వాతావరణంలో వచ్చే మార్పుల్ని మనమే తట్టుకోలేం.. అలాంటిది రోగ నిరోధక శక్తి తక్కువగా ఉండే చిన్నారులేం తట్టుకుంటారు? ఈ క్రమంలోనే జలుబు, దగ్గు,

దేవిక ప్రస్తుతం ఆరో నెల గర్భిణి. కరోనా కారణంగా రెగ్యులర్‌ చెకప్స్‌కి వెళ్లడానికి కూడా భయపడుతోందామె. అంతేకాదు.. ఇంట్లో ఉన్నా సరైన జాగ్రత్తలు తీసుకుంటూ, ఇమ్యూనిటీని పెంచే ఆహార పదార్థాల్ని తన మెనూలో భాగం చేసుకుంటోంది.

కాలాలు మారుతున్న కొద్దీ మనలో రోగనిరోధక వ్యవస్థ పనితీరు మందగించి పలు అనారోగ్యాలు తలెత్తడం సహజం. అయితే ఆయా కాలాల్లో వచ్చే వాతావరణ మార్పులకు మన శరీరం అలవాటు పడడానికి కొంత సమయం పట్టడమే అందుకు కారణం. ముఖ్యంగా శీతాకాలంలో వాతావరణ ప్రభావం మన ఆరోగ్యంపై తీవ్రంగానే ఉంటుంది. ఈ క్రమంలో జలుబు, దగ్గు, ఆస్తమా.. వంటి శ్వాసకోశ సంబంధిత సమస్యల దగ్గర్నుంచి చర్మం పొడిబారడం, జుట్టు రాలిపోవడం.. వంటి సౌందర్య సమస్యల దాకా పలు రకాల అనారోగ్యాలు ఇబ్బంది పెడుతుంటాయి. దీనికి తోడు ప్రస్తుత పరిస్థితుల్లో కరోనా కూడా మన రోగనిరోధక వ్యవస్థపై ప్రతికూల ప్రభావం చూపేందుకు రడీగా ఉంది. మరి, ఇలాంటి సమయంలో మన ఆరోగ్యాన్ని సంరక్షించుకోవడమంటే కత్తి మీద సామే అని చెప్పాలి.

కంటికి కనిపించకుండా, లక్షణాలు తెలియనివ్వకుండా ప్రపంచాన్ని పట్టి పీడిస్తోంది కరోనా మహమ్మారి. దీని బారిన పడకుండా ఉండేందుకు శతవిధాలా ప్రయత్నించినా కొంతమందిలో ఇది బయటపడుతూ కలవరపెడుతోంది. తనకూ ఇలాంటి అనుభవమే ఎదురైందంటోంది ముంబయికి చెందిన మేఘన. ముందు నుంచీ అన్ని జాగ్రత్తలు తీసుకున్నప్పటికీ ఎందుకైనా మంచిదని పరీక్ష చేయించుకుంటే పాజిటివ్‌గా తేలిందని చెబుతోందామె. అంతేకాదు.. కరోనా నుంచి కోలుకునే క్రమంలో తన జీవనశైలిలో ఎన్నో మార్పులొచ్చాయని.. ఆరోగ్యకరమైన అలవాట్లు, సానుకూల దృక్పథం ఉంటే కరోనాను సులభంగా జయించచ్చంటూ తన కొవిడ్‌ స్టోరీని ఇలా పంచుకుంది.

ఏదైనా పండగొచ్చిందంటే చాలు.. మనలో చాలామంది ఉపవాసానికి ఉపక్రమిస్తుంటారు. అయితే వీరిలోనూ కొంతమంది చాలా నిష్ఠగా ఉండాలని రోజంతా ఏమీ తినకుండా కడుపు మాడ్చుకుంటుంటారు. నిజానికి ఉపవాసం పేరుతో అలా కడుపు మాడ్చుకోవడం వల్ల లేనిపోని అనారోగ్యాల బారిన పడతామంటున్నారు ప్రముఖ సెలబ్రిటీ పోషకాహార నిపుణురాలు నమామీ అగర్వాల్‌. నిర్ణీత వ్యవధుల్లో సాత్వికాహారం తీసుకుంటూ అటు శరీరానికి శక్తిని అందిస్తూనే, ఇటు ఆరోగ్యాన్నీ సొంతం చేసుకోవచ్చని చెబుతున్నారు. దసరా నవరాత్రోత్సవాలు ప్రారంభమైన సందర్భంగా ఈ తొమ్మిది రోజుల పాటు ఉపవాసం ఉంటూ అమ్మవారిని కొలిచే అతివల కోసం కొన్ని చిట్కాలను సైతం అందించారామె. మరి, నవరాత్రుల్లో ఆరోగ్యానికి లోటు లేకుండా, ఉత్సాహం తగ్గకుండా ఉపవాసం ఉండాలంటే నమామి ఏం చెబుతున్నారో తెలుసుకుందాం రండి..

రోజును ఉత్సాహంగా ప్రారంభించడానికి, పనులతో కలిగే అలసటను తీర్చుకోవడానికి, చదువుకునేటప్పుడు నిద్ర రాకుండా ఉండడానికి.. ఇలా ప్రతి సందర్భంలోనూ టీ లేదా కాఫీ తాగడం చాలామందికి అలవాటు. నిజానికి రోజుకు ఒకటి లేదా రెండు కప్పులైతే పర్లేదు కానీ కొంతమంది వీటిని మరీ ఎక్కువగా తీసుకుంటూ ఉంటారు. దీంతో వీటిలోని కెఫీన్‌ ఆరోగ్యంపై ప్రతికూల ప్రభావం చూపుతుంది. అందుకే వీటికి బదులుగా హెర్బల్‌ టీ తాగడం మేలని సలహా ఇస్తున్నారు నిపుణులు. ఆ కోవకు చెందిందే శంఖు పుష్పంతో చేసిన ఛాయ్‌ (బ్లూ టీ). ఇక ఈ టీతో ఆరోగ్యానికి బోలెడన్ని ప్రయోజనాలున్నాయని చెబుతోంది ఫిట్‌నెస్‌ ఫ్రీక్‌ అంకితా కొన్వర్‌. తాను ఈ బ్లూ టీ తాగుతోన్న ఫొటోను ఇటీవలే ఇన్‌స్టాలో పోస్ట్‌ చేస్తూ.. దాన్నెలా తయారు చేసుకోవాలి? ఇందులో దాగున్న ఆరోగ్య రహస్యాలేంటో సుదీర్ఘ పోస్ట్‌ రూపంలో రాసుకొచ్చింది మిసెస్‌ సోమన్.

కరోనా మహమ్మారి బారిన పడి దాన్నుంచి కోలుకున్నారంటే ప్రపంచాన్నే జయించినంతగా సంబరపడిపోతున్నారంతా! ఆ సంతోషంలోనే తమ కొవిడ్‌ అనుభవాలను పంచుకుంటూ నలుగురిలో ధైర్యం నింపుతున్నారు. బాలీవుడ్‌ అందాల తార మలైకా అరోరా కూడా ప్రస్తుతం అంతకుమించిన ఆనందంలోనే తేలియాడుతోంది. ఇందుకు కారణం ఆమె వైరస్‌ను జయించడమే! ఇంట్లోనే స్వీయ ఐసోలేషన్‌లో ఉంటూ చికిత్స పొందిన ఆమెకు తాజా పరీక్షల్లో నెగెటివ్‌గా తేలింది. దీంతో ఎన్నో రోజుల తర్వాత తన గది నుంచి బయటకొచ్చానంటూ విజయ దరహాసాన్ని ప్రదర్శిస్తోన్న ఫొటోను ఇన్‌స్టాలో పోస్ట్‌ చేసిందీ బాలీవుడ్‌ బేబ్‌. అంతేకాదు.. ఈ క్రమంలో తనకెదురైన అనుభవాలనూ సుదీర్ఘ పోస్ట్‌ రూపంలో రాసుకొచ్చింది మలైకా. మరి, ఈ ముద్దుగుమ్మ తన కొవిడ్‌ జర్నీ గురించి ఏం చెబుతోందో తెలుసుకుందాం రండి..

ఓ ప్రైవేటు కంపెనీలో ఉద్యోగం చేస్తోన్న మాయ ఇటీవలే కరోనా నుంచి కోలుకొని ఇంటికి చేరుకుంది. అయినా నీరసం, ఛాతీలో నొప్పి ఇంకా తనని వెంటాడుతూనే ఉన్నాయి. దియాకు ఎలాంటి లక్షణాలు లేకుండానే కరోనా పాజిటివ్‌ వచ్చింది. ప్రస్తుతం హోమ్‌ ఐసోలేషన్‌లో ఉంటూ చికిత్స తీసుకుంటోంది. అయితే ఇప్పుడిప్పుడే తనలో పొడిదగ్గు, గొంతునొప్పి.. లక్షణాలు కనిపిస్తుండడంతో తెగ కంగారు పడుతోంది.

ప్రస్తుత పరిస్థితుల్లో ఇంట్లో ఉన్నా, బయటికి వెళ్లినా కరోనా మహమ్మారి బారిన పడకుండా ఉండాలంటే మన వద్ద ఉన్న ఒకే ఒక్క ఆయుధం రోగనిరోధక శక్తి. దీన్ని మెరుగుపరచుకోవడానికే చాలామంది కషాయాలు తయారుచేసుకొని తాగడం, చక్కటి పోషకాహారం తీసుకోవడం, కొత్త వంటకాలు చేసుకొని తినడం.. ఇలా ఎవరికి తోచినట్లుగా వాళ్లు చేస్తున్నారు. అయితే కేవలం ఆహారంతోనే ఇమ్యూనిటీని పెంచుకోవచ్చా? అంటే.. దాంతో పాటు ఇంకా బోలెడన్ని అంశాలు ఇందుకు దోహదం చేస్తాయంటున్నారు ఆరోగ్య నిపుణులు. ముఖ్యంగా మనం అనుసరించే జీవనశైలి ప్రభావం కూడా రోగనిరోధక వ్యవస్థపై ఉంటుందంటున్నారు. అందుకే ఆరోగ్యకరమైన లైఫ్‌స్టైల్‌ని అనుసరించాలని సూచిస్తున్నారు. మరి, ఇంతకీ మన రోగనిరోధక వ్యవస్థను పటిష్ట పరిచే ఆ జీవనశైలి మార్పులేంటో తెలుసుకుందామా?!

కరోనా మహమ్మారి కారణంగా ఇప్పుడు ఎవరి నోటా విన్నా ఇమ్యూనిటీ జపమే. తినే పదార్ధాల దగ్గర్నుంచి వేసుకునే దుస్తుల దాకా ఇమ్యూనిటీని పెంచే వాటికి గిరాకీ పెరిగిపోతోంది. ఈ క్రమంలో ఇప్పుడు వ్యాధినిరోధక శక్తిని పెంచడానికి ఉపకరించే చీరలు కూడా రూపొందుతున్నాయట. పరోక్షంగా మన శరీరంలో రోగనిరోధక శక్తిని పెంచి వైరస్‌ ముప్పును తప్పించేలా మధ్యప్రదేశ్ చేనేత హస్తకళల అభివృద్ధి సంస్థ ఆధ్వర్యంలో ఈ చీరలు రూపుదిద్దుకుంటున్నాయట. అసలు చీర రోగనిరోధక శక్తిని పెంచడమేంటి? తెలుసుకోవాలంటే ఇది చదవాల్సిందే!

చిటపట చినుకులతో శరీరాన్ని పులకరింపజేసే వర్షాకాలమంటే చాలామంది అమ్మాయిలకు ఇష్టమే. అందుకే వర్షం పడుతోందంటే చాలు.. ఎక్కడున్నా వానలో తడుస్తూ చిందులేస్తుంటారు. అయితే ఈ కాలం ఇలా ఎంజాయ్‌మెంట్‌తో పాటు వివిధ రకాల వ్యాధుల్ని కూడా మోసుకొస్తుంది. అసలే ఈ సీజన్‌లో రోగనిరోధక శక్తి తక్కువగా ఉండడం వల్ల త్వరగా జబ్బు పడే ప్రమాదం ఎక్కువ. ఇక దీనికి తోడు ప్రస్తుతం కరోనా విలయ తాండవం చేస్తోంది. కాబట్టి ఈ సమయంలో చాలా అప్రమత్తంగా ఉండాలంటున్నారు మన మన అభిమాన యాంకర్లు ఝాన్సీ, అనసూయలు.

పండగంటేనే బోలెడన్ని పిండి వంటలు, నైవేద్యాలు. వాటిని తయారుచేసి దేవుడికి ఎప్పుడెప్పుడు నైవేద్యం పెడతామా.. మనమెప్పుడు లాగించే స్తామా అని ఎదురుచూస్తుంటాం. అలాంటి పిండి వంటల హడావిడి ‘వినాయక చవితి’తో మళ్లీ మొదలైంది. అయితే ఈ పండక్కి ఎప్పుడూ విభిన్న స్వీట్లు, మోదక్‌, ఉండ్రాళ్లు.. వంటివన్నీ తయారుచేసి ఆ బొజ్జ గణపయ్యను ప్రసన్నం చేసుకుంటుంటాం. అయితే ఈసారి కరోనా ప్రతికూల పరిస్థితులున్న నేపథ్యంలో చవితి నైవేద్యాల్లో కూడా రోగనిరోధక శక్తిని పెంచే వంటకాలకు ప్రాధాన్యమివ్వడం మంచిది. తద్వారా మనం కరోనా బారిన పడకుండా జాగ్రత్తపడడంతో పాటు ఆ పార్వతీ తనయుడి ఆశీస్సులు కూడా అందుకోవచ్చు. మరి, రోగనిరోధక శక్తిని పెంచే ఆ పిండి వంటలేంటో, వాటిని ఎలా తయారుచేయాలో తెలుసుకుందాం రండి..

రోగ నిరోధక శక్తి.. ప్రస్తుతం ప్రతి ఒక్కరూ దీని గురించే ఆలోచిస్తున్నారు. ఇమ్యూనిటీని పెంచుకునేందుకు వివిధ పదార్థాల్ని ఆహారంగా తీసుకుంటున్నారు. దీనికి సంబంధించిన మరిన్ని చిట్కాల గురించి ఇంటర్నెట్‌లో శోధిస్తున్నారు. బహుశా.. కరోనా వచ్చిన దగ్గర్నుంచి ఆన్‌లైన్‌లో ఎక్కువమంది వెతికిన అంశం ఏదని సర్వే చేస్తే రోగ నిరోధక శక్తి గురించే అని తేలడం ఖాయం. కరోనా వల్ల అంత పాపులరైందీ టాపిక్‌. నిజానికి మన భారతీయుల్లో రోగ నిరోధక శక్తి స్థాయులు ఎక్కువే! అయితే కరోనా రోజురోజుకీ తన రూపం మార్చుకొని విరుచుకుపడుతుండడంతో దానికి తగ్గట్లుగా ఇమ్యూనిటీ స్థాయులు పెంచుకొని కరోనా కొమ్ములు వంచడానికే ఈ ప్రయత్నమంతా..! అయితే మన శరీరంలో రోగ నిరోధక శక్తిని పెంచేందుకు వివిధ రకాల పదార్థాలను మనం రోజూ తీసుకుంటూనే ఉంటాం. కానీ వాటి రంగుల్ని మీరెప్పుడైనా సునిశితంగా పరిశీలించారా? ఇమ్యూనిటీని పెంచే చాలా రకాల కాయగూరలు, పండ్లు మన జెండా రంగుల్ని పోలి ఉంటాయన్న విషయం మీరెవరూ గమనించి ఉండరు కదా! అవును.. కాషాయం, తెలుపు, ఆకుపచ్చ.. ఇలా జెండా రంగుల్లో ఉన్న కాయగూరల్లో-పండ్లలో బోలెడన్ని పోషకాలు దాగున్నాయి. అవి మన రోగ నిరోధక శక్తినీ మెరుగుపరుస్తాయి. మరి, స్వాతంత్ర్య దినోత్సవం సందర్భంగా ఇమ్యూనిటీని పెంచే ఆ మువ్వన్నెల పదార్థాలేంటో తెలుసుకుందామా?

వైష్ణవికి ఇప్పుడు తొమ్మిదో నెల. ఈమధ్యే కాస్త జ్వరంగా ఉందంటూ కరోనా పరీక్షలు చేయించుకోగా తాజాగా ఆమెకు పాజిటివ్‌గా నిర్ధారణ అయింది. ప్రస్తుతం ఆస్పత్రిలో చికిత్స పొందుతోన్న ఆమెకు రేపో, మాపో డెలివరీ చేయడానికి ఏర్పాట్లు చేస్తున్నారు వైద్యులు. అయితే వైష్ణవి భయమంతా.. తన వల్ల తన బిడ్డకు ఎక్కడ వైరస్‌ సోకుతుందో, ప్రసవం తర్వాత తాను తన చిన్నారికి పాలివ్వచ్చో, లేదోనని! దివ్యత మూడు నెలల బాబుకు తల్లి. ఇటీవలే ఆమెకు ఎలాంటి లక్షణాలు లేకుండానే కరోనా పాజిటివ్‌ రావడంతో ఇంట్లోనే స్వీయ నిర్బంధంలో ఉంటూ చికిత్స తీసుకుంటోంది. అయితే ఈ క్రమంలో తన బాబుకు పాలు పట్టచ్చో, లేదో.. ఒకవేళ పడితే తన చనుబాల ద్వారా తన బిడ్డకు ఇన్ఫెక్షన్‌ ఎక్కడ సోకుతుందోనని విపరీతంగా భయపడిపోతోంది.

మారుతున్న కాలాన్ని బట్టి వాతావరణంలో మార్పులు చోటుచేసుకోవడం సహజమే. దానికి తగినట్లుగా మన శరీరాన్ని సిద్ధం చేసుకోకపోతే రోగనిరోధక శక్తి తగ్గిపోయి వివిధ రకాల వ్యాధులు చుట్టుముట్టే అవకాశం ఎక్కువ. పైగా ఇది వర్షాకాలం.. సీజనల్‌ వ్యాధులతో పాటు కరోనా మహమ్మారి ముప్పు కూడా ప్రస్తుతం చాలా ఎక్కువగా ఉంది. కాబట్టి ఈ వర్షాకాలానికి తగినట్లుగా మన శరీరాన్ని మార్చుకోవాల్సి ఉంటుంది. అందుకు ఐదు చిట్కాలు పాటించాలంటున్నారు ప్రముఖ పోషకాహార నిపుణురాలు రాధికా కర్లె. ఆహారం, ఆరోగ్యం, వ్యాయామం.. తదితర విషయాల్లో తరచూ సోషల్‌ మీడియాలో పోస్టులు పెడుతూ ఆరోగ్యాన్ని అందరికీ చేరువ చేసే ఈ న్యూట్రిషనిస్ట్‌.. వర్షాకాలంలో సంపూర్ణ ఆరోగ్యాన్ని సొంతం చేసుకోవాలంటే చేసుకోవాల్సిన ఐదు మార్పులేంటో ఇటీవలే ఇన్‌స్టా పోస్ట్‌ రూపంలో వివరించారు.

ప్రస్తుత పరిస్థితుల్లో కరోనా మహమ్మారి బారిన పడకుండా మనల్ని మనం కాపాడుకోవడం ఒకెత్తయితే.. సీజనల్‌ వ్యాధులు రాకుండా జాగ్రత్తపడడం మరో ఎత్తు. మరి, వీటిలో ఏ ఒక్కదాని చేతికీ చిక్కకుండా ఉండాలంటే మన దగ్గరే ఒక ఆయుధం ఉంది.. అదే రోగనిరోధక శక్తి. ప్రస్తుతం అందరూ ఇదే పనిలో ఉన్నారు. రోజువారీ తీసుకునే ఆహారం, విటమిన్‌ సప్లిమెంట్స్‌, చేసే వ్యాయామాల ద్వారా ఇమ్యూనిటీని పెంచుకోవడం పైనే దృష్టి పెట్టారంతా! ఈ క్రమంలోనే భారత ఆహార భద్రత, నాణ్యతా ప్రమాణాల సంస్థ (FSSAI) మన సంపూర్ణ ఆరోగ్యం కోసం ఎలాంటి ఆహార పదార్థాలు తీసుకోవాలో సూచిస్తూ ఎప్పటికప్పుడు మార్గదర్శకాలు జారీ చేస్తోంది. అలా తాజాగా విటమిన్‌-బి అధికంగా లభించే మొక్కల ఆధారిత ఆహార పదార్థాలేంటో తెలియజేస్తూ ట్విట్టర్‌ వేదికగా మరో పోస్ట్‌ పెట్టింది. అటు రోగనిరోధక శక్తిని పటిష్టపరచడానికి, ఇటు నాడీ వ్యవస్థ పనితీరును మెరుగుపరచడానికి.. ఇలా రెండు రకాలుగా ఈ ఆహార పదార్థాలు దోహదం చేస్తాయంటూ పోస్ట్‌లో భాగంగా చెప్పుకొచ్చిందీ సంస్థ.

అందరికంటే తానే అందంగా కనిపించాలని తాపత్రయపడని అమ్మాయి ఉంటుందా చెప్పండి? అందుకేగా బ్యూటీపార్లర్లకు పరుగులు పెట్టేది.. మార్కెట్లో లభించే ఎన్నో సౌందర్య ఉత్పత్తుల్ని వాడేది.. అంటారా? అయితే వాటివల్ల తాత్కాలిక అందమే తప్ప శాశ్వతమైన సౌందర్యం మన సొంతం కాదన్నది కాదనలేని వాస్తవం. ఇదే విషయాన్ని తన మాటల్లో చెబుతోంది బాలీవుడ్‌ బుల్లితెర తార జుహీ పర్మార్‌. అందానికైనా, ఆరోగ్యానికైనా ఇంటి చిట్కాలను మించినవి మరొకటి లేదంటోందీ బ్యూటీ. ఈ క్రమంలోనే #OrganicSecretsWithJuhiఅనే హ్యాష్‌ట్యాగ్‌తో పలు సౌందర్య చిట్కాలను పంచుకుంటోంది. అలా ఈ ముద్దుగుమ్మ పంచుకున్న చిట్కాలేంటో తెలుసుకుందాం రండి..

ప్రస్తుతం ప్రపంచమంతా ఏకఛత్రాధిపత్యం చెలాయిస్తోన్న కరోనా మహమ్మారికి మందు లేదు. ఇప్పటివరకు టీకా కూడా రాలేదు. ఇలాంటి పరిస్థితుల్లో ఈ మహమ్మారి బారిన పడకుండా ఉండాలంటే మన చేతిలో ఉన్న ఏకైక ఆయుధం రోగనిరోధక శక్తిని పెంచుకోవడం. అందుకే చాలామంది తమకు తెలిసిన ఇంటి చిట్కాలు పాటిస్తూ, తగిన జాగ్రత్తలు తీసుకుంటున్నారు. ఇక ఇమ్యూనిటీని పెంచుకోవడానికి చాలామంది సెలబ్రిటీలు కూడా తాము పాటిస్తోన్న చిట్కాలను సోషల్‌ మీడియా వేదికగా అందరితో పంచుకుంటున్నారు. ఈ క్రమంలోనే తాజాగా ప్రముఖ చెఫ్‌ అనహితా దోండే కూడా రోగనిరోధక శక్తిని పెంచుకోవడానికి ఉపయోగపడే ఓ అద్భుతమైన డ్రింక్‌ను, దాని రెసిపీని ఇన్‌స్టాలో వీడియో రూపంలో పంచుకున్నారు. అంతేకాదు.. రోజూ రెండుసార్లు ఈ పానీయం తాగడం వల్ల అద్భుతమైన ఫలితాలు సొంతమవుతాయంటున్నారామె. మరి, ఇంతకీ ఏంటా డ్రింక్‌? అదెలా తయారుచేస్తారు? తెలుసుకుందాం రండి..

కేక్స్‌ దగ్గర్నుంచి మిల్క్‌ షేక్స్‌ దాకా.. బిస్కట్స్‌ దగ్గర్నుంచి స్వీట్స్‌ దాకా.. ఇలా ఎందులోనైనా చాక్లెట్‌ ఫ్లేవర్‌ని కోరుకుంటున్నారు చాలామంది. ఇక అమ్మాయిలైతే చాక్లెట్‌ అంటే చెవి కోసుకుంటారనుకోండి. అందుకే వారికి అందించే బహుమతుల్లో చాక్లెట్‌ ముందు వరుసలో ఉంటుంది. మరి, ఇంతటి పాపులారిటీ సంపాదించుకున్న ఈ పదార్థం రుచిని ఆస్వాదించడమే తప్ప.. అసలు ఇదెక్కడ పుట్టింది? దీన్నెలా తయారుచేస్తారు? దీనివల్ల ఆరోగ్యానికి ఏమైనా ప్రయోజనాలున్నాయా? అని మీరెప్పుడైనా ఆలోచించారా? మరి అయితే ఆలస్యమెందుకు.. నేడు ‘ప్రపంచ చాక్లెట్‌ దినోత్సవం’ సందర్భంగా చాక్లెట్‌కు సంబంధించిన ఈ విశేషాలన్నీ తెలుసుకుందాం రండి..

కరోనా వచ్చిన దగ్గర్నుంచి అందరికీ వ్యక్తిగత పరిశుభ్రత, ఆరోగ్యంపై ఎక్కడ లేని శ్రద్ధ పెరిగిపోతోంది. ఈ మహమ్మారి బారిన పడకూడదని ప్రతి ఒక్కరూ రోగనిరోధక శక్తిని పెంచుకునే పనిలో పడ్డారు. ఎంత బిజీగా ఉన్నప్పటికీ ఉదయాన్నే ఏదో ఒక ఇమ్యూనిటీ డ్రింక్‌ తీసుకోనిదే బయట అడుగు పెట్టట్లేదు. మన ముద్దుగుమ్మలు సైతం తాము తీసుకునే ఇమ్యూనిటీ షాట్స్‌ గురించి సోషల్‌ మీడియా వేదికగా పంచుకుంటూ అందరిలో ఆరోగ్యం పట్ల స్పృహను మరింత రెట్టింపు చేస్తున్నారు. ఆ జాబితాలో తానూ ఉన్నానంటూ తాజాగా మన ముందుకొచ్చేసింది బాలీవుడ్‌ అందాల తార మలైకా అరోరా. వయసు పైబడుతున్నా వన్నె తరగని అందానికి, ఫిట్‌నెస్‌కు చిరునామాగా నిలుస్తోన్న ఈ ఫిట్టెస్ట్‌ బ్యూటీ.. తన ఆరోగ్య, ఫిట్‌నెస్‌ రహస్యాలను, తాను చేసే వ్యాయామాలకు సంబంధించిన వీడియోలను ఎప్పటికప్పుడు సోషల్‌ మీడియాలో పోస్ట్ చేస్తుంటుంది. ఈ క్రమంలోనే తాను ఉదయాన్నే తీసుకునే ఇమ్యూనిటీ డ్రింక్‌ గురించి వివరిస్తూ ఇన్‌స్టాలో తాజాగా ఓ వీడియో పోస్ట్‌ చేసిందీ యమ్మీ మమ్మీ.