష్క కారణంగానే కోహ్లీ త్వరగా ఔటయ్యాడని, అందుకే భారత జట్టు పరాజయం మూటగట్టుకుందని చాలామంది ఆమెను ఆడిపోసుకున్నారు. ఈ సందర్భంలోనే కాదు.. కోహ్లీ క్రికెట్‌లో ఫెయిలయినప్పుడల్లా చాలామంది అనుష్కనే బాధ్యురాలిని చేస్తూ విమర్శలు గుప్పించారు. ఈక్రమంలో భర్త వైఫల్యానికి భార్యను ఎలా బాధ్యురాలిని చేస్తారు అని ప్రశ్నిస్తోంది టెన్నిస్‌ స్టార్ సానియా మీర్జా.

కరోనా బారి నుంచి తమను తాము కాపాడుకునే క్రమంలో కోట్లాది మంది ప్రజలు ఇళ్లకే పరిమితమయ్యారు. ఇదే సమయంలో ఈ ప్రమాదకర వైరస్‌ను కట్టడి చేసేందుకు ఎంతోమంది వైద్య సిబ్బంది యుద్ధవీరుల్లా ముందుండి పోరాడుతున్నారు. రోగుల నుంచి వైరస్ సోకే ప్రమాదం ఉన్నప్పటికీ వృత్తి ధర్మానికే ఓటేస్తూ మరీ వైద్య సేవలు అందజేస్తున్నారు. ఓవైపు ఒంటిపై నున్న పీపీఈ కిట్లు ఊపిరాడనివ్వకున్నా తమ వైద్యంతో కరోనా బాధితులకు ఊపిరి పోస్తున్నారు. నెలల తరబడి కుటుంబ సభ్యులకు దూరంగా ఉంటూ విపత్కర పరిస్థితుల్లోనూ వెలకట్టలేని సేవలు అందిస్తున్నారు. ఈక్రమంలో ‘వైద్యో నారాయణో హరి’ అనే మాటలను నిజం చేసిన ఈ డాక్టరమ్మలు ఎలాంటి మన్ననలు అందుకున్నారో తెలుసుకుందాం రండి!

చూడగానే ఆకట్టుకునే అందం...అరుదైన నైపుణ్య ప్రతిభ ... వీటికి తోడు కొంచెం స్మార్ట్‌నెస్‌ కలగలిస్తే చాలు సామాన్యులైనా స్టార్‌ సెలబ్రిటీలుగా మారిపోవాల్సిందే. అందుకేనేమో ప్రజలు కూడా వీరి ప్రతిభను మెచ్చుకుంటూ పట్టం కడుతున్నారు. ఈక్రమంలో తాజాగా 2019 సంవత్సరానికి గాను ‘హైదరాబాద్‌ టైమ్స్‌ మోస్ట్‌ డిజైరబుల్‌ విమెన్‌’ జాబితా విడుదలైంది. టాలీవుడ్‌ బ్యూటీ అక్కినేని సమంత ఈ జాబితాలో అగ్రస్థానం దక్కించుకోవడం విశేషం. మరి సమంతతో పాటు ఈ లిస్ట్‌లో చోటు సంపాదించిన ఆ స్టార్‌ సెలబ్రిటీలెవరో ఓ సారి చూద్దాం రండి..!

‘కొవిడ్‌-19’ గా పేరు మార్చుకున్న కరోనా వైరస్‌ ప్రపంచ దేశాలను వణికిస్తోన్న సంగతి తెలిసిందే. ఇప్పటికే 3వేలమందిని పైగా బలి తీసుకున్న ఈ వైరస్‌ సుమారు 60 దేశాలకు వ్యాపించింది. తాజాగా భారతదేశంలోనూ ఈ కేసులు నమోదవుతున్నాయి. ఇక హైదరాబాద్‌లోనూ ఒక కొవిడ్‌ కేసు వెలుగుచూసింది. దుబాయి నుంచి బెంగళూరు మీదుగా నగరానికి వచ్చిన ఓ సాఫ్ట్‌వేర్‌ ఇంజినీర్‌కు ఈ వైరస్‌ సోకినట్లు నిర్ధరణ కావడంతో తెలుగు రాష్ట్రాల ప్రజలు ఆందోళన చెందుతున్నారు. ఈ క్రమంలో ఈ వ్యాధి లక్షణాలు, తీసుకోవాల్సిన జాగ్రత్తలపై సోషల్‌ మీడియా వేదికగా అవగాహన కల్పించింది మెగాస్టార్‌ కోడలు కొణిదెల ఉపాసన.