తామెలా ఉన్నామో చూసుకోకుండా ఇతరుల్ని కామెంట్‌ చేయడం, విమర్శించడం చాలామందికి అలవాటు. ఇలాంటివి ఎదుటివారిని బాధపెడతాయేమోనన్న కనీస ఆలోచన కూడా లేకుండా నోటికొచ్చినట్లు మాట్లాడుతుంటారు కొంతమంది. సోషల్‌ మీడియాలోనైతే ఇలాంటి ట్రోలింగ్‌కి హద్దే ఉండదు. ఇక ఇలా తమపై వచ్చిన విమర్శల్ని పట్టించుకోకుండా వదిలేసే వారు కొందరైతే.. వాటి మూలంగా కలిగిన బాధతో డిప్రెషన్‌లోకి వెళ్లే వారు మరికొందరు. ఈ రెండో జాబితాలో తాను కూడా ఉన్నానంటోంది టాలీవుడ్‌ బ్యూటీ వితికా షేరు. గతేడాది ఓ రియాల్టీ షోలో పాల్గొన్న సమయంలో తనపై వచ్చిన ట్రోల్స్‌కి తట్టుకోలేకపోయానని, అవి క్రమంగా తనని కుంగదీశాయంటూ తన మనసులోని ఆవేదనను ఓ సుదీర్ఘ వీడియో రూపంలో పంచుకుందీ ముద్దుగుమ్మ. తనలాంటి పరిస్థితి మరెవరికీ రాకూడదనే ఉద్దేశంతో తాను రూపొందించిన ఈ వీడియోను తన యూట్యూబ్‌ ఛానల్‌లో పోస్ట్‌ చేయగా.. అది కాస్తా వైరల్‌గా మారింది.

లాక్‌డౌన్‌ కారణంగా సోషల్‌ మీడియా వినియోగం విపరీతంగా పెరుగుతోంది. అందరూ ఇంటికే పరిమితం కావడంతో స్మార్ట్‌ ఫోన్లను క్షణం కూడా వదలట్లేదు. సామాన్యుల నుంచి సెలబ్రిటీల వరకు అందరూ గత జ్ఞాపకాలతో పాటు, లాక్‌డౌన్‌లో దిగిన ఫొటోలను సోషల్‌ మీడియా వేదికగా పంచుకుంటున్నారు.

ప్రతి మనిషికి జీవితంలో ఎప్పటికీ మర్చిపోలేని ఏదో ఒక మధురానుభూతి ఉంటుంది. అది ఇతరులతో గడిపిన జ్ఞాపకం కావచ్చు.. లేదంటే మన మనసుకు నచ్చిన ప్రదేశంలో చేసిన ఎంజాయ్‌మెంట్‌ కావచ్చు..! అలా కొన్ని మధురమైన జ్ఞాపకాలు మన మనసు లోతుల్లో నిలిచిపోతాయి. అలాంటి అనుభూతులను ఎప్పుడు గుర్తుచేసుకున్నా మనసు ఆనందంతో ఉప్పొంగిపోతుంది. ఆ ప్రదేశాలకు మళ్లీ ఎప్పుడు వెళ్తామా అనిపిస్తుంటుంది.

తన అందం, అభినయంతో తెలుగు ప్రేక్షకుల మనసు దోచుకున్న కేరళ కుట్టి అనుపమా పరమేశ్వరన్‌. అటు తెలుగులోనే కాకుండా వరుస తమిళ, మలయాళ సినిమాల్లో నటిస్తూ బిజీగా ఉంటుందీ లవ్లీ బ్యూటీ. సోషల్‌ మీడియాలో యమ చురుగ్గా ఉండే ఈ ‘ప్రేమమ్‌’ బ్యూటీ తన లేటెస్ట్‌ ఫొటోలతో పాటు అప్పుడప్పుడూ క్రేజీ పోస్టులు పెడుతూ అభిమానులను అలరిస్తుంటుంది. ఈ క్రమంలో తాజాగా అను.. తన సోదరుడు అక్షయ్‌ పరమేశ్వరన్‌ పుట్టినరోజు సందర్భంగా ఒక ఫొటోని షేర్‌ చేసి బర్త్‌డే విషెస్‌ తెలిపింది. తన సోదరుడి వెనుక నిల్చొని ఆటపట్టిస్తున్నట్లుగా ఉన్న ఓ క్యూట్‌ పిక్‌ని ఇన్‌స్టాలో పంచుకుంటూ..‘హ్యాపీ బర్త్‌డే మంకీ (అక్షయ్‌ పరమేశ్వరన్‌).. నువ్విప్పుడు పెద్దవాడివయ్యావని నాకు తెలుసు.. కానీ నువ్వు కనే కలల్లో కూడా నన్ను ప్రేమించడం ఆపుతావనే ఆలోచన నీకు రానివ్వను..’ అంటూ తమ్ముడిపై తనకున్న ప్రేమను వ్యక్తం చేసిందీ అందాల అక్క.

యాంకర్‌గా, నటిగా ఎంతో బిజీగా ఉండే అనసూయ కాస్త సమయం దొరికిందంటే చాలు కుటుంబంతో కలిసి ఏదో ఒక ప్రదేశానికి వెళుతుంటుంది. తన విహార యాత్రకు సంబంధించిన ఫొటోలను సోషల్‌ మీడియాలో పోస్ట్‌ చేయడం అనసూయకు అలవాటు. ఈక్రమంలోనే ఇన్‌స్టాగ్రామ్‌లో పోస్ట్‌ చేసిన ఓ ఫొటో ఆకట్టుకుంటోంది. తను వెళ్లిన ప్రదేశం ఏంటో చెప్పక పోయినప్పటికీ ప్రకృతి రమణీయతతో ఉన్న ఆ ప్రదేశంలో తలకు క్యాప్‌, చేతులకు గ్లౌజ్‌లు పెట్టుకొని సరికొత్త లుక్‌లో దిగిన ఫొటోను పోస్ట్‌ చేసిన అను.. ‘తరచూ చేసే ప్రయాణాలు.. ఎప్పటికీ అద్భుతంగా ఉంటాయి’ అనే అర్థం వచ్చేలా క్యాప్షన్‌ను జోడించింది.

టాలీవుడ్‌ సెలబ్రిటీ జంట ‘వరుణ్‌ సందేశ్‌- వితికా షేరు’ ఈ ఏడాది తమ సంక్రాంతి పండగను ఎంతో సంబరంగా జరుపుకున్నారు. ఈ సందర్భంగా వీళ్లిద్దరూ కలిసి గడిపిన మధుర క్షణాలను ఫొటోల్లో బంధించి, వాటిని తాజాగా సోషల్‌ మీడియా ద్వారా అభిమానులతో పంచుకుంది వితిక. పండగ సందర్భంగా ఇద్దరూ ట్రెడిషనల్‌ దుస్తుల్లో ముస్తాబై, పల్లెటూరి వాతావరణంలో క్లిక్‌మనిపించిన ఈ ఫొటోల్లో చూడముచ్చటగా ఉన్నారీ లవ్లీ కపుల్‌. ఈ ఫొటోల్లోంచి ఓ అందమైన ఫొటోను పోస్ట్‌ చేస్తూ.. ‘నేనూ, మా ఆయన గారు..’ అంటూ సరదాగా రాసుకొచ్చిందీ బిగ్‌బాస్‌ బ్యూటీ.