గర్భం ధరించిన క్షణం నుంచి నెలలు నిండుతున్న కొద్దీ కాబోయే అమ్మగా ప్రతి క్షణాన్నీ మహిళలు ఎలా ఆస్వాదిస్తారో.. తమకు పుట్టబోయే చిన్నారిని ఎప్పుడెప్పుడు చేతుల్లోకి తీసుకుందామా అన్న ఉత్సాహం కాబోయే తండ్రుల్లో మిన్నంటుతుంది. ప్రస్తుతం విరుష్క జంట అలాంటి ఆనందోత్సాహాల్లోనే తేలియాడుతోంది. తాజాగా బాలీవుడ్‌ అందాల తార అనుష్కా శర్మ పండంటి ఆడపిల్లకు జన్మనిచ్చింది. దీంతో తండ్రిగా ప్రమోషన్‌ పొందిన విరాట్‌ ఈ ఆనందకరమైన క్షణాన్ని సోషల్‌ మీడియా వేదికగా అభిమానులతో పంచుకున్నాడు. ‘బుజ్జాయి రాకతో మా జీవితాల్లో కొత్త అధ్యాయం మొదలైంది’ అంటూ పట్టరానంత సంతోషంలో మునిగి తేలుతున్నారీ లవ్లీ కపుల్.

తమకు పుట్టబోయే బుజ్జి పాపాయిని వూహించుకోవడం, ఎప్పుడెప్పుడు తమ ముద్దుల చిన్నారిని చేతుల్లోకి తీసుకుందామా అని ఆత్రంగా ఎదురుచూడడం... ఇలా ప్రతిక్షణం పుట్టబోయే బిడ్డ ఆలోచనల్లోనే గడపడం తల్లయ్యే ప్రతి మహిళకు సహజమే. మరికొన్ని రోజుల్లో తమ గారాల పట్టిని ఈ లోకంలోకి తీసుకురాబోతున్న అనుష్కా శర్మ కూడా ప్రస్తుతం ఇంతకు మించిన ఆనందంలో తేలియాడుతోంది. తాను త్వరలో తల్లిని కాబోతున్నానని ప్రకటించిన మరుక్షణం నుంచే ఆ మధుర క్షణాలను ఫొటోల్లో బంధిస్తోన్న ఈ ముద్దుగుమ్మ... ఇటీవలే మెటర్నిటీ ఫొటోషూట్‌కు కూడా పోజిచ్చింది. అనంతరం ఆ మధురానుభూతుల్ని ఒక్కొక్కటిగా సోషల్‌ మీడియాలో పంచుకుంటూ తెగ మురిసిపోతోంది.

మరికొన్ని రోజుల్లో మొదటిసారి అమ్మగా ప్రమోషన్‌ పొందనుంది బాలీవుడ్‌ అందాల తార అనుష్కా శర్మ. ప్రస్తుత కరోనా ప్రతికూల పరిస్థితుల్లోనూ తగిన జాగ్రత్తలు తీసుకుంటూ.. నెలలు నిండుతున్నా

సామాజిక మాధ్యమాలు ప్రతి ఒక్కరి జీవితంలో ఎంత భాగమయ్యాయో ప్రత్యేకంగా చెప్పక్కర్లేదు. ఇక వెండితెరపై వెలిగిపోయే సెలబ్రిటీలకు తమ వృత్తితో పాటు సోషల్‌ మీడియా కూడా ముఖ్యమే. ఎందుకంటే తమను ఆరాధించే అభిమానులకు మరింత చేరువయ్యేందుకు సామాజిక మాధ్యమాలు వారధిగా ఉపయోగపడుతున్నాయి. తమ వృత్తిగత, వ్యక్తిగత విషయాలను ఈ వేదిక ద్వారానే ఫ్యాన్స్‌తో పంచుకుంటున్నారు. ఇదే సమయంలో తమ అభిమాన తారల గురించి తెలుసుకోవడానికి చాలామంది వారిని ఫాలో అవుతున్నారు. ఈక్రమంలో సోషల్‌ మీడియాలో హైపర్‌ యాక్టివ్‌గా ఉన్న శ్రద్ధా కపూర్‌ ఇన్‌స్టాగ్రామ్‌ ఫాలోవర్ల సంఖ్య తాజాగా 56.5 మిలియన్లకు చేరుకుంది. తద్వారా ఇన్‌స్టాగ్రామ్‌లో అత్యధిక ఫాలోవర్లు ఉన్న ఇండియన్‌ సెలబ్రిటీల్లో మూడో స్థానానికి చేరుకుందీ ముద్దుగుమ్మ.

మానవత్వానికి మచ్చ తెచ్చిన ‘నిర్భయ’ దోషులను ఉరితీశారు. ఆడపిల్లల భద్రతపై సందేహాలు రేకెత్తించిన ‘దిశా’ హత్యాచార దోషులను పోలీసులు ఎన్‌కౌంటర్‌ చేశారు. అయినా సమాజంలోని కొన్ని మానవ మృగాలు మారడం లేదు. మనిషి ముసుగు ధరించి విచ్చలవిడిగా తిరుగుతూ ఆడపిల్లలపై దారుణ హత్యాచారాలకు పాల్పడుతున్నాయి. సాటి మనిషి అన్న స్పృహ, కనికరం లేకుండా కర్కశంగా ప్రవరిస్తూ అమాయకపు అబలలను బలిగొంటున్నాయి. ఈ నేపథ్యంలో ‘నిర్భయ చట్టాలు’, ’పోలీసుల తూటాలు’ తమనేవీ భయపెట్టలేవంటున్న కొందరు ఉన్మాదుల చేతుల్లో మరో ‘నిర్భయ’ బలైపోయింది.

పెళ్లైందంటే చాలు.. కొత్త జంటకు ఎదురయ్యే మొదటి ప్రశ్న ‘నెక్స్టేంటి.. పిల్లల కోసం ఎప్పుడు ప్లాన్‌ చేసుకుంటున్నారు?’ అని! ఇక ఏళ్లు గడుస్తోన్న కొద్దీ తమకు పుట్టబోయే పిల్లల గురించి ఆ జంట కంటే బయటి వాళ్లకే ఆతృత ఎక్కువగా ఉంటుంది. సెలబ్రిటీ కపుల్‌ అనుష్కా శర్మ – విరాట్‌ కోహ్లీ కూడా తమకు ఇలాంటి ప్రశ్న ఎన్నిసార్లు ఎదురైందో వేళ్ల మీద లెక్కపెట్టలేమంటూ చాలా సందర్భాల్లో పంచుకున్నారు కూడా! ముఖ్యంగా సోషల్‌ మీడియాలోనే పదే పదే ఈ ప్రశ్న ఎదురవుతుందంటూ మొన్నటికి మొన్న అనుష్క కూడా నొక్కివక్కాణించిన సంగతి తెలిసిందే. అయితే ఇలా తమ అభిమాన జంట ఎప్పుడెప్పుడు తీపి కబురు చెబుతుందా అని ఆతృతగా ఎదురుచూస్తోన్న సమయంలో ఎట్టకేలకు ఆ తియ్యటి వార్తను అభిమానులతో పంచుకున్నాడు విరాట్‌. యస్‌.. త్వరలోనే తామిద్దరం ముగ్గురం కాబోతున్నామంటూ సోషల్‌ మీడియా వేదికగా పంచుకున్నాడీ టు-బి-డాడ్‌!

అసలు సిసలైన దాంపత్య బంధానికి నిలువెత్తు నిదర్శనంగా నిలుస్తుంటారు లవ్లీ కపుల్‌ విరాట్‌ కోహ్లీ - అనుష్కా శర్మ. కెరీర్‌ పరంగా ఇద్దరి దారులు వేరైనా.. ఒకరి వృత్తిని మరొకరు గౌరవించుకుంటూ ఇద్దరూ అన్యోన్యత అనే దారిలోనే ముందుకు సాగుతున్నారు.. కాబట్టే తమ అనుబంధంలోని మధురిమల్ని నిత్యనూతనం చేసుకుంటూ ఫ్యాన్స్‌కు దాంపత్య బంధంలోని పాఠాలు నేర్పుతున్నారు. దంపతులిద్దరూ ఎంత ఫ్రెండ్లీగా ఉంటే వారి మధ్య అనుబంధం అంత దృఢమవుతుందని ఇప్పటికే పలు సందర్భాల్లో నిరూపించిన ఈ ముద్దుల జంట.. తాజాగా మరోసారి అలాంటి సందేశాన్నే ఓ వీడియో ద్వారా చెప్పకనే చెప్పింది. వ్యక్తిగతంగా, వృత్తిపరంగానూ ఒకరి గురించి ఒకరికి ఎంత అవగాహన ఉందన్న విషయంపై వీరిద్దరూ కలిసి చేసిన ఓ వీడియో ప్రస్తుతం సోషల్‌ మీడియాలో ట్రెండ్‌ అవుతోంది. మరి, ఈ ఫన్‌ క్విజ్‌లో ఎవరు గెలిచారో? రండి.. చూద్దాం..!

దంపతులంటే ‘మేడ్‌ ఫర్‌ ఈచ్‌ అదర్‌’లా ఉండాలంటారు. మన సెలబ్రిటీ కపుల్‌ విరాట్‌ కోహ్లీ-అనుష్కా శర్మలను చూస్తే అచ్చం అలానే అనిపిస్తుంది. ఒకరి కోసం ఒకరు పుట్టారేమో అన్నంత అన్యోన్యంగా ఉంటారీ లవ్లీ కపుల్‌. అందుకే వీరికి ఫ్యాన్స్‌లో ప్రత్యేకమైన ఫాలోయింగ్‌ ఉంది. మరి, ఇంతకీ వీరి అన్యోన్యమైన దాంపత్యం వెనకున్న ఆ రహస్యమేంటో తెలుసా? అనుష్క ఇటీవలే తన ఇన్‌స్టాగ్రామ్‌ ఖాతా వేదికగా నిర్వహించిన ‘ఆస్క్‌ మీ ఎనీథింగ్‌’ సెషన్‌లో ఆ సీక్రెట్‌ గురించి బయటపెట్టింది. అంతేకాదు.. తన అభిమానులతో బోలెడన్ని విషయాల గురించి ముచ్చటించిందీ బ్యూటీ. మరి, ఆ విశేషాలేంటో మనమూ తెలుసుకుందాం రండి..

తల్లిదండ్రులవడం అనేది జీవితంలో ఒక మెట్టు పైకెక్కడం లాంటిది. అందుకే అమ్మానాన్నలుగా ప్రమోషన్‌ పొందిన దంపతులందరూ ఎనలేని ఆనందోత్సాహాలకు లోనవుతుంటారు. ప్రస్తుతం అలాంటి ఆనందంలోనే మునిగి తేలుతున్నారు హార్దిక్‌ పాండ్యా-నటాషా స్టాంకోవిచ్. మెటర్నిటీ ఫొటోషూట్ లో భాగంగా ఇటీవలే ఎంతో సంతోషంగా ఫొటోలు తీయించుకున్న ఈ సెలబ్రిటీ కపుల్‌ ఇంట్లోకి ఓ పండంటి బాబు అడుగుపెట్టాడు. ఈ క్రమంలో సోషల్‌ మీడియా వేదికగా తన సంతోషాన్ని షేర్‌ చేసుకున్నాడు హార్దిక్‌. చిన్నారి చేతిని పట్టుకుని ఉన్న ఫొటోను ఇన్‌స్టా వేదికగా పంచుకుంటూ ‘మేం తల్లిదండ్రులయ్యాం. మాకు బాబు పుట్టాడు’ అని చెప్పుకొచ్చాడు.

‘ప్రతి పురుషుని విజయం వెనుక ఓ మహిళ ఉంటుంది’.. అన్నట్లు తన సతీమణి అనుష్కే తన సక్సెస్‌ సీక్రెట్‌ అని ఇప్పటికే ఎన్నో సందర్భాల్లో చెప్పుకొచ్చాడు విరాట్‌ కోహ్లీ. పెళ్లి కాక ముందు దుందుడుకు స్వభావంతో ఎన్నో విమర్శలు ఎదుర్కొన్న ఈ స్టార్‌ క్రికెటర్‌...అనుష్కతో జీవితం పంచుకున్నాక ఎంతో ప్రశాంతంగా మారిపోయాడు. అంతర్జాతీయ క్రికెట్‌లో ఓ ఆటగాడిగానే కాకుండా, ఇండియన్‌ క్రికెట్‌ టీం కెప్టెన్‌గా ఎన్నో రికార్డులు సృష్టిస్తున్న విరాట్... తాజాగా మరోసారి తన సతీమణిపై ప్రశంసల వర్షం కురిపించాడు. ‘తను నా బెటర్‌హాఫ్‌ అయినందుకు తాను ఎంతో అదృష్టవంతుడిన’ని చెబుతున్న ఈ డ్యాషింగ్‌ క్రికెటర్‌ తన సక్సెస్‌ క్రెడిట్‌ మొత్తం అనుష్కదే అంటూ ఆకాశానికెత్తేశాడు. మరి... ఇంకా తన ముద్దుల భార్య గురించి విరాట్ ఏమన్నాడో తెలుసుకుందాం రండి...

ది మోస్ట్‌ లవ్లీ కపుల్‌ అనగానే మనందరికీ గుర్తొచ్చేది అనుష్కా శర్మ-విరాట్‌ కోహ్లీ. స్నేహంతో మొదలైన వీరి బంధం ప్రేమగా మారి, చివరికి పెళ్లి పీటలెక్కింది. వృత్తిపరంగా ఎంతో బిజీగా ఉండే ఈ జంట.. కాస్త ఖాళీ సమయం దొరికిందంటే చాలు రెక్కలు కట్టుకొని విహారయాత్రలకు వెళ్తుంటారు. వాటికి సంబంధించిన ఫొటోలను ఎప్పటికప్పుడు అభిమానులతో పంచుకోవడం ఈ జంటకు అలవాటు. ఇక లాక్‌డౌన్‌ కారణంగా ఇంటికే పరిమితమైన ఈ క్యూట్‌ కపుల్ తమ ఫొటోలను ఎప్పటికప్పుడు సోషల్‌ మీడియాలో అభిమానులతో పంచుకుంటున్నారు.